رواية فصلية لظالم الفصل العشرون بقلم زينب نور
.........
ثاني يوم كعدت هيه بعدها نايمه اتجنبت النضر الها لان من اشوفها افقد
بدلت ونزلت
صبحت عليهم كعدت حتى ام علي تسويلي ريوك
جتي امي كالت وين السعدانه شو ماكو مدري هيه الفصليه مدري احنه
يمكن صارت هية ام البيت شنو لحد هسه نايمة
كتلها يمة الواحد يكول صباح الخير بالأول
جان تكول فهد داسالك جاوبني
كتلها خير يمة كالت الفصليه وين
كتلها نايمة جان تكول قسم بالله وروح اخوك اذا ما كعدت هسه
اصعد اشمرها من فوك بت القندرة الكح.......
احد كللها فاتحين فندق الخلفوها نايمه لحد الان
كتلها يمه فدوه اكعدي وعوفيها واوعدج هذا اخر يوم تنام لهيج وكت
يومية قبل الكل تكعد بس هسه عوفيها لان مريضة
كالت عساها بجدري وكون يحركوها حرك
هيه من جتي لليوم مريضة ما صحت
كتلها لا السالفه غير كالت شكو
خواتي واكفات عيب احجي كدامهن وبعدهن بنات
كتلها كومي للهول والله رحنه لكينه حبوبتي كاعده صبحت عليها وبست راسها وجان تمول امي اَي يله يفهد احجي شكو
كتلها مو البارحة اخذتها وحجيت الها الصار
جان تكول ويطبها مرض شسويلها اني هسه
كتلها يمة بروح أبوي واخوي عوفيها بس اليوم
والله وروح العزاز ما حبيتها او ملت الها
بس شلون تريد تتحرك وهيه مخيطه
وما بيها تمشي
شو كامت تبجي وخلت وراحت لغرفتها
استغفرت ربي وخليت وكمت صاحت حبوبه
كتلها امر كولي تاج راسي
كالت عفيه بوليدي السبع ولو تأخرت جان لازم من اول يوم تاخذها
كتلها صارت بعد
كالت انشالله بيوم الي جيبلك الولد
كتلها انشالله خليت وطلعت
صاحت ام علي يمة وليدي الريوك حاضر
كتلها ما اريد بعد شيلي
رحت للمعمل مالتنه والي أديره اني الي هوة حصة والدي
صاير هالفترة ما التزم بالشغل فكلت خلي اكمل الي عندي هسه وما ارجع للبيت أدوس على نفسي ولا ارجع اليوم لان اذا شافتني زمرد مراح تسكت وتتخبل وتضل تعيط وتسويلي عرس لان ادري بيها وحده عرمة وفليته
..........
زمرد: نايمة وما احس غير نسحلت من فراشي وانشمرت بالكاع
وعياط كلشيت مفهمت الا ما استعدلت وصحيت لأنو ذني خوات فهد
واكفات على راسي ويريدن يملخني يعني بحيث من جرني من الفراش لحد ما وعيت اكلت ٦راشديات
تالي كمت افور وانجب اني مو من النوع الي اسكت عن حقي
كمت لحيلي رغم تعبانه ورغم مريضة وما بيه أتحرك وراسي بعده يوجعني
بس ما سكتت الهن
لزمت أيديهن اثنينهن وعطت كلت الهن مره من عدجن خلي تمد أيدها وشوفن شنو اسوي
تخبلن شلون تكولين هيج وسوين هيج
هجمن ضربني خلصت منهن وجان الزمهن واركع راس براس
واسحلهن واشمرهن بره الغرفة
وقفلت الباب بساع عياطهن شال البيت شلون هيج تسويين من يعيطن عبالك عدهن ميت
ويكول ولج يمة يوم تعاي صعدي شوفي الفصليه شسوت الحكيلنه
ما انكر جنت خايفه لان ذوله زلم نسوان كلها وحوش
بس ما اسمح للرايح والراد يهين كرامتي
اصلا هاي اذا بقتلي كرامه عالشي الي ديسوه
بس اني لازم الكي لروحي حل
خلي من انزل اذا كدرت اشوف عجوزهم الشايب واحجي ويا
بلكت الله ويلين ويقنع او يتفهمني شوي
الباب اتكسرت اتكسر واسمع صوت ام فهد تكول افتحي كح.....
عرمة سا..... الدايحة بت الشوارع الفصليه افتحي الباب اليوم موتج على ايدي
والله لا اخليهم يطلعون جنازتج اليوم تمدين ايدج على بناتي
...........
ام علي : من شفت الي صار وكلت اليوم يموتنها لا محال لهاي المسكينه
خلي اخابر فهد يجي عالاقل شوي زين بلكت يوكفهن
لان اليوم الا انفتحت الباب وكمشن زمرد من صدك يطلعن جنازتها من البيت وانوب الشيخة كاعده وتصيح الهن تكول كسرنها ولجن موتنها اذا بيجن خير لا تخلنها صاحيه
دكيت بساع على فهد بس كال الو
كتله ولك يمة وليدي الحك
كال خير ام علي شكو كتله امك وخواتك صعدن على زمرد يريدن يموتنها خلاص وذيج قفلت الباب عليها
بس راح يوكعنها والتمن كلهن عليها حتى الشيخة دتصيح كتلنها
كال جاي جاي هسه عالسريع
سديته منه واني ادعي يوصل بساع قبل لا يلزمنها لان حتى الباب راح يكسرنها
...........
فهد : من خابرتني ام علي وكالتلي ما عرفت شلون طلعت وشلون سقت ووصلت للبيت لان اليوم اذا كمشنها من صدك تطلع جنازتها من البيت
هاي اني عود كتلهن عوفنها اليوم
وصلت وبس طفيت السياره نزلت اركض
طبيت للمطبخ جان ام علي تكول الحك طلعن النسخة الثانيه مال مفتاح غرفتك
سويت الدرج بآيتين من الركض
والله وصلت ولن الكيهن طابات للصاله وزمرد قافله باب الغرفه
صحت يمة هاي شكو ؟
التفتن عليه كالن اليوم لو احنه لو الفصليه كتلهن شكو
كالن أميره وهناء كتلتنه الفصليه وضربتنه راس براس وسحلتننه من شعرنه
وتكول دنعل ابوجن لابو الي جابجن
كتلهن هيه مو مريضه شلون ضربتجن
كالن يعني تصدكها وتجذبنه يعني احنه نجذب عليك
وامي تخبلت شلون تجذب خواتك
كتلهن بس دقيقه ما مجذب احد بس هيه مريضه
شلون هيج تسوي
عاطت امي ولج يالفصليه افتحي الباب اخذتي ابني وكام ميصدكنه بعد
كتلها يمة على كيفج والله هسه اذا صدك مسويتها زمرد
اطيح حضها بس وخرن خلي افتح الباب
ابتعدن شري ورحت دكيت عالباب صحتها
زمرد افتحي الباب
ما جاوبت رديت صحت.زمرد افتحي الباب ماكو
دفرا الباب كتلها عسريع افتحي الباب
كالت ما افتحة الا ذني يوخرن منا
كتلها احترمي نفسج ولتكولين على امي وخواتي ذني
افتحي الباب بساع
والله شوي وفتحت الباب
انوب طلعت الهن بالبرموده علمود اليوم تعلك خوش علكة
هيه فتحت الباب وهنه هجمن عليها
ملخنها وهيه تدفع بيهن
كتلهن بس اوكفن خلي افتهم السالفه ماكو هيه تعيط جواهن ٣ التمن عليها
اخر شي هناء ضربت زمرد على راسها كل قوتها وانفتح الجرح رغم صارله ٣ ايّام لو ٤ بس ضربه هناء جانت قويه
عاطت زمرد وعلى شوغتها كومي وتضربني هناء الا ما وكعتها للكاع
وطلعت تركض للحمام وقفلت باب الحمام
هنه ضلن يحجن ويغلطن وحجن عليه وشلون قبلت الها وهاي بعينك شفت انته ضربت اختك كدامك ومحجيت
عاد انفجرت بوجهن كتلهن كافي مو بعيني شفتجن دميتنها دمي
وسكتت من يمته خواتي ترفعن حسجن بوجهي وتحجن هيج كدامي
لا شفتني حليت الحبل الجن اخذتن راحتجن
هنة خنسن حجت امي كتلها بعدين يمة مو هسه الحجي وكافي عاد
خلت وطلعت زعلانه وراحن وياها خواتي
تعجبت والله مدري اضحك مدري اسكت والله طلعت وكحة ولو هيه شفتها من يوم الي رحت وأخذتها فصليه ولو هنه ذني بنات بغداد
رحت دكيت عليها الباب كتلها زمرد افتحي الباب هاي أني
وجان تكول واذا انته يعني شنو مو كتلني كدامك ومحجيت وانته اضرب منهم كتلها بس افتحي الباب اشوف الجرح مال راسج
ما قبلت ولا فتحت كمت احجي مترد عليه
تالي نزلت كلت لام علي تروح عليها خلت وصعدت الها
كعدت بالاستقبال محتار شنو اسوي وشنو راح يصير بعد
زين اني كل مره اكول ااذيها ليش اضعف كدامها من اشوفها
........
زمرد : بعد الي صار والي جره رغم اني اكره فهد وما مصدكة ولا معتبره انو هو زوجي بس كل مره حتى لو رجلها يكرها يوكف وياها من تتعرض لشئ الا هو شافني انضربت كدامه وشاف اني وحدي وهنه ٣ التمن عليه وما حرك ساكن الصدك من رجع راسي يذب دم وعرفت تأذه واني ما اصدك يطيب لان وجع راسي آذاني من حلات روحي كمت وضربت اخته براشدي
وخليت وانهزمت للحمام وقفلت الباب ضَل همة يتعاركون واني ابجي شنو من ضيم صرت اني بي
يربي لا لازم اني اطلع منا ما ابقى بعد
اجتي ام علي صاحتني طلعت الها وحضنتها وكمت ابجي بالزايد حسيت هيه مثل امي بيها حنان مثل حنان امي
كمت ابجي حيل واشهك وهيه هم تبجي وياي كتلها فدوه كوليلي اني شنو ذنبي هيج ديصير بيه تعبت واني بأول الطريق
كتلها كاعده أتحمل ذنب شي اني ممسويته ولا ادري بي اريد بس اطلع اريد انهزم اريد امي خاله فدوه اريد امي ليش متجي تأخذني ليش متسلل عليه هيه متعرفني ادري بيها مستحيل تعوفني هيه حاربت الكل علمودي وما عافتني هيه حتى بعز شبابها وجمالها ما ازوجت علمودي ليش متجي عليه ليش عافتني كالت يمه شمدريج يجوز عدها ضرف يجوز بيها شي يجوز دتريد تجي تاخذج لتحكمين عليها بدون متدرين شنو ضرفها
كتلها ما ادري خاله ما ادري راح اتخبل يعني بيوم وليله حياتي هيج انقلبت وصارت شلون وليش ما ادري
كالت اذكري ربج وادعي وربج ميعرف عبد حاير ومهموم بس ادعي هو حلال المشاكل انهي داحي باب خيبر اطلبي من ابو فاضل ادعي من ام البينين اطلبي من قاضي الحاجات غريب بغداد واهل البيت كلهم ميقصرون
كتلهم ونعم بالله وبيهم حشاهم من القصور
كالت شلون صرتي بعدج موجوعة لو تنزفين كتلها الوجع اَي بعده بس النزف صار كلش قليل
كالت انشالله صيرين زينه وتكومين لحيلج
كتلها مو كلتي اخابر امي من تلفونج كالت اَي كتلها لعد شو مجبتي كالت انتي مو دريتي بالصار وما صار عدي مجال وبيوم الي راحو البارحة مجنت شاده رصيد بس انشالله بس يصيرلي مجال اجيبة الج
هديت راسي باي
وراها ضمدت جرح راسي وراحت كالت اخذي دواج مو تنسين
كتلها انشالله
راحت وكمت اني وخرت الهوسه الي سونها ذني السعالو
ورحت غسلت وجهي ولميت شعري على كيف ورحت مددت لان هاج الوجع عليه
للضهر صعدت ام علي جايبه الي التيلفون كالت من دام طبن نأمن والشيخ وفهد كاعدين بالاستقبال عدهم موضوع مهم وجئت اني اركض من دام صحت الي فرصه
كيفت ما صدكت كمت بس اضحك رحت اركض اخذته ودكيت رقم ماما خابرتها طلعلي مغلق راحت الابتسامة من على وجهي كالت ام علي خير يمة شبيج كتلها خاله تلفونها مغلق
كالت رجعي دكي انوب دكيت نفس الحاله
ما عندي وقت أخسره المشكلة
كالت ما حافضة غيره دكي
كتلها انبله رقم صوفي ورقم جدو
كالت اَي دكي على هذا صوفي احسن يفتهم بساع جدج علما يجاوب هسه سنه وعلما تفهمي وهاي اذا التيلفون يمة
كتلها اَي والله صدك خلي اكتب رقمة
جان اسمع صوته وهو يكول اَي وبالله منو هذا صوفي
حسيت رجله صارت بجسمي والتيلفون وكع من ايدي رفعت راسي اباوع عليه وارجف وعيوني تأرسهن الخوف وهو عيونه تجدح نار وشرار يطافر منهن يعني كلت الي موتي على ايده رد كمل كال اَي خاله عفيه واني آلامنت بيج ووثقت وطردتج امي ووكفت بوجها ورجعتج واكول اني حافضة سرنه وصاينه هذا البيت تالي طلعتي تتعاونين ويه عدونه
باوعت على ام علي وجها صار اصفر كركم وخطيه فشلانه
رديت بخوف كتله اني الي ردت هذا الشي وطلبته من عدها هيه معليها
صاح بصوت عالي انتي اخر وحدة اسمع حسج وممنوع تحجين وحسابج بعدين يمة كمت ارجف حتى نسيت انو اريد اطيح حضة علي سواه وأخذني غصب تالي شكلي اني حيطيح حضي
كللها اخذي تلفونج وروحي بعدين حسابي وياج وبدربج كولي لجدي ينتضرني شوي لان عندي حساب اصفي وأجي عود
بلعت ريكي بخوف يمة وج عيني لحكيلي
كالتله يمه فدوة والله مفتهم غلط كللها اَي صح مفتهم غلط بس اخذي موبايلج واطلعي احسن ما يصير غير شي وانتي حسبه امي
شالت موبايلها من الكاع وهيه فشلانه وخلت وراحت تمشي وطلعت وهيه مدنكة راسها
وصل يمي بعد ما سد الباب واني ارجف
