رواية قدر مكتوب الفصل الثالث عشر بقلم ام مصطفى
طلعت الفجر
جان حسام واكفلي بتكسي اباب البيت
راسا صعدت وسديت الباب ..
صح الي سويته اكبر غلط وماانصح اي وحدة تسوي بس جانت مشاعري هي الي تقودني وتتحكم بية وهم اني ماعندي اهل لو اهلي موجودين مااخليهم بهذا الموقف ابد .....
طلعنا
حسام كاعد ليكدام واني ليورة كل شوية يلتفتلي واني ماتعرف ليش ابجي جنت حيل خايفة بس مجان عندي غير حل احبة لحسام تعلقت بيه وهو همات يحبني وانذل هواية لعمي مبقى واحد مجابه حتى يقبل بس عمو جان قافل
اني اعرف ع البيوت وحتى بوكتها كلت اتنازل الهم عن البيت الي كاعدين بي بيت عمو امجد بس بيت اهلي كلت مااتنازل لان بي ذكريات طفولتي وي اهلي وبيي بس عمو رفض سوه نفسة مو ع البيوت جان يكلي هذا شيعي ويقفص عليج وباجر يخليج يساومنه بيج ويقتلج وجان يحجيلي عن هواية ناس نعرفهم راحوا ضحية الطائفية بذاك الوقت سنه ٢٠٠٧
بس اني اكولة حسام غير والله وهو اصلا يكلي تنازلي عن كولشي
بس عمو مجان يسمعني الطمع كاتلة وسواها حجة سالفة الطائفة ...
صار الصبح وبدة مبايلي يدك
مجاوبت جان سرمد يتصل مااجاوبة
وعمو وعماتي جنت بس اقرة وابجي انتوا وصلتوني لهاي المرحلة
دزلي سرمد رسالة
رند ارجعي لا تسوين هالشكل مراح ازوججج اني جنت مقرر انهزم اتسرعتي كلش
انوب قريت ومتت بجي بقيت اشهك
التفت علي حسام
-ليش تبجين تردين ارجعجج
-لا لا ماارجع عن قراري الصار صار بس وين رايحين
راح نروح يم صديقي بالشمال ومناك نطلع لتركيا
-لتركيا؟ مكتلي قبل هالشكل
-أمن أمن رنود هناك أمن النا
-بس اني ماعندي جواز
اخذج تهريب
بس هناك نعقد يم سيد قبل لا نطلع لتركيا
-ان شاء الله
لا تخافين رند انتي هنا
واشر ع ركبته
بركبتي امانة وبكلبي حبيبية وبعيوني اخليج
هزيت راسي
واحجي وي نفسي ليش خايفة رند مو هذا الي ترديه مو هذا حسام الي تحسين بامان وياه
بقت تمشي السيارة
دكت ام حسام تحجي وتبجي جنت اسمعها دكلة بعت امك الي ربت وتعبت وكسرت ضهري طول هاي السنين ع مود وحدة
-يمة هاي الوحدة روحي اذا تروح مني روحي تروح
-وانت يمة هم روحي وبس هالاثنين انتم جبت عمري كله اخيط وربيتكم بكسران ضهر تالي تعوفني يمة
-يوم والله راجع مسئلت وقت ونرجع وداعتج وعيونج يمة انت عزيزة وادري صعبة علي وعليج بس رند احسها النفس الصاعد والنازل مااكدر يمة مو بيدي شغلة لا ارادية
-الله يوفقك يمة ويهنيكم
باوعت حتى السايق بجة ع الموقف مو بس احنا الي نبجي
سدة حسام ومسح دموعة
تالي كل للسايق وكفني هنا دقيقة
نزل بمكان شبه خالي
وتقدم نزلت وراه
لكيته يشهك ويبجي
حضنتة لا تبجي حسام انت قوتي كولها
-صعب الخيار بينج وبين امي امي الي ربتني بكل شبر بنذر وتعبت جنت اشوفها تخيط نص الليل واكول هم اكبر واجازيها واعوضها عن هذا التعب تالي اعوفها وانهزم
منو كال نعوفها نجيلها ويانة
متجي امي واعرفها اذا مو كل اسبوع بالنجف يم ابوي لو بكربلاء تزور مترتاح تموت عبالج مكلتلها بس رفضت
حسام اني اسفة خليتك بهذا الموقف
-لا انت مالج ذنب جر حسرة
يلة نصعد مضل وقت
صعدنا وللعصر وصلنا لسليمانية
لكينا صديقة رحب بينا ابيتهم
وسوالنا غدة بعدين اخذنا
ورحنا لمكتب سيد عقدنا ع المذهب الشيعي
باوعلي كلي الف مبروك جنت اتمنى اسوبلج احلى حفلة
حبيبي وجودك وياي كافي
حجزلنا بفندق
حتى نرتاح وانام بالليل رغم صديقة طلب منا يبات يمة بس مقبل كال ماامن تباتين بغير بيت اخاف عليج اكو ناس عبالهم كل وحدة تنهزم مو خوش بنية فااخاف عليج
كتلة خلص ع راحتك
حجز بفندق
دخلت للفندق اني وياه
كال ارتاحي نامي خاف تعبانه
وانت وين جاي تروح
اروح اتفق وي المهربجي شوكت يطلعنا
يعرفة فتاح صديقي
بس اخاف ابقى وحدي
حبيبتي اقفلي الباب محد يجيلج بعدين هذا احسن فندق وامان لا تخافين
اوكي
تقرب مني شال ايدي باسها لا تخافين والله انت بامان وياي انت صرتي مرتي بعد ..
لا بالعكس مخايفة
لعد ارتاحي روحي
طلع قفلت الباب من جوه
ودخلت للحمام اخذت شاور حار وطلعت نشفت ولبست ونمت
كمت اشوف كوابيس عمو يذبح بحسام
لو سرمد يجر بحسام مثل الكلب اجلكم الله
فزيت
لكيت الباب يدك لان قافلتة من السركي من جوه
كمت منو منو
اني حسام
فتحت الباب
-وينج ادك مسمعيني
نمت
نوم العوافي حبيبتي
شنو شسوويت ؟؟
والله يكول يومين اتلاثة يله اكدر
-راح نبقى هنا بعد
-يي لعد شنسوي ننتضر حبيبتي
نزع قميصة وعلكة خجلت درت وجهي ونزع البنطرون هم علكة
جان يصرف عادي واني خايفة بالي راح بعيد
-يابة شكد تعبت مال انام اجرها يومين
-اي نام عيوني
تمدد ع الجرباية ع ضهرة خال ايد ع راسة
اني بقيت واكفة استحي
اشرلي تعاي نامي
ضليت مترددة
تعاي رند نامي اشر ع ايدة
اجيت نمت
جرني كال نامي ع ايدي
خليت راسي ع ايدة ومشنجة نفسي
-لا تخافين الي ابالج ميصير الة نستقر ونعرف شراح يصير يله
نامي حبيبتي بامان
صدك نمت للصبح ع ايدة
كعدت لكيته حاضني ونايم
جريت نفسي منه
وكعدت اباوعلة
ياربي شكد تحبني من خليته بطريقي هيج انسان خلوق مشايفة بحياتي صدك مثل طائفة ولليوم من احجي اكول الشيعة اهل غيرة ونخوه وزلمهم سباع ورياجيل بمعنى الكلمة
والة غيرة جان لكاني احسن فريسة ....
فز لكاني اباوعلة
ابتسم صباح الخير عمري
صباح النور
من زمان كاعده
لا ستوني
جوعانه
لا شبعت بيك
ههههه ترة مااكدر ع كلامج الحلوه
صفنت بوجهه من كد ماتحبة اتمنى اني احضنه
كام
كال راح اسبح
اعرف جان يتهرب وجان يتصرف بعقل مو قلب مثلي
طلب ريوك من المطعم
ودخل سبح
اندك الباب فتحته واستلمت الريوك اني
رتبته ع ميز الطعام
طلع ينشف براسة بالخاولي شاف الاكل عكد حواجبة
منو جابة ؟
صعدوا ليفوك واني استلمته
وهيج استلمتي هيج يعني فتحتي الباب
-لا خليت شال ع راسي وصرت ورة الباب
-حتلوا رند اني رجال اصل ابوي من الجنوب وعندي غيرة ع عرضي من هسة اكولها الج اني احب زوجتي ملك الي خاصة الي مااحب اورجها للناس
اني مو متعصب ابد تدرسين تتوضفين اطلعين اطبين بس بستر حبيبتي وباس ايدي
-كتلة واني من ايدك هاي لهاي والله مااريد اي شي من الدنيا غيرك
حضنته حيل
شوية دفعني يله الاكل برد
بالليل فتحت المبايل واجتي الرسائل مال المكالمات ورسائل من عماتي رند وينج بس طمنينا عليج
جاوبت عمة اسراء
عمة لا تخافين اني زينه
ردت بسرعة جاوبت
وين انت
بسليمانية وعقدنا اني وحسام لا تخافين عمة حسام يحبني ويخاف علي
بعد عمتي مجاوبت رجعت قفلت المبايل
كلت اهم شي اطمئنت علي خطية اعرف كلبها نار
ثاني يوم اندك باب الغرفة
كام فتحة حسام وجان يدخل سرمد وعمو امجد ووياهم شرطة
الشرطة لزموا حسام واني جرني سرمد
ضرني راشدي
فضحتينا ارتاحيتي جان صبرتي اني احلها
عمو شبعني ضرب وجروني للسيارة
وحسام يتهدد عوفوني زوجتي هاي
حطوه بسيارة حرس وطني واني بسيارة سرمد
رجعوني للبيت
اول شي عمو سواه زين شعري وكتل ودك
واتهم حسام خاطفني وفتح قضيت الخطف القديمة كال نفس العصاية الي خطفتها قبل يعني حسام حيروح بيها ارهاب وصار بيد الامريكان منو يطلعة بعد
ام حسام اجتي تتوسل بعمو وطردها
جنت بس اسمع صوتها تبجي
بس خلصوا ابني
اخر شي نزلت
عمو اتنازلك عن البيوت كلها وااطلك من حسام وازوج سرمد بس اتنازل عن القضيه وطلعة جان يكول تتنازلين بالاول ويطلك يله اتنازل
حجاها بكل صلافة ولا استحى كتلة ميخالف
رحت لام حسام خالة لا تذلين نفسج اكثر راح يطلع وسلميلي ع حسام كوليله
مقصرت ولهنا وكافي احنا الله مقاسم النا نصير لبعض
