رواية في عشقها هلاكي الفصل العشرون
مختار انا خطفت نسيم من جوزها ومش عارف اروح بيها فين محتاج مساعدتك ...مش هينفع ارجع البيت
مختار اتجمد مكانه لثواني وقال بصدمه....ايه...طب انت فين دلوقت ...ابعتلي العنوان هاجيلك حالا
حمزه قال بتوتر ..طيب هبعتهولك.... بس متتاخرش
مختار قال بسرعه...تمام تمام دقايق وهكون عندك متقلقش من حاجه انا جاي
وقفل معاه وهو متوتر جدا ولسه هيتحرك وهو بيقول ...ايه الغباء ده يا حمزه من امتى بقيت متهور كده
روعه مسكت في ايده وقالت باستغراب وقلق... هو فيه ايه
يا مختار ..انت رايح فين
مختار قال بسرعه وتوتر..حمزه خطف نسيم.... انتي خليكي هنا متتحركيش من الاوضه مش هتأخر
روعه مسكت فيه اكتر وقالت بصدمه...نسيم مين...البنت اللي بيحبها....هو انتو عندكم داء خطف وراثي ولا ايه
مختار اتنهد وقال..... مش وقته ياروعه لازم الحقه دلوقت
روعه قالت بتصميم...رجلي على رجلك
مختار قال بغضب...هاخدك اعمل بيكي ايه انا مش عارف هن....
بس قاطعته وقالت باصرار اكبر...رجلي على رجلك لو عايز تلحق اخوك
مختار داس على اسنانه بغيظ منها ودفعها قدامه وقال طب يلا...يلا قدامي
روعه سحبت عبايتها ونقابها ولبستهم بسرعه وراحت معاه
عند جمال بدا يفوق ببطء وتعب وحط ايده على دماغه حس بدم بينزف منها بقي يحاول يقف وهو بيتالم
وفجأه بدا يفتكر كل اللي حصل ولما حمزه ضربه على دماغه اتسعت عنيه بذهول وبقى يقول بجنون..نسيم..... نسيم انتي فييين
وبقى يلف في الشقه وهو بينزف ومش قادر يصلب طوله وقلبه هيطلع من مكانه خصوصا لما اتاكد انها مش موجوده في اي مكان قال بهمس ..نسيم
واترمى على الكنبه مكانش قادر يتحرك خطوه تانيه
فضل ثواني بيحاول يستوعب المصيبه اللي حصلت وكان هيتجنن حرفيا وداس على قبضة ايده بقوه وقال بشر وغل...اللي تشوفه يا دكتور انت اللي اخترت موتك
وقام بتعب جاب تليفونه واتصل على واحد من رجالته واخد سلاحه ولسه هيخرج اتفاجا بعربية الاسعاف ورجاله معاهم نقاله جاين عنده
قال باستغراب.... خير يا دكتور
الدكتور بتاع الاسعاف قال....دكتور حمزه الديب بلغ ان فيه حاله بتنزف هنا
وبص على الدم اللي نازل من دماغه وقال..اكيد يقصدك اتفضل معانا انت لازم تدخل الطوارئ حالا
جمال اتجنن لما قاله كده وبكل عصبيه ضرب الشاب في وشه بالبوكس ونزل وهو هيتجنن حرفيا
بقلم...زهرة الربيع
عند حمزه رجع لنسيم وقال بابتسامه...خلاص حليتها كلها شويه ومختار هيوصل وكل حاجه هتتدبر
نسيم بصتله بذهول وقالت ....انت بجد ناوي تكمل في الجنان ده ...حمزه...حمزه انت كده بتضيع نفسك ارجوك ترجع لعقلك وبطل تهور انت مش صغير
حمزه ابتسم وقال ...مش مهم ارجع لعقلي..المهم اني اخيرا رجعت لقلبي
نسيم ارتبكت جدا من كلامه اللي كانت تعشقه بس دلوقت بقى مش من حقها تسمعه قالت بحزن...انت عارف انك كده بتعذبني
حمزه اتنهد وقال...عارف....بس مؤقتا... قريب ..قريب قوي هنهي العذاب ده وارجعك لحضني خليكي واثقه فيا
نسيم نزلت دموعها وهزت راسها بالرفض وقالت ...مفيش حاجه هتتغير ...اللي انا متاكده منه دلوقت انك هتتعذب معايا وبس ...فكني لو سمحت عايزه اشم هوا مخنوقه
حمزه اتنهد بحزن لما شاف الوجع اللي في عنيها وفكها
ونسيم نزلت من العربيه وهيه مخنوقه جدا
حمزه نزل وراها وقال ....هو انا في نظرك قليل كده .. شايفه اني مقدرش احميك
نسيم اخدت نفس بتعب وقالت....انت مش قليل وجايز تقدر تحميني ...بس اللي متاكده منه انك مش هتقدر تحمي نفسك ...انت متعرفش جمال
حمزه قال بغضب.. انتي خايفه منه كده ليه.... هي الدنيا سايبه ...التافهه جوزك ده ميقدرش يقربلي ولا يقربلك احنا في بلد قانون
نسيم ضحكت بسخريه وقالت..قانون ...طيب اللي تشوفه
حمزه اتنهد وقال ...ولو ان مش دي الضحكه اللي بتمنى اشوفها لكن احسن من مفيش.... وحشتني ضحكتك اوي يا نسيم
وقرب منها وقال بدعم ...هتعدي كل حاجه هتعدي طالما احنا مع بعض
نسيم كانت بتحاول تتجاهل احساسها بالسعاده معاه بس مش قادره حاسه انها بتغرق في اقل كلمه بيقولها استجمعت قوتها ودفعته بقوه شديده وجريت بكل طاقتها
حمزه جري وراها وهو مصدوم وبينادي عليها وبيقول نسيم...نسيم استني ...نسيييم
بس كانت بتجري بسرعه رهيبه لدرجة انه مكانش عارف يحصلها وفي نفس الوقت مختار كان جاي بعربيته وحاول يوقف بس صدمها ولحسن الحظ كانت العربيه هديت فوقعت على الارض وهيه ماسكه رجلها
حمزه كان جاي وراها واتخض جدا وقرب منها وكان هيمسك رجلها بقلق وهو بيقول...يا خبر حصلك ايه بتوجعك
بس نسيم بعدت رجلها وزعقت فيه وقالت...متلمسنيش
روعه نزلت جري عليها بقت تسندها ومختار نزل من العربيه وقال بسخريه....بقى البت تسبقك يلا ....مش مكسوف من نفسك ياخسارة اسم الديب فيك
حمزه قال بضيق ...مش وقتك يا مختار..مش فايقلك خالص
مختار قال بجديه ...طيب خلينا في المهم ....جوزها شافك وانت بتاخدها
نسيم قالت ببكا ووجع ..ايوه شافه واخوك ضربه على دماغه ويمكن يكون حصله حاجه.... عقله ارجوك بلاش يجيب بلوه لنفسه
مختار قال بغضب...لا متقلقيش هو جاب البلوه وخلاص ...خليته يشوفك ليه يا اذكى نوابغ عصرك
حمزه قال بخنقه...هاخدها ازاي من بيته من غير ما يشوفني
مختار قال بتريقه....اه صح معاك حق ازاي ناخد مراته من بيته من غير ما نستاذنه...ده حتى مش اصول
حمزه قال بغيظ...تمام انت جاي تهزر مش تساعد .....انا هاخدها وامشي وانا اسف اني كلمتك يلا يا نسيم
ولسه هيتحرك مختار قال بضيق...اقف ياض و بطل حنبله مش في صالحك دلوقت....انا اقصد لو قولتلي كنت هاخدها من بيته من غير ما يعرف ولا هو ولا الجن الازرق
نسيم بصتله بدهشه وقالت ..ده اللي طلع معاك بدل ما تعقله وتعرفه ان ده غلط
روعه لوت بقها بسخريه وقالت بهمس...مش لما يعرف هو الاول
مختار ابتسم بخفه لما سمعها وقال. ...خلينا في المهم.... هاتها وتعالى ورايا
نسيم قالت بصدمه وجنون ....يجبني فين....انا عايزه ارجع لجوزي...هوديكم في داهيه ....فهم اخوك اني مش حباه مش طيقاه.... انا ست متجوزه انت. مبتفهموش
حمزه اتجاهل كلامها تمام وقال بهدوء ..هنروح فين..انا مش هينفع اجي البيت هو هيسال ويعرف بيتي
مختار قال ...اكيد مش هاخدك البيت انا مش في نفس مستوى ذكائك العظيم
وطلع في عربيته هو وروعه
وحمزه داس على اسنانه وقال...يارب صبرني عليه.... يارب صبر ايوب من عندك
وشد نسيم واخدها على عربيته وطلع ورا مختار
في العربيه روعه كانت متنرفزه وبتقول...هو انتو جنسكم ايه ماشين تخطفه في بنات الخلق من غير سبب..البنت متجوزه .....متجوزه يا خلق ....متجوزه يا عالم انتو بتعملو ايه وانت ازاي توافقه
مختار اتنهد وقال ....انا كان لازم ابعتك معاهم مش هقدر على السواقه وكلامك في نفس الوقت
روعه قالت بغضب وذهول....لا والله ده اللي طلع معاك....يا بني ادم البنت متجوزه وعايزه ترجع لجوزها..... يعني حتى لو حابه اخوك وعيزاه نقول ماشي له عذر شويه ولو انه مش مبرر برضه
مختار طلع سيجاره وحطها في بقه وقال ببساطه ...الولاعه عندك في الدرج ولعيلي عشان سايق
روعه اتغاظت جدا من الامبالاه بتاعته وسحبت السيجاره ورمتها من العربيه وقالت بغضب...وهرمي العلبه كلها ايه رايك ولسه هتمسك العلبه مسك ايدها بقوه وقال...بلاش جنان دي مستورده ...انتي عايزه ايه هو انتي مصلحه اجتماعيه ...وبعدين ما انتي مخطوفه اهوه والدنيا زي الحلاوه فيها ايه يعني
روعه قالت بغبظ..لا طبعا تفرق انا هنا بمزاجي..وفي الاول كنت رافضه زيها لحد ما فهمت ان حضرتك محتاجني في مساله انسانيه ....يعني فيه سبب انما اخوك خاطفها ليه
مختار قال بضيق...بيحبها
روعه قالت بغضب....واللي يحب حد يخطفه...طالما هيه مش عايزاه هيستفاد ايه
مختار ابتسم بسخريه وقال...مين قالك انها مش عايزاه هيه كمان بتحبه واوي كمان
روعه بصتله بدهشه وقالت..انا سمعتها بودني قالت انها مش بتحبه وعايزه ترجع لجوزها
مختار اتنهد وقال....بس مفيش ست بتقول اللي هيه عايزاه دي قاعده ومعروفه ....يعني لو هيه بتعشقه هتقول لا مش طيقاه
روعه ضحكت بدهشه وقالت...ياسلام ومين العبقري صاحب النظريه دي بقى ...اكيد حضرتك
مختار وقف العربيه فجاه وبص في عيونها وقال بدون مقدمات...انتي...بتحبيني
بقلم.....زهرة الربيع
روعه اتفاجات بسؤاله واتسعت عيونها بذهول وبقت مش قادره تبلع ريقها بعدت عيونها عنه وقالت فورا...انت بتقول ايه ...لا طبعا
مختار ضحك جامد ورجع يسوق وقال...اهو ده بالظبط قصدي
روعه اتوترت وكانت عايزه تقوله انه غلطان بس كانت مكسوفه جدا ومش قادره تتناقش معاه اكتر نزلت عيونها وسكتت طول الطريق
بعد شويه وصلو عند بيت صغير في حته معزوله جدا ونزلوو كلهم وحمزه استغرب المكان كان اول مره يشوفه وقال..ايه المكان ده
مختار طلع من جيبه مفاتيح البيت وقال...دي المفاتيح ...البيت ده انا اشتريته من زمان كنت بقعد فيه لما احتاج ابقى لوحدي لوحدي... خلي بالك منه ده عزيز عليا
وطلع موبايل صغير وقال..... لما تحتاج تكلمني كلمني من التليفون ده.... شغال وفيه شريحه .... ومتستعملش تليفونك ابدا ادهوني هاخده معايا
حمزه اداله التليفون وهو متوتر شويه وقال..هو...هو الموضوع خطر قوي كده
مختار ابتسم على طيبته وقال..متخافش انا في ضهرك ..محدش هيقربلكم بس للاحتياط يمكن جوزها يبلغ ولا حاجه
نسيم قالت بحسره..مش هيبلغ.... ياريت كان هيبلغ
مختار اتنهد وقال..فاهمك... متقلقيش قبل ما يوصلكم انا هتفاهم معاه واخلص الموضوع..كل بني ادم لازم يكون له سكه معايا
وبص لحمزه وقال ..يلا انا همشي دلوقت وهبقى اجيلكم تاني
ولسه هيركب العربيه بصله وقال بصوت عالي...اه صحيح يا حمزه شاكر هيجي انا كلمته هيجيبلكم كل الي هتحتاجوه.... اكل وشرب وهدوم ...و....وحبوب منع حمل .....يعني كل اللي هتحتاجوه هيظبطكم
نسيم شهقت بذهول من كلامه وبصت لحمزه بغضب لانه حطها في الموقف ده وسحبت منه المفاتيح بتاعة البيت ومشيت على البيت بغضب شديد
حمزه بص لمختار بعصبيه وقال..ايه اللي قولته ده يا حيوان فاكر كل الناس واطيه ذيك
مختار ضحك وقال..لا عارف مش كل الناس واطيه زيي.... بس بعرفك ان فيه ناس نضيفه وزفارة اللسان بتوجعهم.... عشان تبقى تفكر قبل ما تتكلم ولا نسيت اللي قولته لروعه في الاوضه...عموما ده دين وكان لازم يتسد...سلام
قال كده وركب عربيته ومشي وروعه ابتسمت لما سمعت كلامه وكانت مبسوطه بيه بكل كلمه بكل حركه بجنانه وقلة ادبه كل حاجه فيه بتعشقها
حمزه ضحك بخفه على كلام مختار وقال ...شكلك وقعت يا ابن الديب...عجايب الدنيا بقم تمنيه
وراح على البيت ورا نسيم علشان يصالحها
اما مختار وصل عند البيت ولسه هينزل جاله اتصال من شاكر قال ...ثواني ده شاكر
ورد وقال..ايوه يا شاكر ....جهزت الحاجه اللي قولتلك عليها
شاكر رد بتوتر وقال..جهزتها وهوصلها حالا ....بس مش ده اللي عايزك في يا باشا
مختار قال باستغراب.....فيه ايه تاني
شاكر نطق بالعافيه وقال...النتايج بتاعة التحاليل وصلتني
مختار قلبه وقع في رجليه حرفيا ومبقاش قادر ينطق حاول يستجمع قوته وقال...ايه النتيجه
شاكر قال باسف..... النتيجه تمام وبعتها للدكتور واتس وقال ...احم...قال نقدر نشتغل بكره
مختار اتجمعت الدموع في عيونه وقلبه اتنفض من الجمله وفضل ساكت مش قادر يرد بحرف
روعه استغربت شكله وقالت ...فيه ايه يا مختار...هيه التحاليل فيها حاجه وحشه...لسه هنستنى تاني ولا ايه
مختار بصلها بوجع وقال بالعافيه...تمام...هناجي بكره..خليهم يجهزوا
وقفل من غير ولا حرف وحط ايده على خد روعه وقال بحسره...عمري ما اتمنيت حاجه وطولتها ..الموضوع مش جديد عليا...بس اول مره يوجعني
روعه مفهمتش قصده بس كانت حاسه ان فيه حاجه كبيره قالت بقلق.... فيه ايه يا مختار
مختار مسح عيونه بسرعه قبل ما دموعه تقع وابتسم وقال...يلا ننزل ..وهنتكلم جوه
ونزل وراح البيت بحزن شديد وهيه راحت وراه باستغراب بس اول ما دخلوا اتفاجأو بجمال في وشهم
مختار قال باستغراب...نعم... مين حضرتك
جمال مسكه من هدومه بقوه وقال بعصبيه وجنون...مراتي فين يا ولاد الكلب وووووو
