رواية العهد الفصل الثالث عشر
احمد .. صحي الصبح بدري ودخل اوضة ابوه واخد الخريطه من الخزنه وطلع من الاوضه
فيصل .. طالع من الاوضه شاف احمد وحاس ان احمد كان داخل اوضة ابوه عشان وحشه يا احمد
احمد .. ارتبك ايوه يا عمي
فيصل .. قرب منه انا مش عايزك تزعل مننا كلنا نفسنا نشوفك احسن واحد في الدنيا بس انت اللي اختارت الطريق الغلط وممكن ترجع وهتلاقينا كلنا معاك
احمد .. انا اختارت طريقي ومش عايز منكم غير علي الاقل تحترموني انا ومراتي الي من اول ما دخلت القصر وهي بتحاول ترضيكم باي طريقه بس انتو علي طول بتقلو منها ودلوقتى هي مراتي وكرامتها من كرامتي ياريت تحسسوني اني فعلآ واحد منكم
فيصل .. ماشي يا احمد زي ما تحب ومن دلوقت ماحدش هيحتك بيك لا انت ولا مراتك طول ما انتو في حالكم
احمد .. اتمنا كلامك يتنفذ يا عمي بعد اذنك
فيصل .. اتفضل وبيبص عليه وهو ماشي والحصره بتقطع قلبه والدموع بتنزل من عينه
فرح .. بتطلع من الجناح بتاعها صباح الخير يا عمي
فيصل .. صباح النور يا بنتي
فرح .. انت بتبكي يا عمي خير حصل حاجه
فيصل .. انا حساس ان احمد راح مننا يا فرح الواد مش طالع لينا خالص
فرح .. يخلق من ظهر العالم فاسد يا عمي واحنا حاولنا ولسا هنحاول لحد ما يرجع وسطنا من تاني
فيصل .. ياريت بس شكل كلامك ده مش هيتحقق علي العموم طول ما هو ومراته في حالهم ماحدش يحتك بيهم
فرح .. حاضر يا عمي انا هنزل اجهز الفطار
فيصل .. ماشي يا بنتي
فرح .. نزلت تجهز الفطار وهي في المطبخ شافت كريم قاعد لوحده في الجنينه داده كملي وانا هشوف كريم
عزيزه .. حاضر يا بنتي
فرح .. صباح الخير يا كريم مالك صاحي بدري
كريم .. انا ما نمتش اصلآ كلام عمي الله يرحمه مش راضي يطلع من دماغي وخايف اووي يا فرح لا كلامه يتحقق
فرح .. كلام ايه
كريم .. كلامه عن العهـــــــــــــــــد وان دي هتكون نهايتنا
فرح .. هو كلامه صح والعهـــــــــــــــــد الي اتكتب علينا لازم نرتبط بيه وإلا هيكون هلاكنا بس احنا مش هنسكت وهنعمل المستحيل عشان نصحح الي عمله احمد
كريم .. ان شاء الله يا فرح
عزيزه .. يلا الاكل جاهز يا ولاد
فرح .. يلا نفطر وبعد كده ربنا يحلها من عنده
وبيقومه وبيتجمعه كلهم علي الفطار وبيفطره سوا وفرح بتفضل في البيت تستقبل الستات الي جايه تعزي وفيصل وحكيم وكريم يروحوا الدوار عشان يستقبله الي جايين يعزه
عزيز .. شايل الفطار وداخل الاوضه صباحيه مباركه يا عروسه
دهب .. بتفتح عنيه صباحيه مباركه يا اجمل عريس تعرف بجد حاسه انها صباحيتي اخيرآ يا عزيز
عزيز .. كل حاجه في وقتها حلوه يا بت وبصراحه انتي ست الستات رجعتيني عشرين سنه لوراء
دهب .. الدهن في العتاقي يا عزيز
عزيز .. يلا جهزتلك الفطار بيدي
دهب .. ينفع كده ده انا هعيش خدامه تحت رجليك
عزيز .. انتي ست الستات يا بت بس نخلص من بيت الجارحي ووقتها هتعيشي ملكه في قصري و هخلي اهل البلد كلهم خدمين عندك
دهب .. انا بحبك اوي
عزيز .. وانا كمان يلا الاكل هيبرد
دهب .. بتمسك الاكل وبتاكل عزيز
عزيز .. بياكلها
محروس .. بيخبط علي الاوضه
عزيز .. في ايه يا محروس مش قولت مش عايز ازعاج
محروس .. اسف يا جناب البيه بس احمد بيه بره وعايزك
عزيز .. خلاص روح وانا جاي علي طول
دهب .. وده جاي يعمل ايه الصبح بدري
عزيز .. ياريت يطلع الي في بالي
دهب .. معقول يكون جاب الخريطه
عزيز .. هنشوف المهم عايزك تدلعي الواد وتحتويه اهله كلهم رموه مش عايزه يشوف حد غيرك
دهب .. من عنيه يا عزيز بس هنتقابل امتي انا ما شبعتش منك
عزيز .. في اي وقت قولي انك رايحه بيت عمك وتعالي يلا استنيني اطلع اشوفه عايز ايه ورجعلك
دهب .. مستنياك يا روحي
عزيز .. صباح الخير يا احمد يا ولدي
احمد .. صباح الخير يا عزيز بيه
عزيز .. معلش اتاخرت في النوم النهارده
احمد .. ولا يهمك انا الي جيت بدري
عزيز .. البيت بيتك يا ابو حميد انت في مقام ولدي
احمد .. عارف يا عمي وعشان كده انا جبتلك الخريطه
عزيز .. الفرحه ظهرت علي وشه بسرعه كده
احمد .. انا ما بقتش طايق اشوفهم وعايز اكسرهم باي طريقه
عزيز .. قريب اووي هتقعد مكان ابوك الله يرحمه وكل حاجه هتكون تحت امرك
احمد .. ياريت بسرعه انا ما بقتش قادر انتظر اكتر من كده
عزيز .. اصبر يا ولدي الصبر مفتاح الفرج
احمد .. ليا طلب عندك
عزيز .. انت تومر
احمد .. انا مش قادر ابص في وش دهب بعد الي حصل وانا اتكلمت مع عمي و مفيش حد هيديقها تاني لو تيجي معايا نروح بيت عمها وتقنعها تروح معايا
عزيز .. ما تتعبش نفسك يا ولدي دهب بتحبك ومقدره ظروفك بس محتاجه يومين تريح اعصابها وانا بنفسي هوصلها القصر وانت بلاش تضغط عليها دلوقتى
احمد .. خلاص يا عمي زي ما انت شايف استاذن انا
عزيز .. خليك نفطر سوا
احمد .. الله يخليك لا انا مش بفطر دلوقت بعد اذنك
عزيز .. محروس وصل احمد
محروس .. امرك يا جناب البيه
عزيز .. بيدخل علي دهب حصل يا دهب
دهب .. جاب الخريطه
عزيز .. ايوه وبيطلع الخريطه وبيمسكها في ايده
دهب .. بس في حاجه انا مش فهمها ايه اهمية مخزن السلاح ده انت تقدر تجيب عربيات سلاح
عزيز .. انا نفسي مش عارف خليل باشا مصمم يوصل للمخزن ده ليه بس انا هروح دلوقت عشان اسلموا الخريطه وافهم منه ايه اللي في مخزن السلاح ده مخليه هيتجنن ويوصله يلا قومي كده خدي دش وانا هوصل ورجعلك علي طول
دهب .. ماشي يا سيد الرجاله
عزيز .. بيركب العربيه وبيطلع علي خليل باشا
خليل .. بينزل خير يا عزيز اول مره تجيني بدري اووي كده
عزيز .. حصل يا باشا
خليل .. وصلت للمخزن
عزيز .. بيطلع الخريطه
خليل .. بيخطفها منه وبيفتحها اخيرآ يا عزيز انت ليك عندي مكافئه كبيره
عزيز .. انا مكافئتي هي رضاك عني يا باشا بس انا عندي سؤال
خليل .. اقعد يا عزيز قول انا سامعك
عزيز .. ربنا يريح قلبك حضرتك عندك سلاح اشكال وانواع ولو عايز اكتر تقدر تجيب هيفرق معاك ايه مخزن بيت الجارحي
خليل .. الي في المخزن مش سلاح وبس
عزيز .. امال ايه
خليل .. فيه تحف تساوي مليارات محتافظين بيها في المخزن وفيها اورق ومعلومات مهمه تساوي ملابين الجارحي باشا الكبير كان من المقربين من جلالة الملك اكيد فهمت دلوقت
عزيز .. اه فهمت وسكت( وبيقول في نفسه وانا زي الحمار جيت وسلمتك الخريطه فعلآ انا طلعت حمار كبير )
خليل .. مالك سكت ليه
عزيز .. سرحت في الكلام الي حضرتك قولته يلا اسيبك انا ولو احتاجت اي حاجه انا و رجالتي تحت امرك
خليل .. شكرا يا عزيز تقدر تمشي
عزيز .. مع السلامه
خليل .. محمود
محمود .. نعم يا بوي
خليل .. اخيرآ وصلنا للمخزن
محمود .. خلاص هاخد الرجاله وكل الي في المخزن هيكون تحت رجليك
خليل .. الموضوع مش بالسهوله دي هنصبر اسبوع نتاكد انهم ما خدوش بالهم من ان الخريطه اتاخدت وبعد كده هنتحرك ومش عايز ولا غلطه فاهم
محمود ..ما تقلقش كل حاجه هتكون تحت السيطره
.. وبتعدي الايام ومحمود بيراقب المخزن من بعيد ودهب رجعت القصر ومش بتعمل اي حاجه غير انها حاطه احمد تحت سيطرتها وكريم وفرح بيفكره ازاي يفوقه احمد و يخلصوا من دهب عشان كانوا عارفين ان وجودها في القصر اكبر مصيبه وكانوا مستنينها تعمل اي حاجه لكن عزيز كان موصيها انها ما تعملش اي حاجه في الوقت الحالي لحد خليل باشا ما يسيطر علي المخزن وعدا اسبوع ومحمود خليل جمع الرجاله وتحرك عشان يهجم علي المخزن وكانت رجالة فيصل بيه محاوطه المخزن من كل حته وكمان المكان كانت متلغم بس كل حاجه كانت ظاهره في الخريطه وهجم عليهم وبداء يضرب الرجاله الي حارسه المخزن بالنار وهما بيوقعه واحد وراء واحد وبعد قتال استمر حوالي نص ساعه وبعد ما وقع من رجالة محمود كتير قتله قدر يخلص علي رجالة بيت الجارحي ووصل للمخزن والفرحه هتنط من عينيه ..
