رواية قدر مكتوب الفصل الثاني والعشرون 22 بقلم ام مصطفى

باحداث الانبار 

سرمد راح التحق بقة يروح اسبوعين ويجي اسبوع اخر مرة راح 

بس وصاني ع سيف كلي ديري بالج عليه وع الطفل الي ابطنج امانه ألله ورسولة 

-لا توصي حريص سرمد ذول قطعة من روح تروح وترجع بالسلامه 

طلع بس كلبي مامطمن ابد  

اول موصل اتصل علي 

بعدها ادك ميجاوب 

يومين نخابر ماكو 

الى ان بالليل اتصل علي ادم 

كال رند سرمد استشهد 

نزل علي الخبر مثل الصاعقة 

-اسم الله عفية ادم لا دكولها فدوه منو كلك 

-هسة اتصلوا بابوي 

راح اخوي سرمد راح احزام ضهري  

كمت اكمز واصرخ  سرمد لا عفية بعد وكت بعدك صغير 

سرمد لا تيتم جهالك فدوه كافي علي اني عشت اليتم جهالي هم يعيشوه 

كمت ادك والطم 

التموا يمي كلهم لان بيتنا جبير 

وصار صريخ وبجي 

اني انتهيت يربي مكتوب علي العذاب 

بقينه يومين ندك ونلطم وماجايبيه جان حرب ومعارك 

عمو امجد  كال اروح اجيبة هو وخوال سرمد 

طلعوا ورو يومين للانبار يجيبوه 

وهم مارجعوا 

يومين وماكوا 

تالي اتصل خال سرمد اخو عمة قبس كال 

اني بالمستشفى طكونه عبوه واحنه بالطريق وامجد واخوي طه استشهد 

انوب صار العزة عزائين 

عمو امجد وسرمد وخالة طه يبووووي 

متنا انتهينا مصيبة ماكو مثلها 

عمة قبس انتهت فقدت وحولوها للمستشفى وملك حالها يبجي الصخر 

واني والله رغم كل الي سووه بيهة بس يبقى زوجي وعمي  

من البجي واللطم صار عندي نزف 

وحولوني للمستشفى 

الدكتورة كالت اسقاط عندج الطفل مات ابطنج ولازم عملية 

انوب هجي سمعت انتهيت الله لا يشوف احد الي شفنا فاجعة وحلت علينا 

دخلوني عمليات  وطلعت  

اصرخ سرمد اني مو كد الامانه امنتني وماصنتها مات الطفل سرمد 

وينك عمري انت شلون يطيك كلبك تعوفنا 

انتهيت والله اني بصفحة وابني بصفحة 

الحزن خيم ع بيتنا  

واصعب سنه مرت علينا هي هاي 

تركت الكلية  مكدرت اكمل هاي السنه 

عمتي قبس صارت عدها جلطة دماغية 

كعدت يمهم هاي الفترة مااكدر اعوفهم..

ضليت اداريها لعمتي خطية علاج طبيعي بالاسبوع مرتين اخذها 

الى ان بدت تتحسن 

جنت بالعدة بوكتها ابد لا طلعت ولا طبيت.. ابيت عمي لزمت البيت لان كلهم وضعهم تعبان  ....

مرت الايام  خلصت العدة وعمة قبس بدت تتحسن 

طبعا لينا بقينا ع اتصال اني وياها 

بيوم كالت رند حسام يسئل عليج 

كلي خلصت عدتها يريد يحجي وياج 

-لا لا عفية استحي منه 

-ليش رند حسام يحبج خطية صار سنين منتضرج  

-لا عيب من بيت عمي شيكولون هسة جانت تدعي عليه لو مصدكت مات 

لينا مااكدر عوفيها هسه مصارلي عشر ايام من طلعت العدة 

-بس هو مرايد شي يريد يسلم عليج وياخذ من خاطرج وكلي كولياها راح يراسلج 

-ماادري استصعبها هسه  

اووف سرمد الله يرحمك جان يموت ولا اجيب طاريه 

-الله يرحمة بس ظلموج 

-سرمد ابد مظلمني بالعكس حتى البيت رجعة الي وجان دائما وياي بس الشغلة الوحيدة اذاني بيها هي زواجة الثاني 

اووف الله يرحمك ياعمري  

-تحبيه؟

لعد ليش ولج مو ابن عمي وزوجي وابو أبني 

-يعني مثل حبج لحسام 

-لا ذاك عشك اعشكة حب الاول والاخير 

بس حسام حب عشرة واحبة يعني عادي 

-يي فهمتج يعني مثل كل الناس 

-لا اكثر والله سرمد صاحب مواقف متنسي وياي اووف سودة عليه والله صدمة عمري ممتوقعتها ابد متوقعة ننفصل وارجع لحسام بس مال يموت يمة لا حسافة شبابة  

كمت ابجي 

-اسفة ذكرتج 

-لا والله مناسيته ابد 

-هسة شكلة لحسام 

خل يعوفها ع الايام  

ومرت الايام 

كمت اتهرب من حسام مااعرف ليش اول شي انطيته بلوك بالفيس قبل لا يراسلني 

وكلما لينا دكلي يسئل عليج اكلها  مااكدر احاجيه احس سرمد ينقهر بقبرة ...

مااعرف ليش؟اتخيله كبالي ويعاتبني  ..

بيوم عمة قبس كالت اريدج بموضوع 

كولي عمة 

-رند انتي منا وبينا بعد وكفتج هاي متنسي ابد ويانه  انت بعدج صغيرة الحياة كدامج اول ع تالي تزوجين 

فكلت ليش ترحين لغريب ليش؟ماتخذين ادم حتى سيف يربى بينا 

-عمة صدم تحجين 

-اي والله...

-مستحيل اولا ادم اصغر مني ثاني معتبرته اخوي صغير واني حاليا ماافكر بالزواج ابد 

-بس اني اريد ازوج ادم كمت اخاف كولشي يصير بالدنيا 

-زوجي عمة. اني ماالي نفس بالزواج كاعدة ع ابني هسه 

فكري 

بدون لا افكر مستحييييل 

بعد فترة اجة عمو لؤي كال اريد اخطبج لابني محمد مادام دارت السنه مال سرمد 

-عمو بس اني مااريد ازوج 

-لاتزوجين شنو تبقين بله زواج 

عمو مو كوه الزواج واذا اريد ازوج اختار الشخص الي اريده اني 

ضل عمو يلح وكل ماشافني كال اريدج لمحمد ...

هنا احتاجيت احس حسام الي ماناسيته ولا لحظه اخاف ارجع لنفس المربع 

فتحت الحظر وراسلته 

بسرعة جاوبني 

-شلونك حسام 

-هسة صرت زين  

ليش هيج صايرة قاسية 

-الدنيا تعلمنا القساوه مشفت شصار بية 

-اي والله وحيل تاثرت  رغم كل الي بينا بس يبقى الموت مابي لا تشفي ولا شماته 

-رند مشتاقلج ممكن اشوفج 

-لا مااكدر 

اجيتك بموضوع 

-كولي 

-عمي يريد يخطبني لابنه وجاي يلح 

وحماي هم يريدني 

-شنووو لا والله  واني شنو 

-اني مااريد اوكع بالخطأ نفسة واعيش نفس المعاناة الي عشتها وي حسام كلبي يمك وجسدي يمة 

-حسام اني احبك اموت عليك 

حسام تزوجني 

-الله احلى كلمه سمعتها 

جايج هسه 

-عزة مو هسه انتظر 

والله جاي هسه وجاي اخطبج من البيت قبلوا قبلوا مقبلوا اخذج ونزوج  

لا باجر تعال اطيهم خبر اني ليش؟خابرتك حتى تخطو هالخطوة اخاف هم اظعف واعيش نفس معناتي ذيج 

-باجر يمج 

وفعلا اجة حسام هو واخوه  

وطلبني من عمي وادم 

وعمي رفض والي صدمني ادم كال اني اريدها مرت اخوي اني ازوجها 

عاد وكفت كبالهم كتلهم اخذة لحسام وبكيفي كافي كل مرو توكفون كدام سعادتي 

محد قبل بس اني اصريت 

اخذت جنطتي وملابسنا للبيت واخذت ابني وطلعت لبيتنا القديم 

تواعدت وي حسام يجيب سيد وشهود ونزوج 

جان حييل فرحان 

ازوجنا 

وبنفس اليوم اجه يمي 

-حبيبتي واخيرا صرتي يمي مااصدك 

حضني ويبجي واني ابجي 

ولج روحي هسه ردتلي 

يابعد عمري الف الحمد لله صبرت ونلت 

بات يمي 

عشنة احلى اسبوع دلعني ادلع كله حب وذكريات حلوه بينا 

شكد مااوصف الكم سعادتي بذيج الايام ماتنوصف  ...

عمامي وعماتي قاطعوني للابد 

واتبروا مني 

حسام صار الي سيف ودرع كلهم زوجتي شحدة ليوصل يمي وهددهم جان بوكتها اخوه بالحشد واسم الحشد يخوف 

عاد جر ايدهم مني وبس تبروا مني 

بس كل اسبوع ادز ابني يشوفوه وي رجعوه 

سيف تعود ع حسام وحيل حبه 

بعد فترة حملت وجبت بنية 

وراها هم حبلت ع راسها بولد  

صار عندي من حسام ولد وبنية ورجعت للكلية وهاي اخر سنه الي 

ليهسة عمامي ميحجون وياي حتى عماتي زعلن 

بس الله عوضني بحسام صارلي اب واخ وزوج والحمد لله  

انتهت قصتي