رواية زوجي يعشق اخري الفصل الثاني عشر بقلم ساره الخفاجي
-أكعدي سمر.
-خير استاذ اكو خطأ بالملفات .
-لالا ماكو شي بشغلج .
-الحمدلله هههه جنت خايفة .
-لالتخافين قابل اني وحش كلنة بشر ومعرضين للخطأ.
-اي صحيح استاذ ،بس مااريد اغلط بشي بالاخص بالشغل .
-عفية عليج دائما اريدج هيج جدية حتى توصلين للي تردي.
-ان شاء الله استاذ ،لعد شنو السبب طلبتني .
-ههههه انطيني مجال خلي احجي.
-اسفة استاذ تفضل.
-يزيد فضلج ،شوفي سمر اني فنيت عمري كلة عالشغل حتى من ازوجت ازوجت تقليدي امي اختارتلي واني وافقت ،حاولت اتأقلم وياهة مكدرت صح عايشين سوة بس كل انسان بوادي .
-...اني هنا ارتبكت شيقصد بهالحجي حاولت اغشم روحي واجاوب ...
-الله يحفظك استاذ انت وعائلتك ،بس حاولت تعرف شنو الاسباب الي بعدتكم عن بعض.
-ماحاولت ولااريد احاول تالي عمري وين اريد اوصل .
-ليش استاذ بعدك شباب ماشاء الله .
-الحمدلله يعني تشوفيني شاب .
-ههههه اكيد استاذ .
-المهم اني معجب بيج من اول مشفتج بس مكدرت احجي شي كل هالوقت لان مهما يكون جنتي طالعة من تجربة مؤلمة .
لتحجين شي خليني اكمل ،اريد ازوجج على سنة الله ورسولة بس بيناتنه مااريد اي احد يعرف لااصدقائج ولابالشركة .
-شنو قصدك استاذ.
-قصدي واضح اريدج الي بس بالسر اني الي سمعتي واهلي مااريد مشاكل بحياتي ،واوعدج مااقصىدر وياج باي حق من حقوقج.
-معرفت شجاوب انصدمت صدمة عمري شون اصرف بهالموقف لو موباب رزفي هنا جان سويت شي ميعجب وطلعت شون اصرف يربي .
اعذرني استاذ اني موسلعة دشتريهة وتخاف عليها أو تخاف من المشاكل الي تجي وياهة اني بشر حالي حال البقية ،صح مطلقة بس بعدني بشر هذا الشي ميمنعني اعيش معززة مكرمة وبعدين الزواج اشهار مو سر وخفاء ...
وثاني شي منو گال اني اريد ازوج اصلا وشون تجرأت تطلب مني هالشي للاسف استاذ جنت اشوفك مثل وقدوة بس هسة خربت كلشي وبالنسبة للشغل لومامضطرة ابقة بسبب القرض جان تركته بس اوعدك بس الكة شغل راح استقيل .
عفتة وطلعت واني احس بركان بداخلي عيوني أجمعت الدموع بيهة بس مااكدر ابجي كدام الموظفين مناقصة حجي علية .
اتصلت بفاتن مجاوبتني يمكن عدهة درس ماكو احد غير عادل احجي وياه
خابرته وطلبت منة نلتقي هسة ،راد يتعذر بس من طريقة كلامي وياه حس صاير شي واجة حجيتلة كلشي ودموعي اصب عشرة عشرة مااعرف شكول شون بية ليش هيج العالم ميصدكون يشوفون انسان ضعيف ووحدة حتى يهجمون علية ويردون ياكلو.
عادل صار اعصاب وتحلف بليث الا يكتلة توسلت بي يسد الموضوع لان مراح احصل غير الفضيحة والذم واكيد الشي حيلاف عليه ..
ولوماانتي منطيتة مجال لوماانتي متعيتلة فسد الموضوع لاانفضح واصير بحلك اليسوة والميسوة .
سكت بس جنت احس بي يريد ينفجر من عصبيته هدئني وگلي لداومين بعد لحد ماشوفلج شغل ثاني ووبالنسبة للقرض گال لتخافين نكدرنأجل شهر الدفع ...
رجعت للبيت واني منهارة بسبب الي صار كلما اذكر طريقة حجي الأستاذ ليث اموت قهر لهالدرجة يشوفني رخيصة حتى يطلب مني هيج شي .
رجعت فاتن واجت من عرفت بلي صار ومن سولفتلهة على وگفة عادل عصبت وراحت .
اتفاجاءت من تصرفهة وقررت لازم اوگع على علتهة .
حاولت. وياهة طول الاسبوع ماكو فايدة يمعودة احجي شنو علتج شبيج وية عادل ،ليش اضوجين من اجيب سيرته ماكو تكول انتي متوهمة وتسد الموضوع .
ورة اسبوع خابر عادل..
-لگيتلج شغل.
-صدك ،وين.
-اي والله ،بنفس الشركة .
-انيالي مسوينه شي لعد هم راح اشوفة گبالي .
-لامشوفي .
-ويامن اشتغل.
-وياية .
-هههه لاجديات .
-اي والله .
-ششتغل وياك.
-مساعدة تحت التدريب .
-بس اني بعدني ممخلصة محاماة بس سنة أولى.
-مالج دخل اني وياج بس انتي اوعديني تدرسين وتنجحين .
-موتدلل اصلا قررت ارجع السنة الجاية .
-من باجر اداومين مااريد تقاعس عن العمل.
-هههههه تدلل ابو تقاعس .
-لعد شعبالج راح افحمج بالكلمات الفصحى.
-هههههه لادخيلك هوة احنة نحجي عامي بكوة مدبريهة.
-لاقيمنة شون محامية ،عود اوصيج كتبي كتاب لجهة بالعامية حتى يضحكون عليج.
-ههههه يلة عود منكم نتعلم .
-ان شاء الله بداية خير ،لكومة اشياء.
-ان شاء الله .
جنت فرحانة كلش فاتن بدت تبتعد عني وتغيب ايام متسأل ولاتجي ومن اروح الكاهة تعبانة ونعسانة توقعت تريد تتهرب مني حتى لااسالهة عن شي .
داومت ثاني يوم واني فرحانة مساعدة الاستاذ عادل كلهة اصيحني طبعا مخلصت من الحجي وشون صرت مساعدة واني جنت سكرتيرة يم فلان محامي بالمختصر اكلوني لحم وذبوني عظم .
كلما اسمع حجاية اگلبهة مناحة وعادل يسكتني يگلي بس تحجين تثبتين الحجي عليج تعلمي تلبسين الاول والتالي ومن يشوفوج ممهتمة وحدهم يسكتون لان مراح يرضون غرورهم بسكوتج ..
