رواية نورة الفصل التاسع عشر والاخير بقلم ام مصطفى
عمي يگولي متكملين تره وهسه وقت وتملين متكدرين
توفقين بين بيتج ودراستج واكيد راح تقصرين ع بناتج ورجلج
كتله ان شاءالله لا اكدر
نسوان حماي رغد وسماح تخبلن وشنو اداوم
وتعوف الشغل علينا
عمتي كالت الهن هي شاطره تخلص شغلها وتروح
مرت الايام واني انتظر ادوام وفرحانه
بس اسلام ابد ميتفاهم
بقى ع نفس طبعه يضرب ع اتفه الاسباب
كل الطرق حاولت احجي وياه
بهدوء مرات اقاطعه ما احجي وياه ميفيد
اي واحد يحجي وياه او يغثه يرجع عليه
مره اتذكر اخذني لبيت خالته نجيب امه
بالشارع كسر عليه واحد كام يصيح اني كتله يمعود عوفه
خلي يولي عاف الكسر عليه ورجع عليه كام يصيح ويغلط
عليه اني كمت ابجي وكف بنص الشارع ويضرب بيه بكل قوته كتله الا انزل من السياره واروح لاهلي فتحت الباب ونزلت رجلي كام وجر الباب سده على رجلي وضربني على حلكي
وصلني لباب بيت خالته كتله ما انزل شلون انزل كدام الناس شكلهم شاف عليه شي وضربني
وفتح السياره وسحلني وطببني
عاد امه وخالته شافن الدم يجري من حلكي وبالكوه امشي على رجلي وهنه تخبلن
جان خالته تكوله ولك هاي بزر الدلال هيج تسوي بيها وباوعت لاختها كالتلها ليش هيج ام نائل
حرام عليكم عمتي شبگتني
اني بجيت بحضنها وهي هم بجت
كتلها وديني لاهلي كامت تبوس بيه اخليج يمي
ما اخلي يوصل يمج
عاد رجعنه للبيت وهم بقيت زعلانه عليه وره يومين
صالحني ورجعنه عبالك كلشي ممسوي
تعبت منه ومجبوره اتحمله عندي بنات صارن
واكول زوجي ميخالف اتحمل
والمره لازم تتحمل زوجها
هو بس هذا الطبع بيه موزين
والله كل الناس تحبه وينظرب المثل باخلاقه
بس حضي هذا
بس علي ظالمني... 2
بده دوامي بالكليه والفرحه متنوصف اول كورس حيل عانيت
دراسة بالانكليزي واني جنت تاركه ومواد احياء ولازم احفظ وزوجي وشغل البيت وبناتي
بحيث كمت اكعد ب3بالليل حتى اقره والصبح اكمل شغلي واروح للكليه لان دوامي مسائي يبدي ب12 الظهر وارجع مرات اذا عليه مواعين الغده الكاهن مكومات بالمغسله ينتظرني
وهم اكمل شغلي واصعد لغرفتي اصلي صلاة المغرب والعشا مرات انام مرات لا
تعرفت على بنات اصغر مني بهواي بس حيل حبيتهن حيل مودبات وخلوقات
اني بالكليه جنت لابسة عباية على الراس
اسراء صديقتي كالت نور اني احب البس عبايه مدام انتي لابسه اني هم راح البس والله عاد صدك لبست
امتحنه كورس اول ونجحت بقرار الحمدلله رجعت فرحانه للبيت خابرت امي وابويه بشرتهم وخابرت امي الحقيقيه هم بشرتها
رجعت لكيت عمتي خطيه كيفت من سمعت
اجه عمي للبيت جان كتله عمو نجحت خله ودار وجها اني ضجت حيل
اجه اسلام من الدوام هم كيف من سمع اني ناجحه
وحماي حسن الزغير جابلي هديه والجبير باركلي
ونسوان حماي ولا وحده باركتلي ابد
حيل مخبثات وياي واني مالي خلك مشاكل
مااخلي شي ابالي طبعي هادئه وصبوره
تستمر القصة أدناه
مشى يومي مثل كل يوم
عمي جبير عشيره والخطار 24ساعه عدنه
نسوان حماي الضراير حاربني بكل الوسائل بحيث وصلت
بيهن الدرجه حتى اكل ميبقن الي ولزوجي
حتى لو بيومها عليه الغده اسوي اكل واروح للكليه مرات
ارجع ما الكه اكل اكول لعمتي وين حصتنه من الاكل مباقي شي تسألهن يكولن سوت قليل
ارجع اسوي اكل الي ولزوجي
لان رادن حتى احجي وتصير مشكله
يوميه وحده تروح لاهلها مناوب بيناتهن ويبقى عليه الشغل
اسلام مرات ينقهر عليه من يشوفني اتعب
مره تعبت حيل من الضغط شبكته وكمت ابجي كتله راح ابطل من الكليه بعد ما اكدر
هو كام يحجي عليه كال يمعوده مستواج زين وراج متشمت وتبطلين اذكري الله واتركي هاي الفكره
عاد صدك تعوذت من الشيطان
اني الحمدلله ملتزمة بالصلاة
واكعد الفجر وداومت على قراءة القران الفجر
مشت ايام
بس شكد جنت انغث بالبيت من اروح للكليه تروح كلها الضوجه مني
بالرغم جان ميقبل اروح مطعم او سفرات وي صديقاتي او عزايم مال القسم
وجنت حيل مطيعه اله
بالكورس الثاني ويانه بنات بكدي بس مو محجبات
طبيعتي مو عنصريه يعني ما احجي او اصادق الا محجبه لا عندي عادي
وحده اسمها لمى وحده بشرى
بماده الفيزياء نروح لقسم الفيزياء ناخذ محاضرات ونصير كروبات بالمختبر
اني مستواي زين والبنات هم زين مستواهن بس هنه اعوذ بالله مو راحه
المشاركه اليوميه الها درجات والامتحان اليومي هم
امتحن شهري هم زينه صارت السعيات مال الكورس الثاني
اني اذب ثقلي بالسعيات يعني ادخل بسعي زين لان ما اعرف ظروفي شنو بالامتحانات حتى من تصير الامتحانات اني مرتاحه
اني درجاتي اعلى من ذني البنات وهنه بكروبي اني جنت متكفله اكتب تقرير المختبر نيابه عن كروبي
اشو سعي اقل من سعيهن ب10 درجات
اني تخبلت وطبيعتي صريحه سألتهن كتلهن انتن درجاتجن اقل مني بالامتحانات ليش انتن اعلى مني هنه سكتن
رحت لدكتور الماده نفسها سألته على درجتي
كال حطيتلج درجه كامله بالنظري بس اهل المختبر
منقصينج كتله اني زينه وحتى درجاتي اعلى من بنات الكروب الوياي اسألهم كال صيحيهن
رحت اصيحهن وشرحت الهن الوضعيه
شو ذني كالن والله منروح وياج واستاذ علي ابو المختبر يكول اذا عدها اعتراض تجي لغرفتي مو تروح لاستاذ فهمي اني الصراحه معرفت مغزى الكلام
عندي محاضرات رجعت لقسمنا
وره مكملت رجعت لقسم الفيزياء
لكيت استاذ علي بالممر سلمت كتله استاذ ليش منقصني كال انتي مو زينه باليومي
كتتله من يكول كال اوراقج
كتله ليش درجاتي كامله
كال امشي للغرفه
رحت وياه دخل لعرفته اني هم دخلت كال سدي الباب اني خفت
كتله لا خليه
كال لعد روحي ما انطي درجه وحده
كتله حرام عليك اني اعلى من درجات لمى وساره
وهنه يصيرن اعلى مني كال هنه يستحقن انتي متستحقين
عاد اني كتله انته واحد حقير
وتبقى انته وربك
واخلي واطلع منه
عاد من طلعت اكو دكتور اسمه دكتور هاني يعرفني مرات يوكف علينه بالعملي
كال شبيج علويه سولفتله
كال علويه عوفي هو والله واني هسه هم اروح عليه وميكون خاطرج الا طيب والله عاد شويه هدئت
كمت اذا استاذ علي بالمختبر اني اطلع وذبيت ثقلي على النظري والحمدلله امتحنت الكورس الثاني ونجحت وخلصت
مرت حماي الثانيه حبلت من جنت بالاول كليه
حماي نائل طار من الفرح بيها جان يكول بعد ميسر
متشتغل بالبيت اخاف عليها
صار الشغل عليه وعلى زوجتة الجبيره حتى الخبز
واني مو هلكد بالخبز حيل تبهذلت
مرت الايام جابت ولد
جان يكلها حماي احبلي لرغد وانطي الها
اني داومت صف ثاني كليه
حبلت ميسر جان رغد اجت كالت
- نائل يكول ميسر لتخلنها تشتغل اخذي الشغل انتي ونور منها حتى الخبز
عاد اني حجيت كتلها اني عندي دوام ومسؤليات وبناتي يم اهلي ما اكدر
رحت لعمتي كتلها
عاد عمتي كالت لرغد هو مو الج الطفل ساعدي ضرتج بالشغل
نور خطيه عدها التزامات
سمع حماي كوم ودي مرتك الزغيره لاهلها
يكلهم حتى نور غصبن عليها يصير الشغل عليها اني سكتت محجيت
ثاني كليه عدنه ماده الكيمياء دكتور المادة حيل مصعبها علينة بحيث كل سنة الينجح بس 3او 4
حتى محد يحضر محاضراته لان يكولون احنه ساقطين ساقطين وكلها تحمل الماده يله بعدين يكوم ينجح
جان اكو استاذ كلش حباب اسمه استاذ اكرم بالعملي مال الكيمياء ياخذنه
حيل يحترمني
كال انتي جنج علويه كتله اي استاذ سالني وين بيتكم كتله طلع يعرف اهلي وعمامي
صار كلما يشوفني يسلم عليه ويسألني اخاف محتاجه شي
مرات اسأله عن دكتور
فهمي
ليش يرسب الطلاب كال هو هيج خبيث بس انتي معليج اقري وجوابي
هو يخوف الطلاب حتى ميمتحنون ويرسبون
انتي امتحني واقري والله كريم والله صدك شديت حيلي كلت حتى هم اخلص من هاي السنه احسن الي لمى وبشرى كنكن وي استاذ فهمي
ورادن هم يوكعن استاذ هاني مكدرن
استاذ هاني حيل ملتزم
شافني مشيت بالماده
حدد دكتورهاني امتحانه
قبل يومين من الامتحان لمى رادت ملزمتي لان ماشره بيها اني انطيتها
وكتلها باجر رجعيها
ثاني يوم لمى ما داومت
سألت لشرى كالت لمى اجت للكليه وطلعت كتلها وملزمتي كالت عندي اني انطيجياها
كتلها يله وينه جيبيها كالت بالمكتبه مال الاستنساخ كتلها اوكي
وره المحاضرات جيبيها الي
خلصنه محاضرات كتلها بشرى يله نروح للمكتبه اخذ الملزمه واطلع رحنه اني وياها اشو هاي اشترت وحده جديده
كتلها لعد وين مالتي
جان تكول ضاعت كتلها مو مالتي ماشره عليها وبيها حلول المسائل شلون
كالت يله قابل هيه نمونه
كتلها لج تعب شهرين يروح وي الملزمه شلون
شو هاي ء كامت تصيح
كتلها اني ممنطيتج الج مطيتها لمى
خابرت هلى لمى متجاوب
كالت لتعبين نفسج اخذي هاي الملزمة واسكتي
عاد اني صيحت عليها كتلها انتن متستحن
وتريدن توكعني بشر اعمالجن
خليت ورجعت للبيت
واني كامت الراسائل دك عليه من اثار منهن يغلطن ويتجاوزن
رسلتهن لصديقتي
كالت شراح تسوين كتلها راح اسكت واعوفهن هنه والله
والله خطيه صديقتي ودتلي ملزمتها بالموبايل قريت عليها واني هم جنت قاريه
امتحنت ثاني يوم جاوبت الحمدلله
امتحنه عملي هم جانت الاسئله مشدده
ونجحت الحمدلله
طلعلي سعي29 من 40 واغلب الشعبه راسبين
ولما سعيها32هي وبشرى شلون ما ادري
صارت امتحانات الكورس الاول
بالامتحانات طلعت من القاعه جان يوكف استاذ هاني كدامنه كال علويه انتي امج وابوج ساده
كتله اي
كال دخيل بخت جدج
كال للبنات راح احجي وانتوا اشهدوا
كال درجات السعي اذا نزلت بالدفتر مال القسم بعد محد يجمع وراه هاي هيه يثبت
اليوم اكو اسم موصي عليه رئيس القسم يعدلون درجته
فكالوا استاذ هاني
طلع هذا السجل ختى نعدل بيه يكول لا ارادي فتحت السجل اطلع اسم الولد وتصير عيني على اسمج والكه مخليلج بالسعي 10 من40 حتى دور ثاني ميفيدج
صحت على مسؤل السجل كتله من مسوي درجات السجل كال استاذ حسن
كتلة مو هاي البنيه سعيها29 شلون حاطيلها 10 كال خاف غلطان
يكول جاب حبر ابيض وعدلناه
كتله الف الحمدلله والشكر
وره كم يوم جان لمى تجيني صديقتي
كاعده يمي
كالت انتي هي بله اريد اشوف شلون تنجحين من الكيمياء الا اخليج تحملينها للسنه الجاي بسيطه
كتلها الله كريم
انته تريد وانه اريد والله يفعل ما يريد
اني حيل انقهرت اذا انطيه الفلوس راح يصرفهن واني اول تالي ارجعله لان ابن عمي وماكو اي طلاك
حتى الاهل ميختلفون
رحت للكليه وصلت هناك جان اخابره
كتل الوو حجه وياي بنتر كتله
-اولا خابرتك مجاي اتوسل ترجعني بس لازم تفكر بناتك هذا اول شي
والخلاف الصار مو علمود الكليه
اني مقصره وياكم كال
لا
واذا سحبت الفلوس مال البيت تصرفهن ويروح مستقبلنه
-- اي اريد الفلوس
-لعد اسمع حجايتي
تريدني تعال انته اخذني
وبعد ممنوع تظربني
هذا اول شرط
وكليه اداوم
والفلوس مالت البيت تبقى ماتخذهن
تكول تبطلين من الكليه وتريد فلوسك مال البيت باجر تروح للمحكمه وتطلگني وكلمن يشوف طريقه اني تعبت
منك
كمت وسديت التلفون
بس اهلي محد يدري بالحجي هذا
لليل ويجي ابن عمتي
صاحني بالصاله كال ام زهراء ليش تخربين حياتج وبيتج بطلي من الكليه
كتله سيد المشكله مو علمود الكليه
المشكله لان اجيت لاهلي
اني خالاتي من اتزوجت لحد هسه مواصلتهن
اختي ما اروحلها بس اجي لاهلي ومره بالاسبوع وهم يريدون اتركهم
- مو همه معتمدين عليج ويحبوج
- والله اتعب بالبيت ومحد يساعدني ويكولون نقدر وضعها والغريبه حايرين بيها وفوكاها بت عمي ضدي وصافه وي الغريبه عليه انته احكم
-كلنا نعرفج انتي شنو حتى عيالج يسولفون بيج
-والحل هسه شنو
حجيتله على شروطي وي اسلام كال خوش
ثاني يوم خابر ابن عمي مصطفى كال اسلام
راح يجي ياخذج بس مينفتح موضوع ولا حجي كتله اوكي
والله اجاني اسلام
وتعذر من اهلي وكال يله البسي وحضري بناتج نرجع لبيتنا
ورجعت وياه
طبيت سلمت عليهم وصلت لعمي سلمت
كال انتي بتي واحبج بس بطلي من الكليه
عاد اسلام كال لابوه لا يابه هيه مماثره عليه بدوامها
اني حمدت ربي وشكرته
وهم بقت المشاكل لو من اسلام
لو من الضراير
بس اسلام شويه بطل يضرب
بس يعيط ويصيح
بعنه المسشتمل واخذنه قطعة ارض
وسحبنه قرض عليها
من راتب اسلتم
وبنيناها
وردنا نطلع بيها
ترددت اطلع واعوف عمتي خطيه كلش احبها ومعتمده علي
كلت لسلام استصعب الطلعه
خطيه امك
-لعد ضلي مدمغه هنا
والله اطلع واعوفج
-مو هيج بس ناخذ امك ويانه
-وين ناخذها غير ابوي واخوي حسن يمها
لو هم ناخذهم ويانه
-مااعرف بكيفك
عاد فاتح اهله بالموضوع ابوه رفض
لان معتمد علينا بالبيت
بس عمتي كالت اطلعوا استقروا احسن
بقه يقنع بابوه
لحد ماطلعنا
طبعا االبيت صار نص لهلي ونص النه
بس ماقسمناه بيناه
طابقين طابق اهلي جوه والطابق الثاتي
النه شويه استقريت وارتاحيت
امي وابوي وياي
اسلام تغير نوعا ما ميضرب لان اهلي يمي يمكن
لو هو بده يغير طبعه
بس المهم هو بده يخفف مني
حتى لو يضرب بس مو مثل قبل
اني داومت ثالث كليه بهاي الفتره
والحمد الله نجحت
وتخرجت
اسلام صديقه عرض عليه نطلع خارج العراق بس اني
رفضت
وهو تخبل
كتله اذا تريد اطلع وعوفني
بقة ياهو اليجي يكوله صحتلي طلعه للسويد ونور متقبل كتلهم اني ما احب اطلع من العراق واذا هو يريد يطلع ويعوفنها خلي يروح بس غير مبري الذمة
لعد ليش كون عائله غير يكون ملزم بيها
تعينات ماكو
كمت اجيب اغراض وابيعهن بالقسط لخالاتي وحمواتي وبنات خالته
لان الراتب كام ميكفينه نطيه للقرض مالت البيت
واسلام كام يضوج ويحجي شنو اطي راتبي كله للقسط
واضل هيج
عاد كمت اجيب اغراض بيت
وابيع
ربحهن زين هو ياخذني للجمله لو والدي ومرات نوصي
يجيبون الغراض بس اذا اكله وصلهن لفلان مكان اله ياخذ كروه جمعت كم فلس واحد يطلبنه انطيتهن اله مال البيت دين
مره راح يم بيت عمي سالوا عليه كالوله ليش متجيبهم كاللهم ما اطلعهم احسن عاد حماي متعارك وياه كاله خلي الله بين عيونك ودير بالك عليهم وين تلكه مثل نور
كله شوف ذني نسواني ميوصلن لاظفر منها على
بساطتها وطيبة گلبها ومساعدتك وتفكر بيك
اني مصاريف على داير مليم وذهب ومشترى وفلوس ومحامدات ربهن
عاد هو من رجع كال نائل هيج يمدح بيج
كتله كل الناس تقدر تعبي وتحبني
اله انت
-لج اني مااحبج
-والقران اموت عليج
-هو لوما انتي
شنو اني
انتي تحملتيني
وصبرتي علي وكونتيني
وربيتي بناتي احسن تربيه
لج والله كل هذا اعرفه
بس هذا طبعي
والطبع يغلب ع ابن ادم
الله يشهد علي كلما أذيج اتأذه اكثر منج وانقهر
خصوصا من اشوفج تسامحيني كل مره
اكره نفسي واموت قهر
حضني وكال
بالدنيا كلها ماابدل اظفرج....
بعد فتره حملت وجبت ولد سميته علي ع اسم اخوي علي
اسلام بده يتغير يوم هيج ويوم هيج
والحمد الله عايشه وصابره
احنه هذا طبعنا هيج
نصبر ونتحمل
ونكون الرجال ونسانده
ونوكف وياه
ماعدنه مره تطلك بالاخص احنه احنا اقارب
ناس تاخذ من ناس
صبرت ع زوجي لحد ما بده ينصلح
وانصح كل وحده تصبر ووتحمل لخاطر اطفالها
لان الطلاق مو هين خصوصا اذا عندج اطفال 2
وهاي نهايه قصتي
وبعد الحياة گدامي
ادعي من الله يهدي علينه
والكه تعين واوفي ديني
بحق محمد وآل محمد
اختكم انور.....
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
