رواية سواد الاثمد الفصل العاشر بقلم نورس
صاح :- وحگ علي بن أبي طالب أگضب البيكيسي وأفلش سياراتهم وأگلبها درايفر
حجاها وسحب أقسام من سلاحه
عمو تيم جر منه السلاح وصاح بيه
تيم :- اهجب هي مسربت
- شاربي مو عليَّ اذا ما سحگتهم
- انكتم شبير مو مال هوبزة ولوا انگلعوا دحك شعملت
حجاها واندار علينا عمة شيخة متربعة بالگاع لازمة راسها درة على كرسيها وجها شوي وينبلع من الخوف
اندارله :- وشنو راح تسكت
- انا أتصرف وياهم انتو اطلعوا منها
- ليش يابا حضاين جدامك وعلي بس اعطيني كلمة تاروح أزرفو هو وحمايتو هالحرمة
- لتلح گتلك انا أتصرف بلغت زلامنا يجيبولي معلوماتو لهذا نسيبهم وحسابو عندي تاشوف شلون يندگون بالخال وعيتعدى حرمة بيتو
صاح مآب من الباب :- ضاملو اياها والله
- لا حول ولا قوة الا بالله انتوا عش ميبسين راس انا ويامن گعد أحجي عش تخلوني أطر راس براس تاما تهوبوزون هالهوبزة هاي
مؤتمن :- معليك بيهم أبو علي عيحجون لحالهم اللي تگولو اعتبروا صار وانا خابرتو لأبوي وصار عندو علم ومتتظر منك تليفون
جر نفس وهز راسه وهو يباوعلهم اثنينهم
شبير لازم سلاحه يگلب بيه ومآب صافن ليبرة
قبل ليطلع ويعوفهم حذرهم
تيم :- دحگوا انتوا الزوج وحك عديلة مريم الأسمعو متصرف من راسو لو لاعبلو ملعوب ما يلوم الا نفسو
باوعوا واحد بوجه الثاني وضلوا ساكتين
صاح بشبير وأشرله عالبيكيسي :- وانتَ گوم خش سلاحك خلست البنات
طلع عمو تيم من البيت وطلعوا الولد وراه
ضل شبير گاعد يسولف لعمة شيخة عاللي صار
طلع زوج عمتي ستار جايب حمايته وجاي لهنا
مو غبي هو ويتصرف من راسه أكيد عمي دازه
بس شلون عرفوا مكاني واندلوني اني بالغربية
يدور بالوجوه صارت عينه عليَّ حاشكة روحي بالزاوية ودموعي تنزل بسكتة كل وبالي راح يطبون ياخذوني
فاتت عمتي واخذت در استغل الفرصة وگام
اجاني گعد بمستواي ركبه ونص عاقد حاجبه
- عش تبجين يولي راحوا وفضينا الموضوع هالدموع بعد ليش بالله الكريم تحرگين روحي من تبچين
- جايين ياخذوني وياهم اندلوا مكاني
- وانتِ كل عقلج اخليهم ياخذونج وانا اگف اتفرج يول فتحي عينج ودحگي زلامنا تهد جبال ننطي أرواحنا وما ننطي دخيل لو نعرف نسويها دم
لزم شاربه گال :- دحگي وهذا شاربي البوجهي دامج بأسمي ما اخلي احد يصل گربج ول امسحي دموعج
نورجان :- خايفة شُبير
- يندارلج فدوة شبير كافي يول أشتعل شعل من أشوف نثية تبجي گبالي
حجاها ومد ايده لخدي يمسح دموعي
وهو يسب ويلعن برجل عمتي ويتوعدله
شبير :- يابا والقرآن إذا ما بچيتوا بدال الدموع دم ما أتسمى عالزلم
- كافي عفية تخوفني من تحجي
- غير رقيقة انتِ يولي
عدلت شعري :- بعد وحدة نسيتها
- ومثقفة
هزيت راسي گال :- اهوو صدگت روحها الصفرة
مشى مني شايل سلاحه مشيت وراه صعد هو فوك
واني رحت غسلت وجهي واباوع بالمراية صاير أحمر
گعدت يم عمة ودر وضلت تحجي وياي وتهديني ومالج دخل ولا تهمين ولدنا سباع ولدنا ما ينطونج انتِ أمانة
للعصر اجوا عمو تيم وولد الخال فدار مؤتمن ومآب
واجتمعوا الولد بالأستقبال وگاعدة وياهم عمة شيخة
وأسمعها تگله :- يمة هاي البنية تتراجف من ساعة ما اجوا أهلها ولهساع احتاريت شحجي وياها بس ماكو فايدة دمعتها بطارف علينها خطية شوفلها چارة عجزت وانا أحاجيها
تيم :- هاي حلها يم شبير
شيخة :- وشلون بالله
- ياخذ حرمتو ويروح بيها لبيت المزرعة تانخلص من هوبزتو وهم عينو عالبنية
شبير جان معترض :- يا بيت مزرعة خوية صدك تحجي ما اروح ولا أوصل انا هين گاعد تاشوف يا سبع ابن سبع يجينا هو ودوريتو لهين ويهددنا ببيوتنا تاما أطلع حليب امو من خشمو
- احنا شگلنا
- ما اروح صعبة والله شنو خايفين منهم قابل خلي يدرون بيها خاشينها هين وزلمتهم عيجيس شعره من راسها خاطر تنبتر وتتعلك برگبتو
- افهم هي أغبر ندري بيك هتلي ومتخاف ومرجفهم هالشي لخاطر نورجان اسمع عمتي عتگلك خايفة اخذها لهناك هم تغير جو وهم تنسى الصار
وانا ما أظن أهلها راح يكفون عنها الهم رجعة ثانية لهين وجائز يجيبلو وياه بلاغ رسمي مرة الاخرى ساعتها ما عنگدر نردو بالحجي
- يعني شنو من الأخير
- اطلع بيها لبيت المزرعة محد راح يعرف هم كل وبالهم هي عند خالي بـ بيتو ميدرون بيها عندنا بس للضرورة أحكام مو مال تضل هين بعد
مآب :- بس لو أعرف شلون عرفوا مكانها
- الظاهر اكو من معطيهم خبر لو يدرون بخالي عندو علاقة بيهن ومراقبينو المهم هذا اتركو عليَّ انا اخابر خالي وافتهم منو السالفة راس الخيط عندو من هيج طول بگعدتو بـ بغداد هالمرة
أصواتهم عالية تجيني من ورى الباب
انفتح وصار بوجهي شبير وهو طالع
شافني وعقد حاجبه :- عش واگفة هين ولج
غورگت عيوني :- وين راح نروح
دار وجهه وهو يستغفر بنفاذ صبر
شبير :- ماخذج لبيت المزرعة تا اونسج بعد شتردين
- لتكذب سمعت عمو تيم ديگول يمكن يجون مرة لخ حتى ياخذوني
- خيولي عيجذب هذا حتى يخوفني يحجي هيج عبالو راح أخاف هسع أخذج ونروح لهناك وين لاگيتها زلمة مثلي طول بعرض يسوك بيج خاطر تتونسين
وصاني أحضر نفسي وجنطة لملابسي حتى نروح
وصعد لغرفته شوي ونزل مبدل بيده السويچ يفر بيه
واگف بالگراج صعد الجنطة مال ملابس بالسيارة
عمة شيخة حضرتلياها ووگفت توصي شُبير عليَّ
شيخة :- عينك عليها شبير دحك بيها الرجفة لهساع
- توصيني على أمانتي
- مثل ما حاجيتك عمة الزم روحك وشوف بيها وحدة من اخياتك لا ترضالها المو زينة
مسح وجهه گال :- افتهمنا يابا والله افتهمنا مثل اختي
وكفت تبخرنا :- كف ياعيني وعين الصاد من عيني وعين الحساد من عين ازرك ومن عين افرك ومن عين الگعودي ومن عين كطاع الصلاة ومن عين الما صلى على محمد وآل محمد
11 تعليق
روحوا ييمة بعين الزهرة ام الحسن تسهل طريجكم وتنور دربكم ويكف عنكم ولد الحرام
شفت در گاعدة تباوعلنا وتبتسم رحتلها
نورجان :- تعاي ويانا
شبير صاح :- اي مو هي فزعة هو احنا غير منهزمين بنت الفاهي
- حباب اضوج بدونها
- انا اشد وصلة واهزلج للصبح تاما تضوجين
4 تعليق
حجاها وغمزلي فززني صوت عمو تيم من وراي
صاح بيه :- ابن السايب انكتم لا اجي افلع راسك
صدك محجه بعد ويدردم ويَّ روحه
وعمة تضحك عليه واگفة تسولف وياه
تيم :- دحگي بابا مأمنج بيد ازلمة حوگ يعطي روحو وما يخلي النملة تگربلج لتخافين ولتبجين خليج نچرة وقوي گلبج بعدج صغيرة ومتعرفين للدنيا أدري موقفج صعب وحگج بس لا تنطين الموضوع أكبر من حجمو
ثقي جايتج أيام اصعب من هاي ساعتها تگعدين تضحكين على روحج وتتمنين تردين لهذا اليوم
فركت ايدي :- عمو خايفة على ماما خاف مأذينها لو ضاغطين عليها وگالتلهم على مكاني
- لا يضل بالج انا اخابر خالي افتهم منو وارجعلج خبر
نامي وغمضي وانتِ مرتاحة شبير حدرج وانا والولد نتناوب عليكم غاد ما اتركم ان شاء الله
گرص خدي وابتسم رديتله الابتسامة واني مطمئنة من كلامه يتصرفون ولا كأن شي صار قبل شوي وهالشي مريحني
عمو تيم لزم شبير يوصيه ياخذ سيارة مظللة من سياراتهم حتى محد يشوفنا خاف يطلعون مراقبينا
سلمنا وطلعنا هو يسوق واني گاعدة يمه
شو هذا اول مطلعنا من بيتهم فتح شبابيك السيارة وشغل اغنية لسارية السواس ومعليها ضليت صافنة
صار يدندن وياها :- طرف الهباري
أشگر يا سابي العين
حبوك إجباري
الگلب گبل العين
گالها وتحسر :- اي والله
حاجيته ما رد صحت بصوت عالي ديسمعني
نورجان :- شُبير
باوعلي :- ها يولي
أشرتله يطفيه قلل الصوت واندارلي
- گولي يالفحلة
- عمو تيم مو وصاك تاخذ هالسيارة حتى لحد يشوفنا
- يا تيم
- اخوك غير
- منيلي يتيم انا مگطوع من شجرة وهذا التحجين عنو متبري منو من زمان
- شُبير شبيك والله احجي صدك ليلزمونا سد الشبابيك
- تخافين وانا حدرج
- عليك الله شُبير
- هاي لخاطر الراء
سد جامات السيارة ويباوعلي :- عش خايفة حتى وجهج طقم ويَّ شعرج وعيونج
- انتَ متعرف عمو وجماعته الغدر يمشي بدمهم مو بعيد يطلعون مراقبينا حتى يكتلونا عالطريق
53 تعليق
- متأثرة هواي بالمسلسلات بابا
- حقك متعرفهم بعدك شغلهم كله إجرامي ميخافون من أكبر واحد
- باع هاي هم غير بس شافوني جروا بوش ورجعوا ليورة ما دحكت بس غبارهم
باوعتله صفنت :- عليك الله صدك
- شتحجين انتِ بس لو تدحكين عمج شلون كام يرجف من طلعتلهم الدمعة صارت بطرف عينو واحد منهم دحكتو بال بملابسو ولوما خمس ولد گاضبيني جان صبغت الدنيا عليهم لون أحمر
- ياا
- وحك اليا هو اني طلعت عليهم بس دحگوني گاموا يتراجفون واحد يگل للثاني هذا الفحل منين
باوعتله صفح گال :- شبلاج لج شنو ما مصدگة
ضليت ساكتة أباوعله
- سهلة هسع اخابرلج مآب هو يسولفلج
طفى الاغنية وجر تليفونه يگلب بيه خابر
يطلع رنين شوي واجاني صوته
مآب :- ها شبير
- مآب سولف وكت العركة شلون طلعت عليهم كالأسد وخليتهم يتراجفون
- دنجب لك هو غير تيم لزمنا حصرنا بغرفة
ويَّ الحريم خنسنا يم امي تاما نترزل منو متسوى الركضة والهوبزة حتى محد دحكنا
- وصمخ حتى صمخ
- عش منو حدرك
- الصفرة
2 تعليق
- خرب عرضك شبير لك شنو انتَ شعملت بيهم
من طلعت وخزرتهم كلها جرت بوش حتى انا معت
- شنو لابسلك مشبچ
- تاصبغ بيك هي قندرة
- كمل الها بشرفك
- وين يول منو يكدرلك انتَ شكد زلمة سبعة گاضبينك وما كادرين
نورجان :- مو گتلي خمسة
تقرب همس بصوت ناصي :- الاثنين ذول تيم ومآب ما حاسبهم عالزلم
- ياا
رجع لمآب :- هذا هو يالظهر كفيت ووفيت
- شتعطيني
- ادعيلك بالصلاة بس گلي شمحتاج ترى انا شيخ دعوتي مستجابة
- دنجب وانتَ من يمتى تصلي
- بالليل متدرون انتوا
- آخ هاي بعدك خاش هويتك الحقيقية عن العالم
نورجان :- يا هوية
- لا يول ليش ضام عليها حرمتك هاي
- شضام
- دحكي نورجان هذا رجلج جذب مو ضابط هذا بس تمويه مسويه حتى الناس متشك بيه هو شيخ
- ياا
- اي شبيج مسوي روحو ضابط سرسري زايعتو الگاع يشرب ويدور نسوان حتى الناس متشك وبالليل مخلصها صلاة وقراية قرآن
- صدك عود
هز راسه وتنهد :- شعمل عجل تاما يعتبر رياء وآخذ اثم
مآب :- شگد شريف خرب يومك
- دنجب يلا لتلح حتى جذباتي خلصن
قبل ليجاوبه سده بوجهه اندارلي :- شفتي يولي
هزيت راسي واني مبتسمة
- يابا وحگ هذا الستيرن وحگ هذا السويج
- هسه اني حجيت
باوعلي صفح معاجبه بنص الطريق حجيت
- شُبير
- عيونو
- جوعانة
اندارلي فاتح عيونه :- يول مو تغدينا سوة ما صار جم ساعة
- مو انتَ متعرفني اني بطبعي من أگعد عالأكل آكل قليل بس كل شوي أجوع
- هو انتِ ساترة عليج هالخدود إلا الباقي..
سكت ويباوع بالطريق
درت المراية باوعت لوجهي واتلمس بيه
صدك عندي خدود بارزة بس والله مو سمينة
برطمت :- شبيك وياي
عقد حاجبه :- شنو شحجيت
- ترى اني مو سمينة والنبي
- ومنو گال هيج
- انتَ هستوك گلت خدودج والباقي
فتح عينه :- لاا زوجج شيخ يفتي بالعالم تايتوبهم عن الجذب وانتِ تجذبين ما صايرة هاي
- والله هسه گلت
- يابا بالحرام اذا حجيت هيج بعد
- أصلا انتَ بس تكذب وترى سمعت مآب من گال عمو تيم حصركم بالبيت يم مرة الخال
اندارلي فاتح عيونه :- دحك الصفرة دحك وانا لبالي ثولة بس من تصلين يم شبير تستفحلين عليه
همست :- أنثى مثقفة
ابتسم كاتم ضحكته وعينه بالطريق
صارت دنيا الليل گمت اغفي كل شوي اغمض وافتح الكاه بعده يمشي وين يلا وصلنا
وكفت السيارة نزل منها وأشرلي انزل وياه اخذ الجنطة بيده ومشينا صرنا گبال باب جبير شال ايده دگة حيل
شوي واجانا صوت رجال صاح :- من هين
- انا شبير عمي
انفتح الباب صار گبالنا رجال كبير بعده بحيله
على متنه سلاح ضحك اول مشافه حضنه وتسالموا
هاشم :- عجب هين بوية ما گلت راح اجي
- الحرمة ضايجة وگلت اجيبها تاونسها بالمزرعة
باوعلي الرجال متفاجئ
- حرمتك يمتى تزوجت ابو علي ما عطاني خبر
- صارت بسرعة بسرعة ما عزمنا احد
- يابا على كل حال شايفين كل الخير وان شاء الله على عين هالحليوة ينصلح حالك انا لبالي مثل كل مرة جايبلك فاينة وياك
عض شفته ويباوعلي أشرلي افوت
دخلت جوة وهو ضل يحجي ويَّ الرجال
مساحة مفتوحة والحديقة كبيرة اكبر من اللي عندهم بالبيت ما جنت مركزة هواي امشي وعيوني گوة فاتحتهن من النعاس على ساعة اوگع على وجهي
فزيت على صوته من وراي :- شبلاج تتطوطحين مثل السكرانة
فركت عيوني حتى مالي قابلية ارد سحب ايدي جرني عليه ذب الجنطة من ايده وشالني من الكاع
ايدي حاوطت رگبته وراسي على صدره دخل يمشي بيه للبيت شميت عطره نعست اكثر
دخلنا بالصالة خلاني عالتخم
باوعتله همست :- شُبير
- يبعد الراء البأسمو ها يولي
- وين رايح
- حدرج ومحمد
نزع حذائي ووگف ينزع بقميصه لابس فانيلة سودة طلعن وشومه اجه مدد وخلى راسي على صدره
فزيت بسرعة :- شو هنا
- خليني انام حدرج ترى مالي مكان انام بيه
- يا لعد ماعدكم غرف هنا
- ماكو بس هالتخم شوفي شلون حظ عندنا
- شُبير
- كافي انخمدي شخصيتي المسربته راح تتفعل
سكتت بعد مدريت شصار واخذتني النومة بيومها من التعب حتى منمنا بوحدة من الغرف التخم كسرنا
فتحت عيوني الصبح احس شي مقيد حركتي باوعت اني بحضن شبير حتى مگدرت اگوم لازمني حيل لا اوگع التخم ضيك
اباوعله هو رايح يشخر عالخفيف من تعب الطريق
گوة وخرت ايده على كيفي وفلتت روحي منه
عفته نايم ورحت ادور حمام لگيت واحد جوة ركضت للصالة ادور الجنطة لگيتها بالباب طلعت منها ملابس ودخلت اسبح
طولت يلا طلعت حمامهم كبير يسوي واهس
المنشفة على راسي منتظرة شعري ينشف
رجعت للصالة ملگيته سمعت صوت جاي
من المبطخ رحت وگفت بالباب اباوعله
ظهره عليَّ ميشوفني لابس بنطرون وفانيلته السودة واكف عالطباخ مدري شيسوي لحد مدار نص جسمه شافني بحلكه جكارته
شبير :- ها يالفحلة
- أنثى اني أنثى
- منيلج دحكي شلون تاسويلج ريوك وين لاكيتها ضابط وشيخ ينصح بالعالم وشيف
- اخاف مثل بيضتك المحروگة مال ذيج المرة
- لا يولي مو مال حرگ كوة جديتهن من العم هاشم تانسد جوعتنا بيهن بين ما يجيبولنا غدة
رحت وكفت يمه اشوف شديسوي اباوع الطاوة بيها تارسها زيت ترس بيده البيضة يريد يطها اخذتها منه
نورجان :- روح شُبير اني اكمل
- اي تاتخربين ريوگنا
- هو انتَ حتخربه اكو واحد يحط هالگد زيت منضل للغدة بوجهنا عالطوارئ
عاف من ايده حك گصته :- عجل شعمل
- لتسوي شي انطيني
- تعرفين
- شسالفة هو بيض
- ما مبين عليج
- اهو شُبير وتالي
- تعاي يولي اخذيلج راشدي
- لا بس والله أعرف أطبخ ترى
صرت مكانه طلعت طاوة جديدة وسويت بيض خدرت الچاي وهو واگف على جهة يباوعلي ويسحك بهالجگاير
انداريتله :- شُبير هاي بس گرصة خبز وحدة
- يلا نتگاسمها مثل الصمونة
مشيت دا اخلي الاكل بالمواعين لزمني :- شتسوين
- دا اخلي البيض بمواعين
- ماكو تخليها بالطاوة
- يا شلون ناكل بالطاوة
- وجعا نتگاسم الكرصة والطاوة سوة ماكو كلمن ماعونو
سويت مثل ميريد خليتهم عالطبلة وگعدنا ناكل
كلما اجي اريد امد ايدي للطاوة يضربني
- اهوو شبيك
- اخاف عليج تاما تحترگين الطاوة حارة
- بس اريد آكُل
قلد صوتي :- اكول مو
صدك ضجت دا اگوم رجع جرني يضحك عليَّ
- أموت بهالتنعوص يولي
گام يسويلي هو لفات وينطيني
كملت نكثت ايدي وكمت گتله
- شُبير مو تنسى اغسل المواعين
- أجلفلج الطباخ فد مرة
- اي والله ياريت نفسيتي ترتاح من اشوف المطبخ نظيف
دا امشي محسيت الا انجر من شعري وگعت المنشفة
صحت :- آي شبيك
- تعاي تانغسلهن سوة
- ما غير اني سويت الريوك
- وانا جبتو متعادلين
- مبية حيل والله
- بنت الفاهي خلصتي الليل كلو نايمة فوگاي كسرتيني
وهسع گاعدة تتشكين
- حباب مو توني سبحت
- اششش يلا گدامي
جرني من ياختي وگفني عالسنك اني أجلف وهو يشطفهن بالمي وهن بس طاوة وگلاصين سواها قصة
عفته يخابر وصعدت فوك استكشف المكان الغرف كلها مقفلة بس وحدة مفتاحها بيها دخلتلها
صارت صورته كدامي عالميز الي يم الجرباية عرفتها غرفته باوعتلها مو حيل كبيرة مثل اللي بالبيت بس مرتبة نفس الدزاين والترتيب
ضل ببالي البارحة شلون يگول ما عندنا غرف هنا
رحت لميز تواليت وگفت امشط شعري وضفرته گصيبة
سحبت واحد من عطوره خليت منه گمت اگح اختنگت
حيل قوي عطوره اغلبهن ريحتهن تصير ثگيلة
واني ادور بالعطور اجت عيني على قلم حمرة عقدت حاجبي اخذته اباوعله شُبير يخلي حمرة
خليت منها شوي طبطبة لشفتي وخدودي
شميت ريحة جگاير انداريت بسرعة لگيته بالباب
شبير :- يا بختج يولي لو تتعب عيونج من مناظر الدنيا تدحگين المراية بس وترتاحين
تقرب مني شلت الحمرة رفعتها اله
نورجان :- شُبير منيلك هاي الحمرة
- خالي جابلياها تا اتحمر بيها بالليل لمرتي
- عزة صدك عود
- وحگ هذا البنطرون اللابسو
- حتى حلفانك مدري شلونه
- اگفي تا افهمج السالفة
- اي بلة
- هذا خالي بيوم جمعنا كل احنا ولد اختو عندو بالبيت جايب علاكة بيها مكياج وكعد يوزع بيه علينا كل واحد اعطاه حاجة وانا صفتلي الحمرة
ضليت صافنة :- يا صدك عود
- وداعتي شبيج هسع انتِ ما دحكتي تيم عيونو مكحلة هذا خالي اعطاه كحل اسمو الأثمد
صفنت شوي صدك تذكرت عيون عمو تيم كحيلة
وصاحب رموش سود دوم جنت اصفن بيهن يخبلن
- اي صح حتى رموشه طوال وسود
- مو تيم لان يحبو اعطاه كحلة ومسكارة دحكي حتى بهاي يفرق وانا سكتت
- شبيه وياك
- شافني يتيم ما عندي أهل واستغلني
- اني يمك معليك بيهم
عض شفته وهو يباوعلي
طلعت للحديقة اشوفها تخبل حديقتهم الخلفية بيها مسبح وناصبين شبكة مال كرة تنس ضليت هناك اشم بالورود ممخلين نوع يعتب عليهم وعمو يمي يگصگص بالأوراق ونسولف اني وياه
شفته يمشي بأتجاهنا مبدل اجانا العطر يهف
شبير :- وينج يول گلبت البيت عليج
- هياني يم عمو
- انا طالع عندي شغل واحتمال اتعطل اي شي تحتاجينو هذا عمي هاشم موجود حدرج
- وين رايح
- يول مو گلنا شغل
رجعت التهي بالورود وهو يحاجي عمو :- عمي عينك عليها وكت الغدة ارد واذا تأخرت زايد خابر الولد تايجيبولها غدة ما عتستحمل هاي بلا أكل
هاشم :- روح يبا لتوصي بنيتي هاي
باوعتله طرف عيني غمزلي لبس نظارته سلم وراح
بقيت راسي وراس الرجال افوت للبيت وارجع للحديقة ساعة اگعد عالمسبح احتاريت شلون اخلص الوكت
فات الغدة والعشة وشُبير ماكو كل شوي اطلع اسأل عمو عليه اذا خابره حتى مجان الي نفس آكل وهو ماكو البيت كبير وموحش بس اني بيه ممتعودة
تالي الليل يلا اجه التعب مبين عليه شافني گاعدة بالصالة ايدي على خدي مبوزة بوجهه
شبير :- ها يول شبلا هالخلقة تدحك ما عاجبها
- تأخرت
- بعد گليلي وين جنت
- صدك وين جنت
- ماخذة الدور زايد
دمعت :- شبير أخاف ابقى لوحدي لتعوفني
انگلب حاله شلون بجيت اجاني
يمسح بخدودي ويراضيني
- آسف يابا حگج علي بس جوزي من هالبجي عاد
حجاها واجه خله تليفوناته والسويچ عالتخم گعد بصفي ماد ايده مرجع راسه ليوره ومغمض عيونه
باوعلي :- عش ما أكلتي
- ما اشتهي
- ولهساع على لگمة الريوك
مرديت ودرت وجهي ضايجة گام وگف
گال :- گومي تاناكل عجل انا هم ضال بدون غدة
- ما اريد
اجه سحبني من ايدي گومني غصب عني ومشينا للمطبخ طلع الأكل من الثلاجة حماه ووگف يجهز بالطاولة ويخلي المواعين
احسه مو بطاقته المعودني عليها محجه شي مبين صدك تعبان رحت ساعدته وگعدنا ناكل بدون صوت
كمل واني سبقته گمت غسلت وبديت أنقل المواعين
اجاني ينشف گال :- ها يولي اغسلهن لو اعفاء اليوم
انداريتله :- لأ نتشارك مثل الصبح
- حيلي مهدود ومحمد
- انتَ گلت
- عجل يولن المواعين
حجاها واجه شالني عطت :- نزلني شُبير
- صوتج بنت التطلك خالي هسع يسمعنا الرجال شيكول شعامل بيها
- نزلني حباب لا اوگع
ما اهتم صعد الدرج جلبت برگبته حيل دخلنا للغرفة شمرني عالجرباية ووگف ينزع ملابسه واجه مدد
سحبني لحضنه عطت :- عززاا شو هنا اجيت
- عجل وين أولي غير غرفتي
- لعد اني اروح لغير غرفة
- كلها مقفلة
- اروح انام بالصالة
- لتعوفيني اخاف انام لوحدي
- ياا
- وجعا نامي لا اهفج
همست :- شُبير
- اششش كافي نامي
سكتت بعد محجيت لحد محسيت انفاسه ثگلت
تأكدت نام گمت على كيفي دا اشيل ايده عني
تحرك بمكانه اتشنجت حتى النفس كطعته صار بظهري ومحاوط خصري من وره استسلمت ما منها شردة
گعدت الصبح ما هو گمت غسلت وادوره بالبيت
نزلت جوة ماكو تنهدت بضوجة هم رجع طلع
وتكررت الحالة على مدار 3 أيام شنو من شغل عنده الأعرفه هو بس المركز بس مو يضل كل هالوقت
بحيث يخلص اليوم وهو برة البيت
گعدت الصبح نشطة اخذت ملابس واگلب بمزاج وردي دا اشوف عمة شجايبتلي ملابس طلعت منهن فستان مخصر سمائي ومنقش بفراشات ملونة متت بيه
اخذته ودخلت اسبح طلعت ادندن بأغنية واباوع لرگبتي بالمراية اهوو هاي هم راجعة متحسسة
نشفت شعري ومشطته شلت خصلتين من الجوانب وعفت الباقي نازل على طوله اخذت حمرته خليت شوية عالخفيف واخذت عطر سبحت بيه
وگفت گبال المراية اتأمل نفسي واغني :- یا بنات یا بنات الي مخلفش بنات مشبعشي من الحنية وما داقش الحلويات
انداريت لكيته واكف بالباب ايده بجيب بنطرونه واللخ لازم موبايله صافن عليَّ نزيت خليت ايدي على گلبي
نورجان :- انتَ هنا عبالي طالع
ولا عبالك يسمعني يباوعلي من فوك ليجوة اجاني
- بعد ماكو أضيك من هذا اللابستو حيل واسع
- حلو عاجبني
- مفصل مصايب الله اكبر
- محد هنا غير بس اني
- طبعًا شيمج انتِ شلاع الگلب بس لشبير بالحرام مخلينو لاعب لعب وبالحلال حارمينو ويكلولي عش تصير سرسري
جنت متفاجأة من رد فعله يحجي منفعل وضايج
اندار يريد ينزل صحت وراه اندارلي باوع
صاح :- شرايدة
استهضمت :- شبيك لتحجي وياي هيج
مسح وجهه بنفاذ صبر
- خلصيني نورجان ما فارغلج
- اريد موبايلك اخابر عمة شيخة
- شتردين منها
دنگت اباوع لأظافري :- هيج شغلات خاصة
رفعت عيني باوعتله معاجبه طلع موبايله الثاني
من جيبه فتحه وانطانياه وراح نزل جوة
خابرتها ردت بسرعة وگعدت تسألني شلوني بعد كلام طويل گتلها
- اگولج عمة
- گولي حبيبتي
- رگبتي صار فترة دتتحسس ويطلع بيها طگع حمر
- يا يمة منين اجتج الحساسية
- والله ما ادري من كمت انام يم شبير فوك كامت تصير هيج كل يوم تصبح حمرة حتخبلني
ضلت ساكتة بعدها تنهدت وگالت :- عمة هذا ذيب بفراشج مشتهيج ضال تاينهش بيج عالخفيف
- عززاا ذيب شنو
- عجل شبير ما عطاج خبر عندنا ذيب بالمزرعة متدحكين مخلين حارس غاد وانتِ حلوة وصغيرونة جلدج ترف صرتي بنفسو
- عمة عليج الله گولي دتشاقين
- انا شلي دخل ذاك رجلج روحي واسأليه وهو يگلج
سلمت وسديت التليفون منها ضلت السالفة تدك براسي
صارت بيه خوفة دنكت باوعت جوة الجرباية ماكو شي
كام يتراوالي يطلعلي من الكنتور خليت وركضت جوة
لگيته بالصالة ديخابر مديتله التليفون اخذه
وعينه متشكلة بوجهي شوي واوگع من طولي
أشرلي بعيونه عود شبيج هزيت راسي ماكو شي التهى يخابر خليت وطلعت للحديقة أغير جو وانسى السمعته
لزمت التنس ورحت يم الورود فراشات يخبلن يطيرن هنا واني اركض وراهن اريد اصيدلي وحدة
والحمدلله ولا وحدة لزمت ركضني الحديقة كلها
وعمو على جهة يرتب بالأشجار ويضحك علي
هاشم :- ول فراشة تطارد فراشة
وگفت أجر نفس أهفي على وجهي وألهث بتعب
ما فزيت الا على صوته وهو يصيح بأسمي
انداريتله بخوف من نبرته العالية لگيته جاي بأتجاهي بهمة مخنزر بوجهي رجلي انصبت بمكانها اجه لزمني من متني ومشى يجر بيَّ دخلني للبيت
دفعني للصالة الا شوي اوكع جفت على وجهي انداريتله شفايفي ترعش :- شبيك شُبـ...
صاح بعلو صوته :- وحك علي بن أبي طالب حجاية الخ أطرج حدر الكاع
همست بخوف :- شسويت
- بنت القنادر طالعة تستعرضين بجسمج كدام الزلمة وترديني ادحك لطولج اشدهن احسن
- بس اني هذا لبسي من زمان وانتَ تعرف مو جديد عليه شدعوة هلگد منفعل
- اسمعي لج لبسج هذا جان يم شدن المسيبتجن ما وراجن زلمة تايضبجن ضبة معدلة اما هسع انتِ حرمتي بأسمي ومحسوبة عليَّ لو جان اخوي ابن امي وابوي ما ارضى يدحكج بلبس مهلع يجيبلج الحجاية الشينة
من حرگتي گتله :- شو انتَ مصدك روحك اني مرتك لتنسى البيناتنا عقد كذابي نسد بيه حلوك گرايبكم الا اني مجنت رايدة اعقد من الأساس
تخبل عليَّ شلون حجيت هيج لزمني من فكي ضاغط عليه بقوة صحت بوجع
- وخر دتأذيني
- كفيلج علي اگضبج امدج هين بالكاع متاخذين مني 5 دقايق بس حاط بعيوني وصية تيم ودموع امج
نزلت دموعي همست :- شُبير فكي صار يأذيني وخر
عافني لازمة وجهي احس عظام فكي تكسروا من گد مضغط عليهن وگف يعدل بملابسه ولا كأن شي صار
مشيت شوية صاح وراي انداريتله أشرلي عالملابس
- هذا ينزع واريد من الله على الله ادحكج لابستو لو لابسة شي ضيك تاورج ور
صحت :- عناد بيك لعد الا البسه
حجيتها ودا امشي ما ادري شوكت وصلي محسيت الا انجريت من شعري رجعني عليه وبحركة سريعة لزم الفستان شگه من كدام
شهگت ولزمته اغطي صدري بيدي واباوعله مصدومة بيه دموعي تنزل
- يلا هسع ادحك العناد شلون يصير
أشرلي بأصبعه :- اختفي من گدامي يلا لا أجرم بيج
صعدت للغرفة اشهك بجي دفنت راسي بالجرباية ميتة قهر ما ادري شجاه صار كم يوم متفرعن
ضليت اليوم كله حابسة روحي مطلعت ابد ممتعودة على هيج أسلوب وخاصة منه هو انتكست بالفراش لا اكل ولا شرب ولزمتني الفلاونزا
كل شوي اغمض وافتح الگى روحي بنفس مكاني احس نفسي بغير عالم عظامي متكسرة حلگي ما اگدر افتحه احس بلعومي متجرح مدري من گد البجي البجيته
وين يلا فتحت عيوني باوعت للساعة جانت دنيا الليل تيهت حتى الوقت گمت گوة جبرت نفسي رحت للحمام غسلت وجهي ورجعت لمكاني گعدت طرف الجرباية
ضليت مدنگة راسي من اگوم احس الگاع تفتر بيَّ لأن مماكلة شي من الصبح
انفتح الباب وفات يمشي يدندن ويَّ روحه
سترته لازمها على جتفه قميصه مفتوح اول دكمتين شعره مخربط وضعه جان مو طبيعي
شافني ضل واكف بمكانه يباوعلي عيونه ناعسة ابتسم
شبير :- هاي شنو الصفرة هين
شمر السترة بالگاع وصار يتقدم عليَّ گمت أبلعم
خفت من وضعه رحت ورى الجرباية واحجي وياه
نورجان :- شبيك شُبير
راح للباب عبالي حيطلع سده وقفله بالمفتاح واندارلي رجلي كامت ترجف دموعي نزلت واني اشوفه يمشي بأتجاهي
صار كبالي تراجعت ليورة وهو يتقدم انلزگت بالحايط لزم وجهي ابهامة يمرره على شفايفي عيونه جاحظة
- شُـ...
قاطعني :- اششش
دنك باسني بهدوء سكنت جوة ايده حسيت عليه صار يتجرأ بلمساته دفعته حيل وصعدت عالجرباية دا اشرد
لزمني من رجلي وگعني وسحبني عليه دارني صار فوگاي اتهسترت اصرخ احاول ادفعه ادفر برجلي
قيد حركة رجلي بين رجليه وصار ينزع بقميصه گامت دموعي تنزل واتوسله ولا كأن يسمعني عبالك مو شُبير
دنك يبوس بخدودي وصار يعض احسه ينهش بيهن همس :- مو خدود يولي چكليت
مثل المشايف وشاف فريسة ووكعت بيده هجم على شفايفي ياكل بيهن بسنونه ايده ماخذه مسارها على جسمي يجردني من ملابسي الي يجي بيده يذبه والي ينشگ يشمره
نزل على رگبتي يطبع بوساته عليهن غمضت عيوني حيل صار وجهه كبالي ابتسامته القذرة وهو يباوعلي انفاسه وهي تضرب بشرتي حاجبه المطبور
فتحت عيوني صار شبير گدامي شهگت بقوة وصرت اعيط بعلو صوتي خلى ايده يمنع صوتي وايد لازم ايدي فوك راسي مانع حركتي صرت أنفر بجسمي
ودموعي تنزل نفسي ضاك وهو مخلي ايده خانگني
كلما اتعاند وياه يقسي عليَّ اكثر انهد حيلي
وگلبي صار يوجعني مگدرت اقاومه أكثر
رخيت جسمي وصرت كلي تحت رحمته بچيت توسلت مفاد وياه جان بغير عالم واني مثل اللعبة جوة ايده
لحظات وخر مني نفسه عالي
الشهگة بصدري جريت الغطة لميت نفسي حسيت بأنفاسه برگبتي نايم على بطنه وايده محاوطتني
بقيت بمكاني لا اني البيَّ ابقى احس روحي تتگطع ولا اگدر اوخره عني انتظرته لحد ما ثگل نفسه ونام
گوة سحبت روحي وگمت من الجرباية اخذت ملابس ورحت للحمام فتحت الدوش ودخلت جوة المي جسمي كله يرجف دموعي والمي صارن سوة والشهگة لازمتني
لزمت الليفة وگعدت ازلغ بجسمي حيل
ملخته اريد اوخر آثاره مني
كعدت لامة رجلي لصدري وبجيت بصوت عالي من كل گلبي وأردد :- ولج ماما الحگيني
مدا تروح صورته من راسي كلما اگول خلص نسيت يرجع يصيرلي موقف يرجعني لذاك اليوم الأسود
مدري شگد مر من الوكت واني جوة المي احس فقدت گوة كملت سبح واخذت ملابسي لبستها بدون تنشيف وشعري باقي منگع على طوله
رحت للصالة مددت عالتخم لامة روحي ايدي بين رجلي متخذة وضعية الجنين جسمي كله يرجف
نزلت دموعي الوحيد الي مجنت منتظره هيج شي منه جنت أشوفه الأمان والحضن الأحتمي بيه من اليأذيني
ما تصورت الأذية حتجي منه هو
گعدت الصبح الشمس ضاربه بوجهي وصوت العصافير يسطر گمت راسي گوة شلته من الكوشة جسمي يأذيني
سمعت صوته وهو يخابر واحد بالتليفون صارت هي فزة وهي طفرة رحت بسرعة اريد اصعد طلع شافني صاح وراي عفته وصعدت فوك
سمعت خطواته وهو يصعد الدرج طبيت للحمام وقفلت الباب عليَّ ضليت فوك الربع ساعة واگفة محسيت الا الباب يندفر بقوة صاح
شبير :- نورجان تطلعين لو اكسر الباب على راسج
بجيت وطلع صوت شهگتي تخبل بالزايد
گام يرگع بالباب ويحاجيني يريدني اطلع
گوة طلع صوتي :- روح شُبير
- بس اطلعي تاحجي وياج
- ماريد اشوفك روح دا اگلك
- يا أمة الإسلام يالنبي العربي الصبر اطلعي لج
- ما روح منا
- لج نورجان وحك الأمير علي لا ما طلعتي هساع وصرتي گبالي لا أكسر الباب على راسج واطبلج
حجاها ودفر الباب حيل انخلست مشيت فتحته اله وواگفه وره الباب عيني بالگاع جسمي يهتز أثر شهگاتي
جرني من ايدي طلعني صرت گدامه رفع وجهي بيده يباوعلي غمضت عيوني حيل ماريد اشوفه
گال :- فتحي عيونج
مرديت زاد ضغطه على ايدي فتحتهن ونزلت دموعي
- اسمعي نورجان هي حجاية وحدة جاوبيني عليها بس گليلي البارحة بالليل صار شي بناتنا
هزيت راسي بالنفي هزني حيل ونتر :- احجي لج عگل ما باقي براسي البارحة شصار
بجيت بأنهيار جنت اشوف بنظراته الحيرة مثل اليعرف بس يريد يتأكد رفع راسي بأيد والثانية وخر التيشيرت من جهة الصدر يباوع لرگبتي
عض شفته ودار وجهه كام يروح ويجي بالمكان ويفرك بوجهه واني واكفة على وضعي لحد مدفر باب وحدة من الغرف حيل ونزل جوة الدنيا طالعة من عينه
《 شهربان《
مر كم يوم محمد تزوج عمو راد يسفره هو ومرته يغيرون جو بس هو مقبل وهاي مرته مستگعدتلي
اما هنادي فهاي بحث آخر تحوم ورى همام تريده يعبرها تشوفني بآخر فترة صارت علاقتي قوية بيه نسولف ونضحك وهي تطحن بروحها
رحلته للغرفة فتحت الباب گمز بسرعة متمدد عالجرباية
همام :- وثول وين الذوق يا ذوق سز
شهربان :- اشو انطيني موبايلك
- شتسوين بيه
- اخابر ماما
- ليشوفوج بان
- ميدرون اختل بالسطح
- شمرلياه ورجع مدد اخذته وطلعت گعدت على صفحة دخلت رقم ماما شوي وردت :- الو
تنهدت :- شلونج ماما اني بان
- بان يعيون امج شلونج حبيبتي
- زينة ماما انتِ نورجان شلونكم
ذبت حسرة طويلة حسيتها مخنوگة
حجيت بقلق :- شكو ماما صوتج معاجبني
- ما أخذتها بان عفتها يمهم هناك بالغربية
- شنو عفتيها يمهم ترى مدا افتهم احجيلي من البداية من اول مطلعتي منا
بدت تسولفلي طلعت رايحة بوجها لبيت فدار على أساس يوديها للأنبار لاگيته هناك وگاعدة تبجي تگله انطوا بان بدال نورجان وهو باقي يمها
رادت تاخذ نورجان وتروح للسليمانية بس هو اعترضها گلها اكو جماعة مراقبينج من اجيتي بس ترحين لهناك تنلزم بنتج وباقية تنتظر بـ بيته
شهربان :- وتالي
- تالي اجونا لهنا زلم سجودة رادوا يفتشون البيت وهو مگال باطل خلاهم براحتهم ملگوا شي خلوا وطلعوا عبالنا خلصت ومقررين ثاني يوم ياخذني وياه للأنبار
اخذ نورجان واطلع مناك بعد بس خابروه اهله گلوله ستار جاي لهناك وياه دوريات يفتشون بيته مبلغين عليه عود خاطفها وابن اخته صاير بوجهم ما مخليهم
- وهسه انتِ وين
- اني بسليمانية بيوم المشكلة فدار جابني
- شلون رجعتي لخالو ماما مو تدرين عمو سالم حيرجع يجرجرج ويجبرج تدلينه على مكان نورجان
- لا مو يم خالج عندي صديقة هنا گاعدة لوحدها بالشقة گعدت وياها ودا ادور شغل حتى ألم نفسي واجيبجن وراي
- ونورجان
- فدار گلي شبير عقد عليها
- شنو
تنهدت :- اعرف ماما حقج تنصدمين اني هم لو تشوفين حالي من گلي فدار صيحت هوست حتى غلطت لحد ما گعدني الرجال وفهمني الموضوع وفهمني لمصلحتها هي شفتها مبيها شي وأأمن الها
- شلون يعني أأمن ماما مدا افتهم هو احنا غير مشرديها من الزواج الصخام تالي تنطيها لذولة
- هيج زواج بس عقد مبيناتهم شي حتى غرفهم مفصولة فدار گلي هيج أحسن الها حتى اذا يلگوها يمهم محد اله الحق يتبلى عليهم لان صارت مرة ابنهم
- يعني انتِ راضية
- لعد لويش ما أرضى فدار وأهله سند ما يكسرون بمرة داخلة عندهم واختج مأمنة عليها بجالهم وهو زواج مؤقت كلها فترة تبرد السالفة ويطلگها اجيبها يمي
- والله ما ادري ضعنا ماما ضعنا
بجت :- شسوي گوليلي مدا اگدر لوحدي اوگف بوههم تدرين اني مو گدهم شنو عبالج هم عافوني اطلع من البيت لسواد عيوني لهسه يحومون عليَّ عبالهم اروح لنورجان حتى يندلون مكانها وياخذوها مني
- تمام كافي لتبجين
- لتلوميني بان ادري بيج أيستي مني
- لا والله ابد وياج بكُلشي تسويه بيناتنا الحجي اني هم مرتاحة عليها مدامها يم فدار هذول تحكمهم عشاير صعبة وما يوكف بوجهّم لا عمو سالم ولا قانون الماشي عندهم القانون العشائري مدام نورجان صارت چنتهم مراح يخلون احد يتقربلها لأن كُلشي عندهم الا المرة وسالفة الأعراض
- كلها فترة والله ألم كم فلس وارجعلجن اثنينجن ما اعوفجن وراي
- واني حبقى منتظرة هاليوم واحسبله
- شنو وضعج انتِ شصار وياج وين گاعدة هسه
- بعدني بـ بيت عمو
- ليش المحروس مأجاج
- لا مشفته ابد
- طول
- ما ادري غير لو يجي يخلصني من المعمعة اللي بهالبيت روحي طالعة اهف بالرايح والجاي
- احد يأذيج هناك
- شحدهم
- مو گتلج مأمنة وما اخاف عليج لأن اعرف بان شنو
تنهدت :- بان مو الأولية ماما
- تزوج مو
- انتهى بالنسبة الي
- لتكتمين امي من تحسين نفسج محتاجة للبجي ابجي لتكابرين هذا الكبت كله يرجع عليج بعدين ترى تگومين تنفجرين على اتفه سبب
بعدها تحجي انسحب التليفون من ايدي باوعت
وراي مرة محمد وهبة يگلبن بالتليفون
تمارا :- هاي ويامن جنتي تحجين
- مو شغلج
- شو اشوف خاف واحد من صحبانج
زفرت نفس بنفاذ صبر
- جيبي الموبايل
- هذا مالمن ماخذته منين بگتيه
- راح اقندرج تمارا انطيني الموبايل دا اگلج انتِ هيج عبالج الناس كلها مثلج
تخبلت شلون كتلها هيج جرتني من شعري لزمت ايدها المالشتني بيها نبتت اظافري بيها عاطت وخرتها رجعت جريتها لويتها الها ورى ظهرها كامت تكمز
هبة :- عوفيها والله هسه اگول لعمتي اخليها تموتج
باوعتلها خلت وشردت
تمارا :- وخري الساقطة ام الولد والله اذا ما خزيتج وفضحتج كدامهم
ضغطت على ايدها اكثر گامت تبجي
- ها شو خنستي
مينسمع بس صوتها وهي تجر النفس گتلها :- اسمعي لج راح اعديها هالمرة وارجعج لرجلج الحرمة سالمة مرة الخ افصخها من مكانها واعلگها الج برگبتج
دفعتها اخذت التليفون ورحت رجعته لهمام
- امسح رقم ماما من السجل هاي الچلبات تمارا وهبة سمعني دا اخابر ليرحن يفتنن ويبلنك
- عنهن امج شلونها
- زينة
- شو ضايجة
- مشمورات كلمن بمحافظة زوجي السفيه حتى مشايفه خلقته الزفرة وامك وخالك عايفين شغلهم ويلحكون ورى ماما شتريدني ادگ وارگص
- عندي صفحة رجلج اشوفج صورته
- شوف حظي وين احجي وهو وين
ضحك :- غير انتِ تشتكين لان ما شايفة رجلج كلت اسوي خير بس مو وجه نعمة
- توكل ابني
- ترى انتِ الجاية لغرفتي بنيتي يلا تفضلي بلا مطرود وسدي الباب وراج
فتحت الباب ودفرته حيل وطلعت كام يصيح وراي
صار بوجهي محمد طالع من غرفته دا امشي اتعداه صار كدامي مانعني :- الك عين وتوكف كبالي
محمد :- بس أحاجيج
- ما عندي حجي وياك توكل يلا
- بان لتعاندين احاجيج گتلج
مردت اسوي هوسة ادري بيه عقله مو براسه تچتفت
- احجي دا اسمع ولو اني منك ما اوگف هالوگفة ورى الهدية الانطيتها الك كياها بس گلي كفنك لو محتاج چيس ثاني
خنزر بوجهي تقرب يي يضربني ابتعدت بسرعة
فرك وجهه وباوعلي :- لسانمج بان ليش تجبريني أأذيج
- دا اسأل شبيك لان شكلها طولت عندك إلا وين اكو واحد حيصيرله اسبوع متزوج ولهسه ممتقرب لمرته
فتح عيونه لزمني من ايدي يحجي من بين سنونه
محمد :- منو گلج هالحجي
- سمعت مرتك دتسولف لأمك وخواتـ..
بعدني ممكملتها راح لغرفته يتطاير من عيونه الشرار
رحت للحمام غسلت المكان الجان لازمني منه بمي وصابون وطلعت انشف بيدي
شافني همام :- سمعت صوت خو ماكو شي
گتله :- لا يا شكو قابل
- عبالي
- طمن بالك صدك جذب أي مشكلة تصير اني موجودة
- والله كل مشكلة تصير انتِ راس البلة
- أشكرك خجلتني ممتعودة على هيج مدح
ضحك ونزل وهو يهز بيده
دقايق طلع محمد من غرفته يركض نزل جوة نزلت وراه گبت العيطة من برة طببها يسحل بيها بالبيت وخواته وامه وراه لازماته
اخذت ركن بالمطبخ يم شارمن ماخذة دور المتفرج
فات همام يبحوش بالگدورة
همام :- شبيهم ذول
- محمد طلع مو رجال
- شلون يعني
- عليه الشهرية
جان دياكل غص باللگمة وشارمن تدك على ظهره
شارمن :- صحة صحة خذي اشربي ماي
انطته مَي شرب يلا جر نفس شوية ويباوعلي
شهربان :- شبيك تباوع هيج روح اسأله
- شعلتيها بان
- شعليَّ مرته فتنت عليه
- ليش تلعبين بالنار
- هم بدوا الشرارة
- وانتِ ما قصرتي درتيلها بانزين حتى تشعليها أكثر
رفعت ايدي :- عبد ذليل فقير الله شاهد
هز راسه معاجبه الصار وطلع من المطبخ صوت عياطها خبص البيت وهو يصيح وامه من جهة تصيح عليه لا عمو ولا سجودة بالبيت يسكتوهم صارت سينما
لشوي هدؤوا طلعت اشوف گاعدة عالتخم حالتها حالة الشعر مهلس وجها مورم أثر الضرب وتبجي يم عمتها
محمد ماكو بس لگيت عمتي أمجاد موجودة مسكتتهم
تمارا من شافتني گامت تريد تهجم عليَّ صار بوجها همام يمنعها عاطت بيها عمتي أمجاد تريدها تسكت
تمارا :- ساقطة ام الولد كله من وراج روحي اسألي امج بنت الرگاصة من يا نغل حبلت بيج
هي حجت هيج جابتها عمتي براشدي يسوى عمرها خرستها بيه
أمجاد :- بنت الخرا الج عين وتحجيها كدامي طاري اخوي مينجاب على لسانج لا ابتره بتر وحق هو الله
كفاح :- اعذريها أمجاد جاهل متعرف شتحجي
- جاهل أرجع اربيها من جديد حتى تعرف شلون تحجي مرة اللخ مو لسانها يشمر حجي بكد راسها هالمرة صارت مرة الثانية اخلي يطلع بروحج وما يرفلي جفن
- لا والله هذا هو متحجي بعد
دفعتها مرة عمو حيل گدام أمجاد وهي تخزرها
كفاح :- اعتذري من عمتج تمارا
تمارا :- آسفة عمة مو قصدي والله مدري شلون طلعت مني الحجاية كله من وراها راحت حجت براس محمد
- لمي لسانج بحلكج ولتندگين بـ بان لان وكتها اني راح اشوف شغلي وياج وهسه انكلعي من وجهي يلا
من شافت عمتي دافعتلي گلبت خلقتها ميتة مني نظراتها تريد تطلع بروحي عافت المكان وراحت وراها هنادي وهبة وگفت مرة عمي تعاتب عمتي
كفاح :- ليش هيج أمجاد تكسرين ببنت اخوي لخاطر هالساقطة بان وامها
- منج الها لبان وامها كرفة وحدة تخلصني منجن احجي وياها كفاح وعقلي چنتج سجودة بدة راسها يوجعها من مشاكلهن يوم هاي يوم ذيج كافي عاد
- ما افتهمكم ليش ساكتين لبنت اخوج على عرامتها وفوگاها فاتحيلها الباب على ساعة تنهزم وتبلينا ويَّ بيت شاكر
- ما راح تنهزم
15 تعليق
باوعتلي وكملت :- واذا سوتها تعرف شنو المنتظرها
- متوازين احبسها واگطع عنها حتى الاكل والشرب اعوفها مثل الچلبة تفطس فوك السونه امها واختها
- بان صارت تخص بيت شاكر أقل خدش يصيرلها المتضرر احنا مالنا سلطة عليها بعد منتظرين بس يجي عبد يسلمنا البضاعة وياخذها وياه
- ما رجع
- هالأيام گالت سجودة
- دخليه يجي ويفكنا يمعودة لعبت نفسي من المشاكل كل يوم مسويتلها مشكلة ولازمة وحدة من البنات هالمدمنة على ساعة تكتل وحدة بيهن وهي مو بوعيها ينخاف منها والله ليش اگلكم احبسوها
- روحي احجي هالحجي لسجودة وشوفي شتگلج
- لا عيني خليني بعيدة عن سجودة مالي دخل شتردون تسوون سووا هي من غير شي صار فترة أعصاب وگالبة عالبيت اروح اوگع بلسانها شيخلصني
خلت وراحت صارت عين أمجاد عليَّ
گلبت عيونها ودارت وجها مني
أمجاد أصغر عماتي وأحلاهن وأكثر وحدة جانت تحب بابا متزوجة ومستقرة بتركيا زوجها يحبها حيل عايشة حياة مثالية سفر طلعات ضاربة الدنيا چلاق
الشغلة الوحيدة اللي ناقصتهم ميصير عندهم أطفال والصوج طلع منها هي مخلت لا علاج لا دولة مراحتلها
اباوعلها كاعدة رجل على رجل بيدها الريموت تكلب بالتلفزيون شعرها واصل لأكتافها لابسة تراك اسود حاصر جسمها حراس سجودة يطبون ويطلعون عينهم عليها فصلوها تفصال
گعدت تسولف ويَّ همام وتشاقيه عفتهم وصعدت فوك وسديت بابي مددت عالجرباية جسمي بدة يحرگني
غمضت عيوني حاولت أنام واهدأ بنفسي اتنفس على كيفي
ساعات واني اتگلب بفراشي حسيت روحي دا اشتعل من جوة گمت طلعت مطفين الاضوية الدنيا نص الليل
رحت لغرفة همام فتحتها ودخلت لگيته گاعد شافني گام من مكانه :- خيرج بان
حكيت رگبتي
- اريد حباية
- ما عندي خلصن
- شنو خلصن گوم شوف دا احترك والله اريد انام
- ماكو شبيج ذبيت العلبة اخر شي وبعد ما جبت
ضربت الگاع بقوة وصحت :- لتخبلني اگوله اريدهم محتاجتهم راح اموت
- شسويلج منين اجيبلج بنص هالليل روحي نامي والباجر اني اوصيلج
- ما اگدر يا بشر افقد بس ابقى بدونها والله
كام من مكانه يهدأني :- تمام بس لتبجين
- اموت همام والله اريدها محتاجتها
- شبيدي اسويلج گتلج انتظري بس منا لباجر
- روح جيب من محمد هو عنده منهن
- ما راح يرضى ينطيني حتى لو گتله يدري بيهن الج
لزمت ايده اتوسله :- لا عليك الله لتسدها بوجهي روحله حتى لو بالبوگة واخذهن منه
- استغفر الله لج ما اگدر افتهمي گتلج اني اجيبلج
تهسترت مواعية على نفسي شنو احجي گمت ابجي ولازمة راسي حيل وهو صتير قريب لازم ايدي
دا نحجي اندفر الباب محمد ومرته واگفين شافونا
اندارتله :- مو گتلك سالفتهم مو خالية ما صدگتني هاي صار كم مرة اشوفها بالليل تجيله للغرفة وينسد الباب عليهم
دفع همام گله :- شعندك وياها لك
همام :- توكل محمد لتخليني اتصرف وياك غير تصرف
- تهدد عود احجي شعندك وياها هالساقطة
حجاها ورجع دفعه حيل
- شنو خوش زلمة انتَ وتدفع
- زلمة غصبًا ما على راسك
همام حاول هواي يتجنبه يدري بيه مواعي بس هو لح لحد ما گبت عنده تلازم وياه وطلع صوتهم صتروا يتصايحون وصوتهم صار عالي
هاي مرة محمد كلبت البيت تصرخ وتلطم على خدها تعاركوا من وراها وتعاركوا عليها التموا كل الي بالبيت على صوتها
اجت سجودة عاطت بيهم وعمو اجه فاككهم
محمد يمسح بالدم الي ينزل من حلكه وهمام وكف يعدل بملابسه يطگطگ بأصابيعه
سجودة :- شبيكم ولد الخرا خيسة الخيسة الناس نايمة هسه حطيت راسي عالمخدة وگبيتوا
همام :- اسألي ابن اخوج هو الجاي لغرفتي وهو البداها
محمد :- جان خاتل بـ بان بغرفته وساد الباب حتى يستغلها يدري بيها مريضة مو بوعيها
- دكل خرا شنو لبالك اني مثلك نفسي تدنى على عرضي بالحرام
سجودة :- كافي همام عوفه
سالم :- لا اوگفي وهاي البربوك شعندها بغرفتك بنص هالليل
- رادت حبوب جنت اني اوصيلها الشفيه ابنك مخليها ما تشوف گدامها من الحبوب العلمها عليها ليلها ما جاي تعرف شلون تنامه
محمد :- جذاب عنده علاقة بيها واستغلها
راد يهجم عليه رجعوا لزموه گوة سكته عمو
وهاي شافت عمتي سجودة استغلت الموقف
تمارا :- عمة والله اني اشوفها كل يوم تروح لغرفته بالليل ويسدون الباب عليهم شيسوون الله اليعلم ومتأكدة همام ماله علاقة بهالسوالف بس هاي بان جرجرته
حجتها وكفاح واكفة على جهة رفعت ملابسها من الصدر وتفي
همام تخبل عليها انتفض يريد بس يلگفها صاحت بيه امه خرسته أشرتلهم يرحون لغرفهم ضلوا على وگفتهم
سجودة :- ويامن احجي
كلها تطافرت طشوا لغرفهم ضلوا عمو سالم وهمام واگفين اجتني لزمتني من فكي رفعت وجهي تباوعلي
عيوني اغمض وافتح بتثاقل دايخة حيل الرؤية مغوشة عندي اشوف الواحد اثنين ضربتني على خدي راشديات
- هنا وياي لو لا
شهربان :- اريد انام
اندارت لهمام :- جيبلها من هذا الحبوب انطيها خلي تنام
- ما عندي مخلص
- جيب من محمد
- ما احجي وياه
- دقيقتين همام الحبوب اذا ما صارت يمي انتَ حصتي
باوع متردد عينه عليَّ جر نفس بنفاذ صبر وراح شوي ورجع بيده العلبة أشرتله :- انطيها
فتحها طلعلي اثنين بلعتهم بلا مَي مديت ايدي
شهربان :- بعد
همام :- كافي بان مو زين
- اريد بعد ذني مينومني
سجودة :- انطيها
- يوم تتأذة هيج
- لتخليني أعيد الحجاية مرتين
استسلم وطلعلي بعد وحدة اخذتها عفتهم ومشيت للغرفة مددت عالجرباية منتظرة ياخذن مفعولهن وايدي تعصر بالفراش حيل جنت روحي دتصارع
واكف بالزاوية يباوعلي بنظرات معرفت افسرها لوم على عتب
صحت :- شتريد مني خبلتني وين ما ادير وجهي اشوفك كافي تلحكني حرام عليك عوفني ارتاح
دنك راسه نزلت دموعي همست :- زعلان مني حبيبي ليش مدنك راسك باوعلي اني بان بابا حبيبة گلبك
همام :- ويامن تحجين بان
انداريت على صوته لكيته واكف بالباب يباوعلي ويرجع يباوع للمكان الي اباوعله أشرتله :- هذاك بابا شوف
انداريت ملكيت احد كمت من مكاني
شهربان :- والله جان هنا واكف همام مدا اكذب
- ادري كافي تعبتي
اخذني من ايدي خلاني امدد وغطاني باوعلي وهو تنهد
طلع من الغرفة وسد الباب سكنت شوية ونمت براحة
گعدت ثاني يوم حيل متأخرة فايتني حتى الظهر گمت گوة اجر بروحي اخذت ملابس وطبيت أخذت شاور صحصحت شوي واحس بجسمي رجع تنشط
طلعت نشفت شعري مجان الي خلك امشطه لفيته ورفعته كعكة لبست الحفاية ونزلت اسمع اصواتهم متجمعين عالطاولة ياكلون
دخلت للمطبخ لگيت شارمن هناك دتحوس
گتلها :- صباح الخير
اندارت شافتني
شارمن :- اي صبح مدام صار دنيا ظهر
- لعد مساء الخير
ابتسمت :- جوعان انتَ يريد أكل
جنت صافنة ممركزة وياها رديت :- هاا
أشرتلي على حلگها عود اكل هزيت راسي بـ اي صبتلي بماعون خلته گدامي گعدت آكل لوحدي وهي كل شوي يصيحولها لحد مهلكت اجت صبتلها گابلتني ناكل سوة
وكعدت اسولفلها عالعركة مال بارحة وهي مندمجة تكول مسلسل مو هيج حتى الأكل عافته
من كملت كالت :- انتَ كولش وكيح يسوي مشاكل
- والله عبد فقير اني بس انتوا مدري شبيكم وياي ماخذين هالنظرة عني
طبت كفاح شافتها گاعدة عاطت بيها خلتها متشوف گدامها گومتها تشيل المواعين راحت شارمن وهي وگفت تباوعلي بالباب بنظرات ودها تفترسني
الشغلة الزينة الوحيدة بسجودة من موجودة تصگرهم محد يطلعله صوت بوجودها يخنسن محد تذبلي حجي
للعصر طلعت هي وعمو سالم من البيت أمجاد راحت للمول ويَّ نسمه ضل الثلاثي المرح وچنتهم بالبيت
اخذن راحتهن بالبيت اختنگت حابسة روحي بالغرفة گمت دا انزل الدرج وصلت نهايته صارن بوجهي تمارا وهنادي صاعدات وگفن كدامي سدن طريقي
تمارا :- وخري لج خلي نفوت
- شبيج بنتي بعقلج ترى انتن واگفات بوجهي
- والج لسان وتحجين عفية صلافة هيج مشايفة
- شلون تريد احط البرجلي بالعرض ترس حلكها
هنادي :- تحومين على همام ام الولد شفتي محمد ما عبرج بعد ردتي تاخذينه مني
- وخري انتِ الخ اخذي همام مگشرة بيه وخرن هيج مالي خلكجن خلني حبابة احسن لا يطبك الحار عالبارد
وتگب عندي
- انهيج والله بس تفكرين تتقربيله سمعتي
ديفوتن تمارا دفعتني بجتفها حيل عود متدري اجيت اوگع الا شوي انداريت عليهن وهن يصعدن
لزمتهن من شعرهن ونزلتهن گبل جوة من الباية الثالثة شمرتهن للگاع انهرجنا بالعياط والصريخ سون روحهن متكسرات وهي الباية حتى مو عالية
اجت مرة عمو شافتهن زادت عليهن گامت تعيط
كفاح :- يمه راح تموتهن يبوو مريضة هالبنية مو بعقلها اخذوها للشماعية راح تموتني وتموت بناتي الحكوني
اجه همام من برة يركض مفزوع صاح :- شكو
- تعال شوووف هالخبلة المدمنة شسوت بالبنات وگعتهن من الدرج من آخر باية راح تكتلهن ولك شوفهن خاف مكسورات
باوع عليهن هذن يتباجن دموع التماسيح مبينات عيارات
- ما مبين عليهن گومن غسلن ترجعن ما بيجن شي
هنادي :- اخ يوم ايدي احسها انخلعت
حجتها وتشهك بصوت عالي
شهربان :- بس بلا زحمة الدموع وين
كفاح :- يمه راحت ايد البنية يبووو خلي يجي سالم يبوو
شهربان :- يبو على راسج
خزرني همام گتله :- والله خبصتنا يبو ويبو
تمارا :- عمه
شهربان :- وغمة
فرك وجهه يحاول يتمالك أعصابه أشرلي حتى اسكت
همام :- كافي گومن بلا عيارة ما بيجن شي
- ليش هيج تگوول همام والله ردت اموت بيدها ترى هاي مو صاحية لزمتني من شعري جابت بيَّ الدرج سحل ولج ااخ يمة
- حيل بيجن دواچن حتى متعيلن بيها مرة الخ
كفاح :- هاي تاليها همام تصير ويَّ بنت شدن علينا ااخ بس لو أعرف سجودة ليش هيج ساكتتلها ومطيتها حريتها بالبيت تصول وتجول بكيفها وانتوا مدري شمسويات الكم عاميات عيونكم بنات شدن
- ما مقبول منج هالحجي مرة خالي
- والله اموت واعرف شنو شايفين بيهن على سمعتهن الزينة شو وحدة مدمنة على ساعة تكتل روحها والوياها والأماية مخلصتها من ملهى لملهى ما ضالة بنفس واحد وجدتهن رگاصة واختها اللخ عايبة من صغرها بس هو صدك لو كالوا حظ العواهر جواهر
الدم صعد لراسي همام عرفني شريد اسوي بسرعة لزمني قيد حركتي كمت اصيح مورثة عيوني نار
شهربان :- لك عوفني اربيها والله موتها اليوم على ايدي ما اخليها صاحية تسمعين لج كفاح اموتج عوفني لك اغبر اموتها متضل عايشة
تگولين على نورجان عايبة لج انتِ وبناتج طبك العايبات متجن ذرة من طهارتها وشرفها
ماما مخلصتها من ملهى لملهى ليش لازم جنتي وياها وعرفتي تفوتن وتطلعن سوة لججج مداس رجلها براسج وبراس بناتج يالبربوقات
سد حلگي حيل واني متهسترة بيده اشمر بجسمي
اريد بس الوحها وتحي بيدي گامت بسرعة
كفاح :- دصبريلي خلي يجي سالم يشوف شنو ملفي
بـ بيته يربي مريضة
گامن كلهن راحن لغرفهن من شافني شلون متخبلة ولو وحدة منهن واگعة بيدي جان صدك اكلتها بسنوني من الحرگة الجانت شاعلة بجسمي
وهو بعده لازمني گال :- كافي ولج شجاج
هدأت گوة گدرت أجر النفس عافني ألهث سريع عيوني تحرگني راح للطبلة انطاني گلاص مي اخذته صبيته كله على راسي
همام :- صدك مخبلة
باوعتله طرف عيني طفر :- ومحمد ما مسوي شي اني وياج عليهم للوحة
شهربان :- مراح اعديها الها والله
- شنو براسج بان امي موجودة برة يمها خطار هسه تجي واحجيلها الصار واني اشهد وياج عليهن
- اتخسي انتَ وامك تاخذون حقي منهن اني تربية مرة علمتني آخذ حقي بيدي
- اويلي يا الله صرت اخاف ومحمد
- اصبر وشوف اذا مرجعتها الها اليوم ما اخليها تبات وروح بابا
- بله فلا راح تجوزين
عفته وطلعت برة اجر نفس احس ماكو هوى جوة البيت
شفت واحد من زلم سجودة واگف بالحديقة منطيني ظهره
صحت بيه :- هيي انتَ
دار بس راسه يباوع يدور مصدر الصوت باوع للمكان وأشر على نفسه گتله :- اي انتَ تعال هنا دا احجي وياك
باوعلي من فوك ليجوة ودير وجهك رحت صرت گدامه بأنفعال جگارته بحلگه ملتهي يشغل بيها ولا يمي
- اني مو احاجيك ليش مترد
ورث جگارته وگام يدخن ويباوعلي
مجان الي خلگه مديت ايدي :- انطيني جگارة
ضل ساكت رجعت كررت عليه اخذ نفس ونفخه بالهوى
عبد الإله :- شتسوين بيها
- مو شغلك انطيني يلا
حجيتها واني مادة ايدي
- واذا ما انطيتج شتسوين
- يعجبك اخلي سجودة تخصم من راتبك
- لا صدك شو خفت باعي باعي
مدلي ايده وهو يهزها عود ديرجف
- شنو دتصنف حضرتك
- شتردين گتيلي
- جگارة
انطاني اللي بحلگه مدلياها :- تفضلي
- لا انطيني وحدة جديدة
- صار بس لحظة
حجاها وسخب باكيته طلع وحدة لخ مديت ايدي اريد اخذها شو هذا خلاها بحلكه ورثها وسحب منها نفس
مدلياها :- تفضلي
- انتَ شبيك
ما رد وأشر على راسه بالسبابة عقدت حاجبي بودي املصه هو وعيونه الزرك سحبتها منه بنتر ومشيت
فتت للبيت رحت بوجهي لغرفة كفاح صايرة جوة اسمع صوتها تسولف فتحت الباب لگيت هنادي يمها صاحت
هنادي :- منو سمحلج تفوتين هيج اطلعي بره
مشيت من يمها مادة رجلها عالجرباية صعدت عليها دست على رجليها كامت تعيط وكفاح كامت بوجهي تريد تلكفني
واني واكفة عالطرف مال جرباية وهي قصيرة صارت جواي بحركة سريعة لزمتها من شعرها وجريت راسها
طلعت الجكارة طفيتها بحلكها صرخت بعلو صوتها ولزمت شفتها
كامت بنتها مفزوعة تشوفها وتصيح عليَّ خليت وشردت بسرعة طلعت صار بوجهي محمد
محمد :- شسويتي بان
شهربان :- انتَ انطم
حجيتها وطلعت للحديقة شوي وعج البيت بالعياط طلع عمو سالم يدورني شافني عيونه مورثة اجه عليَّ لزمني من شعري واخذني يسحول بيَّ دخلني فتح باب الأستقبال ودفعني حيل گوة سيطرت لا اوگع
سالم :- هاي البربوك بعد مالها گعدة بالبيت وصلت حدها وياها
باوعت كاعدة سجودة ومقابيلها هذا الأخذت منه الجگارة عينه صارت علي
سجود :- شبيها شسوت
- مطفية جگارة بحلك كفاح
من حجه هيج شفت هذا ابتسم ودنك راسه اكتافه تهتز بلا صوت بعدها چتف ايده يباوعلي وعاقد حاجبه
سالم :- وتالي سجودة انطيها خلي نخلص البيت من يوم ما دخلتله بس مشاكل
باوعتلي عاقدة الحاجب معاجبها الوضع
اندارت لهذا الگاعد تحجي وياه
سجود :- شوكت ناوي تسلمني البضاعة
عبد الإله :- من أستلم مرتي
أشرتله :- هاي واگفة كدامك گبع واخذ
باوعتله فاتحة عيوني وهو فز من مكانه وگف يباوعلي
- بس لا هاي
- انتَ شتگول
- ما اتفقنا هيج منطيتني وحدة وكحة
- اتفقت ويَّ عمك وسواء عجبك او لا انتَ بعد عقدت عليها
اندار بنص التفاته يباوعلي من فوك ليجوة بعيونه الزرگ عاقد حاجبه ومبتسم تك خد رجع دار لسجودة گلها
- بس حلوة حلوة جنت لازم گلبي بيدي لا تطلع مچلقه عليج
- هاي مرتك صارت تحت تصرفك بضاعتي شوكت أستلمها منك ترى صبرت هواي علبك
- ورة العرس
- يا عرس عبد قشامر گدامك
- عرسنا اني ومرتي لو تردين اخذها بلا زفة شنو ماخذلي مرة لو فصلية
- بس احنا ما اتفقنا هيج
- اني ما جنت موجود حتى اتفق ذاك بينج وبين عمي
- هو يگول اتفق وياك وانتَ تگلي اتفق وياه تضحكون على منو انتو
- منضحك على أحد آخذ منكم مرة عرس وزفة وبدلة ومهر ونيشان على حسب الأصول غير هالحجي ما عندي
ضلت گاعدة تاكل بروحها تباوعله ودها تطلع بروحه وهو واگف ولا عبالك يباوعلي رفع ايدي فرني بمكاني جريتها بسرعة افتر هو داير مدايري توترت
شهربان :- شبيك هيي
- اويلي دباع البحة البصوتها
رجع اندارلها :- منيلكم هاي سجودة وين جنتي ضامتها
حارث عنده هيج خلفة واني ما ادري
- لتجيب حارث على لسانك
ابتسم :- بس خوش خلفة والله
گامت بعصبية :- اخذها واطلع عبد وانتظر منك تليفون ما انطيك اكثر من اسبوع
- للأسف عندي شغل ما فارغ هسه والعروس وراها تجهيز هم يالله تلحك
- القصد
- خليها يمج هالأسبوع افرغ من العندي واجي اخذها شرط تجهزيها جهاز كامل ويَّ الذهب الفلوس راح تندز بيد واحد من جماعتنا ماريد حاجة تنقصها
اندارلي :- شلوني وياج مرتي
درت وجهي بنفور شو هذا عقد حاجبه
واجه لزم وجهي يباوع بيه ويدوره
عبد :- شو وجها مشخط شسويتولها مو گلنا ناخذها سالمة ليش تلعبون بكيفكم
سالم :- علساس هي مكدور عليها ما خلت واحد بالبيت صاحي كلها سگطتها يا عض يا دفع وختمتها طفت جكارة بحلك عمتها
- يابة تشاقة وياها
اندارلي :- مو بلة
سكتت واباوعله عافسة وجهي گرص خدي ودفعني للباب
- تزحلكي مرتي عندي حجي ويَّ عمامج الكبار
مشيت للباب ودايرة وجهي اباوعله دزلي بوسة بالهوى غميته باثنين اديه وطلعت اسمعه يضحك وراي
رحت للحديقة لگيت همام گاعد عالصبة يدخن گعدت بصفه
همام :- ها شفتي عريس الغفلة
- هذا بعقله
ضحك :- انتوا تراهمتوا بعد هو اخذ مكان اخوه وانتِ ماخذة مكان اختج كلمن شال ذنب غيره
- نورجان ممسوية ذنب جانت ضحية
- ليش يعني انتِ احسن من حالتها
- لا حالي من حالها
- لعد شجبرج تبقين
- انهزم يعني
- جنتي تگدرين تسويها ولتگولين لا اعرف تفكيرج لو قفلتي على شي بعد تسويه واكبر مثال تهديد اليوم
- لو مجنت اني جان صارت نورجان مكاني
- وشنو فرقج عنها
- هي متتحمل انتَ متعرفها شلون تنخلس من ينجاب اسم عبد الكريم گدامها تنشمر بسرعة وتفقد
- انتِ هم فاقدة شايفة نفسج من تتأخر عليج الحبوب كم يوم مينعاش وياج بان تنگلبين انسانة ثانية تصيرين أذية لنفسج ولغيرج
تنهدت :- انطيني جگارة
- ديلا استلم
- اهوو همام جيب
- انطاني وحدة خليتها بحلكي ورثها الي ويباوع ليورة ليطلع احد يشوفني :- شبيك خايف شنو عود يمنعوني
- والله الصدك مينخاف عليج اخذي راحتج
عافني وكام طلع برة كملت الجگارة ضليت گاعدة لوحدي ايدي امررها عالتراب اشيله وارجع انثره
13 تعليق
صار خيال فوك راسي انداريت شفته واگف وراي
عبد الإله :- حلو اسم شهربان مال وحدة رقة الدنيا كلها بيها بس انتِ ما مبين عليج هيج
- محد طلب رأيك
تنهد :- ايه شنسوي قسمتنا
رفعني من ياختي وگفني صحت لزمني من فكي حيل عاقد حاجبه بجدية :- منو سوة بيج هيج
- مو شغلك
- احجي عمج لو زوجته
- گتلك معليك وخر
ايدي لازمه ايده الضاغط بيها فكي اريد اوخرها فنه لو تحرك
- بانو عيون خضر شعر اسود معطب صاير لفاليف ملابس أكبر من قياسج
عافني وهز راسه كال :- بس حلوة
كمت افرك بفكي ايده ثگيلة دا امشي رجع سحبني عليه جر التيشيرت من جهة الصدر خله تليفون بصدري
خزرته ودفعت ايده ضل مجلب بيَّ
عبد الإله :- هذا تليفونج صار اي شي تحتاجيه خابريني رقمي مخزون بيه ودزيت واحد من طليان عمتج يجيبلج رصيد عبيه بأي لحظة اخابرج وساعة الاخابر بيها ومتشيلينه يصير عندي حجي ثاني وياج زين
حجاها وضرب خدي عالخفيف خله وطلع من البيت يخابر بتليفونه طبيت جوة لگيت هبة وتمارا يتنادسن بيناتهن يم الشباك وعينهن عالبرة
شافتني هبة صاحت
هبة :- شوف حظ الگحاب كاعد ركبه ونص ماخذة زينة شباب بيت شاكر طول وجمال وهيبة بس عيونه قضية
ادري شنو من حظ شايلات بنات عمو حارث
تمارا :- عاد ياريت لو حلوات ينطي جوز للماعنده سنون
شهربان :- ليش لازم محمد ممالي عينج
من حجيت فات محمد للبيت سامعنا
محمد :- شبيجن
هي اصفرت لان تدري بيه شگول يصدگني
- مرتك واختك گاعدات ديتغزلن برجلي
هبة :- والله جذابة تريد تمشكلك ويَّ مرتك
فتحت عيوني بصدمة :- عززاا هسه اني شوكت جبت طاري تمارا قابل راح اگوله مرتك تگول على رجلي ينطي جوز للما عنده سنون وواگفة تندب حظها
تمارا :- يمه الجذب شوكت حجيت هيج هاي واگفة هبة اسألها
محمد :- گدامي للغرفة
مشيت من يمه :- ليش محمد ما مالي عينها عيب عليك
اجه يهفني طفرت بسرعة صعدت فوك واسمعها عاطت يعني انسحلت فتت لغرفتي وقفلت الباب ادري بيها يخلص كتلتها وتندار عليَّ
لليل غفيت ما ادري بروحي فزيت على صوت دك عالباب على كيف گمت وگفت ورى الباب :- منو
همست بصوت ناصي
هبة :- آني بان افتحي
فتحته الها جانت لوحدها عبالي وياها تكها الثاني
شهربان :- شتردين
- عادي افوت ونسولف
21 تعليق
ضليت صافنة شوي واباوعلها تتلفت متريد احد يسمعنا
فتحتلها الباب وأشرتلها تفوت مستغرية اسلوبها
دخلت كعدت عالجرباية سديت الباب وكفت گبالها متخصرة
- فضيني شرايدة
- اششش لتحجين بصوت عالي عفية
- احجي خلصيني مالي خلگج
- بس اكعدي شبيج
جرتني من ايدي گعدتني گبالها واني متفاجأة من حالتها الغريبة
فركت ايدها وتباوعلي مترددة لحد مكالت :- بان قبل شوي صدك جنتي تحجين من كلتي ماريدة وانطيه الج
صفنت شوي عليها وراها ضحكت
- ها عجبج
- حلو بان شلون عيون شلون طول شلون عضلات لگطة والقرآن شلون معجبج
- المهم انتِ رايدته
- يعني متزعلين اذا اخذته منج
- صدك جذب صح اني اكرهج وانتِ تكرهيني ومخلصيها دك امالخ بس مينعز عليج رجلي والله
- فدوة بان اريده والله متت بيه
- اثگلي بنتي شبيج ترى ميحبون الخفيفة
- من زمان مراقبة صفحته صوره كلهن بجهازي من وكت ما شفته وهو براسي ما گدرت الزم روحي ما افكر بيه ومن حجيتي قبل شوي حسيت رجعت الدنيا فتحتلي باب وراح تجمعني بيه
- اويلي يالحُر الرياحي انتِ رايحة منتهية
- بان يموت
- زين راح اجمعج بيه بس شرط تسوين الأكلج عليه
- والله اسوي التردينه بس گولي
- شيضمنلي مراح تحجين
- اكلها اريده بان ما احجي والله هو اني جايتج بالختلات حتى لحد يدري
- هسه انتِ عيني بس يا ويلج مني لو سمعت بشر يدري بالراح احجيه الج
- والله ما احجي لأحد
كمت من مكاني رحت للكنتور طلعت التليفون الجابه الي ورحتلها مديته الها اخذته
- شنو هذا
- تليفون هو انطانياه بيه بس رقمه الزمي احجي وياه بمكاني
《 نورجان 》
مر اسبوع اني وياه بالبيت مثل الغربة عافلي الغرفة انام بيها وهو ينام جوة حتى بالأكل مننجمع يطلع من الصبح لليل
اشوفه دوم يباوعلي ويتنهد نظراته بيهن حسرة وندم
دنيا الليل گاعدة بالصالة لوحدي بيدي ريمونت
اگلب بالقنوات بملل ختمت أفلام mbc2...
