رواية زوجي يعشق اخري الفصل السادس عشر بقلم ساره الخفاجي
داومت ورة اسبوع لگيت عادل كاعد بمكتبي وصافن شافني طبيت اشري حتى الحگة للمكتب .
-الحمدلله عالسلامة عادل.
-الله يسلمج.
-ان شاء الله يكون مانع جيتك خير.
-هوة عندي موضوع وياج بخصوص هالشي .
-شكو خير ظل بالي .
-سمر عندج أحد يكرهج عدج عداوة وياج .
-لا ليش .
-اجاني تهديد قبل اسبوع أنه ابتعد عنج لويكتلونة اثنينة.
-لاصدك ،تهديد ليش ومنو آلة مصلحة بهالشي .
-ماادري صارلي اسبوع حاير مابقيت أحد مفكرت بي انتي بالج احد.
-لا والله ماكو بالي اي احد..
-شون لعد شغلج وياية خطر على حياتج ،بلة حياتي عادي اني رجال اعرف ادافع عن نفسي بس انتي شون.
-شنو تقترح علية ،اني هم خفت والله.
-اكعدي هالفترة لتجين للشركة واني أظل ادور منو ورة هالشغلة .
-لا والله مااكعد وشيسوون خلي يسون .
-سمر كل عقلج انتي هذا تهديد حتى لوجان موجدي لازم نحتاط وناخذ حذر.
-شوف عادل اني مشيت كل عمري وية الحايط لاااذي أحد ولااريد أحد ياذيني بس مال يهدد لان دااشتغل لاهنا وكافي تعبت من الخوف والحبس الي جنت بي شيردون يسون خلي يسون هية روح وحدة ومياخذها غير الواحد الاحد .
-ونعم بالله ،درجعي اليوم بس من بين مااشوف حارس أو أمن خاص يراقبج من بعيد .
-خوش ،واني هم اريد اتاكد من شغلة .
رجعت. للبيت گبل رجعت السيم كارت القديم مااعرف ليش شكيت بأحمد مع أنه ابد مجان يحب العنف أو يتجه لتهديد وسوالف العصابات هاي .
لگيتة دازلي مسج.
-شوفي سمر ترجعيلي بأرادتج لو غصبا عنج ،مال تعيشين حياتج وية رجال ثاني هاي من سابع المستحيلات واذا ميفيد بيج التهديد عندي طرق ثانية اخرب بيهة سمعتج واخلي الي ميشتري يتفرج اول شي مطلقة بسبب الخيانة بعيني شفتج كل العالم حصدم حجيي وادري بيج شكد تخافين على سمعتج فاحسن حل الج ترجعين وياية ...
صدكيني من حبي الج داسوي هيج ،مااتحمل اشوفج اضحكين وسولفين وية رجال ثاني انتي بس إلي صح خطأت بس اني انسان والإنسان مامعصوم من الخطأ سامحيني خلي نرجع مثل قبل واحسن اوعدج اخليج بيت وحدج بعيد عن رهام وماخليج تلتقين بيهة ولاتتعرضلج بس لتكليلي طلگهة لان حامل مااكدر اتخلى عن ابني الي بطنهة أو احرمة من احد من عدنة وانتي تعرفين الطفل شون يتأثر من واحد من اهله يتخلى عنة.
....ياربي شنو هالمصيبة الي حلت على راسي هذا يسويهة مدام وصلت بي يهدد معناها صدك حيحجي علية كدام العالم والعالم مصدك تلزم حجاية وجلب بيهة شون ياربي شسوي بهالحاله اني أكول لعادل اخاف تكبر السالفة وصدك يكتلون الولد بسببي اروح للشرطة .
ماادري شسوي دزيتلة رسالة بلكي ينكسر گلبة عليه ويعوفني بحالي .
-احمد موكافي الي دسوي انت اختاريت طريقك عوفني اكمل طريقي مثل مااريد موكافي جرحك الي موكافي الي عشتة بحياتي تريد تشوه سمعتي عالاقل صون العشرة والملح والزاد الي بينه مرتك حامل وهسة يجي الطفل يملي حياتك وينسيك سمر ،ومن البداية لوجنت صدك تحبني مجان بعتني بنزوة أو حب ثاني انت من البداية محبيتني عوفني اعيش واذا متعوفني صدكني اكتل نفسي واخلص من هالحياة الي محاربتني عالسعادة .
ظليت انتظر يجاوبني وماكو گعدت صليت واني عالقبلة شبعت بجي ناجيت ودعيت لرب العالمين تنحل هالشغلة لان مااكدر بعد اقاوم الشي الوحيد الي بقالي سمعتي ويريد يدمرهة اني بلا شي العالم تريد تاكلني بعيونهة وتبسبسهم انوب يطلع علية حجي شحيسوون بية ياربي .
داومت ثاني يوم وظليت مترددة اسولف لعادل لولا دخلت للغرفة وبنيتي احجي ومن گتلة اريدك بموضوع وشفت لهفتة غيرت الموضوع وگتله اني موافقة عليك ..
خطية طار من الفرح وگعد يوعدني بحياة سعيدة وأنه مااخاف مدام هوة موجود بحياتي .
ظل يحجي واني افكر شون اكلة على احمد يفضحني اذا عرف شون افتح وياه الموضوع شون اقنع احمد يتركني ...
راد نطلع نحتفل بقراري بس مقبلت وتعذرت ورجعت للبيت خليت السيم كارت القديم لگيت رسالة من احمد ..
تصدكين اذا اكلج احس بنار بنص گلبي مدتطفة ،تصدكين اذا اكلج تندمت بگد شعر راسي .
جنت عايش ملك وياج ،اني بيدي اذيت نفسي بس اسمحيلي اصلح خطأي وشتردين اني حاظر .
-احمد اعتبرني متت صدكني حياتي وياك مراح تنجح وراح نصير تعيسين ثنينة اذا رجعت لااني اكدر ارجع سمر القديمة ولاانت راح تكون احمد القديم أحنه تغيرنة بمشاعرنة وبشخصياتنة وبعلاقاتنه كومة اشياء تغيرت بينه خلينة نعوف ذكريات حلوة لتخرب علية حتى الذكريات لتموتني اكثر .
سديت التلفون وظليت ابجي شبجت نفسي بعادل بلحظة طيش بدون وعي وتفكير بس حتى اخلص من احمد والضغط الي عليه خفت ارجع الة .
وأحمد محيعوفني بحالي ماكو حل لمشكلتي شون اصرف ماكو غير اشوف نبراس هية تعرف الحل ....
