رواية سواد الاثمد الفصل الأول بقلم نورس
عاش العرب منذ الجاهلية ، أعراف وتقاليد
استنبطت من وحي الوحشية
مارسوا فيها نظمًا استبدادية
على جميع الأصعدة كانت الأنثى في مختلف مراحلها العمرية من أبرز ضحاياه ..
ابتداء بعرف الوأد عند ولادتها ، مرورًا بأستعبادها وبيعها ، وصولًا لأمتهان البغي كحرفة إجتماعية
متخذين بيوت الرايات الحمراء أوكار للرذالة الجنسية .
حتى ظهر رجلٌ ، أحدث ثورة في تأريخ البشرية فقطع يد الأستبداد ، وحرم الوأد وقنن العبودية بضوابط مصيرية وألغى بيوت البغاء ، وأفسح للمرأة مجالًا واسعًا في العمل والتعلم والمشاركة في المعارك وأيد حقها في المسائلة القانونية .
#سواد_الأثمد
| #بقلم_نورس | ____________________
صوت اختي تصرخ اركض والهث بتعب اريد اوصل للغرفة وكلما اوشك على الاقتراب احس الباب يصير بعيد عني اكثر
صوتها شك گلبي تبجي وتصرخ بهستيريا وصلت بصعوبة واحس رجلية مخدرة يادوب احركهم كلبي يدك والعرق يتصبب من وجهي جان الباب مفتوح
واكفة بزاوية الغرفة بيدها لعابتها شافتني اشرتلي اسكت وفاتحة عيونها بشكل مرعب تحذرني من الاقتراب
ما اهتميت وتقدمت فتحت الباب اكثر جان كبالها واكف بضخامته مخيم سواده على جسمها الناعم ، اندار لمحني وضحك بطريقة قذرة وهو يلعق اسنانه بطرف لسانه
تراجعت ليورة بخوف من نظرته الوحشية جسمي يرجف وكعت بالكاع رجلي احسهم انشلوا صرت ازحف مبتعدة من الغرفة واسمع صرخات نورجان صارت تعلى
دموعي تارسة وجهي واتنفس سريع مثل الفحطانة واهمس بقلة حيلة :- بابا حبيبي وينك .. بابا نونايتك دتصرخ الحك عليها حيق تلها .. حيق تل برائتها
وصلت لغرفة ماما وبابا زحف الباب مفتوح على حيله
د م يصب عالجرباية بغزارة اللي تحولت لبحر دم رفعت راسي صارت عيوني بالسكف .. بابا معلك
صار خيال اسود فوك راسي درت وجهي بفزع وشفته وراي عيونه حمر نظراته تخوف قميصه مشكك واكو جرح جبير بحاجبه ينزف ملطخ نص وجهه جان لازم لعابة نورجان بأيده بيها آثار دم
نزلت دموعي وزاد خوفي اكثر من شفته يتقدم عليه حاولت ازحف مبتعدة نزل للكاع وسحبني من رجلي يقربني اله اكثر بحة وصرخات مكتومة تطلع من صدري عين بيه وعين على بابا اللي اختفى فجأة ..
نورجان :- بان بااااان اكعدي
فزيت برعب على صوت همساتها وهي تهزني بنظرات خوف وفزع مالية وجها
حلكي يابس ما اكدر ابلع ريكي اشرتلها مي راحت تركض جابتلي بطل ردت اشرب شفايفي ترعش وجسمي كله يهتز من الرجفة مسيطرت وكع من ايدي
ساعدتني هي وشربتني شويه وغسلت وجهي اباوعلها تبجي ولازمة ايدي بقوة تهدأ من رجفتها
عافتني ومشت للجهة الثانية ندستها من جتفها وتهمس بخوف
- ماما ماما كووومي
كعدت دارت راسها بنعاس مضيكة عيونها :- شكو ؟
- بان دترجف
فزت بسرعة من مكانها واجت لجربايتنا كعدت يمي تتفحص وجهي بخوف
شدن :- دتسمعيني بان
ما اكدر احجي صوتي انبح او شبه اختفى مثل مصار بالحلم اكتفيت بأن اهز راسي
همست
- نفس الحلم ماما ؟
اشرت اي اخذتني لحضنها وتمسد على راسي تحجي تهدأني بكلمات دافية :- خلص امي اهدأي وله راح
ضلت بالربع ساعة على وضعها ارتاحيت شوي ورخة جسمي قلت الرجفة وصرت اسحب نفس بهدوء باوعتلي
- شلون صرتي ؟
شهربان :- زينة وخري
حجيتها ودفعت ايدها كمت طلعت من الغرفة رحت للحمام الجو بارد حيل بس احس روحي ناكعة من العرك ومبوخة
نزعت ملابسي وفتحت الدوش المي ثلج بس من كد ما محترة صرت ما احس ببرودته اخذت دوش سريع سمعت الباب يدك
فتحته مادة راسي انطتني الملابس والمنشفة كالت
نورجان :- كافي المي بارد ماما تكول خلي تطلع حتتمرضين ونشفي زين قبل لتطلعين
اخذتهم منها لبست بسرعة بدون تنشيف وطلعت شعري ينكط دخلت للغرفة شافتني كالت
شدن :- وشنو عود تنكدرين
مهتميت ورحت لفراشي تغطيت ولافة روحي بالبطانية ميتة برد الشباك مال غرفة مكسور من الطرف يصل برودة علينا كل مرة ماما تخلي كارتونة تسده وترجع توكع قصص ماي هوبس
رجعت الرجفة لجسمي بس هالمرة من البرودة اللي احسها كصت خشمي كص
- ماما شوفيها رجعت دترجف
- عوفيها طبها مرض نكلها نشفي صخمي لتتمرضين ما ادري عناد هو لو شنو
حجتها ودارت وجها تريد تنام خمس دقايق ورجعت اندارتلي واستغفرت تنافخ بضجر صاحت لنورجان
شدن :- امشي ماما جيبيلها التدفئة خلي تدفى عليها
راحت جابتها واجت شكلتها بالنقطة وخلتها عالميز اللي يم جربايتنا ودارتها عليَّ مديت ايدي ادفيها انصكيت
هزيتلها راسي صاحت ماما بينا حتى نطفي الضوة
ركضت طفته وعافت التيبلام مشتغل بإضاءة خفيفة
اجت من الجهة الثانية مددت بصفي وتغطت بالغطة
رجعت همست :- بان
- خير
كعدت متجية ظهرها بمستواي وتحجي بصوت ناصي
- شبيج صوتج ماما لتكعد
- عنها مكعدت
- لتحجين هيج ما أحب من تحجين ويانا بهذا الأسلوب
لميت شفايفي بقهر ورديت :- شترديني اكلج نوم مثل البشر مدا اكدر انام صار سنين نفس الحلم ونفس الخوف ونفس الشعور بكل مرة صرت اخاف اغمض عيوني لا اشوف وجهه اخاف من يجي الليل واحسب الدقايق حتى يخلص واشوف الشمس ويخلص كابوسه
دنكت راسي عيوني تحرگني من الدموع المتجمعة بيها
همست :- تعبت اني تعبت نورجان
حضنتني وهي تحاوط كتفي
- ماما كالت نهاية هالشهر أستلم راتبي وتعرضج على دكتور نفسي
- وشراح يسوي الدكتور ينسيني وجه الخلاس القذر لو ينسيني منظر بابا وهو معلك بالسگف والحبل برگبته
رادت تحجي سكتتها :- كافي كتلج انسي الموضوع
بعدها دتحجي واندك باب الغرفة كامت فتحته صوت خالو دخلت كعدت ماما وهو دخل وراها يباوعلي
كاملته ماما كالت بصوت مبحوح :- ها فؤاد
فؤاد :- صاير شي سمعت صوت البنات استغربت عبالي نايمين
- بان شوي مريضة واختها سهرانة وياها
- ها سلامات ..
عين علينا وعين عليها غمز وأشرلها عالباب هي افتهتمت الرنة كامت لمت شعرها اخذت روبها لبسته كالت :- هسه اجي لحد تطلع
رفعت راسها شافتني :- وين رايحة بان
- انطمري بنتي مو شغلج
حجيتها وطلعت امشي على كيف حتى لا اطلع صوت البيت ظلمة كلها نايمة نزلت جوة جان گلوب المطبخ مشتغل
دا امشي وايد لزمتني نزيت ودرتلها خزرتها
- شبيج انتِ اليوم مستگعدتلي
- رجلي على رجلج
- لعد اسكتي وبلا صوت
وكفت على مسافة وراي نورجان حتى باب المطبخ سادينه هالكد الموضوع مهم بحيث محجوا كدامنا
- الرجال مستعجل شدن كل يوم اكله بس هاليومين وارجعلك خبر حتى مل من عندي
- مو هيج الرجال من زمان محاجيني واني لهسه ما انطيته جواب وساكت لخاطرج الا هو ميتفوت
- اسماعيل العركجي ميتفوت ؟
- هسه ديلا يا عيني منو بينا ما شارب اخذيه انتِ واعدلي بطريقتج
- خوش والله صرت مركز اعادة تأهيل للعركجية
- اهووو انتِ الظاهر مو مال عيني واغاتي الباجر يجيني اكله موافقة يجي يجيب وياه الشيخ حتى تعقدون وتفضوها صار شهر اكل راسي
- افرض وافقت بناتي شنو مصيرهن
- بناتج يبقن هنا هو من زمان كال البنات ممسؤول عنهن
عفتهم وصعدت راجعة للغرفة محترك دمي
كعدت عالجرباية اهز برجلي اجت وراي
نورجان :- صدك حتوافق وتعوفنا ؟
- ما ادري
اجت كعدت يمي همست :- ماريد ابقى بيت خالو باجي تموتنا والله هو احنا بوجود ماما واسمها تصيح وتضرب شلون عاد لو تزوجت
دخلت ماما للغرفة عقدت حواجبها :- شو كاعدات ؟
گمت صرت بوجها :- خلي ابالج بيوم التتزوجين غير بابا اعوفج واروح لبيت عمو سالم ما ابقى هنا
- هاي جنتي تتسمعين ؟
حجتها وكعدت عالجرباية وكملت كلامها :- وكولي تزوجت وانتِ رحتي لبيت عمج شنو ابالج راح يستقبلج بالأحضان هو ومرته
- غصبًا ما عليهم يتحملونا لعد بس بالاسم أهل
- انتِ كلتيها بس اسم ..
سكتت شوي مدنكة راسها بين اديها
نورجان :- ماما ماريد ابقى هنا ولا اريد اروح لبيت عمو
رفعت راسها ردت بسرعة :- شبيج امي هسه اني وافقت شو دتحجن عبالك باجر العرس
- اخاف خالو يغصبج مثل هذيج المرة
- لا مو بكيفه دا أشتغل وانطيه يعني مستفاد مني بس هذا اسماعيل ديضغط عليه وتلگينه عارض عليه مبلغ قوي ويريد خالجن يجي يقنعني حتى أقبل بيه
رفعت رجليها وتمددت على جربايتها كالت :- نامن ماما ولتفكرن بهالموضوع مراح يصير شي من اللي براسجن
شهربان :- بزواجج الأول هم كلتي هيج
باوعتلي بعتب :- وتالي بان ؟ ليش دتصعبيها عليَّ
كتلج ما أوافق ولو فرضًا وافقت ما أعوفجن
- نشوف
حجيتها ورحت مددت دايرة وجهي للحايط
نورجان طفت الضوة واجت نامت بصفي
بس چذب اذا غمضت عيني راسي أحسه يريد ينفجر
النوم هاجرني ولو نمت ما أتهنى بالنومة من الكوابيس
حتى ماما جانت كاعدة كل شوي اسمعها
تتحسر وتتنهد ما ادري بروحي شوكت نمت
كعدنا الصبح على حركة ماما وهي تركض منا ومنا مدري تلبس مدري تدور حذائها لو كل شوي توكف عالمراية تعدل مكياجها وشعرها ومستعجلة حيل
لبست سترتها ووكفت تلم بحاجاتها بالجنطة ودارتلي شافتني كاعدة
شدن :- بان كعدي اختج اتريكن ونظفن مكاني احتمال اتأخر اليوم ولتتلاسنين ويَّ نسرين أرجع تعبانة حيلي مهدود اذب روحي بالفراش مالي خلك للمشاكل والمفاوضات
شالت حذائها وجنطتها وطلعت تركض رحت للحمام غسلت وجهي ورجعت للغرفة لكيتها كاعدة تفرك بعيونها
شهربان :- كومي سويلنا ريوك
كامت من فراشها غسلت ونزلت للمطبخ
قبل لتگعد مرة خالي وتبدي بالأوامر رتبت الغرفة والفراشات ولميت الهوسة العافتها ماما وراها
رغم شكد متأخرة بس متطلع مبهذلة ابد الملابس تستنكي بيهن وكل يوم لبسة لازم رغم حالتنا المادية على كدنا وراتبها يادوب يكفي يطلعنا الشهر نص طاير على مصرف البيت ونص على ملابسها ومكياجاتها
ساعة التتمرض وحدة بينا لو تصير فد حالة طارئة تنجبر تشتغل شفت ثاني حتى يزيدولها الراتب
لو تداين من زملائها بالشغل وهيج مخلصيها
كملت وكامت تغسل المواعين عفتها تنظف المطبخ
واني جبت أداوت التنظيف وبديت أنظف البيت
لازم قبل ما تكعد مرة خالي احنا مكملات كل الشغل
هم يضلون نايمين لوقت متأخر بس خالو يكعد لشغله
ويا ويلنا لو كعدت وشافتنا بعدنا دننظف تسويلنا عرس
كملنا من وكت وصعدنا لغرفتنا طلعت جنطتي وكعدت أقرا تحاضيري نورجان واكفة عالمراية تلعب بالمكياج
صحت بيها :- عوفي التملطخ تعالي أقري باجر امتحان
باوعتلي بأنعكاس المراية :- بعدين مالي خلك
سكتت ولهيت روحي بكتابي
كالت :- گومي نورجان سوي ريوك لخالج ديروح للشغل
رادت تگوم لزمت ايدها أمنعها
شهربان :- متشوفيها دتقرا
- مطايرة القراية تكمل الريوك وترجع عود ماكو هيج على أساس تحضر للدكتوراه
نترت بيها :- يلا فضيني
- هو رجلها لو رجلج روحي انتِ سويله
- بان معليج لتخلين ايدي تهف ترى محملة عليج قيامة
دا أحجي لزمتني نورجان وأشرتلي برجاء حتى
أسكت وكامت بسرعة نزلت وياها عالمطبخ
رجعت التهيت بقرايتي مر وقت طويل استفقدت نورجان هو ريوك شدعوة هالكد تأخرت
نزلت أدورها لگيتها دتغسل مواعين ظهرها عليَّ
شهربان :- شدتسوين صار ساعة
ما ردت وضلت دايرة وجها مشيت يمها جريتها درتها عليَّ :- دا أحجي و....
قطعت كلامي عقدت حاجبي واني أشوف
الدموع بعيونها وجها أحمر دم من گد البجي
- شبيج ؟ نورجان :- ماكو شي
- نورجان لتخبليني احجي شبيج ليش تبجين باجي ضربتج ؟
من حجيت هيج انهدت بجي گامت تشاهگ ردت من بين شهگاتها :- ماكو شي بان
- معليج انتِ ماما كالت روحي لنورجان
باوعت للطباخ لگيت قوري الچاي شفته حرورته بيه
أخذته وانداريت لسمية لزمتها كامت تشمر بروحها
نورجان :- بان شدتسوين عوفيها
جريت ايدها وصبيت عليها چاي
كامت تگمز خبصت البيت بالصريخ
لزمت نورجان وركضنا لغرفتنا وقفلت الباب
كامت تلومني شلون سويت هيج محجيت
يمكن دقايق واجت مرة خالي تفتح بالباب شافته مقفول تخبلت بالزايد كامت تصيح وتفشر علينا
غلطت فشرت صاحت لحد مجزعت عافتنا وراحت
لهناك وأسمع صوت هوسة وصياح جوة واحنا بغرفتنا
وراها صار هدوء اندگ الباب واجانا صوت ماما
اجت عليَّ :- اني شلون ما أرتاح من مصايبج شوصيتج مو كتلج اتجنبيها بس لبين ما ارجع ليمتى تضلين بهالعناد لشوكت ابقى اني أطمطم عليج
راح تجلطيني بان راح تجلطييييييني وكلام الله
تعبت منج لج شنوووو انتِ غضب ابتلاااااااااء
شهربان :- خلصتي ؟
رفعت حاجبها :- لا والله ؟ وبكل صلافة
- حرگت ايد نورجان شترديني أسكتلها
- وترجعين تحرگين ايد بنتها طفلة هاي شذنبها
- طبها مرض تحرك گلبي على أختي أحرك گلبها بــ بنته
ضلت ساكتة واگفة متخصرة وتباوعلي
هزت راسها :- احتاريت شحجي وياج ما أدري
شمرت جنطتها عالجرباية ونزعت السترة راحت لنورجان تشوف ايدها :- تأذيج ماما ؟
نورجان :- شوي
جابت عصارة حروق وخلت لأيدها وگعدت على جربايتها مدنگة راسها بين اديها وتهز رجلها بأعصاب
احنا وحدة تباوع للثانية نخاف نسألها وتگب
علينا عاد هي من وحدها رفعت راسها شافتنا
شدن :- ها خير شكو تباوعن
- راجعة من وكت
- المدير صرفني شافني تعبانة كال خطية خلي اكسب بيها ثواب وارجعها لفراشها تدفه
نورجان :- شعجب كل مرة يأخرج ويخليج لساعات اضافية
مرت الساعات وصار العصر انفتح الباب وفاتت باجي جنت متمددة عالجرباية شبه غافية وفزيت على صوتها
نسرين :- كومي انتِ بنت الچلب للمطبخ
عضيت شفتي من غلطت على بابا گوة لازمة روحي كل وبالي جاية دتعاقبني لو تضربني على السويته ببنتها
صاحت :- وييييامن احجي
- تردين تضربيني هياني گدامج بلا صياح
- دكلي خ** بنت الزفرة كوومي فضيني للمبطخ حضري ضيافة تلكين كيك جاهز وعصير عالكاونتر
- شكو منو جاي
تخصرت بشماتة ولوت شفايفها
- رجل امج
أحس گلبي انخمش نزلت أركض ادور ماما ودمي يفور لگيتها كاعدة بالصالة ايدها على خدها وصافنة بالحايط
- انهزم والله ما ابقالج دقيقة هنا
- سوي التردينه اني بعد مالي قابلية للحجي
سكتت معرفت شحجي ليش هيج ساكتة مو عوايدها
دائمًا عرك هي وخالو لحد متسكته وتسد الموضوع
- بس گوليلي وافقتي ؟
- انطردت من الشغل
- شنو يعني ؟
- شيعني بان منين اعيشجن واصرف تعبت افتهمي انتِ مو صغيرة
- يعني وافقتي
ضلت ساكتة تباوعلي :- مبروك ماما هاي راح تخلصين من عدنا اثنينا اني تشمريني على عمو سالم ونورجان على خالو وانتِ خلي يحلالج الجو ويَّ رجل جديد
- ليش هيج الكعدة خاصة ومتقبل ننزل ناكل وياهم
- يا هم ؟
اخذت اللفة منها وكعدت اكل مليت
من ثولها عاد وين يلا استلمت
اندارتلي :- هاااااا قصدج على اسماعيل - اي ؟
- تره راح من زمان هو والشيخ واصلا معقدوا ماما شرطت عليه بيوم العرس يلا يعقدون بس كملوا واتفقوا عالمهر وانطاها فلوس وكلها الاسبوع الجاي العرس
- مستعجلين الجماعة
- ماما ما انطته مجال بسرعة حسمت الموضوع وكامت منهم عافت خالو يحجي وياه
- اي باجي نسرين من اجه خالو شكتله من السويتيه بسمية وكامت تصيح ما اريدها بالبيت وخالو راد يخابر عمو سالم حتى يجي ياخذج بس ماما منعته وكالتله راح أقبل بس عوف البنات هنا
عفت الأكل من ايدي احسه صار سم عليَّ اباوع لنورجان هدوئها غريب معقول متقبلة الدا يصير
لليل فاتت ماما أشرت لنورجان راحت الها
وكعدن يتهامسن بس صوتهن يوصلني
شدن :- رايدتج بشغلة بس كون تدبريها نورجان :- شنو
- فلوس المهر مالتي عند نسرين
- مو شفتها انطتج ياهم
- نصهن والباقي ضمته عندها عبالها غشيمة وتفوتني
- عزززة ابوك يعني
- اكلي تبن لج اني اعلم بنتي على مدة الايد تالي عمر فلوسنا هاي ماما حقي فلوس مهري هي الباكتهم
- اخاف تلزمني
- اني واكفة يمها من تريد تجي للغرفة اصيح عليج تطلعين بسرعة
- اخاف والله
ضربت كصتها بيأس ساعة وهي تفهم بيها وهاي كاتلها الخوف وحقها غرفة باجي صايرة جوة كبال المطبخ النملة متفوت اذا ما الها علم بيها تنلگف يعني تنلگف
گمتلها قاطعتهن
شهربان :- الفلوس تجيج بس شنو المقابل - تدبريها ؟
- لعد نورجان التدبرها
غمت نورجان :- الثولة صيري مثلها
- المقابل شنو
- تدور وياي مقابل بنت شدن
- لعد بلاش ؟ ما اسوي شي خلي نورجان تجيبهم
- خرب روحج الا بمصلحة
اجيت امشي واعوفها جرت نفس
- تمام كولي شتردين
- هسه ما ابالي شي من يجي وكتها اگولج
- بنت الصخلة لعد صار ساعة تتماطلين وياي عليمن
رجعت لمكاني كعدت وألعب باظافيري وگفت متخصرة
- شراح تسوين
- مو شغلج
- والفلوس ؟
- كتلج تجيج شلون معليج
ضلت بمكانها تباوعلي عافتنا وطلعت
اجتني نورجان كعدت بصفي
- شراح تسوين بان
- شسوي ؟
- شسوي يعني
- راح اغافلها واختل بغرفتهم منا لمن ينگبرون ينامون سويلج هوسة بالطرمة وعيطي واني اخذ الفلوس واشرد
- الله يعني براسي براسي
- جيد بديتي تفهمين
جريت مخدة خليتها جوة راسي
ضربت گصتها مثل التذكرت صاحت :- صدك مگتلج هذا المدير الچلب بطلها من شغلها گلها عندنا هواي موظفين ممحتاجين
- توج استلمتيها
- شمدريني هسه يلا كالت لخالو وسمعتها وباجي من درت حاطه راسها وراس ماما
درتلها بسرعة :- شسوتلها ؟
- اهدأي مسوت شي بس تذبلها حجي يسمم وماما مسكتت الها وخالو واگع بيها بالنص كل شوي وعيرها لان گاعدين بـ بيتهم
- اي مو بيت الخلف مرته غير ماكل حصة ماما ومسجل البيت بأسم مرته البربوقا وضيع حصته وحصة ماما على ساعة تطردنا احنا وياه ونصفى كلنا بالشارع
- شدعوة هيج ضعيف شخصية من جانت ماما تسولف النا عليه قبل شلون يخاف منها متوقعت لهالدرجة
- غسلت ايدي منه من باجي لزمته كتلته بالشحاطة بأول يوم اجينا هنا وسوت النا طردة جماعية لوما الراتب مال خالو وماما كالت الها اشتغل واشارك بالمصرف مال بيت فلا تلفينا
- بس والله كتلته كتلة
- يستاهل المرة
لليل كلش بدوا يطفون اضوية البيت بنات خالو صعدن نامن وباجي دخلت للحمام خالو بالصالة يباوع تلفزيون خليت نورجان تراقبلي المكان اشرتلي يلا ..
جفتت للغرفة مالتهم ختلت بالزاوية مال ملابس صايرة بين الكنتور والحايط وخليت الملابس فوكاي ضعت ما انشاف
لشوي وطبوا هي وخالو للغرفة يسولفون اني احس روحي سبحت بالعرك من الخنكة كتمت نفسي خاطر لا اطلع صوت سمعته يكلها
فؤاد :- اليوم الصبح اجاني واحد من طرف عم البنات انطاني الراتب الشهري مال مصرفهن خابرته واني بالشغل كتله بناتكم مرجوعهن عليكم واختي راح تتزوج بعد واني مو حمل اشيل مسؤوليتهن يادوب اعيش عائلتي
- وشگلك بس لا رفض
- بالعكس استقبل الموضوع وكال اني ردت اخابرك وسبقتني رجع فتح موصوع نورجان القديم ويَّ بيت شاكر وگلوله عبد الكريم انسجن وانحكم ٥ سنوات ميگدر ياخذها
- وتالي
- گلهم اخوه عبد الإله يعقد عليها وياخذها بدال عبد الكريم
- وقبلوا ؟
- شحدهم ميقبلون هذا عمهن ملعب حتى القانون وياه يكلج يتزوجها ٣ سنوات بعدها يطلك والسالفة قبل تأجلت لان البنية جانت صغيرة مو مال زواج وهسه كبرت شنو المانع
- شنو بكيفه اني هاي الملسونة ما أتحملها اشمرها عليه
- كتله وكلي ميخالف اني اخلي واحد من الولد يعقد عليها ونجيبها يمنا حصة ابوهن متوزعة عليهن وميردون الورث يروح لغريب بس مو هسه بعد ميفض موضوع نورجان وي بيت شاكر
- هي شكد حصة حارث ؟
- ما اعرف محاجين بيها اصلا كالوا ابوه حرمه من الورث بعدين وره موتة حارث طلعت سالفة الحصص وطلع ابوه مخليله حصة حاله حال اخوه وخواته بس شكد وشمسجل بأسمه محد يدري غير عائلتهم
- لعد اذا حصة حارث بأسم بناته لتنطي شهربان
عقد حاجبه :- مو هستوج تردين تخلصين منها
بطني مغصتني حيل ودمي محترك نفسي زاد گلبي يدك سريع احسه يريد يطلع من صدري يتقاسمون بينا ليكول وصلة كاع
طفوا الضوة صرت اسمع سوالف واصوات المفروض ما اسمعها مغمضة عيوني بكل قوتي وحاطة ايدي على حلكي لا الوصها من كد اللعبان نفس والغثيان الاجاني
مرت بالربع ساعة انطمروا كل دقيقة العن بنورجان عالساعة الفكرت اعتمد عليها الثولة بس لا نامت ونستني
واني غاركة بتخميناتي جان تكب العيطة بس الصوت مجان لنورجان مال سمية بنت خالو الصوت جاي من غرفتها كمزوا اثنينهم طلعوا يتراكضون
طلعت من مكاني سحبت نفس طويل واهفي على نفسي مشيت بسرعة واتلفت فتحت الكنتور وادور بين الملابس ملگيت شي وين ضامتهن هاي
رجعت للكنتور كمت ادور بالداخليات مال القذرة وصدك لكيتهن بيها همست :- الوسخة لافتهن بــ لباساتها
شلت الملابس انكث بيهن متقززة تطشرن الفلوس بالكاع لميتهن بسرعة وخليتهن بجيوبي رجعت كلشي لمكانه وطلعت من غرفتهم طفرت للطارمة
انتظرت لحد مشفتهم نزلوا ودخلوا لغرفتهم ضليت كاعدة بمكاني شفت نورجان نزلت وعيونها تدورني
أشرتلها بأيدي شافتني واجت تركض
نورجان :- هاا ؟
مديت جيبي أشوفها الفلوس فتحت عيونها
- لج ذن هواي
- حقنا مماخذين من احد
هزت جتف مكيفة جان تكول
- ليش احنا مثقفين ؟
- صار عدنا فلوس واي واحد عنده فلوس ويحجي بغدادي يصير من طبقة المثقفين الأرستقراطية
- امدة الثقافة اذا هيج
صعدنا للغرفة لكينا ماما تحوص تروح وتجي
لحد مشافتنا طبينا جرت نفس
شدن :- وين جنتن برابيك
نورجان :- ما اسمحلج رجاءً كولي بربوقات
- تصنف علي بنت الصخلة الفلوس وين ؟
مشيت يمها طلعتهن الها فتحت عيونها
- بان ماما متأكدة ماخذة بس فلوس المهر
- انتِ اسكتي لا اهفج على حلكج
- جلاب مال همج احنا ناس مثقفين
- منيلنا الثقافة يحظي
- نحجي بغدادي وصار عدنا فلوس
- بس ليسمعج واحد ويصدك
كعدت تحسب بالفلوس واخذتلها صفنة باوعتلي
- بان شحجوا بعد شسمعتي عمج ليش ديدز هالفلوس ومن شوكت
- ليش ما ادري من شوكت مبين من زمان
- حنين ابن الجلب
- ماما كلب رجاءً
درت لنورجان مدنكة تأشر بأيدها وبالها شاطح
- شدتسوين
- اكلج اذا بربوك جمعها بربوقات وجلب تصير كلاب لعد الگ*** شنصيحلها بالمثقف ؟
- وانتِ ثقافتج بس بالفشار
- هسه دكولي
- نصيحلها عاهرة وجمعها عاهرات
- خرب عرضج شكد مثقفة
هزيت ايدي ومشيت لفراشي شلت الغطة اريد امدد وشفتلي بزونة سودة صغيرة بمكاني درتلها
- هاي منين ؟
- لكيتها الصبح بالطرمة تدور اكل واخذتها ضميتها بفراش سمية كمزتها بيها عبالها فارة
- اكول عاطت بس خطية كلش صغيرة هاي تريد امها
- موتتني انطيتها اكل مقبلت تاكل بس تناوي
- تريد حليب عمرها مو مال اكل
- اخبطلها طوز ؟
- لا نگعيلها خبز وسوب فد مرة بماعون كبير
- ما عدنا مرك منين اجيبلها بهالليل راح انكعلها خبز وحليب
- شوف حظي صدكت حليبهن خاص هذني الحليب العادي ميهضمنه يموتن
- ياااااا خطية لعد منين نجيبلها
اجت يمي حشگت روحها والبزونة بنصنا
- راح تجعصيها وخري
- ما اخاف أريد انام يمج
🤍🕊
شلت البزونة خليتها على صدري ودخلتها جوة التيشيرت مطلعه بس راسها
بالي ضل يم ماما وين راحت عاد شوي وانفتح الباب وفاتت للغرفة تفرك بأيدها من البرد نزعت السترة ومددت بفراشها يلا كدرت اغمض عيني ونمت
اليوم الثاني جان احد عدنا مدرسة بداية اسبوع مالي خلك روحي وخفت عالبزونة منو الها مداومت ولأن نورجان كلش تحب المدرسة هم قررت تغيب
لكينا ماما كاعدة قبلنا مسوية ريوك الچاي ريحته
تخبل وجايبة صمون حار كعدنا ناكل گالت
- اروح وياج لعد أخاف تكتلني
- هو هيج وانتِ بان تجين ؟
- اي اريد اشتري حليب للبزونة
- لعد بسرعة كملن اكل واصعدن بدلن
كمنا اثنينا بدلنا ونزلنا بيدي البزونة شافتنا :- جواريب يثول تروحن توكعن علي وين اولي بيجن وحدتجن جنها دجاجة
نورجان :- بقبق بيق
غمتها وصعدت هي لشوي نزلت مبدلة ملابسها العطر ريحته وصلت سابع جار وشعرها رافعته كعكة نازل منه كم خصلة من الجوانب شمرت علينا زوجين جواريب
- البسن فضني طار الوكت
لبسنا وطلعنا من البيت همزين محد كاعد جان صار استجواب طلعنا نتمشى ندور على بيطري للبزونة بالساعة احنا نمشي ماكو عبالك اختفن بنص الطريق
-باااااااان
- ما تكعيب
- اشتعل ابوج تصنفين علي؟َ
صحت :- لتغلطين على بابا
- دنعل اليوم العرفته بيه وخلفت منه هالخلفة الزفرة صوتج بنت الصخلة وين كاعدين
كملنا مشي وبعد معاناة لگينا عيادة اشرتينا حليب وممة وشفتلها لعبة عجبتني اخذتها وخليت الدكتور يفحصها وماما ميتة مني كل شوي تخزرني
نورجان تكمز تريد تجيبلها حفاظات وماما لصمتها بعدين تذكرت صدك هاي وين تفرغ حاجتها درتلها
حجيتها ودنكت امسح عليها راحت لوحدها جابت واحد
صارت دنيا العصر تعبنا من الفرة دخلنا مطعم اكلنا بضحكة نورجان وهدوء ماما نسيت همومي كلها ملتهية بالبزونة سودة وعيونها خضر تجدح سميتها جداحة
خلصنا اليوم كله تفرفر على كد ممحبوسات بـ بيت خالو
ماما قافلة تليفونها حتى لحد يتصل جانت منطلقة ويانا راحت على صالون گصت شعرها وصبغته وسوت اظافرها تغيرت نفسيتها
صارت دنيا الليل رجعنا متونسات بيدنا العلاليك قبل لنوصل لبيت خالو شفنا سيارة عالية سودة واكفة گبال الباب
دخلنا للصالة صار بوجهنا عمو سالم كلنا تفاجأنا بوجوده حجت ماما :- السلام عليكم
- البنات الدتحجي عنهن بناتي اطلع اطب رجلهن على رجلي محد اله الحق يتدخل بعدين منين اجتكم هالمحنة توكم تذكرتوا عندكم بنات
- انضبي شدن لا اضبج بطريقتي كم يوم وتولين تتزوجين بنات اخوي ميربن عند رجال غريب اخذهن منج
- مصدك بابا اخليك تطول وحدة منهن
- زوجج ميريدهن
صفگت بيدها
- بححححححح ماكو لا زواج ولا عريس بناتي بحضني اليتقرب النا احركه واحرك الخلفة
حجت هيج كاملها بسرعة هجم عليها سحلها من شعرها كامت تصرخ وتفشر عليه وصارت هوسة خالو لازمة من جهة وباجي لازمة بأيد خالو تريده يوخر
لان عمو ضخم حيل شكله صار يخوف داست وياه ماما بالكلام ومستمرة تعد وتسب صارت بيده مثل اللعبة ومنين متجيها الضربة
شمرت البيدي ولزمته اريده يعوفها عضيته من ايده
گمز نتر ايده يباوع بيها تخبل وصار يباوعلي بخزرة
صار يتقدملي واني ارجع لزمتني باجي من ورة دفعتني
نسرين :- اهووووو شو دخذها وفكنا ادري ابتلينا بنات اخوك خما ابتلينا
لزمني من شعري كلها
سالم :- ماخذهن على هالدياحة الشفتها اليوم ميضلن ولا دقيقة بهالبيت واختك الساقطة اني الها
دار وجهه عيونه تدور بالمكان لحد ما لمح نورجان حاشگة روحها بالزاوية بيدها جداحة وترجف
مشى عليها هم لزمها من شعرها ورفعها يسحل بينا اثنينا يريد يطلعنا برة ماما جانت منتهية بالگاع من الضرب شبه فاقدة لحد مسمعت صرخت نورجان
طلعنا برة وشخطت سيارة كبال البيت نزلوا منها ٣ زلم تقدمهم رجال جبير صاحب كرش يمشي بهمة ما ادري شحجة وي خالو وعينه على ماما
گامت ماما ركضت عليه تتوسله وتبجي تأشرله علينا مجنت افهم الا كم كلمة لان كلامهم بالكردي اجه وكف گبال عمو مد ايده
اسماعيل :- سلام عليكم كاكا سالم
هنا عمو انحرج عافنا وصافحه ركضت نورجان لحضن ماما واني متحركت صايرة بيناتهم مترقبة اللي حيصير
وكفوا كلهم يحجون وخالو صار مترجم هذاك عود يحجي عربي بس مكسر كوة ينفهم كلامه كل شوي وكله انتِ حنون .. انتِ ميصير تسوين هيج .. انتِ كلبج جبير هذول بنات صغار
مشت ماما من يمها گالت :- بس لو أعرف عليمن الزلم متكاتلة عليج أمج رگاصة بالملاهي وانتِ خلك گحبة ووحدة من بناتج عايبيها بصغرها شنو هالنسب المشرف
شدن :- مداس رجلي براسج بس العتب على أخوي اللي لفى شكولج الزفرة علينا
- بنت ام الملاهي طلعلها لسان
عافتها ومشت رحنا وراها
وگفنا برة الصالة ونتسمع عليهم ساعة يحجون كردي ساعة عربي ما افتهمت شي لحد ما انفتح الباب وطلعت ماما مدخنة جانوا رايحين محد باقي
صعدت اول بايتين الدرج واندارت اشرت النا گدامها ركضت شلت جداحة وصعدنا للغرفة سدت الباب
كعدت على جربايتها مدنكة وايدها على راسها
تنهدت :- كافي حبيبتي لتبجين اعرف ما بيدج شي
- صدكتي اني اعوفجن ؟
هزيت راسي بـ لا
نورجان :- لعد عليش جنتوا تحجون صار ساعة بالصالة
- انطاني مهلة للخميس الجاي ويجي ياخذجن مني وره العرس
- عرس ؟
باوعتلي وكالت :- عرسنا اني واسماعيل
ملامحي باهتة نورجان بجت وگامت تصيح
- لعد ليش خليتيه يروح جان فد مرة رحنا وياه عليش منتظرة للخميس
- ما اعوفج امي انتِ لو اعرف اموت
شهربان :- بعديش دتحجين هالحجي ؟ انتِ تدرين عمو ليش جاي لبيت خالو اليوم سألتي نفسج شيريد وشعنده جاي من بغداد لهنا وقاطع كل هالمسافة
- شضامة بان احجي
- يريد يزوج نورجان وينطيها لبيت شاكر
بهتت ملامحها وعينها على نورجان اللي اصفرت ورجعت بزاوية الغرفة اعتكفت على نفسها وحاضنة رجليها لصدرها ، ترتعش من ينجاب طاري اسمه
- وانتِ شمدريج
- سمعت خالو وباجي ديحجون البارحة
- شسمعتي بعد احجي بان
🌱
- خالو معليه انتِ البعتينا من الاصل
باوعتلي بقهر وضلت ساكتة مشيت لفراشي ومددت دايرة وجهي للحايط نزلت دموعي ، مسحتهن بحرگة ويرجعن ينزلن همست .. غبية غبية لتبجين
ما اعرف شلون وشصار بابا واكفلي ومبتسم واكف يعلك الحبل بالسكف ويلفه على ركبته باوعلي نظره اخيره وشنق روحه رجليه تتحرك جسمه كله صار يهتز منتفض يريد اوكسجين اريد اصرخ صوتي مكتوم لحد متوقف عن الحركة وعينه فاتحها علي ..
نفس الحلم ونفس منظر الدم ونفس لعابة نورجان المتلطخة بالدم بس هالمرة جانت اللعابة بيدي
فزيت بشهكة عركانة حيل جسمي يرتعش بقوة صوتي مقطوع نورجان مو يمي اريد اصرخ مدا اكدر
لزمت ركبتي بقوة اريد اسيطر على نفسي مكدرت
انفتح الباب فاتت شافتني اجت تركض
لزمتني من ايدي تفرك بيها شوي يلا سكنت
انطتني مي شربت ميتة عطش عبالك صار ايام مشاربة
نورجان :- صرتي زينة ؟
هزيت راسي بـ اي حسيت بحركة يم ايدي .. جداحة
شلتها وخليتها بحضني امسح عليها براحة ايدي
انفتح الباب ودخلت ماما سدت الباب على كيف
شمرت علاكة مال علاج عالميز دارتلها نورجان
حجتها واجت شغلت التدفأة الكهربائية وكعدت
تدفي ايدها وتفرك بيها باوعتلهن وضعهن غريب
بس مدا اكدر احجي اشرت الها بمعنى شكو
نورجان :- ماما خابرت جيرانه دتجيبلها حبوب منوم من الصيدلية
- شتسوي بيه
- تخليه لبيت خالو بالأكل
استغربت :- ليش ؟
تقربت علي وهمست بضحكة :- راح ننهزم
عقدت حاجبي وباوعت لماما مركزة بنظرها عليَّ
تنهدت وگالت :- كُلش دتظلميني انتِ وعبالج حسويها صدك وأعوفجن لخاطر الرجال واني دا أتمرمر حتى ألگي طريقة تخليني ألمجن بحضني
هذا هو حدي وياهم فؤاد مرته ركبته فد مرة وديسعى حتى يخلص مني ومنجن بكل وسيلة بعد لا شغل يفيد ولا راتب وقرر يبيعني بيع لأسماعيل علمود كم فلس
بس وكلام الله ما أخليه يتهنى بيهن لو أعرف أنفطهن وأحرگهن وانتن آخذجن وأهج بيجن وأنعل أبوهم لأبو منين مطلعوا هالمخانيث
كمت من مكاني ورحت يمها گعدت بالكاع وخليت راسي بحضنها خلت ايدها تلعب بشعري اجت نورجان حشگت روحها هم تريد تنام بحضنها سويت الها مجال
نورجان :- ماما عمو عمره كله عايش ببغداد عبالي مثقف طلع همجي
- وشلون استنتجتي هالشي بلة
- بالعركة كل شوي وصاح دايحات برابيك ..
رفعت راسها من حضنها :- غير المفروض يكول دائحات بربوقات
ضحكت ماما واني مبتسمة جزء مني مرتاح نمت بذيج الليلة واني ما ابالي شي غير الطلعة من بيت خالو
گعدنا الصبح محد نزلت جوة بس ماما
جابت لفات جبن بيدها وجاي گعدنا نتريك
- عمج الچلب مشدد على فؤاد ميخلي وحدة تطلع من البيت واليوم العينتين كاعدلي كعدة حتى للشغل مرايح
- والحبوب الجبتيهم البارحة شلون راح تشربيهم
- معليج ادگه الهم بالأكل
- وتصير وينامون صدك ؟
هزت راسها :- مفعوله قوي اول مينامون نطفر بس انتن
لتحجن بيها بعد أخاف ليسمعونا فدوة والله گلبي خلصان واحس رجلي خيوط من الهبطة مال بارحة عديها بس اليوم ولتفتحن حلگجن
نورجان :- خلص هذا هو والله بعد ما احجي
مرت الساعات بصعوبة ما عدنا شي نسويه غير ننتظر نحسب للوقت ساعة ساعة صارت دنيا المغرب بيدي تليفون ماما العب الدودة ونورجان ملتهيه بجداحة تشرب بيها بالممة ليكول جاهل عوزها بس تكمطها
16 تع
شفتها كامت اخذت الحبوب خلته بصدرها وطلعت
من الغرفة ما انكر خوفي لازمة ايدي عل گلبي
كل شوي واگول هسه تعيط باجي وتلگفها
لحد منفتح الباب وشفتها دخلت مبتسمة باوعتلي وأشرت بيدها اوكي هنا يلا جريت نفس
2 تع
صارت بالـ٩:٠٠ هم هيج وكت متعشين ومكملين
خالو كاعد بالصالة يتابع اخبار وباجي ما هي
بناتهم فوك نسمع صوتهن واحنا بالغرفة
سوت النا لفات عالسريع وكعدنا ناكل
عين خالو علينا شافنا نزلنا مشالها ابد بس شكله يطفي كل شوي اباوعله يغفى ويكعد كوة مقاوم باجي بغرفتها محد شافها اجتني نورجان تركض
1 تع
همست :- باجي نامت
- يلا مضل شي ويلحگها خالج دينامون نومة أهل الكهف ونخلص من هالسجن
- خالو يسويها على روحه هو من غير شي خواف مو عاد يصير بيد عمو سالم والله يمسح بيه سليمانية ذهابًا ايابًا
28 ت
شدن :- حتى اسماعيل مراح يرحمه لان منطيه مهر
- مقهورة عليه ؟
- وابو زايد هالحرمة عليش انقهر باعني بيع الهم الشارب المابيه غيرة على عرضه يتزين احسن
15 ت
صارت دنيا نص الليل البيت سنطة كلها نايمة
غراضنا محظريها مماخذين بس جنطة صغيرة
وصندوك جداحة وغراضه اني شايلتهن شافتني
شدن :- عوفيهن ماما نشتري مناك لتتبهذلين بيهم
طلعنا نتسحب على كيفنا خالو نايم
بالصالة ومرته بغرفتها ، جهالهم فوك
قبل لنطلع دخلت ماما لغرفتهم واني طلعت المكينة من جيبي ومشيت لخالو صارت وراي نورجان تهمس
- شتسوين
شغلتها وزينت شاربه وهاي شهكت درت خازرتها
- اشششش صوتج
كملت واجت ماما اخذت مستمسكاتنا من كنتور خالو
شافتني ضحكت بصوت عالي من شافت شكل خالو
شدن :- تربية مرة
طلعنا برة وكفت يم سندانة زرع حفرتها وطلعت العلاكة مال فلوس خلتها بالجنطة وطلعنا من البيت بسرعة
الجو بارد ثلج خليت بزونتي جوة السترة وسحبت السحاب ايدي بجيوب القمصلة ومخلية الكبوس على راسي باوعت لنورجان هاي حالتها مو اقل مني
وكفنا عالشارع العام نريد سيارة ماكو ولا طير طاير بهالوكت وخاصة بمحافظة مثل السليمانية الحركة بيها شبه معدومة وقليل تلكه سيارات بهيج وكت بالذات
10 تع
نورجان من التعب خلت الجنطة وكعدت عليها ايدها على خدها
مرت سيارة جاية باتجاهنا اشرت الها ماما
وگف جان رجال بالاربعينات مد راسه حاجته
شدن :- سلاۆ
رد عليها بالكردي وگفت تحجي وياه شوي ودارت النا
شدن :- هذا طلع عربي رايح لبغداد
جريت نفس اتفقت وياه عالكروة ولو هو جان شوي متردد من نظراته النا وحقه بهالوقت من الليل وبنات
صعدنا ومشت السيارة انفاسنا ممنتظمة مدري من الخوف لو من المنتظرنا هناك الرجال كام يحجي وي ماما وهي مجاريته بالكلام حتى ليشك وكعد يسولف الها عن طرق بغداد وشلون ازدحامات وهو صاحب خطوط وكعدت هي تدليه منين يطلع وبيا وقت حتى ليتورط بالازدحام
ضحكت وردت :- اني اصلا ولادتي بغداد حياتي كلها بيها مصار كم سنة من اجينا سليمانية يم اخوي
- وشعجب انتقلتوا لهنا
- صارت ظروف انجبرنا نجي ودارت دارت وهاي احنا راجعين برجلينا على بغداد
- ماكو احلى من بغداد لو تفترين الدنيا كووولها
137 تع
- اي والله
حجتها وذبت حسرة عيني بالطريق الشمس بدت تطلع كل شوي انام واگعد على مطب قوي يخضني خض وگفنا يم مطعم نزلنا اكلنا بسرعة ودخلنا حمامات
ورجعنا نكمل طريقنا ..
4 تع
هذا كله والسايق معافنا شتردون وشتحتاجون مقصر ابد ماما عرفت تكسبه بلسانها وهو هم خوش رجال وصلنا وكفت السيارة كعدت نورجان اهز بيها
السايق :- هذا رقمي الله عليج اي شي تحتاجونه تخابريني خادم اني
- فدوة لعينك خادم ربك مقصرت
سلم وراح
شهربان :- هسه شنو متت تعب هاي كسرتني بالسيارة
2 تع
- اني هم تعبت الليل كله منايمة نروح للكاظمية نشوف فندق ناخذلنا غرفة فندقية نرتاح بيها والباجر نشوف شلون تدبر
11 ت
اخذنا سيارة ورحنا للكاظمية نزلنا قريب مرقد الإمام قبلها رحنا للسوك اشترينا صايات خليجية وشالات ماما كالت هنا يضلون يحجون وياخذون نظرة اذا شافونا سفور
22 تعليق
رادت ندخل فندق كتلها :- يوم خلينا نبقى بالإمام باعي الاجواء والله تسوي واهس
وفنا يم فندق دخلت بس ماما احنا ضلينا واگفين برة ونباوع عالعالم شوي وطلعت منفعلة :- ها ؟
- خيولون عالليلة الوحدة يطيرن نص الفلوس العندي خوب اروح أدورلي ايجار شهر احسن خلي نروح للإمام
رحنا دخلنا التفتيش اول شي الجنطة مقبلت تدخلها والموبايلات راحت ماما سلمتهم للأمانات ورجعت تحجي عاللبس وليش ملابسات جواريب
2 تع
مقبلت نطب وماما تحاجيها تفهمها ظرفنا يلا قنعت تدقق هواي انطتنا عبايات من عندها وكالت ترجعوهن ورزلت ماما عالمكياج انطتها وايبس خلتها تمسحه
18 ت
بالشافعات يلا خلصنا وعبرنا التفتيش ودخلنا للحضرة
انتبهت الناس دتصلي وناس تدعي وهذا اليقرا قرآن
شفنا مكان فارغ گعدنا على صبة عالية يمها زرع ونباوع للناس رغم الازدحام المكان يفتح النفس اباوع للحمام
- جداحة
4 تع
الناس تباوع وماما تخوزر وتأشرلي صوتج جان تكول
نورجان :- لتخافين خليتها بالجنطة وسديتها عليها متشرد
30 ت
- عزززة بعينج راح تموت
- مسديتها كلها بقيت شوي يدخل الها هوى واصلا الجنطة مكانها عالي حتى لو تطلع متكدر تشرد
فات واحد من خدام العتبة الكاظمية أشر على ماما
- زايرة عباتج
اباوع لماما صافنة بغير عالم كالت
شدن :- عود ليش اللي يشتغلون بالعتبات المقدسة كلهم حلوين ؟
استعجلتها نطلع علمود ناخذ الجنطة اشوف البزونة فطست مدري انمردت بين الغراض صدك طلعنا بسرعة استلمنا الجنطة فتحتها جان تطلعلي راسها وتناوي
ضحكت واخذتها لگلبي خايفة عليها اباوع للسما دنيا المغرب بدت تظلم طلعنا من شارع الإمام اخذنا تكسي
شهربان :- وين هسة ؟
شدن :- للكرادة
15 ت
وصلنا هناك هلكانين تعب طريق طويل وازدحامات
كتل هذا غير الجوع الكام يگطع مصارين بطني
نزعنا الصايات والشال سحلنا بيهن الكاظمية روحة رجعة متحتاج البلدية تنظف منا لأسبوع ليكدام
13 ت
كعدنا عالرصيف حتى ما اگدر اوكف جان على مسافة من عدنا عربانة رجال جبير يبيع لفات برگر راحت ماما جابت ٣ لفات ومرت للأسواق جابت النا عصير واكلنا
نورجان :- ماما اريد ببسي
1 ت
- ماكو اشربي البيدج
- حبابة ما احب داليا مر جنة دوة
50
- لعد الببسي زين يسويلج هشاشة بعظامج هذا غير كمية السكر اللي بيه شلون تشربينه
- احبه
- انثى انتِ ماما انثى اهتمي بنفسج وانتهبي شتاكلين وشتشربين دائمًا ترة الندم للتالي بشرتج تدمر بالحبوب وجسمج يصير غير صحي وهزيل وانتِ بعدج مراهقة خربطة الهرمونات العندج واصلة للضالين
راحت جابتلنا اثنين ورجعت انطتنا نورجان تاكل متلذذة واللفة صدك جانت طيبة رغم بساطتها
أباوع لوجه نورجان شلون مرتاحة وما عليها نظرة الخوف تضحك ومنطلقة تسولف بكل أريحية
اخذت لفتي طلعت اللحم وكعدت اوكل جداحة
نورجان :- مو كلتي متاكل بس تشرب حليب
- شمدريني لفتي الاولى تهومش عليها طيرت نصها عبالي متاكل طلعت مچلوبة
رغم الوقت متأخر بس الشارع يروج بالناس
والمحلات أغلبها مفتحة صارت ماما تفتر عليهم
مشينا وياها مندري وين حتى مكالت
اذا لكت مكان نبات بيه لو لا والظاهر ماكو
لان تمشي وكل شوي تدخل لمحل تسأل
وگفنا يم عمود مگدرت امشي بعد رجلي يأذوني
شدن :- اوكفن انتن هنا اروح اشوف هذا الأسواق وارجع تردن شي ؟
نورجان :- قوطية ببسي
- اجيبلج سم احسن
عافتنا وراحت ما بيه احرك جسمي وهاي تگمز بنص الشارع ماكو احد ، على مسافة مركز شرطة قريب وسيارة واكفة مقابيله
اني ملتهية العب ببزونتي رفعت راسي ما اشوف الا نورجان رايحة باتجاه السيارة صحتلها متسمعني
كمت وراها وادردم عليها وعلى تصرفاتها الرعنة
وصلت يمها وهي على وگفتها :- مو احاجيج
اشتغلن كلوبات السيارة الامامية علينا خليت ايدي على عيوني ما اشوف اثنين واكفين على مسافة بس مواضحة صورتهم
اجاني صوت ضحكة :- مو كتلك اثنين
- شوف ربك ما يخلي عبده حاير شمرلك وحدة وشمر الثانية وراها علمودي
42 ت
- انطم لا يكضبك العقيد يطبكك طبكتين تايعيد تربيتك ويزتك بهالخرابة تنهش بيك الجلاب
42 ت
- بس دباوع العيون خرب بالگواد بزازين ومحمد
3 ت
فار دمي نظراته وسخة والوياه يجرجر بيه حتى يسكت بس هذا حيوان يباوع ويعض بشفته يذب حجي
ركضت بسرعة وتصيح علي ضليت بمكاني شفت الضابط الثاني خازرني وبدة يتقدم باتجاهي دنگت شلت طابوكة اريد اشمرها وكف مكانه صاح
- اربزي يولي ما اسويلج شي
88 ت
- وخررر منا والله اروح اشتكي عليكم
- ترة انتِ المعتدية يالعثرة
33 تع
باوعت للضابط الوراه كاعد نص كعدة ولازم راسه يصب منه دم ، انخلست وضليت متصنمة بمكاني نورجان تجر بيَّ تريدني امشي واني عيني عالدم ملة الكاع
راح لصاحبه يشوفه وهذا من شافنا اجة
علينا بهمة يريد يلزمنا وصار بوجهه صاح
- شبيك تفرعنت تاتطك جهال
10 ت
- وخررررررر مآب ومحمد املصها ملص
19 ت
حجاها ورجع دنك وجهه مليان دم كمت ارجف من منظره ما احبه اخاف منه غمضت عيوني بقوة وعاصرة روحي صار گدامي
- شبلاج يالمعثورة
رديت بخوف :- راح يموت
ضحك بصوت عالي
- عايش عايش عرج ما يصيبو لتخافين
دارله صاح عليه :- امش الحرمة تاشوف العقيد من يدحك هالشوفة شيكول
2 تع
- هذن تاخذهن للمركز اشتكي عليهن
دارلي رافع حاجبه :- سمعتي يولي محگوگة ثار
- شيريد يعني
- مو هين بمكتب العقيد يصير الحجي
ضليت أباوعله بحيرة وماما بعدها مجاية
- امشي
حجيتها وسحبت نورجان ماشين قبلهم بأتجاه المركز باوعتله صافن علينا ومتخصر رجعت كملت طريقي
تقربتلي تحجي بصوت ناصي
- لج شلون وماما
- هسه نشوف هالبعير شيريد ونطلع منتأخر
18 تع
مشينا قبلهم وگفنا المنتسب اللي عالباب
أشرلنا :- ها هاا وين
وگفنا بمكاننا صار گدامنا ونورجان لازمة ايدي حيل ترجف والمنتسب يباوعلنا من فوك ليجوة
عگد حاجبه :- شعدجن هنا
أشرتله عالملازم الورانا :- هو گلنا روحن للمركز
أشرلنا نمشي كدامه وصلنا گدام غرفة فتح الباب گال
- فوتن
تقربت همستلي :- بان گلبي ديدك حيل خايفة
دخلنا مكتب كبير يتوسط الغرفة وراه كرسي جلد اسود وعالجوانب كراسي اثنين عالمكتب موجود لوح مكتبي زجاجي مكتوب العقيد والأسم الثلاثي وأوراق مبعثرة بأهمال ومجسم كرة أرضية متوسط الحجم
الجدران بيج رمادي وابيض وبردات بنفس اللون معلكات وره المكتب .. سبلت عمودي صاير بالزاوية
7 ت
أشرلنا نكعد ونورجان كل شوي تنط نطه تسألني على شي لحظات ودخل رجال جبير لابس زي العسكري ضخم شواربه ثخينة كعد ورة المكتب بعد ما سلم وعيونه متشكلة علينا نزع البيرية وساند ايده
6 ت
راحله الملازم شاوره وهو يباوعلنا ويهز براسه
تنهد وكال بصوت خشن
عقيد فدار :- اي بابا شسمج ؟
- نورجان
- واللخ ؟
درت وجهي وكتله :- مو شغلك
13 ت
- هم صدك دحكي انا والزي العسكري وهاي الرتب العلى اجتافي مال واحد مطيرجي وينو وين المراكز والتحقيق
ملازم مآب :- صدك سيدي ؟
- اي عجل متدحك حاطيلي نسر عالرتبة هذا ختم خاص للمطيرجية تاخاف انسى يذكرني
71 ت
- من شوكت ضام علينا هالشي
نورجان :- شوفي شهربان طلع نسر ومن سألتج تكوليلي ديج
- استلم
الملازم ضحك بصوت عالي والعقيد يباوعلي رافع حاجبه معاجبه ردت سألته
- لعد عمو هاي النجمتين اليمه شنو
5 تع
مآب :- عمو هاي يعني مطيرجي بالليل
31 ت
العقيد فدار :- لا تهتر يالحرمة
27 ت
- اهبده عش هيج سيدي
15 تع
- عجل ازلام طول بعرض تهدون جبال جاهل تلعب عليكم متوليتكم دگ ومفلشة سيارتكم روح اضربلك مزيل وشيل هالشوارب البوجهك
15 تع
- سيدي هي غير جنها زيبك بالقران ما هجست الا مطيرتلك جبهة ملازم احمد مشيت عليها تاكضبها شالت طابوكة تاتورني بيها خليت ودرت وجهي
- لا والنعم انا منك اطم وجهي حدر الكاع روح يول اضرب شاربك مزيل وانتَ الحرمة الاخرى تتحرش ببنات الناس عجل شخليت للشباب السايبة
هو مستمر بالرزالة لجماعته اندك الباب
طلع الملازم فتحه شوي ودار وجهه علينا
مآب :- سيدي هاي ام البنات طالبة تشوفك
17 ت
أشرله حتى يدخلها
فاتت ماما ركضت الها نورجان ختلت وراها
انتبهت للملازم يباوعلي ومضيك عيونه مركز وياي واندار على ماما أشرلها تكعد على الكرسي المقابيلنا
4 تع
كعدت جرت نفس نزلت الكبوس من راسها وتوخر بخصلات شعرها وره اذنها وبكل هدوء كالت :- السلام عليكم
اخذله صفنة ثواني رد
79 تع
العقيد :- وعليكم السلام والرحمة انتِ ام هالنثاية ؟
دارت ماما علي خازرتني .. سألته
- وليش ضاربته ؟
- على كلامها متحرش بيهن
- خلص لعد يستاهل لويش ديتحارش
31 ت
- لا انتن حالتجن حرجة ول خالي ضابط هذا ضابط
58 ت
- وان جان ؟ تجوزله التحرش ببنات العالم ؟ الزم ضباطك سيادة العقيد ما لكه الا بنات شدن يتحرش بيهن
20 تع
- لا على كيفج هي هم ما گصرت بيه هافتو بطابوگة مطيرة نص جبهتو
شهربان :- دخلي يعيدها لا ما طيرتله النص الثاني اني معتبة
17 ت
- لاه نجرة انتِ
19
حجاها وباوع عالملازم كاتم ضحكته ويرجع يباوع لماما بنظرات اني من يمي كرهت روحي نظراته مو راحة ابد فصلها تفصال من اول مدخلت
4 تع
- فدوة لگلبك جاهل وغلطت وهو العايل بيهن ترة
حمحم عدل شورابه وكام وكف من على كرسيه ايده وره ظهره ويمشي بأتجاهنا عاقد حواجبه
- هو حسابو بعدين بس هم ما اعديها الها اليوكع بيدي ياخذ جزاتو وبنتج مشتكين عليها يمي واحزري منو المشتكي ؟ ضابط برتبة ملازم ودحكي شنو الصدفة الصارت الضابط هذا من وحدتي وانا المسؤول عنو
يحجي وعيونه تتفحص ماما من فوك ليجوة وهي هم ممقصرة البنطرون حصر والبدي ابيض كد ما ضيك حاصر صدرها لابسه فوكاه عود قمصلة بس من كدام فضيحة
شدن :- لك عيني دتكولك متحرش بأختها يعني بذمتك بضميرك لو جانت وحدة من بناتك وشفت واحد يتحرش بيها شتسوي ؟
- افلع راسو بمكانو واحسب الله ما خلگو
8 ت
- فدوة لكلبك بعد عليش دتلومها ضباط وحدتك يحتاجلهم انضباط من جديد
10 ت
- ما جذبتي والله
حجاها وغمز للملازم الاسمه مآب كله :- حصتك وليدي
دگله صدره عبالك منتظر هالكلمة منه جر الضابط الضربته اخذوله تحية اثنينهم وطلعوا رجع اندار لماما
2 تع
- وانتِ يبا عش مخليتهن يفرفرن بالشوارع متعرفين الشارع لام شكو سكط وزبالة بهالوكت المتأخر
- غبت عنهن دقيقتين أرجع الگاهن متجرجرات بالمراكز شمدريني بغداد هيج صايرة مو أمان
- اصلنا بغادة أعظمية بس صار سنين عايشين بالشمال اليوم اجينا لبغداد
15 ت
- والمگرن مالتجن وينو مسيبلو ٣ نثاية بهالليل ميطلع هو يدورلجن
4 ت
شهربان :- اتخسه انتَ وشواربك توصلون لذرة من رجولته يالگرن
68
شدن :- بااااااان
- ليجيب طاريه على لسانه منو هو ويغلط على بابا تاج راسه والله
- لاه نجرة انتِ كفو من الرباج
- الرباني يشرفك ويشرف ضباطك المنحطين
2
حجيتها واجاني الراشدي طاير من ماما واكفة گبالي بعصبية وفاتحة عيونها خازرتني لزمتني من ياختي
12 ت
ضليت ساكتة ملامحي جامدة بس من جوة مشتعلة نار
صاحت وهي تهزني
- بان دا اگولج اعتذري
العقيد :- عوفيها يبا جاهل مينوخذ بحجيها
19 ت
بقت تتعذر منه دفعتها عني وطلعت برة محترك دمي
اجت وراي نورجان تصيح علي؟َ ولا يمها اختنگت حيل
طلعت من المركز وامشي سريع
صارت تمشي بمستواي وتحاجيني
- بس اوكفي يمعودة مو دا احجي وياج بان اوكفي وين رايحة
ابتعدت عن المركز و وكفت اجر نفس تنفسي صار سريع گلبي يدك يريد يطلع من مكانه من الحرگة واهز برجلي
نورجان :- بان شبيج
درتلها بحركة وانفعال
- لجججج شفتي شلون ديباوعلها نظراته تريد تاكلها اكل
- اي اني هم لاحظته
- والخاتون يحجي كدامها على بابا بدال لتمنعه واكفة تتعذرله لج نوررررجان راح اطك راااااااح اطك
2 ت
حجيتها واضرب برجلي عالكاع بحركة اجت لزمتني تحاول تهديني كعدت بالكاع لازمة راسي صداع الدنيا كلها بيه
كعدت يمي عيونها تراقبني همست :- بان عليج الله اذا رايدة تبجين ابجي لتكتمين
رفعت راسي باوعتلها جريت نفس ورديت
- ما بيَّ شي
- جسمج ديرجف
- لتلحين كتلج ما بيَّ شي بس اختنگت شوي اريد اشتم هوى
ضلينا كاعدين شوي وانشمرت علاكة كدامنا باوعنا اثنينا نفس اللحظة لكينا الملازم واكف ورانا
ملازم مآب :- هذا واجب الضيافة
شهربان :- اخذها منريد
- عيب يول انتوا خطارنا واول طبتكم للمركز ولو اشك هاي اول مرة بعد العملتي بصاحبي
- صاحبك متحرش قذر هو البدة بالمشكلة يستاهل الصارله
- عندو علم بكلشي والملازم الفشختي اكل المقسوم
- اذا هيج عليش صار ساعة مدخلنا استجواب
حك خشمه وكال :- هاي لأسباب خاصة بسيادة العقيد انا ما ادخل بيها
رجعت درت وجهي :- بالقرآن مركز شافط هو وضباطه
8 تع
سمعت ضحكته من وراي مشه
مسافة عنا وكف يدخن وعينه علينا
جرت نورجان العلاكة بيها بطالة مي وعصير
فتحت بطل وقدمته الي دفعت ايدها بنترة ما ردت اخذت شوي بيدها وغسلت وجهي وشربت هي منه
مسحت وجهي من المي صاير نار
ضلينا كاعدين شوي الهوى حلو ماكو بيوت كم بناية واسواق قريبة سمعت صوت بزونة تناوي درتلها بسرعة
- وين جداحة ؟
مآب :- يربج بس لا تدخنين يولي
45
باوعت لكيته واكف وراي فاتح عيونه
ضحكت نورجان وطلعت جداحة من جيبها اخذتها منها خليتها على صدري هز ايده
- فاشختلج ضابط وفاتحة راسو بالنص عش استغرب بزونج اسمو جداحة
- بزونة مو بزون
- شو ناوشيني ادحگو
گعد نص ركبه واخذه مني يباوع بيه يتفحصه وضحك
- يول فحل شكتلج بعدين اسمو جداحة مال عتوي ماخذ خاوة على بزازين المنطقة وين سويتي بزونة خدشتي رجولتو
نورجان :- جداحة لان عيونه تضوي بالظلمة
- مثلج عيونو تضوي
- لا عيونه خضر مثل شهربان
- منيلها شو زركة وعيونها لا هن خضر على وجه ولا هن سود
- ما اسمحلك اختي أرقى من هيج وصف
- لا واضح الرقي ميحتاج تكولين ..
حجاها وباوع لرجلينا كل وحدة لابسة تك الثانية مندري ليش بس دوم نسوي هالحركة انطيها تك حذاء وهي تنطيني التك الثاني مال حذائها
- هاي حركة مال طبقة ارستقراطية مثقفة انتَ مبين همجي شمعرفك بهالسوالف
- غم الثقافة اذا هيج خليني همجي اشرفلي بعدين تعاي وين اكو وحدة براسها سيم مال مواعين وزركة وعيونها خضر ميبينن الا باللايت واللخ كد ما بيضة متنشاف وعيونها لا هن بيض لا هن صفر قرقوز مو بنات
- ماما تكول صارت شهربان قبلج ومن وصلج السرة خلص الحبر
- وطلعتي عادي وهي ملون ؟
- بالضبط
- ههههههههههه مو اكلج قرقوز
ضلينا هواي كاعدين وهذا الملازم كاعد ركبه ونص وي نورجان يصنف عليها وهي ماخذتها بجدية ومنفعلة بالي مو يمهم يم ماما اللي من وكت معفناها وهي بالمكتب مال العقيد
... 《 نورجان 》 ...
شفتها تريد تكوم لزمتها من عكسها امنعها
نورجان :- وين رايحة ؟
- اصيح ماما خلي نروح تأخر الوقت
- ابقي اني اروح
- اروح وياج
- بان اكعدي هي من غير شي صايرة عصبية عليج
كمت من مكاني انكث بملابسي
- اصيحلها بسرعة واجي ما اتأخر
مشيت مبتعدة عنهم مطمئنة عليها لأن الملازم واكف يمها خاف ابالها تسويلها شي
رجع وگفني المنتسب نفسه مخلاني أفوت
انداريت أباوع على مآب أشرله من بعيد حتى يدخلني
دخلت المركز وخطواتي اخذتني لغرفته وصلت يم الباب وقبل لا ادخل استوقفني صوته وهو يكلها
العقيد فدار :- دحگي من الاخير بيت بأرقى منطقة ببغداد وراتب يوصلج كل شهر بناتج يتسجلن بأحسن المدارس كل ذن احسبيهن صارن
شدن :- وشنو المقابل ؟
- مو مقابل اعتبريني فاعل خير تاگعدجن ببيتي
- ماكو هيج حجي تريد تأجره إلي معندي مانع أدفعلك
- لا مو قصة إيجار البيت انا گاعد بيه بالأصل والمنطقة كلها تعرفني ما أگدر أگعدجن بيه بلاية ما تكون صلة قرابة بيننا
- المعنى ؟
صار هدوء لثواني وكاتمه نفسي بس صوت دكات كلبي المسموعة كال :- اعقد عليج بالسر.....................
