رواية فصلية لظالم الفصل السادس بقلم زينب نور
"""تقربو عليه للسيارة واني تخبلت ماما اصلا صارت مخبله رسمي تكول شلون وباذن منو هيج يسوون
واني صافنة على تخلفهم لحد وين وصل وعقولهم شوكت تتقبل انو هذا الشي غلط
""وباي حق وشلون
بدون مياخذون رأي
وبدون موافقتي
ومسوين السالفه كلها ومدستريها
عبالهم اخر ساعه يله يكولون حتى يحطوني أمام الأمر الواقع
هسه آذا اروح اشتكي عليهم الا اخليهم كلهم بالسجن
حتى لو سالفه انو القانو وحد والعشائر وحد
بس اني من جماعة القانون مو العشاير يعني يدخلون سجن دكو جامة السيارة عليه ويكولون انزلي
كتلهم وخرو السيارات اريد اطلع ما انزل روحو على غيري اني لا منكم ولا بيكم
اجى ولد عمرة تقريبا مبين طاب ال٣٠ سنه ضرب باب السيارة دفرة انطعجت الباب تخبلت شلون هيج يسوي بيا حق
ماما كالت ديري بالج تنزلين لتفتحين الباب ترة ذولي وحوش واني بنص غابه هسه لتفتحين الموقف والمنضر جان صدك مثل مكالت ماما بس شنو اني هيهات اسكت على الي سواه بيا حق هيج يسوي
حطيت ايدي على يده الباب وماما كامت تعيط كتلها ماما خلي انزل اصلا مديوخرون من الطريق من وين اطلع انتي دكي على جدو او خوالي واني انزل
""طلعت التيلفون ودكت على جدو
فتحت الباب وماما فحطت من البجي
اني مبجيت لان مو من طبعي على كلشيت ابجي
ومجنت اعرف الأمور راح تصير صدك
كلت اني ما قابله باي حق يأخذوني فصليه
نزلت وهذا جان مرادهم جرني عمي بس نزلت
وكال لا هواي طالعة عينج انتي ومستهترة حكج تربات المدينه بعد ما عليج عتب
كتله انته بالذات تسكت ومتحجي
بسبب ابنك وبسببك هسه تريدون أروح فصليه
بيا قانون هذا متكولولي
حجى واحد من شيوخ العشيرة الي لازم اروح فصليه الهم
كال تره والله سبيتيني بالقانون هذا يا قانون هو وينه القانون الي ثبرتي الدنيا بي
مو كافي خبصتينه زلم مشوربه وشيوخ معكلة واكفه علمود حضرة جنابج
كتله ومنو كلك اني اروح وياكم اني بالغه سن الرشد ومحد اله دخل بيه هسه اشتكي عليكم ترة ضحك كال تره هنا ماكو قانون اكو عشاير والقانون هنا قانون العشاير
وهسه يا شيخ عدوان (جدي) شوكت تفض السالفه منطينه فصليه لو حنان الفتلاوي مو لسان رشاشه
وفوكاها وكحة ما لكيت غيرها يعني عود انتو اصل التربيه منطيني فصليه الله ميجرعها
كتله وشنو حضرتك تستهزء
وبعدين ما اسمحلك تكول عني فصليه
خوش مو بكيفك هيه ووهسة
بعدو عن طريقي اريد ارجع لبغداد وانتو ضلو بعقولكم المتخلفة
جان يحجي هذا الي دفر السيارة مالتي
ويكول هسه هيه هاي الفصلية مو كلوله اَي كال هايهيه حقنة أخذنا توكلو شيخ يقصد على هذا الي حجة وياي طلع ابو وجان يجي يجرني من ايدي
تخبلت كتله شلون تجرني وتمد ايدك عليه باي حق ممكن تكلي
كلي بدون هاي العرامه كلها امشي صعيد بالسياره وهو صاير نار وعيونه شفت جهنم بيهن وصاك على سنونه بس ما خفت منه ماما تخبلت
كامت تدك وتلطم
وتكول بنتي راح تروح مني
مثل ما راح ابوها من عندي
بسبب هاي عقولكم المتخلفة
وجدي كام يغلط عليها ويسب
ويكللها فضحتيني يالعايقه
كدام الشيوخ يلي بله اصل
وجان تكلة حسبي الله ونعم الوكيل عليك وعساها حوبتي لا عدت عليكم انشالله كلكم بيش تطلبوني
وجدي تخبل شلون هيج تحجي وَيَا
وعمامي كامو يغلطون ويكولون ترة راسج نكسره لتكولين حرمة ومره المرحوم اخونه
وهيه تخبلت والشيوخ يكولون لجدو خوش حريم طلع عدك شيخ العشيرة والكل تحلف بيك
كتله والله عاد امي تشرفكم يا متخلفين
جان هذا الولد كام يجر بيه للسياره يريد يسعدني بيها وبكل قوته ومبين عليه الغضب
واني اعيط عليه ما اقبل
وماما تجر بيه تخبلت وتعيط بتي
عوفو بتي يضلام الله لا يوفقكم واني ادفع بهذا
كامشني من ايدي ويجر بيه
اباوع عمامي ولا واحد أتحرك وخلصني منهم وجدي نفسه مأكو اَي تعابير بوجها مقهور عليه او غير شي
وعود هاي اني بت ابنه وبت المرحوم
بس هو ولا يمه يابه بلحضتها شكد كرهتا وكرهتهم كلهم
ضَل هذا الولد يجر بيه واني اضرب بي وماما تجر بيه وهمة ولا خومو ساكن بس يحجو على ماما وماكو احد يدافعلي
وهذا خلع حتى ايدي من الجر
ويمكن يلعب حديد لان ايدي راحت
وكلش قوي بحيث كوة مقاومه كلساع يجرني واعت ايدي منه
تالي سحبني للسياره وعمامي جرو ماما مني
واني تخبلت هيه تعيط بنتي زمرد واني أصيح ماما
صعدني للسياره بالدفرات واني ادفع بي
وكعد بصفي وصعد السائق واني اعيط
وماما تخبلت حتى شعرها كامت تملخ بي
واني اعيط وإدفر اريد انزل وقفل الباب من يم السائق
من حرك السيارة ديطلع انتبهت على ماما وكعت من طولها
اني تخبلت كمت اضرب وادك على الجامه واعيط وأصيح عبالك مو ماما وكعت احس روحي وكعت
لان اني روحي من الدنيا ماما كلش احبها ومتقعلقه بيها روحي من الدنيا هيه امي
تخبلت كمت اعيط بالزايد واكوله حقير افتح الباب ماما وكعت لوه ايدي وكال اسكتي بت الكلب
منطيني كح...ه و مرة
بس خلي اوصل البيت اني اعلمج
فوكاها منطيني وحده فليته
ضليت اعيط وأصيح وهو ولا يمه
كمت اضرب بي لزم أيديه
ثنينهن وكال والشرار يطافر من عيونه
بس خلي نوصل
اوصَل البيت واعقد عليج واعلمج على الله
شلونه ان ما ربيتج اوكفيلي
لا اطلع صيني وقهري وحركة كلبي كلها بيج
واني مستمره اعيط
تخبلت روحي فرفحت على ماما
كمت كلما اعيط وكلما الح عليه
بالحجي والغلط ينبت أضافره بايدي
بعد المعاناه والعياط والشي الي سويته
بالسياره وصلنه للبيت
وَيَا ريت موصلت منا ابتدء جحيمي
