رواية صراع الشيوخ الفصل السادس بقلم ليال القمر
البارت السادس
قبل كولشي صوتولي
⭐⭐⭐⭐⭐⭐⭐⭐⭐⭐
اما ارجوان تبچي وترجف السايق :بوية شبيچ تبچين
ارجوان بكاء : عمو ضربوني وعذبوني بعد ما اضل يمهم لو يموتون
السايق : منو ذولة
ارجوان وهي تبچي بحرگة : اني زوجوني غصب ورحت فصلية وهو مو زين وابو بعد اسوء
السايق : منو هو
ارجوان : كرم ال....ي
السايق بصدمة وگف السيارة وشحطت بالگاع ودار راسه وباوع عليهة : ايااا معزاية والله ورحتي بيهة وهربانه همات هسة يكتلوچ يا بوية ..
ارجوان وگامت ترجف وتبجي ولون وجهة شحب : گول والله
السايق : والعباس ما چذب مرة تزوج ابنهم فصلية وهي هربت ومن لگوهة كتلوهة وانطوهة لاهلهة
ارجوان وهي فقدت وعيهة والسايق يگعد بيهة ومتگعد السايق : ولچ بوية گومي هسة شلون بيه تورطت بيهة دخليني اوديهة للمستشفى واخبر زوجهة
والسايق اتجه ناحية المستشفى ودخلوهة طوارئ والدكاترة رايحين و الممرضين جايين
السايق بين نفسه { بس والله تذوب هاية البنية نيالك كرم ولك هذة الگمر وهيچ مسوي بيهة الله لا ينطيك بس اذا ما اخبره للشيخ هسة يطيحون حظي ويخلوني اني الخاطفهة دخليني اروح لبيت الشيخ سليمان واگله مرت ابنك هربانة } وتوجه السايق خارج المستشفى وصعد سيارته وتوجه البيت الشيخ سليمان " ابو كرم "
كرم يمشي ويدور عله السيارة وبس يرجف نزل لبيت اهلهة وسالهم عليهة وگالوله مو يمنه بعدين صعد بسيارته مرة ثانية وضرب السكان بايده بعصبية وايده بس ترجف { لعنه عله على هسة وين راحت هاي الله لا ينطيك يا حسام حسدتني عليهة } وضل كرم يفر بالشوارع بلكت يلگاهة
❇️❇️❇️❇️❇️❇️❇️❇️
بيت ابو كرم
نزل السايق ودگ الباب وفتحة الشيخ سليمان الي هو ابو كرم
السايق بتوتر : هلة بشيخنه ءءءءءء الفصلية مو هربت من يمكم
الشيخ بعصبية : وشعرفك
السايق بارتباك : انه السايق مال التكسي الي ركبت وياه
الشيخ : تفضل گلي هاي وين راحت
دخل السايق للبيت وگعد بالمضيف وابو كرم اتصل بكرم يبشره وكرم بس حچه وية ابوه گبل اتوجه لبيتهم
الشيخ : احچي خوية وين راحت هاية الادب سز
السايق : والله يا شيخنة ما اعرف شگلك بس هي هسة بالمستشفه
ابو كرم : وليش بالمستشفه
السايق بارتباك وهو يبلع ريگه : ءءءء مووو
الشيخ : خليني اضيفك شي اعذرني خوية
وگام الشيخ ودخل للمطبخ : سون گهوة وغدة للرجال ولا تتأخرن
سرى : انشالله عمي بس لگيتوا الفصلية
الشيخ بعصبيه : والله اذا الگاهة الساقطة اكتلهة مثل ما كتلت " سهام "
ام كرم : يمة سمالله لا تگول هيچ هي البنية خايفة يا شيخنة
سرى : اي عمي ترة هي خايفة اما سهام هي اصلا ساقطة چانت هربانة وية رجال
ابو كرم : والله لاوريهة الويل الفصلية بنت ال....ي انه اوريهة الي كتلت ولدي وحرمتني من آخر ايامه الي چان عاش بيهن
ام كرم بتوتر وخوف عله ارجوان : صلي على محمد يا شيخنة هدي شوية يا بعد رويحتي
ابو كرم بعصبية : وليش ما تردوني اكتلهة هااااا لييييييش هي ساقطة وادب سز لو مو ساقطة چان ما هربت بس انه الهة خلتوگفلي
دخل كرم المطبخ بذعر : هااا بوية لگيتهة
ابو كرم بعصبية وصوت عالي : واذا الگاهة اكتلهة ما اخليهة عايشة
كرم بعصبية : وليش تكتلهة مو حرام هاي نفس بريئة
ابو كرم بعصبية وصوت جاهوري : اسمعني لك بس نلگاهة تطلگهة وانه اخذهة
كرم باعتراض : لا بوية ما تاخذهة لان انت تكتلهة
ابو كرم : لعد شنو تريدني ادللهة وادلعهة اصلا هاي مفروض تبوس رجلي اني ما عاملتهة معاملة الفصلية لان ابوهة حلفني بس والله اطيح حظهة من ترجع لان مو مال احترام
كرم باستعجال : هسة وين الرجال
الشيخ : بالمضيف
راح كرم للمضيف وسلم عله السايق : هلة خوية شلونك
السايق وهو يشرب مي : هلة بال ليث انه الحمدلله
كرم باستعجال : دخيلك مريتي وينهة
السايق بارتباك : بس إذا اگلك ما تأذيهة لان البنية تخبلت من البچي
كرم بقلق : هسة گلي وينهة
السايق : بالمستشفه
كرم بذعر : شبيهة وليش بالمشفه شبيهة يمعود خوية گلي شبيهة
السايق : والله انه حچيت وياهة گتلهة شبيچ گالتلي بعد ما اضل يمهم وضربوني ومدري شني وگالتلي انو هي فصلية وزوجتك انه گتلهة لعد انتي هربانه منهم هسة يكتلوچ مثل الفصلية الي كتلوهة قبلچ شو هاذي مريتك بس گتلهة عله هاية الفصلية القبلهة تخربطت وحرت وين اوديهة بعدين وديتهة للمشفه
كرم وقلبه يتقطع من الالم وبانكسار : يا مستشفه هي هسة
السايق : بمستشفى ال ......
كرم وهو يگوم من مكانه : تسلم خوية بس وين بالضبط
السايق : بغرفه الطوارئ
كرم طلع بسرعه وركب سيارته بصورة سريعة وأبو كرم يهدأون بي بالمطبخ وسامر ومنتظر گعدوا يم السايق لان محد گاعد يمه
✴️✴️✴️✴️✴️✴️✴️✴️
في المستشفى
كرم وصل للمستشفة بعد فترة من القيادة ودخل وركض علة غرفة الطوارئ وسأل عليهة وتوجه ناحية غرفتهة ولگه الدكتورة طالعة من غرفتهة
كرم بقلق : خيتي انه مرتي اجتي هنا متخربطة والسايق وصلهة شلونهة
الدكتورة : هاية البنية الحلوة
كرم باستعجال : اي هي اكو غيرهة
الدكتورة بحزن : والله ما اعرف شگلك البنية متعرضة لصدمة شديدة ولاتحچي ولا تتحرك مصدومة واذا سألناهة عله زوجهة تگوم تصرخ وتبچي تتخبل وتگول راح يقتلوني والصراحة خوية مرتك ما تطيقك وتخاف منك وتحتاج لدكتور نفسي لان حالتهة كلش صعبة واكو آثار عله جسمهة اثر ضرب ولازم نبلغ عله الي سوة هيچ بيهة
كرم وقلبه گام يوجعه عليهة وعله حالتهة : وهسة شسوي
الدكتورة : ديربالك تدخل لان راح تصعب حالتهة اكثر
كرم بعصبية : تسلمين خية
الدكتورة : العفو هذة واجبي بس شنو اسم مرتك لان لازم نملي ملفهة بالمعلومات
كرم بتنهيدة : اسمهة ارجوان جواد كاظم
الدكتورة : تسلم خوية
وراحت الدكتورة وكرم ضل واگف محتار شيسوي
ودگ تلفونة
كرم : هلة بوية
أبو كرم : وين الساقطة
كرم بحدة : بوية لا تحچي عليهة هاية مرتي
ابو كرم بضحك واستهزاء : مرتك الي هربت منك وما عرفت شلون تضبهة
كرم بعصبية : هسة شتريد يا بوية
ابو كرم بجمود : الفصلية ليش ما جبتهة ..
كرم بتنهيدة : ما اگدر اصلا اقرب يمهة
الشيخ بحدة : ليش شنو عله كيفهة
كرم وهو يزفر الهواء بضيق : بوية ارجوان تخبلت اصلا ما اگدر اشوفهة حالتهة صعبة وصار عدهة انهيار عصبي لان السايق حچة علة سهام وشنو سوو بيهة وهي بس سمعت انو كتلوهة متخبلة حسبالهة راح نكتلهة
ابو كرم بعصبية : يعني شلون هسة شوكت تجي
كرم بقلة صبر : ما راح تجي حالتهة صعبة تحتاج طبيب نفسي
ابو كرم : انه جاي وخليني اشوف شلون حالتهة صعبة
كرم بتحذير : لا تجي لان منعوا عنهة الزيارة
أبو كرم سد الخط بوجه كرم والثاني مصدوم من ابو شلون سد الخط بوجهة
✳️✳️✳️✳️✳️✳️✳️✳️✳️✳️
في بيت مجهول
مجهول 1 : ها ضلع عرفت انو كرم ال.....ي اتزوج
مجهول 2 فز من مكانة : گووول والله
مجهول 1 بخبث : وهمات صااااااااكه تخبل شني من جمال اعليهة والله ما يستاهل هذا كرم ياخذهة
مجهول 2 ببرود : اي وبت منو هاي
مجهول 1 : ولك فصلية طلعت من عشيرة ال...ي
مجهول 2 بخبث وضحك : والله وگعت بين أيدي يا كرم ما خذلك گيمر وانه حبيبتي سهام كتلتهة بس والله الة اخذهة منك هاية الصاكة
