رواية فصلية بديلة ( شموخ ) الجزء الثاني الفصل العشرون 20 بقلم ام ملكوت

:

- دخلت مكتبي وسديت الباب حيل مدري منين تطلع هل نماذج بطريقي كعدت عل كرسي ودخل سالم انطاني ملف قضيه جديده اخذته وسالته على موعد بدء التدريب وكال..

_سالتهم سيدي كالوا باجر يجون للاختبار الامني ومحتاجينك تكون موجود بالاختبار وتشرف عليهم وبعدها يبدون المتدربين دوامهم هنا الايام الجايه

_تمام بيش ساعه الاختبار يبدي

_ب٨ ونص سيدي بالطابق الثاني بقاعه الاجتماعات

_استبينه

_محتاج شي سيدي

_لا تكدر تروح ..

طلع وسد الباب وبقيت صافن بملف القضيه واكلب بصفحاته وجانت عباره عن قضيه خطف واغتصاب طفله بعمر ال٧ سنوات فتحت عيوني بصدمه بسم

الله الرحمن شهل فال هذا من اول دخلتي للبصره اصادف اول قضيه الي هيج شحال باقي القضايا شصار بدنيا هيج صار الاغتصاب بكل مكان والمجرمين وصل بيهم يغتصبون حتى الاطفال .. بقيت اقره وكلبي ينعصر

عليهه وينهه وين الاغتصاب بعمرهه يلعب لعابات بالشارع وهو شعم عليهم غير كعدت الشوارع ...

_قضيه رقم 5_

...نهروان طفله عمرها ٧ سنوات صف اول ابتدائي اول يوم وهي ذاهبه لمدرستها بملابسها الجديده والفرحه على وجهها تم اختطافها من امام مدرستها

وتم اغت صابها من قبل اثنان من المراهقين وتركوا الطفله تخوض بدمائها في احدى البيوت المهدومه وهربوا ولم يتم معرفه اماكن وجودهم او بيوتهم

الى الا نطالب جهات البحث الجنائي بالقاء القبض على المجرمين ومحاسبتهم حسب القانون الذي يحمي الطفوله ...

:-جان الكلام عن القضيه قليل بس بي حركه كلب جياشه من قبل اسم المقدم الشكوى يلي هوه ابوها انعصر كلبي عليهه طفله هيه ياربي شنو ذنبهه

وشلون تحملت .. شديت قبضه ايدي بعصبيه ورفعت سماعه التلفون اتصلت بسالم رد علي وكتله..

_سالم تجيبلي فحوصات الطب العدلي الخاصه بالطفله نهروان و تاخذ كم واحد وياك وتروح تسالي عن هل خسيسين وتطلعهم من جوه الكاع خلال يوم واحد فاهم

_حاضر سيدي..

سديت الاتصال وطبكت اصابيعي على حلكي وصفنت بالملف وكل شوي ارجع اقراه واحس دمي يفور غضب ااخ لو الزمهم بيدي الا اطلع العافيه من

طيا*** سديت الملف اخذت باكيت جكايري وطلعت للحديقه اشم هوى دائما اسمع بقضايا اغتصاب الأطفال بس هاي اول مره استلم قضيه

حيه بيدي وشكلهه الشغله بدت تنتشر صرته حالته حال الكفار السكارى وماندري شيصير بالدنيا بعد

الله يجيرنه من الفساد ويعجل ظهور صاحب الزمان عج ويخلص الناس من الزلم والجور وكطع دابر الفاسدين..

فركت وجهي بتوتر وذبيت كطف الجكاره سحكت عليه ورجعت دخلت لمكتبي شويه ودخل سالم بيده ملف فحوصات الطفله فتحتهن وشفت فحص الاعتداء 

وطلع يخص ٣ اشخاص مو شخصين ضربت بيدي عل طاوله بغضب وكلت لسالم يجيبلي اذن من العميد اطلع من دوامي راح

شويه ورجع بيده ورقه الاذن اخذتهه واخذت سالم وكم واحد من فريقي ركبنه سياراتنه وبدلنه ملابسنه لمدنيه واحنه بالسياره وصلنه لعنوان

المدرسه وبقينه نفتر وندكدك بالبيوت ونسال الناس عن قضيه الاغتصاب الصارت وكلهه تكفت الشر وكالت ماندري بشي ولا سمعنه شي كلهه

مغلسه هناك ودكينه الباب على بيت قريب من مكان الاعتداء وطلع رجال جبير بالعمر سالناه عل قضيه وكال تفضلوا عاد دخلنه للساحه ووكفت اساله..

_حجي احنه سمعنه صايره حادثه اغتصاب وعدنه بنيه من عائلتنه مختفيه من يومين وكاعد ندور عليهه ومانعرف بيا مستشفى او منو اخذهه

_اي بويه انه الاسعفت البنيه 

_انت حجي وين وشلون لكيتهه 

_البارحه الصبح وانه طالع لحلالي سمعت صريخ البنيه من بعيد ضنيته طالع من البيوت اليمنه بس

تالي الجيران هم طلعوا رحنه نركض وندور على مصدر الصوت لحدما وصلت انه لبيت مفلش

وشفت ثنين شباب لازمينهه وبوضعيه مو حلوه وياهه شافوني وهمه فلتوا وانه صحت عل جيران يجون يسعفونهه وياي

_حجي تكدر تذكر اشكالهم او هيئتهم

_اي ابني ركزت بشكلهم زين لان من صدمتهم بقوا صافنين بوجهي فتره ياله شردوا

_تكدر توصفهم بالضبط لو جبتلك رسام

_اي ابني اكدر

_تمام حجي احنه من جهاز البحث الجنائي واجينه نبحث بالقضيه واتمنى تجي ويانه تنطي المعلومات العندك للشرطه حتى نكدر نبحث عنهم ونلقي القبض عل مجرمين 

_هاذهو سيدي الله يطول بعمركم ويحفضكم لشبابكم حماة الوطن 

_تسلم حجي بس سؤال ثاني

_تفضل سيدي

_ الشفتهم شكم واحد جان 

_بس ثنين سيدي 

_تكدر تكلي بيش ساعه لكيتهه وبيش الساعه وصلت للمستشفى 

_ماعرف سيدي تقريبا لكيتهه ب٨ نفس موعد طلعتي وعلى ماوصلنه للمستشفى صارت ونص 

_تمام يله حجينه تفضل ويانه 

_تمام ابني بس خلي البس عكالي ..

ابتسمت باستهزاء من كال عكالي مبين من تصرفاته وبروده المتصنع ان عنده شي ومو خالي راح جابه

واجه اشرت لسالم يخلي بصندوك المجرمين اخذه وخلاه بي على ما وصلنه للدائره دخلناه كبالنه ودزيت عل رسام خليته يمي بالمكتب هو والرسام

وبقى يوصف شكل الشباب بكل تفاصيل بحيث انه تخيلت شكلهم كبالي على دقه التفاصيل يلي

مستحيل شخص عادي يحفظهن بنضره وحده كمل رسم ووراني الرسام الصور وحجيت موجه الكلام للحجي ..

_حجينه الصوره احتمال تطلع مو نفس الوصف فراح نبقيك يمنه خاف نحتاج نرسمهه مره ثانيه و حتى فرد مره تنطي شهادتك النه تمام 

_لا سيدي نفس الرسمه بالضبط شفتهم انه 

_ميخالف راح نصطر نبقبك خاف نحتاجك بشغله وهم تنطي شهادتك 

_تمام سيدي ماكو اشكال ابقى ..

رغم كال عادي بس نضرات الخوف والتوتر والعرك الصب على جبينه شككني بي اكثر اشرت السالم الواكف يم الباب واخذه للحجز اخذت الرسمات

عندي وبقيت اباوعلهن عبالك شخص حقيقي كبالي واذا لكيتهم وشفتهم نفس الرسمه بالضبط معناهه الحجي عنده ايد بالسالفه ..

كبست الصوره بملف القضيه وطلعت بعدما خلص الدوام اتصلت عل بيت وكتلهم راح اتاخر لليل ياله اجي .. اخذت فريقي بعمل اضافي ورحنه ندور

بملابس مدنيه ونسال الناس اذا شايفينهم بمكان منا لليل تعبنه ورجعنه طبكنه عل مطعم اخذنه لفات وكعدنه ناكل بالسياره هناك وانتبهت على ولد

صغير كاعد بعيد وحده عل رصيف وكباله بسطيه مال سمسم كملت لفتي واخذت اللفه الثانيه ولبن وتوجهت اله وصلت يمه كرفصت كباله وسالته..

_شتسوي هنا ولك ليش لهسه بره البيت

_عمو محد اشتره مني والسمسميه راح تخلص وانه ماعدي فلوس

_اي باجر ارجع بيع

_مايقبل بابا الا ابيعهن كلهن

_ميخالف انطيني انه اشتريهن وهاك هاي اللفه اكيد جوعان وضال لهسه بدون عشه 

_لا عمو ماريد شبعان

_ميخالف انه هم شبعت وين اودي اللفه حرام تضل محد ياكلهه

_هاا 

_اخذهه يله لا تخاف حتى اشتري منك البسطيه كلهه وترجع لبيتكم تنام تمام

_ماشي شكرا عمو

_العفو بس ماكتلي ليش البسطيه ناقصه تريد تضحك علي 

_لا عمو والله مابايع منهه شي بس هذول ولد وياي يجون يضلون يضربون بيه وياخذون من بسطيتي يبيعونهه بغير شوارع وياخذون الفلوس

_وليش ماتمنعهم 

_ همه كبار انه صغيرون ماكدرلهم

_امس اجو لو لا

_لا عمو بس امس ماجو ياله كدرت ابيع كلشي العصر وارجع للبيت..

صفنت بكلامه وطلعت الرسمات من جيب الستره وريتهم اله وكتله..

_تعرف هذولي 

_اي عمو همه هذول الولد بس حلوه هاي الرسمه ارسمني انه هم

_تعرف وين بيتهم 

_هذا الولد بيتهم هناك قريب وهذا الثاني ماعنده بيت ينام بشارع لو مرات اشوفه يدخل بيت هذا الولد 

_تكدر تدليني عليهم حتى ارجع سمسمياتك

_لا عمو بعد راحن ماريدهن بس كون يفكوني مايجون بعد 

_لا امشي خل نروح ناخذ سمسمياتك وادبهم حتى بعد مايعيدونهه وياك تمام

_ماشي تعال ادليك على بيتهم..

وكفت وسويت اشاره استعداد للفريق كطعوا لكمتهم وضموا اسلحتهم وره ضهرهم مشينه كلنه وره الولد وحسيته خاف اشرت للولد يبتعدون

مسافه عنه وابتسمت بوجهه وبقيت اخذ منه كلام عنهم شكم مره يجون ياخذون سمسميه ووين يبيعونهه وغيرها لحدما وصلنه للبيت واشر كال..

_عمو هذا بيت هذا الولد بس الثاني ماعرف وين بيته لان ماعنده بيت 

_زين شفتهم اليوم دخلوله لو لا

_اي عمو بس ابنهم شفته دخل هذا الثاني ماجه اليوم 

_تمام شكرا عمو انت روح وبعد من باجر محد يبوك سمسمياتك وديربالك اليجي غيرهم وياخذ منك روح للشرطه الواكفين هناك واشتكي عليه تمام

_ماشي عمو مع السلامه

_الله وياك عمو حبيبي .. 

كصيت صوره لباب البيت واشرتلهم يرجعون باوعولي باستغراب واجه سالم يمشي يمي وانه متوجه لسيارتي وكال..

_سيدي شنو اكو هنا ليش تريد نرجع بعدما اشرتلنه نستعد

_هذا بيت واحد من هل جلاب وردت القي القبض عليه

_اي ليش جا تراجعنه

_ماتراجعنه اريد اراقب هنا فتره لحدما اكبسهم ثنينهم سويه لان هذاك لو سمع برفيقه ملزوم راح يتخفى فخلي على راحته يسرح ونكبس عليه غفله

_ها تمام سيدي ..

صعدت سيارتي وراح سالم انطه خبر للكل يجي وراي لنقطه مخفيه وقريبه من البيت ..حركت السياره ووكفتهه قريب عل بيت وبقي السيارات

التفن حوالين البيت حاصروه بقيت منتظر واباوع للباب لحدما صارت ب١ بليل اتصلت علي امي وجاوبتهه..

_الو ها امي

_ها يمه راهب وينك تاخر الوقت وانت ماراجع وليدي خو مابيك شي

_لا يوم لا تخافين علي انه عندي مناوبه الليله ماكدر اجي واحتمال اطول يومين او اكثر لا يضل بالج انه موجود يمته ماتحتاجيني تلكيني يمج 

_تمام اذا هيج بس ديربالك على نفسك حبيبي وسلاحك دوم وياك خلي اخاف عليك وليدي

_يبعد روحي يمه انشاءلله اسوي الوصيتيني عليه انتو هم ديربالكم على نفسكم سدوا البيبان زين وتغطي زين من تنامين ولا تنسين علاجج تمام

_تمام وليدي يله روح لشغلك تصبح على خير

_اجمعين حبيبه

سديت الاتصال ورخيت ضهري عل كشن بقيت صافن عل باب حتى حفظت نقشه صارت ب٥ الفجر وطفيت كلش خليت سالم ينوب عني

وغفيتلي ساعتين وكعدني صوت المنبه اخذت نقالي اتصلت على العميد وكتله بالوضع واعتبر غيابي ممارسه لمهنتي تعذرت عن حضور اختبار

المبتدئين وكال ماكو مشكله عاد تشكرت منه وسديت الاتصال بقيت كاعد اراقب وخليت سالم ينامله جم ساعه للضهر وماكو احد طالع من البيت

فكرت ان سوو هيج متعمدين حتى لا احد يلمحه بالمنطقه ومر ثاني يوم نفس الحال ثالث يوم كاعدين نراقب صارت ب٢ بليل وشفت شاب ملثم

يمشي ويتلفت وصل يم الباب وواحد فتحله الباب ودخله وهو يتلفت شفته هوه المرسوم وعرفت الثاني شريكه بالاعتداء خليتهم يدخلون للبيت

وسويت نداء باللاسلكي حتى يجهزون نفسهم كتلهم يحاوطون المكان واخذت شكم واحد دكينه الباب فتره ياله طلعلنه زلمه جبير طلعتله هويتي

مال ضابطيه سويتله سبرايز وبعدته اشو هذا كبل صاح باسم ولد عرفته انطه تنبيه لابنه استفزني تصرفه هذا وضربته باخمس المسدس على راسه

ورحنه لداخل البيت نفتش طلعت النسوان بره يتصارخن ولابسات عبي وحجابات باوعت للكاع بيهن جنط سفر هواي طلعوا يردون يفلتون من

المنطقه لا والله ماعاش اليفلت من ايد الراهب فتشنه كل الغرف مالكيناهم انطيت نداء للمجموعه

الوره البيت وكالوا محد طلع لزمت الاب من باخته وهو لازم راسه وسابح بدمه باوعتله وحجيت من بين سنوني..

_تطلعهم وياخذون سجن مؤبد لو اخذك انت وياهم للاعدام

_ماعرف على شنو تحجي منو همه الاطلعهم 

_يعني ماتطلعهم تمام الك وعد من هاي الشوارب اذا ماخليتهم يصعدون اعدام فلا اطلع ابن ابوي 

باوعلي بعصبيه وراد يهجم علي رفعت ايدي مستهزء وحجيت..

_يول يول على كيفك أعصابك لا تتهور وتنجلط علينه اريدك تكون حاضر لمن ينحكم ابنك اعدام مايصير تموت هسه..

عفته ورجعت ادور بانحاء البيت والنسوان بره واكفات رجعت باوعت عليهن وهنه وحده تتلبد وره الثانيه نزلت عيني على رجلهن وضحكت بصوت

عالي على سوايتهم ورجليهم الوصخه لابسين نعالات لاستيك ولابدين وره خواتهم فعلا مو زلم ولو هوه الاب يتستر على جريمه ابنه شترجى من

الابن يطلع زلمه شهم مثلا .. تقدمت ببطئ وهنه يتراجعن والحجي ضل يصرخ ويصيح عوف بناتي راح الم العالم عليكم وضل يمسلت عل شرطه

والحكومه ابتسمت وباوعتله بخبث سحبتهم من حجاباتهم من بين النسوان وذبيتهم على سالم لزمهن بتردد ومصدوم عباله صدك بنات غميت كصتي وكتله..

_يول الزمهم زين تريدهم يشردون منك وتروح اعدام بدالهم 

_ها سيدي

_خب هذول المجرمين من كل عقلك انه الزم بنات الناس بهل طريقه واشمرهن عليك وين كاعدين بملهى

_حاضر سيدي..

اخيرا طخت عنده لزموهم قيدوا اديهم واشرتلهم عل عائله بصبعي الوسط وكتلهم..

_سحلوا العائله المحترمه وياكم وتركوا بيتهم مفتوح للناس الفقره

الكل : حاضر سيدي

عفتهم وطلعت وهمه انسحلوا وراي ركبوهم بالسيارت وركبت انه سيارتي ورحنه للدائره قدمت

هويتي للحارس وفتحلهم الباب سحلوهم للسجن وطلعوا قفل الحارس باب السجن وباب الدائره وطشينه كلمن لبيته وصلت للبيت تقريب الساعه ٣

اتصلت على عبير وردت بصوت منعس كتلهه تفتحلي الباب وقفلت الخط شويه وفتحتلي الباب دخلت وقفلته ومشينه جوه البيت وهي تكول..

_شنو هل غيبه صار يومين مختفي

_جان عدنه متابعه لمجرم وتاخرنه ياله لزمناه بعد تعرفين انتي مو اول مره اغيب بيهه عن البيت علمود شغلي

_ايي الله يساعدكم ويحميكم يارب

_مشكوره خويه 

_جوعان تريد اسويلك لكمه

_لا الحمدلله اكلت روحي كملي نومتج انتي امي نايمه غير

_اي والله تعشت واخذت علاجهه ونامت من ال٨

_تمام يله خل افوت انام انه تصبحين على خير

_اجمعين حبيبي

راحت لغرفتهه ورحت انه للمطبخ اخذتلي بطل ماي ودخلت غرفتي تمددت عل جربايه واحس ضهري توه رد بي الدم غمضت عيوني ورسمهه كبالي احس

روحي مسحور او بيه مس لان مو طبيعي الكاعد اسوي رغم صبري على بعدهه وقبولي بوضعي وهيه مو يمي بس ماعرف ليش كاعد افكر بيهه

ليش هيج متعلكه براسي ومو راضيه تطلع خاصه لمن وصلت للبصره وانه افكر ان ممكن التقي بيهه بالصدفه باحد هل شوارع وماشوفهه لو ماتشوفني كاعد تفكيري بيهه يزيد ويفقدني النوم اليشوفني يسالني شنو شفت منهه وشكد بقت وياك حتى هيج حابهه وعاشكهه وكانك معاشرهه سنين

وبينكم ذكريات بس انه جوابي هوه نفسه مايتغير ربي هو زرع حبهه بكلبي وخلاهه ببالي كل هل سنين واكيد اله حكمه بهذا الشي وانه راضي بحكم

الله ويا حلاته من حكم بعد اسمي ربي مثلما ولع كلبي عليهه اريده بجاه هل ليله يجمعني بيهه على اهون سبب حتى ولو دقيقه اشبع عيني شوف منهه ويرتاح تفكيري .. درت عل جهه الثانيه غطيت راسي ونمت وره ٣ ساعات كعدت على صوت المنبه ب٦ ونص كمت سبحت وبدلت جانت عبير خطيه كل ليله

تغسل ملابسي وتكويهن وتجهز جنطتي وتخليهه بالغرفه حتى اكعد الصبح كلشي جاهز بس ابدل واطلع .. خليت جنطتي على كتفي وطلعت لاكتني

امي بست راسهه وصبحت عليهه واخذتني سحل للمطبخ حتى اكل وانه الريوك مشيول من حياتي بس اتريك انعس مادري ليش ولو هسه انه مطفي عل رئيسي وكوه فاتح عيوني من التعب بس شسوي .. كعدت اكلتلي

لكمتين شربت كهوتي وطلعت ركبت السياره وانطلقت لدوامي ..واول مادخلت للمكتب ريحت ضهري عل كرسي وتذكرت قضيه المغصتب وابنه الشهد ضده .. بيومهه اخذت افاده الطفل وتسجيل الكلام الدار بينه وبين

المحققه سرى ورحت لمكتب العميد دكيت الباب وصاح تفضل دخلت دكيت تحيه واشرلي اكعد عل كرسي كعدت انطيته الملف والتسجيل وكتله..

_سيدي هاي قضيه الاغتصاب الجماعي يلي استلمتهه قبل اسبوع واريد تتحقق من هذا التسجيل

_تمام بس ليش جبتهم الي هذا شغلك انت

_لان بي شي يخص الدائره ومحققيهه واريدك انت تتصرف حتى لا تصير مشاكل وحزازيات

_تمام خير انشاءالله..

فتح التسجيل سمعه كله وكال باستغراب..

_هذولي منو ومنو بالتسجيل

_سيدي هذا الولد ابن المتهم وخالته المحققه سرى 

_سرى التشتغل عدنه

_اي نعم سيدي 

_ومنين جبت التسجيل هذا

_سيدي العفو منك رحت فتشت بيت المتهم وحجيت ويه ابنه بدون مذكرى تفتيش اضطريت اسوي هيج حتى اوصل للحقيقه وهيج كدرت

اوصل لمفتاح القضيه يلي هوه بيد المحققه سرى وهي الوحيده يلي شهدت على كلشي صار بهذيج الليله ومنو سواه وشنو سببه وحتى احتمال تعرف

اماكن اختباءهم يعني التحقيق وياهه راح يختصر علينه تعب وبحث شهر واتمنى تكون انت يلي تحقق وياهه اذا تكدر حتى لا يعتبر هل شي تاليف ومنافسه بيناتنه

_تمام راح ارفع القضيه هاي للمديريه وهمه يستدعونهه لمجلس تحقيق انت الوحيد يلي كدرت

تلكه مفتاح هل قضيه والله يجازيك على تعبك يابني دائما تطلع عند حسن ظني بيك

_شكرا الك سيدي واجبي هذا ولازم اادي على أكمل وجه

_بعد انت اطلع منهه لهل قضيه بس اريد تسلمني ملفهه وكلشي يخصهه حتى اسلمهه للمجلس 

_حاضر سيدي هسه ادزهن الك 

_تمام تكدر تروح يابني

_نعم سيدي..

كمت دكيت تحيه وطلعت واجت بوجهي سرى وهي تطلع من مكتبهه باوعتلي وكلبت عيونهه رغم انه اعلى منهه رتبه واعتبر رئيسهه بس عجرفتهه

ماتعرف اعلى وانصى ولا تحترم ايقنت انها شخص يستاهل الشفقه لا اكثر ولا اقل...

رجعت للحاضر كمت اخذت معداتي ونزلت للسرادب فتحت الباب دخلت

وشفتهم هل اثنين معلكين بالاعمده اشرت للشرطي وكتله بدون ماباوعلهم..

_نزعهم الملابس..

راح سوه مثلما كتله وبقاهم بس باللباس اخذت حلقه حديد واجيت دخلتهه بالمكان المقصود وطبكتهه بقه يصرخ لربه ويتوسل اعوفه خليت

وعفته اساسا شلي بي بعد رحت عل ثاني نفس الشي عوقتهم سويتهم مخصين ورجعت عل ميز اخذت جهاز التسجيل وخليته يم حلكهم ولزمتهم

من اليوجعهم وكتلهم يعترفون بالسووه كله وثنينهم اتفقوا على اعتراف واحد وهوه ::

_سيدي جنه مخططين قبل ٣ ايام ان نخطفلنه بنيه صغيره ونغتصبهه سيدي لان جنه شايفين فيلم عن اغتصاب الاطفال وحبينه نجرب هل شي وهم شغله

بسيطه هاي ورخيصه ومكدور عليهه لانهه طفله مو جبيره وتقاومنه لو تشرد من عدنه فباليوم الرابع طلعنه من الصبح ندور على بنيه لان جان اول يوم

مدارس للابتدائيه وهواي اكو بنات يرحن بحدهن ودنيا صبح الناس ماتطلع بالشوارع يعني امان سيدي .. فمن شفنه الطفله هاي طلعت من منطقه

فقيره ومحد وياهه وماكو احد بالشارع اجينه سدينه حلكهه وخطفناهه سيدي واخذناهه بالبيوت المهدمه مالت العشاير لان محد يكدر يسمعهه لو

صرخت .. بس اول ما كملنه منهه سيدي اجه واحد شايب لزمنه وراد يسلمنه للشرطه و كدرنه نفلت منه سيدي بس مابتعدنه بقينه نراقب من

بعيد منتظرينه ياخذهه ويروح حتى نجيب نقالاتنه .. شفناه سيدي بقه يفتر بالمكان يشوف اذا احد موجود لو لا من شاف محد اجه هوه نوب

اغتصبهه سيدي وكدام عيونه هل شي صار لمن جانت البنيه مغمى عليهه اصلا....

جان شكي بمكانه عرفت الشويب هذا مو راحه من تصرفاته وتوتره ووصفه الغريب للولد طلع مركز بشكلهم حتى يذب التهمه بيهم مايدري الطب تطور

وصار نكدر نطلع المغتصبيهه منو وشكد عددهم.. صحت لسالم كتله ياخذ هذول للحجز ويجيبلي الشايب من غرفه الانتظار راح سوه مثلما كتله

وجابلياه لهل نذل حضرت البواري الصغار والخشبه ربطوه بالعمود بعدما نزعوه وكلت لسالم يجيبلي نسخه من نتيجه الطب العدلي اذا جان هذا

الشخص نفسه يلي نطفته موجوده بالبنيه او لا .. اخذ اللازم منه وراح بقيت كاعد عل كرسي وهوه يحجي ويحلف انه بريئ وماله شغل باغتصاب

البنيه وانه اهز راسي بتوعد لحدما مر ساعه كمت ضليت افتر واطكطك باصابيعي ورقبتي شويه واجه سالم انطاني الفايل فتحته قريت النتيجه

وشاطت روحي غضب لزمت الخشبه وافتريت عليه وهيه طكه وهيه صرخه روحه صعدت ونزلت وصار يبول دم من مكان ضربتي رجعت شعري

ليوره واشرت لسالم ينزله بالكاع سوه مثلما طلبت وتكتر على صفحه.. وقضيت عليه ضرب وسب ماخليت صفحه عامره خليت كل مسامه بي عركت

وهوه يغتصبهه يصير مكانهه ازرك .. لحدما وخرني سالم عنه لمن انغمى عليه اخذت نفس شمرت الخشبه يلي انكسرت نصين على ضهره واجيت

شمرت عليه سطل ماي فز من مكانه مخترع لزمته من فجه وجبت جهاز التسجيل وكتله..

_اعترفلي بكلشي سويته للبنيه وكلشي صار بعدهه وان جذبت علي بكلمه اسوي نهارك ليل واسكنك هنا واخلي الجن الازرك يلعب على ضهرك كل ساعه 

_ايي اغتصبتهه.. لعب الشيطان براسي وسويت سوايتي بيهه .. بس والله سيدي ندماان والله ماعيدهه بعد جنت مفكر انهم مغتصبينهه واكدر

اكمل بيهه بدون محد يعرف ويشوف بس تالي ندمت والله ندمت وحتى اسعفتهه للمستشفى سيدي 

_ههه تضحك على روحك بهل كلام انت اسعفتهه حتى تبين بريئ ومحد يشك بيك 

_اي سيدي بس جنت ندمان والله

_سااالم

_نعم سيدي

_حولهم هل انذال للمحكمه وسلم اعترافاتهم همين 

_حاضر سيدي..

شمرته من ايدي وكمت صعدت لمكتبي بدون ماغير لو اخذ معداتي كلبي معصور عصر على البنيه شلون راح تعيش شلون راح تكمل حياتهه

وهيه اجمل يوم بحياتهه انكلب كابوس شلون بعد تتمنى المدرسه راح تبقى تباوع للطالبات بعمرهه وتتحسر راح تندب حظهه ليل نهار وتكول ليش

دون البنات انه انحرمت من حقي وحلمي بالمدرسه راح تصير بيهه عقده من كل البشر وبالنهايه يشيلونهه ويزوجونهه لاي واحد جلب من

الشارع وتاليهه تتعذب خوش عذاب .. وانه افكر مر عبالك شريط كبالي عن حياتهه بعد هاي المحنه وشلون راح تعيش وكاني شفت مستقبلهه كله بلحضه وحده ولو بيدي اخذهه جوه جناحي

وماخلي بشر يدمر حياتهه ويصير المتوقعه بس شبيدي عليهه ياما بنات مثل الورد راحن شربه ماي مثل هاي وغيرهه بس نرجع ونكول الله موجود وهوه يلطف بحالنه ولو لا هوه جان صار كل الحجيته هسه .. تمددت عل قنفه اخذ

نفس اهدي بروحي شويه ورن التلفون الارضي كمت تمشيت بتثاقل اله رفعته واجالي بلاغ من مركز الشرطه عن قضيه خطف ماكو شي جديد

هذا هوه عالمنه وطبيعه شغلنه يا اما قتل او اغتصاب او خطف او ابتزاز والى اخرى و غير قضايا القتل والشروع بي مانستلم .. سجلت التبيلغ

وخبرت فريقي يتجهزون كمت لبست الزي القهوائي مالتنه ومعدات الاسلحه وطلعنه بالسيارات للمجمع يلي صار بي الخطف ...

_قضيه رقم 6_

اخذت معلومات البنيه يلي عمرها ١٥ سنه فقط راجعنه تسجيلات الكاميرا وشفتهه طلعت ويه شاب وهوه يسحب بيهه غصب لحدما وصلت لباب

المجمع واختفت ببقطعه ظلمه وكأن الكاع انشكت وبلعتهه تحققنه من كل الساكنين بالمجمع وشبابهم ودورنه وفتشنه البيوت وهي ماكو مختفيه طلعت

للشارع ودخلت للسنتر المقابيل للشقه وريتهم هويتي وطلبت تسجيل الكاميرا الخارجيه طلعولي تسجيل البارحه واليوم وطلعت مختفيه من امس

واهلهه مغلسين .. المهم كملت التسجيل وشفت ثنين ولد طلعوا من المجمع بس مشوش المكان واضلم عبالك طلعوا من جحر صغير استغربت

ونسخت التسجيل بالفلاش ورجعت للمجمع وتحديدا نفس المكان يلي طلعوا منه سالت الناس وكالوا انهه غرفه صغيره مخصصه للحارس

وصارلهه سنين متروكه فتحت الباب ودخلت بعدني توه خليت رجلي وكفخت وجهي ريحه مقززه شغلت لايت وضويت واشوفهه كلهه دم

بالكاع وفلاشات وكلبشات بيهن ريش احمر وسلاسل واووو خيسه حشى السامع بقيت اكلب بيهن وعرفت انهه شغلات جنسيه طلعنه وقفلت

المكان على ايدي واخذت المفتاح اتصل سالم على فريق الادله الجنائيه وانطيته التسجيل فتحه باللابتوب مالته وشفتهم هذولي الثنين نفسهم

دخلوا ولد وبنيه وطلعوا ولدين ملثميه ومشوا من نقطه بعيده عن الكاميرات ويتلفتون بعدها صعدوا بدراجه وطاروا بيهه اخذت رقمهه وكلت لسالم

يطلعلي موقعهه جابوله كرسي وكعد على جهه يبحث عنهم فتره ربع ساعه رفع راسه واجه همس باذني..

_سيدي موقع الدراجه قريب على الابنيه الانشائيه ب^^^^^

_تمام مجموعه ب ابقوا احرسوا وراقبوا المكان اي شخص مشبوه يحاول يدخل لزموه وماريد احد

يطلع او يدخل من هاي البنايه ما عدا فريق الادله الجنائيه تخلونهم يدخلون ياخذون المطلوب من الغرفه ويرجعولكم المفتاح مفهوم ..

فريق ب : حاضر سيدي

_سالم والبقيه وياي 

الكل : حاضر سيدي..

طلعنه بسياراتنه للمنطقه ودخلنه بين البيوت لحدما طلعنه على الجهه الثانيه من الشارع العام وتحديدا بنفس الموقع شفنه الدراجه محطوطه على كتر

سحبنه اقسام وتوزعنه بالابنيه حاصرناهم واقتحمنه المكان سويه والوضع الشفناه ماينحجي بلسان مجموعه شباب وبنات مسوين مكان دعاره

بالبنايه شرب وبدلات نوم ومشغلين اغاني ويركصون عبالك ملهى .. لميناهم لم الزبل وذبيناهم بالصندوك كتل ورفس بنات وولد صعدنه بالسياره

ورحنه للدائره دخلناهم كلهم للحجز وطلبت من سالم يجيبلي صوره للمخطوفه شويه ودزالي الصوره عل واتساب وهمزين مابيهه فلتر جان

ضعت وضاع تعبي وياي ..طبعتهه على ورقه وطلعت دخلت لغرفه الحجز وبيدي الصوره اخذتهم واحد واحد ولدها وبناتهه ارفع براسهم واقارن

لحدما طحت بيهه مزينه شعرهه ولادي ولابسه ملابس ولد سحبتهه واشرت للشرطي ياخذهه انفرادي وطلعت لمكتبي كعدت وفتحت الملف

مالتهه دخلت اساميهم بالحاسبه وطلعلي كم واحد منهم مطلوب عند القانون بتهمه التشهير بالدعاره والمصيبه كلهم مراهقين مايتجاوز عمرهم ال١٧

سنه وواحد بس من الولد عمره ٢٠ سنه وهو الرئيس مالتهم عود مادري شحجي عليهم ماعرف اكول عصابه ذول لو اكول جهال تلعب بيت بيوت ..

هزيت راسي باسف وطبكت الملف رخيت ضهري هل كرسي ودخل سالم دك تحيه وكال..

_سيدي وصل خبر لاهل البنيه وطلبوا ياخذون بتهم 

_جؤ يولون اطردهم

_ليش سيدي

_ولا اكلك اخذهم ذبهم بالحجز الام والاب فقط 

_واخوهه سيدي

_ميخالف خلي وياهم مايصير نحرم اهل من ابنهم

_حاضر سيدي بس اكدر اعرف ليش

_عليهم خط احمر يعني احتمال تكون العائله كلهه تشتغل بالدعاره 

_بس ليش حتى الام تبلغ عن خطف بتهه اذا فعلا يشتغلون بالدعاره

_صح الام يلي بلغت بس احتمال تكون ماتعرف شي هيه

_يعني وجودهه بالحجز بس حتى تسالهه

_اي هيج شي 

_هاا تمام سيدي 

_تكدر تروح لشغلك 

_حاضر سيدي..

طلع سالم ولزمت راسي متصدع فتحت الجرار اخذت حبوب المسكن شربتلي حبايتين طبك ومافاد اذا يهيج علي الصداع مايفيده مسكن بعد ..

كمت قفلت الباب نزعت حذاءي حشى السامع خليت اديه بالكاع وكلبت وعلكت رجلي فوك بقيت هيج كم دقيقه ونزلت احس رجع الدم يمشي

براسي والصداع خف تمددت عل قنفه وخليت معصم ايدي على عيوني من الضوه فتره وراح الصداع كمت لبست برجلي فتحت قفل الباب

ورجعت كعدت عل كرسي استمريت اشتغل على بقيه القضايا وهيج مرن ٣ ايام بين المكتب والسرداب والبيت .. 

واليوم كاعد اتريك الصبح ورفعت راسي على اثر طيف شخص باوعت وشفتهه البنيه الجبتهه اشرتلهه تجي تتريك وياي واجت تمشي بتردد كعدت عل كرسي وكتلهه ..

_شلون صارت جروحج 

_زينه اليوم كدرت امشي على رجلي بدون ماياذني 

_اي الحمدلله على سلامتج 

_الله يسلمك ااحم اكلك عمو

_كولي عمو

_خوالي ما سألوا علي

_بعدهم مايعرفون انتي عدنه بس تطمني لمن اضمن حكم اولاد عمامج اطلب من القاضي يكتبون تعهد بعدم الأضرار بيج وساعتهه اكدر ارجعج لامج وخوالج

_بس انه ماريد ارجع لامي

_ليش

_لانهه ماتحبني ومسويتني خدامه عدهه وحتى اكل ماتنطيني الا باليوم وجبه وحده بس خوالي لا يحبوني ودائما يسالون عني من اغيب عنهم

_ليش خوالج وين كاعدين

_بابو الخصيب كاعدين جدو وخوالي ثنين وخالاتي اربعه كلش يحبوني وانه اريد اعيش وياهم

_واذا ماقبلوا ورفضوا يتحملون مسؤؤليتج خوفا من عمامج

_اذا ماقبلوا جا بعد شسوي راح اضطر ارجع لامي وعمامي وهم ترجع المشاكل 

_خليني افكر وابقي هنا يم امي واختي مونستهم منا لاشوفلج حل تمام

_تمام شكرا الك عمو تعبتك وياي 

_لا ولو واجبي هذا 

_يله كمل اكلك بالعافيه انه راح اروح يم خالتي وفاء

_تمام اخذي راحتج ..

كامت يم امي وصفنت تذكرت شموخ لمن بقت يمنه وهيه بعمرهه وشلون جانت ماليه البيت علينه محد تكدر تجي بعد بدالهه لو بمثلهه رغم هل بنيه

بقت عدنه اسبوعين بس بقينه حاسبينهه غريبه عكس شموخ يلي دخلت كلبنه اول مادخلت لبيتنه وصارت من اهل هل بيت وناسه .. كملت ريوكي

وكمت دخلت للحمام سبحت ونشفت طلعت لبست ملابس الدوام مشطت ورشيت عطر شلت جنطتي العسكريه اخذت مفتاح السياره ورحت ودعت امي

وبستهه براسهه وطلعت ركبت سيارتي وتوجهت للدوام وكالعاده وكفت بالطريق اشتريلي كرزات وحب وغيرهه وصلت للدائره صفيت السياره

بالكراج ونزلت اتمشه لداخلهه شفت بالاستقبال مجموعه شباب وبنات جايين ويه اهاليهم استغربت وسالت سالم منو هذول وكلي انهم المتدربين منتظرين العميد يكمل

فايلاتهم .. هزيت راسي بايجابيه وكلت هسه بده شغلي الحقيقي هنا توجهت لمكتبي لبست الستره العسكريه ويه البنطرون وخليت الشارات والنجمات

لبست البيريه عدلت نفسي وطلعت للقاعه اجتمعت ويه المحققات والمحققين زملائي واتفقنا كل شخص يختص بشغله يدربهم عليهه وانه جنت

خلال السنين الماضيه اخذ المتدربين اعلمهم على التحقيق ويه المجرمين وكيفيته بس هسه اختلف الوضع بعدما عرفت ان تدريباتهن ناقصه اخذت

علي التدريب العسكري البدني وهمه توزعت عليهم التدريبات النضريه والعلميه وكل شخص كتب جدول المهام بفايل ونسخناه نسختين وحده النه

ووحده نسلمهه للعميد يراجعهه .. بقينه منتضرين تقريب النص ساعه ياله دخلوهم علينه صفوا بيهم ال٣٠ نفر ماشاءالله طلع المجال هذا مرغوب عند

شباب البصره عكس بقيه شباب المحافظات.. دكوا تحيه وتقدمت حجيت وياهم وكتلهم يتقدمون واحد واحد يعرفون عن نفسهم وهدفهم من دخول

هذا المجال لمحت شخص صافن بوجهي توجهت عيني عليه وجانت الصدمه ماتتعبر بكلمات ولا اكدر اجزم نوع الاحساس يلي صابني بوقتهه من الصدمه والحيره ماعرفت وين اوجه عيني والف سؤال اجه ببالي من شفتهه كبالي وتباوعلي بملامح مألوفه ....