رواية الجميلة والوحش ادم واحلام الجزء الثاني الفصل الثالث والعشرون
في الكومباوند ف اليوم التالي صباحا
ف غرفه احلام لبست بنطلون كلاسيك اسود وتوب كات وعليه جاكيت وفارده شعرها وبتجهز علشان تروح شركه تصميم الازياء
وبتعدل شعرها قدام المرايا
الباب خبط
احلام/ادخل
الخادمه دخلت و ف ايدها بوكيه ورد احمر وشكله حلو اوي
الخادمه ابتسمت/الورد دا جاي لحضرتك
احلام ابتسمت/علشاني انا؟
الخادمه/ايوا من ادم بيه
احلام بابتسامه خدت الورد و الخادمه استأذنت ومشيت
احلام بابتسامه شمت الورد وحضنته
تليفون احلام رن وكان ادم
ادم ابتسم/عجبك الورد
احلام بابتسامه/ادم دا حلو اوي اوي..انت جبتهولي بمناسبة ايه
ادم /هو لازم مناسبه علشان اجيب ورد ل مراتي روح قلبي
احلام ابتسمت بحب
ادم /انا مكنش هاين عليا النهارده اروح الشغل واسيبك بس كنت مضطر... ف طول ما انا بشتغل مبتروحيش عن بالي دقيقه واحده..وكنت عايزه اتأكد انك بجد مش زعلانه مني ولو 1%
احلام ابتسمت /انا مش زعلانه منك ابدا ي حبيبي.من امتي وانا بقدر ازعل منك يوم واحد ع بعضه
ادم ابتسم/انا بعشقك
احلام ابتسمت/وأنا بموت فيك
وقفلو مع بعض واحلام
بتاخد شنطتها علشان تمشي الباب خبط
ورولا دخلت
رولا /انا سبت حضرتك تهدي امبارح مع اني مكنتش عيزاكي تنامي وانتي زعلانه مني ..بس انا اسفه ي مامي ..لو سمحتي متزعليش مني والله مقدرش استحمل زعلك مني
احلام فتحت لها دراعها علشان تيجي ف حضنها /تعالي
رولا بابتسامه راحت حضنتها واحلام حضنتها بقوه وباست راسها
احلام /متتصوريش انا خوفت عليكي قد ايه لما عرفت...مقدرش استحمل لو حصل لك حاجه انتي واخواتك
انا ال اسفه علشان اتعصبت عليكم واعصابي فلتت عليكم امبارح بس ا
رولا طلعت من حضنها وباست خدها وابتسمت/انتي من حقك تعملي كل ال انتي عيزاه وتقولي كل ال انتي عيزاه انا مش زعلانه منك ابدا ..اهم حاجه انتي متزعليش مني..انا مقدرش ع زعلك والله ي احلام
احلام ابتسمت وباست راسها/مقدرش ازعل منك ي روح قلب احلام..انسي ال حصل خلاص
رولا ابتسمت وحضنتها واحلام ابتسمت
بعد شويه احلام طلعت من البيت وركبت عربيتها ومشيت
ورولا طلعت من البيت بعد ما غيرت هدومها ل بنطلون جينز وبلوفر بيج اوفر سايز قصير وفارده شعرها
وطلبت من حد من البودي جارد يوصلها وركبت العربيه واتحركو
قدام بوابه مجمع الكومباوندات
ف عربيه مصطفي
احمد راكب مكان السواق ومصطفي قاعد جمبه ومراقبين بوابه الكومباوند
مصطفي/طالما انت مش عايز تظهر ي سيف انا هخليك تظهر ب طريقتي
واول ما شاف رولا راكبه ف العربيه ورا والبودي جارد بيسوق
مصطفي نزل من العربيه وراح عند عربيه رولا
مصطفي/لو سمحتي
رولا ل البودي جارد /اوقف لحظه
البودي جارد وقف العربيه
مصطفي/انا اسف جدا ع الازعاج بس انا بقالي كتير اوي مستني واحد صاحبي هنا من المجمع وجيت ادخل الأمن مرضيش يدخلني..وبرن ع صاحبي تليفونه مقفول..وفي مشكله حياه او موت يعني لو معرفتش اوصل له صاحبنا هيموت ف المستشفى
رولا نزلت من العربيه
رولا / انا كان نفسي اساعدك والله بس الأمن مبيدخلوش اي حد الكومباوند هنا
مصطفي بتمثيل التاثر/بجد؟انا مش عارف اعمل ايه والله
وبص ل احمد ال ف العربيه واحمد صور مصطفي وهو واقف مع رولا
واحمد بعتها ل سيف
ف اوضه سيف
غير هدومه ل بنطلون اسود وبلوفر اسود وعايز يروح يعمل ل نفسه حاجه يشربها جتله رساله ع الموبايل
سيف فتح الصوره وشاف رولا واقفه مع مصطفي عند بوابه المجمع
سيف بخضه وقلق/رولا
ورن ع احمد بسرعه وهو بيلبس الجاكيت وبياخد مفاتيح العربيه ال ادم ادهالو امبارح
احمد رد
سيف بعصبيه وهو طالع من الاوضه بسرعه/لو حد فيكم فكر يمس شعره منها قسما عظما ل انهيكم كلكم من ع وش الدنيا..سامع ولا لا
احمد/مصطفي شاف ان دي الطريقه الوحيده ال هيقدر يوصلك بيها بعد اخر مره اتكلمتو
سيف بغضب جهوري/انا بحذرك ي احمد لو حصل لها حاجه هخليكم تتمنو الم*وت
وقفل المكالمه بغضب وركب العربيه وساقها بسرعه ب اتجاه بوابه المجمع وهو مرعوب ع رولا مصطفي يعمل فيها حاجه
عند البوابه
رولا/طب قولي صاحبك دا اسمه ايه يمكن اكون عرفاه
البودي جارد من جوه العربيه نزل ازاز العربيه/هو في مشكله ي رولا هانم؟
رولا بصت له/لا مفيش اتطمن هو بيسالني عن حد بس
سيف وصل بسرعه عند البوابه ونزل من العربيه بسرعه وراح ل رولا و مصطفي ال واقفين بيتكلمو
سيف بغضب جهوري راح ل مصطفي وضربه بوكس ف وشه
سيف/انت واقف معاها بتعمل ايه ي ***
رولا بخضه/سيف..سيف انت بتعمل ايه
سيف مسك مصطفي من هدومه بغضب
والبودي جارد نزل من العربيه
البودي جارد/ايه دا ايه ال بيحصل
سيف بعصبيه/رد عليا انت عايز منها ايه
رولا بتحاول تهديه وتبعده عنه
رولا بصدمه/ايه ال انت بتعمله دا ي سيف اهدي..هو بس كان بيسالني ع حد ف الكومباوند عندنا
مصطفي ابتسم بخبث/اهدي ي سيف في ايه..انا بس كنت بسألها سوال..انا معملتش اي حاجه (حاليا)
سيف ساب هدوم مصطفي بغضب وحاول يهدي ..بعد ال حصل دا مش هيسيب رولا تروح مع البودي جارد لوحدها ممكن مصطفي يراقبها تاني ويأذيها
البودي جارد/ايه ال انت بتعمله دا ايه البيحصل هنا
سيف/مفيش حاجه انا بس فهمت غلط فكرته عايز يأذي رولا...اتفضل تقدر ترجع الكومباوند انت وانا هوصل رولا هانم
البودي جارد/مينفعش اعمل حاجه زي كدا من غير ما ادم بيه ال يقولي
سيف/هتصلك انا ب ادم بيه قدامك اهو
واتصل ب ادم
سيف/ادم بيه رولا عايزه تخرج وانا ال هوصلها لو مفهاش مشكله
ادم/ماشي ي سيف مفيش مشكله بعد ما توصلها حط بنزين ف العربيه وخليها معاك
سيف/حاضر
سيف قفل مع ادم وبص للبودي جارد
سيف/سمعت؟
البودي جارد ركب العربيه ورجع الكومباوند تاني
سيف ل رولا ال واقفه مصدومه
سيف/روحي استنيني عند العربيه لو سمحتي ي رولا انا ال هوصلك..هتكلم مع البني ادم دا دقيقتين بس وهجيلك
رولا/انت تعرفو منين اصلا ي سيف وايه كل رده الفعل ال عملتها دي؟ انا مش فاهمه حاجه
سيف بص ل رولا وقال لها بحنيه وبهدوء/لو سمحتي استنيني عند العربيه وبعدين نتكلم..لو سمحتي ي رولا
رولا بصتله/
سيف/..يلا ي رولا بعد اذنك
رولا اتنهدت بغضب وراحت وقفت بعيد عند عربيه سيف
مصطفي/ينفع كدا تضربني قدام بنت ادم بيه الحديدي؟ مش دي بنت الراجل ال انت قاعد معاه برضو
سيف وقف قصاده بغضب/متجبش سيرتها ع لسانك ي واطي..لو شوفتك قريب منها تاني أو فكرت تيجي جمبها انا هقت*لك وادفنك ب ايدي..انت فاهم ولالا
مصطفي بيحاول يكتم ضحكته
سيف بغضب/انت بتضحك ع ايه ي ***
مصطفي /كنت عارف انك حبيتها..كان باين او ع المركب ف اسكندريه كنت مرعوب عليها ازاي
سيف/وانت كنت بتراقبنا هناك كمان
مصطفي/بص انا براقبك ف كل حتي علشان تبقي فاهم ..وبعدين بصراحه لقيت ان دي انسب طريقه علشان اشوفك بسرعه..وفعلا تخميني طلع صح اول ما احمد بعتلك الصوره جيت جري ع هنا
وضحك
سيف بغضب/قول انت عايز ايه من الاخر علشان انا مش فاقيلك
مصطفي/محنا مش هنتكلم هنا اكيد..انا جيت هنا قرصه ودن ليك بس علشان تعرف اني مراقبك ديما..استني بقي المعاد والمكان ال هنتقابل فيه علشان نتكلم
سيف/
مصطفي/يلا سلام بقي علشان حبيبتك بقالها كتير مستنيه عند العربيه ..و ع فكره هي حلوه اوي تستاهل يعني
وضحك وراح ركب العربيه جمب احمد واحمد ساقها ومشي
سيف بغضب وغيره بيحاول يتمالك نفسه علشان ما يروحش يعدمه العافيه بس للاسف رولا موجوده
وخبط الموبايل ال ف ايده ع الحيطه بغضب لدرجه انه اتكسر/راجل ***
قسما ب الله ل اوريك..ليك يوم
سيف راح ل رولا ال واقفه عند العربيه
سيف/انتي اتجننتي ي رولا؟ ايه ال موقفك مع البني ادم دا.. الناس دي ناس خطيره جدا ومش كويسه...اركبي العربيه يلا خلينا نمشي
رولا بغضب/انت ال لازم تفهمني انت تعرف الراجل دا منين وهو يعرفك منين..يلا فهمني
سيف/اركبي العربيه ي رولا خليني اوصلك المكان ال انتي عيزاه يلا
رولا بصتله /انت تعرف الراجل دا منين طالما هو خطير كدا ومش كويس.. وكان عايز منك ايه؟ انتو صحاب مش كدا؟
سيف/بالله عليكي ي رولا منظري ومنظرو من شويه كان باين علينا صحاب او حاجه؟اكيد لا طبعا...لو سمحتي اركبي العربيه يلا ونبقي نتكلم ف الطريق
رولا بغضب/مش هتحرك من هنا الا لما تقولي مين الناس دي وتعرفهم منين
سيف /الناس دي ناس خطيره لدرجه انك لو شوفتيهم ف الشارع متبصيش حتي عليهم..اركبي العربيه يلا
رولا/
سيف/رولا..لو عندك ايه اسئله اسألي ال انتي عيزاه ف العربيه ويلا خلينا نمشي. احتفظي ب اسئلتك دقيقتين بس نركب العربيه
رولا ربعت ايدها بغضب
سيف فتح لها باب العربيه /يلا ي رولا كفايه عيند
رولا بصتله
سيف/يلا ي رولا انجزي انا اعصابي باظت اصلا مش قادر أقف ع رجلي...هجاوبك ع كل الاسئله ال انتي عيزاها والله
رولا بغضب راحت تركب العربيه
رولا بغضب/خلاص حاضر ركبت ..اسكت شويه
وركبت العربيه بغضب وسيف قفل الباب وراح يركب علشان يسوق
واتحرك ب العربيه
عند سيف سايق ورولا راكبه جمبه
سيف اتنهد/انا لحد دلوقتي مش فاهم ازاي اي حد غريب كدا يكلمك تقفي تكلميه عادي..افرض مكنتش جيت لك عند البوابه دلوقتي كان عمل فيكي ايه
رولا بصتله/كان هيعملو فيا ايه يعني؟هيضربوني ولا هيقتلوني؟
سيف بغضب وهو سايق /خلي حد يفكر يمس شعرك منك كدا بس وانا كنت محيتهم من ع وش الدنيا كلهم
رولا بغضب /بدل ما انت عمال تحاسبني كدا علشان وقفت مع ناس معرفهاش قولي انت تعرف الناس الخطيره دي منين وهما كانو عايزين منك ايه
سيف بغضب وهو سايق/انا قولت لك وحذرتك ان دول ناس خطيره وخلاص قفلي ع الموضوع انا حتي مش هسمح لك تجيبي سيرتهم ع لسانك..للدرجه دي يعني
رولا /لا والله ..مش هتسمح لي
سيف وهو سايق/ايوا علشان تصرفاتك ال مش طبيعيه ال انتي بتعمليها وتهورك دا هيجنني ف مره ي رولا
رولا بغضب/انا مسمحش لحد ابدا يقولي المفروض اعمل ايه ومعملش ايه..تمام؟يعني ايه يعني اصلا تصرفاتي ال مش طبيعيه..زي ما انا مش عرفاك كويس انت كمان متعرفنيش كويس
سيف وقف العربيه ف جمب
سيف اتنهد/تمام ..مصطفي دا ابن الراجل ال ابويا كان بيشتغل عنده واتأذي وكان السبب ف حبسه..وهو وابوه السبب الرئيسي ال بسببه طلب من ادم بيه يخليني عنده.علشان خايف عليا امشي ف طريقهم
رولا بصتله/وهو عايز منك ايه
سيف/عايزني اشتغل ل صالحه وهو وابوه زي ما كان ابويا شغال معاهم..علشان كدا ماشي يجري ورايا ف كل حتي ...حتي خد صاحبي احمد ل صالحه و احمد دا خانني بسببه..وخد كمان مكان السهر بتاعي..بس كل دا يولع انا مش عايز من أشكالهم حاجه خالص..يكفي انهم يبقو بعيد عنك ي رولا..انا لما عرفت انه واقف معاكي قلبي كان هيقف من الخوف..خوفت يمس شعره منك انا كنت هتجنن
رولا/هو بيعمل كل دا وبيهددك بيا علشان تروح تقابله..اوعي تسمع كلامه وتقابله ي سيف..احكي ل بابي وهو اكيد هيعرف يخلصك من الناس دي
سيف هز راسه ب لاء/كفايه المشاكل والشوشوره ووجع الدماغ ال عملتهوله ال فتره ال فاتت..لو الحل ال هيخليهم يبعدو عنك انتي وعيلتك انتي اسيبكم وامشي..هعمل كدا
رولا اتنهدت
سيف/عايزاني اوصلك فين
رولا/النادي..هايدي مستنياني هناك
سيف/ماشي
وشغل العربيه تاني وبدأ يسوق
وبعد شويه وصل النادي
في العربيه عند سيف ورولا
سيف بص ل رولا/انا اسف
رولا بصتله
سيف/انا خضيتك النهارده ووترتك بس انا مقصدتش والله انا بس اول ما شفته واقف معاكي انا اعصابي باظت
رولا ابتسمت
رولا/مش انا سألتك قبل كدا ف يوم إذا كنت اذيت حد بجد قبل كدا؟
سيف/ايوا
رولا بصتله ف عينه/يعني انت مكنش في داعي ترد وتجاوبني اصلا
سيف بصلها ف عينها
ورولا نزلت من العربيه وقفلت الباب
سيف بصلها/طب ليه؟
رولا بصت له من الشباك
سيف/ليه بتقولي كدا؟
رولا/لان انت مش بني ادم ممكن يأذي حد عن قصد ابدا ..انت عندك ضمير ..انا قدرت اشوف ال جوه قلبك..وانت شخص قلبك نضيف وطيب
سيف بصلها بنظره انه كان محتاج يسمع الكلام دا فعلا
سيف بصلها ف عينها/شكرا
رولا ابتسمت/العفو
ودخلت النادي
وسيف ابتسم
في شركه تصميم الأزياء
فريده ف الطرقه واقفه بتعدل تصميم مع موظفه
زين طلع من مكتبه وواقف يبص عليها وهي مندمجه ل الشغل وبتشتغل وزين ابتسم
والموظفه خدت التصميم من فريده ومشيت وزين راح ل فريده
زين ابتسم/عامله ايه
فريده ابتسمت/الحمد لله
زين/اتمني المشكله ال كانت عندكم ف البيت تبقي اتحلت..بعد ما وصلتك بالي فضل مشغول ف الموضوع دا لان كان باين عليكي اتوترتي
فريده ابتسمت/لا متقلقش مفيش حاجه هو مامي اتخانقت مع رولا بس وحصل مشكله بس اتحلت خلاص.. يعني متقلقش خالص هما حتي اكيد اتصالحو
زين /طب الحمد لله
فريده/احم ..انا ال اتضايقت علشان بسببي مقدرتش تحضر عيد ميلاد بتول
زين/صدقيني عيد ميلاد بتول دا آخر حاجه كنت عايز احضرها ف حياتي
فريده /بجد؟
زين/تشربي قهوه؟
فريده ابتسمت
وبتول واقفه مرقباهم من بعيد ب غل
بتول/تمام حبو ف بعضكم زي ما انتو عايزين..لان الجاي هيزعلكم اوي
في النادي عند رولا
قاعده مع هايدي و يحيي ويحيي طلب لهم حاجه يشربوها
وسيف كان مستني عند العربيه عند بوابه النادي ومركز جدا وبيبص حواليه علشان لو مصطفي او حد تبعه فكر يقرب من رولا
سيف/لاء كدا مش نافع
وطلع موبايله يتصل ب رولا
في الكافيه عند رولا
هايدي بتبص ع المنيو/انا مش متعوده اصحي بدري اوي كدا ف جوعت هطلب اكل الصراحه
فجأه موبايل رولا رن
يحيي بص ع الشاشه وشاف ان سيف ال بيتصل
رولا مسكت موبايلها
يحيي/هو انتي مسجله رقمو؟
رولا/اه ايه المشكله!
يحيي بغيره/لا مفيش مشكله طبعا
رولا كنسلت ع سيف
يحيي/كنسلتي ليه
رولا بصتله/علشان مش عايز اتكلم ي يحيي
يحيي/وليه بقي.مش عايزه تكلميه قدامي؟
رولا بصتله وسيف رن تاني
هايدي/ردي ي رولا يمكن حاجه مهمه
رولا كانت هتقوم ترد برا
يحيي منعها/لالا ردي هنا احسن شوفيه عايز ايه كدا كدا احنا مش غرب احنا عارفين سيف
ومسك تليفونها وفتح ع سيف وادالها الموبايل
رولا بصت ل يحيي بغضب وبعدين ردت ع سيف
رولا/نعم
سيف/رولا انتي فين ب الضبط
رولا/يعني ايه فين ب الضبط هكون فين
سيف /يعني فين ف النادي الكبير دا ب اضبط ي رولا ردي ع سؤالي بسرعه
رولا بعدت الموبايل عن ودونها شويه وسيف بيتكلم بغضب واتنهدت
يحيي/هو بيزعق لك؟
رولا/انا قاعده في الكافيه الازرق مع هايدي ويحيي ي سيف ..انا هقفل عايز حاجه تاني
وقفلت المكالمه
عند سيف دور ع الكافيه الازرق ال رولا قالت له عنه ولقاه وقرب شويه من الكافيه ال رولا قاعده في وقرر يراقبها من بعيد من هنا من ورا الشجره علشان يبقي متطمن اكتر
في الكافيه عند رولا
هايدي جالها تليفون
هايدي/طيب ي حبايبي انا مضطره اسيبكم
رولا/ع فين
هايدي/ هروح اعمل حاجه ضروري هبقي احكيلك بعدين
وقامت خدت الجاكيت بتاعها وشنطتها
رولا ابتسمت/حب جديد دا ف السفريه الجديده صح
هايدي ابتسمت /بتقفشيني ع طول انتي .
يلا سلام
يحيي/مع السلامه
ومشيت
يحيي قام وقعد جمب رولا
يحيي/انا اسف ع طريقتي من شويه بس انا مبحبش الشاب دا يبقي قريب منك ي رولا
رولا بصتله
يحيي مسك ايدها
يحيي/انا بموت من الغيره عليكي لما بلاقيه حواليكي
عند سيف مراقبهم من بعيد وبص بغيره وهو شايفهم ماسكين ايد بعض
وبطل يراقبهم وراح عند العربيه
رولا سحبت ايدها من ايد يحيي
رولا/خلاص ي يحيي حصل خير ..انا اصلا لازم امشي علشان في كورس بعد ساعتين وعايزه اروح اغير هدومي ..يلا باي
وقامت
يحيي/طب خليني انا اوصلك
رولا/لا شكرا خليك انت
وخدت جاكيتها وشنطتها ومشيت
ويحيي اتنهد
في فيلا فراس
قاعد هو وروان ف الصالون والباب خبط والخادمه فتحت
وكانت ميرا
ميرا دخلت ف ايدها كيك صغير وشنطه فيها هديه ل مراد علشان النهارده عيد ميلاده
ميرا بابتسامه/ازيكم
روان بابتسامه/روح قلب عمتو ..تعالي
فراس ابتسم/ي اهلا بالقمر بتاعنا ..تعالي ي حبيبه عمك
ميرا ابتسمت/هو مراد هنا صح ..عايزه اديله هديه عيد ميلاده
روان ابتسمت/ايوا كان سهران ف الشركه امبارح يعيني ورجع الصبح نايم
فراس ابتسم/ اطلعي له صحيه هو حد يسيب القمر دا ال جاي يحتفل معاه وينام
ميرا ابتسمت/انا بقول كدا برضو..عن اذنكم
وطلعت فوق
روان/فراس قلبي بيتقطع ع ابني وهو بيحبها كدا ومش عارف يقولها ويصارحها والله
فراس قرب منها/ي سلام وقلبك متقطعش ع جوزك حبيبك ليه لما انا كنت ماشي بحب ع نفسي وانتي ولا هنا
روان ابتسمت/ايوا علشان وقتها انا كنت غبيه ومش واخده بالي بس الحمد لله فوقت ف الاخر يعني
وباست خده وفراس ابتسم وباس راسها
ف اوضه مراد ميرا دخلت بصت ع مراد ال
نايم ع السرير بعمق من كتر سهرو ف الشغل
ميرا ابتسمت وقعدت جمبه ع طرف السرير وقالت ف سرها انه شكله حلو اوي وهو نايم
ميرا /مراد
مراد/اممم
ميرا ابتسمت/مراد اصحي
مراد بدأ يصحي وفتح عينه
مراد ابتسم لانه صحي ع أجمل منظر ممكن يشوفه ف حياته
ميرا ابتسمت وبعدين مراد فاق واستوعب
مراد/ايه دا ميرا
وقعد ع السرير ومسح وشه ب ايده
ميرا ولعت الشمعه ال ع الكيك ال ف ايدها
ميرا ابتسمت/ happy birthday to you. Happy birthday to you. Happy birthday to you ي مارو happy birthday to you
مراد ابتسم وباصص ف عينها وهي بتغني له
اليوم دا بيبقي احلي يوم ف السنه كلها بسبب الاحتفال البسيط ال هي بتعملهوله
ميرا بابتسامه/يلا غمض عينك واتمني امنيه وطفي الشمع بسرعه
مراد ابتسم وغمض عينه واتمني الامنيه الوحيده ال بيتمناها كل سنه (ميرا)
مراد مسك ايد ميرا وباسها
مراد ابتسم/شكرا
ميرا بابتسامه/ممكن تقولي اتمنيت ايه
مراد /لاء مش هقول
ميرا/ي مراد انا كل سنه ببقي هموت واعرف انت بتتمني ايه قول بقي لو سمحت
مراد ابتسم/هيجي ف يوم واقولك اكيد
ميرا ابتسمت/ماشي...انا كان نفسي اعمل لك مفاجأه كبيره ونجمع العيله كلها ونحتفل بس انت مبتحبش الحاجات الأوفر دي زي بابي
مراد ابتسم/ال انتي عملتيه دا عندي احلي من اي حفله ف الدنيا
ميرا ابتسمت
مراد ابتسم/اغير هدومي ونروح نتغدي سوا النهارده برا؟
ميرا /بس عمتو قالتلي انك منمتش من امبارح وانا جيت صحيتك
مراد باس راسها/انتي تعملي معايا ديما ال انتي عيزاه وال يجي ع بالك ..واصلا انت وحشتيني بقالنا يومين متقابلناش بسبب شغلي
ميرا ابتسمت
ف الكومباوند العصر
احلام كانت هتنزل من عربيتها بعد ما رجعت من الشركه
لقيت سيف راكب العربيه وجمبو رولا وركن العربيه
احلام فضلت قاعده ف العربيه وبصت عليهم
سيف/ممكن لو سمحتي لما تحبي تخرجي من البيت تعرفيني ومتروحيش لوحدك
رولا/انا مبروحش لوحدي ف حتي ي سيف كدا كدا مبعرفش اسوق وحد من البودي جارد بيوصلني..بس انت مش مكبر الموضوع شويتين؟
سيف/لا مش مكبر الموضوع والبودي جارد مش كفايه انا عايز اوصلك الاماكن ال انتي هتروحيها ب نفسي...عايز اكون متطمن ع الاقل اليومين دول لحد ما احل القصه دي
رولا/هتحلها ازاي يعني هتروح تقابله؟
سيف/ملكيش دعوه انتي ب الموضوع دا لو سمحتي ي رولا واسمعي كلامي لما تيجي تروحي ف مكان قوليلي انا اوصلك
رولا بغيظ/لا دا ف احلامك ان شاءالله...أنا مش عايزه ايام الحارس الشخصي دي ترجع تاني انا مصدقت خلصت
ونزلت من العربيه
سيف اتنهد/مش عارف اعمل ايه ف عيندك دا والله
وساق العربيه علشان يروح يحط فيها بنزين زي ما ادم قاله
احلام طلعت من عربيتها بغضب وراحت ل رولا
احلام بغضب/هو انا مش قايله لك ملكيش دعوه ب الشاب دا تاني
رولا بخضه/مامي
احلام بغضب/هو انا كلامي ملوش قيمه عندك ابدا؟لاء وكمان مستغليه ان انا برا البيت علشان يوصلك براحته
رولا/مفيش الكلام دا ي مامي اهدي شويه..بتحكمي عليا من غير ما تفهمي..خليني اشرح لك
احلام /مهما قولتي مش هتشوفي الشاب دا تاني... ماشي ي رولا؟
رولا/لا ي مامي سوري بس انتي بجد بتكبري الموضوع..يعني علشان في ناس مجرمه كانت حواليه يبقي هو مجرم زيهم؟
احلام/
رولا/وبعدين اعترفي انتي قبل ما تعرفي ال حصل ف اسكندريه كنتي بتحبي سيف وعارفه انه شخص كويس بجد
احلام/رولا خلاص انا مش عايزه كلام كتير ف الموضوع دا انا قولت لك ال عندي ومش هعيد كلامي تاني
رولا/بس انا عايزه اتكلم وابرر لك ي مامي لان انا وسيف صحاب وانا بحكيله الحاجات ال مضيقاني
احلام /ما انتي عندك اخواتك وعندك صحاب قد كدا روحي احكيلهم ال مضايقك براحتك
رولا/هو بيفهمني من غير حتي ما احكي
احلام اتنهدت
رولا /لما اتخانقت مع بابي اخر مره وكنت زعلانه هو وقف جمبي.. وامبارح لما كنت زعلانه علشان حضرتك زعلتي مني برضو هو وقف جمبي ووقف جمبي ف حاجات تانيه كتير وبابي بيحبه وبيثق فيه وياسين واخواتي ببحبوه وانتي كمان عارفه انه مش شخص وحش لان بابي بيفهم كويس اوي ف الناس وسيف لو شخص مش كويس مكنش سابه حوالينا دقيقه واحده
احلام اتنهدت/اتفضلي ادخلي البيت قدامي..يلا
رولا/حاضر هدخل متتعصبيش
ودخلو البيت سوا
قبل المغرب
سيف واقف عند باب الاوضه بيبص ع بيت ادم علشان لو رولا فكرت تطلع من البيت لانه خايف عليها من وقت ال حصل
رولا نزلت من غرفتها وكان في شباك مفتوح مدخل هوا شديد
رولا راحت تقفل الشباك وشافت سيف
واقف مراقب البيت
رولا بصت ع السلم تشوف احلام واقفه ولالا وطلعت من البيت
سيف شاف رولا رايحه له ب اتجاه الاوضه
سيف/ايوا..قفشتني براقبها
ولف ضهره اكنه بيعمل حاجه ف الاوضه
رولا راحت له
رولا/انت بتعمل ايه عندك
سيف/احم..واقف عادي.. بعمل ايه؟
رولا/واقف عندك وبتبص ع بيتنا بلا هدف يعني
سيف/رولا انتي وراكي حاجه دلوقتي ..خارجه ولا حاجه برا المجمع ..يعني لو حابه ممكن نخرج انا وانتي
رولا ابتسمت/اشمعنا بتسأل
سيف/مفيش يعني عادي..علشان اكون جمبك يعني مش عارف فكرت لو نخرج انا وانتي وانا كمان حاسس اني عايزه اطلع برا المجمع شويه بقالي كتير مطلعتش
رولا/سيف انت كويس؟ النهارده من الصبح بتتصرف بطريقه غريبه
سيف/لا والله مفيش حاجه انا زي الفل...انا كويس جدا
رولا /بس في قلق واضح ف عنيك ...يعني انت متأكد انك كويس
سيف بصلها ف عينها/انا مش قلقان من حاجه
رولا/بص يعني لو متوتر وقلقان علشان ال حصل النهارده الصبح والشاب دا جه اتكلم معايا.. يعني ان شاءالله مش هيقرب مني تاني..ريح قلبك ومتشلش هم..المريض النفسي دا جه اتكلم معايا شويه وخلاص محصلش حاجه
سيف ابتسم وقرب منها ورجع خصله من شعرها ورا ودنها
سيف/كل دا علشان مش قادره تقولي مش عايزه اخرج معاك ...ها؟
رولا بتوتر وخجل/ل لاء مش كدا
سيف/قوليها وارتاحي وانا مش هفتح الموضوع دا تاني
رولا /انا ال مستغربه يعني بتسأل ليه
سيف/رولا انا عندي رغبه جامده اني اكون معاكي وجمبك طول الوقت..مفيش اي سبب تاني غير اني عايز اكون معاكي وبس
رولا/انا مش عارفه بصراحه الكلام دا هيوصلنا ل فين ف الاخر بس انا متشتته دلوقتي..وبعدين بصراحه في يحيي
سيف بص ف الارض/يحيي
رولا/يعني وعدته اننا هنخرج سوا بكره
سيف/اه وماله لازم تشوفيه طبعا
رولا/اصلا المشكله الاساسيه مش يحيي المشكله مامي..بص انا هقولك الصراحه ع طول من غير لف ودوران
سيف /ياريت
رولا/مينفعش نتقابل او نكون مع بعض كتير..حتي مينفعش خالص..والا كدا هكون بكسر كلام مامي ي سيف
سيف/
رولا/ا انا ...مش عيزاك تفهمني غلط ابدا او تزعل ..لان لو انت زعلت ..يعني انا كمان هزعل
سيف ابتسم/انتي مزعلتنيش ابدا.. الموضوع مش ف ايدك كل دا غصب عنك ..ريحي قلبك وبالك انا مش زعلان منك
رولا ابتسمت
عند احلام ف الاوضه غيرت هدومها وطلعت من الدريسنج بصت من الشباك لقت سيف ورولا بيتكلمو ف اوضه سيف لان سيف فاتح الساتير ف ال جو الاوضه باين
احلام اتنهدت
عند سيف ورولا
رولا/انا همشي دلوقتي قبل ما احلام تاخد بالها اني مش ف البيت
سيف ابتسم/روحي
رولا ابتسمت وطلعت من الاوضه
وسيف اتنهد
بعد ساعه
سيف قاعد ف اوضته
وشاف رولا
بتكلم البودي جارد يوصلها
سيف قرر يروح وراها ياخد باله منها من غير ما تحس علشان ميقلقهاش اكتر من كدا النهارده
رولا ركبت العربيه والبودي جارد خدها و مشيو
وسيف طلع من اوضته بسرعه وركب العربيه وراح وراهم
بعد شويه البودي جارد وصل رولا مكان بيبع كتب
ورولا نزلت من العربيه
رولا/تقدر ترجع الكومباوند تاني انا هقابل صحابي هنا
البودي جارد /تمام ماشي ي رولا هانم
وساق العربيه ومشي
ورولا دخلت تشتري كتب وسيف مراقبها من العربيه
بعد شويه رولا طلعت ولقت ان الجو حلو اوي قررت تقعد ع كرسي من الموجودين ف الشارع تقرا شويه لحد ما صحبتها ال هتروح معاها الكورس تيجي
وقعدت وحطت شنطتها جمبها وبدأت تفتح الكتاب وتقرا
وسيف مراقبها وابتسم
فجأه سيف شاف شاب رايح ل رولا وبيتكلم معاها وبيديها ورقه
سيف نزل من العربيه بسرعه وجري ع ال الشاب دا
سيف بعصبيه/ابعد عنها اياك تقرب منها
وخبطه وقعه ع الأرض ونط عليه ومسكه من هدومه
والواد مصدوم وخايف ورولا بخضه بتحاول تقوم سيف من ع الرجل
رولا/سيف اهدي هو معملش حاجه
سيف بغضب جهوري للراجل/قولي مين ال باعتك.. انطق وقول
رولا بتوتر/سيف بطل جنان وابعد عن الراجل
الراجل بخوف طلع الورقه ال ف ايده
الراجل/قسما بالله كنت بسالها ع العنوان دا بس
سيف /ايه؟ عنوان ايه
الراجل/العنوان ال ف ايدي دا
سيف قام وقوم الراجل
سيف/عنوان مين دا يالا..عنوان ايه روح امشي اسأل حد تاني
رولا بتوتر للراجل/انا انا بجد اسفه
والراجل مشي
رولا/سبيه ي رولا يمشي
رولا بصت ل سيف بعدم تصديق/سيف انت قاعد بتراقبني
سيف/ا
رولا بغضب راحت تاخد شنطتها والكتاب من ع الكرسي
سيف/رولا انا هفهمك
رولا كانت هتمشي بغضب
سيف مسك دراعها وقفها
سيف بتوتر/انا فاهم والله انك ممكن تشوفيني مجنون دلوقتي ومش فاهمه انا عايز منك ايه وبراقبك من الصبح ليه ..بس ال شاب ال شوفتيه الصبح دا ممكن يأذيكي ي رولا...ب اي طريقه.. دول معندهمش قلب انا اكتر واحد عارفهم...ودا ال مخوفني ..انا هتجنن من وقت ما وقف اتكلم معاكي الصبح
رولا اتنهدت
سيف/انا عارف ان انا وترتك النهارده وخوفتك كتير وقلقتك بس لحد ما اليومين دول يعدو علشان خاطري خليكي حواليا خليكي ف امان لو ليا عندك خاطر.طواعيني بس الفتره الصغيره دي
رولا/
سيف /والا هفضل اجي وراكي ف كل مكان وهتجنن لو في حد غريب قرب منك زي ما حصل دلوقتي واتصرف زي المجنون
رولا بغضب/انا معرفش ال اسمه مصطفي دا قد ايه هو شخص مش كويس وعايز منك ايه ب الضبط بس كل ال عرفاه ان انا مش عيزاك تحرجني ف موقف شبهه كدا تاني ابدا ..دي ل تاني مره تضرب حد قدامي ي سيف..أنا اكني بتعامل مع واحد بيتعامل بدراعه مش ب دماغه
وشنطتها وقعت من ع كتفها
سيف عدلها شنطتها ع كتفها تاني وبيحاول يهديها
سيف/انتي معاكي حق انا اسف
رولا/اوعي ي سيف سبني امشي
ومشيت
سيف راح وراها
سيف/انا مقدر والله ال انتي حساه وفاهمك كويس اوي بس عايزك تديني مهله صغيره بس لحد ما احل مشكله مصطفي دي. يومين بس
رولا /خلاص ي سيف وصلني بس ع بيتنا انا مش عايزه اروح الكورس خلاص
سيف /حاضر تعالي
سيف خدها وراح فتح لها باب العربيه ورولا ركبت وسيف راح يركب وبدأ يسوق العربيه
بعد شويه وصل الكومباوند
وركن العربيه
فجأه جت له رساله من احمد
احمد/مصطفي عايز يقابلك كمان يومين اعمل حسابك..وابو مصطفي عايزك وعايز يتكلم معاك..لو انت مجتش مصطفي هيجي لك بنفسه تاني
سيف شاف الرساله ورولا بصت ل سيف ال ملامحه اتغيرت
رولا/في حاجه حصلت؟
سيف قفل التليفون بسرعه/لالا مفيش حاجه..انزلي يلا ادخلي البيت
رولا/سيف متخبيش عليا وقولي مين بعتلك الرساله ..دا من الناس ال بتسعي وراك صح.
سيف حب يغير الموضوع
سيف ابتسم/رجعتي تتجسسي ورايا زي الجاسوسه الصغيره ..مش كنا بطلنا الحركات دي
رولا/متغيرش الموضوع انا مش هنزل من العربيه ال لما تقولي هما بعتولك عايزين منك ايه
سيف/لا انا مبغيرش الموضوع ..هو مش انتي قولتي لي اني شخص كويس وقدرتي تشوفي الحلو ال جوايا واني صاحب ضمير..قولتيلي الكلام دا ليه؟كان ممكن تروحي تحكي ل بباكي كل حاجه بس انتي اختارتي انك تقفي جمبي وتساعديني حتي لو حياتك هتبقي ف خطر ..ليه ؟
رولا بغضب/علشان انا مش عيزاك تتأذي خالص..تمام؟
سيف بصلها ف عينها/ايوا ليه؟
رولا بصت له ف عينه/هو كدا ..احم..وبعدين انسي خلاص انا مش هسالك تاني عن الناس دي ولا عن الرساله وانت متسالنيش اسئله تاني خلاص
سيف ابتسم /مبقتيش عارفه تردي ع اسألتي صح.علشان كدا بتهربي
رولا بصتله بغضب وفكت حزام الامان بغضب
رولا/انا مبهربش
سيف ابتسم/متتعصبيش..هتكسري ازاز العربيه
رولا بغيظ/هو الازاز بتاعك ولا حاجه ؟
سيف ابتسم/لاء ..خلاص براحتك
ونزلت من العربيه ودخلت البيت
وسيف نزل من العربيه بسرعه يفكر هيعمل ايه ف المصيبه ال اسمه مصطفي
ودخل اوضته وقفل الباب
سيف رن ع احمد واحمد رد
سيف بعصبيه/محتاج افهم ايه الرساله ال انت باعتها دي...عايزين ايه بالضبط
احمد/مصطفي عايز يقابلك ف كافيه *** بعد بكره...هتتفقو سوا وبعدها تقابل ابوه وتبداو شغل سوا
سيف/وان قولت لاء ؟
احمد/منصحكش تقول لاء لأنك كدا بتجبر مصطفي يدور وراك تاني ويراقب الناس ال تخصك تاني
في ال كومباوند
احلام قاعده ف الصالون بتشرب قهوه و غزل قاعده معاها
احلام ابتسمت/محتاجين بقي نخش ع الخطوه ال بعدها علشان نقرص ودن ياسين بيه
غزل ابتسمت/ايوا هنعمل ايه يتري؟
وقالت بغيظ/حضرتك مش عارفه انا متعصبه ومتغاظه منه قد ايه..بقاله يومين مسألش عليا ومتعرف ع بنت جديده مشغول معاها
احلام ابتسمت/ولا يهمك ي روح قلبي سبيني بس انا هفوق له وهخليه يعرف قيمتك كويس
وياسين دخل البيت بعد ما الخادمه فتحت له
احلام ابتسمت/اهو حبيب قلبك جه اهو
غزل ابتسمت وياسين راح لهم
ياسين/عاملين ايه
وراح باس راسها احلام
ياسين/عامله ايه دلوقتي ي روح قلبي
احلام ابتسمت/انا بخير ي حبيبي متقلقش
ياسين ل غزل/عامله ايه يبت انتي..وحشتيني
ومسك ايدها وباسها
غزل ابتسمت/انا كويسه
احلام ابتسمت
ياسين/.اخواتك فين مش معاهم ليه
غزل /زي ما انت شايف كدا كل واحده فيهم ف مكان ورولا لسه راجعه بتغير هدومها ..و انا قاعده مع مرات عمو بنشرب قهوه
احلام بخبث/حتي بفكر اخدها ونروح النادي شويه..طنطك ناهد كانت عايزه نتغدي سوا النهارده وابنها جاي معاها ف هاخد غزل ونروح
ياسين بغيره/وابنها يقعد يتغدي معاكم ليه مش فاهم التافه دا ال اسمه هيثم
احلام ابتسمت/معرفش..هو لما عرف من مامته اني احتمال اجيب غزل واجي أصر يجي معاها
غزل ابتسمت
ياسين قام بغيره/مفيش الكلام دا..اصلا غزل مش فاضيه
غزل/انا فاضيه ع فكره
ياسين/اخرسي انتي...ماما غزل مش هتروح معاكي ف مكان انا كنت ناوي اخدها ونروح نتغدي سوا برا
غزل ابتسمت
احلام/لا لا ي ياسين انا اتفقت مع الناس خلاص عيب ..هيقولوا ايه
ياسين /يقولو ال يقولو ..حتي انا وهي ماشيين دلوقتي اهو
ياسين ل غزل/قومي يلا
غزل ابتسمت وبصت ل احلام واحلام غمزت لها
ياسين بغيظ/قومي يلا ي غزل
ومسك ايدها قومها
غزل/طيب براحه
ياسين/عايزه حاجه ي احلام
احلام ابتسمت/عايزه سلامتكم
وياسين باس راس احلام وخد غزل وطلعو واحلام ابتسمت
مساءا
رولا قاعده ف غرفتها بعد ما غيرت هدومها ولبست بيجامه
فريده وميرا دخلو الاوضه بعد ما غيرو هدومهم ل بيجامات وهما ماسكين اطباق سناكس و معاهم الاب توب
ميرا بابتسامه/جه وقت مشاهده الافلامم
وحطت الاب توب ع السرير
فريده ابتسمت/هنتفرج ع الفيلم ال انتي بتحبيه النهارده
وحطت اطباق السناكس ع السرير
رولا ابتسمت/عايزين تشوفو فيلم ايه
ميرا وفريده قعدو ع السرير جمبها
ميرا/فيلم الاكشن ال انتي بتحبيه
فريده /بس بقولك ايه ي رولا..انتي مش عجباني بقالك فتره
رولا/ليه
فريده/حساكي بقيتي بتسرحي كتير وبتفكري كتير ومتلغبطه ..يعني في شعور جواكي مخليكي محتاره ومتلغبطه..وانتي عمرك ما كنتي بتحتاري ف حاجه قبل كدا
رولا/
ميرا بخبث/واحنا واخدين بالنا من دا من بعد ما سيف ظهر ف حياتنا
رولا/انا عارفه انتو الاتنين بتلمحو ل ايه و مفيش اي حاجه من الكلام ال انتو بتقولوه دا
فريده ابتسمت/يعني انتي مش معجبه ب سيف؟ وعلشان كدا خبيتي حتي علينا ان سيف حياته ف خطر
رولا بتوتر/اكيد لاء طبعا مفيش الكلام دا..انا بس خبيت علشان متقلقوش عليا مش اكتر..أما أنا مش معجبه ب سيف ولا اي حاجه
وافتكرت لما باس راسها قبل كدا و افتكرت لما كان مرعوب عليها طول اليوم النهارده وحنيته عليها حتي وهو قلقان
وابتسمت
فريده غمزت ل ميرا وميرا ابتسمت
ميرا بخبث / احنا معملناش اي حاجه ي فريده احنا بس جبنا سيرته وعنيها طلعت قلوب.. تخيلي بقي لو جبناه هو شخصيا
فريده ابتسمت /لا وبتنكر وبتقول مش معجبه بيه هي بتضحك ع نفسها ولا علينا ي يتري
رولا انتبهت
رولا بتوتر/بقولكم ايه انتو فايقين ورايقين النهارده وهتستلموني انا خلاص غيرت رايي مش هشوف معاكم افلام انا هنام..وسعو كدا
ونامت ع السرير واتغطت
فريده وميرا ابتسمو
فريده بتشيل الغطا من عليها/لالا خلاص والله خليكي معانا شويه
ميرا بتقومها/خلاص تعالي نتفرج ع الفيلم ومش هنجيب سيره سيف تاني
رولا بصت لهم بشك
فريده ابتسمت/والله مش هنجيب سيرته تاني..وعد
وباست خدها
ميرا بابتسامه/يلا قومي بقي علشان نشوف الفيلم سوا بقالنا كتير مقعدناش مع بعض قعده بنات ع رواقه كدا
رولا ابتسمت/ماشي
