رواية في عشقها هلاكي الفصل الثاني والعشرون
حد يفكر يغير الوش العسل ده ...ده انت جاحد ياراجل
مختار اتصدم بانه عرف كل حاجه واتجمد مكانه بذهول
هنا رامي طلع ربطة فلوس ورامها على شاكر وقال بخبث ....مش خساره فيك يا شوك.... لولاك مكناش عرفنا لعبة الديب ابن الديب
شاكر ساب الفلوس تقع على الارض ونزل دماغه وهو مش قادر يبص لمختار ابدا
مختار التفتله بصدمه وابتسم وهو مش مصدق اللي بيسمعه وقال ...هه..ده بجد
شاكر نزلت دموعه وقال بوجع....حقك عليا ...مش قادر اشوفها بتتأذي كده وافضل ساكت
مختار لمعت عيونه بالدموع وابتسم بوجع وقال.....تمام...حلال عليك يا صاحبي
شاكر هنا بكى من كل قلبه وروعه كانت واقفه بتبصلهم بعدم فهم وقالت بخوف...هو فيه ايه... مفيش حد هيفهمني
رامي قال بسرعه وشماته.....انا افهمك يا جميل.... بقى مختار باشا كان عايز....
هنا عزيز قاطعه بغضب وقال...رامي مش وقته.... انا على اخري دلوقت
وشاور على مختار بسلاحه وقال..هاتلي الكلب ده ورايا وبعد كده ارغي براحتك
رامي ورجالته مسكوا مختار ولسه هيمشو بيه روعه مسكت في ايده وقالت بخوف....انتو واخدينه على فين ...سيبوه..انا....انا هبلغ البوليس وهوديكم في داهيه .....سيبوه بقولكم
عزيز التفتلها وضحك وقال بسخريه...هاتوها معاه احسن تبلغ ...اصلي بخاف من البوليس قوي
شاكر قال بقلق وذهول....تاخدوها فين..انتو ..انتو وعدتوني هيه ملهاش دعوه
بقلم.....زهرة الربيع
عزيز قال بخنقه.... بس يلا اخرس متعملش فيها عبد الحليم حافظ لاحسن ناخدك انت كمان وانت عارف ان اللي هيجي معانا دلوقت مش هيرجع
شاكر اتصدم وحط اديه على دماغه بصدمه...مكانش مصدق انه بعد ما سلم صاحبه باديه برده مقدرش ينقذها....فضل واقف مكانه وهو مش عارف يعمل ايه
مختار هز راسه باسف عليه وبص لعزيز وحاول يعمل محاوله اخيره متأكد انها مش هتجيب فايده قال..انتو مشكلتكم معايا....هتاخدوها ليه ...هيه متعرفش اي حاجه ولا فاكره اي حد
عزيز ضحك جامد وشد روعه عليه وقال...ده باين الحلوه دي سحرها خاص انا شايف معجزات بتحصل علشانها
روعه بقت تحاول تدفعه ومختار داس على اسنانه بغضب وقال...سيبها حالا
عزيز سابها فورا بخوف مصتنع وقال...سبتها اهوه..بلاش النظره دي ...مش بعرف انام بالليل
واتغيرت ملامحه لغضب مرعب وقال...هاتوهم ورايا
وطلع ورامي وراه والرجاله شدوا روعه ومختار واخدوهم وراهم وشاكر كان واقف عاجز مش عارف يعمل حاجه ...واول ما خرجو وقع على الارض وهو حاسس قلبه بيتحرق على اللي عمله في مختار وعلى اللي هيحصلهم هو وروعه هناك
عند حمزه فتح عيونه بنوم لما حس بحد بيلمسه وكانت نسيم بتحاول تفتش في جيوبه على مفتاح البيت بحذر
مسك ايدها قبل ما تطلع المفتاح وقال بابتسامه...صباح الورد
نسيم بلعت ريقها بتوتر شديد وبقت تحاول تسحب ايدها بس حمزه شدها عليه وحاوطها باديه بقوه وهو بيحاول يضمها لقلبه
بس نسيم شهقت بخضه وقالت ..انت بتعمل ايه ..انت اتجننت
ودفعته وبعدت بسرعه وخوف
حمزه اتنهد وقال ...انا...احم انا اسف ....مش هتتكرر
نسيم قالت بغضب و تحذير ....انا متجوزه يا حمزه....متنساش النقطه دي ....وانت عارف اخلاقي كويس مستحيل اخون ولا حتى بنظره..... اظن وصلت
ولسه هتروح اوضتها وقفها لما قال بثقه ...بس حتى القلب بيخون يا نسيم وخيانته اكبر
نسيم وقفت مكانها وغمضت عيونها بوجع لان معاه حق.... وحمزه قرب خطوات وقال....مش بس الجسد اللي بيخون ..لما تكوني في حضن راجل وعلى زمته ...بس مشاعرك وروحك وقلبك مع شخص تاني تبقى اكبر خيانه ليه ولنفسك
نسيم حاولت تحبس دموعها والتفتتله وقالت بقوه...معاك حق....بس ولا القلب ولا الروح ولا المشاعر لينا عليهم سلطان ...انا عمري ما هخون في اللي املكه ..واللي غصب عني ربنا يسامحني فيه
قالت كده وراحت اوضتها وحمزه تابعها بعيون عاشقه كلها اعجاب وقال...علشان كده معرفتش احب غيرك يا نسيم
عند نجوى كانت لسه واصله العياده وبتتصل كتير على حمزه بيطلعلها الخط مغلق... طبعا لان تليفونه مع مختار ومقفول
فكرت انها تخلص شغلها وتعدي عليه تشوفه مبيجيش ليه
بس قطع تفكيرها صوت زعيق جامد والباب اتفتح ودخل جمال زي الاعصار ووراه الممرضه بتحاول تمنعه
نجوى وقفت بخضه وقالت بزعيق...ايه ده.... ايه ده في ايه
الممرضه قالت بسرعه...انا اسفه يا دكتوره.... بس مش راضي يقف ولا يستنى دخل غضب غني
نجوى لسه هتتكلم جمال قرب منها وضرب على مكتبها بعنف وقال ...الدكتور بتاعك فين
نجوى اتصدمت وقالت...نعم ....قصدك مين
جمال فتح مطوه عليها وقال بغضب وزعيق....اخلصي يا حلوه مش عايز ابعتك لزمايلك بتوع التجميل يعملو احلى واجب معاكي
نجوى اتخضت جدا وقالت للممرضه برعب...اطلبي البوليس يا نهله
الممرضه لسه هتتحرك جمال سحب نجوى عليه وحط المطوه على رقبتها وقال...مكانك يا بت لاشقها ....اثبتي عندك
الممرضه وقفت وهيه مرعوبه ونجوى كانت خايفه جدا وقالت بتوتر...اللي انت بتعمله ده يوديك ورا الشمس
جمال قال بغضب...لاخر مره هسالك الدكتور فين مترغيش...حمزه فيييين
نجوى قالت بخوف....انت ....انت عايزه ليه ...عملك ايه
ضغط على رقبتها اكتر وقال بغل..خطف مراتي ....وديني ما هحله حتى لو رجعها للبيت بنفسه...اخلصي هو فين لاخلص عليكي قبله
نجوى اتصدمت ولمعت عيونها بالدموع لما عرفت انه خطف نسيم وقالت بوجع وبكا..معرفش...معرفش مشوفتوش وتليفونه مقفول
جمال قال بزعيق...عارفه لو طلعتي بتكدبي....
بس قاطعته وقالت ببكا..والله ما عرف قولتلك مش عارفه ومش عايزه اعرف عنه حاجه
جمال دفعها بغضب وقعت على الارض ومسك قلم وورقه من على المكتب وكتب رقم تليفون ورماه في وشها وقال...ده رقمي لو اتواصل معاكي هو او عرفتي اي حاجه عنه كلميني واشتري روحك لاني مش هسيب اخضر ولا يابس .....سامعه
نجوى هزت راسها بالموافقه بخوف
وجمال خرج وهو بيقول بغضب.... هيروح مني فين الدنيا اوضه وصاله
اول ما طلع نجوى انهارة بالبكا وهيه بتقول...ليه يا حمزه لييه...ليه بعد ما قولت خلاص اخيرا وصلتلك ليه....حرام عليك حرام عليك
وبقت تبكي بقوه قدام كل الفريق الطبي اللي جم على صوت الدوشه وكانو عند الباب
عند حمزه حضر فطار ونادى لنسيم وقال....يلا تعالي كلي مكلتيش حاجه من امبارح
نسيم كانت جعانه جدا بس قالت بعند...مش عايزه
حمزه اتنهد وقال بخنقه...نسيم تعالي ..لا زم تاكلي فكري في اللي في بطنك انتي في شهورك الاولى
نسيم اتوترت وكانت هترفض بس خافت يشك وكانت جعانه فراحت وقعدت وبقت تاكل بهدوء
حمزه قعد قصادها وبقى ياكل وهو متابعها بعيونه بطريقه وترتها وفاجأها لما قال....هو انتي في الشهر الكام
نسيم شرقت وبقت تكح وحمزه ناولها كباية الميه وهو بيبصلها بشك يوتر
نسيم شربت شويه وقالت...ليه السؤال ده
حمزه قال ....عادي لازم اسال..... انا اللي هتابعك الفتره دي لحد ما نشوف هنعمل ايه...ولا ناسيه اني دكتور
نسيم قالت بتوتر....انت اللي ناسي اني مش بكشف عند دكاتره
حمزه ضحك بغيظ وقال...امم عارف عارف ...الغضنفر بتاعك بيغير
نسيم اتنهدت وقالت ...لا مش علشان كده......علشان انا بتكسف ...وكمان طالما فيه دكاتره ستات فانا مش مضطره اروح لدكتور
حمزه قال ...بس هنا مفيش دكتور غيري
نسيم قالت بضيق...هنا مفيش معدات اصلا تكشف بيها...وكمان انا كويسه
حمزه ابتسم وقال....حتى لو كنتي كويسه لازم نطمن على نبض الجنين حتى....ولو على الادوات امبارح بعد ما نمتي كلمت شاكر يجيب معاه سماعه طبيه وبعض ادوات كانو في البيت عندي وجابهملي مع الحجات اللي جابها
نسيم اتوترت اكتر ومبقتش عارفه تتهرب ازاي وبقت تكمل اكل بجوع رهيب
حمزه فضل متابعها وقال ...غريبه ان بطنك لسه مبانتش
نسيم قالت بتوتر..علشان انا في شهوري الاولى
حمزه بصلها شويه وقال...وده بقى الاغرب... لانك متقبله الاكل كويس....والشهور الاولى الست مش بتبقى طايقه ريحة الاكل
نسيم اتوترت جدا وبطلت اكل وقالت...انت عايز تقول ايه
حمزه وقف وشال طبقه وميل عليها وقال...عايز اقول اني هبطل الشغلانه واستعوض ربنا في السنين اللي درستها لو كنتي حامل
واخد طبقه لانه خلص اكل وراح على المطبخ
نسيم اخدت نفسها لما مشي وبقت تحاول تفكر هتعمل ايه وتهرب ازاي قبل ما يعمل اللي بيقوله ويكشف عليها
عند مختار كان مربوط في الكرسي ووشه كله متبهدل ومش قادر يتنفس من كتر الضرب ...لان عزيز امر رجالته كلهم يضربوه لحد ما كان هيموت في ايدهم
روعه كانت مربوطه في كرسي جنبه وبتبكي على اللي حصل في مختار ومش راضيه تسكت وبتقول بعصبيه انتو فاكرين نفسكم ايه...انا مش هسكت وهتندمو ...مختار مريض وممكن تحصله حاجه ووقتها هتروحوا ورى الشمس.....بس لو فكتونا دلوقت ممكن نتفاهم على فكره و......
بس قاطعها عزيز لما زعق فيها وقال..ما تخرسي با بت..ايه مبتتعبيش ده احنا تعبنا
بقلم.....زهرة الربيع
روعه لسه هتتكلم قاطعها تاني وقال...ولا كلمه...لعلمك بقى يا حلوه اللي عماله تدافعي عنه ده وخايفه عليه وهتموتي بسببه دلوقت ....بيضحك عليكي
مختار بصله برجاء وتعب وقال .....عزيز بيه ارجوك
بس عزيز اتجاهله وقرب من روعه وكمل بخبث وقال....هو ولا عيان ولا حاجه ..هو خطفك علشان يضحك عليا....فيه واحده قتلت ابني وكنت عايز اخد تاري منها بس هربت ....مختار باشا بقى لهف مني ملاين علشان يجبهالي ولما معرفش يجبها فكر يجيبك ويغير ملامحك ويسلمك ليا علشان اصفي دمك وينقذ نفسه...فهمتي دلوقت انتي بتدافعي عن مين
روعه بصت لمختار بصدمه ومختار نزل عيونه في الارض ونزلت دموعه ومبقاش عارف يقولها اي كلمه ..كلمة اسف او سامحيني مبقاش لها اي لزمه دلوقت
روعه مكانتش قادره تنطق وقبل ما تقول حاجه عزيز رفع سلاحه على مختار وقال..لا ياغالي دموعك غاليه علينا....عموما انا هبعتكم لجهنم مع بعض تصفو حسابكم سوا
مختار قال برجاء ويأس .....هيه ملهاش ذنب...ابوس ايدك ...ابوس رجلك كفايه اللي حصلها..طلعها من هنا وحياة اغلى حد عندك
عزيز ضحك جامد وبص لابنه وقال بسخريه..يااااه...ده شكله غانم معاه حق.....الديب طب بجد ولا ايه
مختار متفاجأش بذكر غانم كان شئ متوقع بالنسباله ...بس روعه قالت بذهول.....هو غانم معاكم كمان
عزيز قال ....طبعا معانا امال يعني نسيب الديب من غير مراقبه ....انا اتفقت مع غانم يراقبه علشان لو لعب بديله....بس رامي كان اذكى مني و كشفه من البدايه وكان عارف انه بيماطل وعايز يلهف فلوس وبس....فاتفق مع غانم من ورايا وبقم يخططو سوا....ودلوقت لما شاكر كشفلنا لعبته....رامي حكالي على كل اللي بينه وبين غانم من البدايه
والتفت لمختار وقال..بس شكله مخ مش متفاجأ ...تقريبا عارف ان غانم معانا....او شاكك...طب يا ترى تعرف كمان انه هو اللي حبسك وحطلك البضاعه في العربيه
مختار كمان متفاجاش وفضل يبصله بيأس وقلة حيله لاول مره
عزيز ضحك وقال...ايه ده برضه متفاجأش يا خساره
رامي ضحك وقال..سبهولي انا افاجأه بما انه هيموت وخلاص مفيش حاجه هتتخبى تاني ....قولي بقى يا مخ تعرف ان غانم هو كمان اللي قتل والدتك ..وسممها في العلاج اللي اخدته في المستشفى
هنا مختار رفع راسه وبصله بصدمه متتوصفش
وعزيز ضحك وقال..... برافو عليك كده اتفاجأ بجد
مختار بقى يحاول يفك اديه وهو بيزعق ويقول بغضب وهستريا ....يا ولاد الكلب يا ولاد الكلب يا زباااااله
عزيز حط السلاح في راسه وبصله بغضب ميتوصفش وقال...متزعلش قوي كده ..ما انت حالا هتحصلها......حذرتك كتير انك تلعب معايا...انت اللي اخترت ...اتشهد ولو انها مش هتنفعك
وشد ذناد السلاح ولسه هيضرب روعه قالت بسرعه..استنى ...هو مضحكش عليك ...هو جابلك طلبك....انا روعه ....انا اللي بتدور عليها
كلهم بصولها بسخريه وعدم تصديق بس روعه قالت بقوه...انا بتكلم بجد ....انا السبب في قتل حكيم ابنك ..وانا اللي وبلغت عن تجارتك ...انا الخدامه اللي دخلت بيتك وخسرتك ابنك ...واقدر احكيلك اللي حصل وقتها باللملي سيب مختار.... هو وفى بوعده ليك
مختار اتسعت عيونه بصدمه اكبر من عزيز لانه مقلهاش التفاصيل دي ابدا فضل متجمد مكانه وبيبصلها بذهول ميتوصفش وووووو
