رواية قدر مكتوب الفصل العاشر بقلم ام مصطفى
روحي راحت لكيت ذابين مي علي وملتمين علي كلهم
شنو شبيج
افتح عيوني واسدها
كومتني عمة قبس كالت اصعدي ارتاحي لغرفتج خاف هبوط صار عندج انهبطتي من صوت الانفجار
صاحت ع ملك ماما صعديها فوك وابقي يمها
كلك هنا كبرت صار عمرها تقرب ١٤ بس حبابة
صعدتني ركض ع المبايل لزمته وارجف
حسام دخيل ياربي لا تشوفني مكروه بي ادك ميجاوب انوب نهاريت بزايد
صالة شي
لا لا ان شاء الله ماكو شي
دكيت ماكو
ضليت ابجي لازمة المبايل
نمت ع جربايتي ع وجهي وابجي حسام لا تعوفني انت وعدتني متعوفني ابد حسام فدوه اموت وراك
دك مبايلي كمزت حسام يتصل
فتحت خط بسرعة
حسام
الو رند مابية شي لا تخافين حبيبتي
كمت ابجي حسام ليش هيج تسوي بيه انت وين بيك شي
-لا اني اليوم مطالع موكتلج حاجز لمي يم الدكتور
-اي صح اذكرت اووف الف الحمد الله
-بس اصدقائي رند مااعرف شصار عليهم
اني راح ارجع امي للبيت واروح اشوف شصار مصار يله حبيبتي لايضل بالج
-الله وياك عود خابرني
سدة وكمت اتحمد الله واشكرة
ع سلامته والله جان متت وراح
احس ردت روحي
بالليل خابر يبجي ع اصدقائة كولهم ميتين اربعة ونفسيته تعبانة حتى ميحجي
بقيت اصبر علي
وثاني يوم مداوم
اتصلت علي كال مااكدر اداوم روحي انتي
اجة الخط ورحت وهاي اول مرة ادخل للكلية وهو ماوياي
صارت عندي صديقات
عندي اميرة ولينا وجان ويانة هم واحد احسان هم يكعد ويانه
لينا جانت تحب احسان وجان وين منروح يكعد ويانه حسام يدري بيه
بس من يجي يكعد يمنا جان ياشرلي نكوم نكعد سوه
حسام جان حيل يخاف علي ويحبني ويحافظ علي
من رحت ذاك اليوم
كعدنا كولنا سوه جنت حيل ضايجة ع وضع حسام
سئلتني اميرة شبي حسام
كتلها اصدقائة ماتو بالانفجار ونفسيته تعبانه عليهم
ضلينا كاعدين هالمرة مكمت نسولف
اميرة كالت ناخذ صور
اخذتلنا صورة اني ولينا واحسان جان يمنا
اميرة كالت شبيكم اضحكوا كاعدين بعزة
اي والله ضايجة ع حسام وأصدقاء
يمعوده الله يرحمهم كولنا ع هالطريق اضحكي خلي اخذلكم صورة
عاد احسان كال كركر كر ضحكنا
ضحكت ع حجاية وهي كصت صورة النا
ثاني يوم هم مداوم اتصلت بي كال مااجي اني بالعزاء مال صديقي
كتلة ع راحتك
هم داومنا اجة ابو الخط
وكالعادة محاظرات وكعدنا بالكافتريا
طلعنا سوه
انتضرنا ابو الخط شومجاي
فات احسان بسيارته اوصلكم
لا خط هسه يجي
دك ابو الخط كال صاير انفجار وازدحام سدوا كل الطرق
-يبوووي جام بوكتها باليوم اقل شي انفجارين التلاثة الله لا يعود ذيج الايام
كال احسان ها
كتلة ميجي انفجار صاير ماادري وين وسادين الطرق
دمشوا اصعدكم
صعدن البنات اكيد لينا ليكدام واني
واميرة ليورة
دمنشوي ونحجي بالانفجارات
وسوالف اميرة هم طلعت مبايله وكامت تكص صور
ذكرى هاي تبقى
هو احسان ماميت علينا يوصلنا بس ع مود لينا اكيد
جنا كلنا نعرف علاقة بينهم وجاب الطريق كولة يحجي وياها ويضحكون بس منسمع شيحجون ع كيف يسولفون
بعد اربع ايام كوه داوم حسام
جان شكلة تعبان كلش
ونفسيته زفت
بديت احجي وياه كافي ميصير هيج الله يرحمهم احمد الله مجنت وياهم
مااكدر رنود حيل متأذي وميرحون من بالي ابد يوميه نطلع نشتغل سوه ونضحك سوه
تعرفين هيثم من الحلة ويجي يشتغل هنا ع مود الفلوس يلمهن يريد يزوج حبيبته الي خطبها من بعد حب خمس سنوات
مالحك يزوج اخخخ عمت عيني عليهالله يرحمة هذا حال الدنيا
الله ينتقم من الاراهبية الي ديفجرون ويقتلون بالناس الابرياء لو اعرف شيستفادون
-حسبي الله ونعم الوكيل ع كل ظالم
والمطعم صار خرابة
ولازم يرجع يبني من جديد
والله افكر حتى لو بناه بعد ماارجعلة ابد لان مااكدر ادخله شلون راح اشتغل واصدقائي كلهم راحوا
-كافي حسام الله يرحمهم بعد هذا قدر وصار
ومرت ايام
بيوم لبست تنورة قصيرة حبيت اغير طبعا اني بدون حجاب اداوم جنت حسام دائما يقنعني بالحجاب بس اني مااسمع منه اكولة الحجاب قناعة مو اجبار
فرحت بتنورة قصير وكفت انتضر الخط
وحسام وياي بنفس الخط
اجة الخط صعدت سبحان الله من دون الايام زحلكت ووكعت وتنورتي كلش قصيرة جانت رمض حسام فوكاية صار كومني ويجر بملابسي
بيج شي لا مابية بس رجلي فركت عود دا اصعد مااعرف شلون انكلبت
كومني
بله هذا لبس جاية بي عود ليش واحد ميستر نفسه
حسام مو وكتها
لا وكتها يعني مشفتي وضعج من وكعتي
عمي حتى اليهود متلبس هجيج اسلام بس بالاسم والجذب
-بعدين محاضرتك خل اصعد
وين تصعدين امشي ارجعي للبيت غيري هاي الابستها حتى الله عثرج صدك جذب لخاطر الله متستحين عارضة نفسج شتردين فرجة تصير لليسوة والميسوة
يلة كالوا حلوه وشحصلتي يفيدونج عود بالاخرة
خزرته
ودرت وجهي ورحت
ننتضرج استري نفسج وتعاي
رجعت كلش مقهورة منا الوكعة وصدك احس اصلخت من وكعت
ومنا حسام حيل زودها يصيح بعلو صوته عبالك ابوية
حيل انهضمت منه
صعدت اغير ملابسي بعد مصارلي واهس كلت مااروح
دزيتله رسالة روحوا مااداوم اليوم
رد علي
بعد احسن
هذا شبي
لزمت التنور وافتكها واذبها بسطلة الزبل
حتى كرهتها عود هيه شكد حلوه علي
خب حضي
دخلت سبحت ونمت مكعدت للضهر جانت بارده
نزلت اتغدة
لكيت سرمد يحجي وي حبيبته ويضحك
شافني كالها نتخابر عود بعدين
-كنل لويش سديتا تره عادي هاء حياتك وانت حر بيها
-اس اعرف عادي بس، مااحب احجي كدام احد
هااا
اي. وانت شعجب اليوم مرايحة
طلعت ووعثرت ووكعت واتسينت عادر رجعت للبيت
-وين وكعتي
جاي اصعد الكية وعثرت ووكعت
اها يله تكبرين وتنسين
اكولج مستويلنا شي ناكله
امي جنها تتاخر اليوم واني وملك متنا جوع
اوكي لعد راح اسويلك معكرونا بالبشميل
يله شوفينا ابداعتج
بديت اسوي وهو يراسل يمي
فات عمو امجد شافنة تبسم
هلو بالعرايس لايكين لبعض ربي يدمها بينكم
بقيت اباوع لسرمد وهو يباوعلي
طلع عمو
كال رند شنو رايج بكلام بابا
بشنو يعني
يعني احنا نكدر نحب بعض كزوجين
-لا اكيد لان رابين سوه مثل الاخوان
بعدين انت تحب وحده ومن حقك تزوجها
-لا هاي هيج نزه مو حب بس انت بنت عمي غير
-شوف سرمد اني معتبرتك اخويه وسد الموضوع
ع راحتج بس اني اريد ازوج تره
-عادي متزوج منو لازمك
دخل عمو مغيرملابسة
وكعديحجي كال شنو رايكم تعقد الكم
وبعد متتخرج رند الزواج
كمت وكفت
عمو ميصير هيج يومية اكلول سرمد وادم مثل اخواني ميصير هيج
-تره صبرت هواي لا تتختبرين صبري
انت لسرمدا افتهمتي
سكتت
خليت الاكل والمعكرونيا بالشميل
بقالبها
اكلت وصعدت
لكيت حسام يدك
جاوبت
-رند شنو هاي الصور وانت ويم جنتي رايحة انت ولينا واحسان بالسيارة
الخط جام ازدحام ومكدر يجي
ها صدكت يعتي
اي اني مااكذب ترة
لا جذابة لان اكو صور لخ
وين
اسئلي نفسج
كام وسد الخط يوجي
زين شمدريه هو
بقيت ادك عليه ميجاوب
ثاني يوم داومت سلمت عليه كوه رد السلام
وطلول اليوم لابسني وابد محجة ولا كلمة ومغتب علي
كعدت يمة كام وكف
كال البينة انتهى اعتبريه
