رواية عنيدة في جحيم الفهد الفصل الاول
في حي راقي بسمله كانت واقفه في الشارع وهي لابسه بنطلون جينز مقطع وعليه التيشرت وقميص رجالي و طرحه مداري شعرها الاسود الجميل
وماسكه في ايديها سفنجه وبتغسل العربيه وقرب منها طفل وهو بيقول يا بسمله تعالي اعملي لي الساندوتش قبل ما اروح المدرسه
ردت عليك حاضر يا حبيبي وسابت السفنجه في الجردل وراحت مع الطفل وعملت له الساندوتش فول وحطيتها في الشنطه وطلعت من جيبها 5 جنيه وقالت له خذ يا باسم مصروفك
رد عليها لا يا بسمله انا مش عايز خلي معاكي عشان تشتري لي الكوتش اللي انا قلت لك عليه بدل المقطع ده
ردت عليه لا يا حبيبي خد عشان ساندوتش الفول مش هيشبعك واليوم طويل
رد عليها لا يا بسمله انا عايز الكوتش وما لكيش دعوه الفول هيشبعني وخرج يجري
وحزنه بسمله على اخوها اللي مش عايش طفولته وخرجت تكمل شغلها وكملت غسل العربيه
وبعد وقت بسمله غسيل العربيات قرب راجل منها وهو بيقول عامله ايه يا بسمله
ردت عليه الحمد لله يا عم فكري انت اللي عامل ايه
رد عليها بخير يا بنتي المهم خدي يا ستي الجرايد اللي انتي هتبيعيها النهارده
ردت عليه ماشي يا عم فكري مع انه الناس بطلت تشتري الجرايد وبقى يستسهلوا التليفون دلوقتي عشان يعرفوا الاخبار منها
رد عليها كان زمان يا بنت الناس دايما بتشتري الجريده قبل الاكل والشرب دلوقتي ما حدش بيعبره
ردت عليه البركه في النت اللي خلى الناس مش محتاجه للكتب حتى
رد عليها معاكي حق يلا اسيبك انا بقى واروح اشوف اللي ورايا
قالت له ماشي يا عم فكري
وفي فيلا يبان عليها الرقيه كان نايم بطلنا على بطنه وصحي على صوت التليفون وفتح الخط وهو بيقول بصوت قوي عايز ايه يا زفت
رد عليك زفت ايه وقرف ايه انت عارف دلوقتي الساعه كام
رد عليه ببرود يعني الساعه كام
قال له الساعه 8:00 والاجتماع 10:00 وحضرتك لسه ما جيتش
رد ادهم طب اقفل بدل ما اجي اكسر دماغك واقفل التليفون
وقام بطلنا دخل الحمام اخذ دش وبعد دقائق ولبس بدلته ورش برفانه اخذ تليفون ومفاتيح عربيته

ونازل فتح عربيته وركبها وتليفونه رن باسم اميمه وفتح الخط وهو بيقول ازيك يا جدتي عامله ايه
ردت عليه انت لسه فاكر تسال عليا لو انا ما اتصلتش بيك انت ما تتصلش
رد ادهم ابدا يا جدتي ما انتي عارفه الشغل والشركه تقف من غيري
ردت اميمه بس انا ليا حق عليك ولا ابوك قال لك ما لكش دعوه بيا ولا ايه
رد عليها وهو بيشغل العربيه ابدا والله وهعدي عليك النهارده واتغدى كمان وممكن بقى تعملي لي ملوخيه اللي بحبها من ايدك
ردت عليه من عيني الاثنين وياك تتاخر عشان هزعل منك يا ادهم
قال لها ابدا مش هتاخر وقفلت معاه
وبعد وقت وصل ادهم الشركه وقابل زين صاحبه اللي قال له كده يا ادهم تتاخر
رد عليه هو انت بتكلمني كده ليه اكني خطيبتك مش مديرك في الشغل
رد زين بمرح بقول لك ايه لو مش عاجبك طلقني
ركب ادهم الاسانسير ووصل لمكتبه وطلب من السكرتيره انها تجيب له الورق اللي عايز يتمضي والقهوه بتاعته وبدا يشتغل
اما عند بسمله فكانت بعت الجرايد ورايحه عند عم فكري عشان تحاسبه ولقيته نازل من التاكسي بيسند مراته ام مصطفى قربت منها بسرعه وهي بتقول ايه اللي حصل يا عم فكري
رد عليها ما فيش يا بنتي كانت نازله واتكعبلت رجليها اتكسرت
قالت بسمله الف سلامه عليك يا خالتي
ردت عليها الله يسلمك يا بسمله
وقال فكري ساعديني يا بسمله ادخلها على السرير
ردت عليه حاضر يا عم فكري ودخلوها نامت على السرير وتليفون عم فكري رن
و رد ايوه يا ست هانم
ردت عليه خلي ام مصطفى تجيلي النهارده عشان تساعدني في الاكل وتروق لي الشقه
رد فكري والله يا ست هانم ام مصطفى وقعت عن رجليها اتكسرت
ردت عليه الف سلامه عليها طب شوف لي اي واحده تيجي وانا هحاسبها بس اهم حاجه تكون امينه
رد عليها حاضر يا ست هانم واقفل معاها
وقالت ام مصطفى في ايه يا فكري
رد عليها ما فيش يا ستي ده الست هانم اميمه طالباكي تطلعي تروقي لها الشقه وتساعديها في الاكل
قالت له طب وانت عملت ايه
رد عليها ما انتي سمعتي انا قلت لها ايه بس هي قالت لي اشوف لها واحده كويسه تروح لها
ردت عليه وانت هتبعت لها مين وانت عارف ان اميمه هانم طبعها صعب وما فيش حد يقدر يعمل لها اللي هي عايزاه
قال لها ايه رايك ابعت لها البنت انشراح تعمل لها الشقه وتساعدها
ردت عليه ما انت عارف ان البنت دي ايديها طويله وممكن تعمل مشكله هناك
قال فكري ايه رايك يا بسمله تطلعي انتي
ردت عليه مستحيل يا عم فكري انت عارف ان رافضه حكايه شغلانه البيوت ديت وانا مستكفيه بالعربيات وبيعت جرايد
ردت ام مصطفى اسمعي بس يا بسمله الشغلانه دي حلوه والست هانم بتدي فلوس حلوه كمان ولو عجبها الشغل ممكن تزودك تمام
ردت بسمله اسمعيني بس يا خالتى ام مصطفى انا ما بحبش اطلع البيوت عشان الشباب وما بحبش حد يتامر عليا كمان انا كده مرتاحه
رد فكري بس يا بسمله هي عايشه لوحدها وهي مش بتحتاجين حد يطلع يروق لها الشقه غير ثلاث مرات في الشهر يعني انتي لو عجبها شغلك هتطلع لها ثلاث مرات بس اسمعي مني
افتكرت بسمله الكوتشي اللي هي عايزه تشتريه لباسم وقررت توافق وامرها لله و قالت تمام يا عم فكري خلينا نطلع لها
قال لها طب استني
وفي الشركه ادهم كان خلص الاجتماع وقعدت يخلص الشغل اللي وراه والباب خبط ودخلت السكرتيره وهي بتقول شاهي هانم بره وعايزه تقابلك
رد عليها تمام دخليها ودخلت شاهي وقربت من ادهم وبسيت من خده وقالت له هاي يا حبيبي
رد عليها ازيك يا شاهي
ردت I'm fine انا جيت اهو حسب الميعاد عشان نروح نتغدى بره
رد ادهم للاسف مش هينفع عشان رايح اتغدى مع جدتي النهارده
ردت شاهي بدلع بس انت وعدتني يا ادهم
قال لها خلاص تعالي معايا وبعد ما نتغدى نبقى نخرج براحتنا
ردت شاهي انت عارف ان جدتك ما بتحبنيش ولو رحت هتقعد تعلق على لبسي وطريقتي
رد ادهم خلاص خليها يوم ثاني زعلت شاهي ومشيت وسابته وهي خارجه خبطت في زين
وقال براحه يا شاهي ما ردتش عليه
ودخل زين وقال في ايه اللي حصل
رد ادهم ما فيش كانت عايزه تخرج بس انا وعدت لجدتي اني هروح اتغدى معاها النهارده
رد زين انت بتتكلم جد هتروح عند اميمه هانم خدني معاك
رد ادهم وانت عايز تروح لها ليه بقى
قال له طبعا لازم اروح دي بتعمل المحمر والمشمر واحلى اكل كمان
ضحك ادهم وقال له روح على مكتبك يا زين واخلص الشغل اللي انا قلت لك عليه
قال زين يعني انا لو خلصت الشغل هاجي معاك
قال له اتفضل روح على مكتبك
اما في شقه اميمه هانم كانت قاعده على الكرسي وهي حاطه رجل على رجل وقدامها فكري وبسمله وقالت هي دي يا فكري اللي هتنظف الشقه
رد فكري ايوه يا ست هانم دي شاطره جدا وهيعجبك شغلها
بصه اميمه لبسمله وشكلها وقالت هو انتي اشتغلت قبل كده في بيوت
ردت عليها لا يا ست هانم دي اول مره
قالت لها تمام انت عرفتها هتعمل ايه يا فكري
قال لها ام مصطفى فهمتها كل حاجه وهي مش هتتعبك
قالت له تمام الحاجه كلها جوه في اوضه الغسيل
ردت بسمله حاضر يا ست هانم وبصت لفكري وقالت له والنبي يا عم فكري ابقى اروح هات باسم من المدرسه واخليه قاعد عندك تحت لغايه ما اخلص
رد عليها حاضر يا بنتي ودخلت بسمله وبدات تشتغل
واميمه كانت قاعده في اوضتها وبتتفرج عليها من الشاشه
وبعد وقت خلصت بسمله شغل وراحت خبطت على باب الاوضه وهي بتمسح ايديها في هدومها وخرجت اميمه هانم وقالت خلصتي
قالت لها ايوه يا هانم محتاجه حاجه ثانيه
ردت عليها ايوه هتساعديني في عمايل الاكل
قالت لها حاضر وراحه على المطبخ وشافت اميمه ان هدوم بسمله كلها ميه
وقالت لها تعالي يا بسمله وراحت اميمه ناحيه دولاب في اوض الغسيل وطلعت هدوم
وقالت لها خشي غيري هدومك والبسي دولت
ردت بسمله انا اسفه يا ست هانم مش هقدر اخدهم ولا هغير هدومي
استغربت اميمه كلامها وقالت لها بس انتي تتعبي
قالت لها لا انا كويسه ممكن بس ست هانم تقولي لي اللي انا هعمله ايه عشان الحق انزل اشوف اخويا
قالت لها اوكي هتخشي هتطلعي اللحمه وتسلقيها وهنعمل ملوخيه ورز ابيض وكمان هنحط فراخ في الفرن وهنعمل صينيه رقاق بتعرفي تعملي حلو
ردت عليها ايوه يا ست هانم
قالت تمام خلاص هنعمل ام علي
قالت لها حاضر ودخلت بسمله المطبخ وبدات تشتغل
واميمه خرجت تشوف الشغل بتاعها ولقت كل حاجه مظبوطه وما فيش تربايه والدنيا نظيفه
ودخلت المطبخ لقيتها بتغسل ايديها قبل ما تعمل الاكل وابتسمت وقعدت على الكرسي تتفرج عليها هي بتشرب القهوه
وبعد وقت خلص ادهم شغله وخرج من الشركه ومعاه زين واقف بعد ما سمع اسمه وقرب ابراهيم الشريف
وقال رايح فين يا ادهم وزعلت شاهي ليه
رد ادهم في ايه يا بابا يا لحقت راحت اشتكيت لك
رد عليه لا يا سيدي ما اشتكتليش اشتكيت لباباها وهو اللي اتصل بيا وقال لي
رد ادهم تمام يا بابا انا هروح عند جدتي عشان معزومه على الغداء
رد ابراهيم تمام يا ادهم سلم لي عليها
رد ادهم يعني انت مش هتيجي معايا تشوف جدتي وتطمن عليها انت بقى لك كتير ما رحتش تزورها
رد ابراهيم بعدين يا ادهم هبقى اروح ازورها وراح ركب العربيه بتاعته
وفي عربيه ادهم قال زين انت لسه زعلان من ابوك
رد ادهم هو حر في حياته بس المهم ما يهدش اي حاجه انا بنتها
وبعد وقت وصلوا عند العماره وركن ادهم العربيه قدام العماره
وبسمله كانت خلصت الشغل واخذت فلوس من اميمه هانم قالت لها ده كتير يا ست هانم
ردت عليها ولا كتير ولا حاجه ده حقك وكفايه ان ضغطت عليك وخليتك نظفت الشقه وعملت الاكل في يوم واحد
ردت بسمله شكرا يا ست هانم محتاجه حاجه ثانيه
وقالت لها حطي يا بسمله اكل في العلب وخديها معاكي وانتى نازله
ردت بسمله شكرا يا ست هانم
قالت لها اسمعي الكلام بقى ما بحبش وجع القلب فاهمه ولا لا
وبسمله اللي عملت اللي هي قالت لها عليه وخرجت من الشقه
وباسم كان بيلعب كوره والعيال حدفوا الكوره في فانوس العربيه انكسر وجريو العيال
وفضل باسم واقف وقرب ادهم من باسم وقال له ينفع اللي انت عملته ده وباسم خاف وعيط
وبسمله كانت واقفه قدام باب العماره وشافت اخوها وهو بيعيط ورمت الشنطه الاكل في الارض وجريت على باسم
وقالت له مالك يا حبيبي في ايه بتعيط ليه وباسم كان خايف ما عرفش ينطق وقامت بسمله وهي بتقول لادهم انت عملت ايه خليته يعيط كده اوعى تكون ضربته
بص لها ادهم ببرود ومشي وما ردش عليها
وقربت بسمله منه وشدته من دراعه وقالت له بصوت عالي هو انت مديت ايدك على اخويا
وقرب زين منها وقال لها اهدي بس ايه اللي انت بتعملي ده غلط فرجتي علينا الشارع
ردت بسمله بصوت قوي هو انا لسه فرجت عليكوا حد ازاي واحد بطولك وعرضك اضرب عيل
رد زين اهدي بس ما حدش ضربه
ردت عليه يعني هو بيعيط لوحده
وقال ادهم يلا يا زين خلينا نمشي
ردت عليه مش هتمشي من هنا غير لما تقول لي انت ضربته ليه
رد زين يا ست اسمعي هو ما ضربهوش واسكتي بقى خلينا نمشي
ردت عليه يعني انت عايز تجنني الواد عمال يعيط لوحده كده
زهق ادهم ولف وشه وقال لها يعني انتم غلطانين وجايه تعلي صوتك يعني طفل شوارعي زي ده يكسر فانوس عربيه لو عشت عمري كله تشتغلي عمرك ما هتجمعي حقه
اتضايقت بسمله من كلامه وحطت ايديها في جيبها وطلعت الفلوس فرامتها في وشه وقالت له اتفضل حق فانوسك وجت تمشي
ادهم مسك ايديها وقال لها بغضب انتي قد اللي عملتيه ده
ردت عليه بصوت قوي ايوه قده وهتعمل لي ايه يعني فلوسك ورميتها لك وجيب فانوس جديد بدل اللي اتكسر
وخرج في فكري من الاوضه على صوت الدوشه وشاف اللي حصل واجري على ادهم وقال له اسفين يا ادهم بيه والله هي ما تقصد دي بنت غلبانه
وقالت بسمله ايه انت بتقوله ده يا عم فكري يعني يضرب الواد واسكت له
رد عليا اسكتي يا بسمله ما تتكلميش تاني فاهمه ولا لا
وكل ده وادهم باصص عليها ونفسه ويقتلها بايديه
بقرب زين من ادهم وقال له سيبها يا ادهم عشان الناس وزقها ادهم وقعها في الارض
وقال لها الفلوس انا مش عايزها خليها لك تجيبي هدوم عدله ليكي ولاخوكي
راح ادهم عند بوابه العماره وبسمله اتضايقت من كلامه وقامت وقفت ومسكت طوبه كبيره وحدفت على قزاز العربيه اللي اتكسر 100 حته
ولفي ادهم وشافها وهي واقفه ومسكت الفلوس وحطيتها على مساحه بتاعه العربيه وراحت اخذت اخوها ومشيت
و ادهم اتضايق ان دي اول مره واحده تقف قصاده وبص لزين وقال له هات لي كل المعلومات عنها البنت دي لازم تتربى النهارده
