رواية ارهنت عمري الفصل الحادي عشر 11 بقلم نورا ناصر

كمت على حيلي وايديه على اذاناتي واصيح يمه يمه .. 

وينج يمه ، والخوف محتل كل خليه بجسمي وارجف رجيف ماصاير امشي واطيح وارجع اتمسك بالقنفات والحايط ، لحد ماصارت امي كبالي حضنتتي حيييل وتقرا ايات وادعيه وترجف .. 

شويه وكف صوت الرمي الي جان ويا صوت صياح شخص صوته مألوف بالنسبة وسامعته من قبل بس من الهبطة ماجاي اكدر اركز او اميزه .. 

اندكت الباب ومن وراهه اجه صوت ولاء ابن خالي 

ابو راضي من ورا الباب يصيح عمه عمه فتحيلي 

الباب بسرعة!!! 

امي احتارت شتسوي ، عافتني وراحت باتجاه الباب

ركضت عليها لزمتها اتوسل بيها وابجي مفزوعة 

_ يمه لا تفتحيله خاف جاي يكتلنه ...

_ ولج يمه شعنده ويانه حتى يكتلنا ..

راحت فتحت شباك الاستقبال وظلت تحجي وياه..

_ خيرك عمه شنو هذا الرمي يمه راحت كلوبنه 

جاوبها من الطارمة عمه حرامي شفته يحوم داير مداير البيت رحت كلت لمحمد واجينا 

_ ومحمد وينه هسه وانت شون طبيت؟ 

_ جاي يدور ورا البيت يشوف شنو وانه عبرت من السياج

_ وهذا صوت الرمي شنو ؟ 

_  جبت البندقية مال البيت وجيت اكتله لو ما شرد ظليت ارمي عليه بس ضلمه ماحصلته ولا عرفته .. 

فتحي الباب عمه خلي نبات يمكم خاف كل شي يصير .. 

_ يمه صدك جذب احنا طول عمرنه هنا امان وماكو شي .. والجيران خوش ناس واوادم .

_ والله يا عمه الناس صايرة ما تتأمن .. 

رحت انه خليت على راسي شال وامي فتحت الهم الباب وطبوا اثنينهم ولاء ومحمد اولاد خالي ابو راضي .. 

طلعت من الهول وكلبي يلعب منهم خايفة من دكايكهم هذول ماكو احد سالم منهم خاف يتولونه احنه بعد 

دخلت امي عليه وانه واكفة بالممر ارجف واعصر بيديه 

اجت شافتني هيج ، كضتني من زنودي 

تطمئني ؛- كافي يمه بسج ترجفين لايصير بيج شي ولد خالج هنا ماكو شي .. 

_ اي مو هذا المخوفني انه خايفة منهم خاف هذا ملعوب منهم هذول ..

_ يا ملعوب يمه!!!  جايين يحرسونه انت ماتكيفين زلمه يحرسنه مهما يكون اهل احنا مامعقولة يأذونا .. 

_ اي اي همه هذول هم حاسبين روحهم زلم(حجيت بانزعاج) 

_ لعد شنو طليان طبعا زلم مشوربة ماجاي تشوفينهم لو ما هما جان هسه احنا الله يعلم بحالنا الله دزاهم النا بالوقت المناسب .. 

احنا واكفين بالممر جاي نحجي ودخل علينا ولاء 

يصيح عمه عمه .. 

بسرعة نطيته ظهري وخليت الشال على راسي .. 

كال ها شبيج ميسم ؟ 

امي جاوبته مابيها شي ووجهت الكلام الي وهيه تدفعني من كتفي يمه ميسمه روحي جيبي بطانيات ومخاد لاولاد خالج خلي ينامون بالهول خطية .. 

هو كال الله حلو ميسمة 

بس سمعته هيج كال طكيتها ركضة للغرفة الي بيها الفراش واسمعه يكول ركضت جنهه زيطة .. 

همست شكد غثيث .. طلعت بطانيات وطلعت من الغرفة ، شفت امي ماكو لازم اطب للهول اوديهن 

طبيت شفت امي كاعدة يمهم ، ولاء كاعد بالكاع ومحمد ع التخم ،  تمتمت شلونك محمد

كال هلاوو هلاوو ميسم 

ولاء كال شو ماسلمتي عليه انه 

سكتت ماجاوبته بقيت اباوعله وبيدي البطانيات .. 

امي جاوبته مو من دخلت انته جانت خايفة من صوت الرمي .. 

شمرت البطانيات ع الكاع بخفة وطلعت جبت المخاد وجيت وضليت افرش وهم يسولفون وفتحوا موضوع البيت وضلوا يحجون ويا امي وولاء يكول الها ؛- عمه والله احسلج بيعي وتعاي يمنه ننطيج المشتمل مالة راضي لان راح يشيل بيته راح يخلص والله نخليج بعيونه ونشيلج على راسنا .. 

جاوبته امي ؛- لا عمه انه اريد اضل هنا وازوج فيض يمي واخلصه من ضيم عمامه   

ولاء ومحمد ضلو واحد يباوع للثاني بنظرات ماتتفسر ودنكو وسكتوا ... 

طلعت من يمهم ورحت لغرفة امي صعدت ع الجرباية اخذت الشرشف تلفلفت بي ، حسيت الجو بي حروره

كمت شغلت البنكة ، ورجعت تمددت واجاني الهواء البارد منها ، شهر الثالث وبعده الجو بي برودة بس انه مدري شجاني حتريت .. 

دخلت امي وسدت الباب باوعت ع البنكة كامت طفتها

ولج يمه لا تتمرضين ...

يمه احتريت شسوي 

اي مو عركانة وتفتحين بنكة تتمرضين...

كعدت يمه قفلي الباب وياج اشو هذول مامرتاحة الهم 

....

يمه شسالفة شبيج ولد خالج مو غرب ..

_ ميخالف قفلي للامان .. ترة الدنيا ما تتأمن حاميها حراميها .. 

كامت قفلته كالت امري لالله .. 

طفت الضوه .. 

اجت تمددت يمي ، تقربت منها خليت راسي بصف كتفها مدت ايدها تلعب بشعري ... 

حسيت بانفاسها ثكلت واني الارق اكل عيوني وماكدرت انام بس افكر .. شون ليلة رعب كوة مرت ..

كعدت الصبح ساعة عشرة لان دوامي عصري ، شفتهم رايحين ، كمت اشيل بفراشاتهم ريحتها تعط كلها جكاير 

كمت نكتتهم و شريتهم بالشمس .. 

والنفاضة مليانه جكاير كمت شمرت الكطوف و غسلتها

ورتبت الهول .. شفت امي بالمطبخ ، صبحت عليها 

كالت انتظرتج ماتريكت تعالي نتريك سوا 

تريكنا وكعدت قريت شويه لل ١١ كمت ابدل ..

خابرني حازم ؛- مو تنسين العصر انتظروني اجي اشوف وردة تمام ؟ 

_ اي ما انسى ان شاءالله بس انت لا تتأخر احنه نحل بالاربعة .. 

_ بالاربعة انه يم المدرسة بالسيارة جيبي وردة وتعاي

_ ان شاءالله .. 

ختمته وياه وكملت تبديل ورحت للمدرسة .. 

وردة السجاجة ماشفتها بس بداية الدوام ونهايته 

اجت عليه للصف حتى اخذها تشوف الحب ..

رحنا لابو الخط كلناله عمو روح اجه علينا اخوي نرجع وياه .. لزمنا ايد بأيد وعبرنا الشارع ،  حازم موكف سيارته بالجانب الثاني لان ازدحام يم المدرسة وكت الحلة كل الخطوط توكف ينتظرون الطالبات .. 

واكف يم سيارته ومكتف ايديه ويباوع يمين ويسار وموكف سيارته بمكان بعيد شويه .. 

وصلنا اله والتقت عيونهم .... 

دخلنا بالسيارة هو اشر الها تكعد كدام راحت كعدت يمه وعلى غير عادتها كلش ضايجة ومكتئبة .. 

حرك السيارة كالتله حازم ماعليك بحجي ابوي البارحة 

هو لان معصب من عمتي هاي الفترة تعدي ان شاءالله ويغير رأيه .. 

جانت تحجي بنبرة حزن غير معهودة .. 

باوع عليها وهو يسوق ، انولدت بزواية عينه نظرة انكسار كبحها بابتسامة عريضة مليانه امل ..

لزم ايدها قوي ويباوع عليها لحظات بنظرات قويه ويدور وجهه ع الطريق الي كدامه .. 

جر نفس وجاوبها ؛- والله قهرني خالي كلش بهاي شروطه التعجيزية ، صدك جذب منه .. بس وربج وردة ما اتنازل عنج وابقى احاول الى ان احصلج .. 

انرسمت على محياهه ابتسامة مشرقة ، رفع ايدها وباسها ويضحك .. 

كحيت انه من يمي احم احم نحن هنا لا تروحون زايد .. 

باوعلي بالمرايه يتصنع الصدمة ميسم هاي انتي هنا ولا ادري بيج من يمته انت هنانه بلله غير تحجين غير تكولين .. 

وردة تضحك وتباوعلي وانه اضحك وارفع بحاجبي الها وبداخلي ما مطمئنة لهذا كله ابد ، خايفة عليهم يتعذبون ، خاصة وهما بدوا يتعلقون ببعضهم اكثر واكثر .. 

كال شنو رأيكم  اخذكم مطعم او مكان حلو ..

جاوبته لا خاف تتأخر وردة واهلها يحجون عليها .. 

كالت اكللهم عندي درس اضافي .. 

جاوبتها وردة حبل الكذب قصير لايكشفونج وتروحين بيها عفيه اتجفو الشر وخلونه نرجع .. 

حازم؛- اي صحيح كلام ميسم وانه ما اريد اسبب الج مشاكل هسه كليلي طلباتج شنو انزل اشتريلج ... 

_ لا تتعب نفسك والله شوفتك عندي تسوا الدنيا ومابيها .. 

مد ايده كرصها من خدها ، وكف السيارة ونزل يشتريلها ، طليت عليها كتلها بعد شتريدين الله ربج .. 

ظلت تضحك خلت ايدها على كصتي ودفعتني ليورا 

كتلها البارحة اخوانج باتوا عدنا ..

التافت عليه ولج لا اكو حرامي ولا شي بس ابوي كاللهم روحوا ارموا يم بيتهم وكلولهم شفنه حرامي حتى صباح تخاف وتسلم البيت .. 

ميسم ؛- تؤ تؤ تؤ والله عرفته هذا ملعوب من خالي بس امي ماصدكتني ..

_ اي ولج كولي لعمتي بس لا تروح تكول لابوي ترة يكتلوني عفية مابيه حيل كتل خليني صاحية ع الاقل للامتحانات الوزارية .. 

_ لا تخافين بس لعبته مكشوفة ابوج بعد شيريد يسوي ولوين يريد يوصل !! 

اجه حازم انطاهه علاكة شمرها بحضنها اخذتها خلتها بجنطتها ، التفت عليه كال انت همين جبتلج مانسيتج 

انطاني علاكة فتحتها ، اخذت بس الكرزات والباقي حلويات ونساتل  انطيتهم لوردة هاج انطيهم لمهند انه ما احب هاي السوالف .. 

باوعتلي وغمزت وشمعنى مهند 

انتبهت على نفسي مو قصدي والله بس لان هو طفل اصغر واحد ابيتكم 

_ عدنا اولاد راضي شنو نسيتيهم .. 

حازم وهو يسوق مد ايده للعلاكة رجعها الي 

هاج اخذيها وسكتي ، اخذتها وسكتت .. 

وصلنا للبيت جاي ننزل ومانشوف اله اخوان وردة 

التمو علينا وصارت علينا وليه 

نزلوا وردة بالصايح والرزالة والفشاير 

راح حازم يخلصها منهم ، محمد صفكه راشدي

وضل يصيح بوجهه البارحة خطبتها ورفضناك وهسه مخليها بالصدر وتفرفر بيها ؟؟ 

حازم دفع محمد من صدره راد يضربه بس توقف لان يعرف اذا ضربه اكثر واحد راح يتأذى وردة وماراح يرحموها ..

لزمه من ايده وظل يهدي بي ترة والله مو قصدي بس هنه تأخرن عدهن دروس اضافية .. 

سحبه محمد وولاء لازم ورده 

محمد كال لحازم امشي كول هذا الحجي لابوي 

ركضت لامي جوا ؛- يمه لحكي ولاء ومحمد اخذو حازم طلعت امي وانه طلعت وراها ،  تهدأ بيهم ماكو فايدة 

راحو كلهم وامي تبعتهم وانه بقيت وحدي بالبيت ميته من الخوف ، تندمت ياريت رايحة وياهم ، بقيت رايحة جايه ، وافكر لو رايحة وياهم ،  بس واذا رحت شراح اسوي ومنو راح ياخذ حجايتي ويسمع كلامي!!! 

للمغرب ييله اجو ، حازم عيونه بهامته وامي وضعها مايتفسر ، ضايجين وطاكة روحهم ..

كعد حازم ع القنفة وكضاهه حسرات 

رحت لامي سألتها ؛- يمه شنو صار ووردة شحالها هسه!!؟

جرت نفس بحزن وجاوبت ؛- اخذوها اخوانها جوة ماادري بحالها ، اجه خالج وضل يصيح ويرزل بيه وبحازم وكال بعد ما احجي وياكم الي حجي ويا الشيخ عزام .. 

حازم كام على حيله .. امي كالتله ها يمه وين ؟ 

_ اروح لابوي اجيبه واروح لبيت خالي خلي يحجي وياهم لا يأذون وردة وبلكي يوافقون ينطوها الي .. 

طلع حازم وامي طلعت وراه سدت الباب واجت ..

بقينا على هاي حالتنه الحيرة والخوف ينهش بينه نهش وراها بجم ساعة امي خابرت حازم تسأله علي صار وشسوا ؟ 

كاللها رحت لكيتهم هناك واصلين قبلي وشاعلين الجو شعل بالصياح والهوسة . ... 

سدته امي منه ميتة قهر ومتحلطمة ، وانه ازود منها 

صداع يمزق عقلي ، والم ياكل بروحي ، على وردة المسكينة هسه اكيد فينوا حظها هالوحوش المايخافون من الله .. 

كاعدة ع القنفة  واعصر بيديه وامي رايحة جاي 

يمه سوي شي حبابة ميتة خوف على وردة والله ميتة خوف ، شجاني رتبت هالموعد كله مني الله ياخذني .. 

اشش سكتي لاتدعين على روحج اسم الله عليج 

ابد هسه اخابر خالج فائق هو الجبير ويطيعونه وياخذون بحجايته طول عمره حجايته حجاية العدلة ..

اي يمه نقذيها منهم خطية .....   ........... 

الي صار بعدها داومت انه بس وردة ماكو  ، احنا نهاية شهر الثالث وهيه لازم تمتحن بهاي الفترة حتى يقسمون الدرجات وينطون النتائج وتبين منو الداخلة بكلوريا منو لا...

وبما انه وردة شاطرة المدرسات تخبلوا عليها كل يومية ودازين عليه للادارة يسألون عنها ، وبلشو يمتحنون .....

كان جوابي في كل مرة مريضة وماجاي تكدر تداوم .. 

المديرة ؛- طيب خلي ياخذولها اجازة مرضية حتى نكدر نأجل الها الامتحانات .. 

دنكت وسكتت ، المديرة حست اكو شي وماحبت تطوخ بالحجي ، كالت روحي ماما على صفج ..

رحت محتارة وبس ابجي عليها حاسه بتأنيب الضمير كله مني انه لو مامخليتها تشوفه جان احسن 

التموا عليه الطالبات على صوت بجيّ .. 

كمت غسلت وجهي وبقيت ساكتة طول الوقت .. 

ورا عشر ايام تقريبا كاعدة بللصف توه بلش الدوام اجت بنيه انطتني ورقة 

فتحتها مكتوب بيها انه وردة تعاي ورا الحمامات مالة المدرسة بس لاتحجين لاحد ..

لزمت كلبي وركضت للمكان ، رحت شفتها شمرت روحي عليها ولج مامصدكة اشوفج 

جان وجه شاحب وخدودها ذبلانة ..

كالت لاتحجين لاحد شفتيني خاف بنات عمي يشوفوني وياج ويرحون يكولون لاهلي انه كوة خلوني اداوم بشروط طبعا يله قبل ابوي واول شرط هو مااتدنى يمج ابد ..  ...

ولج ماتدرين شصار بيه انكتلت كتلة اكبر كتلة بالتاريخ الحديث والمعاصر .. 

_ شسوين هاي ضريبة الحب ولازم تدفعينها ياجوليت ..

راح اكلج شي ولازم توصلينه لحازم .. 

_ شنو ياستار ؟ 

_ ابوي راح لفيض البارحة وكاله علمود يجي يخطبني ..

لطمت على وجهي من الصدمة ..

_ اي واليوم الصبح اجه فيض وابوي خلانه بس انه ويا وسولفنه ...

شنووو ؟؟ وشحجيتوو ؟؟؟ 

ﻭﺭﺩﺓ ؛ - ﺻﺒﺮﻱ ﻋﻠﻴﻪ ﻣﻴﺴﻢ ﻫﺴﻪ ﺍﻛﻠﺞ ﺷﻨﻮ ﺣﺠﻴﻨﻪ

ﺑﺎﻋﻲ ﺍﻧﻪ ﺟﻨﺖ ﺍﻗﺮﺍ ﺑﺎﻟﻐﺮﻓﺔ ﺭﻏﻢ ﺍﺑﻮﻱ ﻭﺍﺧﻮﺍﻧﻲ ﻛﻠﻮﻟﻲ ﺍﺑﺪ ﻣﺎﺗﺪﺍﻭﻣﻴﻦ ﺑﻌﺪ ﺗﺤﻠﻤﻴﻦ ﺯﻳﻦ ﻭﻣﻨﻪ ﻣﺎ ﻣﻮﺗﻨﺎﺝ ﻭﻛﺘﻠﻨﺎﺝ .. ﺑﺲ ﺍﻧﻪ ﺿﻠﻴﺖ ﺍﻗﺮﺍ ﻻﻥ ﻣﺎﻋﻨﺪﻱ ﺷﻲ ﺛﺎﻧﻲ ﺍﻟﺘﻬﻲ ﺑﻲ ..

ﺩﺧﻞ ﺍﺑﻮﻱ ﻭﻛﺎﻝ ﺗﺮﺩﻳﻦ ﺗﺪﺍﻭﻣﻴﻦ ؟

ﻛﻤﺖ ﻋﻠﻰ ﺣﻴﻠﻲ ﻭﺟﺎﻭﺑﺘﻪ ﺑﻨﺒﺮﺓ ﺭﺟﺎﺀ ﺍﻱ ﺑﻮﻳﻪ ﻭﺍﻟﻠﻪ ﺍﺭﻳﺪ ﺍﺩﺍﻭﻡ ﻭﺑﻌﺪ ﻣﺎﻋﻴﺪﻫﺎ ﻭﻻ ﺍﺻﻌﺪ ﻭﻳﻪ ﺣﺎﺯﻡ ﺍﺑﺪ ..

ﻛﺎﻝ ﺑﻨﺒﺮﺓ ﻣﻜﺮ ؛ - ﺍﻱ ﻣﻦ ﺑﺎﺟﺮ ﺩﺍﻭﻣﻲ ﺑﺲ ﻫﺴﻪ ﺭﺍﺡ ﻳﺠﻲ ﻓﻴﺾ ﻳﺮﻳﺪ ﻳﺤﺠﻲ ﻭﻳﺎﺝ ﻛﻠﻴﻠﻪ ﺍﻧﻪ ﻣﻮﺍﻓﻘﺔ ﻋﻠﻴﻚ ﻭﺍﻟﻠﻪ ﺍﺫﺍ ﺣﺠﻴﺘﻲ ﻏﻴﺮ ﻛﻼﻡ ﺍﺫﺑﺤﺞ ﺫﺑﺢ .. ﻭﺍﺫﺍ ﻭﺍﻓﻘﺘﻲ ﻋﻠﻰ ﻓﻴﺾ ﺍﺧﻠﻴﺞ ﺗﻜﻤﻠﻴﻦ ﺣﺘﻰ ﻛﻠﻴﺔ ﺧﻮﺵ ﺑﻮﻳﻪ؟

ﻫﺰﻳﺖ ﺭﺍﺳﻲ ﻣﻮﺍﻓﻘﺔ ﺧﺎﻳﻔﺔ ﺧﻼﻧﻲ ﻭﻃﻠﻊ ، ﻣﺤﺘﺎﺭﺓ ﻗﻨﺎﻋﺘﻲ ﻣﻬﺰﻭﺯﺓ ﺑﻴﻦ ﺣﻠﻢ ﻋﻤﺮﻱ ﺍﻛﻤﻞ ﺩﺭﺍﺳﺔ ﻭ ﺍﺩﺧﻞ ﻗﺴﻢ ﻓﻴﺰﻳﺎﺀ ﺍﻟﻤﺎﺩﺓ ﺍﻟﻲ ﺍﻋﺸﻘﻬﺎ ﻭﺑﻴﻦ ﺣﺎﺯﻡ ﺣﺐ ﺣﻴﺎﺗﻲ ﺍﻟﺸﺨﺺ ﺍﻟﻲ ﻫﺎﻳﻤﻪ ﺑﺤﺒﻪ ...

ﺩﺧﻠﺖ ﻋﻠﻴﻪ ﺍﻣﻲ ﻛﺎﻟﺖ ﺍﺑﻦ ﻋﻤﺘﺞ ﻓﻴﺾ ﻳﺘﺎﻧﻴﺞ ﻳﺮﻳﺪ ﻳﺤﺠﻲ ﻭﻳﺎﺝ ﻳﻠﻪ ﺍﻣﺸﻲ .

ﻭﻛﻔﺖ ﺍﻣﻲ ﻳﻤﻪ ﺍﺑﻮﻱ ﻟﻴﺶ ﺟﺎﻱ ﻳﺴﻮﻱ ﻫﻴﺞ ؟ ﻓﻴﺾ ﺷﻨﻮ ﻓﺮﻗﻪ ﻋﻦ ﺣﺎﺯﻡ ؟ ﻫﻮ ﻣﺎﻳﺮﻳﺪ ﻣﺼﻠﺤﺘﻲ ﻻ ﺑﺲ ﻛﻞ ﻫﻤﻪ ﻳﻔﺮﻕ ﺑﻴﻦ ﺍﻻﺧﻮﺓ ﻭﻳﺴﻮﻱ ﻣﺸﺎﻛﻞ ﺑﻴﻨﻬﻢ ..

ﺧﻠﺖ ﺍﻳﺪﻫﻪ ﻋﻠﻰ ﺣﻠﻜﻲ ﻭﺳﻜﺘﺘﻨﻲ ﻭﻟﺞ ﺳﻜﺘﻲ ﺳﻜﺘﻲ ﻣﻮﺯﻳﻦ ﻣﺎﺫﺑﺤﻮﺝ

ﻭﺧﺮﺕ ﺍﻳﺪﻫﺎ ﻭﺍﻧﻪ ﺷﺴﻮﻳﺖ ﺣﺘﻰ ﻳﺬﺑﺤﻮﻧﻲ ﻫﺎ !!!

ﻣﺎﺳﻮﻳﺖ ﺷﻲ ﺍﻧﻪ

ﻭﺭﺩﺓ ﻻ ﺗﺘﻤﺮﺩﻳﻦ ﻋﻠﻰ ﺍﺑﻮﺝ ﻭﻟﺞ ﺍﻧﺖ ﻭﻳﻦ ﻋﻘﻠﺞ ﻣﺎﺗﺸﻮﻓﻴﻦ ﺍﺧﺘﺞ ﺳﻤﻴﺤﺔ ﺷﻮﻓﺔ ﻋﻴﻨﺞ ﺗﺰﻭﺟﺖ ﻣﻨﻬﻢ ﻭﻃﻠﻜﻮﻫﺎ ﻣﺎﺟﺎﻱ ﺗﺸﻮﻓﻴﻦ ﻋﻤﺘﺞ ﺻﺒﺎﺡ ﺳﺎﺱ ﺍﻟﺒﻠﻪ ﻫﻢ ﺷﻤﺮﻭﻫﺎ ..

ﺣﺎﺯﻡ ﻳﺤﺒﻨﻲ ﻭﻣﺎﻳﺴﻮﻱ ﺳﻮﺍﻳﺘﻬﻢ ...

ﺍﻣﺸﻲ ﺍﻣﺸﻲ ﻛﺪﺍﻣﻲ ﺍﻡ ﺍﻟﺤﺐ ﺩﻧﻌﻞ ﺍﺑﻮﺝ ﻻ ﺍﺑﻮ ﺍﻟﺤﺐ ..

ﻣﺸﻴﺖ ﻗﺒﻠﻬﺎ .. ﺭﺣﺖ ﻟﻠﺪﻳﻮﺍﻧﻴﺔ ﺷﻔﺖ ﻓﻴﺾ ﻛﺎﻋﺪ ﻭﺍﺑﻮﻱ ﻛﺒﺎﻟﻪ ﺳﺎﻛﺘﻴﻦ ﻣﺎﻳﺤﺠﻮﻥ .. ﺭﺣﺖ ﻛﻌﺪﺕ ﺑﻬﺪﻭﺀ ﺑﺪﻭﻥ ﺻﻮﺕ ﻓﻴﺾ ﻛﺎﻝ ﺷﻠﻮﻧﺞ ﻭﺭﺩﺓ ؟

ﺳﻜﺘﺖ ﺍﺷﻬﻚ ﻭﺍﺯﻓﺮ ﻭﺍﻧﻔﺎﺳﻲ ﺗﺘﺮﺟﻢ ﺍﺣﺘﺠﺎﺟﻲ ﻭﺍﻟﻤﺮﺍﺭﺓ ﺍﻟﻲ ﺍﺣﺲ ﺑﻴﻬﺎ ..

ﺍﺑﻮﻱ ﻛﺎﻝ ﻓﻴﺾ ﻳﺴﺄﻟﺞ ﺷﻠﻮﻧﺞ ﺟﺎﻭﺑﻲ ﺑﻮﻳﻪ

ﺟﺎﻭﺑﺖ ﺑﺪﻭﻥ ﻣﺎ ﺍﺭﻓﻊ ﺭﺍﺳﻲ ﺍﻟﺤﻤﺪﻟﻠﻪ ..

ﻓﻴﺾ ؛ - ﺧﺎﻟﻲ ﻣﻦ ﺭﺧﺼﺘﻚ ﺑﺲ ﺍﺣﺠﻲ ﻭﻳﺎﻫﻪ ﻋﻠﻰ ﺍﻧﻔﺮﺍﺩ ...

ﻃﻠﻌﻮﺍ ﺍﻣﻲ ﻭﺍﺑﻮﻱ ﻭﺧﻠﻮﻧﻪ ﻭﺣﺪﻧﻪ ، ﻛﺎﻡ ﻓﻴﺾ ﺳﺪ ﺍﻟﺒﺎﺏ ﻭﻛﻌﺪ ﻗﺮﻳﺐ ﻣﻨﻲ .. ﻛﺎﻝ ﻭﺭﺩﺓ ﺍﺭﻳﺪ ﺍﺳﻤﻊ ﻣﻨﺞ ﺍﻧﺖ ﻻﻥ ﻣﺜﻠﻤﺎ ﻳﻜﻮﻟﻮﻥ ﺍﻧﺖ ﺍﻡ ﺍﻻﻧﻪ ..

ﺳﻤﻌﺖ ﻣﻦ ﺍﻣﻲ ﺣﺎﺯﻡ ﻳﺮﻳﺪﺝ ﻭﺑﻴﻦ ﻗﻮﺳﻴﻦ ﻭﺑﻴﻨﺎﺗﻨﺎ ﺍﻟﺤﺠﻲ ﺍﻧﺖ ﻫﻢ ﺭﺍﻳﺪﺗﻪ ﺍﻧﻪ ﻣﻮ ﻣﺎﻟﻲ ﺛﻘﺔ ﺑﺎﻣﻲ ﻻ ﺑﺎﻟﻌﻜﺲ ﻭﺳﺪﻳﺖ ﺍﻟﻤﻮﺿﻮﻉ ..

ﺑﺲ ﺧﺎﻟﻲ ﺍﺟﻪ ﻛﺎﻟﻲ ﺗﻌﺎﻝ ﺟﻴﺐ ﻋﻤﺎﻣﻚ ﻭﺍﺧﻄﺐ ﻭﺭﺩﺓ ﻣﺎﺭﺩﺕ ﺍﻓﺸﻠﻪ ﻭﻻ ﺭﺩﺕ ﺍﻛﻠﻪ ﻋﻠﻰ ﺍﻟﻲ ﻛﺎﻟﺘﻪ ﺍﻣﻲ ﺍﺟﻴﺖ ﻭﺍﺟﻴﺖ ﺍﺳﻤﻊ ﻣﻨﺞ ﺍﻧﺖ ﺑﺎﻟﺬﺍﺕ ﻭﺭﺩﺓ ، ﺍﻧﺖ ﻣﻮﺍﻓﻘﺔ ﻋﻠﻴﻪ ؟ ﻟﻮ ﺻﺪﻙ ﺗﺮﺩﻳﻦ ﺣﺎﺯﻡ !!

ﻇﻠﻴﺖ ﺍﺗﺠﻮﻝ ﺑﻨﻈﺮﺍﺗﻲ ﺑﺎﻻﺭﺟﺎﺀ ﺑﺪﻭﻥ ﻫﺪﻑ ﻭﺍﻋﺾ ﺑﺸﻔﺘﻲ ﻭﻣﺤﺘﺎﺭﺓ ﺷﺎﻛﻮﻝ ﺍﺧﺮ ﺷﻲ ﺑﺎﻭﻋﺖ ﻋﻠﻴﻪ

ﻭﺍﺣﺲ ﻋﻴﻮﻧﻲ ﻇﻠﺖ ﺗﻤﻄﺮ ﺩﻣﻮﻉ ﺣﺎﺭﺓ ﺗﺠﻮﻱ ﻗﻠﺒﻲ

ﻗﺒﻞ ﺧﺪﻱ ﻭﺻﺎﺭ ﻗﻠﺒﻲ ﻣﺜﻞ ﺍﻟﺒﺮﻛﺎﻥ ﻳﻀﺦ ﺍﻟﺤﻤﻢ ﺑﺪﺍﺧﻠﻲ ..

ﺑﺎﻭﻋﺖ ﻋﻠﻴﻪ ﺷﻔﺘﻪ ﻳﺒﺎﻭﻋﻠﻲ ﻣﺴﺘﻐﺮﺏ ﻭﻣﺬﻫﻮﻝ

ﻣﺤﻨﻲ ﻇﻬﺮﻩ ﻭﻳﻄﻜﻄﻚ ﺑﺎﺻﺎﺑﻴﻌﻪ ﻭﻧﻈﺮﺍﺗﻪ ﻛﻠﻬﺎ ﺍﻧﺘﻈﺎﺭ

ﻳﻨﺘﻈﺮ ﻣﻨﻲ ﺍﻟﻜﻠﻤﺔ 

ﻓﺘﺤﺖ ﺍﻟﻪ ﻗﻠﺒﻲ ﻭﺣﺠﻴﺖ ﻛﻞ ﺷﻲ ...

ﻣﺪﻧﻚ ﺭﺍﺳﻪ ﻭﺟﺮ ﺣﺴﺮﺓ ﻛﺎﻝ ﻭﺍﻧﻪ ﺷﻨﻮ ﺍﻟﻲ ﺑﻴﺪﻱ ﺍﺳﻮﻱ ﺍﻟﺞ ﻫﺴﻪ ؟

ﻛﺘﻠﻪ ﻭﺍﻟﻠﻪ ﺍﻧﻪ ﻫﺴﻪ ﻛﻠﺶ ﻣﺤﺘﺎﺟﺔ ﺍﺩﺍﻭﻡ ﻣﺎﺭﻳﺪ ﻫﺎﻟﺴﻨﺔ ﺗﻀﻴﻊ ﻋﻠﻴﻪ ﻻﻥ ﻣﺎﺑﻘﻰ ﺷﻲ ﻭﺗﺨﻠﺺ ﻭﺑﺎﻗﻲ ﺑﺲ ﻛﻢ ﺍﻣﺘﺤﺎﻥ ﻭﻧﻜﻌﺪ ﺑﺎﻟﺒﻴﺖ ﻧﺤﻀﺮ ﻟﻠﻮﺯﺍﺭﻱ ، ﻭﺍﺑﻮﻱ ﻛﺎﻟﻲ ﺍﺫﺍ ﻣﺎﺗﻮﺍﻓﻘﻴﻦ ﻋﻠﻰ ﻓﻴﺾ ﻣﺎﺗﺪﺍﻭﻣﻴﻦ ..

ﻇﻞ ﻳﻔﺮﻙ ﺑﺎﻳﺪﻳﻨﻪ ﻣﺮﺓ ﻭﺑﻠﺤﻴﺘﻪ ﻣﺮﺓ ﻭﺍﻧﻪ ﻛﺎﻋﺪﺓ ﺍﺭﺍﻗﺐ ﺣﺮﻛﺎﺗﻪ ، ﺍﺧﺮ ﺷﻲ ﻛﺎﻝ ﺗﻤﺎﻡ ﻫﺴﻪ ﺍﻧﻪ ﺭﺍﺡ ﺍﻃﻠﻊ ﻭﺍﻧﺖ ﻛﻮﻟﻲ ﻟﺨﺎﻟﻲ ﻛﻞ ﺷﻲ ﺗﻤﺎﻡ ﺣﺎﻭﻟﻲ ﺗﻮﺻﻠﻴﻠﻪ ﻓﻜﺮﺓ ﺍﻧﺞ ﻣﻮﺍﻓﻘﺔ ﺧﻠﺼﻲ ﺍﻣﺘﺤﺎﻧﺎﺗﺞ ﻭﻳﺼﻴﺮ ﺧﻴﺮ ..

ﺭﻓﻌﺖ ﺭﺍﺳﻲ ﺍﺑﺎﻭﻋﻠﻪ ﻭﺍﻧﺖ ﺷﺮﺍﺡ ﺗﺴﻮﻱ ؟

_ ﺭﺍﺡ ﺍﺣﺎﻭﻝ ﺍﺷﻐﻞ ﺧﺎﻟﻲ ﻋﻦ ﺩﻭﺍﻣﺞ ﻫﺎﻟﻔﺘﺮﺓ ..

_ ﻭﺍﺫﺍ ﻛﺎﻟﻚ ﺗﻌﺎﻝ ﺍﺧﻄﺒﻬﺎ

_ ﺍﺗﺤﺠﺞ ﺑﺄﻱ ﺷﻲ ﺷﻐﻞ ﺳﻔﺮ ﺍﻱ ﺷﻲ ..

ﺍﺑﺘﺴﻤﺖ ﻭﺍﺟﺘﺎﺣﺘﻨﻲ ﻓﺮﺣﺔ ﻋﺎﺭﻣﺔ

_ ﻓﻴﺾ ﺍﺑﻮﻱ ﻛﻞ ﻏﺎﻳﺘﻪ ﻳﺨﺮﺏ ﺑﻴﻨﻜﻢ ﺍﻧﺘﻮﺍ ﺍﻻﺧﻮﺍﻥ

_ ﺍﻋﺮﻑ ﻭﺭﺩﺓ ﺍﻋﺮﻑ ، ﻳﻠﻪ ﺍﻧﻪ ﺍﺗﺮﺧﺺ ..

_ ﺍﻟﻠﻪ ﻭﻳﺎﻙ ﺍﻟﻠﻪ ﻳﻌﻮﺿﻚ ﺑﺎﻻﺣﺴﻦ ﻣﻨﻲ ﺍﻥ ﺷﺎﺀﺍﻟﻠﻪ ﺍﻟﻲ ﺗﺴﻌﺪﻙ ﻭﺗﺤﺒﻚ ..

ﺍﺑﺘﺴﻢ ﻭﻛﺎﻝ ﺍﻥ ﺷﺎﺀﺍﻟﻠﻪ .. ﻳﻠﻠﻪ ﺍﻟﻠﻪ ﻭﻳﺎﺝ ﻭﺭﺩﺓ ﻭﺑﺎﻟﺘﻮﻓﻴﻖ ..

ﻫﺰﻳﺖ ﺭﺍﺳﻲ ﻣﺒﺘﺴﻤﺔ ﻫﻮ ﻃﻠﻊ ﻣﻦ ﺑﺎﺏ ﺍﻟﺪﻳﻮﺍﻧﻴﻪ ﺍﻟﻲ ﻋﻠﻰ ﺍﻟﻜﺮﺍﺝ ﻭﺳﺪ ﺍﻟﺒﺎﺏ ﻭﺭﺍﻩ ﻭﺍﻧﻪ ﻃﻠﻌﺖ ﻟﻠﻬﻮﻝ

ﺍﺑﻮﻱ ﻭﺍﻣﻲ ﻛﺎﻋﺪﻳﻦ ﺑﺲ ﺷﺎﻓﻮﻧﻲ ﻛﺎﻣﻮﺍ ﺍﻣﻲ ﻭﺍﺑﻮﻱ

ﻛﺎﻝ ﻭﻳﻨﻪ ﻓﻴﺾ ، .

ﺑﺎﺭﺗﺒﺎﻙ ﺟﺎﻭﺑﺘﻪ ؛ - ﻫﺎ ﺭﺍﺡ ...

ﺗﻘﺪﻡ ﺑﺎﺗﺠﺎﻫﻲ ﻣﻌﺼﺐ ؛ - ﺷﻜﺘﻴﻠﻪ ﻭﻟﺞ ؟

ﺭﺟﻌﺖ ﺑﺨﻄﻮﺍﺗﻲ ﻟﻠﺨﻠﻒ ﻫﺎ ﻭﺍﻟﻠﻪ ﻣﺎﻛﺘﻠﻪ ﺷﻲ ﺍﺗﻔﻘﻨﺎ ﻋﻠﻰ ﻛﻞ ﺷﻲ ﻭﻫﻮ ﻣﺎﻛﺎﻝ ﺷﻲ ﻭﺭﺍﺡ

_ ﺧﻮ ﻣﺎﻛﺘﻴﻠﻪ ﻋﻠﻰ ﺣﺎﺯﻡ ﺍﺫﺑﺤﺞ ﻭﺍﻟﻠﻪ

_ ﻻ ﻳﺎﺑﻪ ، ﻣﺎﺣﺠﻴﺖ ﺧﺎﺑﺮﻩ ﻭﺍﺗﺄﻛﺪ ﻣﻨﻪ ..

_ ﺍﺫﺑﺤﺞ ﻭﺍﻟﻠﻪ ﺍﺫﺍ ﺣﺎﺟﻴﺘﻠﻪ ﺷﻲ ....

ﻫﺰﻳﺖ ﺭﺍﺳﻲ ﻭﺩﻧﻜﺖ ﻭﻫﻮ ﻛﺎﻝ ﻳﻠﻪ ﻭﻟﻲ ﺣﻀﺮﻱ ﺭﻭﺣﺞ ﺍﻭﺩﻳﺞ ﻟﻠﻤﺪﺭﺳﺔ ﺑﺲ ﻫﺎﺍﺍ !! ﺩﻳﺮﻱ ﺑﺎﻟﺞ ﺗﺪﻧﻴﻦ ﻳﻢ ﻣﻴﺴﻢ ﺑﺲ ﺻﺒﻴﺤﻪ ﻻ ﻋﺒﺎﻟﺞ ﺑﺎﻟﻤﺪﺭﺳﺔ ﻭﻣﺎ ﺍﺷﻮﻓﺞ ﺗﺮﺓ ﺍﺧﻠﻲ ﻣﺮﺍﻗﺒﺎﺕ ﻋﻠﻴﺞ ﻭﺍﻟﺨﻂ ﻫﺬﺍ ﺍﻏﻴﺮﻩ ﺍﻟﺞ ﻳﻮﻟﻲ ..

_ ﺻﺎﺭ ﻳﺎﺑﻪ ﺍﻟﻲ ﺗﺸﻮﻓﻪ .. ﺭﺣﺖ ﻟﻐﺮﻓﺘﻲ ﺳﺪﻳﺖ ﺍﻟﺒﺎﺏ ﻋﻠﻰ ﻛﻴﻒ ﺧﻮﺍﺗﻲ ﻧﺎﻳﻤﺎﺕ ﻻﻭﻳﻦ ﻳﻠﻪ ﻳﻜﻌﺪﻥ ﻇﻠﻴﺖ ﺍﺭﻛﺺ ﻭﺍﺻﻔﻚ ، ﻛﻌﺪ ﻣﻬﻨﺪ ﻣﻦ ﻳﻢ ﺍﻣﻪ ﻳﺒﺎﻭﻋﻠﻲ ﻭﻳﻀﺤﻚ ﻭﺍﺳﻨﺎﻧﻪ ﻣﺒﻴﻨﻪ ﺑﻴﺾ ﻧﺎﺻﻌﺔ ، ﺭﺣﺖ ﺍﺧﺬﺗﻪ ﻛﻄﻌﺘﻪ ﻣﻦ ﺍﻟﺒﻮﺱ ، ﻋﻠﻰ ﺻﻮﺕ ﺍﻟﺒﻮﺱ ﻛﻌﺪﺕ ﺳﻤﻴﺤﺔ ﺣﺼﻠﺘﻠﻲ ﺭﺯﺍﻟﺔ ﻣﻨﻬﺎ ﻭﺟﺮﺕ ﺍﺑﻨﻬﺎ ﻣﻨﻲ ﻛﺎﻟﺖ ﺟﻴﺒﻲ ﻫﺬﺍ ﻣﻮ ﻟﻸﻛﻞ ..

ﺷﻔﻄﺘﻲ ﺷﻔﻔﻔﻂ ﺷﻴﻔﻜﻨﻲ ﻣﻦ ﺍﺑﻮ ﺍﻟﻴﻮﻡ ﻳﺎﺧﺬﻭﻧﻪ ﻳﺸﻮﻓﻪ ﺧﺎﻑ ﺗﺴﻮﻳﻦ ﺍﺛﺎﺭ ﺑﺨﺪﻩ ﻋﺒﺎﻟﻬﻢ ﻛﺎﺗﻠﺘﻪ ...

ﺧﺬﺗﻪ ﻳﻤﻬﺎ ﺩﺣﺴﺘﻪ ﺑﺎﻟﻔﺮﺍﺵ ﻭﻏﻄﺘﻪ ﻭﺗﺮﻳﺪ ﺗﻨﻴﻤﻪ ﻭﻫﻮ ﻳﺒﺠﻲ ﻳﺮﻳﺪ ﻳﻨﻄﻠﻖ ﻭﻳﺴﺮﺡ ﻭﻳﻤﺮﺡ ﺳﻤﻌﺘﻪ ﺍﻣﻲ ﺍﺟﺖ ﺍﺧﺬﺗﻪ ﻭﺭﻳﻜﺘﻪ ﻭﺳﻤﻴﺤﺔ ﺭﺟﻌﺖ ﻧﺎﻣﺖ ﻭﺍﻧﻪ ﺑﺪﻟﺖ ﻭﺍﺑﻮﻱ ﺟﺎﺑﻨﻲ ﻟﻠﻤﺪﺭﺳﺔ ﻭﻫﺎﻱ ﻛﻞ ﺍﻟﺴﺎﻟﻔﺔ ..

ﻣﻴﺴﻢ ؛ - ﺍﻱ ﺑﺲ ﺍﻧﻪ ﻣﺎ ﺍﻛﺪﺭ ﺍﻛﻮﻝ ﻟﺤﺎﺯﻡ ﻫﺬﺍ ﺍﺍﻟﺤﺠﻲ ﺧﺎﻑ ﻳﺘﺨﺒﻞ ﻭﻳﺴﻮﻱ ﺷﻲ ﻭﺍﺑﻮﺝ ﻳﺠﻲ ﻳﻬﺪ ﻋﻠﻴﻨﺎ ﻣﺎﻧﺎﻗﺼﻴﻦ ﻣﺸﺎﻛﻞ ﻭﻳﻪ ﺍﺑﻮﺝ ﺍﺣﻨﺎ ..

ﻟﻤﻌﺖ ﺑﻌﻴﻮﻧﻬﺎ ﻧﻈﺮﺍﺕ ﺍﻟﺤﺰﻥ ﻭﺩﻧﻜﺖ ﻣﺎ ﺍﺿﻨﻪ ﺍﺑﻮﻱ ﻳﻨﻄﻴﻨﻲ ﻟﺤﺎﺯﻡ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ..

ﺧﻠﻴﺖ ﺍﻳﺪﻱ ﻋﻠﻰ ﺯﻧﺪﻫﺎ ﺍﻓﺮﻙ ﺑﻲ ﺍﻟﻠﻪ ﻛﺮﻳﻢ ﻭﻣﺎﻋﻠﻤﺘﻲ ﺷﻨﻮ ﻳﺼﻴﺮ ﻭﺍﺫﺍ ﺍﻟﻠﻪ ﻗﺎﺳﻤﻜﻢ ﻟﺒﻌﺾ ﻣﺎﻛﻮ ﺷﻲ ﺑﺎﻟﺪﻧﻴﺎ

ﻳﻮﻛﻒ ﺑﻮﺟﻪ ﺑﻘﺴﻤﺘﻜﻢ ﻻ ﺍﺑﻮﺝ ﻭﻻ ﺍﻻﻛﺒﺮ ﻣﻨﻪ ..

ﺿﺤﻜﺖ ﻭﻟﻤﻌﺖ ﺑﻌﻴﻮﻧﻬﺎ ﻧﻈﺮﺍﺕ ﺍﻻﻣﻞ ﻭﻫﻤﺴﺖ ﺑﺴﻌﺎﺩﺓ ﺍﻥ ﺷﺎﺀﺍﻟﻠﻪ ..

ﺭﺍﺡ ﺍﺷﺘﺎﻗﻠﺞ ﺍﻟﻠﻪ ﻻﻳﻨﻄﻲ ﺍﻟﻲ ﻓﺮﻕ ﺑﻴﻨﻨﺎ ..

ﺿﺮﺑﺘﻬﺎ ﻋﻠﻰ ﻛﺘﻔﻬﺎ ﺗﺪﻋﻴﻦ ﻋﻠﻰ ﺍﺑﻮﺝ ، ﺳﻜﺘﺖ ﺑﺲ ﺍﻛﺘﻔﺖ ﺑﺎﻻﺑﺘﺴﺎﻣﺔ ، ﺭﻓﻌﺖ ﺣﺎﺟﺒﻲ ﺭﺟﻌﺖ ﻛﻠﺘﻠﻬﺎ

ﻫﺎ ﺟﺬﺍﺑﺔ ﺭﺍﺡ ﺗﺸﺘﺎﻗﻴﻦ ﻟﺤﺎﺯﻡ ﻣﻮ ﺍﻟﻲ ﻫﺎ ﺍﻋﺘﺮﻓﻲ !!

ﺣﻀﻨﺘﻨﻲ ﺣﻴﻴﻞ ﻭﺧﻠﺖ ﺭﺍﺳﻬﺎ ﻋﻠﻰ ﻛﺘﻔﻲ

ﺗﻤﺘﻤﺖ ﺑﻨﺒﺮﺓ ﺣﺰﻥ ﻭﺍﻧﻜﺴﺎﺭ ﺍﻟﺞ ﻭﻟﺤﺎﺯﻡ ﻭﻟﻌﻤﺘﻲ ﻫﻢ ﻻﻥ ﻣﻨﻌﻮﻧﻲ ﻣﻦ ﺍﻟﺮﻭﺣﻪ ﺍﻟﻬﺎ ﻭﺍﻧﻪ ﺟﻨﺖ ﻳﻮﻣﻴﻪ ﺍﺭﻭﺡ ﻳﻤﻬﺎ ﺳﻮﺍﺀ ﻣﻮﺟﻮﺩﺓ ﺍﻧﺖ ﺍﻭ ﻻ ﻋﻤﺘﻲ ﺍﻣﻲ ﺍﻟﺜﺎﻧﻴﺔ ﻭﺍﻟﻠﻪ ﺍﻣﻮﺕ ﻋﻠﻴﻬﺎ ..

ﺳﻤﻌﻨﺎ ﺻﻮﺕ ﺍﻟﺠﺮﺱ ﺭﺣﻨﻪ ﻛﻞ ﻭﺣﺪﺓ ﻋﻠﻰ ﺻﻔﻬﺎ ..

☆☆☆

ﺳﻴﻒ ..

☆☆☆

ﺑﻌﺪ ﻣﺮﻭﺭ ٥ ﺍﺷﻬﺮ ﻋﻠﻰ ﺣﺎﺩﺛﺔ ﻭﻓﺎﺓ ﺍﺧﻮﻳﻪ ..

ﺟﻴﺖ ﻣﻦ ﺩﻭﺍﻣﻲ ﺗﻌﺒﺎﻥ ، ﺻﻌﺪﺕ ﺭﺁﺳﺎ ﻟﻐﺮﻓﺘﻲ ..

ﻏﺴﻠﺖ ، ﺑﺪﻟﺖ ﻣﻼﺑﺴﻲ ، ﻭﺗﻮﺟﻬﺖ ﻟﻠﺴﺮﻳﺮ ..

ﺍﻟﺴﺮﻳﺮ ﺍﻟﻲ ﺻﺎﺭ ﻟﻠﺘﻔﻜﻴﺮ ﺍﻛﺜﺮ ﻣﻦ ﻛﻮﻧﻪ ﻟﻠﻨﻮﻡ ..

ﻛﻌﺪﺕ ﺍﻟﻤﻐﺮﺏ ، ﺑﻌﺪﻣﺎ ﺗﻜﺎﺑﺖ ﺑﺎﻟﺴﺮﻳﺮ ﻟﻤﺪﺓ ﺭﺑﻊ ﺳﺎﻋﺔ

ﻛﺪﺭﺕ ﺍﻛﺴﺮ ﻗﻴﻮﺩ ﺍﻟﻌﺠﺰ ﻭﺍﻟﻜﺴﻞ ﺍﻟﻲ ﺳﻴﻄﺮﺕ ﻋﻠﻴﻪ

ﺑﻌﺪ ﻧﻮﻣﻲ ﺍﻟﻌﻤﻴﻖ ﻭﻟﻤﺪﺓ ﺳﺎﻋﺘﻴﻦ ..

ﻏﺴﻠﺖ ﻭﻧﺰﻟﺖ ﺟﻮﺍ ، ﺻﺎﺭﺕ ﺑﻮﺟﻬﻲ ﺳﺎﺭﺓ ﻭﻋﻠﻰ ﺍﻳﺪﻫﺎ ﺑﻨﺘﻬﺎ ﺗﻮﻫﺎ ﻃﺎﻟﻌﺔ ﻣﻦ ﺍﻟﺼﺎﻟﺔ ﻭﻧﻈﺮﺍﺗﻬﺎ ﻣﺎﺗﺘﻔﺴﺮ ﻭﺻﻮﺕ ﺍﻣﻲ ﻣﻦ ﻭﺭﺍﻫﺎ ﻳﺠﻲ ﺗﻨﺤﺐ ﻭﺗﺒﺠﻲ ..

ﻛﺘﻠﻬﺎ ﺷﻜﻮﻭ ؟

ﻫﺰﺕ ﺭﺍﺳﻬﺎ ﺑﻌﺪﻡ ﻗﺒﻮﻝ ﻭﺍﺷﺮﺗﻠﻲ ﺑﻨﻈﺮﺍﺗﻬﺎ ﻋﻠﻰ ﺍﻣﻲ ..

ﺭﺣﺖ ﻟﻤﻜﺎﻥ ﻣﺎﻛﺎﻋﺪﺓ ﺍﻣﻲ ﺑﺎﻟﺼﺎﻟﺔ ﻉ ﺍﻟﺘﺨﻢ ، ﻛﻌﺪﺕ ﻳﻢ ﺭﺟﻠﻴﻬﺎ ﻭﻟﺰﻣﺖ ﺍﻳﺪﻳﻬﺎ ﻭﺍﺑﺎﻭﻉ ﺑﻮﺟﻬﻪ ﺑﻘﻬﺮ

_ ﻳﻮﻡ ﻟﻴﺶ ﺩﺗﺴﻮﻳﻦ ﺑﻨﻔﺴﺞ ﻫﻴﺞ ﺗﺮﻩ ﺣﺘﻰ ﺍﻟﻠﻪ ﻣﺎﻳﻘﺒﻞ ﺍﺭﺣﻤﻲ ﻧﻔﺴﺞ ﻛﺎﻓﻲ ﻫﺬﺍ ﻗﺪﺭ ﺍﻟﻠﻪ ﻣﺎ ﺑﻴﺪﻧﺎ ﺷﻲ ﻋﻠﻰ ﺗﻐﻴﻴﺮﻩ .. !

ﺿﻠﺖ ﺗﺮﻓﻊ ﺍﻳﺪﻫﺎ ﻭﺗﻀﺮﺑﻬﺎ ﻋﻠﻰ ﻓﺨﺬﻫﺎ ﺑﻘﻮﺓ ﻭﺗﺘﺤﺴﺮ ﻭﺗﻨﺤﺐ ﻭﺗﻌﺾ ﺑﺈﺻﺒﻌﻬﺎ ، ﻟﺰﻣﺖ ﺍﻳﺪﻫﺎ ﻭﺑﺴﺘﻬﺎ

ﺻﺮﺕ ﺍﺗﻮﺳﻞ ﺍﻟﻬﺎ ﻳﻮﻭﻡ ﺍﻟﻠﻪ ﻳﺨﻠﻴﺞ ﻟﺘﺴﻮﻳﻦ ﻫﻴﺞ ﺑﻨﻔﺴﺞ ..

ﺭﺑﻴﺘﻪ ﻭﺗﻌﺒﺖ ﺗﺎﻟﻴﻬﺎ ﻳﻨﺪﻓﻦ ﺟﻮﻩ ﺍﻟﺘﺮﺍﺏ ، ﻭﻟﻚ ﺳﻴﻒ ﺍﻛﺜﺮ ﻣﺎﻳﺤﺰ ﺑﻨﻔﺴﻲ ﻳﻨﺪﻓﻦ ﮔﺒﻠﻲ ﻟﻮ ﻣﻴﺘﻪ ﺍﻧﻲ ..

_ ﻻ ﻳﻮﻡ ﻟﻴﺶ ﻫﻴﺞ ﺗﻜﻮﻟﻴﻦ ﺣﺮﺍﻡ ﻟﺘﺴﻮﻳﻦ ﺑﻨﻔﺴﺞ ﻫﻴﺞ ﻋﻤﺮﺝ ﻃﻮﻳﻞ ﻳﻮﻣﻲ ﻗﺒﻞ ﻳﻮﻣﺞ ..

ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻲ ﺍﺷﺸﺶ ﺍﺳﻜﺖ ﻻ ﺗﺤﺠﻲ ﻫﻴﺞ ﻭﻟﻚ ﻣﺎﺑﻴﻪ ﺣﻴﻞ ﻓﺮﺍﻙ ﺑﻌﺪ ﻣﺎﺑﻴﻪ ﻣﻦ ﻋﻤﺮﻱ ﻋﻠﻰ ﻋﻤﺮﻛﻢ ، ﻳﻤﻪ ﺭﻭﺡ ﺟﻴﺒﻠﻲ ﺣﺴﻮﻧﻲ ﺭﻭﺣﻲ ﻣﻔﺮﻓﺤﺔ ﺗﻔﺮﻓﺢ ﺍﻟﻴﻮﻡ ﻳﻤﻪ ﻣﺮﺕ ﺍﺷﻬﺮ ﻋﻠﻰ ﺭﻭﺣﺘﻪ ﻣﻦ ﺑﻴﻦ ﺍﻳﺪﻳﻪ ﻭﻛﻠﻬﺎ ﻭﻋﺒﺎﻟﻚ ﻣﺎﺕ ﻛﺒﻞ ﺳﺎﻋﺔ ..

ﺗﺪﻟﻠﻴﻦ ﻫﺴﻪ ﺭﺍﻳﺢ ﺍﺟﻴﺐ ﺣﺴﻮﻧﻲ ﺗﺸﻮﻓﻴﻨﻪ ﻭﺧﻠﻲ ﻳﺒﺎﺕ ﻳﻤﺞ ﺍﻟﻴﻮﻡ ...

ﺍﻱ ﻳﻤﻪ ﺑﺴﺮﻋﺔ ﻋﻔﻴﺔ ﺑﻠﻜﻲ ﺗﻬﺪﺍ ﺍﻟﻨﺎﺭ ﺍﻟﻲ ﺑﺮﻭﺣﻲ

ﺻﺎﺭ .. ﻛﻤﺖ ﺑﺴﺖ ﺭﺍﺳﻬﺎ ﻭﺍﺭﻳﺪ ﺍﺭﻭﺡ ﺍﺻﻌﺪ

ﻛﺎﻟﺖ ﺷﺒﻴﻚ ﻳﻤﻪ ﺳﻴﻒ ﺍﻟﺒﺎﺏ ﻣﻨﺎ ﺍﺳﺘﻌﺠﻞ ﻣﺎﺑﻴﻪ ﺑﻌﺪ ..

_ ﻳﻤﻪ ﺑﺲ ﺍﺟﻴﺐ ﺍﻟﻤﻔﺎﺗﻴﺢ ﻣﺎﻟﺔ ﺍﻟﺴﻴﺎﺭﺓ ﻣﻦ ﻓﻮﻙ ﻭﺣﺘﻰ ﻣﺎﺭﺍﺡ ﺍﺑﺪﻝ ﺑﻬﺬﺍ ﺗﺮﺍﻛﻲ ﺍﺭﻭﺡ ﻭﻟﺰﻣﺖ ﻃﺮﻑ ﻣﻼﺑﺴﻲ ﻣﻦ ﻳﻢ ﺻﺪﺭﻱ ﻭﻫﺪﻳﺘﻬﻢ ﻭﺻﺤﺖ ﻋﻠﻰ ﺳﺎﺭﺓ

_ ﺳﺎﺭﺓ ﺳﺎﺭﺓ ﻭﻳﻨﺞ ؟

ﺑﻌﺪ ﻟﺤﻈﺎﺕ ﺍﺟﺖ ﺳﺎﺭﺓ ﻫﺎ ﺳﻴﻒ ﺻﺤﺘﻨﻲ؟

_ ﻋﻨﺪﺝ ﺭﻗﻢ ﺷﻬﺪ ؟

_ ﺍﻱ ﺑﻠﻲ ﻋﻨﺪﻱ

_ ﺧﺎﺑﺮﻳﻬﺎ ﺧﻠﻲ ﺗﺠﻬﺰ ﺣﺴﻮﻧﻲ ﻛﻮﻟﻴﻠﻬﺎ ﺭﺍﺡ ﺍﺟﻲ ﻋﻠﻴﻪ ﺍﺟﻴﺒﻪ ﻳﻤﻨﻪ ..

ﺍﻣﻲ ﻣﻦ ﻣﻜﺎﻧﻬﺎ ﺣﺠﺖ ﺍﻱ ﺧﺎﺑﺮﻳﻬﺎ ﺍﻟﻬﻠﻤﺼﻴﻮﺑﺔ ﺳﻮﺳﺔ ﺍﻟﺒﻼﺀ ﺍﻟﻲ ﺍﺧﺬﺕ ﻣﻨﻲ ﺳﻌﻮﺩﻱ ﺳﻮﺩﺓ ﻋﻠﻴﻪ ﻳﻤﻪ ﺍﺑﻮ ﺿﺤﻜﺔ ﺍﻟﺤﻠﻮﻭﺓ ﻭﺍﻟﻨﻔﺲ ﺍﻟﻄﻴﺒﺔ ..

ﺍﻟﺘﻔﺘﺖ ﻋﻠﻰ ﺍﻣﻲ ﻳﻮﻡ ﺷﻨﻮ ﻫﺎﻟﺤﺠﻲ ﻫﻴﻪ ﺍﻟﺒﻨﻴﺔ ﺷﻌﻠﻴﻬﺎ ؟

ﺿﻠﺖ ﺗﻠﻄﻢ ﻻﺗﻜﻠﻲ ﺷﻌﻠﻴﻬﺎ ﻻﺗﺤﺠﻲ ﻭﻻ ﺗﻜﻮﻝ ﺍﻧﺖ ﻣﺎﺷﻔﺘﻬﺎ ﺍﺧﺮ ﻳﻮﻡ ﻛﺒﻞ ﻻﻳﻄﻠﻌﻮﻥ ﻟﻠﺸﻤﺎﻝ ﻣﻦ ﺍﺟﻮ ﻳﺠﻴﺒﻮﻥ ﺣﺴﻮﻧﻲ ﻳﻤﻲ ﺧﺒﻠﺘﻪ ﻳﻠﻪ ﻭﻳﻠﻪ ﻭﻛﻮﻡ ﻭﻫﻮ ﺳﻮﺩﺓ ﻋﻠﻴﻪ ﻳﺮﻳﺪ ﻳﺸﺒﻊ ﻣﻨﻲ ﺑﺲ ﺍﺧﺨﺦ ﻫﻴﻪ ﺍﺳﺘﻌﺠﻠﺘﻪ ........

ﻫﺰﻳﺖ ﺭﺍﺳﻲ ﻭﺍﻛﺪﺕ ﻋﻠﻰ ﺳﺎﺭﺓ ﺗﺨﺎﺑﺮ ﺷﻬﺪ

ﺻﻌﺪﺕ ﺟﺒﺖ ﺍﻟﺴﻮﻳﺞ ﻣﺎﻝ ﺍﻟﺴﻴﺎﺭﺓ

ﻭﻧﺰﻟﺖ ﺑﺴﺮﻋﺔ ، ﻃﻠﻌﺖ ﺳﺎﺭﺓ ..

ﺳﺄﻟﺘﻬﺎ ﻫﺎﺍ ﺧﺎﺑﺮﺗﻲ ﺷﻬﺪ ؟ ﻣﻮﺟﻮﺩﺓ ﺍﺭﻭﺡ ﻋﻠﻰ ﺣﺴﻮﻧﻲ

_ ﺍﻱ ﺗﻜﻮﻝ ﺧﻠﻲ ﻳﺠﻲ ﻣﻮﺟﻮﺩﻳﻦ ﺑﺎﻟﺒﻴﺖ

_ ﺗﻤﺎﻡ

ﻃﻠﻌﺖ ﻣﻦ ﺍﻟﺒﻴﺖ ﻟﻠﻜﺮﺍﺝ ﺻﻌﺪﺕ ﺣﺮﻛﺖ ﺍﻟﺴﻴﺎﺭﺓ ﻭﺍﻧﻄﻠﻘﺖ ﻟﺒﻴﺘﻬﻢ ..

ﺑﻌﺪ ﻣﺴﺎﻓﺔ ﺍﻟﻄﺮﻳﻖ ﻭﺻﻠﺖ ، ﺩﻛﻴﺖ ﺍﻟﺒﺎﺏ ﻃﻠﻌﺘﻠﻲ ﺍﻣﻬﺎ ﺳﻠﻤﺖ ﻋﻠﻴﻬﺎ ، ﺭﺩﺕ ﻋﻠﻴﻪ ﺑﺘﺮﺣﺎﺏ ﻭﻃﻠﺒﺖ ﻣﻨﻲ ﺍﻓﻮﺕ

ﺍﻋﺘﺬﺭﺕ ﻣﻨﻬﺎ ﻭﺍﺻﺮﻳﺖ ﺍﺍﺑﻘﻰ ﻳﻢ ﺑﺎﺏ ﺍﻟﺸﺎﺭﻉ

ﺑﻘﻴﺖ ﻭﺍﻛﻒ ﺍﻟﻰ ﺍﻥ ﻃﻠﻌﺖ ﺷﻬﺪ ...

ﺑﻴﻦ ﺳﻮﺍﺩ ﻟﺒﺴﻬﺎ ، ﺍﻛﺘﻤﻞ ﺍﻟﺒّﺪﺭ ﺑﻮﺟﻬﻬﺎ .

ﺑﺎﻭﻋﺖ ﻋﻠﻴﻬﺎ ﺛﻮﺍﻧﻲ ﻭﺍﻧﻲ ﺍﺣﺲ ﺍﻧﻮ ﺍﻟﺤﻮﺍﺟﺰ

ﺍﻟﻲ ﻛﺎﻧﺖ ﺗﻔﺼﻞ ﺑﻴﻨﻨﺎ ﻣﻦ ﻗﺒﻞ ٥ ﺍﺷﻬﺮ ﺗﻨﺰﺍﺡ ﻭﺗﺘﻬﺪﻡ ﺑﺎﻟﺘﺪﺭﻳﺞ ..

ﺗﺬﻛﺮﺕ ﺍﻭﻝ ﺍﻳﺎﻡ ﺍﻟﻲ ﺗﻌﺮﻓﺖ ﺑﻴﻬﺎ ﻋﻠﻴﻬﺎ ﻣﻦ ﺟﻨﺖ ﻛﻠﻴﺔ ﻣﺮﺣﻠﺔ ﺛﺎﻧﻴﺔ ..

ﺯﺣﺖ ﺍﻻﻓﻜﺎﺭ ﻋﻨﻲ ﻭﺍﺑﺎﻭﻋﻠﻬﺎ ﻭﻫﻲ ﺗﻘﺘﺮﺏ ﻣﻨﻲ

ﺗﻤﺸﻲ ﻭﺗﻌﺮﺝ ﻭﺷﺎﻳﻠﻪ ﺑﻴﺪﻫﺎ ﺣﺴﻴﻦ ﺍﻟﻲ ﻋﻤﺮﻩ ٣ ﺳﻨﻮﺍﺕ ﺣﺎﻟﻴﺎ .. ﺭﻛﻀﺖ ﻋﻠﻲ ﺍﺧﺬﺗﻪ ﻣﻨﻬﺎ ﻭﻫﻲ ﺗﺤﺎﻭﻝ ﺗﻠﺘﻘﻂ ﺍﻧﻔﺎﺳﻬﺎ ..

ﻛﺎﻟﺖ ﺷﻠﻮﻧﻚ ﺳﻴﻒ

ﺟﺎﻭﺑﺘﻬﺎ ﺑﻨﺒﺮﺓ ﺳﺮﻳﻌﻪ ﺍﻟﺤﻤﺪﻟﻠﻪ ، ﻫﺬﺍ ﻟﻴﺶ ﺷﺎﻳﻠﺘﻪ ﻭﺍﻧﺖ ﻣﺎﺑﻴﺞ ﺗﻤﺸﻴﻦ ﻫﻮ ﻛﺒﻴﺮ ﺧﻠﻲ ﻳﻤﺸﻲ ..

ﺑﺎﻭﻋﺖ ﺑﻌﻴﻮﻧﻲ ﻓﺠﺄﺓ ﻭ ﻣﺴﺘﻐﺮﺑﺔ ، ﻭﻋﻴﺖ ﻋﻠﻰ ﻧﻔﺴﻲ ﻭﺍﺭﺗﺒﻜﺖ ﻧﻈﺮﺍﺗﻨﺎ ، ﺩﻧﻜﺖ ﻭﺍﺧﺬﺕ ﺣﺴﻮﻧﻲ ﻭﺍﻟﺠﻨﻄﺔ ..

ﻭﻓﺘﺤﺖ ﺍﻟﻬﻢ ﺑﺎﺏ ﺍﻟﺴﻴﺎﺭﺓ ، ﺻﻌﺪﺕ ﺑﺎﻟﺼﺪﺭ ﻭﺍﺧﺬﺕ ﺣﺴﻮﻧﻲ ﺑﺤﻀﻨﻬﺎ ..

ﻭﺣﺠﺖ ﺷﺴﻮﻳﻠﻪ ﺻﺎﻳﺮ ﻋﻨﻴﺪ ﻛﻠﺶ ﻭﻣﺠﺎﻱ ﻳﻜﺪﺭ ﻳﻨﺴﻰ ﺍﺑﻮﻩ ﺑﺲ ﻳﺤﺠﻲ ﺑﻲ ﺷﻮﻥ ﻃﻔﻞ ﻣﺎﻳﻨﺴﻰ ..

ﺗﺤﺴﺮﺕ ﻭﻛﻠﺖ ﺍﻭﻭﻑ ﻭﺿﺮﺑﺖ ﺑﻴﺪﻱ ﻉ ﺍﻟﺴﺘﻴﺮﻥ ...

ﺍﺳﺘﻤﺮﺕ ﺷﻬﺪ ﺗﺤﺠﻲ ﻋﻦ ﺣﺴﻴﻦ ﻭﺍﻧﻲ ﺍﺳﺘﻤﻊ ﺍﻟﻬﺎ ﺑﺎﺻﻐﺎﺀ ﺷﺪﻳﺪ ، ﻭﻛﺄﻧﻲ ﺍﺻﻐﻲ ﻟﻨﺒﺮﺓ ﺻﻮﺗﻬﺎ ﻭﺑﺤﺘﻬﺎ ﺍﻟﺤﺰﻳﻨﺔ ﻣﻮ ﻟﻠﻜﻼﻡ ﺍﻟﻌﺎﺑﺚ ﺍﻟﻲ ﺗﺘﻔﻮﻩ ﺑﻲ ، ﺍﺣﺲ ﻧﺒﺮﺓ ﺻﻮﺗﻬﺎ ﺗﻌﺒﺚ ﺑﻨﺒﻀﺎﺕ ﻗﻠﺒﻲ ﻭﺗﻐﻴﺮ ﺳﺮﻋﺘﻬﺎ ﻭﺑﻄﺌﻬﺎ ﺑﺴﻴﻄﺮﺓ ﺷﺪﻳﺪﺓ ﻋﺬﺑﺘﻨﻲ ﺍﺣﺎﻭﻝ ﺍﺳﻴﻄﺮ ﻋﻠﻰ ﻣﺸﺎﻋﺮﻱ ﻣﺎﺟﺎﻱ ﺍﻛﺪﺭ ..

ﻭﺻﻠﻨﺎ ﻟﻠﺒﻴﺖ ﻧﺰﻝ ﺣﺴﻮﻧﻲ ﻳﺮﻛﺾ ﻧﺰﻟﺖ ﺷﻬﺪ ﺗﻌﺮﺝ

ﻻﻥ ﺍﻻﺻﺎﺑﺔ ﺍﺫﺕ ﺭﺟﻠﻬﺎ ..

ﺳﺪﻳﺖ ﻭﺭﺍﻫﺎ ﺑﺎﺏ ﺍﻟﺴﻴﺎﺭﺓ ﻭﻫﻴﻪ ﻛﻮﺓ ﺳﻴﻄﺮﺕ ﻋﻠﻰ ﻧﻔﺴﻬﺎ ﻭﻭﻛﻔﺖ ، ﺳﻨﺪﺗﻬﺎ ﺑﻴﺪﻱ ﺍﺣﺴﻬﺎ ﺗﺮﺟﻒ

ﺑﺎﻭﻋﺘﻠﻲ ﻭﻧﺼﺖ ، ﺍﺧﺬﺗﻬﺎ ﻟﺒﺎﺏ ﺍﻟﺒﻴﺖ ﻭﻫﻴﻪ ﻛﻤﻠﺖ ﻣﺸﻲ ..

ﺗﻠﻜﺘﻬﺎ ﺳﺎﺭﺓ ﺑﻮﺳﺘﻬﺎ ﻭﻇﻠﺖ ﺗﺤﺠﻲ ﻭﻳﺎﻫﻪ

ﻭﺍﻧﻲ ﺧﻠﻴﺖ ﺟﻨﻄﺘﻬﺎ ﺑﺎﻟﻬﻮﻝ ﻭﺭﺣﺖ ﻻﻣﻲ ﺍﻟﻲ ﺟﺎﻧﺖ ﻻﺯﻣﺔ ﺣﺴﻮﻧﻲ ﻭﺗﺒﻮﺱ ﺑﻲ ﻭﺗﺒﺠﻲ ﻭﻫﻮ ﻳﺒﺎﻭﻉ ﺑﻮﺟﻬﻪ ﺑﺎﺳﺘﻐﺮﺍﺏ ، ﻭﻳﻤﺪ ﺍﻳﺪﻩ ﺍﻟﺼﻐﻴﺮﺓ ﻟﺨﺪﻫﺎ ﻳﻤﺴﺢ

ﺩﻣﻮﻋﻬﺎ ...

ﻛﻌﺪﺕ ﺑﺼﻒ ﺍﻣﻲ ، ﺿﻠﺖ ﺗﻄﻞ ﻋﻠﻰ ﺑﺎﺏ ﺍﻟﻤﺪﺧﻞ ﻭﺗﺼﻐﻲ ﻟﺼﻮﺕ ﺷﻬﺪ ﻭﻫﻴﻪ ﺗﺴﻮﻟﻒ ﻭﻳﻪ ﺳﺎﺭﺓ

ﺭﻓﻌﺖ ﺣﺎﺟﺒﻬﺎ ﻭﺭﺟﻌﺖ ﺑﺎﻭﻋﺘﻠﻲ ؛ - ﻫﺎﻱ ﺷﻨﻮ ﺟﺒﺘﻬﺎ ﻭﻳﺎﻙ ﻫﺎﻱ ﺍﻟﻌﻠﺔ ﺷﻜﻮ ﺟﺎﻳﺒﻬﺎ؟؟

ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻧﺒﻪ ﺍﻣﻲ ﺗﻨﺼﻲ ﺻﻮﺗﻬﺎ

ﻳﻮﻭﻡ ﻣﻮ ﻫﻴﺞ ﻓﺪﻭﺓ ﻋﻴﺐ ﺧﻄﻴﺔ ﺍﻟﺒﻨﻴﺔ ﺷﻨﻮ ﺫﻧﺒﻬﺎ ...

ﺷﻌﺪﻫﺎ ﺟﺎﻳﻪ ﻭﻳﺎﻙ !!! ﺣﺴﻮﻧﻲ ﺟﺒﻴﺮ ﻻﻳﺮﺿﻊ ﻭﻻﻳﺸﺮﺏ ﻣﻤﻪ ﻭﻫﻮ ﻣﺘﻌﻮﺩ ﻋﻠﻴﻪ ﺍﻧﻲ ، ﻳﺒﻘﻰ ﻋﻨﺪﻱ ﻫﻲ ﺷﻜﻮ ﺑﻌﺪ ﺟﻠﺒﺖ ﻭﺍﺟﺖ ﻭﻳﺎﻙ ؟

ﻫﻤﺴﺖ ﻭﺍﻧﻲ ﻣﻄﺒﻚ ﺍﺳﻨﺎﻧﻲ ﻳﻮﻡ ﺍﻛﻴﺪ ﺿﺎﻳﺠﺔ ﻭﺍﺟﺖ ﺗﻐﻴﺮ ﺟﻮ ﻭﺍﺣﻨﻪ ﻣﺜﻞ ﺍﻫﻠﻬﺎ ، ﻳﻤﻪ ﺍﻋﺼﺎﺑﺞ ﻟﺨﺎﻃﺮ ﺣﺴﻮﻧﻲ .. ﻣﻮ ﻟﺨﺎﻃﺮ ﺍﺣﺪ ..

ﺳﻜﺘﺖ ﺍﻣﻲ ﺑﺲ ﺿﻠﺖ ﺗﺘﻨﻔﺲ ﺑﺎﻧﺰﻋﺎﺝ ﻭﻓﺎﺗﺖ ﺷﻬﺪ ﺳﻠﻤﺖ ﻋﻠﻴﻬﺎ ﻭﺑﻮﺳﺘﻬﺎ ﻭﻛﻌﺪﺕ ﺑﺼﻔﻬﺎ ..

ﺍﺣﺴﺎﺱ ﻏﺮﻳﺐ ﺳﻴﻄﺮ ﻋﻠﻴﻪ ﺑﻮﺟﻮﺩ ﺷﻬﺪ ﺣﺴﻴﺖ ﺑﻨﺒﻀﺎﺕ ﺧﺎﻳﻨﺔ ﺗﺪﻙ ﺑﻘﻠﺒﻲ ، ﻟﺬﻟﻚ ﻗﺮﺭﺕ ﺍﻻﻧﺴﺤﺎﺏ ﻭﺻﻌﺪﺕ ﻟﻐﺮﻓﺘﻲ ..

ﻣﻴﺴﻢ ....

☆☆☆

ﺟﻨﺖ ﺍﺑﻴﺖ ﺍﺑﻮﻱ ﻭﺍﻛﻮ ﺟﻴﺮﺍﻧﻪ ﺩﺯﻭ ﺧﺒﺮ ﻳﺮﺩﻭﻥ ﻳﺠﻮﻥ ﻳﺨﻄﺒﻮﻥ ﺍﻡ ﻓﺨﺮﻱ ﻟﺮﺟﺎﻝ ﻣﻦ ﻋﺪﻫﻢ ..

ﻋﺎﺩ ﺍﻡ ﻓﺨﺮﻱ ﺧﺒﺼﺖ ﺍﻟﺒﻴﺖ ﺧﺒﺺ

ﻣﻦ ﺍﻟﺼﺒﺢ ﻣﺘﻮﺗﺮﺓ ﻭﺗﺮﻭﺡ ﻣﻨﺎ ﻭﺗﺠﻲ ﻣﻨﺎ ﺟﻨﻬﺎ ﺳﻜﺮﺍﻥ

ﻭﺍﺫﺍ ﻭﺍﺣﺪ ﺻﺎﺭ ﻛﺪﺍﻣﻬﺎ ﺗﺰﻳﺤﻪ ﻭﺗﺼﻴﺢ ﻭﺗﻌﺼﺐ

ﺻﺎﺭﺕ ﺻﻼﺓ ﺍﻟﻀﻬﺮ ﻓﺮﺷﺖ ﺳﺠﺎﺩﺗﻬﺎ ﺑﺎﻟﻬﻮﻝ ﻭﻛﻌﺪﺕ ﺗﺼﻠﻲ ﻭﺗﺪﻋﻲ ، ﺗﻌﺪﻳﺖ ﻣﻦ ﻳﻤﻬﺎ ﻭﺍﺷﻮﻓﻬﺎ ﺷﺎﻳﻠﻪ ﺍﻳﺪﻫﺎ ﻭﺗﻤﺘﻢ ﻳﺎﺭﺑﻲ ﻛﻮﻥ ﺗﺼﻴﺮ ﻳﺎﺭﺑﻲ ﻛﻮﻥ ﺍﻋﺠﺒﻪ ﻳﺎﺭﺑﻲ ﻳﺎﺭﺑﻲ ﺍﺻﻮﻡ ٣ ﺍﻳﺎﻡ ﻻﻻ ﻭﺍﺟﺪ ٣ ﺍﻳﺎﻡ ﻳﻮﻡ ﻭﺍﺣﺪ ﻛﺎﻓﻲ

ﺑﺲ ﻳﺎﺭﺑﻲ ﺑﺪﺍﻋﺔ ﺍﻟﻠﻪ ﺳﻮﻳﻬﺎ ﻭﺧﻠﻴﻬﺎ ﺗﺼﻴﺮ ﻣﻴﺨﺎﻟﻒ ﺷﻨﻬﻨﻪ ﺍﻝ٣ ﺍﻳﺎﻡ ﻋﻮﺩ ﺍﻃﺒﻜﻬﻦ ﻭﻳﺎ ﺭﻣﻀﺎﻥ ﻭﺍﺻﻮﻣﻨﻬﻦ ...

ﺑﻘﻴﺖ ﻭﺍﻛﻔﺔ ﺍﺑﺎﻭﻋﻠﻬﺎ ﺻﺎﻓﻨﺔ ﻋﻠﻴﻬﺎ ﻫﻴﻪ ﺍﻧﺘﺒﻬﺖ ﻋﻠﻴﻪ ﻭﺧﺮﺕ ﺍﻳﺪﻳﻬﺎ ﻭﻓﺘﺤﺖ ﻋﻴﻮﻧﻬﺎ ﺑﻌﺼﺒﻴﺔ

ﺗﺒﺎﻭﻋﻠﻲ ﻭﺻﺮﺧﺖ ﺑﻮﺟﻬﻲ ﻭﻟﻠﺞ ﺷﺒﻴﺞ ﺧﻮ ﻣﺎﺳﻤﻌﺘﻴﻨﻲ ﻭﺍﻧﻪ ﺟﺎﻱ ﺍﺣﺠﻲ ﻭﻳﻪ ﺍﻟﻠﻪ ؟

ﻻﻻﻻﻻ ﺗﻤﺘﻤﺖ ﻭﺍﺭﻳﺪ ﺍﺷﺮﺭﺭﺭﺩ ﻣﺪﺕ ﺍﻳﺪﻫﺎ ﻭﺟﺮﺗﻨﻲ

ﻛﻌﺪﺗﻨﻲ ﻳﻤﻬﺎ ﺑﺼﻒ ﺳﺠﺎﺩﺓ ﺍﻟﺼﻼﺓ

ﻛﺎﻟﺖ ﺟﺎ ﺷﻌﺒﺎﻟﺞ ﺍﻧﻪ ﻋﻤﺮﻱ ٤٠ ﺳﻨﺔ ﺗﻮﻫﻢ ﻳﻠﻪ ﺍﺟﻮ ﺧﻄﺒﻮﻫﺎ ﺧﻤﺎ ﻣﺜﻠﺞ ﺑﻌﺪﺝ ﺑﺎﻟﻜﻤﺎﻁ ﻭﺍﻟﺨﻄﺎﺑﺔ ﺭﺍﻳﺤﺔ ﺟﺎﻳﻪ ﻋﻠﻴﺞ ..

ﺭﻓﻌﺖ ﺻﺒﻌﻲ ﺍﺗﻮﺳﻠﻠﻬﻪ ﺑﻴﺒﻲ ﻋﻠﻴﺞ ﺍﻟﻠﻪ ﺑﺲ ﻫﺪﻳﻨﻲ ﻣﻮ ﺯﺍﻧﻜﺘﻨﻲ ﻣﻦ ﺍﻟﺪﺷﺪﺍﺷﺔ ﺍﺧﺘﻨﻜﺖ ﻭﺍﻟﻠﻪ

.. ﻭﺿﻠﻴﺖ ﺍﻛﺢ ..

ﻛﺎﻟﺖ ﺍﺩﻋﻴﻠﻲ ﻛﻮﻥ ﺗﺼﻴﺮ ﻭﺍﻋﺮﺱ

ﻳﺎﺭﺑﻲ ﻛﻮﻥ ﺗﻌﺮﺳﻴﻦ ﻳﺎﺭﺏ ﻳﺎﺭﺏ

ﻫﺪﺗﻨﻲ ﺑﺴﺮﻋﺔ ﺭﺣﺖ ﺍﺭﻛﺾ ﺷﺮﺩﺕ ﻣﻨﻬﺎ ﺍﺯﺣﻒ ﻭﺍﻛﻮﻡ ﺍﻭﻛﻒ ...

ﻭﺭﺟﻌﺖ ﺗﺼﻠﻲ ﻭﺗﺪﻋﻲ ، ﺍﻟﺼﺮﺍﺣﺔ ﺍﻭﻝ ﻣﺮﺓ ﺍﺷﻮﻓﻬﺎ ﺗﺼﻠﻲ ﻻﻥ ﻫﻴﻪ ﻣﺎﻣﻠﺘﺰﻣﺔ ﻋﺎﻳﺸﺔ ﺣﻴﺎﺗﻬﺎ ﻃﻮﻝ ﺑﻌﺮﺽ ..

ﻟﻠﻌﺼﺮ ﻃﻠﻌﺖ ﻣﻦ ﻏﺮﻓﺘﻬﺎ ﻻﺑﺴﺔ ﺩﺷﺪﺍﺷﺔ ﺧﻀﺮﺓ ﺑﻠﻮﻥ ﺍﻟﻌﻠﻜﺎﺕ ﻭﻓﻮﻃﺔ ﻫﻢ ﺧﻀﺮﺓ ﻭﺟﺎﺭﺓ ﺍﻟﻜﺤﻠﻪ ﺍﻟﺤﺠﺮﻱ ﺟﻮﺓ ﻋﻴﻮﻧﻬﻪ ﺑﺨﻂ ﻋﺮﻳﺾ ..

ﺑﺲ ﺷﻔﺘﻬﺎ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﺍﻛﺘﻢ ﺿﺤﻜﻲ

ﺟﺮﺗﻨﻲ ﻣﻦ ﻫﺪﻭﻣﻲ ﻭﺗﻬﻤﺲ ﺑﺎﺫﻧﻲ ﻫﺎ ﻭﻟﺞ ﺗﻀﺤﻜﻴﻦ ﻋﻠﻴﻪ ﻳﺒﺖ ﺻﺒﻴﺤﻪ ؟

ﻻ ﺑﻴﺒﻲ ﻭﺍﻟﻠﻪ ﻃﺎﻟﻌﺔ ﺗﺨﺒﻠﻴﻦ ...

ﻣﺎ ﺍﻧﺘﺒﻬﺖ ﻋﻠﻰ ﻋﻴﺎﺵ ﺷﻮﻛﺖ ﻓﺎﺕ

ﻛﺎﻟﻠﻬﺎ ﺑﺮﻛﺎﺗﺞ ﻋﻠﻮﻳﻪ ﻃﺎﻟﻌﺔ ﺟﻨﺞ ﺣﺴﻴﻨﻴﺔ ﺑﺲ ﺑﻌﺪ ﻧﺎﻗﺼﺞ ﻣﻨﺒﺮ ﻭﺳﻤﺎﻋﺔ ، ﻳﻠﻪ ﻋﻮﻓﻲ ﻣﺮﺗﻲ ﺷﻮ ﻻ ﺗﺄﺫﻳﻨﻬﺎ ﻣﺎ ﺍﻗﺒﻞ ﺍﻧﻪ ..

ﻳﺒﻮﻭﻱ ﻫﺬﺍ ﺷﺪﺧﻠﻪ !! ﺍﺭﻳﺪ ﺍﻓﺘﺢ ﺍﻟﺸﺎﻝ ﻣﻦ ﺭﻛﺒﺘﻲ ﻭﺍﺧﻠﻲ ﻋﻠﻰ ﺭﺍﺳﻲ ﻣﺎﻛﺪﺭﺕ ﺍﺭﺗﺒﻜﺖ ﻭﺍﻳﺪﻳﻪ ﺗﺮﺟﻒ ، ﺧﻠﻴﺖ ﺍﻳﺪﻳﻪ ﻋﻠﻰ ﺭﺍﺳﻲ ﺍﻏﻄﻲ ﺷﻌﺮﻱ ﻣﻦ ﻧﻈﺮﺍﺗﻪ

ﺍﺟﺎﻧﻲ ﺻﻮﺗﻪ ﻻ ﺗﻐﻄﻴﻦ ﺭﺍﺳﺞ ﺍﻧﺖ ﻣﺮﺗﻲ ﺣﻼﻝ ﺣﻼﻝ

ﻛﻤﺖ ﻟﺒﺪﺕ ﻭﺭﺍ ﺍﻡ ﻓﺨﺮﻱ ﺍﻟﺒﺲ ﺑﺸﺎﻟﻲ ﺍﻟﻲ ﻣﻠﻔﻮﻑ ﻋﻠﻰ ﺭﻛﺒﺘﻲ ﻭﺍﺣﺎﻭﻝ ﺍﻓﺘﺤﻪ ، ﻣﺪﺕ ﺍﻳﺪﻫﻪ ﻭﺧﺮﺗﻨﻲ ﻣﻦ ﻭﺭﺍﻫﻪ ﺧﻠﺘﻨﻲ ﻛﺪﺍﻣﻪ ﻫﺎﻙ ﺍﺧﺬ ﻣﺮﺗﻚ ﺧﻠﺼﻨﻲ ﻣﻨﻬﺎ ﺑﺲ ﺗﻀﺤﻚ ﻋﻠﻴﻪ ..

ﻛﺎﻝ ﺷﻔﺎﻳﺘﻠﻲ ﻭﺍﺧﺬﻫﺎ ﻫﺴﻪ ، ﺧﺰﺭﺗﻪ ﻭﺍﻧﻪ ﺍﻓﻞ ﺑﺎﻟﺸﺎﻝ ﺧﻠﻴﺖ ﺍﻟﺸﺎﻝ ﺍﻟﻲ ﺟﺎﻥ ﻋﻠﻰ ﺭﻛﺒﺘﻲ ﻋﻠﻰ ﺭﺍﺳﻲ ..

ﻛﺎﻟﻠﻬﺎ ﻳﻠﻪ ﻓﻨﺠﺎﻥ ﻳﺘﺎﻧﻴﺞ

ﻛﺎﻟﺘﻠﻪ ﺑﺼﺪﻣﺔ ﻳﺎﻓﻨﺠﺎﻥ ﻫﺬﺍ ؟

ﺭﺟﻠﺞ ﺍﻟﻤﺴﺘﻘﺒﻠﻲ ﻫﺬﺍ ﺍﻟﺠﺎﻱ ﻳﺨﻄﺒﺞ ﻫﺴﻪ ﺍﻧﺖ ﻟﻮ ﺍﺳﻤﺞ ﺩﻟﺔ ﺟﺎﻥ ﻭﺍﻟﻠﻪ ﺻﺮﺗﻮﺍ ﻛﺒﻞ ﻣﻌﺪﻝ ﺩﻟﺔ ﻭﻓﻨﺠﺎﻥ ﻭﺍﺫﺍ ﺍﻟﻠﻪ ﺭﺯﻗﻜﻢ ﺑﻨﻴﻪ ﺳﻤﻮﻫﻪ ﻛﻬﻮﺓ ﻭﺍﺫﺍ ﻭﻟﺪ ﻛﻬﻴﻮﻭ ..

ﺿﻞ ﻳﻔﺮﻙ ﺑﻴﺪﻳﻨﻪ ﺑﺤﻤﺎﺱ ﻭﻳﻀﺤﻚ ﺑﺎﺳﺘﻬﺰﺍﺀ

ﺷﻠﻮﻭﻧﻲ ﻣﻦ ﺍﻃﻠﻊ ﺍﺳﻤﺎﺍﺀ ﺧﻨﻔﺸﺎﺭﻳﺔ ﻫﺎﺍﺍ ﺍﺭﻳﺪ ﻣﺼﻠﺤﺘﺞ ﺍﻧﻪ ..

ﻛﺎﻟﺖ ﻣﺪﺍﻡ ﺍﺳﻤﻪ ﻓﻨﺠﺎﻥ ﻭﺍﻟﻠﻪ ﻭﻻ ﺍﺭﻳﺪﻩ ﻭﻻ ﺍﺩﺧﻞ ﻭﻻ ﺍﺧﻠﻲ ﻳﺸﻮﻓﻨﻲ ..

_ ﻋﺎﺩ ﻫﺴﻪ ﻣﻦ ﺣﻮﺭﺝ ﺍﻧﺖ ﺷﻮ ﻃﺎﻟﻌﺔ ﺟﻨﺞ ﺭﻛﻴﺔ

ﻃﻠﻌﺖ ﻋﻤﺘﻲ ﺍﻡ ﻋﻴﺎﺵ ﻣﻦ ﺍﻟﺪﻳﻮﺍﻧﻴﺔ ﻭﺍﺟﺖ ﻣﺮﺓ ﺍﺑﻮﻱ

ﻭﺭﺍﻫﺎ ، ﻇﻠﻮﺍ ﻳﺘﻮﺳﻠﻮﻥ ﺑﻴﻬﺎ ﺗﺪﺧﻞ ﻳﺸﻮﻓﻬﺎ

ﻛﺎﻟﺖ ﻭﺍﻟﻠﻪ ﻓﻼ ﺍﺩﺧﻞ ﺍﺗﺰﻭﺝ ﻓﻨﺠﺎﻥ ﻭﻋﻴﺎﺵ ﻳﻜﻠﻲ ﺩﻟﺔ

ﻣﺎﺭﻳﺪ ﻻﺗﺤﺠﻮﻥ ﻭﺧﺮﻭﻭ ﻋﻨﻲ ..

ﻋﻴﺎﺵ ﺑﺎﻗﻨﺎﻉ ؛ - ﻳﻠﻠﻪ ﻻﺗﺰﻋﻠﻴﻦ ﺗﻌﺎﻱ ﻗﺎﺑﻠﻴﻪ ﻫﺴﻪ ﻭﺍﺫﺍ ﻣﺎﻋﺠﺒﺞ ﻣﺮﺓ ﺍﻟﺜﺎﻧﻴﺔ ﺍﺟﻴﺒﻠﺞ ﻗﻮﺭﻱ ...

ﺍﻡ ﻓﺨﺮﻱ ؛ - ﻭﻟﻜﻢ ﻫﺪﻭﻧﻲ ﻋﻠﻴﻪ ﺍﻟﻴﻮﻡ ﺍﻟﺴﺒﻊ ﻳﻄﻠﻊ ﺩﻡ

ﻋﻴﺎﺵ ﻭﺍﻛﻒ ﻣﺘﻜﺘﻒ ﻫﺴﻪ ﻫﻮ ﻣﻨﻮ ﻛﺎﺿﺞ ﻣﺎﺗﺠﻴﻦ ﺗﻌﺎﻱ

ﻋﺪﻟﺖ ﺷﺎﻟﻬﺎ ﻋﻮﺩ ﻣﺴﻴﻄﺮﺓ ﻭﺩﺧﻠﺖ ﻛﺒﻠﻬﻢ ﻟﻠﺪﻳﻮﺍﻧﻴﺔ ﻭﻫﻢ ﺭﺍﺣﻮ ﻭﺭﺍﻫﺎ ﻋﻴﺎﺵ ﻛﺎﻝ ﺍﺻﺪﻙ ﺍﻡ ﻓﺨﺮﻱ ﺗﻔﻮﺕ ﺍﻟﻬﺎ ﻋﺮﻳﺲ ﻗﺎﺑﻞ ﻫﻴﻪ ﻣﺜﻞ ﺑﻌﺾ ﺍﻟﻨﺎﺱ

ﻳﺤﺠﻲ ﻭﻳﺒﺎﻭﻋﻠﻲ ..

ﻇﻠﻴﺖ ﺍﺑﺎﻭﻋﻠﻪ ﺑﺒﻼﻫﺔ ﻭﻫﻮ ﻏﻤﺰﻟﻲ ﻭﺭﺍﺡ ﻭﺭﺍﻫﻢ ..

ﺑﻌﺪﻳﻦ ﻃﻠﻌﺖ ﺗﺪﺭﺩﻡ ﻋﺸﺘﻮ ﻣﺎﻳﺮﻳﺪﻧﻲ ﻣﺎﻳﺮﻳﺪ ﻣﺮﺓ ﺑﺎﻻﺭﺑﻌﻴﻦ ﻭﻫﻮ ﺭﺟﻞ ﺑﺎﻟﺪﻧﻴﻪ ﻭﺭﺟﻞ ﺑﺎﻟﻜﺒﺮ ، ﻏﻤﺖ ﺻﻮﺏ ﺍﻟﺒﺎﺏ ﻭﻛﻌﺪﺕ ﺧﻠﺖ ﺭﺟﻞ ﻋﻠﻰ ﺭﺟﻞ ..

ﺑﻌﺪﻫﺎ ﺭﺟﻌﺖ ﻳﻢ ﺍﻣﻲ ﻭﺟﺎﻥ ﻓﻴﺾ ﻳﻤﻬﺎ

ﺭﺣﺖ ﺻﺒﻴﺖ ﺟﺎﻱ ﻭﺍﺟﻴﺖ ﻗﺪﻣﺘﻪ ﺍﻟﻪ

ﺍﺧﺬﻩ ﻛﺎﻝ ﺷﻜﺮﺍ ﻭﻇﻞ ﻳﺨﻮﻁ ﺑﺎﻻﺳﺘﻜﺎﻥ ﻭﻳﺒﺎﻭﻉ ﻻﻣﻲ ﻭﻋﺒﺎﻟﻚ ﻋﻴﻮﻧﻪ ﻛﻠﻬﺎ ﺣﺠﻲ ..

ﺍﻣﻲ ﻓﻬﻤﺖ ﻋﻠﻴﻪ ﻛﺎﻟﺘﻠﻪ ﺷﺒﻴﻚ ﻓﻴﺾ ﺟﻨﻪ ﺑﻌﻴﻮﻧﻚ ﺣﺠﻲ ﻛﻮﻝ ﺍﺣﺠﻲ ﺷﻨﻮ ﺗﺮﻳﺪ ؟

_ ﻳﻤﻪ ﺍﻧﻪ ﺗﻌﺒﺎﻥ ﻛﻠﺶ ﻋﻤﺎﻣﻲ ﻣﺎﻛﺪﺭ ﺍﺗﻨﻔﺲ ﻣﻨﻬﻢ ﺍﺑﺪ ﺧﺎﻟﻲ ﺭﺍﺩ ﺍﺗﺰﻭﺝ ﻭﺭﺩﺓ ﺑﺲ ﻭﺭﺩﺓ ﻣﺎﺗﺮﻳﺪﻧﻲ ﻭﺍﻧﺖ ﺍﻋﺮﻑ

ﺣﺎﺟﻴﺖ ﻋﻤﺎﻣﻲ ﻛﺘﻠﻬﻢ ﻣﺎ ﺍﺭﻳﺪ ﻭﺭﺩﺓ ﻛﺎﻟﻮ ﺍﻟﻪ ﺗﺘﺰﻭﺝ ﺍﺣﻼﻡ ..

_ ﺍﺣﻼﻡ ﺑﻨﺖ ﻋﻤﻚ ﺟﺎﺳﻢ ؟

_ ﺍﻱ ﻫﻴﻪ

_ ﻫﺎﻱ ﻣﻮ ﺗﺰﻭﺟﺖ ؟

_ ﺗﻄﻠﻜﺖ ﺻﺎﺭ ﺳﻨﺔ ، ﺳﻮﺗﻠﻬﺎ ﻣﻜﺴﻮﺭﺓ ﺍﺳﺘﻐﻔﺮ ﺍﻟﻠﻪ ﻭﻳﺮﺩﻭﻥ ﻳﻮﺭﻃﻮﻧﻲ ﺑﻴﻬﺎ ﻭﺍﻧﻪ ﻣﺎﺭﻳﺪﻫﻪ ﻓﺪ ﻭﺣﺪﺓ ﻭﻛﺤﺔ ﻭﻟﺴﺎﻥ ﻭﻣﺎﺗﺤﺘﺮﻡ ﺍﺑﺪ ....

_ ﻭﺍﻧﻪ ﺷﻨﻮ ﺍﻟﻤﻄﻠﻮﺏ ﻣﻨﻲ ﻳﻤﻪ ؟

_ ﻳﻤﻪ ﺍﺭﻳﺪ ﻓﻠﻮﺱ ﺍﻃﻠﻊ ﻣﻦ ﺍﻟﻌﺮﺍﻕ ، ﻓﻠﻮﺳﻲ ﺍﻟﻲ ﺍﺷﺘﻐﻞ ﺑﻴﻬﺎ ﻛﻠﻪ ﻋﻨﺪ ﻋﻤﺎﻣﻲ ﻣﺎﻳﻨﻄﻮﻧﻲ ﺑﺲ ﻋﻠﻰ ﻛﺪ ﺣﺎﺟﺘﻲ ﻣﻦ ﻣﻼﺑﺲ ﺟﻜﺎﻳﺮ ﻭﺷﻐﻼﺕ ﺑﺴﻴﻄﺔ ، ﺍﺭﻳﺪ ﻓﻠﻮﺱ ﺍﻫﺞ ﻭﺑﺲ ﺍﺳﺘﻘﺮ ﺍﺳﺪﺩﻫﻦ ﺍﻟﺞ ...

_ ﻻ ﻳﻤﻪ ﺷﻮﻥ ﺗﻄﻠﻊ ﺍﻧﻪ ﻣﺎﺭﻳﺪﻙ ﺗﻄﻠﻊ ﺍﺑﻘﻰ ﻫﻨﺎ ﺍﺷﻮﻓﻠﻚ ﻣﺮﺓ ﺍﺯﻭﺟﻚ ﻫﻨﺎ ﻳﻤﻲ ﺑﻬﺬﺍ ﺍﻟﺒﻴﺖ ...

_ ﻋﻤﺎﻣﻲ ﻣﺎﺭﺍﺡ ﻳﻔﻜﻮﻥ ﻳﺎﺧﺔ ﻣﻨﻲ ﺭﺍﺡ ﻳﺘﺒﻌﻮﻧﻲ ﻟﻬﻨﺎ ﻭﻳﻄﻴﺤﻮﻥ ﺣﻈﻲ

_ ﺷﻨﻮ ﻫﻴﻪ ﻫﻴﺘﻪ ﺍﺷﺘﻜﻲ ﻋﻠﻴﻬﻢ ﺍﻃﻴﺢ ﺣﻈﻬﻢ

_ ﻭﻳﻦ ﺍﻛﻮ ﺩﻭﻟﺔ ﺻﺪﻙ ﺗﺤﺠﻴﻦ ﻭﺑﻌﺪﻳﻦ ﻫﻢ ﻋﺪﻫﻢ ﺟﻤﺎﻋﺔ ﻋﺪﻫﺎ ﻧﻔﻮﺫ ﺧﻠﻴﻨﺎ ﺳﺎﻛﺘﻴﻦ ﺍﺣﺴﻦ ﻳﻤﻪ ﺍﻧﻪ ﺍﺭﻳﺪ ﺑﺲ ﺍﻃﻠﻊ ﻣﻨﺎ ﺳﺎﻋﺪﻳﻨﻲ ..

ﺍﻣﻲ ﻣﺎﻗﺒﻠﺖ ﻋﻠﻰ ﻃﻠﺒﻪ ، ﺻﺎﺭ ﻧﻘﺎﺵ ﺣﺎﺩ ﺗﻄﻮﺭﺕ ﻭﺻﺎﺭﺕ ﻋﺮﻛﺔ ، ﻓﻴﺾ ﻓﻘﺪ ﺍﻋﺼﺎﺑﻪ ﻭﻛﺎﻡ ﻳﺤﺠﻲ

ﺍﻧﺖ ﻫﻢ ﺣﺎﺳﺒﺔ ﻧﻔﺴﺞ ﺍﻡ ﺗﺮﻛﺘﻴﻨﻲ ﻭﺍﻧﻪ ﻃﻔﻞ ﻋﺪﻫﻢ ﻭﻛﻠﺶ ﺯﻳﻦ ﺗﻌﺮﻓﻴﻬﻢ ﻣﺎﻳﺮﺣﻤﻮﻥ ﺍﺣﺪ ﻭﺭﺣﺘﻲ ﺗﺰﻭﺟﺘﻲ ﻭﻻ ﻫﺎﻣﺞ ...

ﻭﻓﻮﻙ ﻛﻞ ﻫﺬﺍ ﺣﺘﻰ ﺣﺎﺯﻡ ﻋﻔﺘﻲ ﻋﻨﺪ ﺷﺮﻳﻜﺘﺞ ﻭﺗﺤﺠﺠﺘﻲ ﺑﺎﻟﻤﺮﺽ ﻭﻣﺎﺗﻌﺒﺘﻲ ﻋﻠﻴﻪ

ﻭﺍﺧﺮﻫﺎ ﻋﻔﺘﻲ ﻣﻴﺴﻢ ﻭﻫﻴﻪ ﺻﻐﻴﺮﺓ ﻭﺗﻄﻠﻜﺘﻲ ﺑﺴﺒﺐ ﺗﺎﻓﻪ ﻭﻣﺎﻳﺴﻮﻯ ..

، ﺍﻧﺖ ﺍﻧﺎﻧﻴﺔ ﻋﻨﺪﺝ ﺫﻫﺐ ﻭﻋﻨﺪﺝ ﻓﻠﻮﺱ ﻭﻋﻨﺪﺝ ﻛﻠﺸﻲ ﺑﺲ ﻃﻤﺎﻋﺔ ﻭﻃﻤﻌﺞ ﻭﺍﻧﺎﻧﻴﺘﺞ ﺭﺍﺡ ﺗﺠﻴﺐ ﻧﻬﺎﻳﺘﺞ ..

ﻛﺎﻝ ﻫﺬﺍ ﺍﻟﻜﻼﻡ ﺑﺤﻘﺪ !!! ﻭﻃﻠﻊ ﻣﻌﺼﺐ ﻭﺍﻣﻲ ﺍﻧﻬﺎﺭﺕ ...

ﻭﺭﺍﻫﺎ ﺑﺎﻳﺎﻡ ﺍﺟﻮ ﻋﻤﺎﻡ ﻓﻴﺾ ﻳﺴﺄﻟﻮﻥ ﻋﻦ ﻓﻴﺾ ﻻﻥ ﻣﺨﺘﻔﻲ ﻇﻠﻮﺍ ﻳﺘﻌﺎﺭﻛﻮﻥ ﻭﻳﺎ ﺍﻣﻲ ﻳﻜﻮﻟﻮﻟﻬﺎ ﻃﻠﻌﻲ ﺍﻧﺖ ﺿﺎﻣﺘﻪ ..

ﻫﻮﺳﻮﻭ ﻭﻛﻠﺒﻮ ﺍﻟﺪﻧﻴﺎ ﻭﻳﻬﺪﺩﻭﻥ ﺑﺄﻣﻲ !!!

ﻳﻢ ﺍﻟﺒﺎﺏ ﺍﺟﻪ ﺧﺎﻟﻲ ﻓﺎﺋﻖ ﻭﻭﻟﺪﻩ ﺗﻌﺎﺭﻛﻮ ﻭﻳﺎﻫﻢ

ﻃﺮﺩﻭﻫﻢ ﻭﺭﺍﺣﻮﺍ ﺭﺍﺣﻮ ﻭﻫﻢ ﻣﺴﺘﻤﺮﻳﻦ ﺑﺎﻟﺘﻬﺪﻳﺪ

ﻣﺎ ﻓﻜﻮﺍ ﺑﻘﻮﺍ ﺑﻴﻦ ﻛﻞ ﻛﻢ ﻳﻮﻡ ﻳﺠﻮﻥ ﻳﻬﺪﺩﻭﻥ ﻭﻳﺮﻭﺣﻮﻥ ﻻﻥ ﻓﻴﺾ ﺍﺳﺘﻤﺮ ﺑﺎﺧﺘﻔﺎﺋﻪ ..

ﻭﺭﺩﺓ ﺑﻬﺬﻱ ﺍﻟﻔﺘﺮﺓ ﺟﺎﻧﺖ ﺗﻤﺘﺤﻦ ﻭﺯﺍﺭﻱ ، ﺍﻧﻪ ﻗﺒﻠﻬﺎ ﺍﻣﺘﺤﻨﺖ ﻭﺍﺳﺘﻠﻤﺖ ﺍﻟﻨﺘﻴﺠﺔ ﻧﺎﺟﺤﺔ ..

ﺍﺧﺮ ﻳﻮﻡ ﺑﺎﻻﻣﺘﺤﺎﻧﺎﺕ ﻣﺎﻟﺘﻬﺎ ﺍﺻﺮﺕ ﺍﻟﻪ ﺗﺠﻲ ﺗﺸﻮﻑ ﺣﺎﺯﻡ ..

ﺧﻠﺼﺖ ﺍﻣﺘﺤﺎﻥ ﻭﺍﺟﺖ ﻟﺒﻴﺖ ﺍﻣﻲ ﻓﺘﺤﺖ ﺍﻟﻬﺎ ﺍﻟﺒﺎﺏ ﻭﺩﺧﻠﺖ ﺑﺎﻟﻤﻄﺒﺦ ﺳﻠﻤﺖ ﻋﻠﻴﻬﺎ ﻭﺍﺟﺖ ﺍﻣﻲ ﻫﻢ ﺳﻠﻤﺖ ﻋﻠﻴﻬﺎ ..

ﻛﺎﻟﺖ ﻭﻳﻦ ﺣﺎﺯﻡ ؟

ﺍﺻﺒﺮﻱ ﺧﻠﻲ ﻳﺤﻞ ﻣﻦ ﺩﻭﺍﻣﻪ ﻭﻳﺠﻲ

ﺍﻱ ﺍﻧﺘﻈﺮﻩ ﺷﻌﻨﺪﻱ

ﻣﺎﺗﺨﺎﻓﻴﻦ ﻣﻦ ﺍﺑﻮﺝ ﺷﻮﻥ ﻭﻳﺎﺝ ﺍﻧﺖ ﻭﺑﻌﺪﻳﻦ ﻫﻮ ﺷﻌﺠﺐ ﺧﻼﺝ ﺗﻜﻤﻠﻴﻦ ﻟﻼﻣﺘﺤﺎﻧﺎﺕ ﺣﺘﻰ ﺑﻌﺪ ﻣﺎﻋﺮﻑ ﺍﻧﻮ ﺍﻧﺖ ﻭﻓﻴﺾ ﻣﺎﺭﺍﺡ ﺗﺘﺰﻭﺟﻮﻥ ..

_ ﺍﻱ ﺍﻟﺤﻤﺪﻟﻠﻪ ﻏﻠﺲ ﺑﺲ ﻫﻢ ﻛﺎﻝ ﻟﻬﻨﺎ ﻭﺣﺪﺝ ﻫﺬﺍ ﺑﻌﺪ ﻣﺎﺗﻜﻤﻠﻴﻦ

_ ﻛﻞ ﻣﺮﺓ ﻳﻜﻮﻝ ﻫﻴﺞ ﻭﻳﺨﻠﻴﺞ ﺗﻜﻤﻠﻴﻦ

_ ﻻ ﺑﻌﺪ ﻭﺻﻠﺖ ﺣﺪﻫﺎ ...

ﺍﺟﺖ ﺍﻣﻲ ﻛﺎﻟﺖ ﻭﺭﺩﺓ ﺑﻨﻴﺘﻲ ﺧﻮ ﻣﺎ ﺍﺑﻮﺝ ﻳﺤﺠﻲ ﻋﻠﻴﺞ ﺧﺎﻑ ﺗﺘﺄﺧﺮﻳﻦ

_ ﻻ ﻋﻤﺔ ﺍﺑﻮﻱ ﻭﺍﺧﻮﺍﻧﻲ ﺑﺎﻟﺸﻐﻞ ﻭﺍﻧﻪ ﻃﻠﻌﺖ ﻭﻛﺖ ﻣﻦ ﺍﻻﻣﺘﺤﺎﻥ

_ ﺍﻟﻠﻪ ﻳﺴﺘﺮ ﻳﺎﻳﻤﻪ ﺍﻧﺘﻮﺍ ﺷﻮﻥ ﻭﻳﺎﻛﻢ ﻣﺎﺩﺭﻱ ﺍﺑﻮﺝ ﺍﻟﻠﻪ ﻳﺴﻠﻤﻪ ﻛﻠﺶ ﻗﺎﻓﻞ ..

_ ﺍﻟﻠﻪ ﻳﻬﺪﻱ ﻋﻤﻪ .. ﻭﺍﻧﻪ ﻏﻴﺮ ﺣﺎﺯﻡ ﻣﺎﺍﺗﺰﻭﺝ

ﺍﺟﻪ ﺣﺎﺯﻡ ﺭﺍﺣﺖ ﻭﺭﺩﺓ ﺗﻠﻜﺘﻪ ﻣﻦ ﺍﻟﺒﺎﺏ ﻭﻛﻌﺪﻭﺍ ﺑﺎﻟﺤﺪﻳﻘﺔ

ﺍﻣﻲ ﻛﺎﻟﺘﻠﻬﻢ ﺩﺧﻠﻮﺍ ﺟﻮﺍ ﺣﺮ ﻣﺎﻗﺒﻠﻮﺍ ﻭﺑﻘﻮﺍ ﺑﺎﻟﺤﺪﻳﻘﺔ ..

ﺑﻘﻴﻨﺎ ﺍﻧﻪ ﻭﺍﻣﻲ ﺑﺎﻟﻤﻄﺒﺦ ﻧﺴﻮﻱ ﺍﻟﻐﺪﺍ

ﻟﺸﻮﻳﻪ ﻭﺟﺎﻥ ﻳﺪﺧﻞ ﺣﺎﺯﻡ ﻻﺯﻡ ﺍﻳﺪ ﻭﺭﺩﺓ ﻭﻳﺮﻛﺾ ﺑﻴﻬﺎ ﻭﺻﻮﺕ ﺻﻴﺎﺡ ﺧﺎﻟﻲ ﻭﺭﺍﻫﻢ

ﺭﻛﺾ ﺣﺎﺯﻡ ﻗﻔﻞ ﺑﺎﺏ ﺍﻟﻤﻄﺒﺦ ﺑﺴﺮﻋﺔ

ﻇﻞ ﺧﺎﻟﻲ ﻳﺴﺐ ﻭﻳﻐﻠﻂ ﻭﺭﺍ ﺑﺎﺏ ﺍﻟﻤﻄﺒﺦ

ﻛﺴﺮ ﺍﻟﺠﺎﻣﺔ ﻣﺎﻟﺔ ﺍﻟﺒﺎﺏ ﺍﺑﺎﻭﻋﻠﻪ ﺑﻴﺪﻩ ﺳﺠﻴﻨﺔ ﺟﺒﻴﺮﺓ

ﺍﻣﻲ ﺿﻠﺖ ﺗﻬﺪﻱ ﺑﻲ ﻣﻦ ﻭﺭﺍ ﺍﻟﺒﺎﺏ ﺧﻮﻳﻪ ﺍﻫﺪﺍ ﺍﻟﻠﻪ ﻳﺨﻠﻴﻚ ....

ﺿﻞ ﻳﺼﻴﺢ ﺍﻟﻴﻮﻡ ﻛﻠﻜﻢ ﺍﺫﺑﺤﻜﻢ ﻭﺍﺫﺍ ﻣﺎﺫﺑﺤﺘﻜﻢ ﺷﺎﺭﺑﻲ ﻣﻮ ﻋﻠﻴﻪ ...

ﺣﺎﺯﻡ ؛ - ﺧﺎﻟﻲ ﺑﺲ ﺧﻠﻲ ﺍﻓﻬﻤﻚ ﻭﻧﺤﺠﻲ ﺑﻬﺪﻭﺀ

ﻇﻞ ﻳﻐﻠﻂ ﻭﻳﺼﻴﺢ ﻭﻳﻔﺸﺮ ﻋﻠﻰ ﺍﻣﻲ ﻓﺸﺎﻳﺮ ﻣﺎﺗﻨﻠﺒﺲ ﻋﻠﻴﻬﺎ ﻫﺪﻭﻡ

ﻣﺪ ﺍﻳﺪﻩ ﻣﻦ ﻣﻜﺎﻥ ﺍﻟﺠﺎﻡ ﺍﻟﻲ ﺗﻜﺴﺮ ..

ﻳﺮﻳﺪ ﻳﻔﺘﺢ ﺍﻟﺒﺎﺏ ﻭﻳﻬﺪﺩ ﺑﺎﻟﻘﺘﻞ

ﻛﺎﻣﺖ ﺍﻣﻲ ﺷﺎﻟﺖ ﺍﻟﻜﺰﺍﺯ ﺍﻟﻤﻜﺴﺮ ﻣﻦ ﺍﻟﻜﺎﻉ ﻭﺷﻤﺮﺗﻪ ﻋﻠﻰ ﺍﻳﺪﻳﻦ ﺧﺎﻟﻲ ، ﺿﻞ ﺍﻟﺪﻡ ﻳﺼﺐ ﻭﺻﺎﺭﺕ ﺍﻟﻜﺎﻉ ﻛﻠﻬﺎ ﺣﻤﺮﺍ ﻣﻦ ﺍﻟﺪﻡ !!!