رواية عشقت رجلا متزوج الجزء الثاني الفصل التاسع 9 بقلم نجم اليل

حنين...دموعي تصب غمضت حيل ورجعت فتحت .. 

                      

خفت خفت ع امي وع حالي سمعت صوت كمت اركض رحت وره البيتونه ع غير جها 

                      

كعدت بزاويه مكرفصه ابجي ولازمه الموس واديه ترجف شفت لايت يتفحص السطح.. 

                      

شويه وصار عليه ضو الايت .. حسيت بخطواته هو ويسرع .. 

                      

قرب طفه الايت وتقدم كومني شاف الموس اخذه وشمرها وكال بقلق.. 

                      

محمد...شدسوين شنو هاي البيدج شسوين بيها 

                      

حنين...بجيت ماعرف بشنو ارد هو كال..

                      

محمد...انتي تخبلتي مو حرام عليج 

                      

نهديت علي .. 

                      

حنين...تعبت تعبت والله تعبت 

                      

هو باوع علي بخوف وحضني قوي حط ايده ع راسي ويقراة علي ايات .. 

                      

خلص وكال هو وحاضني 

                      

محمد...شكو حنين لا تخوفيني 

                      

جنت اول مره اسمع اسمي منه ابد مسمعت نطق اسمي ... بعدت وكتله بخوف وتجرأت كتله اسمه.. 

                      

حنين...محمد تعبت احس حياتي فارغه ماكدر استحمل هل شي .. وماكدرت انساك 

وماكدر اتقبلك تعبت وين ماروح مح... 

                      

سكتت ماكملت ردت اكول ع تحرشات محمود بس سكتت .. وكال 

                      

محمد...وليش متتقبليني 

                      

درت وجهي ع صفحه وكتله .. 

                      

حنين...ندى 

                      

محمد...شبيها 

                      

حنين...محمد افهم عليه ماكدر ندى موجوده بحياتك تفهم لو لا .. 

                      

محمد...وذا شنو يعني 

                      

حنين...بس هذا الي جاي نسوي خيانه انت تخون ندى واني اخون اهلي.. ماكدر 

                      

هو رجع يحضني بعدت عنه بسرعه وكال.. 

                      

محمد...شوفي بس احنه ماسوينه شي غلط.. حبينه ماجرمنه والله كتب النه هل حب .. 

                      

حنين...ليش كلت بعد هل وقت هذا 

                      

محمد...حنين كتلج ماجنت متاكد لا منج ولا مني وتاكدت .. وعندي استعاداد 

                                  

              

                    

اكول للكل احبج ومو خايف وماسوينه شي غلط .. 

الخاين لو يسوي شغله غلط ويعرف غلط وخايف منها وبسر ومايعلن بس احنه ماسوينه شي غلط 

حبيتيني وحبيتج وانه مستعد اكول للكل واذا ممصدكتني باجر من الصبح اطلب ايدج .. 

حنين...لا لا والله ماقبل 

محمد...ليش 

حنين...محمد افهمني ماكدر ندى 

محمد...والله حلل لو انتي ضد هل شي 

حنين...مسحت دموعي وكتله

حنين...ونعم بالله بس من تزوج اكيد يكون اكو شي بينك وبين الزوجه الاوله.. مو ع صلخ

هي مقصره وياك 

محمد...لا 

حنين...زين هي مو حلوة

محمد...لا 

حنين...هي ماعدها اخلاق 

محمد...لا 

حنين...هي عاقر 

محمد...لا 

حنين...لعد شنو السبب الي يخليك تزوج عليها .. 

محمد...احبج 

حنين...بس الحب مو كافي .. ماكدر والله صعبه عليه تتزوجني عليه هي تنظلم 

محمد... ومنو كالج اظلمها

حنين...موتظلمها يعني هي تنظلم بينه ماكدر وهل شغله مذيتني شكد مافكر بيها 

فكرت بالانتحار.. 

هو بين ع ملامحه الخوف  وكال 

محمد...لا لسوين بحالج شي 

حنين...محمد لازم نترك وانت انتبه ع بيتك وعوفني ندى ماتستاهل  خطيه... 

محمد...انتي تخبلتي ماعوفج والله لو تنطبك السماء وي الارض ماعوفج .. 

حنين...بس كلشي غلط بغلط.. 

محمد...لخاطر ربج شنو الغلط جاي اكولج اعلن هل شي واطلب ايدج دكولين لا .. بعد وين الغلط 

حنين...ندى 

محمد...اهووو لج بابا شبيها احد يمها 

انه اكولج انسيها مال اتركج اترك روحي وماتركج.. 

خليها بالج تريدن من باجر اطلب ايدج تردين اصدقاء اتركج ماتركج .. والله كلمه فراك لا جيبينها تردين نصير اصدقاء اهم شي مافركج وضلين وياي.. 

            

              

                    

حنين...تضحك ع حالك ياصدقاء .. يمكن الصداقه تصير حب بس الحب مستحيل يصير صداقه .. 

محمد ...وهو كذلك  علمود تعرفين حبنه كلشي مستحيل اله حبنه يضل حبنه... ياله انتي صارلنه 3 سنين 

نسيتيني لا  واني هم لا ... 

لا تسوين بحالج شي بسبب هل تفكير هذا 

حنين...حسيت حالي ضعفت لازم اكوله ع محمود .. 

حنين...بس اكو هواي اسباب خلتني افكر بالانتحار 

هو رد بقلق

محمد...مثل 

حنين...محمد راح اكولك لان ماكدر اضم اكثر 

محمد...كولي شكو 

بجيت هو رد علي بقلق وكال 

محمد...شكو احجي 

حنين... محمود 

كلت هيح وسكتت هو كال 

محمد...شبي نعال 

حنين...شوف هو يتحارش بيه 

هو رد عليه بذعر ولزم عاكس ايدي قوي

محمد...احجي شسوالج خرا الجلاب لمسج والله اطيح حظه بهل ليل 

كمت ابجي هو عصب وكال وهو ضاغط ع سنونه بعصبيه 

محمد...لج احجي شسوا 

حنين...محمد امانه لا تخوفني ولا تخليني اتندم ك

حجيتلك ماسوه شي بس يتحارش واحد وصخ .. 

هو رد علي بعد ماضغط ع ايدي قوي وبعصبيه .. 

محمد...شوفي هذا لهمود بعد لاتقتربين منه واني اتصرف وياه .. 

حنين...لا ماقترب منه بس عفيه لا تسوي شي والله اخاف يتبله عليه وابوي والله يموتني محمد انه دخيلتك والله لان مالكيت احد اكوله كتلك لان كلت صديق.. 

محمد...لج تخبلتي شنو اسكتله اخلي القندرة بحلكه لو انتي عاجبج هذا الشي.. 

لج عم ابوج اخو جدج يعني شي محرم فهمتي... مصيبه هاي هاي وراها كطع روس شلون تسكتيله ماكلتي لابوج 

مدري انتو شنو من شي.. 

كتله اني وابجي..

حنين...اخاف والله اخاف منه يجذب يبليها براسي والله ابوي يذبحني بدون مايرفله جفن اخاف 

ومايتفاهم بهيج شغلات والله والله العظيم يخلي الموس تزور ركبني اخاف تفهم 

            

              

                    

كمت ابجي بهستريه هو حضني ويقراة عليه.. وكال بخوف 

محمد...لا تخافين اني يمج اذا هيج حالتج مارحتي دكتور نفسي... 

حنين...مكدر بعدين الناس يعيروني يكولون مخبله.. 

هو حضني قوي وكال 

محمد...انعل ابو الناس اخلي بحلكه قندرة بسطال الي يكول 

ضل يقره ايات بعدت عنه وراح سواه ولزمت اله الايت .. خلص يريد يحط ايده ع كتوفي بعدت وكتله 

حنين...لا محمد عفيه ميصير 

ترا والله ماجي بعد 

محمد...راسج اكسره غير ماصدكت بعد هل اسنين اشوفج كبالي 

حنين...ندى 

محمد...اهووو هم رجعنه شوفي تتقبلين علاقته وغصبان ماعليج لو اصدقاء.. 

حنين...بس كله ميصير غلط.. 

محمد...العندي كلته 

حنين...اوك اصدقاء بس عفيه بدون هل حركات لان تعبت والله .. 

محمد...يلا 

حنين...نزلنه لكينه عمتي نايمه خررب هاي صدك بس همزين نايمه ومو كاعده جان شكت بشي... او سمعت شي .. 

هو طلع ويوصيني بصوت ناصي مافكر بالانتحار.. وابتعد عن هل اشياء وضل يحلفني بخوف.. بقيت اهز راسي باي 

كعدت عمتي تروح ع الغرفه هي كامت منعسه طبت وشلت ولدها وبنتها لفراشهم .. 

واجه رجل عمتي سد البوب وراح نام واني 

رحت فرشت بالغرفه الثانيه وحدي خفت كلش ضليت اقراة ايات واسمع قران وافكر بكلام محمد... 

نمت بسرعه من كد مابجيت.. 

بقيت ناميه هل مره ماكعدت باليل نمت مرتاحه .. 

كعدت الفجر بقيت افكر بالي صار البارحه.. 

لا مستحيل اضعف خطيه ندى 

قبلت بصداقته لان خفت ع ندى اخاف 

يجي يطلب ايدي وخطيه ندى رغم اعرف اني وامي نرفض حتى ابوي متأكد يرفض بس علمود ماتنجرح ندى .. 

يمكن صح نحب بعض بس يمكن الله مو كاتب النه نصيب .. 

ومحد ياخذ اكثر من حقه او اقل منه كله مكتوب اذا مكتوب الي بي نصيب لو كل الناس ترفض.. 

واذا مامكتوب نصيب لو ندى تخطبني بنفسها هم ماكو... 

بس احله شي كتله ع محمود لان هل شي كلش راعبني.. ومتعب نفسيتي ..

            

              

                    

كمت صليت رجعت العب بمبايلي طبيت ع الوتساب.. دزيت رساله لامي ولمريم بس ماردن نايمات .. 

جتني رساله من ندى ... 

-الو

رديت عليه..

حنين...هلا شلونج شعجب كاعده 

ردت علي

-انه محمد شفتج متصله

وماجوبت طلعت وهو كله غلط .. 

حتى هل صداقه بس لان خفت ع ندى واخاف العلاقه تتوتر بينهم وهم بينه.. 

ضليت لحد ماكعدت عمتي وسألتني ..

رنا...صارت الاشاره شو مانزلتي  

توترت من سؤالها وكتلها..

حنين...ها اي صارت مو ضل يعدل بالواير والابره والصحن تاخرنه بقيت لازمه الايات 

عاد خلص وكبل راح لكيتج نايمه كعدج ع الغرفه..

رنا...اي والله البارحه تعبت بسرعه نمت 

حنين...اممم 

هي راحت وانه حضرت الريوك .. 

تريكنه انه وياها بعدين كعد زوج عمتي وعيالها وتريكو وزوجها خلص وطلع .. 

... جان الجو حلو بدايه صيف.. 

نسمات هوى خفيفه وي صوت العصافير يزغزغن .. وجو هدووء  

اجه محمد وعمتي كالتله ع الريوك ماقبل كال بس اريد جاي 

عاد عمتي كالت صبيله صبيتله ونطيته اله اخذه شرب .. 

وتفحص التلفزيون يشتغل.. كال صبيلي انوب جاي.. بس لا تكثرين شكر .. 

رحت صبت اخذه يشرب وهو ساكت واني العب بمبايلي  .. باوعت علي استكانه بي لنص وكال لعمتي 

محمد...عندج شي لان راح اطلع اليوم ماجي للعصر .. 

بقيت ابوع علي من كال هيج هو باوع علي .. 

تذكرت من كال حساب محمود خفت لا يروح شوف شيسويله .. 

عمتي كالت.. 

رنا...لا والله سلامتك

هو هز راسه اني طلعت كبله.. من طلع كتله.. 

حنين...عفيه لا سوي شي والله اموت والله 

هو جان مزعوج وكال..

محمد...فوتي جوه والله ماسكتله ابن هل نعال 

هوعافني ومبين معصب من سالفه محمود .. نفخت نفس بتوتر وقله حيله.. 

فتت جوه رغم جنت مرتاحه بس مامطمئنه ع روحته اخاف من محمود يجذب عليهم وابو حاد بهيج شغلات والله 

يدفني واني مالي ذنب.. 

حسيت اريد اخابر امي او مريم بس خفت تتعقد الامور .. 

طردت هل فكره من بالي .. 

  

الفصل العاشر من هنا