رواية زوجي يعشق اخري الفصل العاشر بقلم ساره الخفاجي
جذب من گال نسيت الوجع الي بگلبي بس گدرت اتغلب علي واوگف بوجهة صامدة .مااجذب واكول مااحبة ،لا أحبة وهواية بس صرت احب نفسي اكثر .
كافي لهنا وكافي يااحمد اخذت من عمري هواية وانت متستحق هسة حشوف سمر شون حصير وراك ....
وصلنا للصالون سألني الكوافير أو مصفف الشعر شنو الي اريد اسوي شنو الي يعجبني .
باوعت لروحي بالمراية تجمعت دموعي بعيني ،ابتسمت وانداريت الة احاول اسيطر على دموعي .
جان شعري طويل يوصل لخصري تقريبا ،اريد اكص شعري مثل هاي الصورة ،جانت الگصة عبارة عن شعر طويل من الامام وقصير جدا من الخلف ،.
-باوعتلي فاتن ،،سمر شبيج تخبلتي انتي تحبين شعرج ومتقبلين أحد يگصة.
-ابتسمت الهة صار وقت التغير موبلة .
ابتسم الكوافير زبدة يكص بشعري جان وية كل حركة وكل صوت وهوة يكص شعري يگص بگلبي وياه .
جنت افكر وهوة يگص بشعري ،بما أنه گدرت تتخلى عن شعري حگدر انساك واتخلى عنك يااحمد لان انت مواغلى من شعري الي احبة وماذاني ابد بس جان محليني اكثر .
خلص الكوافير وطلب مني اشوف شكلي بالمراية ،حبيت شكلي الجديد كلش .
بعض النهايات تكون تعيسة وحزينة ،بس دائما نلگة بداية جديدة ،جمال مملاحظتة من قبل .
بكل طريق نمشي بي راح نلگة انواع التحديات والمرة القوية هي الي تگدر تتغلب على اي صعوبة أو عقبة تواجهة بطريقهة حتى تشوف طريق ثاني أمن تكدر تمشي بي .
خليت مكياج على ايد خبراء وجنت مختلفة تماما عن النمط الي اخلي دائما بسيط هادئ خجول ...
بعيدا عن التكلف .
خرجت من صالون التجميل واني سمر ثانية ،سمر حتى اني مااعرفهة اكثر جمال ،اكثر قوة وتحدي واصرار ....
طلعنة من الصالون وچنة كلش جوعانين بوجهنة رحنا لأحد المولات طلبنة اكل وتغدينة بعدهة توجهنة للمحلات واشترينا ملابس جديدة .
جنت دائما اسمع أنه التسوق يغير من مزاج المرة ويخليها سعيدة ...
وصدك تحسن مزاجي شوية مرينا على مكتبة صار كومه مقارية كتاب دخلنة واشتريت كم كتاب اني وفاتن .
من بينهة كتب لتطوير الذات والسيطرة على الغضب والحزن والكثير من الكتب الي تساعدني عالتغيير نفسيا وذاتيا .
رجعنا للبيت وكلمن راح لبيتة دخلت للحمام سبحت مفكرت باي شي لأول مرة من سنة مرت .
طلعت شسورت شعري باوعت على روحي بالمراية شعري الجديد لاگلي كلش وبين وجهي بي شمرت روحي عالچرباية وأخذت اول كتاب وبديت اقرة ...
اول رحلة نحو تغيير ...
نمت بدون مااحس گعدت الصبح لبست ملابسي ورحت للشركة ...
.
الجميع حب شكلي الجديد وگلولي شكد لاگلي ..
دخلت لغرفة الأستاذ ليث .
-صباح الخير استاذ رتبت جدول هذا الاسبوع وخليتة عالمكتب ورسلتلك نسخة منه عالبريد الالكتروني اذا جان اي خطأ أو تغيير تحب اضيفة گلي حتى اعدل عليه.
.....
استاذ ليث ،استاذ ليث.
-العفو ،منتبهت ،غ
گاصة شعرج ،ومغيرة المكياج مالج.
-اي.
-لاگلج اكثر من قبل .
-بخجل ،شكرا .
-لاشكر على واجب ،راح اشوف الجدول واكلج أن جان يحتاج تعديل ،لو سمحتي دزيلي الگهوة هسة.
-تدلل استاذ ،ثواني ويمك الگهوة.
فرحت من اعجاب الأستاذ ليث بشكلي لان هوة انسان جدي موبسهولة ينتبه على هيج اشياء .
خلص وكت الشغل واني بين الوثائق والأوراق وطلبات الأستاذ ليث .
قريب وكت انتهاء الدوام خابرني عادل وطلب مني نلتقي خارج الشركة ناكل شي سوة ،حبيت الفكرة واتفقنا نلتقي من نطلع .
