رواية حكاية شوق الفصل الحادي عشر بقلم رشا منصور
بعد ما الناس لقيتنا بنصرف وبنتمتع وكنا بنقول لهم أننا بنصرف من فوائد شهادة الاستثمار لكن مصاريفنا كانت ملفته للنظر وبصراحه خالتوا عيشوش كانت موفرة لنا جنn ل حمايتنا وكان أى حد يفكر يتعرض لنا كان بيندم….
ومن هنا حبيت السحرr رغم كنت بسمع حاجات وحشه. كتير عنه بس أنا شوفت أنه أمان لنا وبعد وفاة تيتا…
اتنقلنا ل مصرr لأن محدش يعرفنا هناك ونقدر نتمتع براحتنا واشترينا بيت واتجوزت ماما وأنا انفصلت في شقه لوحدى في نفس البيت وطلبت من خالتوا عيشوش تعلمني السحرr لكن اختارت السحرr الأبيض..
وبقيت اسافر معاها بس بردو ماما كانت معاها حرا'سة. طول الوقت والجنn كان بيبلغنا بكل حاجه
واتعرفت بأسم العرافة لأني قدام الناس بقولهم هما بيفكروا في إيه وعاوزين إيه…
صحيح شهرتي مش زى ساحرةالجنوب لكن في ناس كتير بتحبني.
وطلبت مني عيشوش أتعلم مجال العقارات والتسويق علشان كدا اتفقت مع شرويت إني هسافر مصر وافتح شركة تسويق عقاري لحد ما اتعلم شغل العقارات…
وطبعاً الجنn هيساعدني في مجال التسويق والدعاية وتحقيق الشهرة بشكل سريع بين شركات الإسكان العقاري…
وروحت شركة الحناوي وقابلت زياد الأنصاري ومقولتش له في البداية إني من طرف شرويت وعرفته ب نفسي إني صاحبه شركة تسويق ولسه جديده في السوق وكنت عاوزة يكون في تعاون بينا
وكان لطيف جدا معايا وقالي إحنا قريب هنسلم وحدات سكنية وهحتاج تعملي دعايه بس العقد هيكون بأسم الحناوي الله يرحمه صاحب الشركه…
ابتسمت له وقولت قريب جدا هيكون بأسم شرويت الحناوي..
قام وقف وقالي انتي تعرفي شرويت منين…
قولت له أنا اللي شرويت عايشه معاهم وشغالين في المجال الالكتروني. واظن هى قالتلك عننا.. وجيت هنا بناء ع طلب شرويت ودى شركتي بشكل صوري فقط لكن هى شركه شرويت في الأصل ومجرد ما تخلص دراستها هتفتح شركه عقارات في جنوب أفريقيا وتكون فرع تاني للشركه دى…
فضل ساكت… قولت له ثواني اتصلت فيديو ع شرويت وقالت له زياد رشا دى صاحبتي وأنا عايشه هنا مع مامتها وأنا اللي طلبت منها تشتغل في السوق علشان أسم شركتها يتعرف وبعدها تعمل شغل مع السخاوي…
ياريت تخليها تعمل تسويق لشركه بابا وشركة عمو الأنصاري وتقدر تعتبر أول شهر في الدعاية ع حسابي إيه رأيك..
زياد الأنصاري….
في البداية قلقت من البنت أول ما نطقت أسم شرويت بس بعد مكالمه شرويت اطمنت وقولت لها لأ الشغل شغل أنتي بس ممكن في الأول تعملي خصم ليا…
ووعدت رشامنصور إني هعرفها بين أصحاب بابا علشان توسع مجال شغلها…
وليد السخاوي….
سافرنا ل شهر العسل وواضح من اولها أنه شهر بصل.. من أول ما ركبنا الطائرة الجناح الأيمن،. اتعطل والطيارة نزلت في بلد تانيه
وفضلنا في المطار لحد الفجر وركبنا طيارة تانيه وبعد ما وصلنا الفندق كنا تعبانين جداا وطبعاً رجالة الدهشوري. معانا وبيبلغوا أبوها أول بأول لسه بندخل السويت وفتحت الحنفيات علشان اخد شاور ونمت في البانيو سمعت صريخ،. وفجأة لقيت رجالة الدهشوري معايا في الحمام قولت لهم في إيه…
طلع أن البانيو انشرخ،. وسرب ميه وخرجت بره والسويت غرقان،. وطبعاً إيلينا صر'خت. وهما افتكروا إني عملت لها حاجه.. مش فاهم ازاى غرق ده أنا مكملتش عشر دقايق في البانيو.
واتصلنا ب إدارة الفندق وغيرنا السويت. وقررت أنام من التعب وصحيت ع صوت إيلينا بتقولي في حد معانا..
أنا شوفت خيال حاجه معديه من الستارة… قولت لها هتلاقيهم رجالة ابوكي نامي اطمني ده إحنا متحا'صرين!!!! إيه ده وببص لقيت الخيال بيكبر وواصل للسقف…
ده يوم مش فايت وشغلت كل الإضاءة لكن مافيش حاجه وفضلنا تلات أيام في الفندق نفسنا ننام مش عارفين..
من الحاجات الغريبة اللي بتحصل فجأة التليفزيون يشتغل لوحده بصوت عالي.. فجأة صوت حاجات بتتكسرr
وابوها الدهشوري بيه كلمني وقالي بنتي مش مبسوطه سيبوا الفندق. سيبوا باريس كلها…
وسافرنا إيطاليا وعيشنا أسبوع في دلع وفسح وسهر زى الفل ونسينا خالص اللي مرينا به لحد ما فجأة وأحنا بنرقص في السويت. شوفت اللوحه اللي متعلقه اشكالها بتتغير وكأن حاجه بتخرج منها والمصيبه،. أن إيلينا مش شايفه حاجه.. لأ لأ واضح أن أنا ملبوس،. أو اتعملي سحرr..
شرويت….
طلبت من برك يتسلي ع وليد وإيلينا وكل ما يطمنوا يعيشوهم القلق، والرrعب تاني….
وتابعت رشامنصور في شغل الشركة وما شاء الله في اسبوع واحد شوفت كميه دعايه ع السوشيال كأنها شغاله من سنين..
وطبعاً الجنn اللي معاها مساعدها وقدرت فعلاً تبيع ڤلل.وشقق لنا ول شركه عمو الانصاري بمبالغ محدش يتوقعها وحققت مكاسب كبيرة وبلغتني أن في أصحاب شركات معارف عمو الانصاري
وعملوا عقود معاها..
واضح أن مجرد ما أخلص الكليه هقدر انتtقم من السخاوي بسهوله
بس هو برك هيفضل معايا ع طول ولا عيشوش هتاخده مني..
آية زميلة شرويت…
نفذت كلام شرويت وكنت بكلم زياد يومياً وهو بعد فترة بدأ يتعود على مكالماتي وأوقات كتير بقي هو اللي يكلمني…
ورغم أنه اتعود يسمع صوتي وأوقات بيجيلي الكليه إلا إني متأكدة أنه مازال بيحب شرويت…
صحيح بحس الغيرة لما بعرف أنها كلمته بس برجع أقول إنها لو كانت عوزاه مكنتش قالتلي اقرب منه ..
وكانت شرويت يومياً بتكلمني وبتشجعني وعرفتني ب شركه التسويق اللي بنت الست اللي قاعدة عندهم عملتها وهى تابعها ومعموله خصيصا علشان تقرب من السخاوي بسهوله بعد كدا
قولت لها وليد مش سهل وممكن يلعب ب صاحبتك.. ضحكت وقالت أو هى اللى تلعب به متخا'فيش. عليها دى شاطرة جداا.
الدهشوري…
كنت متابع اللي بيحصل مع إيلينا ولما طلبت شيخ مسجد يجيلي وعرفته ع اللي حصل في الفرح وكمان في شهر العسل قالي واضح أنها من أفعال الجنn ..
ممكن يكون حد منهم عليه جنn عاشق واللي بيحصل ده نتيجة غيرتهم… واتفاجئت ب إتصال من إيلينا بتقولي
الحقني يا بابا أنا اتفاجئت إني حامل، ومش عارفه اقول ل وليد إيه ده إحنا مكملناش عشر أيام مع بعض…
قولت لها متقوليش ولا كلمه وأنا هتصرف واتصلت ع السخاوي وقولت له إني استشارت شيخ وقالي أن اللي بيحصل ده إحتمال تكون أفعال جنn وهو لازم يشوفهم بنفسه علشان يبعده عنهم..
بلغ إبنك يكون في مصرr بكره…
عاوز اطمن ع بنتي.. وبلغت الحرrس ميبعدوش عن بنتي لحظه ويبلغوها أنها تجهز شنطه ملابسها واتصلت ع دكتور وبلغته أن في حالة يهمني أمرها وحامل في الشهور الاولى ولازم تسقط، في سريه. تامه…
قالي لازم اكشف عليها الأول.. لو الحمل في الشهر الأول أو الثاني سهل ينزل لكن غير كدا في خطورة ع الأم..
قولت له هتكون عندك كمان يومين… بس لو حد عرف بالكلام ده هيتشال اسمك من النقابه، وهقفلك المستشفى بتاعتك..
وقفلت معاه وقررت أن اعمل عملية، الإجهاض، وافهم وليد أن إيلينا قاعدة بعيد عن البيت كام يوم بناءً ع طلب الشيخ..
برك …
كنت بنفذ تعليمات شرويت وبلغتها ب حمل إيلينا وطبعاً مش من وليد لأن شرويت طلبت أن ميكنش له أولاد نهائي…
وطلبت شرويت مني أثناء الكشف الطبيب يبلغهم أن في خطورة ع حياتها لأنها مش أول مرة تتعرض للأجهاض،.
وإذا صمموا ع العمليه ده معناه أنه هيستصأل الرحم،،،..
وليد السخاوي…
من أول ما نزلنا مصر، ووصلنا ڤيلا الدهشوري. لقيته بيقولي الشيخ طلب أن كل واحد منكم يكون في غرفه لوحده.. قولت في بالي أحسن أهو أرتاح منها..
وتاني يوم اخدها وقالي أنه هيروح للشيخ يشوفها وبعد أكتر من تلات ساعات رجع وقال ل إيلينا اطلعي غرفتك وأنت السخاوي ع وصول عاوزكم في موضوع مهم…
قولت بس شكلي أنا اللي عليا عفريت،. وهيطلب مني اعيش عند أبويا أو إني أطلقها،.. ويبقي خسرنا، كل الفلوس دى ع قلة فايدة.
وبعد ما وصل بابا ودخلنا غرفة المكتب لقيت الدهشوري قال الكلام اللي هقولوا ده لو خرج بره بمو'تكم… بلعت ريقي وقولت له خير يا عمي هو الشيخ قال إيه لقيته بيقولي
بنتي تعبت في الطريق وخدتها المستشفى وطلعت حامل في شهرين لكن في خطرr لو اجهضت،.. وأنا قررت احتفظ بالطفل ومتقلقش مش هيكتب بأسمك أنا هتصرف له في آب…
بصيت ل بابا وأنا مش قادر أنطق، مصدوم من اللي بسمعه، ولقيت بابا بيقول له…
إيلينا دى مرات أبني واللي في بطنها ينكتب بأسم وليد وهنقول أنها ولدت في السابع… إحنا يهمنا سلامتها وكفايه أنه حفيدك.
وأنا فضلت ساكت وباصص في الأرض.. ياتري هتعملي فيا إيه تاني يا دنيا..
مش عارف ليه افتكرت شرويت لما بلغتني بحملها، ده أنا معرفش حاجه عن الحمل وابني اللي في بطنها.. الاقي نفسي هكتب طفل بأسمي… واضح أن ذنب، شرويت ربنا بياخده مني..
الدهشوري….
اتفاجئت ب كلام السخاوي وقولت له ع العموم لو ده حصل هديه مني ل وليد يمسك شركه من شركاتي واكيد مش هنساك يا سخاوى.. حلاوة المولود…
شرويت…
وياما هتشوف مني يا وليد ورحمة بابا ما هرحمك أنت وابوك.
