رواية اعداء عيلة الحاوي الفصل الثاني عشر والاخير بقلم سلسبيل احمد
- جيباني المسافة دي كلها ليه يابنت عمي؟
= شوف انت يابن عمي..
- لو هتعترفيلي بحبك آسف شوفتلي شوفة تانيه
= نعم يخويا !!
- اخوكي؟ اخو مين لا نعدل كلامنا
= اعدلة انت!!
- مش من حقي احب تاني ولا ايه!
بصتله بزعل: بطل هزارك ده
ادهم بجديه: مش بهزر يا ملك
- ادهم!
" فضلت بصالة وساكته لاقيته قرب مني بهدوء لدرجة اني اتوترت و ركز عيونه عليا.. "
= عيون أدهم
- انت بتحب حد غيري بجد!
فضل باصصلي واتنهد: تفتكري ممكن في يوم
اعرف احب غيرك يا ملك؟
ابتسمت وبصتله: يعني بتحبني
ميل راسه بتأكيد: بحبك.
- طب ممكن نتكلم جد
= ما احنا بنتكلم اهو
- انا فيه حاجات كتير اوي عايزه اقولهالك..
ممكن تسمعني
= انا علطول هسمعك.. اتفضلي يا هانم
" ابتسمت وكنت بصاله بحب.. وحاسه ان في اللحظه دي مشاعري عماله تكبر لدرجه مش هقدر اتحكم فيها! ولكني لازم اقوله كل حاجه الأول صفحتي سلسبيل احمد SlsbellAhmed "
- انا مش عارفه ابدء منين.. بس خلينا نبدء من الفتره الى انت كنت حاسس فيها انك لوحدك واحنا صغيرين.. و شايف اني قريبة من طارق و شريف.. وانت لاء.. انا كنت بخاف اقرب بسبب كل المشاكل الى بتحصل من صغري وانا بخاف من عمي محمد.. اظن ان انت فاهم النقطه دي.. بس بعد كده لما كبرنا وحصل كل الحورات و حصلت وفاة بابا.. وقتها انت فاكر ابوك عمل ايه كويس.. وعاملني ازاي مكنش قريب مني ولا كان مقدر حالتي ولا اي حاجه كان بيكرهني.. كل ده خلاني واخده موقف منكم كلكوا حتى جدو
" مسك ايدي وطبطب عليها فا بصتله
بمعني اني كويسه"
- مش لازم تبرري كل ده انا فاهم
= طيب.. لحد الوقت الى اتجوزنا فيه.. وقتها كنت
مخـ ـضوضه! وخايفه وحاسه ان ده اكبر قرار غلط اخدته في حياتي.. وانك هتتحكم فيا.. فضلنا نكره بعض ونعمل حاجات نضايق بيها بعض بس واحده واحده حسيتك بتتغير معايا وكنت مرتبكه من طريقتك ومش قادره اثق فيك.. كنت بحس انك غيران عليا من شريف بالذات بس بكدب نفسي وبقول انا هفرق معاك في ايه يعني.. فضلت اكدب نفسي كتير اوي يا ادهم!
لكن بدأت تهتم بيا وقربنا شوية من بعض.. لحد ما حصلت الخناقة في الحفله.. واطلقنا بعدها.. انت قولت انك طلقتني علشان حسيت اني مهتمه بطارق و شريف اكتر منك.. بس انا يومها لما لاقيتك بتتخانق خوفت عليك! كلمت جدو وشريف لأني كنت خايفة عليك اوي.. مش عاوزاك تتآذي.. واتأكدت وقتها اني بحبك يا ادهم.. بس رفضت ابين ده وبينت العكس واني بس مهتمه بيهم.. وانت مستحملتش وطلقتني.. كنت فاكره اني هبقي مبسوطه لما نطلق.. لكن ده كان اسوء شعور احسه
" عيوني كانت مدمعه وباصه له وهو مصدوم قرب مني بعدم تصديق "
- معلش بس ارجعي تاني كده اتأكدتي انك ايه!
ضحكت ومسحت عيني: بحبك
" مسح على شعره بعدم تصديق وبصلها "
- طب بطلي عياط.. مكنتيش عارفه تقولي كل ده بعد لما ارجعك؟
دموعي نزلت بفرحه وكنت بصاله بحب قرب ومسح عيني: لو مبطلتيش عياط هحضنك ونعمل فضيحه اهدي.. مش هقدر اشوفك كده و اسكت
ضحكت وبصتله: طب يلا نمشي احسن
= فعلا مفروض نرجع حالا..
مش نرجع البيت نرجع لبعض
>>>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
" وبالفعل اول حاجه ادهم عملها انه اخدني و روحنا عند المأذون و رجعني وحضني بطريقه عمري ما هنساها.. بقلمي سلسبيل احمد SlsbellAhmed "
" ولما رجعنا الفيلا كان شريف نشر الخبر ولقيناه واقف ماسك طبلة وشغال تطبيل بحماس "
" فضلت اضحك انا وادهم وكلهم بدأو يباركو لنا "
" يحيى حضن ادهم "
- مبروك
ادهم: عقبالك ونخلص منك
يحيى ضحك: قاعد لك
" بعدها طارق حضنه "
- خليك جدع بقا واقف في ضهري
ادهم بصوت واطي: مانت مصيبتك مصيبة انت كمان اعملك ايه
طارق: خليك جدع
ادهم ضحك: ماشي يخويا
هدى: مبروك يا ملوكه!
ملك: الله يبارك فيكي يا هدهد
امينه حضنت ملك بتأثر ودموع: مبروك يا حببتي
" وبعدها جمال حضنها وشريف وطارق باركو لها "
" بدأو يجهزوا كلهم العشا ويحيى لاحظ ان ملك لوحدها فا راح عندها "
- احمم مبروك
ابتسمت له: شكرا يا يحيى.
= هو ممكن اطلب منك طلب؟
اتنهدت وبصتله وانا بضحك: هتدفع كام؟
بصلها بدهشه: عرفتي؟
- باين اوي عليك
= طب هتظبطيهالي؟
- مقابل ايه
= انك بنت عمي الجدعه.. مش ادهم هيظبط موضوع طارق .. خليكي جدعه بقا انتي كمان..
بصتله: بس داليا تعتبر بقت صحبتي يا يحيى فاهم؟ يعني مش لعب
بصلها بجديه: فاهمك اكيد.. بس انا حاسس انها هي دي.. وحاسس اني تعبت ونفسي ابنى حياة مستقره.. ياما لعبت وياما عشتها بالطول والعرض.. ومبقتش عايز ارجع ابدا زي ما كنت..
- اوكيه.. بس دي هتبقي اول مره اثق فيك..
بصلها بأمتنان: شكرا يا ملك
" كان هيقوم و لكن رجع عندها "
- انا عارف ان مجتش فرصة نتكلم.. بس واجب عليا اني اعتذر و عارف إنك مش هتصدقيني بس انا والله العظيم يوم الحفله مركزتش هو عمل معاكي ايه انا فعلا شوفتكم سوا بس ملمحتش رد فعل غير رد فعلك وانتي بتضربيه.. و.. مكنتش عايز اقول كده لكن.. وقتها بابا منعني اتحرك ناحيتك وانا كنت مرتبك لحد ما لقيت ادهم رايح لك وقتها مسمعتش له و دخلت في الخناقة بسرعه و شوفت طارق وهو بيخرجك.. صدقيني ده الى حصل.. انا كنت وحش.. وليا تصرفات وحشه معاكم.. بس عمري ما كنت هسمح لحد يتعدى حدوده معاكي ايا كان.. و مقلتش الموضوع ده قبل كده عشان مزدوتش المشاكل بين بابا و ادهم بيدج الفيس بوك بتاعتي سلسبيل احمد
بصتله و عيوني بتلمع: كنت حاسه يا يحيى ان عمي السبب.. هو بيطلع دايما السبب فكل حاجه
طبطب عليها بحنان: متخافيش.. ومش عاوزك تزعلي... كل حاجه هتبقي كويسه واحنا معاكي
ابتسمت له: انا محظوظه بيكم كلكم..
يحيى: احنا الى محظوظين بيكي يا ملك
" وفجأة قاطعهم صوت عالي من اوضة السفرة "
ملك: يلهوي.. عمي شكله عرف
يحيى: طارق شكله بيتروق
" دخلوا بسرعه لقوا جمال بيزعق "
- انت بتحْرف تقول ايه انت وهو !!!! دي ابوها من اكبر المنافسين لينا !!!! هي الدنيا خلصت يا طارق ملقتش غير دي ؟؟؟ دي كانت رايحه الايفنت وعايزه تلطش الصفقة مننا هي وابوها الغتت !!!
ملك بصتله: اهدى ياعمي بس فيه ايه
جمال: تعالي شوفي العيال اجننت شوفي جوزك
ملك: احمم ماهو ياعمي برضو اصل
جمال بصلها: اصل؟؟ هو انتي كمان عارفه وموافقاهم!
ملك: لا لا انا مليش دعوة
طارق: اه يا ندله !!
شريف: انا كمان برا الحوار ده مع بنت عمي.
ادهم: اه يا صعلوق !
هدى: خلاص بقا كفاية خناق !!!! عايزين نتعشى
امينه: كان لازم تفتحوا مواضيع زي دي دلوقتي
جمال: مش عايز اكل جتك خيبه يأخي
ملك مسكته: لا والله هزعل ! مش عايز تحتفل بيا ياعمى؟ تعالى ناكل وملكش دعوة بيهم..
" وبعد لما لمينا الدنيا بالعافية قعدنا كلنا نتعشى.. وطارق كان شكله يموت من الضحك وهو حاسس ان البنت هضيع منه وهيتجلط "
ادهم ميل عليه: متقلقش هي اول طلعه بتبقي صعبه كده لما نكلمه تاني اكيد هيوافق
طارق: يأخي اتلهي على عينك ده هيصْربني بالنـ ـار
ميلت عليهم: احممم سبولي الموضوع ده
طارق بصلها: بجد؟
ملك بثقة: طبعا.
طارق: اقسم بالله قلبي مليش غيرك
ادهم: اظبط ياض
ملك ضحكت: واخدين بالكم ان مش فاضل غير شريف.. مش لاقين حد يلمه
" شريف كان قاعد بياكل بمنتهي السلام النفسي وفجاة لقاهم باصين عليه "
بلع وبصلهم: فيه ايه؟
" ضحكنا كلنا.. واليوم انتهي من غير خناقات تانيه.. "
>>>>>>>>>>>>>>>>>>>>>>>>>>>>>>>>>>>>>
' لا إله إلا انت سبحانك اني كنت من الظالمين '
|| داخل الجناح الى في تاني دور ||
" طلعت انا وادهم اوضتنا "
" بعد ساعة "
- يا ملك بجد انا بقيت اتشائم من الحمام اخرجي بقا
" فتحت باب الحمام و كملت تسريح شعري "
- يعني لابسه وجاهزه قاعده تعملي ايه فالحمام انتي ملبوسة؟
= بسرح شعري
- ياحببتي تعالي سرحي بره
= لا ممكن شعري يطير على الأرض كده مش نضافه
ادهم بصلها بنص عين: احنا مش هينفع نكمل مع بعض.. انا واحد بتغدي على السرير
بصتله بدهشه: ياي ! انسى الكلام ده
ضحك: ده انتي just girl جدا
" خرج يشغل فيلم وانا خلصت و خرجت طلعت على السرير وانا بنط ودخلت في حضنه "
ادهم ضحك وهو بيحضنها بحب: بتستخبي زي القطط كده ليه؟
ملك بصتله بحب: علشان عاوزة افضل لزقه فيك للابد
ادهم لعب في خدودها: مين قالك ان مسموح تبعدي عني لحظه واحده؟
ابتسمت بكسوف: خد هنا بقا تعالي صح !!
ادهم بتفاجئ من تحولها: فيه ايه ! احنا لسه بنقول يا هادي
- مين ياحبيبي الى فتحت لي دي في فيلا صاحبك!
= دي صاحبته
- والله! ادهم؟؟
ضحك: وربنا صحبته هو وبعدين مكنتش اعرف ان معاه حد.. انا اتخانقت مع بابا وكنت عايز اي مكان اقعد فيه وابعد شوية
بصتله بنص عين: ماشي
- لا شكلك زعلانه وعايزه تتصالحي
= ايه ده بتقرب ليه!
قرب اكتر: هصالحك
ملك ضحكت وزقته: لا شكرا مش زعلانه
ادهم مسكها ورجعها لحضنه: انتي مش عارفه مصلحتك اصبري بس..
>>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
|| بعد مرور اربع سنين| داخل شركة ادهم عزت الحاوي||
" كان ادهم واقف في مكتبة و بيبص للفراغ و فجاة الباب اتفتح و جريت حاجه صغيره ناحيته "
- بابا بابا بابا
" ادهم لف وشاله بفرحه "
- استاذ زين بنفسه ؟
" ملك دخلت وراه وهي بتضحك "
= ابنك مجريني وراه من تحت الى يشوف كده يقول بقاله سنه بعيد عنك
" حضنها بأشتياق وهو شايلة "
- وحشتيني اوي
= وانا يا بابا؟
ادهم ضحك: وانت طبعا يا زين
ملك: قدامك قد ايه و تدخل الاجتماع؟
- عشر دقايق.. والبيه لسه موصلش
= معلش بقا عريس و بيدلع
- طب بطلي تدافعي عنه عشان معجنهوش اول لما شافه هو فين
= انا كلمته وانا جاية قالي خمس دقايق
- يبقي هنستني لبكره
" وبعد دقايق شريف دخل المكتب و سلم على ادهم بحماس "
- ايوا الناس الى راجعه من بره منورة
ادهم ضحك: وانا اقول مين باصص لي في اسبوع السفر ؟
شريف ابتسم: عملت ايه كله تمام؟
ادهم: الحمدلله انت نيلت ايه يارب متكنش أجلت الفرح للمره الرابعه
شريف: هنعمل ايه؟ دلع بنات
ملك: لا مش دلع بنات انت الى صايع ومش راضي تتلم
شريف: ما لمتني يختي اهي وبقيت تخوف بشكل مرعب
" الاتنين ضحكوا عليه "
ادهم: مش متخيل انك خايف من 155 سنتي
شريف: ما انت متخافش غير من القصيرين.. المهم بابا مأكد عليا نخلص ونطلع على المطعم عاوز اقولك انت سافرت من هنا وهو حجز المكان من هنا عشان لما ترجع نروح
ابتسم: طب احنا مفروض ندخل دلوقتي يلا
" مسك زين باسه "
- يلا يا زنزون اقعد عادي لحد ما اخلص واجي
>>>>>>>>>>>>>>>>>>>>>>>>>>>>>>>>>>>>>
' الله اكبر الحمدلله لا إله إلا الله استغفر الله '
" كان ادهم ماشي مع شريف قي الممر "
- شكلك مش عاجبني يا ادهم.. حصل حاجه؟
ادهم بصله بدون مقدمات: الصفقة باظت
= بتهرج؟ ازاي ده حصل؟ بعد كل ده؟
- مش وقته بقا
" دخلوا الاجتماع وبدأو "
" وفي مكتب ادهم كان يحيى وصل "
- ايه يا ملوكه.. لسه مخلصوش؟
= بقالهم كتير.. واخوك شكله غريب..
قعد: غريب ازاي
- مش عارفه زي مايكون فيه حاجه.. هي هاجر فين
= هاجر منكده عليا.. قاعده في العربية مش راضيه تطلع
- عملت لها ايه ؟
= نسيت اودي الفستان الى هتحضر بيه يتكوى
- ينهارك مش فايت دي مصيبه
= اه مانا خت بالي بعدها
ضحكت: طب هتعمل ايه
- اجبرتني اشتري لها واحد جديد ورغم كده لسه زعلانه انتم بتجيبوا الجبروت ده منين
" فضلت اضحك وبعدين رنيت عليها تطلع والامور مشيت بينهم بعدها بشوية الاجتماع خلص و خرج شريف مع ادهم وبعدين نزلنا عشان نتحرك على المطعم"
" كنا في العربية و زين نايم ورا وانا
متردده اسأله ولا لاء"
- شكلك عايز يقول حاجه
بصتله بهدوء: انت الى شكلك فيه حاجه.
= طيب.. مش عاوزك تفضلي تفكري وتبقى شايلة همي حاولت اعمل الى اقدر عليه.. بس الصفقة مكملتش
" سكت شوية.. عارفه قد ايه كان نفسه يكمل مشروع الشركه ويفتح فرع بره مصر.. خصوصا بعد التقدم الى عملناه اخر اربع سنين بأسم شركات ومصانع عزت الحاوي.. مكنتش عارفه اقوله ايه "
- جدو علمنا ان مفيش حاجه اسمها فشل طول ما بنحاول.. ويمكن تتفوق المره الجاية.. عشان مش هنبطل نحاول ولا ايه؟
ابتسم ومسك ايدها باسها: ولا ايه
ضحكت: متزعلش نفسك.. وبعدين انا بحب ضحكتك فا ياريت بلاش تكشير
- عيوني يا ملك هانم.. اخبار طارق ايه مع البيبي الجديدة
= مطلع عينه طارق بيتربي من اول وجديد بس على قلبه زي العسل طبعا عشان بيموت فيها
- ربنا يخلهاله عقبال ما نجيب التاني.
ضحكت: قصدك التانيه عارفة انك هتموت على بنت برضو
بصلها وضحك عشان فهماه: الى يجيبه ربنا كويس.. بس لو حاجه بضفيرتين كده..
" فضلت اضحك على طريقته.. عندي امل في ربنا ان بإذن الله هيرزقنا بـ بنت ولكن نصبر.. "
" وصلنا المطعم كلنا و توصية عمي جمال كانت واضحه"
" كلنا كنا موجودين.. ماما و مرات عمى هدى.. وعمي جمال و طارق و ميار مراته و تالين بنتهم.. و يحيى وهاجر و شريف مريم خطيبته.. وانا و ادهم و زين.. "
" و اخيرا.. بعد محاولات دامت اربع سنين.. شوفنا عمى محمد و هو داخل مع مراته ماجده علينا.. يمكن الجرح كان صعب.. بس وصية جدو كانت واضحه.. و كلام عمى جمال المستمر لينا كان بيهدى الأمور.. كان عنده حق.. مينفعش نسيبه يكبر لوحده.. والاطفال ملهمش ذنب يشوفوا مشاكل في العيلة.. مكنتش عايزه الى حصلي يتكرر.."
" وصلوا وقعدوا جمبنا.. و بكده اكتملت العيلة.. ومبقاش فيها اي اعداء.. رسميا.. عيلة الحاوي كانوا ضهر واحد.. "
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
