رواية بعد أن فات الأوان الفصل الخامس بقلم جمانه السعيدي
ياسين.....امي ابد ما رجعت للبيت وخاصه بعد ماعرفت
جدي انجلط بسببها
كل كم شهر تتصل مره وحده تحجي وياا بيبي
وتسئلها على الوضع
ماكانت تعرف شكلي ولا تعرف اني باي صف صرت
اني ااخر اهتماماته مااعرف هيه ما تحبني
لو لان واثقه بيبي وجدي مهتمين بيه وما ناقصني شي
عايشها حياتها بلطول والعرض
ماكو رقيب ولا محاسب
اما اني كنت اطلع كل سنه من الاوائل وكل سنه اتكرم من كادر المدرسه
كل هذا بفضل بيبي وجدي
مهتمين بيه بشكل وأهم شي جاي يعلموني شلون اكون حريص على مستقبلي
الحد ما وصلت للجامعه انقبلت هندسه معماريه
وتخرجت من الاوائل
كل هذا الوقت امي كل فتره تزوج شخص وتنفصل عنه
مرات تبقى وياا سنتين او اتلاثه او خمسه
ويمكن كم شهر وتنفصل عنه
بعد تخرجي من الجامعه جدي قرر يفتحلي مكتب
هندسه
مو بس هاي
انطاني مشروع مربح بالاضافه للهندسه
اشتري بيوت وشقق وبعد فتره يصعد سعرهن وابيعهن
الفلوس كلها من جدي بس هذا مشروعي
جدي وضف كلشي يملكه حتى اطلع ناجح بحياتي
كان مساندني الاخر لحظه
اشتري حتى بيوت قديمه واصمم الها خارطه حلوه
ابنيها بعدين ارجع ابيعها
فتحت شركة مقاولات بالاضافه المكتب الهندسه شغلي جان بي بركه خير من الله
الرزق مفتوح عبالك عندي عصا سحريه
كل شغلي مدروس ومتقن الحد ما صارلي اسم بلسوك
بيوم اجاني للمكتب شخص معاق كاعد على كرسي وتدفعه بنيه شابه
البنيه تخبل عبالك لعابه سبحان الله ولا غلطه
كان عنده قطعة ارض يريد يبنيها
ابو رحمه....احنا سمعنا عن شغلك عدنا قطعة ارض
نريد نبنيها
ياسين...اهلا وسهلا ممكن اعرف شكد المساحه
ووالموقع
رحمه...من رخصتك ولو خاف تعتبر كلامي تدخل بشغلك
بس اني رسمت خارطة البيت
ياسين...انت مهندسه
رحمه....لا مو مهندسه بس اريد بيتنا يكون بي لمسه
خاصه
ياسين...باوعت عليها وبتسمت
ابو رحمه....رحمه تعجبك عدها ذوق وذكيه وشاطره
ياسين...يله ياست رحمه نشوف الخارطه
جمانه السعيدي
طلعت ورقه من جنطتها جانت راسمه عليها خارطه
وبدت تشرحلي
فعلا خارطه حلوه
رحمه....هاا شنو رائيك
ياسين...عاشت ايدج فعلا ذواقه
ابو رحمه....احنا نريد شركتكم تنفذ البناء
رحمه...بس اني اختار التفاصيل اريد نوع بيبان معين
واريد هذا الشباك اني مصورته
واريد الارضيه بيضه
واريد المدخل نفس هذا التصوير
ياسين...اكيد انتم الي راح تختارون تفاصيل البناء
على ذوقكم
ابو رحمه....اتفقنا احنا راح ندفع قسم من المبلغ
ومن يكمل البيت ندفع القسم الباقي
ياسين...ماكو مشكله يله نروح نشوف الكاع
ابو رحمه....يله يله بابا
ياسين...اني راح ادفع الكرسي
رحمه...شكرا
ياسين...احتاج رقم تليفون اتواصل وياكم
ابو رحمه.....اخذ رقم رحمه لان هيه تريد كلوشي على ذوقها
ياسين.....كلت بكلبي هذا خوش خبر اي تمام
دفعت الكرسي طلعنا
رحمه....انت اطلع بسيارتك واحنا بسيارتنا
ياسين...ماكو مشكله
طلعنا رحنا شفت الكاع موقعه يخبل تسوه وواحد
يتعب عليها
ابو رحمه....يمتى انشاء الله نبدي
ياسين....بعد شهر نبدي
ابو رحمه....شكد راح يكلف البناء
ياسين...لمن اشوف انتم شنو تردون بلضبط
ااكيد السعر يعتمد على نوع الأبواب والشبابيك
وعلى بعض التفاصيل
ابو رحمه....خلاص رحمه راح تتواصل وياك
رحمه...ممكن ادزلك صور
ياسين...تمام
ياسين....اتفقنا وهما رجعو البيتهم واني رجعت للمكتب
مااعرف ليش اجاني احساس حلو
حسيت براحه نفسيه واني احجي وياهم
بعد اسبوعين بلضبط
دزيت رساله الرحمه
...السلام عليكم اني ياسين مهندس ياسين
رحمه.. اهلا وسهلا استاذ
ياسين.... كولي ياسين عليمن استاذ
رحمه...لا العفو
ياسين... ممكن ادزين صور الشغلات الي كلتي عليها
رحمه...تمام
ياسين...دزتلي كم موديل باب وموديل للباب الخارجي
وموديل الباب المدخل
ونوع الشبابيك ونوع المقاعد الغربيه
حتى نوع دكم الكهرباء
ياسين....تمام اذا مالكيت اي موديل من هاي الموديلات
ارجع اتواصل وياج
رحمه. ماكو مشكله
ياسين...سؤال فضولي
رحمه...اي جواب تفضل
ياسين... بس انتي وابوج عايشين ماعندج اخوان خوات
رحمه...لا ماعندي امي توفت قبل خمس سنوات
وبقينا بس اني وبابا
ياسين.. الله يحفظه
رحمه...شكرا
جمانه السعيدي
ياسين....بقيت على تواصل وياها بحجة البناء
بلبداية الكلام بينا كان رسمي وبحدود العمل
بعدين اني تعودت عليها رقيقه ومهذبه وناعمه
كل الصفات الي احبهن بيها
من اشرحها شغله خاصه بلبناء تفهمني بسرعه
ياسين...سوال خارج نطاق العمل
رحمه.... هههه حلوه هاي خارج نطاق العمل اسئل
ياسين....بما ان انتي خريجه وحلوه وبت ناس
ليش ما مرتبطه
انتي المفروض ترتبطين قبل عشر سنوات
رحمه....يعني ارتبط واني عمري ١٢ سنه لوليش هلاستعجال
ياسين....حلوه وما عليج نقص
رحمه....وبابا
ياسين...شبي بابا
رحمه...منو يبقى ويا منو يعتني بي
هواي ناس تجي تتقدم بس اني ارفض علموده
مااكدر اعوفه
ياسين... اي ولله حقج وشلون راح تبقين هيج
رحمه....لمن الكه انسان يقدر وضعي
ويقبل ابوي يبقى بحياتي
ياسين.....انت محترمه من كل الجهات
رحمه.... شكرا
ياسين...بدت افكر ارتبط بيها فعليا
حنينه وطيبه وحريص على ابوها يعني جاي ترفض العرسان وعايفه فكرة العائله وما تفكر تزوج وتستقر
بس حتى تعتني بابوها
ماكو مثلها بس امي الي ركضت ورا واحد مامعروف شنو
وجدي انجلط بسببها
هاي لو امي جان كالت اوي شسويله اريد اعيش حياتي
رغم ابوها شكد مدللها ومحترمه وياخذ رائيها بلزغيره والجبيره بس ماسوت مثل امي
كلما يفوت الوكت ااكثر واحجي وياها ااكثر
التعلق يزيد والقناعة تكبر ودي هذا البيت ما يخلص
لان اذا خلص مراح الكه حجه احجي وياها بيها
فات ثمن اشهر واني احجي وياها وهيه ترد عليه بكل احترام وذوق
الحد مايوم اتصلت عليها ماترد
رجعت اتصلت ماكووو رجعت اتصلت بعد ساعه
ردت عليه وهبه تبجي
ياسين.... تبجين ليش شكووو
رحمه...بابا وكع ونقلته للمستشفى دخلو للعنايه المشدده
ياسين...باي مستشفى انتي اجيت اجيت
ياسين...صعدت سيارتي وطلعت للمستشفى
دخلت ادور عليهم
لكيتها واكفه ووجها اصفر وحالتها حاله
وياها عمتها مره جبيره
ياسين... صباح الخير
رحمه...صباح الخير
ياسين...هاا خير شكووو
رحمه....مااعرف كعد الصبح تعبان وبعدين بدا يتقي
ماعرفت شسوي اني و عمتي جبنا هنا
ياسين...سلامته الف سلامه لا تخافين انشاء الله خير
بقيت واكف وياهن شويه واجا الدكتور
طمنا علي كال بعد ساعتين هيج نطمن علي ااكثر
طلعت جبت مي وعصير الرحمه وعمتها
بقينا برا ننتظر
بعدين اجت الممرضه طمنتنا علي دخلنا نشوفه
ياسين...سلامتك الف سلامه عليك
حجا بصوت ناصي ومبحوح الله يسلمك
دنكت علي رحمه على ابوها تبوس بي وتبجي
ابو رحمه...لا تخافين بابا لا تخافين
رحمه...شلون مااخاف ماعندي غيرك
ابو رحمه ...الله موجود حبيبتي
ياسين بقيت للضهر وياهم بلمستشفى اطمنت على حالته
وطلعت اشتريت العلاج وجبت وياي ااكل
رحمه...ليش هاي الزحمه
ياسين....هذا شي بسيط ما سويت شي
طلعنا وصلتهم البيتهم طبعا هما كاعدين
بيت عمتها عمتها ارمله وماعدها اطفال
وصلتهم ورجعت للمكتب
جمانه السعيدي
بليل اتصلت على رحمه اطمنت على ابوها
الحمد لله وضعه احسن
ثاني يوم رحت اشوفه
ياسين...هااا حجي شلون صرت
ابو رحمه...الحمد لله اني ماكاسر ضهري غير هاي البنيه
خاف اموت وما مطمن عليها
كلما يتقدملها واحد ااكولها وافقي اريد اطمن عليج
ما تقبل
اذا متت وين تروح هاي المسكينه
ياسين....سلامتك الف سلامه عمرك طويل انشاء الله
رجعت للبيت وقررت افتح موضوع الزواج ويا جدي
اني هاي البنيه حبيتها وكلبي مطمن الها
.
ياسين....جدو شنو رائيك تخطبلي
جدي....يوم الهنا هذا اليوم الي جنت منتظره
يوميه ااكول راح اموت وماشفت ياسين عريس
ياسين....لا تكول هيج عمرك طويل انشاء الله تشوف أولادي واحفادي
بيبي... مني هاي الي كدرت تخطف كلبك
اشوفك تحجي وعيونك بيهن لمعه يمكن انت تحب
ياسين....مقتنع ااكثر بيها انسانه مثقفه وحلوه وبت ناس
جدي...خلاص تقدم واني وراك
ياسين...بس اتصل احدد موعد ويا ابوها
اتصلت على رحمه
ياسين...هلو رحمه شلونج
رحمه...الحمد لله
ياسين الوالد شلونه
رحمه....اليوم هواي احسن اجيت اموت من شفته تعبان
ياسين...اسم الله عليج
رحمه...تسلم الله يحفظك
ياسين....اذا اجي اخطبج توافقين
سكتت
ياسين...ليش سكتي اذا ما موافقه كولي
رحمه....بكيف بابا مو بكيفي
ياسين...انطي خبر حتى تجيب جدي وبيبي ونجي نشوفه
رحمه...انشاء الله
بعد يومين دزتلي رساله بلموعد
وصلنا البيت وكانت هاي الكعده كعدت تعارف بينا
لمن ابو رحمه سئل عن اهلي وليش اني عايش بيت حدي
رد علي جدي رد صدمني
جدي... ياسين يتيم ابو وأمه ما تووو واني اتكفلت بتربيته
ياسين شاب يعجبك مؤدب واخلاقه عاليه
ابو رحمه...والنعم منه ومن أصله
