رواية فصلية لظالم الفصل الواحد والعشرون بقلم زينب نور
...........
ﺯﻣﺮﺩ : ﻭﺍﻟﻠﻪ ﻣﺘﺖ ﺑﺪﻣﻲ ﻳﺮﺑﻲ ﻭﺍﻟﻠﻪ ﻣﺎ ﺑﺴﻪ ﺣﻴﻞ ﺍﻟﻮﺟﻊ ﺑﻌﺪ ﻭﻻ ﺑﻴﻪ . ﺣﻴﻞ ﺍﻧﻀﺮﺏ ﻭﺍﺗﺤﻤﻞ ﺿﺮﺏ ﺑﻌﺪ
ﻛﺘﻠﻪ ﻓﺪﻭﺓ ﻟﺨﺎﻃﺮ ﻟﺘﻀﺮﺑﻨﻲ ﻭﺍﻟﻠﻪ ﺑﻌﺪ ﻣﺎ ﺑﻴﻪ ﺣﻴﻞ
ﻛﺎﻝ ﻣﻨﻮ ﻫﺬﺍ ﺻﻮﻓﻲ
ﻛﺘﻠﻪ ﺍﺑﻦ ﺧﺎﻟﺘﻲ
ﻛﺎﻝ ﻭﺷﻌﺪﺝ ﻣﺨﺎﺑﺮﺗﻪ
ﻛﺘﻠﻪ ﺭﺩﺕ ﺍﻋﺮﻑ ﻟﻴﺶ ﻣﺎ ﺍﺟﺘﻲ ﻣﺎﻣﺎ ﺃﺧﺬﺗﻨﻲ ﺍﺣﺠﻲ ﻭﺍﺭﺟﻒ
ﻛﺎﻝ ﻭﺍﻧﻲ ﺷﻜﻠﺖ ﻣﻮ ﻛﻠﺖ ﻫﺬﺍ ﺍﻟﻤﻮﺿﻮﻉ ﻣﻴﻨﻔﺘﺢ ﺑﻌﺪ
ﺳﻜﺘﺖ ﻣﻦ ﺍﻟﺨﻮﻑ
ﺟﺮﻧﻲ ﻣﻦ ﺷﻌﺮﻱ ﻭﺷﺒﻌﻨﻲ ﺭﺍﺷﺪﻳﺎﺕ ﻭﻛﺎﻝ ﻣﻨﺎ ﻭﺭﺍﻳﺢ ﺍﻋﻠﻤﺞ ﻣﻨﻮ ﻓﻬﺪ ﺑﺖ ﺍﻟﻜﻠﺐ ﺗﺮﻳﺪ ﺗﺨﺎﺑﺮﻳﻦ ﺧﻠﻲ ﻳﻜﻮﻥ ﺑﻌﻠﻤﺞ ﺍﺫﺍ ﻣﺎ ﺟﺒﺘﻲ ﻃﻔﻞ ﻣﺎ ﺍﻟﺞ ﻃﻠﻌﻪ ﻣﻨﺎ ﻋﻤﺮﺝ ﻛﻠﻪ
ﻭﺑﻌﺪ ﻭﺑﻌﺪ ﻛﻮﻣﺔ ﺣﺠﺔ ﻭﺿﺮﺏ ﻭﺍﻧﻲ ﺑﺲ ﺍﺑﺠﻲ ﻛﺎﻝ ﻣﺎ ﻧﺎﺳﻲ ﺷﻠﻮﻥ ﻣﺪﻳﺘﻲ ﺍﻳﺪﺝ ﻋﻠﻰ ﺍﺧﺘﻲ ﻭﺿﺮﺑﺘﻴﻬﺎ ﻟﻮﻩ ﺍﻳﺪﻱ ﺍﻟﻲ ﺿﺮﺑﺖ ﺍﺧﺘﻪ ﺑﻴﻬﺎ ﻭﻛﺎﻝ ﺍﻧﻮﺏ ﺍﻛﺴﺮﻫﺎ ﻛﺴﺮ
ﻭﺧﻠﺔ ﻭﻃﻠﻊ ﻛﻌﺪﺕ ﺑﺎﻟﻜﺎﻉ ﺩﻛﻴﺖ ﻭﻟﻄﻤﺖ ﻭﺑﺠﻴﺖ ﺷﻨﻮ ﺍﻟﻲ ﺑﻴﺪﻱ ﺍﺳﻮﻱ ﺍﺫﺍ ﻫﻮ ﺍﻧﻲ ﻛﺎﻋﺪﺓ ﻭﺳﺎﻛﺘﻪ ﻭﻛﻠﺸﻴﺖ ﻣﺎ ﺑﻴﺪﻱ
&
..........
ﻓﻬﺪ : ﻧﺰﻟﺖ ﻋﻠﻰ ﺍﻡ ﻋﻠﻲ ﻭﺩﺭﺱ ﻛﺎﻣﻞ ﻻﻥ ﺍﻧﻲ ﻣﻦ ﺍﻋﺼﺐ ﻣﺎ ﺍﻋﺮﻑ ﺍﺣﺪ ﺑﻌﺪ ﻭﻛﺘﻠﻬﺎ ﺗﻠﻔﻮﻧﺞ ﺑﻌﺪ ﻣﺎ ﺗﺠﻴﺒﻲ ﻛﺎﻟﺖ ﻻ ﻳﻤﺔ ﻓﺪﻭﺓ ﺷﻠﻮﻥ ﺍﻃﻤﻦ ﻋﻠﻰ ﺑﻨﻴﺎﺗﻲ ﻛﺘﻠﻬﺎ ﺗﺠﻴﺒﻲ ﻭﺃﻭﻝ ﻣﻄﺒﻴﻦ ﺗﺨﻠﻲ ﻋﺪ ﺣﺒﻮﺑﺘﻲ ﺍﻟﺸﻴﺨﺔ ﻭﻣﻦ ﺗﺮﻳﺪﻳﻦ ﺗﺨﺎﺑﺮﻳﻦ ﻟﻮ ﺍﺣﺪ ﻳﺪﻙ ﻋﻠﻴﺞ ﺗﺮﻭﺣﻴﻦ ﻛﺪﺍﻡ ﺣﺒﻮﺑﺘﻲ ﻣﺘﻄﻠﻌﻴﻦ ﻣﻦ ﻳﻤﻬﺎ ﻭﻣﻦ ﺗﻜﻤﻠﻴﻦ ﺗﻨﻄﻴﻬﻴﺎ ﻭﻫﺴﺔ ﻣﻦ ﺗﻜﻌﺪ ﺍﻭﺻﻴﻬﺎ ﻋﻠﻴﺔ ﻫﻢ ﻭﺍﻛﻮﻟﻠﻬﺎ
ﻭﻣﻦ ﺗﻄﻠﻌﻴﻦ ﻳﻠﻪ ﺗﺎﺧﺬﻳﻦ ﻣﻮﺑﺎﻳﻠﺞ ﺑﻌﺪ
ﻫﺰﺕ ﺭﺍﺳﻬﺎ ﺑﺎﻱ ﻭﺧﻠﻴﺖ ﻭﻃﻠﻌﺖ ﺭﺣﺖ ﻋﻠﻰ ﺟﺪﻱ ﻛﺎﻝ ﻭﻳﻦ ﺭﺣﺖ ﻛﺘﻠﻪ ﻫﻴﺞ ﻭﻫﻴﺞ ﻛﺎﻝ ﻭﺍﻟﻠﻪ ﺍﻧﺘﻪ ﻧﻄﻴﺘﻬﺎ ﻋﻴﻦ ﺯﺍﻳﺪﻩ
ﻛﺘﻠﻪ ﺍﻧﻲ ﺍﻟﻬﺎ ﻣﻨﺎ ﻭﺭﺍﻳﺢ ﺍﻧﻲ ﺍﻋﻠﻤﻬﺎ
&
...............
ﺯﻣﺮﺩ ﺿﻠﻴﺖ ﻛﺎﻋﺪﻩ ﺑﻤﻜﺎﻧﻲ ﺣﺘﻰ ﻏﻔﻴﺖ ﺑﺎﻟﻜﺎﻉ ﻟﺤﺪ ﻣﺎ ﺍﺟﻰ ﺍﻧﻮﺏ ﺩﻓﺮﻧﻲ ﻭﻛﺎﻝ ﻛﻮﻣﻲ ﺫﺑﻲ ﺳﻼﺑﺎﺗﺞ ﻭﻧﺰﻟﻲ ﺍﺷﺘﻐﻠﻲ ﺑﺴﺎﻉ ﻭﺗﺮﺟﻌﻴﻦ ﺗﻨﻄﻤﺮﻳﻦ ﺑﺎﻟﻤﺨﺰﻥ
ﻭﺃﻧﻌﻞ ﺍﺑﻮﺝ ﻻﺑﻮ ﺍﻟﺨﻠﻔﺞ
ﻛﻤﺖ ﺷﻨﻮ ﺑﻴﺪﻱ ﺍﺳﻮﻱ ﺍﻧﻮﺏ ﺭﺟﻊ ﻗﺎﺳﻲ ﻣﺜﻞ ﻗﺒﻞ ﺧﺎﻑ ﺷﻮﻳﻪ ﻫﻮ ﻻﻥ ﻫﺴﻪ ﺭﺟﻊ
ﻛﻤﺖ ﺍﺧﺬﺕ ﻣﻼﺑﺲ ﻭﺑﺪﻟﺖ ﺑﺎﻟﺤﻤﺎﻡ ﻭﻧﺰﻟﺖ ﺍﺳﺤﻞ ﺑﺮﻭﺣﻲ ﻣﻦ ﺍﻟﻮﺟﻊ ﺭﺟﻠﻴﻪ ﻛﻮﻩ ﺍﺣﺮﻛﻬﻦ
ﻭﺻﻠﺖ ﻟﻠﻤﻄﺒﺦ ﻟﻜﻴﺖ ﺍﻡ ﻋﻠﻲ ﺭﺣﺖ ﺣﻀﻨﺘﻬﺎ ﻭﺍﺑﺠﻲ ﻛﺘﻠﻬﺎ ﺍﺳﻔﻪ ﺧﺎﻟﻪ ﺍﻟﺼﺎﺭ ﻛﻠﻪ ﺑﺴﺒﺒﻲ ﻭﺍﻋﺘﺬﺭ ﺳﺎﻣﺤﻴﻨﻲ ﻛﺎﻟﺖ ﻣﺼﺎﺭ ﺷﻲ ﻳﻤﻪ ﻟﺘﻌﺘﺬﺭﻳﻦ
ﺍﻧﺘﻲ ﻣﺪﺧﻠﺞ ﻛﺘﻠﻬﺎ ﺧﺎﻟﻪ ﺷﻨﻮ ﻫﺬﺍ ﺍﻟﻀﻠﻢ ﻳﻌﻨﻲ ﺫﻭﻟﻪ ﺻﺪﻙ ﻧﺎﺱ ﻣﻴﺨﺎﻓﻮﻥ ﺍﻟﻠﻪ ﻫﻴﺞ ﻛﺎﻋﺪ ﻳﺴﻮﻭﻥ
ﻛﺎﻟﺖ ﺍﺣﻤﺪﻱ ﺭﺑﺞ ﻗﺒﻞ ﻓﺘﺮﻩ ﺍﻛﻮ ﻫﻨﺎ ﻓﺼﻠﻴﻪ ﺃﺧﺬﻭﻫﺎ ﻣﺎﺗﺖ ﺍﺻﻼ ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﻦ ﻛﺘﻠﻬﺎ ﺷﻠﻮﻥ ﻛﺎﻟﺖ ﺍَﻱ ﻭﺍﻟﻠﻪ ﺫﻳﺞ ﺍﻫﻠﻬﺎ ﻧﺎﺱ ﻋﻠﻰ ﻛﺪ ﺣﺎﻟﻬﻢ ﻭﻧﻄﻮﻫﺎ ﻭﻣﺎ ﺳﺌﻠﻮ ﻋﻠﻴﻬﺎ ﻭﻣﻦ ﻛﺪ ﺍﻟﻲ ﺷﺎﻓﺘﻪ ﻭﺍﻟﻀﺮﺏ ﻭﺗﻌﺐ ﻭﺍﺷﻜﺎﻝ ﺳﻮﻭ ﺑﻴﻬﺎ ﺧﻄﻴﻪ ﻣﺎﺗﺖ ﺣﺘﻰ ﻓﺎﺗﺤﺔ ﻣﺎ ﺳﻮﻭ ﺍﻟﻬﺎ ﻛﺘﻠﻬﺎ ﻭﺷﺴﻮ ﺍﻫﻠﻬﺎ ﻣﻦ ﻣﺎﺗﺖ ﻛﺎﻟﺖ ﻻ ﺣﺠﻮ ﻭﻻ ﻛﺎﻟﻮ ﺳﻜﺘﻮ ﻭﻛﻌﺪﻭ
ﻛﺘﻠﻬﺎ ﺍﻭﻱ ﻳﻤﻪ ﻭﺍﻟﺪﻩ ﻛﻤﺖ ﺍﺧﺎﻑ ﺑﺎﻟﺰﺍﻳﺪ
ﻛﺎﻟﺖ ﺍﻧﺨﻲ ﺍﻟﻠﻪ ﻭﺍﻫﻞ ﺍﻟﺒﻴﺖ
ﻛﺘﻠﻬﺎ ﻭﻧﻌﻢ ﺑﻴﻬﻢ
ﺿﻠﻴﺖ ﺍﺷﺘﻐﻞ ﺷﻲ ﺧﻔﻴﻒ ﺑﺎﻟﻤﻄﺒﺦ ﻭﻳﻪ ﺍﻡ ﻋﻠﻲ ﻋﻠﻰ ﻛﻴﻔﻲ ﻭﻣﻦ ﺩﺍﻡ ﻣﺎﻛﻮ ﺍﺣﺪ ﺍﻛﻌﺪ ﻣﺘﺨﻠﻴﻨﻲ ﺍﻡ ﻋﻠﻲ ﺍﺷﺘﻐﻞ ﺧﻄﻴﻪ
ﻟﻠﻤﻐﺮﺏ ﻃﻠﻌﺖ ﺍﺧﺘﻪ ﻟﻠﻔﻬﺪ ﻣﻦ ﺍﻟﻐﺮﻓﻪ ﺷﺎﻓﺘﻨﻲ ﻭﺍﺟﺘﻲ ﺗﺮﻛﺾ ﺿﺮﺑﺘﻨﻲ
ﺻﺎﺭﺕ ﺑﻄﺒﻪ ﻓﻬﺪ ﻟﻠﺒﻴﺖ ﺷﺎﻓﻬﺎ ﻭﻣﺎ ﺣﺠﺔ ﺷﻲ ﻭﻻ ﻛﺎﻝ ﺍﺻﻼ ﺻﺎﺣﻬﺎ ﻳﺴﻮﻟﻒ ﻭﻳﻀﺤﻚ ﻭﻳﺎﻫﺎ ﻭﺍﻧﻲ ﻣﺘﺖ ﻗﻬﺮ
ﺻﺒﻴﻨﻪ ﺍﻟﻌﺸﺔ ﻭﻉ ﺣﺘﻰ ﻋﺸﺎﻫﻢ ﺗﻤﻦ ﻭ ﻣﺮﻙ
بيج قصص عراقيه حقيقيه من واقعنا.روعه الطائي
ﻣﺪﻳﻨﻪ ﺍﻟﺴﻔﺮﺓ ﻭﻃﺒﻴﺖ ﻟﻠﻤﻄﺒﺦ ﺑﺴﺎﻉ ﺗﺠﻨﺒﺎ ﻟﻠﻀﺮﺏ ﻭﺍﻻﻫﺎﻧﻪ ﻭﺍﻡ ﻋﻠﻲ ﺻﺎﺣﺘﻬﻢ
ﻛﻌﺪﺕ ﻋﺎﻟﻜﺮﺳﻲ ﻭﺍﺟﺖ ﺍﻡ ﻋﻠﻲ ﻛﺎﻟﺖ ﺍﻛﻠﻲ ﻛﺘﻠﻬﺎ ﻣﺎ ﺍﻛﺪﺭ ﺍﻛﻞ ﻫﻴﺞ ﺑﻠﻴﻞ ﺍﻣﻮﺕ ﻛﺎﻟﺖ ﺷﺘﺎﻛﻠﻴﻦ ﻟﻌﺪ ﻛﺘﻠﻬﺎ ﻛﺎﻟﻌﺎﺩﻩ ﺟﺒﻦ ﻭﺟﺎﻱ ﻛﺎﻟﺖ ﻟﺞ ﺭﺍﺡ ﺗﻤﻮﺗﻴﻦ ﻭﺍﻟﻠﻪ ﺭﺍﺡ ﺗﻮﻛﻌﻴﻦ ﻣﻦ ﻃﻮﻟﺞ ﻛﺘﻠﻬﺎ ﺍﻧﺸﺎﻟﻠﻪ ﻛﻮﻟﻲ ﺍﻣﻴﻦ ﻛﺎﻟﺖ ﻻ ﻳﻤﺔ ﺍﺳﺘﻐﻔﺮﺍﻟﻠﻪ ﻟﺘﻜﻮﻟﻴﻦ ﻫﻴﺞ ﺑﻌﺪﻫﺎ ﻛﻤﻠﻨﻪ ﻭﻫﻤﺔ ﻛﻤﻠﻮ ﻃﺒﻮ ﻟﻼﺳﺘﻘﺒﺎﻝ ﻛﻠﻬﻢ ﻭﺍﻡ ﻋﻠﻲ ﻭﺩﺕ ﺟﺎﻱ ﺍﻟﻬﻢ ﻭﺭﺣﺖ ﺍﻟﻢ ﺑﺎﻟﺴﻔﺮﺓ ﺍﻟﺒﺎﺏ ﻣﻔﺘﻮﺡ ﺍﻧﻲ ﻭﺃﻟﻢ ﺍﻧﺘﺒﻬﺖ ﻓﻬﺪ ﺻﺎﻓﻦ ﻋﻠﻴﻪ
ﻣﺪﺭﺕ ﺑﺎﻝ ﻳﺎﺑﻪ ﺷﻜﺪ ﻛﺮﻫﺘﻪ ﻭﺣﻘﺪﺕ ﻋﻠﻴﻪ ﺑﺲ ﺧﻠﻲ ﺍﻟﻠﻪ ﻳﺨﻠﺼﻨﻲ ﻭﺍﻃﻠﻊ ﻣﻨﺎ ﻭﺍﻧﻲ ﺍﻟﻜﻢ
ﺭﺣﺖ ﻭﺩﻳﺖ ﺍﻟﻤﻮﺍﻋﻴﻦ ﻭﺭﺟﻌﺖ ﺍﺧﺬ ﺍﻟﺒﺎﻗﻲ ﻭﺍﻡ ﻋﻠﻲ ﺃﺟﺖ ﻭﻳﺎﻱ ﺗﺴﺎﻋﺪﻧﻲ
ﻛﻤﻠﻨﻪ ﻭﻫﻴﻪ ﺭﺍﺣﺖ ﻟﺒﻴﺘﻬﺎ ﻭﺍﻧﻲ ﺻﻌﺪﺕ ﺍﺧﺬ ﻏﺮﺍﺿﻲ ﻭﺍﻧﺰﻝ ﻟﻠﻤﺨﺰﻥ
ﺷﻠﺘﻬﻦ ﻭﺩﺍﻃﻠﻊ ﺻﺎﺭ ﻓﻬﺪ ﺑﻮﺟﻬﻲ ﺿَﻞ ﻭﺍﻛﻒ ﺣﺎﺟﺰ ﻋﺎﻟﺒﺎﺏ ﻣﻴﻘﺒﻞ ﺍﻭﺧﺮ
ﻫﺬﺍ ﺍﻟﺤﺠﻲ ﺍﻟﺒﺎﺏ ﻣﺎﻝ ﺍﻟﻐﺮﻓﻪ ﺍﻟﻲ ﻋﺎﻟﺼﺎﻟﻪ ﻣﺎﻟﺘﻪ ﻣﻮ ﺍﻟﺒﺎﺏ ﺍﻟﻲ ﻋﺎﻟﺒﻴﺖ
ﺿَﻞ ﻳﺒﺎﻭﻉ ﻋﻠﻴﻪ ﻭﺍﻧﻲ ﻣﻨﺰﻟﻪ ﻋﻴﻮﻧﻲ ﻟﻠﻜﺎﻉ ﺗﻘﺮﺏ ﻳﻢ ﺃﺫﻧﻲ ﻳﻬﻤﺲ ﻭﻳﻜﻮﻝ ﻓﺼﻠﻴﺘﻲ ﺣﻠﻮﺓ ﻭﻳﺒﻮﺱ ﺷﻜﺪ ﺣﻘﻴﺮ ﻭﻧﺬﻝ ﺧﻠﻴﺖ ﻭﻓﺘﺖ ﻣﻦ ﺟﻮﺓ ﺍﻳﺪﻩ ﻭﻃﻠﻌﺖ ﺍﺭﻛﺾ ﻭﺍﻧﻬﺰﻣﺖ ﺧﻔﺖ ﻻ ﻳﻌﻴﺪ ﺍﻟﺒﺎﺭﺣﺔ ﻭﺍﻧﻲ ﻣﻨﺎ ﻣﻮﺟﻮﻋﻪ ﻭﻣﺮﻳﻀﻪ ﻭﻣﻮ ﺯﻳﻨﺔ ﻭﻣﺎ ﺍﺭﻳﺪ ﻳﺘﻘﺮﺑﻠﻲ ﻛﺎﻓﻲ ﺍﺧﺬ ﻋﺬﺭﻳﺘﻲ
ﻧﺰﻟﺖ ﻟﻠﻤﺨﺰﻥ ﻓﺮﺷﺖ ﻧﻔﺲ ﺍﻟﻔﺮﺍﺵ ﺍﻟﻘﺪﻳﻢ ﻭﻧﻤﺖ ﻋﻠﻴﻪ ﺑﺲ ﻭﺍﻟﻠﻪ ﺧﻔﺖ ﺿﻠﻤﻪ ﻭﺃﺻﻮﺍﺕ ﺣﺸﺮﺍﺕ ﺍﺧﺎﻑ
ﺛﺎﻧﻲ ﻳﻮﻡ ﻧﻔﺲ ﺍﻟﺮﻭﺗﻴﻦ ﻫﻢ ﺷﻐﻞ ﻭﻛﺘﻞ ﻣﻦ ﺧﻮﺍﺗﻪ ﻭﺃﻣﻪ ﻭﺍﻫﺎﻧﻪ ﻭﺍﻧﻮﺏ ﻫﻮ ﻣﺎﻛﻮ ﺍﺳﺘﻔﺮﺩﻥ ﺑﻴﻪ ﻭﻟﻮ ﻫﻮ ﺷﺎﻑ ﺍﺧﺘﻪ ﺿﺮﺑﺘﻨﻲ ﻭﻣﺎ ﺣﺠﺔ
ﺿﻠﺖ ﺗﻤﺸﻲ ﺍﻷﻳﺎﻡ ﻭﺍﻧﻲ ﺍﺗﻮﺳﻞ ﺑﻲ ﺑﺲ ﺍﻋﺮﻑ ﺧﺒﺮ ﻋﻦ ﺍﻣﻲ ﻣﺎﻛﻮ ﻣﻴﻘﺒﻞ
ﻭﻛﻞ ﻳﻮﻣﻴﺔ ﺍﺭﻳﺪ ﺍﻧﻬﺰﻡ ﻭﻣﺎﻛﻮ ﻓﺄﻳﺪﻩ
ﻭﻋﺒﺮ ﺍﻟﻲ ﺍﻛﺜﺮ ﻣﻦ ١٨ ﻳﻮﻡ ﻳﻤﻬﻢ ﺑﻠﻴﻞ ﺣﺎﻭﻟﺖ ﺍﻧﻬﺰﻡ ﻭﻟﺰﻣﻨﻲ ﻓﻬﺪ ﺍﻻ
ﻣﺎ ﻛﺴﺮﻧﻲ ﺗﻜﺴﺮ ﺷﻌﻞ ﺟﺪﻱ ﺍﻟﺴﺎﺑﻊ ﻋﺸﺮ ﺗﻤﻨﻴﺖ ﻟﻮ ﺑﺎﻗﻴﻪ ﻭﻣﻤﻬﺰﻭﻣﺔ ﺍﺣﺴﻦ
ﺻﺎﺭ ﺍﻷﺭﺑﻌﻴﻦ ﻣﺎﻝ ﺃﻫﻠﻪ ﻭﺳﻮﻭ ﻭﻟﻴﻤﺔ ﺟﺒﻴﺮﻩ ﺍﻟﻤﻨﻄﻘﺔ ﻛﻠﻬﺎ ﻋﺰﻣﻮﻫﺎ
ﻭﺍﻟﻨﺴﻮﺍﻥ ﺳﻮﻥ ﻋﺰﺓ ﻭﺟﺎﺑﻦ ﻣﻼﻳﻪ ﻭﺍﺟﻦ ﺑﻴﺖ ﻋﻤﺎﺗﻪ ﻭﻋﻤﺎﻣﺔ ﻭﺧﻮﺍﺗﻪ ﻭﺍﻟﻜﻞ ﺍﻟﺒﺠﻲ ﻭﺍﻟﻨﺤﻴﺐ ﺍﻟﻲ ﺳﻮﻧﻪ ﺧﻮﺍﺗﻪ ﻭﺃﻣﻪ ﻭﺍﻧﻲ ﺍﻟﺮﺍﻳﺢ ﻭﺍﻟﺮﺍﺩ ﻳﻜﻔﺦ ﺑﻴﻪ ﻭﺍﻧﻲ ﺗﻌﺒﺎﻧﻪ ﻭﺟﺴﻤﻲ ﻧﺤﻼﻥ ﻭﺑﺖ ﻋﻤﺘﻪ ﻟﻔﻬﺪ ﻭﺣﺪﻩ ﻓﺪ ﻧﻌﺎﻝ ﻭﺣﻘﻴﺮﻩ ﺗﺮﻭﺡ ﻭﺗﺮﺟﻊ ﺗﺘﻔﻞ ﻭﺗﻀﺮﺏ ﻭﺍﻧﻲ ﻻ ﺣﻮﻝ ﻭﻻ ﻗﻮﺓ ﻟﺤﺪ ﻣﺎ ﺛﺎﻧﻲ ﻳﻮﻡ ﺭﺍﺣﻮ ﺯﻳﺎﺭﻩ ﻟﻠﻨﺠﻒ ﻭﺍﻧﻲ ﺑﻘﻴﺖ ﻭﻳﻤﻲ ﺍﻡ ﻋﻠﻲ
ﺩﻧﺸﺘﻐﻞ ﻭﻧﻌﺰﻝ ﺍﻟﺒﻴﺖ ﻻﻥ ﻣﻜﻠﻮﺏ ﺩﺧﺖ ﺩﻭﺧﺔ ﻛﻠﺶ ﻗﻮﻳﻪ ﻛﻌﺪﺕ ﻟﻠﻜﺎﻉ ﻭﺍﻟﺼﺒﺢ ﻧﻔﺴﻲ ﻟﻌﺒﺖ ﻣﻦ ﺍﻟﺒﻴﺾ
ﻛﺎﻟﺖ ﺍﻡ ﻋﻠﻲ ﺑﺲ ﻻ
