رواية قدر مكتوب الفصل التاسع عشر بقلم ام مصطفى
لهنا وكافي خلي حد لهاي سوالفك
-انتي خليتيني بهذا الطريق ومااكدر اعوفة
-يعني شنو
-اني تزوجتها
-شنوو منو هاي تزوجتها
-وحده تعرفت عليها زوجة متوفي وعدها طفلين مااكدر امشي بدرب الحرام ازوجتها
-صدك تحجي لو تشاقة
-اي
واني شنووو
-عادي مابيها شي
كعدت بالكاع من الصدمة والله عبالك اتحلم
-اتزوجت علي ليش
-انتي السبب انتي مالكيت عندج الحب الي هسه لكيته عدها تحبني تموت علي
-واني ماحبيتك
-لا انت عمرج محبيتيني ابد انتي رضيتي بيه حتى تخلصين من اهلي وحتى تنسين حسام براسي ومانسيتي عمري ماحسبت وياج بالحب من طرفج اني حبيتج حبيتج من كل كلبي
وانت لا
-وتزوج علي سرمد اني مجاي استوعب صدك لو تشاقة
-لكيت عدها الحب الماشفتة عندج تحبني تبجي بجي علي من اطلع واعوفها حتى جهالها تهملهم من اجي
-زين لعد بالعافية عليك
كمت والله مصدومه مجاي اصدك ازوج
حتى الدمعة طارت من عيني فتت للغرفة
جريت جنطتي خليت ملابسي بسها واغراضي
هو وراي صار
-شسووين
-عايفتك الها وجودي مالة داعي من الاساس زوجنا غلط وكللك عمو فترة وطلكها وخلصت الفترة
-بس اني احبج
التفتت علي
وضحكت هئ تحبني صح وتحبني هواي هم
اجيب واخلي بالجنطة وهو يفتر وراي
-لا تطلعين صح اني غلطت
-سرمد رايحة لبيت عمة احلام منا لحد مااجيب اطلكني هذا اخر كلام بينا
-مااطلك لو تموتين انت شتحجين بابا اني احبج مااكدر اعيش بدونج
-شنو هالتناقض تحبني ومتزوج علي لان ملكيت الحب وياي هههههه
كافي كافي تلعب بمشاعري ولك حرام عليكم من بعد ماحبيتك وتعلقت بيك وصار بينا طفل تروح تزوج علي ليش هيج تسوون بيه لان ماعندي اهل ماعندي احد تستغلوني الله لا يوفقكم
شبقيتوا مني اخذتوا البيوت ضيعتوا مني الشخص الي حبني وشراني
دمرتوني كلة لان ماعندي سند ماعندي ضهر
اكرهك واكره ابوك وامك الله لا يوفقكم طول العمر وعساكم ماتتتهنون ع كل دمعة نزلت مني ع كل فلس اخذتوا مني نار وحطب يصير عليكم
وخر مني اطلع ولا تلزمني ابد البينه انتهى من البداية زوجنا غلط
-رند خلينا نتفاهم
-ع شنو انت هسه اعترفتلي مزوجها ومتكدر تطلكها وتحبك وتحبها بالعافية عليك بس والله ماتتتهنى حوبتي تلحكم طول عمري
-ترة اني هم احبج بس انت انت خليتيني بهذا الطريق ردت اشوفج شنو الغيرة الي تلوميني بيها جنتي
-انت تغار من لاشيء اني عمري مخنتك تدري اني حافظة رقم حسام وشكد اشتاقلة بس عمري مفكرت اتصل عليه واخونك
اكدر اروحلة للكلية اكدر اروحلة للبيت
بس اني مااسويها مااخون مو طبعي هيج حبست حبي بداخلي وكلت سرمد يعوضني وينسيني الماضي وبديت احبك وانسى يجوز مرات يجي حسام ابالي واذكرة بسيبقى ذكرى وهالشي مو بيدي
اما انت تروح تزوج علي ليش هاي وكفتك وياي تجربني تريد اغار لو لا وتزوج وجمالة تكلي مااكدر اعوفها تحبني
لعد عوفني وهذا ابني سيف تحلم تشوفة اخذه وانهزم لو اعرف اجدي بالشوارع هم مااهيش؟بذله لان مبقيتولي شي اخذتوا كلشي مني حسبنا الله ونعم الوكيل عليكم
طلعت من البيت وهو وراي
اجرت تكسي وابجي ابجي من كل كلبي يربي اريد بس استقر ابيت اريد اعيش مثل البنات بين عائلة تحبني يومية ابيت
....
وصلت يم بيت عمة احلام
فتت شافتني عمتي
ها عمة شبيج
عمة سرمد مزوج علي عمة تعبت تعبت اتمنى اموت واخلص كافي مذله
لمن حبيته عافني من تعلقت بيه يروح يزوج يعاقبني ع شي مالي ذنب بي الله خلاه بكلبي هالحب
صدك تحجين مزوج منو
مزوج ارملة صديقة وعدها اطفال وتحبة ويحبها
-من طاح حضة ع هالزواج
فدوه عمة تحمليني يمج هاي الفترة لحد مااجيب واشوف شلون تصفى
-حبيبتي صدك تحجين هذا بيتج عايشة بخير ابوج اني لهسه نص فلوس هذا البيت من ابوج
الله لا يوفقك امجد على الي سواه بيج جان هسه انت مزوجة ومستقرة
-الحمد الله على كل حال مااكول غيرها
عمة اني تعبانة اريد انام راسي راح ينفجر من القهر والتفكير
-حبيبتي سوده علي صدك هيج يسوي بيج عزة بعينك سرمد مزوج ارملة كرة عين امك
اندك الباب حيل
-عمة اكيد هو فدوه مااريد اشوفة ولا بعد ماعندي طاقة تحمل
-فوتي للغرفة واني اعلمة
فتت ابتهال بت عمة احلام جانت بالغرفة
جانت هم طالبة سادس ادبي
-هلو حبيبتي شجابج عمري انت
بجيت
هاي شبيج شكووو
سرمد مزوج علي
يا عزه صدك
اسمع صوته
وينها عمة طلعيها بس خل نتفاهم
-شتتفتهم ولك مزوج ترملة عليها ليش شناقصها عايش بخيرها انت وابوك كعدتكم ببيوت وبفلوس ابوها صرت ضابط
-عمة عوفينا من هالحجي وينها
-فاتت جوه تنام بعد تحلم ترجعها
دفع باب الغرفة فات
-اسف ابتهال بس اريد احجي وي رند ممكن اطلعين
-ابتهال لا اطلعين كل حجي ماعندي وياك بس من اجيب طلكني وخلص كافي سرمد تعبت والله خليني استقر
ماقصرت وياي ع كولتك سترتني وكعدتني ابيت وتحملتني هواي كافي بعد
-شتحجين انت رند والله احبج
-يي مبين والدليل ازوجت علي
-غلطت سامحيني
-مااكدر سرمد عوفني فدوه كافي والله زواجنا غلط من البداية
-بس اني والله احبج اموت عليج مااكدر اتخيل حياتي بدونج حتى زواجي من لجين بسببج بس علمود اشوف الغيرة بعيونج بس حتى اعرف تحبيني لولا
-وهسه عرفت
-جنت استمتع بغيرتج افرح هواي من اشوف الغيرة بعيونج من اول يوم شفتيني اخابر وكتلج ملك شفت حب وغيرة منج حيل فرحت وعجبني اكمل
-تستمتع بعذابي صدك تحجي
-لا بغيرتج علي لا تلوميني......
سرمد عوفني كافي رجعة ماارجع للبيت ولا الك ابد ولا تبررر ولا تتعذر ولا تكلي احبج
روح للي خنتني وياها تحبك وتبجي عليك اني ماافيدك واشكرك ع كل الايام الي عشنة بيها سوه
ولا تخاف الطفل عندي اربي احسن تربية
-انت عصبية هسه اعوفج فترة وارجعلج
-لا فترة ولا شي هذا اخر قرار عندي ..
باوعلي وطلع
اسمع عمة تصيح عليه بس هو مجاوبها سد الباب حييل وطلع
كعدت ع حيلي ابجي ماعندي غير الدمع وسيله
اجني يمى يواسني بس مدا اكدر اسكت احس نفسي مغبونة وماالي احد يطلع حقي
الى متى ابقى يم عمة احلام هم عدها ولد وزوجها ويردون ياخذون راحتهم اني شكوو بنصهم
قررت اروح لبيت عمو لؤي اكعد عدهم
تحملت كولشي ورحت يمهم
جان بيتهم هم بالغدير قريب ع بيت اهلي القديم
بديت اداوم مناك لكليتي
سرمد هواي يتصل ومااجاوب ويدز رسائل بس سامحيني بس جاوبي بس ارجعيلي
بس اني ماارد
عمو لؤي هالمرة صار وياي وتعارك وياهم علمودي كلهم بكتوا فلوسها وبيوتها وذبيتوها
ومرة اجة سرمد بالليل ويمكن جان شارب
دك الباب
وعمو فتحلة واسمعة يصيح وين رند طلعوها الي بس اشوفها بس احجي وياها
بس عمو طرده
ضل يدك بالباب ومحد يفتحة الة
وبقى كل فترة يجي ويطرده عمو واني مااطلعلة
الى ان اجاني للكلية
جنت بشهر التاسع بوكتها ونهاية السنه الدراسية
لكيته واكف بملابسة العسكرية
شافني واجاني سريع
-رند شلونج
-زينه بخير
جنت احجي وامشي
اوكفي اريد احجي وياج
-ماعندي حجي وياك
-رند كافي تعبت والله اشتاقيتلج ماتكدر بلياج صدكيني جاي اموت اني بلياج
-عليمن متسوة
اوكفي رند
لزمني
باوعتله عوفني منا الطلاب
وشمسوي زوجتي عادي ممسوي شي
-زوجتك بالبيت
اوكفي رند كافي الله عليج
باعلي
بطنج كبرانه انت بالتاسع مو
-سرمد طلكتها
-لا
عفته ومشيت
رند مااكدر اطلكها عندي اسبابي
طلعت من الكلية ع السريع
جايني وهو لهسة وياها يريدني نرجع
وهو لهسه يخوني
امشي واحجي وي نفسي
دا اريد اعبر الشارع وكفت سيارة سريعة كبالي ترست ملابسي طين
جنت عصبية حيل
صحت وعمة متشوف
وانكت بملابسي الي انترست طين
-رنددد
هذا الصوت مو غريب علي رفعت راسي
وجان اشوف حسام بالسيارة
صافن علي ضليت واكفة صنم
بلحضة احس نعاد شريط حياتي كلة كدامي
حساااام هذا حبي الاول حب المراهقة والشباب
حب حياتي
بقيت صافنه بوجهي وهو هم
-رندددد شششلوونج
وصوت سرمد وراي
رنددددد اوكفي
