رواية بدون كلام الفصل الثالث عشر بقلم جمانه السعيدي
عطور...دخلت للبيت
شلون بيه هذا يوسف ابد موهين
محتاجه احجي النهى بلكت عدها حل
رمشت على نهى
نهى...هلو عطور هاا خوما امج بيها شي
عطور...لا محتاجه احجي وياج بشغله مهمه دخلت نفسي بمشكله ومحتاجه احجي وياج بلكت تكدرين تساعديني
نهى....تردين اجيكم للبيت
عطور.. تكدرين تجين هسه
نهى...لا هسه مااكدر بس باجر اجي من المستشفى
عليكم كبل
عطور.. انتظرج
سديت التليفون دزلي رساله امير سئلني عن امي
وااكدلي تاخذ العلاج بوقته
شويه ودزلي رساله يوسف
يوسف....الشي الي صار اليوم ابسط شي ااكدر اسوي
ااكدر ادخل البيتكم واسحلج كدام امج
سحل واصعدج بلسياره ومحد يكدر يفتح حلكه
حتى امج ماتكدر تسوي شي
احتمال تموت من الهبطه
تردين امج تموت لاتنفذين الاتفاق
واستمري مجاهلتني
شوفي اني عندي شغل بس ذني اليومين راح اتفرغللج
اتفرغ تفرغ تام
حتى اطلع روحج شوفي روحج اطلعها
ولله يابت عمي لعبتي ويا الإنسان الغلط
عطور....اني عرضك تقبل واحد يسوي هيج بااختك
يوسف...اني ما جبرتك عرضت عليج عرض وانتي قبلتي
كولي جبرتني
عطور....بس اني جنت مضطره بسبب عملية امي
وانت استغليت الموقف
يوسف.....حتلو اني ماجبرتج
عطور....اعتبرها دفع بلى عن صحتك
اعتبرها تكفير عن الأخطاء الي ارتكبتها بحياتك
يوسف...اني ماعندي اي اخطاء وما دزيت عليج
انتي الي اجيتيني برجليج
كولي جذب
عطور.....انت ما تعرف تقدم عمل انساني
يوسف....شنو عمل انساني عمل انساني اخسر
خمسه مليون وين لكيتي هاي السالفه
عطور...ااكو يدفع ١٠٠ مليون علمود عمل انساني
ااكو يضحي بفلوس الحج ويساعد بيهن عائله فقيره
وانت استكثرة علينا خمسه مليون
مايصير شي ويا الفلوس الي تملكوهن
بعدين احنا مو غربة بيت عمك
يوسف.. اسمعي لا ادوخيني اني اتفقت وياج اتفاق
اللج باجر وعكبه بعدها
راح اخليج تتندمين فهمتي لو لا
طبك التليفون
جمانه السعيدي
عطور....طبعا كلشي يكدر يسوي صدك اذا دخل البيتنا
وسحبني واخذني
قابل اكدر ادافع عن نفسي جنه ثور محد يكدر علي
ماكو غير رب العالمين هو القادر علي
ثاني يوم اجتني نهى من الدوام
حضرت الغده وكعدنا نتغده اني وياها
خلصنا انطيت امي العلاج ودخلنا اني ونهى الغرفتي
عطور.. اني وكعت نفسي بمشكله ومااعرف شلون اكدر اطلع منها
نهى...ساستار ياربي احجي خوفتيني
عطور....بديت احجيلها من اول ماعمي اخذ الفصل
الحد الورث الحد مااني رحت عليهم
وعمي ضربني وشمرني بلشارع
من بعدها شلون عمي هددني ويوسف ادخل بلموضوع
الحد مايوسف عرض عليه هذا العرض
اني قررت استغله وأخذ منه فلوس
مثل ماهما اخذو فلوسنا بلحيله اني قررت اخذ منهم فلوس عملية امي بلحيله
وهسه يوسف يهددني لو اسوي الشي الي يكول علي
لو يدمر حياتي
نهى...تحجين صدك انتي رحتي اليوسف برجلج
وكتيله موافقه
وهسه تردين حل
عطور.. شسوي ماعندي طريقه ثانيه امي محتاجه عمليه
وماعندي فلوس
حتلو طلبت من الناس محد يساعدني بهيج مبلغ
يعني اعوف امي تموت
نهى ..غلطانه كلش غلطانه شلون تتفقين ويا هيج اتفاق
وتعوفينه يساومج على شرفج
عطور...اني ما جبتج تلوميني لان اعرف اني غلطانه
اريد حل
شلون اخلي يبتعد عني
نهى...اشتكي علي
عطور...شكووول اني رحت اتفقت وياا وأخذت فلوسه وهسه اريد انسحب من هذا الاتفاق
نهى...اي كولي الحقيقه وعندج الرسايل الي جان يدزهن اللج ويهدد بيهن
عطور....يمعوده يطلع بنفس اللحظه
يدفع فلوس ويطلع خايفه علي واذا طلع راح
يحاربني اكثر من قبل
نهى...شلون راح تسكتين
عطور...اني خايفه على امي ومصطفى
نهى...مو تكولين هو مطلك كوليله ازوجني على الاقل
بلحلال
عطور....ياا صدك تحجين ازوج يوسف ابو العرك
والنسوان
نهى... ماكو غير حل حتلو شهر شهرين لمن يمل
ويعوفج
عطور...اضيع نفسي واصير مطلقه
علمود يوسف يرضي غريزته لو يموت مايلزم مني شعره
اقتل نفسي احسن مايقرب عليه يوسف
جمانه السعيدي
نهى...شلون شنو الحل برائبج
ماترحين على عمج واحجيله
عطور...حقج ما تعرفين عمي عمي الشيطان الاكبر
راح يشمت بيه ويكول رجعي فلوسنا
نهى.. ياعيني اذا تعرفيهم هيج زباله ليش تورطين نفسج وياهم
عطور...مو كتلج علمود امي
نهى...مااعرف شنو الحل لو تشتكين علي
لو تزوجي
عطور...ثنيينهن ما ينسابني مااكدر اشتكي علي لان راح يطلع بفلوسه
ومااريد اربط اسمي بااسمه
نهى...ماعندي حل ومااكول غير رب العالمين يساعدج
ويطلعج من هاي المحنه بسلام
راحت نهى وماتوصلت الاي حل وياها
اني عرفت وكعت نفسي بمصيبة مالها حل
امير شلون بي لو عرف كاعد يحلم بليوم الي نزوج بي
ذابح نفسه عليه وجاي يساعدني بكل قوته
شلون ياربي مالي غيرك تساعدني وتخلصني من يوسف الجلب
بليل دزلي يوسف رساله باجر بليل موعدنا
حضري نفسج نروح اني وياج للشقه
ثاني يوم اشتغل وافكر شلون بيه شلون راح اطلع من هاي المصيبه
اجتني فكره اشتري سم واسم يوسف واموته
وانهزم من الشقه
هاي تاليتج ياعطور تصيرين قاتله
شسوي هو جبرني اسوي هيج
ماكو غير حل لان هو فعلا يكدر يدخل بيتنا ويسحبني كدام امي وياخذني غصبا ما عليه
حتى بيبان بيتنا قديمات حيل دفره تفلش الباب
العصر رحت الجيرانه وطلبت منها تشترلي سم فار
كالت باجر الصبح هسه مااكدر اروح للسوك
عطور..بس اني محتاجته اليله
...مااكدر اروح الصبح اجيبلج
انطيتها الفلوس ورجعت بلكت اكدر اقنعه
يصبر عليه الباجر
يارب سامحني ولله مو قصدي اقتله بس شسوي
ماعندي حل ثاني
لو اقتله لو اقتل نفسي ماعندي غير حل
بليل اجانا يوسف حسب الموعد دك الباب
طلعت علي بدشداشتي قديمه حيل وخاله حجاب على راسي
يوسف... هااا جاهزه
عطور....على باجر بليل
يوسف...ليش
عطور....امي اليوم تعبانه ومااكدر اعوفها وحدها
يوسف٠... شوفي مو تتوقعين تاجيلن حتى اعوفوج
مااعوفج ابد تعالي نروح ونرجع بسرعه ما تتاخرين
عطور...ما مستعده خليها على باجر
واكيد اروح وياك لا تخاف اروح وياك
يوسف٠...باجر تجين وياي مو بكيفج غصبا ما عليج
فهمتي لو لا
عطور... اكيد باجر ناويه أنهى هاي القصه لان تعبتني حيل
مد ايده يلزمني من وجهي وخرت راسي ليوره
يوسف....احب هاي الطريقه احب العنف
يله باجر مو بعيد
شغل سيارته وطلع
عطور. اوعدك باجر اخر يوم بحياتك
خل العنف يفيدك ياحيوان
جمانه السعيدي
بليل دزلي امير رساله
امير مشتاقلج موت يمتى اداومين
عطور....بعد يومين وتخلص الاجازه
امير....يصير اجي اشوفج
عطور.... لا مايصير
امير....يصير اجي اتقدملج اخطبج من امج حتى اكدر اشوفج بكل وقت
عطور.. تحبني
امير....كلمة احبج قليله على الشعور الي احسه
عطور... اذا سمعت عني كلام موحلو تصدكه لو تصدك كلامي
امير.. اني اعرفج واعرف شنو انتي مستحيل تسوين شي غلط
عطور.. يعني اتصدكتي
امير...ااكيد اصدكج شكو صاير شي احجي
عطور...ماصاير بس اريد اعترفلك اعتراف مهم
اني احبك واموت عليك انت اول رجال بحياتي
ومراح احب واحد غيرك
اذا تسمع عني اي شي لا تصدك
اسئلني بلاول واني اجاوبك
امير. خوفتيني ليش تحجين هيج
عطور لا تخاف اني عطور نفسها الي حبيتها
ما تغيرت ابد
بس الضروف تجربني مرات اسوي شغلات ما مقتنعه بيها
بس مراح اغير مبادئ ابد
امير.. عطور احجي شكووو
ايجوز اكدر اساعدج احجي
عطور.. بعدين مو هسه خليها بعدين
امير.. احجي ايجوز اني اكدر اساعدج هسه
ليش بعدين
عطور....لا ماتكدر اتساعدني اصلا انت ما قصرت
ابد وكفتلي ااكثر من اهلي
امير...عطور صاير شي
عطور. تصبح على خير احبك
قفلت التليفون حتى لا يوسف ولا امير يتواصل وياي
انطيت امي علاجها ونامت
وغسلت المصطفى ونام خايفه تكون هاي اخر ليله اليه بهذا البيت اذا ماكدرت اقتل يوسف
وغدرني وأخذ شرفي اقتل نفسي بشقته
حتى يبتلي بيه
راح اكتب رساله واعوفها النهى اذا مارجعت للبيت
يعني يوسف قتلني قبل لا اطلع من البيت
ادز الرساله النهى وادز وياها كل المحادثات بيني وبين يوسف شلون جان يهددني
حتلو اموت لازم اخذ حقي من يوسف
جمانه السعيدي
اتوضيت وخليت السجاده
كعدت ابجي ابجي لان احس نفسي لا حول ولا قوه
مجاي اكدر اطلع من هاي الشده
ضعيفه الدرجه وواحد مثل يوسف يخوفني
ياربي انت اعلم بحالي تعرف اني ماجذبت على يوسف علمود مصالح دنيويه
ولا علمود الفلوس بس ردت اساعد امي
انت تعرف شكو بنفسي ما يحتاج اشرحك وابرر
واذا باجر اخذني يوسف للشقه
وقتلته اوقتلت نفسي اغفرلي يارب
اني شرفي عزيز عليه ومستحيل افرط بي بسهوله
اغفرلي يالله اني ابد نيتي مو سيئه
بلعكس كلبي جبير واحب اساعد الناس كلها
شكد مريت بعوز وقله والبنات جانن يتنمرن عليه
بس ما مشيت بطريق غلط
ولا فكرت بيوم اعصيك ابد
سامحني واغفرلي يارب يامن تحل به عقد الشدائد
ياكريم ساعدني اطلع من هاي المحنه
يارب اذا متت عينك على امي واخوي
واذا تساعدني مااعصيك لان اني مومنه الخير يجي منك
والشر يجي من البشر
اني منتظره الخير الي يجيني منك
ويخلصني من هاي الشده
صليت ركعتين قضاء حاجه وطلبت من رب العالنين يخلصني من يوسف ويحميني منه
يارب اني اللوذ بحماك من جور الأنس والشياطين
ياكريم يالله
خلصت اذن اذان الصبح صليت ونمت
واني انتظر معجزه من رب العالمين تخلصني من يوسف
