رواية قدر مكتوب الفصل العشرون بقلم ام مصطفى
التفتت ع سرمد
ركز عدل اجة بسرعة
-هاي شنوو هنا الحجي اكول ليش ماردين ترجعين الي ثاري راجعة وي حبيب القلب
جرني حيل امشي
-اخ عوفني
امشي اني اعلمج بسيطة
نزل حسام
-عوفها شبيك تجر بيها
-لاتدخل بيني وبين زوجتي سمعت
-عوفني سرمد الف مرة كتلك مااريدك طلكني
-انجبي واسكتي بعدين نتفاهم
-عوفها
دفهعة حسام وجرني
رجع سرمد ضرب حسام
كتلة لا تضربة
ادافعيله ولج كدامي بسيطة ودكولين ماتخون
دفعني حييل
وكعت ع الرصيف ع ضهري حييل احس انكسر ضهري
كمت اعيط اخخخخخ
اثنينهم تقربوا علي
سرمد يعيط بحسام وخر
وحسام يكلة مو وكتها هسة بس خلي اشوفها شصار عليها
كومني سرمد صعدني بسيارته
وحسام ورانه بالسيارة
حسام
من يوم ماعرفت رند ازوجت
واني اعتزلت كل الناس
حتى الكلية تركتها ذيج السنه مريت بمرحلة كلش صعبة احس روحي اتاخذت مني مدا اكدر اتخيلها ازوجت واراحت مني
بقيت شهرين منازل من غرفتي ولا طالع باب البيت
امي مخلت امام ولا سيد مادعتة ولا علك مالبسته الي
-يمة ازوجك احلى واحسن منها
وليدي قسمة ومصارت تموت روحك على مودها
شكد جانت تحجي وياي بس اني مااحجي ولاكلمة كرهت الحياة كلهااحس نفسي جسد بلة روح صرت
بعدها اخوي الجبير كام يطلعني غصب ويحجي وياي الى ان رجعت السنه الثانية لدوامي اشترالي سيارة كلي هدية مني الك
داومت بس كل شي بالكلية يذكرني بيها
صح بديت ارجع لطبيعتي واسولف واضحك بس مو من كل كلبي بالي وروحي كلها يمها احبها ياناس بس اليعشگ من صدك يفهمني الحب موكلمة وتنحجي لا والله العاشگ مثل المدمن مايكدر ينسى ويترك بسهولة
كلت بمرور الوكت انسى
بس ابد منسيت جنت ع طول احلم بيها........
وافز اكول ياترة هم بعدج تذكريني
شلون كدرتي تنسيني شلون كدرتي تعيشين وي غيري هنيالج
الرجال من يحب من صدك ماينسى ابد بس المرة تكدر تنسى وتعيش حياتها ....
وبيوم جنت راجع من الكلية
ومن بعيد شفتها وشبهت بيها جانت حامل وكفت ع السريع جان اكو مي مطر
ادمرت ملابسها صاحت شبيك عمة متشوف وتنكت
اعذريني كمت مااشوف هاي انتي ياروحي هاي انت قطعة مني ولج احس هسه ردتلي روحي من كحلت عيني بشوفتج
جانت حامل وبطنها جبيرة باوعتلها
جريت حسرة المفروض هذا البطنج ابني الله لايوفق الي فرقنا وحرمني منج
كدرت انطقها واكلها
-رنددددد
واسمع صوت من وراها يصيح باسمها
هذا الي حرمني منها هو وابوه
جانت ضايجة منه وتصيح عليه وهو يجر بيها
-انت ممرتاحة بعدج تفكرين بيه اكيد بعدج تحبيبني
جرها حيل متحملت رحت وراها وجريتها منة
وين ماخذها هاي بنت روحي هاي مالتي اني ربيتها ع ايدي عوفها
جنت احجي بداخلي
دفعني ورجع جرها ودفعها حيل
وكعت صاحت اه
لو احس سجين وطكت كلبي
رجعت عليها دفعتي كمت اتوسل بيها بس خل اشيلها مو وكتها بس جان يرجف عليهامبين بعيونه حيل يحبها ويغار عليها احنه شباب ونعرف بعض
مبين هواي يحبها حقة ليش الي يعرف رند يكدر مايحبها اويلي يابة
لحكتهم للمستشفى
دخلوها لصالة الولادة واني واكف
تمنيت اني والد الطفل ويجون يبشروني زوجتك جابت ....
شافني سرمد اجاني
-انت شسوي هنا شتريد منها
اطلع من حياتنا اطلع
-عوفني بس اطمن عليها واطلع
-شنو مكرن اني اعوفك تطمن ع مرتي
حسام عوفنه بحالنه ترة دمرت حياتنا اني ورند
-ليش طول هاي الفترة اني بعيد عنكم شلون دمرت حياتكم فهمني
معناها رند لهسة تحبني وتفكر بيه مو
-لا تجيب اسمها لسانك واطلع منا يلة
-كتلك ماتطلع الة اطمن عليها
صاحت الممرضة منو وي رند
رحنا اثنينا نركض
-جابت ولد الحمد لله وين ملابس الطفل
-هااا اي هسة
ركض مثل المخبل يشتري من باب المستشفى ملابس
راح ورجع لكاني واكف
-مو اطمنت عليها يلة روح ابوس ايدك اطلع من حياتنا
هزيت راسي وطلعت من المستشفى راح بس وداعتك رند مصيرها ترجع الي ولو اعرف ابقى طول عمري بلة زواج هم انتظرهارند دخلت للولادة راسا
لان وجع ضهري هي وكعة هي طلكة
طلكت والدكتورات ساعدني حيل دارني الظاهر سرمد اطاهن فلوس
الحمد لله الله سهلي وطلع سيف ابني حبيبي سميته ع اسم اخوي سيف
بس جبت غفيت من التعب
وكعدت ع راسي عماتي وعمي وسرمد شايل سيف بيدة
عماي اسراء كالت الحمد الله ع السلامة حبيبتي
هذا سيوفي سبحان الله يشبه صدك سيف اخوج كلش
-وينه عمة
كعدت وخليته بحضني حسيت نفسي حاضنة سيف اخوي
كامو يتحمدولي بالسلامة
عمو امجدكلي اطلعين لبيتي وبعدين نتفاهم
مردت تخرب فرحتي هزيتلة راسي الله كريم
طلعت من المستشفى لبيت عمو امجد
خصصولي غرفة الي ولابني
سرمد شكد حاول وياي بس اني قافلة
الى ان عمو جبرة يطلكها
بس انصدمت من يكلة حامل وحلفلة بس تجيب يطلكها
عاد اني كتلة لا عمو ليش يظلمها اني يطلكني
-انت ادري بيج ليش تردين تطلكين بس والله ع موتي ماتطلكين وتبقين ع ذمتي
كام يروح ويرجع علاقتي بدت تصير زينه وي بيت عمي
ماعندي غيرهم وين اروح لازم اتحمل كولشي
سرمد كام ورجع سجل البيت باسمي
واجاني للغرفة
-رند هذا حقج ورجعلج هذا بيتج الج ولسيف بس مااريد ابوي يدري رجعتلج البيت
-اشكرك احسن حسنه سويتها هي هاي ضمان البني وسند النه هالبيت
-اني سندكم رند كافي والله احبج وداعت سيف غلطة وصارت سامحيني
-مااكدر اعذرني
-انتي عمرج ماحبيتيني لو تحبيني جان سامحتيني بس انت ماصدكتي لكيتي حجة حتى تعوفيني
-والله غلطان اني بديت احبك واغار عليك بس انت ضيعت كولشي بتصرفاتك
طلع وعافني
وبيوم
دك الباب بالليل
فتحت باب الغرفة
طب وجان سكران
رند احبج كافي تعذبيني كافي
حالوت ابعدة مني مكدرت هواي صرخت بس الظاهر جانو يسمعون وقابلين
الى ان تقربلي وطلع
كرهت نفسي بيومها
كلي انتي مرتي والي وبكيفي شوكت مااجيج اجي غصب رضى اخذ حقي .
