رواية العهد الفصل الثامن عشر
كريم .. انا من امبارح وقلبي مقبوض وحلمت باحمد جالي وهو بيضحك وبيقولي سامحني يا ابن عمي انا حاسس ان احمد حصله حاجه
فيصل .. بتقول ايه
كريم .. ابوي
فيصل .. بيقرب من كريم ماله ابن عمك يا كريم
كريم .. مش عارف يا بوي بس بعت حجاج والرجاله يدوره عليه
حكيم .. يدوره عليه ليه حصل ايه
فرح .. دهب عملت محضر ان احمد مختفي من ٢٤ ساعه وانها بتقدم شكوى ان كريم وراء اختفائه
فيصل .. ده ما لوش غير معنى واحد ان احمد فعلآ مختفي
كريم .. ايوه يا بوي وعشان كده انا قلقان
فيصل .. هات العواقب سليمه يارب
حكيم .. ما تقلقش يا فيصل ان شاء الله هيكون بخير
فيصل .. ان شاء الله يا حكيم احمد مهما حصل ابن اخوي يعني ابني وانا لسا ما فوقتش من موت اخوي صبري الله يرحمه
كريم .. انا هروح اقلب البلد كلها عليه
حكيم .. مش بعت الرجاله
كريم .. ايوه بس انا مش هقدر اقعد هنا واستنا
فرح .. بعد اذنك يا بوي انا هروح مع كريم
حكيم .. ماشي يا بنتي وربنا يجيب العواقب سليمه
كريم .. بيركب العربيه وبيطلع علي الفيلآ الي احمد قاعد فيها
فرح .. انت رايح ليه الفيلآ
كريم .. بتمنا تكون لعبه من دهب ويكون احمد موجود
فرح .. ده احتمال ضعيف قوي يا كريم
كريم .. عارف بس هعمل ايه انا زي الغرقان الي بيتعلق بقشايه
فرح .. ان شاء الله خير يا كريم وان شاء الله هنلاقيه ويكون بخير
كريم .. يارب يا فرح ويوصل الفيلا وينزل ويدخل الفيلآ و يلاقي دهب وتوفيق قاعدين
دهب .. خير جاي ليه في بيتي بعد الي عملته في ابن عمك
كريم .. بيقرب منها وايه الي انا عملته في ابن عمي
دهب .. وانا هعرف منين من ٢٤ ساعه وهو مختفي حتي مالحقتش افرحه
فرح .. تفرحيه بايه
دهب .. انا حامل اكيد انتي هتفرحيلي ما انتي يعتبر عمة ابني
فرح .. الف مبروك وربنا يقومك بالسلامه في النهايه ده من صلب بيت الجارحي بس المهم دلوقت فين احمد
دهب .. انا اللي المفروض اسالكم فين احمد
كريم .. انتي مصدقه بجد اني ممكن اكون عارف مكانه او ممكن اضره باي طريقه
دهب .. بصراحه انت ما تعملهاش بس مفيش غيرك الي يقدر يخفي احمد عشان كده انت اول حد جه في بالي سامحني ان كنت ظلمتك بس والله انا هتجنن من الخوف علي احمد
فرح .. دخلت تدور علي احمد في الدور الارضي
كريم .. طلع في الدور الي فوق
دهب .. طلعت وراء كريم
توفيق .. ربنا يسترها وبيقعد مكانه
دهب .. كريم انا عارفه اني غلطانه واني افتريت عليك بس انا كنت زي المجنونه وانت قدامي علي طول و معرفش عملت كده ازاي ارجوك سامحني ووعدك الي حصل ده عمره ما هيتكرار ومن دلوقت انت زي اخويا
كريم .. موافق بس طمنيني احمد فين
دهب .. والله ما اعرف انا هتجنن و اطمن عليه ده جوزي وابو ابني الي جاي
كريم .. بينزل
فرح .. مالقتش اي حاجه
كريم .. ولا انا
فرح .. تعالي نشوف يمكن راح عند اي حد من قريبنا
كريم .. يلا
دهب .. ممكن اجي معاكم انا هتجنن لو فضلت هنا
كريم .. لو وصلنا لحاجه هنبلغك يلا يا فرح
دهب .. بعد ما طلعوا بتضحك دوره لحد ما تلاقوه
توفيق .. هيلاقوه ازاي ده احنا حطناه في اخر الارض القبليه يعني الكلاب هتاكله قبل ما هما يلاقوه
دهب .. لا لازم يلاقوه عشان ارجع القصر
توفيق .. وازي وانت مش حامل
دهب .. ما تقلقش يا عمي اكيد الحمل هيحصل و هجيب الولد الي هيقش
توفيق .. ده انتي مش سهله انا قلبي اتقطع وانتي بتبكي
دهب .. تربيتك يا عمده
توفيق .. عمدة ايه بقا ده انتي الي عمده
دهب .. يلا انا هروح لعزيز
توفيق .. يا بخت عزيز بيكي
دهب .. قصدك ايه يا عمي
توفيق .. قصدي اني مش عمك وانتي عارفه وربيتك يبقا علي الاقل يكون ليا نصيب فيكي يا بت ولا هو حلو لعزيز وانا لا وبيحضنها
دهب .. اهدا يا توفيق عزيز مستنيني ولو لقيني اتاخرت هيبعت محروس بكره بالليل هستناك هنا وهكون ملكك
توفيق .. نصبر لبكره الي خلاني صبرت سنين وانتي بتكبري وتحلوي قدامي مش هصبر يوم
دهب .. يلا البيت بيتك يا عمده سلام
توفيق .. لا انا طالع معاكي اوصلك عند عزيز وروح
دهب .. ماشي
محروس .. اتاخرتي ليه يا ست دهب البيه مستنيكى
دهب .. اديني جيت وتدخل علي الفيلآ
محروس .. تعالى ارتاح يا عمده
توفيق .. لا انا ورايا مشاغل كتير يا محروس يلا سلام
دهب .. اتاخرت عليك
عزيز .. قوي يا بت ايه بتتقلي عليا
دهب .. وانا اقدر انا ماليش غيرك يا عزيز
عزيز .. بيحضنها يلا انتي وحشاني
دهب .. استنا
عزيز .. خير في حاجه
دهب .. اه يا عزيز توفيق
عزيز .. ماله
دهب .. فاكرني رخيصه وبيحاول معايا
عزيز .. بقا كده ماشي يا كلب بيبص للقمه الي في بقي محروس
دهب .. هتعمل ايه
عزيز .. هتعرفي انت يا واد يا محروس
محروس .. امر جنابك
عزيز .. زمان حجاج مستني منك اخبار
محروس .. ايوه يا عزيز بيه تحت اقوله ايه
عزيز .. هتعرفه مكان احمد وتقوله مين الي قتله
محروس .. ازاي يعني اقوله الي حصل
عزيز .. لا يا حمار احنا كده كده محتاجين كبش فدا و الكبش ده هيكون توفيق وبكده نبقا ضربنا عصفورين بحجر و بعدنا الشبهات عنا وخلصنا من توفيق شوف الوقت المناسب ورحله
محروس .. حاضر جنابك وبيطلع
دهب .. انا مش فاهمه حاجه ايه علاقة محروس بحجاج
عزيز .. ضحك كريم نصب كمين لمحروس لما انتي قولتيلي ان حجاج هيروح لمحمود ابن خليل باشا وانا كنت عامل حسابي وقولت لمحروس يعمل ايه لو طلع كمين وحجاج صدق وفاكر ان محروس هيشتغل لحسابهم ميعرفش ان محروس لو هيموت مش هيخوني
دهب .. ده انت طلعت مش سهل يا عزيز
عزيز .. انتي لسا شوفتي حاجه دي حرب الوجود يا اما اكون او لا اكون
دهب .. انا مش عايزه غير انتقم منهم واحد واحد وشوفهم بيموته قدامي مش عايزه اشوق ولا واحد من ولاد الجارحي عايش
عزيز .. الموضوع مش سهل بيت الجارحي متقسمين في اثنين وعشرين محافظه وطول ما الاثنين وعشرين دول متحدين مفيش قوه هتقدر توقف قدامهم عشان كده من سنين واحنا بنزرع في كل بيت فيهم الفرقه والخلاف و ماشين بمبداء فرق تسد والحمد لله قربنا نوصل واول ما نخلص من بيت الجارحي الي هنا هيجي الدور علي ال ٢١ التانين وقتها بس هنقدر نسيطر علي مصر كلها وتبقا في ايدنا
دهب .. ياااا معقول كل ده مفكر فيه وعارفه
عزيز .. انا مش وحدي ورايه قوه كبيره بس بتتحرك في الخفاء عشان في الوقت الحالي هما مش قد مواجهة بيت الجارحي لكن اول ما يوقعه هتلاقيهم ظهره ووقتها هنظهر قوتنا الحقيقيه
دهب .. ووقتها انا هسيطر علي كل املاك بيت الجارحي الي في النجع هنا
عزيز .. واملاكي انا كمان يا دهب
دهب .. وكله في الاخر هيرجع لي ابننا انا بحبك اووي يا عزيز
عزيز .. وانا كمان يا قلب عزيز
كريم .. انا هتجنن يا فرح هيكون راح فين بس
فرح .. ان شاء الله هنلاقيه بس لازم نرجع القصر احنا بقينا نص الليل
كريم .. حاضر يارب استرها علينا وبيطلع علي القصر
فرح .. ايه ده هو فيه ايه
كريم .. دول ولاد عمنا الي من المحافظات التانيه كلهم هنا
حجاج .. كريم بيه احنا قلبنا البلد كلها والبلاد الي حوالينا ومالهوش اي اثر حتي المستشفيات والمراكز سالنا فيهم
كريم .. بكره هنكمل ولاد عمي جم امتي
حجاج .. اول ما سمعه اتحركه ولسا واصلين
كريم .. تمام وبيدخل القصر السلام عليكم
الكل .. وعليكم السلام ورحمة الله وبركاته
فيصل .. طمني يا ولدي
كريم .. للاسف يا بوي لسا ما وصلناش لحاجه
عبدالله .. احنا هنقلب الدنيا لحد ما نلاقيه
سلمان .. اكيد مش هنهدا غير وابن عمنا وسطنا
حمد .. انا كلمت كل القيادات وان شاء الله هنوصله ومش عايزك تقلق يا عمي فيصل
تميم .. كل عائلة الجارحي من جميع المحافظات هنا ومش هنتحرك غير لما نطمن علي احمد
كريم .. انا بشكركم وفعلآ انتو الظهر والسند
رشاد .. ما فيش شكر بين الاخوه احنا في النهايه ولد راجل وحد دمنا واحد ولغتنا واحده وطريقنا واحد
حكيم .. فرح جهزي الاكل بسرعه ولاد اعمامك جاين من سفر
فرح .. حاضر يا بوي بعد اذنكم
.. وبيقعد كريم معاهم وبيتكلمه وبيكون فيه ناس منهم ما يعرفهمش وبيتعرفه وفرح بتجهز الاكل وبيقعده كلهم وبياكله مع بعض وبياذن الفجر وبيروحه كلهم يصلوا سوا ..
محروس .. يا جناب البيه انا هروح لحجاج
عزيز .. ماشي يا محروس وما تنساش تقولهم اني في القاهر من كام يوم
محروس .. حاضر جنابك نسيت اقولك
عزيز .. قول فيه ايه
محروس .. اولاد الجارحي كلهم وصلوا البلد بالليل والدنيا مقلوبه والشرطه قالبه الدنيا
عزيز .. الله يخربيتك ازاي ما تقوليش حاجه زي كده
محروس .. ما جنابك كنت مع دهب وما رضتش ازعجك
عزيز .. غور من وشي
دهب .. بنطلع من اوضة النوم خير بتزعق ليه
عزيز .. مصيبه بيت الجارحي كلهم في البلد ولو حسو اني ليا يد في الي حصل يبقا دي نهايتي
دهب .. وهنعمل ايه
عزيز .. انا ههرب من هنا وطلع علي خليل باشا في القاهره وانتي ترجعي فيلاتك
دهب .. وهترجع امتي
عزيز .. لما اتاكد انا توفيق مات والحكايه عدات علي خير واي حد يسالك قوليله عمي عزيز من كام يوم في القاهره فاهمه
دهب .. حاضر يا عمي
محروس .. بيروح علي القصر
كريم .. بعد صلاة الفجر كل واحد منهم ومعاه اربعه بيركبه عربيه
حجاج .. و رجالته بيركبو هما كمان و بيطلعه من القصر
محروس .. بيشاور لحجاج
حجاج .. بيوقف في ايه يا محروس
محروس .. انا عرفت احمد بيه فين
كريم .. اول ما بيشوف محروس بينزل والكل بينزل ويطلع ناحيت محروس
حجاج .. فين انطق
محروس .. امبارح لقيت العمده توفيق راجع من عند الارض القبليه بتاعتكم وكانت هدومه كلها دم افتكرت ديب ولا حاجه هجمت عليه ومن ساعه لقيته طالع ناحيت الارض القبليه طلعت وراه( وبيبكي )
حجاج .. انطق كمل
محروس .. لقيته بياخد مسدس مرمي جنب جثه واضح انه وقع منه امبارح ورجع ياخده وبعد ما مشي بقرب منها لقيته احمد بيه
كريم .. اتصدم وجري علي العربيه وتحرك بسرعه علي الارض القبليه والكل وراه
وحجاج .. اخد محروس معاه وتحرك وراء كريم
كريم .. وصل ونزل جري من العربيه وجري في الارض زي المجنون لحد ما لقي نفسه قدام احمد الي كان مرمي علي الارض تحت شجره في اخر الارض وقرب منه ونزل علي ركبه وصرخ احمد لااااااااااااااااااااااااااااااااااااا
.. والكل حواليه والدموع نازله من عنيهم ومفيش حد بيتكلم وكريم بيحضن احمد لا يا خوي ما تسبنيش انا الي غطان ما كنش لازم اسيبك تطلع من القصر والمركز بيكون خد خبر وبيجي وبيطوق المكان والكل واقف مصدوم ..
