رواية قدر مكتوب الفصل الخامس عشر بقلم ام مصطفى
من اول يوم رحت لغرفتي انام
وسرمد نام بغرفة بيبي
نزعت بدلتي ودخلت سبحت ونمت
جنت احلم بيوم عرسي طول عمري احلم اختار بدلتي البيضة ع ذوقي
واختار مكياجي
احلم بحسام لازم ايدي ومدخلني لهذا البيت وحلمت وحلمت راحت كل احلامي هباء منثور
بجيت بجيت ونمت
كعدت الصبح ع صوت حركة بالبيت
كلت اكيد حسام كعد
كمت طلعت للحمام كبل غسلت وجهي ونشفته
فتت للمطبخ لكيت سرمد واكف يسوي جاي
-صباح الخير
-صباح النور
اني اسويلك ريوك اخذ راحتك
-لا عادي اعرف اسوي ارجعي نامي
-لا كعدت بعد هاي هي
لعد كملي خل ابدل
-راح تطلع
اي اروح لدوامي قايل مصدك روحي مزوج
طلع واني بديت اسوي ريوك اعرفة يحب بيض عيون
سويتله وخليتهن ع ميز الطعام بالمطبخ
نزل لابس البدلة العسكرية كعد
اكعدي اكلي وياي
لا اتريك انت
مااعرف اكل وحدي اكعدي
من السهر والبجي احس ميته جوع
كعدت اكل شربت جاي وهو هم تريك
دك مبايلة
لا جاي لا لا اجازتيش
سدة
التفت علي محتاجة شي
-لا
-باعي رند باب الحوش متوصليه سمعتي
انت ع ذمتي هسه مااريد الناس تحجي علي
-وين اطلع والمن يحسرة اكيد مراح اطلع لا تخاف
ذاك مبايل وسيم كارت جديد بيه رقمي بس ورقم عمة اسراء
اشتريته الج خاف تحتاجين شي
بس هالرقمين فهمتي رند احذرج انت ع ذمتي هسه هالمرة اذبحج بيدي
-شبيك رعبتني قابل ماافتهم افتهمت وبعدين لا تخاف اذا ع حسام اني اريد ينساني ويعيش حياته مااريده يتعذب ع مودي كافي اني اتعذب ع مودة
لزم ايدي حيل وحلكي
شبيك اخ
اسم هذا لاتجيبي بعد كدامي سمعتي
-شبيك عوفني بدينه تخبلت شنو
عافني وطلع
هذا اول يوم خرب حضي انكلب علي طنطل
طلع
اني استلمت البيت انضف
دخلت لغرفة امي وابوي جانت بيها كل ذكرياتهم واغراضهم طول هاي السنين محتفضة بيهن ومبلابس سيف وصورة ملاعيبة
فتحت الكناتير طلعت ثوب امي واشم بيه يمة محتاجتج كومي يمة اريد احضنج مثل قبل ماما ليش؟عفتوني
سيف حبيبي اخوي ع الاقل جان انت بقيتلي سند
بابا ليش مااخذتني وياكم ليش عفتوني للعذاب بابا ضاكت الدنيا بعيني محتاجتكم بابا اخوتك ضلموني وضلموا الشخص الي حبني وعوضني عن كل سنين الحرمان الي عشتها
بابا اخوتك الطمع كاتلهم لو ماعايفلي بيوت احسن
جنت تكلها لامي ضمان لمستقبلهم بس العكس دمرن مستقبلي
اخخخ بوية شحجيلك اني خلافك ذليلة وماالي احد ....
شبعت بجي واطلع بالصور وابجي
الى ان صارت ب١٢ الساعة اني بالغرفة
طلعت اسوي غدة خاف يجي
بعدني ستوني اركب بالمركة طب سرمد
شافني واكفة اركب
هاي ستوج تركبين
وين لعد جنتي طول اليوم
التفتت علي
كاعدة
وشبيها عيونج وراما خابرتيه موو
لزمني من ركبتي
جنتي تحجين وياه
اخخخ عوفني ويامن احجي
عافني ركض ع المبايل لزمة يدور بيه
شبيك انت تخبلت المبايل اصلا بمكانه مشلته مشفته نفس المكان
يدور يدور ماكو شي ذبه
-ربع ساعة الاكل يمي
يربي شبي هذا كلش تغير علي
مجان هيج ابد
خليت الاكل ع الميز وصحتلة
تعال سرمد تغدة
كعد وكعدت اكل كبالة
الاكل كلش طيب عاشت ايدج
-وايدك
اكل وكام كال ساعة راح انام وكعديني
.......
..
حياتنا صارت هيج حياتنا عبارة عن شك بشك يشك بيه يطفر بالليل يتسمع للغرفة خاف اخابر
وبالنهار يومية يجي بوقت غير ماعنده وقت محدد يدخل فجأة
اني التهيت بالبيت بس حيل اختنكت فوك قهري ونفسيتي الزفت هالنوب الحبسة
عزمتنا عمة اسراء ةتعذرت مرحت
خابرني ليش عمة اسراء عازمتنا مترحين
لا مااروح نفسيتي تعبانه مااريد اروح
-ها شوكت نفسيتج ترتاح بلة
سرمد انت شبيك وياي تره هاي اني مجابرتك علي
سكت وسدة
العصر رجع من الباب يصبح رند رند
اجيت هااا شكوو
راسا ضربني راشدي حييل
حقيرة كلبة
-شكوو شبيك
-متعرفين شبيه
ضربني بعد
-لا تضرب كافي وخر
دفعته حيل
رجع لزمني من شعري
حقيرة اني مو حذرتج من هذا الجلب مالتج
-منو تقصد
-صاحبج الانهزمتي وياه ياشريفة
-اولا شريفة وغصبا ع راسك وثانيا مااسمحلك تحجي ع حسام
-وفوكاها ماتسمحيلي
ضربني مرة لخ
-كلبة جايبتة لهنا ولج مو حذرتج
-جايبة منو عوفني شبيك انت
-شعندة هنا شيسوي يمج طببتي جوه
وضل يضرب بس كمت مااحس حسام
باوعتلة وين هنا
لج غشمي نفسج هسة شفتة طالع من الدربونه
-انت تخبلت اكيد يتخايلك كمت اشك حتى باضافرك
-يتخليلي شنو ومفت السيارة وشفته طالع من الدربونه اكيد جان يمج
ضليت مصدومة ليش حسام شجابك ليش لهسة ادور علي مو كتلك انساني عوفني ماافيدك
جان سرمد يضرب واني بالي مو يمة
اسمعة يغلط
حقيرة س. .. ابتليت بيج والله اذبحج واخلص
جان يرجف ويحجي
-التفتت علي
سرمد وروح ابوي وامي ماادري بيه ولا شايفته اني اذا اسوي شي اكلك مخايفة بس مال اواعدة وافوته للبيت واني زوجتك مستحييل اني من جنت بنية مسويتها
يجوز هو ميعرف ازوجت لذالك يفوت من بيتنا بلكت يشوفني بس مال مواعدتة الله يشهد علي لا ابدعفته وفتت للغرفة وسديتها من جوه
نمت ع وجهي وابجي ليش؟اجيت حسام ليش لهسة تفكر بيه انساني انساني شوف طريقك حسام
لاتعذب نفسك وتعذبني
اخخخ ياعمري انت شكد مشتاقتلك بعدك تفكر بيه مشتاقلي حبيبي اويلي عليك وعلي اويلي ع حضنا
اه اه يربي ليش؟هجي
اوف لو منهزمين لتركيا ولا هالعذاب
مشتاقتلك يروحي مشتاقتلك مااكدر انساك حقك لو تشتاقلي
فتحت الكنتور
طلعت علبة بيها صورة اني وياه بالكلية وصورة اني وياه واميرة ولينا
والكلادة الفضة البيها حرفي وحرفة الجابها الي
اذكرت من كلي لا تنزعيها
لبستها
ومحضنت صورته
فدوه لوجهك ولضحكتك هاي الحلوه
ياريت متقدمت الي ع الاقل جان هسه نداوم سوه ويومية اشوفك بسرعة بسرعة ركضت السنه وتبخرت كل احلامنا الي حلمناها
اندك الباب حيل
رند اطلعي سويلي اكل
رجعت الصور بالعلبة وقفلت الكنتور
وطلعت
-سويلي غدة
رحت للمطبخ جنت مسويه تمن ودجاج
بس صبيت
اجة من وره ضهري لزمني
فزيت
لا تخافين
رند اني اعتذر اذا فعلا انت مشايفته ولا تدرين بيه
رند انتي هسه زوجتي وصعب اشوف هيج شي واتقبلة
-هو شنو الشفته شفتني واكفة وياه
-لا بس شفته هو الله شاهد علي
-اني معلي بيه يسوي الي يردة حسام يريد يوصلي ترة ميعرف مزوجة يجي هتا بلكت عود يشوفني
لا اكثر ترة حسام اشرف واحد شفته
كتلج لا تجيبين اسمة كدامي اتنفرز
-خلص
رفع راسي بيدة اني اسف باسني بكصتي
رجعت ليورة
باوعلي وجر حسرة
رند اني مااكرهج ولا ضدج
اني اول واحد وكفت وياج بس هسه احنا تخلينا امام الامر الواقع انت هسه زوجتي وواجب عليج تصونين زوجج
-اني مسويت شي
-اعرف بس احترمي مشاعري لا تذكريه يمي ابد
-اني مذاكرته انت تذكرني بيه
جر حسره
ادري ادري بس مجاي اتحمل
يمكن اني كمت اشك زايد عن اللزوم اعذريني
-عادي ضلت عليك ياما تحملت ضرب من ابوك وامك من جنت صغيرة
وبيبي اخذتني وطلعت من بيتكم
ومن ماتت بيبي هم وهسة تعودت ع معاملتكم الي
-بس اني غير اني احبج
-شنو
قصدي احبج مثل اختي ملك وعمري مااذيتج
-صح بس هسة تعاملني غير والله مصدومة بمعاملتك الي
جاي احلفلك حسام شي انتهى وراح اني اريدة يبتعد مستحيل انطيه امل ويرجع مرة لخ
وصدك حسام لو يعرف تزوجت ميدور علي ابد .
ابتسم
يله تعاي اكلي وياي
اوكي
كعدنا ناكل
كال اخذج لعمة اسراء تغيرين جو اليوم
-اي والله ياريت
لعد خلصي بدلي ونروح
اخذني بالسيارة يشاقي ويسولف احسة رجع ع طبيعته القديمة
لحد ماوصلنا
رحبت عمتي بينا
وكعدت تحجي ويانا وهاي مرحلة وعدت ابدوا صفحة جديدة
وكل واحد يمر بتجارب يا تنجح يا تفشل وانتوا فشلتوا مو معناها اخر الدنيا لا ابدوا من جديد
وانسوا الماضي .....
وبعد ايام كمنا نتعامل كااصدقاء؟نسولف سوه وناكل بس هيج بالبيت كلمن بغرفة نايم
احس شويه تغير واني هم ارتاحيت من الشك الجان بداخلة
وبيوم صعدت انضف الغرف الفوك
فتحت شباك الغرفة حتى تتهوة وتدخل شمس الها
وجان يصير حسام بوجهي من سمع صوت الشباك انفتح وكف كبالي ومتحرك
واني صفنت بوجهة هذا حبيبي هذا كلبي احس طلع من مكانه
يباوعلي بحزن احسة يريد يكلي شي
تمنيت اشمر نفسي من فوك واحضنه
ومثل كل مرة سرمد يخرب كلشي حلوه طبك سيارته وباوعلي فوك خزرني ولزم حسام بوكسات
