رواية في عشقها هلاكي الفصل الثامن عشر
البنت اللي كنت تريل عليها رميتها ورا ضهرك عشان ابوها اتحبس ومبقاش قد المقام ودلوقت داير ورا الدكتوره لانها تمشي مع مركذك المرموق
قال كده ولسه هيمشي بس اتفاجأ لما حمزه قبض على معصم ايده بقوه وصدمه ونطق بالعافيه وقال...مين...قصدك مين بالكلام ده ...مين اللي ابوها اتسجن ....نسيم ؟؟؟؟
مختار بصله باستغراب لما فهم من شكله انه ميعرفش حاجه وقال ...ايه ..اوعى تقولي انك متعرفش
حمزه قال بسرعه ورجاء ....معرفش ايه اتكلم يا مختار...انت تقصد عم نصار ...والد نسيم..هو.. هو اللي اتسجن..اتكلم يا مختار ارجوك
مختار قال بتوتر من شكله ...طيب اهدى ...هو فيه مشكله ولا ايه
حمزه قال بنفاذ صبر وزعيق..انا اللي بسألك يا مختار ...كنت بتتكلم عن مين عن نسيم ...انطق متحرقش اعصابي اكتر من كده
مختار قال بارتباك وسكر ...تمام تمام ايوه انا...
بس قطع كلامه وقال بعند والشرب ماثر عليه جدا وعلى نطق الكلمات عنده ...لا مش هقولك ...مش انت قولت مفيش حاجه تربطنا ..واني اعتبرك جاري...خلاص انا شايفك جار غتت ومش عايز اتكلم معاك ..وزي ما انت قولت صباح الخير يا جاري انت في حالك وانا في حالي..اما جار حشري صحيح
ولسه هيمشي حمزه وقف قدامه بسرعه وقال برجاء ولهفه...لا لا ...ارجوك يا مختار ده موضوع مهم جدا بالنسبالي ...طيب حقك عليا انا اسف اني قولتلك كده ....اتكلم بقى ارجوك اتكلم
مختار كان بالعافيه واقف على رجليه وصورة حمزه بتتهز قدامه قال بتعب..انا.....انا عايز انام
بس حمزه مسكه من هدومه وقال بغضب وعنف..انت مش هتنام ولا هتتزفت غير لما تحكيلي اللي تعرفه اتكلم بقولك
هنا غانم وروعه اتدخله وبعدوه عنه واول ما سابه مختار وقع على الارض بتعب وهو بيضحك وبيهلوس وعيونه شبه مقفوله
روعه بقت تقومه من على الارض وهيه بتزعق في حمزه وقالت ...انت مجنون يا جدع انت مش شايف حالته...اصلا ممكن يكون كل اللي قالهولك هلوسه ومفيش فيها حاجه مفيده..ده بدل ما تساعده يرتاح دلوقت...انت خلاص نسيت الدم اللي بينكم ...نسيت انه اخوك وانه حته من اهلك ومش باقيلك غيره
هنا حمزه بدأ يفوق لنفسه وبص لمختار اللي واقع على الارض وكلام روعه هزه من جواه وافتكر لمتهم سوا لما كانو اهلهم عايشين وكانو دايما يطلبو منهم انهم يبقو ايد واحده ..اتنهد بتعب وقرب من مختار قومه وسنده وطلعه اوضته من غير ما ينطق حرف
روعه جريت وراه وهيه بتتمنى الليله دي تعدي على خير
غانم اتضايق ان حمزه حن لاخوه وبص لطيفهم بغضب وقال البنت دي عامله فيها سفيرة النوايا الحسنه ومش هتجيبها لبر
منى قالت بسرعه...ايوه يا بابا عامله نفسها ملاك وعايزه ترتبط بمختار وهيه الله اعلم جايبها منين
غانم بصلها بغضب وقال..وانا مالي بمختار ...انا مالي بيه ..بقولك ايه للمره المليون هقولك شيلي مختار الزفت ده من دماغك ..لان حتى لو هو عبرك ومش هتحصل... انا مش هوافق عليه لو اتطبقت السما على الارض فاهمه
منى اتوترت من زعيقه لانه دايما هادي وقالت بتوتر..بس يا بابا مختار ...
قاطعها وقال ....مختار ده عيل بتاع مشاكل وملوش دخل بينا احنا هنا ملناش غير ابن واحد وهو حمزه ....يعني لو ركذتي مع حمزه يبقى احسن واضمن ليك
منى قالت بدهشه... قصدك ايه يا بابا ...حمزه اخويا
غانم قال بخنقه ..حمزه مش اخوك ابدا...وانسان سوي ومحترم ومثقف...يعني زوج مثالي ...فكري في كلامي لان ده الواقع وسيبك من الاحلام الهبله بتاعتك
منى قالت بغضب....انت اكيد بتهزر حمزه ده ايه اللي ابصله اصلا ..مش عارفه جات معاك ازاي والله
قالت كده وطلعت على اوضتها بغضب وغانم بص لطيفها بيأس وقال...غبيه والله غبائك خام زي اللي خلفتك
عند حمزه فوق نيم مختار على السرير بتعب وبقى يقلعه جزمته وهو بيقول بغيظ...زي الحيطه ومش محترم سنه ولا طوله ...بني ادم غير مسأول بالمره
روعه ابتسمت وقالت ...بس بيحبك ....ومعندهوش اغلى منك ولا حتى روحه
بقلم...زهرة الربيع
حمزه ابتسم بسخريه وقال ....الافضل متصدقهوش في كل حاجه يقولها.... مختار مش بالبرائه اللي انتي رسماها في خيالك ...انا اعرفه اكتر منك
روعه قالت بحزن ....الظاهر ان محدش يعرف مختار اصلا .. ولا اي حد عنده معرفه كافيه بيه علشان يحكم على شخصيته
حمزه بص لمختار اللي كان بيهلوس وبيضحك وبينادي عليه وعلى روعه بصوت عالي اتنهد وقال..انا هروح انام ...وهاجي الصبح
قال كده ومشي راح اوضته
روعه قفلت الباب وراحت وقفت جنب سرير مختار اللي كان بينادي باسمها وقالت بحزن...انا اهوه يا مختار.. عايز حاجه
مختار بصلها وقال بسكر...تعالي نامي جنبي...انا تعبان ومحتاجلك اوي
روعه رفعت شفتها بخنقه وقالت ...ريح شويه هتقوم تمام... انا مش كتافاست علشان تحتاجني لما تكون تعبان
ولسه هتمشي اتصدمت لما شدها بقوه بقت قريبه منه مفيش بينهم اي فاصل
روعه قالت بتوتر وهيه بتدفعه ..مختار بس سيبني ايه الجنان ده.. سيبني
مختار كان تايه في عيونها وشعرها اللي ضلل عليه وقال ....حلوه قوي .....كل تفصيله فيك روعه...من شعرك لخدودك لشفايفك
واخد نفس عميق وقال ...وااه من شفايفك
ولسه هيقرب حطت ايدها على شفايفه بتمنعه وقالت ...سيبني يا مختار مش عايزه اشد معاك لاحسن تتعب اكتر كفايه انك شارب... المفروض معاك عمليه لو حضرتك ناسي والشرب خطر في حالتك دي
مختار سابها فورا لما قالت كده وعيونه بقت بلون الدم من الدموع المحبوسه فيهم وقال ....حالتي ...حالتي ميؤس منها خلاص ...انا ...انا خسرت قلبي ...خسرته مفيش فايده مفيش اي عمليه هتفيده
روعه بصتله باستغراب وقالت...قلبك...وايه دخل قلبك ..مش العمليه في الكبد
مختار نزلت دمعه مسحها بسرعه ومسك ايد روعه باس كفة ايدها وقال بندم الدنيا كله...انا اسف...حقك عليا ...انا حيوان انا مستاهلش اي معامله طيبه منك انا زباله قوي... ارجوكي بلاش تعامليني كده مش قادر اتحمل مش قادر
روعه بقت تبصله باستغراب ومختار فضل ماسك ايدها بقوه لحد ما راح في النوم وكلمة اسف مش مفارقه شفايفه
عند حمزه فضل يتقلب طول الليل مش قادر ينام وكلام اخوه مش مفارقه...وبيفكر اكيد مختار يقصد نسيم هو كان عارف بعلاقتهم لان ابوها كان دراع ابوهم اليمين في الشركه..ياترى يقصدها وابوها اتسجن ...طب اتسجن ليه ...بقى يفكر طول الليل.... واستنى الفجر بالعافيه خد شاور وصلى وقام راح خبط على اوضة مختار
مختار كان في سابع نومه لان نومه تقيل زي العاده بس روعه فتحت عيونها بقلق مع اول خبطه ونزلت من على الدولاب بسرعه وراحت تفتح الباب
اتفاجأت بحمزه قدامها قالت بقلق....خير فيه ايه
حمزه دخل من غير اي استأذان وراح لسرير اخوه وهو بيقول...هو لسه مصحيش
وبدأ يصحيه وهو بيقول ...مختار مختار قوم....قوم البيت بيولع
مختار قام مخضوض وهو بيبص حواليه وبيقول بعدم وعي...حمزه ..حمزه فين
حمزه قال بسرعه...في اوضته يلا علشان تلحقه يلا
روعه كانت بتبصلهم بصدمه ومختار وقف بسرعه وخوف ولسه هيجري على اوضة حمزه
بس خد باله ان حمزه هو اللي بيصحيه وفهم انه عايز يقومه اخد نفسه بقوه من الخضه وقعد على السرير وحط ايده على قلبه بيحاول يستوعب اللي حصل وقال بخنقه...حد يصحي حد كده ...كان عندي امل اكمل شجرة العيله قطعت ام اللي زرعوها
حمزه ابتسم بسخريه وقال...هيه لو العيله هتكمل باشباهك خليها تتقطع افضل للبشريه
مختار قال بخنقه.....عايز ايه على الصبح
حمزه شد كرسي وقعد قصاده وقال...امبارح وانت سكران.....
مختار قاطعه بدهشه وقال...انا كنت سكران امبارح.... لا حول الله على الظلم يا اخي
حمزه قال بسخريه.....اممم معلش انا ظالم استحملني...المهم انت وبتتخانق معايا ...
قاطعه تاني وقال بدهشه اكبر..... واتخانقت معاك كمان
حمزه قال بزهق.. لا مش هنخلص كده اسمعني الاول لاني مستعجل واتصدم بعدين
قولتلي امبارح البنت اللي كنت تحبها سيبتها بعد ما ابوها اتسجن ..كنت تقصد مين بالكلام ده
مختار نفخ بخنقه وقال...بقى مصحيني من النوم وجبتلي صرع علشان كام كلمه هبل قولتهم وانا سكران ...يا سيدي حقك عليا انت مش واطي ولا حاجه وانا اللي غلطان حلو كده سيبني انام بقى
حمزه قال بسرعه...ركذ معايا يا مختار انا مش بشكيلك من اللي قولته من امتى بيهمني كلامك اصلا...انا بسألك ..انت كنت تقصد نسيم بكلامك ...بنت عم نصار اللي كان شغال مع ابوك في الشركه
مختار ولع سيجاره وقال بخنقه...وانت تعرف غيرها اصلا ...ده انا طلعت فلوس لله لما قولت انك بتحبها...كنت قلقان لتطلع لا مؤاخذه
حمزه سحب السيجاره منه طفاها وقال بغيظ ..اولا قولتلك متشربش سجاير على الريق.... ثانيا اتلم وبطل سفاله ورد على قد السؤال ..مين اللي قالك انه مسجون
مختار قال بلا مبالاه .....كان معايا في الزنزانه
حمزه اتصدم وقال .....عم نصار مسجون...ليه
مختار لسه هيرد افتكر كلامه وقال...لا مش هقولك حاجه ..مش من حقك ارد عليك بعد كل الكلام اللي بتقولهولي يلا روح اعرف لوحدك
وقام اخد فوطه ليه من الدولاب وهو بيقول..بهدلتني ومقبلتش اقعد في اوضتك وقولتلي احنا مش اخوات وان الارجوز اللي تحت ده اهم مني وقولتلي اعتبرنا جيران ..جاي عندي ليه دلوقت
ولسه هيروح الحمام حمزه وقف قدامه وقال بجديه ورجاء ...علشان خاطري يا مختار...ارجوك انا في محنه مفيش فيها امل غير كلامك ...ارجوك يا مختار انا مستعد اعتذرلك عن كل كلمه قولتها وقدام كل البيت
مختار استغرب لما لقى كلامه جدي كده وحس بشفقه عليه وقال بسرعه...ليه كل ده اهدى...انا بهزر... لو الموضوع مهم كده اكيد هحكيلك....نصار كان معايا في اخر سنه حبس..بعد ما ابوك مات وهو شغله انتهى معانا مبقاش عنده دخل فاتجه للتجاره الحره واخد طلابية موبايلات كبيره بوصولات امانه ....بس فجاه حصلت مصيبه المخزن اتحرق والاجهزه راحت وفضل عليه اقساط الوصولات
حمزه كان بيسمعه بصدمه ومختار قال بحزن....كان الاول صاحب الوصولات بيستنى عليه يدبر المبلغ نظرا للمصيبه اللي حصلتله لكن فجأه اتسلط عليه واحد ابن حرام اشترى الوصولات دي ودفع تمنها والدين بقى ليه...ومكانش يستنى وطالب بفلوسه...ولما اتأخر عليه بلغ عنه واتحبس
حمزه حس برجليه مش شيلاه من اللي سمعه ...كان محروق على نسيم واللي حصلها وهيه لوحدها ..والاسوء الموضوع اللي بيفكر فيه من امبارح ان جوزها ممكن يكون بيبتزها قال وصوته بالعافيه طالع...مين....مين صاحب الفلوس
مختار فرك دماغه وقال.... مش فاكر والله هو قالي اسمه ...بس مش فاكر
حمزه قال بسرعه...جمال ...جمال الزيني
بقلم....زهرة الربيع
مختار قال فورا...ايوه بالظبط....هو ده
حمزه طلع جري من غير ما يرد ولا يقول حرف كمان
ومختار بقى ينادي عليه بس موقفش قال بقلق....هو فيه ايه لاحسن يجيب لنفسه مصيبه الغبي ده
روعه قالت باستغراب ..هيه مين نسيم دي
مختار اتنهد وقال بغمز...حب قديم ...يكفيكي شر الحب وعمايله
وقرب منها وقال ....حبيتي قبل كده
روعه ضحكت وقالت ...وهو انا لو حبيت هبقى فاكره يعني
مختار بص لعيونها جامد وقال...بس الحبيب ميتنسيش
روعه ابتسمت وهيه بتبصله باعجاب واضح وقالت....معتقدش اني حبيت قبل كده.....لو حبيت مره مكانش قلبي دق تاني
مختار اتصدم بجملتها ولسه هيسألها قاطعهم صوت تليفونه
مختارقال بتوتر..ثواني ....ثواني وراجعلك متتحركيش
وبص للتليفون وكان شاكر رد وقال باستعجال.... فيه ايه يا زفت ده وقته
شاكر قال بتوتر....انا عارف الوقت لسه بدري معلش.... بس قولت قبل ماروح الشركه ..احم...انا تحت عندك في البيت
مختار قال باستغراب...... تحت ليه
شاكر قال باستغراب ....حضرتك نسيت ولا ايه...انا جبت ممرض هياخد العينه لروعه...الدكتور قال نعملها التحليل انهارده ولو النتيجه طلعت تمام نجهزها للعمليه
مختار اتفاجأ وقال ....انهارده
عند حمزه طلع بعربيته بسرعه البرق وهو في حاله غريبه بيضحك ودموعه نازله مش عارف يفرح ولا يزعل بس كان قلبه طاير وبيدق بشده
بس كل ما يفكر في جمال واللي عاشته نسيم بسببه يبقى هيتجنن من الغل اللي جواه
اول ما وصل عند بيتها طلع سلاحه كان مخبيه في العربيه ونزل بسرعه بدون اي تفكير وطلع عندها وبقي يضرب الجرس بقوه وغضب
نسيم قامت مفزوعه هيه وجمال اللي قال بزعيق...مين البهيم اللي بيخبط ده
وراح يفتح وهو بيزعق وبيقول..ايوه ايوه فيه ايه
واول ما فتح الباب اتصدم بحمزه في وشه وفي ايده سلاحه وملامحه متطمنش ووووووو
