رواية دموع خرساء الفصل السابع 7 بقلم ورود الخالدي

ماجد::::

رديت للحوش..كلبي طاك من الفرحه اويلي تبسمتلي وكالت اي راضيه هاي هيه شريد بعد بس فتت..غسلت وجهي وحسيت روحي طبت من الصخونه والنشلة ودوخة الراس اي والله شوفتها طيبتني بساع شفت امل بالمطبخ كتلها:

امل صبيلي غدة ميت من الجوع..

صبتلي غدة تغديت مسحت الاكل مسح..جني صار اسبوع ماماكل امي اجت بالمطبخ..يمي اول مافاتت كتلها..

يمه.

ها..بعد امك!؟

يمه العصر اخذي امل ومرت حامد وروحن ردود على بيت ام غادة خطبنها الي؟

شني يمه يوميه رايحين احنا. 

اي يوميه ترحن..منا لما تكلجن اي؟؟

صدك جذب شني ماكو بنات بالديرة؟!!

اكو بنات..بس ما اريد غيرها..كتلجن تمشن يعني تمشن..

امرنا لله نمشي نخطب ست الزبيدة ما ادري شمالك ييمه احس الشغلة مو خاليه خاف حاطاتلك مثل ماجانت زينب..تحطلك..بالزاد!!

يمه لاتجيين طاري زينب زينب هسه بذمه رجل ثاني ولانحجي عليها لابزينه ولابشينه..ولا تقارنين غادة بزينب ابد..هاي من طينه وذيج من طينه..

يمه مو..

يمه..اذا ماترحين امشي لعمتي للولاية وادزها بمجانج!!

ياااا..عمتك شني ..انه اروح..شني عمتك وتخطب لابني عشتو..من زود محبتها النا

وراحت امي العصر وردت متعجبه..تكلي:

شني السالفه شو حتى امها استغربت من ردينا حجينا بالموضوع البت تبسمت وتهز براسها تكل لامها اي راضيه شني..شغير الحال..

ابوي يضحك..كلها:

العشك هو الغير الحال يم راشد..الله يسعدهم بجاه..غريب كربلاء

وره يومين راحو ابوي وعمامي وياهم حجي نايف ومن حجي ابوي عرفت انه حجي نايف يعرف جبيرهم من زمان ومن راح برجله خطبلي الزلمة اطاه المرة بساع وماتردد..بس الحجي هم طلع خوش طلعه من خلصت الخطبة راح على نعيم ابو زهرة واتفق ويا..ام غادة وبناتهن يضلن بالحوش منا لما ابنيلهن مشتمل بصف حوشنا وره العرس..وره اسبوع امي راحت هي وامل وام غادة وغادة  للولاية حتى يجهزنها ..وانه هم بلشت ابدل اخشابي الاوليات وانصب غرفة جديدة..جنت ادكدك بالحايط بدلت مجان الساعة والصور لان الغرفة الجديدة جبيرة وعالية...دكو عليه الفلح يردون ينثرون الكاع ..كتلهم انثروا مادام الشط زايد هالايام سديت تليفوني وشفتها واكفه اباب غرفتي..

هله خالدة شلونج خويه ..من زمان ماجايه:

جنت ابغداد يم بيت اخوي..مزعل..

ها وشلونه مزعل..

الحمد لله بخير...ماجد انت..انت صدك تريد تعرس..

شتشوفيني شجاي اسوي..

ليش..ليش يماجد صدك تريد تاخذ وحدة خرسه؟؟

وشبيها الخرسه..مو مرة مو بشر مثلنا يعني اذا الله خالقها خرسه مالها حق تتزوج 

ماجد انه اجيت من بغداد على وجهي من سمعت من اختي انت تريد تعرس..

هااا..مرت حامد سولفتلج..وليش اجيتي شنهي الغرض من جيتج..؟؟

اجيت حتى اكلك لايماجد لاتظلم روحك ويه وحدة خرسه..وتظل طول العمر ندمان..لا تسمع حسها ولا تتسامر وياها..ماجد انه متانيتك صارلي ثلث سنين متانيه جلمة من حلكك..واصيرلك مو بس مره خدامة جوه رجليك..

خالدة..يمكن هذا الحجي سولفنا بيه اول ماطلكت زينب وتعرفين شرديت عليج بوكتها

ليش..ليش يماجد..ماتريدني ليش انه شبيه..وتاخذ بدالي وحده خرسه..

اكلج شني اخذ بدالك..يابت الحلال شعندي وياج انه مواعدج بشي ..لو اطيتج ريج حلو ومعشمج بعرس..خالدة انتي مرت راشد مرت اخوي وبس..وما الي نفس يمج..حالج حال امل اختي

بس انه..انه احبك..والله احبك يماجد

تحبيني شني..تره عيب هالحجي انتي مرت اخوي..اصلا عيب صاعدتلي وانه وحدي وملتهيه اطشرين بروحج..احبك ..واحبك. ..هي هاي التربية الرباج بيها خالي..هي هاي الاصول يابت الاصول وارجع اعيد عليج مالي نفس يمج..هسه وباجر وعكبه

والخرسه الك نفس يمها؟؟

اسمها غادة..غادة..مو الخرسه..واي..الي نفس يمها..واحبها...وعندي تسوه الهوة..اليطب بريتي بعد شعندج..يخالدة...انه لحد هسه متحمل حجيج لان اكول بت خالي ومرت اخوي..وما اريد ..اكسر بخاطرج واحجي حجي يفشل وياج..احسلج احفظي كرامتج..ومحد لازمج

..وكل يوم جايه تكولين حارمه روحي من العرس ومتانيتك..روحي يابت الحلال روحي عرسي وشوفي..حياتج محد لازمج ومحد واكف بدربج..

هين يماجد هيج تفشلني..بس شوف ماراح تنسعد وياها..لان نفسي يمك...وروحي بيك..وهسه تشوف ربك شلون راح يعابيك..ويكسر كلبك..مثل ما كسرت كلبي..روح خلي الخرسه تفيدك..

وطلعت من يمي..ضجت من حجيها..شبيها هاي ماعدها كطرة مستحة..ماعدها لاكرامة ولا تربية افه عليك ياخالي هيج بناتك مطشرات ارواحهن..وهيه شلون عينها وكحة وتكلي نفسي يمك وروحي بيك...والله ماتستاهل اخوي راشد وماتستاهل يوم واحد كضى وياها...من عمره..

وخلصنا ترتيبات العرس..واجه يوم عرسي الجنت احسبله ساعة ساعة...وسوالي ابوي عرس..جبير جني اول مره اعرس...يريد يفكس عيون الشماته ومشت سياره زفتي رحت ..انه وعمامي وسيارات الزفة جبت مريتي من الصالون..ماشفت وجهها..كلبي طك حتى من عقدت..استحيت اضل يمهن لبستها الحلقة وشردت من المستحة اي ..جنت مستحي من الوادم بس اليوم ماكو مستحة مرتي وخلالي ووصله من كلبي..واتحلم بليلة احلى من كل ليالي العمر..الراحن...كاعده بصفي والناس ادك وتركص بره وعمي يسوق..وامي بالسدر وامها بصفها..ما اكدر امد ايدي عليها امها كاعدة يمنه منا لمن وصلت سيارة الزفه وصلنا للحوش كعدونه بالصاله..عوينه ابواصلي شطالعة..غادة...بووووووويه..تكتل كتل خفت عليها من عيون الناس اي والله خفت كلش ومن فرحتي كلت خاف الفرحة ماتجزي ويصير شي..خابرت ابن عمي كتله

 تعالو زفوني بساع 

هو..يضحك يكول: 

غير تتعشه الوادم ونزفكم..

كتله ماعليه بالعشه تعالو زفوني لا انعل والديكم الليله..

خرب من الضحك وره شويه امي غطت وجهها..ووزنوها بهذا الغطه مال العرايس الابيض حتى ماتنشاف من ..يطبون ولد عمي..وما صدكت زفونا للغرفة..اول مافتت..فتحت دكمة الدشداشه وكتلها..

اختكت من الدكمة ضابه بلعومي..راحت كعدت على طرف الجربايه..يابووويه شكثر مستحيه مني مدنكه وخانكة روحها يمكن حتى ماتتنفس من المستحة..ادنيت يمها فتحت هذا الكبوس الملبساته الها بقت بس بهذا القماش العله وجهها..رفعته وكتلها:

اللهم صلي على محمد وال محمد..الف الحمد لله والشكر

 ماشالت راسها مستحيه مني..

مديت ايدي على حنجها شلت راسها كتلها :

شبيج يبعد عمري ادري بيج مستحيه مني..بس صرتي مرتي بعد وانتي بنيه عاقلة وحبابه وتفتهمين..

مدري شبيهن عيونها مدري شتريد تكلي..

شتردين يروحي عيونج بيهن حجي هواي..

لزمت..ايديها شلتهن اثنيهن لشفتي وحبيتهن على كيفي بلكت تهده شويه كتلها:

لاتخافين مني..اني رجلج وحلالك..وثقي برب  العالمين ما آذيج ابد..

هزت راسها يعني ادري..

جا اذا تدرين ليش شاردة مني شتردين تكليلي شبيهن عيونج من سالفه.

شالت ايدها اشرت على ركبتها..ما دري شتريد تكلي يربي كل مره افتهم عليها هسه ماجاي افتهم شي..

فهميني يروحي 

طلعت الحلقه من اصبعها ورجعتها مره ثانيه وتاشر عليه ..

استغفر الله شتريد تكول ماجاي افتهم منها

شني يروحي شبيها الحلقه..

رجعت تاشرلي على صدرها وجسمها..واشرت عليه ردود يمكن افتهمت..

هاي يروحي يعني تكولين تزوجنا..وتاشرين على جسمج وعليه يعني انتي كلج الي مو..

دنكت وهزت راسها يعني لا..مو هذا قصدها جاشتريد تكلي ما افتهمت منها..

كلت هسه انه شمالني متردد بعد هي مرتي يعني شتريد تكول وشراح يصير بهالليلة غير ذيج الشغله المنتظرها ومتلهف عليها..نزعت عباتي ودشداشتي وغترتي وذبيهن وادنيت عليها...بست خدها ..رجفت مني كلت اي شكو بيها بعدها بت بيت وتخاف وتجفل . لكفت شفتها..ضليت احبحب بيها..واجرجر بشفتها هي جامدة خطية لزمت ايدها مثل الثلج ايدها..هم كلت شكو بيها كلها العرايس هيج اول ليله..وضليت اشمشم بركبتها وبخدودها وشفتها مافاركت شفتي يمكن عشر دقايق انه هالشكل رايح عن الدنيا..ويه بوساتها اللذيذات..بس وكفت حسيت دمعه دافيه وكعت على شواربي..شلت راسي كتلها::

افه..ليش تبجين ..يبعد روحي..غير انه احبج..ليش تبجين مني..هو هذا العرس..حب وعشك..وبوسات وحضنات ومصات..ونومه حلوة ليش تبجين مني..

لزمت ايدي وخلتها على كلبها كتلها:

اي جا شلون كلبج ما يضل يدك بعدج خايفه مني وما معاشرتني مثل رجال ومرة الليله اعلمج مني هو ماجد وراح تشوفين انه شكثر حنين واعجبج وباجر..الخوفة البكلبج كلها تتبدل فرحة يبعد جبدي انتي..

حضنتها ومديت ايدي على سحابة البدله دفعتني حيل ودموعها جرن..بساع حسبالك ضامتهن..

غادة..يكلبي يروحي رخي لاتخافين مني دفعتني حيل وتهز براسها..يعني لاتدنه عليه..كتلها:

شني ماترديني ادنه عليج..

هزت راسها..يعني اي..

ليش..ليش يروحي..شني عليج الشهريه وماترضين..

هزت راسها حيل..يعني لا..

جا شني غير هاي ليلتنا..ونفرح سوه..ونعيشها كلها ..بمحبة ..جا احنا المن معرسين..ها مستحيه اي هسه اروحه المستحه..

ردت اشبكها..واخذها بحضني هم دفعتني وبجت وشالت جف ايدي باسته..

خرررب ولج ليش..ما تريدني شو تبوسين ايدي وتهزين براسج يعني ماترديني اخذج..

هم هزت راسها يعني اي..

يعني ماتردين اليوم نخليها غير وكت..

ماتحركت بس انه افتهمت ماتريد هسه كلت ميخالف اعوفها الليلة بلكت باجر الصبح الله يهديها ما اكدر اخذها كوه خطية تكسر خاطري جنها وريدة زغيره ودموعها تهل مثل المطر كلبي مايطيني ابجيها اكثر..كتلها:

براحتج غير وكت..غير وكت احنا ما مستعجلين جدامنه العمر كله.

صح كتلها هيج وكمت من يمها لبست كلبيه بيضة وكتلها:

راح اطلع يم الجماعة شويه ورد..هدي كلبج ولا تبجين بعد..وبدلي هدومج وارتاحي ابد ما اجبرج على شي..ماتريدينه هسه.يبعد عمري..

طلعت من يمها..الشباب..كلها تتباركلي..ساعة زمان ورجعو زفوني ..فتت يمها لكيت امها مبدلتلها هدوم مال نوم بيض..وكاعده ع الجرباية..والعشه مالتنا على صفحة..كلت خلي ..اعشيها بيدي بلكي الخوفه مني تروح شويه شويه وتتعلم عليه بعدها زغيره حتى ما وصلت العشرين وانه بالثلاثين جبير وفاهم ما لازم استعجل عليها كلشي بالمسايس يصير حلو ..كمت لزمت ايدها..كتلها:

متت من الجوع تعاي خلناكل شني..نضل للصبح على لحم بطونه..كومتها كعدتها بصفي اشلع..دجاح ولحم واخلي بحلكها هي ماتاكل هواي..شويه وجنها تذكرت شي..واشرتي..سوت اديها مثل الطير انه فهمت ضحكت:

هااا..ذكرتي طيورج من اكلتي..لا تخافين كلت لامج باجر من الصبح تجيبهن لهنا..

هي تبسمت ..

هالله..هالله اي هاي البسمه الجنت متانيها من الصبح..اكلي يبعد جبدي..

واكلت من ايدي ميخالف ما اخذتها الليه الايام جايه خليها على راحتها كافي عليه متونس بشوفتها بصفي وايدي تخلي بحلكها الحلو..اللكمه وهي تباوعلي بعيونها العاشكهن عشك ماصار ولا يصير خلصنا عشه..امي مخليه بريج وطشت بصفحة الغرفة حتى نغسل وماننزل صبتلي ماي غسلت وهي هم غسلت..وكمت تمددت على جربايتي هي ضلت كاعده..كمت ردود لزمت ايدها وكتلها:

كومي يروحي..تعالي يمي لا تخافين كتلج ما اسوي شي منا لمن انتي ترضين كامت كعدت بطرف الجربايه جريتها بحضني..وكتلها..

اكيد تعبتي من الصيه مال الوادم نامي ..وارتاحي والصباح رباح..

ماكو بس خليت راسها على زندي نامت خطية صدك تعبانه بساع غمضن جفونها الكبار..حضنتها وحبيت شعراتها ونمت وهي بحضيني للصبح..بس من الفجر الجماعة ربدو الباب علينه....فتحت الباب امي ومرت خالي جفتن..وفاتن جوه..بسرعة امي كالت:

هايمه..شو مرتك نايمه..لهسه؟؟

 انه هم غبيتها حتى ماتحس ..

هههه..جا شلون ماتضل نايمه غير عروس والليل كله مانمنه..بعد

ها..يعني هاي هيه.

شني هاي هيه..شني انه زغيرون وصاعده تنشديني..؟؟!!

صلوات..صلوات وطكتنا بهلهوله ..صعدت ام..غاده..

هااا شلونها بنيتي..

امي كالت

..نايمه بعدها..خلينا ننزل بعدهم نعسانين..هههههه....وهلهلت وتكفل..

وانكضت والله كضاها..وعند ابو راشد عشاها..ام غادة افتهمت..

خلن ونزلن كلت شسوي هاي هيه همزين فتهمن هالشكل قابل شكلهن بعدني ما ماخذها..بعدني اخاف عليها وكلبي ما ينطيني غير اصير مكصة الهن وللوادم البرة..هاي هيه شعليهن بينا..احنا نتصافه بيناتنا

ليلة الثانيه هم ردت حاولت بالحجي الحلو..حضنتها حبحبت بيها شلعت شفايفها بالبوسات بس هم ماترضه بس امد ايدي على جسمها تضل تبجي هاي شلون  تاليها وياها..لا اكدر اجبرها واخذها كوه كلبي ما يطيني وبنفس الوكت اريدها..مريتي وروحي عليها تلوب....وصبرت يوم يومين اسبوع ما تغير شي يمكن اذا اسولفها للوادم اصير مضحكة ..وين اكو زلمة يصبر..اسبوع ومريته بحضينه وماتهون عليه ومايكدر ياخذها..اوووف ميت قهر بس اكول خلها..لازم فد ساعة من الساعات تقنع..وتصير الي..ورة الاسبوع كامت تدخل ويه امل للمطبخ بعد صارت جنتهم هم تساعد شويه..انه طلعت اطرك الكاع لان الفلح هم يردون واحد يوكف على روسهم موسم زرع وسكي

وتعب..دك تلفوني..لنها امي:

ولك..ماجد الحك بتك احتركت ايدها..

ركضت للحوش شفت نويرة تفرفح بحضن امي كتلها شبيها شلون احتركت البت

جانت يم مرتك بالمطبخ اجيت اركض على صراخها يمكن هيه حركت ايدها..

التفتت على غادة..تهز براسها ودموعها يجرن..عود جذب..مو انه..شلت البت ردت اركض امي وغادة لحكني غادة رادت تكض بتي امي زمخت بيها..

ميلي..ميلي ايدج ولج..مسويه روحج حنينه صدك مرت الابو تضل مرت ابو....جانت يمج وماكو غيرج انتي الحركتي ايد الفرخة حتى مرت حامد ومرت راشد يكولن بس انتي يمها بالمطبخ..ميلي عن دربه خل ياخذ البت للمستشفي..

غادة تباوع بعيوني وتهز براسها تريد تكلي مو اني..

زمخت بيهن اثنيهن..

فوتن جوه خلني اخذ البت اتلاحكها للطبيب ..وبعدين السوالف..

اخذتها للمستشفي الدكتوره شافتها كالت حرك مال ماي حار....

وانه اعرف بتي وكحة وما تخلي شي بمجانه بس الطباخ عالي شلون وصلت اله ..امي تكول مرتك حركتها..ابد ما اصدك هالحجي غادة من اهل الله ماتسويها مستحيل بس من رديت البت شبعت بواجي تالي نامت بحضن امي انه روحي طالعة وضايج ما اعرف بيمن اصدك..

الفصل الثامن من هنا