رواية زوجي يعشق اخري الفصل الأول بقلم ساره الخفاجي
💔💔 يوم جميل
احمد يلة حبيبي أكعد راح تتأخر .
-اي حياتي بس عوفيني شوية بعد .
-راح اسوي الريوك موتاخذك النومة.
-خوش افتهمنا .
-نزلت بسرعة للمطبخ وحظرت بيض طك عيون و جبن وزيتون
وعسل وحظرت الخبز جهزت السفرة .
بعد نصف ساعة نزل احمد باسني
على خدي وكعد على الكرسي الگدامي ولدينا ناكل وندردش شوية مثل كل يوم.
جان يوم حلو الشمس طالعة بس الجو موحار حلو طلع احمد لشغله وصلتة للباب وبسته من خدعه واكيد وصيتة يدير باله على نفسة لان مالي غيرة بهالدنيا ،رجعت اكمل ريوگي وبعدين بديت بشغل البيت .
تنظيف غسل وتعديل البيت ميخلص خابرت البنات جاراتي وتفقنه يجن يمي نغير جو شوية .
جان الكل يحسدنة اني واحمد لان متفاهمين وماكو بينه مشاكل اكيد اكو شوية اختلافات بس شي بسيط بكل بيت وبسرعه نتلافاها وابد منام ولو ليله واحنه مزاعلين .
ورة ساعتين اجني البنات ومحظرات نفسهن وكل وحدة جايبة وياهة شي الي جايبة الحب والي جايبة الكيك والمعجنات ماعدة الي اني حظرته للكعدة .
واكيد كل جمعه نسوان متخلص من القشب وكال فلان وشفتي علان
جبناها من البيت والرجال للجوارين والأحداث الجديدة واخر شي ختمناها بالمسلسلات وشمتابعين وياهو الي احلى وختمناها بجدل مامنه اي فائدة .
اتفقنا نطلع الاسبوع الجاي لحديقة لمول هم نسوق وهم نغير جو البيت والشغل الي ميخلص.
توادعنا ووصلتهم للباب ورجعت انتظر احمد لان صار وقت رجعتة بس اليوم تأخر عن الوقت الي دائما يجي بي ،ظل بالي يمة ،بقيت اتصل وميجاوب بس ميأست وظليت اتصل واتصل ونفس النتيجة
خفت هواية ليكون بي شي اتصلت بصديق الة وگلي أنه احمد طلع من زمان من يمة.
تخبلت يالله ليش تأخر ،زين ليش ميجاوبني .
ورة ثلاث ساعات من القلق والدعاء والخوف اجة احمد وجان فرحان كلش ابتسامته متفارك وجهة.
اني هنا انجنيت وفقدت عايفني اتصل وميرد 3ساعات ميفكر بية ميكول اكو بشر تنتظرة
صحت بصوت ليش تأخرت شعدك لحد هسة ،ليش مجاوبني صار كم مرة اتصل متكول اكو بشر ينتظرك ويخاف عليك ردت اموت من خوفي مبقة شي مااجة بالي ،ساعه اكول حادث ساعه اكول حرامية كتلو وباكو .
منطيته مجال حتى يجاوبني طلعت كل غضبي وخوفي وقلقي عليه
-شبيج يامعودة قابل شصار هوة بس طلعت وية جماعتي .
_سكتت مكدرت اجاوبة بس اتمنيت افترسة .
كمل كلامه
ياحبيبتي ،امشي انام اتاخر الوكت وباجر وراية كعدة من الصبح على مود الشغل.
-صدك تحجي انت ،هذا هوة جوابك يم اصدقائك وتريد تنام .
-صاح بصوت شتريدين متكليلي والله مليت من هالحياة وهالاسئلة عبالك طفل كدامج .
-نزلت دموعي من عاط بية ،اني بس ردت اطمن عليك والله كنت خوف ،تعرف مالي غيرك بالدنيا.
-قابل شيصير بية ياحياتي وبعدين اذا صاير شي لتخافين انتي اول وحدة حتعرفين،ومسحت دموعهة وحظنتهة.
-اسم الله عليك ياروحي يومي قبل يومك ،بعد مااسال ولا اخاف وين متريد تروح روح حتى لو رحت للمريخ .
-ههههه خبلة دمشي يلة .
صعدنا لغرفتنا غيرنا ملابسنا ونمنا ،بس اني مكدرت انام ابد مااعرف جان اكو احساس بداخلي يكول احمد متغير بي شي مومثل قبل.
صبح الصبح واني افكر وين راح وويامن ،زين ليش هيج روحي محتركة وغيرانه مع أنه اني واثقة بي بعمري كله محسيت بغيرة مثل هالمرة ومن خيالي .
ابد مافديوم طول فترة زواجنه أهمل اتصال الي احمد أو يتأخر لهالوقت هذا.
ظليت افكر وافكر وكل شوية اخترع سيناريو شكل بعدين تعوذت من الشيطان ونزلت احظر الريوك مثل كل يوم كعدت احمد ومثل الروتين اليومي خلص وراح للشغل وودعته ورتبت المنزل وجلست اتفرج مسلسلات أو اتصل على صديقاتي حتى يمشي الوكت .
مر الاسبوع بسرعة واليوم هوة اليوم الي اتفقنا نطلع بي اخذت الاذن من احمد ومكال شي حظرت نفسي ولبست ملابسي شسورت شعري وخليت المكياج ولبست الگلادة الي هداهة احمد الي بخطوبتنا كلش احبهة ومستعزة بيهة .
خابرت البنات واتفقنة بمكان نلتقي وجنت كلش مرتاحة وفرحانه صار هواي ممجموعين وطالعين سوة بسبب مشاغل الحياة .
عجبني اخذ شي من المول الي مقابل المطعم الي اتفقنه نكعد بي استأذنت من البنات ورحت جان المول بالجهة المقابله للمطعم
داعبر الشارع ولمحت سيارة احمد وكفت بيني وبين نفسي كلت ابن الحلال بذكرة خلي نختار الهدية سوة بس تفاجات من شفت بنية نزلت وياه حلوة وصغيرة لزم ايدهة ومشو سوة زهوة يبتسم الها بكل جرئة وفخر ونظراتة آلهة خلته حتى مينتبه لوجودي، دخل لنفس المطعم الي أحنه بي خابرت البنات واني ابجي اريد اسيطر على دموعي مااكدر جانت صديقتي فاتن هية اقرب شخص الية من كل المجموعه اتصلت بيهة وگتلهة عالصار كلتلهم عندي شغلة واجتني .
احساسي هالمرة ثبت ماخاب ومالوم خوفي البارحة والتفكير عرفت بي شي متغير
ظليت حايرة ادخل اواجهة بالسواه لو آنسة الي صار واحافظ على بيتي
اجتني فاتن وهدئتني وكالت ديري بالج تتهورين لازم ميعرف انتي عرفتي ورة ثواني اجن باقي البنات شايفين احمد وجانوا خايفين عليه لااشوفة ومن شافوا حالتي عرفوا عرفت ..
