رواية ومضه امل الفصل الثاني عشر بقلم ام مصطفى
فتحت الباب
صارت شكرية بوجهي
-وين امج الحية
-شنو حية شتردين
علاء جان واكف وارها دفعتني حيل وكعت بالكاع لان اني تك رجل مثبته عليها اكيد بسرعة اوكع
وكعت طبت هي تصيح وينه ام رجوله
علا مد ايده كومني وجان ضايج
بسرعة بجيت ع منضري حسيت نفسي صدك معاقة
باوعتله وبرطمت
-اسف اية والله مقابل ع امي واجيت وراها اخاف لاتسوي شي
سمعتها تصيح ع امي عفته وفتت
-ام علاء انتي دايسة بساطي وابيتي لذالك كلامج مردود عليه
-يابساط يابيت حبيبتي هذا بساطي وبيتي وانتي بكتي
كالعادة امي سكتت وتمنيت تحجي امي ممسويه شي غلط ماادري ليش تسكت
-مسوية روحج جاهل وجايبة وعود نفسه ونايمة يم ابنج خيبه ام المعوقات صار براسج خير
كتلها كافي لهنا وكافي تعيرنة بالعوق هذا الشي من الله مو بيدنا وثاني شي امي ممسويه شي زوجج هو اجه خطب امي وتوسل الف مره يله وافقت ولو مرتاح وياج ميدور عليج زين
عاطت امي بيه اية اسكتي
-لا مااسكت خل اوكفها عد حدها كل يوم جايه هادة علينا شكو
اذا ذيج المرة محجيتي لعمو هالمرة اني احجي وخلي يادبها
كامت امي رادت تضربني ابتعدت منها
-لا عوفيها هي عليمن تطلع غير عليج تربيتج هاي
-اني مكلت شي غلط انتي جاية وتتهجمين علينا ابيتنا
-باع ذن مصدكات عدهن بيت
اليوم البيت اهجمه عليجن اوكفلي
اول شي كلبت التلفزيون بالكاع
وشالت سندانه كرستال طكتها وصارت طشار والكزاز ترس البيت
علاء ركض لزمها
يمة كافي تخبلتي شعليهن هنه
-اسكت مالك شغل افلش البيت المتعجبات بيه
يجر بيها ودفعته وكع ع الكزاز وتجرحت اديه
صرخت علاء
ركضت لزمت ايدة واباوع بيهن شبيهن صارلك شي
لا ماكو جان مفرش ع الطبله جريته وخليتهن ع يده
دخلت هي للمطبخ توكع وتكسر عبالك فلم اكشن ونباوع
بهالحجي والله يجيب عمي ابو علاء وهي تكسر وتغلط شافها
علاء اديه انترست كزاز ناعم واني ابجي واطلعله
وامي لازمه اخوي خايفة عليه
وذيج تكسر شافها عمي
جرها من ايدها شسووين جاي
اتفاجئت بجيته
ضربها راشدي
-تضربني ع مود ك....
اسسي تسواج هاي لا تكولين هيج عليها شعندج ولج هاده عليهن
اريد اخنك الولد اريد اذبحة هذا باجر راح يتقاسم الورث وي جهالي مااريده
-يعني انتي ماميته علي كل همج الورث تردين تموتيني ولج ورين ورث من هسه
-٢٥ سنه عشت وياك عمري ماحسيت بحبك الي مسويني بس خدامه الك وتالي ازوجت علي شلون متريدني ادعي عليك بالموت اي اريدك تموت واخلص منك
ضربها
علاء كله لا بابا
-انجب طايح الحظ جاي وياها تكتل اخوك
-لا والله
بس امشي يله امشي
جرهم وطلعهم اخذهم وراح
كعدنا مكابلين الغراض ونبجي امي ملخت روحها تملخ
وتدعي ع نفسها
ليش وافقت ليش ازوجت شلي بالمشاكل هاي شسوي حقها اني دخلن حياتهم وخربتها
امشوا امشوا
وين يمة
نرجع لبغداد مالي مكان هنا واذا يريد خل يطلكني
-يوم شلون نكلع بدون علمة خاف يزعل ويحجي علينا
-خل يزعل بس اني ماابقى هنا ويومية رايحة جاية علينا
لو يشوفنا بيت بعيد عنهم وهي كون متندله لو ارجع لبغداد
لعد خل يجي وكليله هالحجي احسنضلت امي تبجي ومقهورة وتكنس بالكزاز واني وياها
نهلة هم جانت تبجي لا حول ولا قوة عدنا غير البجي
يكمن ساعتين ودخل ابو علاء
امي بالبداية بقت ساكته ضل هو يتعذر وعقل مرة بعد
امي كلتله اني محجيت شي بس راح احجي هسه المرة حقها شما تسوي وتحجي بس من توصل تريد تقتل طفل مالة ذنب لا لهنا مااسكت
-شتردين اسوي
-اريد بيت بعيد منا ومحد يندله غيرك لو ترجعنا لبغداد
-لا بغداد بعيدة اني هم هسه كلت لازم اشوف الكم غير بيت
خل اشوف بيت الكم اشتري واخلي باسم حمودي
يقصد اخوي الصغير اسمة محمد
-كلشي يصير علي باجر اريد اامن مستقبلة واخلي ربع اللبيت باسم بناتج حصتهن احطهن وي الفلوس وانت حصتج وحصة ايناس اخذوهن تشغلوهن بكيفكم
امي كلش فرحت خوش تفكير
بقينا شهر وانتقلنا لغير مكان
والحمد لله ارتاحينا
علاء اجة وي ابوه مرتين بعدها اخذ!رقم مبايل امي
وبدينا نتخابر
يكلي احبج واريد اكولة لابوي يزوججج الي بس خايف من ردت فعل امي لان مستحيل توافق
-اي اعرف مستحيل توافق بس علاء انت تحبني لولا
-والله احبج بس صعب
-لعد علاقتنا مامنها فايدة
-لا خليها ع الضروف نشوف شيصير ويانه
-اممم بكيفك بعد
ايناس
بعد مرور ست اشهر ع وفاة جدهم
سمية حددوا الزواج
وخابرت ايه وامي عزمتهم ع العرس
ماما جيبي البنات وتعاي
-والله اكلة لعمج اذا قبل اخلي يجيبنا
-لا فدوه ماما عيب من عمتي اكدت ع جيتكم
-زين لعد اقنعة واجيبهن واجي
بيوم الحنه امي اجت وجابت البنات شكد فرحت بجيتهن وعيالي استقبلوهم احسن استقبال
-كل الهلا بام اية نورتونا
-بنوركم عيني
طبت العروس من الصالون جانت كلش حلوه طالعة بكد مافرحت الها بس حيل مقهورة راح تزوج وابقى وحدي جانت ونستي نسولف نكعد نضحك ناكل سوه الحمد لله الله عوضني باحسن عيال وحموات درة مال الله
هم يكلولي انت زبنه وماكو منج بس اني اكول عيالي خوش ناس ويخافون الله ابد مافرقوني عن بناتهم الحمد لله
عمتهم ام عبد لله شافت ايه وتخبلت عليها عدها ولد كلش حلو وشاغول بس اخرس ومحد ينطيه مرة من شافت وضع اية كالت لامي بنتج اريدها لابني وابني هيج وضعةوالله ادللها ادلل ابني يشتغل مصلح سيارات وفلوس خير من الله ويكعد بيته وحده وشتريد ع هذا جمالها يجرالها
-والله علي شكو بيها بس اسئلها وعدها خوان وعمها واردلج خبر
جنت اعرف ايه تحب علاء بس افضل تزوج هذا الاخرس احسن الها احسن المشاكل واعرف علاء امة مراح تقبل
من كتلها جان دكول لا احب علاء وماازوج غيرة
-يمعودة علاء ميصير الج مستحيل هذا وضعة تقريبا مثل وضعج وعدهم املاك وخير من الله
-لا لا لا ايناس ما اكدر
بقن يمنا يومين والمرة ماشتلت عينها من اية تروح وترجع ع اية
حاولت وي اية بدت تلين بس متررددة
راحوا اهلي كتلها المي شهر واجيكم
اية من رجعت من العرس امي تمدح بالمرة وتحاول تقنعني واني اكلها لا يمة مااريد اعوفج
ولج يمة فرصة واجتنه انتي وضعج يختلف مو يومية تجيج قسمة يجوز هذا اول واخر واحد وافقي بنتي وافقي
ماادري افكر
من اجة عمي امي حجتله كلها شكو بيها ليش لا خل تزوج نسئل عليهم ونشوف
عاد اني خابرت علاء!
-علاء اني بورطة
-شنو شصاير
-تقدملي شخص وامي وافقت وجاي تضغط علي
-شنو شنو منو هذا
-من اقترب رحمن زوج ايناس
-اية انتي الي فهمتي
-بس انت متقدمت الي ومتكدر تزوجني وامي تضغط علي وعمي ابوك وافق ماادري شسوي شوفلي حل انت
-انت ارفضي وخلص
-اني مو بنية عاديه وارفض الي مثلي مصدك يجيها عريس وتزوج
-انت بنضري احلى البنات وجميلتهن كلهن
-شنو الفايده
-جنج قابله بيه
-لا بس فرصة متتعوض
-لعد روحي ازوجي وشوفي شسوي
-شسوي والله اكتله حلال
-ليش بله
-اية مو وكت شقاج ارفضي واني راح اصرف اوعدج هذا الشهر افاتح ابوي بالموضوع
-اوكي نشوف
امي ضلت تلح علي طول الاسبوع
كتلها يمة مااريده مو كوه هي مااريد وضليت ابجي
عاد امي خابرت ايناس كلت الها كلي لام عبد الله مصارت القسمة
بس امي زعلت مني وبقت بس تحجي وانت متعافية وانتي وانتي واني ساكته
احبه لعلاء اربده وواثقة منه راح يتقدملي لوما امه جان تقدم من زمان
خابرته وكتله رفضته خل اشوف شراح تسوي انت
بعد شهر اجت ايناس النه فدوه ابنها يجننن يجنن ستوه يمشي عمرة هنا ١١ شهر
وحمودي خمس اشهر هم هنا حمودي كام يعرفنا وتعلق بيه ولعباته تخبل
ايناس رادت دولمة
يمة مشتهيه دولمه من ايدج
-يا صدك جذب هسه اروح للسوك واجيب اضلوع وسلك ومواد الدولمه كلها واجي
راحت امي لسوك
واحنه دك سوالف وايناس ضلت تحجي علي ليش!ماقبلتي بالولد ولهسه منتضرين وتريد تجي تقنعكم المرة
-لا عفية لا تجي
-شنو اطردها راح تجي وي رحمن لمن ياخذني
-يبووي مااصدك امي نست ترجع انك ع راسي
حمودي بجة كمت سويتله ممة واسمه صوت قوي هز بيتنا هز
ايناس طفرت
اكلج هذا صوت انفجار قريب امي امي
-ها امي بالسوك وج خاف يمها
-لا اسم الله
طلعت ايناس للشارع تسئل شكو
جان يكولون انفجار بالسوك
تخبلنا اني ولبنات ندك ع امي متجاوب انوب قلقنا بالزايد خابرنا ع عمي اجة وامي ماكو
طلع عمي يدور عليها واحنه حالنا حال
