رواية نورة الفصل الثالث عشر بقلم ام مصطفى
من سمعته يصيح مااعرف ليش حسيته
عرف وانقهر وهذا صياحة علي كله
ابوي اجه بالليل وامي حاجته
اكلك
خالتي اجت ع نور تخطبها لابنها
واني كتلها عدها دراسه
بس هيه كالت عادي نخليها تكمل
عاد كتلها من يجي ابوها اسئله واردلكم خبر شدگول انت
-مااعرف ليش مستعجله ع زواجها عوفيها تكمل البنيه
بعدين امها احلام مراح تقبل اكيد
لا خاف صدكتي نفسج امها
عدها اهل وعمام
شنو بكيفج تقررين
عوفي البنيه تدرس ولا تحجين بهاي السالفه هسه
لا تلوصيها علينا
-بس خوش قسمه تره
-حتى لو الله يعوضها بالاحسن
عوفيها جاي تدرس ع الاقل تخلص السادس
-يعني ارد خبر الهم ماموافق
-ايي..
اني جنت اسمع الهم
من سمعت ابوي رفض كلش فرحت وارتاحيت
ثاني يوم امي ردت خبر لخالتها
كالت الها ابوها مقبل
وبنفس اليوم اجت مرت عمي ام نائل
رجعت تخطبني
طبت كعدت
-اني زعلانه عليج خديجه
-ليش ياستار
-اجيت خطبت نور كلتي لا ماانطيها اريدها تكمل دراسه
وحتى كلتي ماازوجها اله تكمل
وكتلج نتتظرها
تالي اسمع جايين عليها خطابه
وانتي موافقه
امي التفتت عليه وبتوعتلي باستغراب
عود دكلي منو وصل خبر الهم
-لا تبتوعين ع نور
نور مسولفه لخلود وخلود كلتلي
والله بس زعلت عليج
-تره والله ماصارت ابوهه هم مقبل الله
تكمل دراسه
واليوم دزيت خبر الهم كتلهم ابو رفض
وانتهت الشغله
-بس انتي قبلتي بيهم
-لا مانطيتهم كلمه كتلها اسئل ابوها
واني اعرف ميوافق
قابل اطردهم گبل
-هسه اني راجعه رايده نور لاسلام
ولا دكليلي لا
-والله يا ام وائل اني مو بيدي ابوها ميقبل اله تخلص دراسه
اذا تردون انتظروها
-خلي نخطب ونطول فترة الخطبه
-لا والله مااريد بنتي تلتهي بغير الدراسه
طلعت مرت عمي مثل الزعلانه
وامي اجتني لج مو عيب ترحين تسولفين لخلود
-ماما مو قصدي
بس هي صديقتي تعرفين وحجيت الها
-غبيه مو عيب منهم سوتيني هالكدوتني
كدام المره
اووف منج
لبست عباتها كالت رايحه لخالتج احلام
شويه وارجع
الله وياج سلمينه عليها
طلعت امي واني كعدت اتفرج ع التلفزيون
واكلب بالقنوات
اندكت الباب
طلعت افتحها
صحت منو
-انيييي خلود
فتحت الباب هلو حبيبتي شلونج فوتي
اوكفي لا سدينه اسلام يريد يحجي وياج
وينه
هذا وج لا عفيه لا شوفه امي
امج هسه طلعت لا تخافين
كلمتين
دفع الباب وفات
جان مبين عليه ضايج كلش ومقهور
عاكد حواجيه
نور كلمه وحده انتي ترديني لولا
احجي اذا ماحجيتي كلشي ينتهي بينه
ترديني لولا
هزيت راسي اي
كال شنو اي لولا
-اييي
جر حصره اي الف الحمدالله
لعد شبيج شالعه گلبي يمعوده
منا انتي ومنا اهليى
واهلج خبلوني
ومنا ناس تخطبج
لج والله جلطتيني انتي
كلت لو صرتي لغيري انجنننن
والله
-نور امج متقبل تزوجج اله تكملين مدرسة
واني مستعجل مو مال انتظرج
اخاف ابقى متاني بله كلشي
ويجي واحد ياخذج ع الحاظر
رحمه لوالديج
اتركي المدرسه
بطلي اذا تحبيني بطلي
حتى ماتظل حجه يم اهلج
تستمر القصة أدناه
هزيت راسي
جنت مدنگه ولا شلت راسي
-نور
-هاا
-باعيلي
رفعت راسي
-امووت عليج والقران لج خبلتيني مخليتي عقل براسي
حتى للشغل كمت مااطلع
تعبت من التفكير بيج
خجلت من كلامه وبسرعه فتت جوه
عاد هو سد الباب
وبقت بس خلود يمي
نور انتي تحبينه هو يحبج
وكلام اسلام صحيح
اهلج لا يقبلون تنخطبون وينتظرج
ولا يقبلون ينطوج هسه
وهو يخاف احد يخطبج
غيره هم حقه تره
فانت بطلي من المدرسه
حتى اهلج مااتظل حجه
وبوكتها اندز اهلي عليكم
-هاا شكلتي
-افكر
-فكري ع راحتج بس هلله هلله بتسلام
تره يحبج هوواييي
يله اروح اني قبل لا امج تجي
باي،
باي
طلعت واني ضليت اضرب اخماس باسداس
رجعت امي
وتحجي وياي
بس بالي مو يمها
بس الي فهمته امي احلام
متقبل اله اكمل السادس
لان اموله بوكتها ثاني كليه
ومامزوجه
دكلها ع الاقل تخلص السادس
شنو متوازيه ع الزواج
امي تسولف واني ولا يمها
افكر شلون ابطل من المدرسه
كلت لامي نعست راح انام
-يا وكت نوم تعشي عاد
-مااريد اريد انام
-بيج شي انتي نور ليش احسج ضايجه
-مابيه شي بس كرهت المدرسه مااريد ادوام
-يا شجاج مدكليلي، لخاطر الله
-صعبه الدراسه موتتني تعبت منها
حتى مرضتني
فتت للغرفه وعفتها
ضليت اتكلب وافكر بيه
بكلامه
كمت احس نفسي اطير بكلامه
وكل شويه اتخيله
فدوه لطوله شلون رزن وثكيل
احس كلبي كام يدگله
اي احبه
مااريدها المدرسه
خلي اتزوج اركان واخلص من وحدتي
وضليت اتخايل واحلم اخلام يقضه
لحد منمت
الصبح امي تكعدني للمدرسه
كتلها مااروح ماريدها
يااا ولج شجاج
مريضه مااروح كرهتها للمدرسه
-نور لا تلعبين علي
كومي روحي لمدرستج
مااريد كوه خوما كوه بطلت بعد 2
-يجي ابوج ويشوفلج جاره
-ابوي جان يشتغل عماله يطلع من الفجر للمسطر
رجعت غطيت راسي وهي تحجي وادردم
دللتج هواي ومعرفت اربيج
وكلش اسوي الج ماارفضلج طلب
لهنا وكافي
اني مححيت شي
وره شويه كمت اسفط بالفراش
هي طلعت للسوك وتحجي
سويت ريوك الي
اجتني خلود
ها مرحتي للمدرسه
-لا كلت لمي بطلت
-لج اليوم اسلام لازم الباب من الصبح
كول اليوم راح اعرف هي تحبني لولا
كتله شلون
كال اذا راحت للمدرسه يعني اني مو ابالها
واذا مراحت يعني تحبني ومانامت الليل ع مودي
ضحكت كتلها شمدريه شلون عرف مانمت الليل
ههههههه
عيني يالحب
ان شاءالله الله يجمعكم سوه
راحت
وشويه اجت امي متحجي وياي وشايله خشمها
كمت ابوس بيها
انتي مو تحبيني
-اي شعندي غيرج لعد
-والله المدرسه تعبتني
ماريدها
سكتت محجت شي
الله كريم نشوف ابوج شيكول
من اجه ابوي كالتله مقبل وضاج
بس اني كتلهم مااداوم بعد تره
لو شيصير
بطلت اسبوع كامل
مي احلام سمعت واجت
ضلت تحجي علي
لمن ملت بس اني ما غيرت رأيي..
بيت عمي ابو نائل بسرعه
دزوا علي
مرت عمي
طبعا همه مو بيت عمي بس
اني اسمهيهم عمو وعمتي
لان اخوان ابوي ضياء
اجت مرت عمي وكالت
-بعد ماالكم حجه
نور بطلت من المدرسه
يعني ماكو حجتكم بالدراسه
واحنه رايديها والولد رايدها
-خلي نسئل البت الاول
ونرد خبر الها
اندارت علي مرت عمي
نور شدكولين
ع اسلام تقبلين بيه لو لا
احجي لا تستحين
وتره احسن من ابني متلكين
ها شدكولين
- اي موافقه
امي تعجبت ضلت تباوع علي
حست بيه رايدته
محجت شي
راحت مرت عمي
واجه ابوي
وامي اسمعها تحجيله
ودكلها البت رايدته
كلها اخذي راي امها بالاول
كالتله اروح الها واكللها
عادر راحت
وخالتي احلام كالت مدام بطلت
زوجيها
اسلام خوش ولد وثكيل وشاغول
ردت خبر امي الهم
موافقيين
اجوو بالليل يمنا
وحددو الاثنين الخطبه
ثاني يوم رحت اشتري فستان وفرحانه بيه
اسلام مشفته ابد
بس خلود دگول طار من الفرح
اشتريت فستان وشغلات اني وامي ورجعت فرحانه
جان تصير فاتحه من كرابتنا من بعيد
خطيه شاب مات بانفجار
اجه للفاتحه جدي ابو رحمن
بالمناسبه
رحمن عمي طلع بعفو الي انطاه صدام قبل السقوط
واخذ ولده وراح ازوج يم ابوه بالناصريه
وبالبيت ضل بس عادل وبيبي ومرت عادل بيبي تمرضت كلش صارت مقعده
لا متكدر تمشي....
اجه جدي للفاتحه
والتقوا خوالي وي جدي
كللوله همزين شفناك عود ردنا نجيك
ع مود بت داوود نور
راح يخطبها ابن ابو نائل
من سامع هيج جدي متخبل
لان هو ع خلاف وي عمي ابو نائل
كايل مالهم مره
وبت داوود ماتطلع لغير ولد عمها
عدها ولد صلاح وولد عادل
وولد ولدي
اسطرهم الها وتختار الي تريده
بس بتنا ماتطلع لغيرنه
وبتنه منهي
