رواية زوجي يعشق اخري الفصل الحادي عشر بقلم ساره الخفاجي
خلصت شغلي وخابرت عادل ولگيتة ينتظرني باب الشركه تفاجأ بشكلي الجديد لأنه ممتعود عليه اكون بهالجرئة هاي .
جنت بنية بسيطة لابعد الحدود اعتني بنفسي بس بحدود لان اخاف حجي الناس مكياجي بسيط تسريحاتي بسيطة اذا كلش وعاجبني اغير افتح شعري ومااشيلة ،بس ثبتتلي الايام أنه الناس ميتركون احد بحالة حتى لوجان مثالي .
رحنة لأحد المطاعم وبدينه نحجي عالشغل وعن استاذ ليث جنت كلش معجبة بي كأستاذ لاغير لان اشوفة ناجح وطموح ومجد والي يريدة يوصلة مهما كان صعب .
عادل جان متوتر على غير العادة الي يكون بيهة مرتاح بحجية .
حسيت اكو شي يريد يگولة .
-سمر مااعرف تذكرين لولا بس اني جنت وياج طالب بالجامعة .
-ابتسمت ،اي اذكر عبالي انت ناسي ومحبيت احرجك واذكرك.
-ههههه لابالعكس جنتي مثالية جمال وذكاء وانصدمت من بطلتي.
-نكدر نكول الحياة بطلتني منهة بهذيج الفترة .
-اي سمعت وفاة اخوج وراهة زواجج.
-اي ،،زواجي ومكدرت اكمل شفتهة صعبة ارجع وية طلاب اصغر مني .
-لابالعكس لوراجعة ومكملة حرامات والله ،توقعتج تكونين محامية ناجحة.
-هاي قسمتي بعد مابيدي شي .
-اذا تردين ترجعين اكدر اساعدج.
-هسة ورة خمس سنين شو احس روحي كبرت عالدراسة.
-اكو أكبر منج رجعوا وحققو طموحهم المهم يكون عندج إرادة.
-بس هسة الدراسة تغيرت وصارت اصعب.
-افا علج واني شنو شغلي هنا ،موبعينج.
-لاالعفو ،بس قابل تگعد تدرسني وتعوف شغلك ومشاغلك.
-فدوة الج سمورة.
اتفاجأت من كلمة سمورة شو هذا ذب ميانة وگام يدلع ابتسمت وكملنة أكل ..
شجعني اكمل وخلالي حافز اكثر رجعت للبيت وسولفت الفاتن صح فرحتلي أنه حكمل بس احسهة ضاجت من شي حاولت اعرف محجت شي.
فاتن تعرفت عليها ورة زواجي عن طريق جوارينه اصير بت خالتهم بس كلش حبيتهة وتعلقنة بعض عبالك اعرفهة من سنين مو 3 سنين .
اصغر مني بسنة بس عقلهة يوزن بلد خريجة اداب انكليزي ومدرسة تشتغل بمتوسطة ...
ممزوجة ياهو الي يتقدم آلهة ترفضة وشكد حاولنة اني والبنات نقنعهة جانت ترفض وتكول الا المواصفات الي بالي يله اقبل ،كاعدة بشقه وحدهة بس اهلهة بنفس العمارة اخوانهة 2مزوجين ومتكفي الشقة فاجرت شقة حتى تخلص من اللغاوي مال البيت وامهة تبات يمهة بليل ومن بقيت يمهة امهة مااجتي حتى لتحرجني.
جانت من تحجي على عادل تسرح وتروح لعالم ثاني جنت اشك بيهة معجبة بي ،بس ممتاكدة لان لوعدهة شي جان گالتلي مظم عليه شي .
صار الليل وراحت فاتن لبيتهة واني بقيت افكر شون ادبرهة اذا ارجع للكلية ياترى اكدر زين برادلي فلوس اقساط منين اجيب اذكرت بيت ابوية الله يرحمه ورة ممات حسين گمت مااطيقة ومن ازوجت ابد مرحتلة ولافتتلة جنت استوحش واخاف منة احس بي أرواح ابوية واخوية .
فكرت أبيعه واشتري بيت صغير والباقي اصرف بي .
بس لا اذا أبيعه راح تنصرف الفلوس ومااستفاد شي بعدين وهذا زمن غدار كلشي اتوقع منه .
ثاني يوم گعدت الصبح حظرت نفسي ورحت للدوام وبوجهي الأستاذ ليث .
سألته اذا ابيع شنو الاجرءات وامي تأخذ حصة لولا نصحني ااجرة هيج استفاد اكثر وهم يبقى سند ألية ضد الزمن .
صدك مشيت بحجايتة طلبت من عادل يجي وياية نشوف البيت هوة الوحيد الي اامن الة ومومال اني وفاتن نروح بنات ثنينة وبيت صار كومه محد گاعد بي .
جان قديم وتعبان لان متروك صار هواية يرادلة تعمير يله ااجرة بس منين اجيب فلوس مال تعمير بالقليل يرادلي 20مليون .
10عندي من الطلاگ بقت 10 فكرت اخذ قرض من البنك وماكو غير عادل كفيل گتله وافق الولد ومكال شي وبديت اعمر بي شفنة عمال واتفقنه وياهم خلال شهرين صار البيت عبارة عن بيتين ويخبل جديد عبالك ومالحاظر اتأجرن وصار يجيني كل شهر راتب من الايجارات ماعدة شغلي اشتركت بسلف وبديت الم نفسي حتى السنة الجاية ارجع لدراستي ...
اتفقت وية عادل ورحنه اني وياه لشارع المتنبي واشترينه الكتب الي نحتاجهة وهوة عدة ملازم ومحاظرات محتفض بيهن يگول ميهلي اذبهن صرفت عليهن فلوس كومه ههههه.
وبديت اقرة يومية شي والي ماافهمة استعين بعادل يشرحة الي تقربت من عادل هواية بس علاقتي بي جانت صافية كلش وبريئة .
وبيوم من الايام استاذ ليث بدة يتغير وياية طريقة كلامة تعاملة ابد ممرتاحة الة ولاسلوبة جنت اسولف لفاتن وتضحك عليه وتكول يلة بعد شتردين استاذ ليث من أكبر المحامين معجب بيج واعيط بيهة .
وبدة يوم ورة يوم اكثر الاشياء الي تزعجني بي إلى أن يوم طلبني للمكتب ....
