رواية زوجي يعشق اخري الفصل الرابع والعشرون بقلم ساره الخفاجي
...اتفقت وية جماعة تركيا انه بعد متعبر سمر يلزمون الوسيط وهمة هم يكشفون الخلايا الي موجودة بتركيا وبهالحالة ثنينة حنستفاد .
همزين بقة يراقبها لحد المطار انطيتهم صورتة ومن عبرنة لزمو ...
صعدت الطيارة ورة دقايق صعد حارث وعادل يلحكنة بالطيارة الثانية يعني ورانة يجي لسلامتة هيج جنة مخططين بس تفاجأءت من شفت عادل گعد وراية انداريت عليه .
_شو اجيت موكتلك ظل وراية تعال خاف يصير شي.
_واعوفج مستحيل.
_بس عادل.
_لتبسبسين وكعدي عدل ليطلعون ديراقبوج هنا هم.
.عدلت كعدتي طارت الطيارة ونف الخوف والتوتر صار باوعت للشباك انيال الطيور والعصافير وين ميردون يرحون ميخافون ولايقلقون ولايفكرون اتمنى لو كل حياتي ترجع من جديد بنفس الذاكرة حتى مااعيد اغلاطي مرة ثانية جان هواي أمور تغيرت اولهة علاقتي بامي ،جان منهيتهة وبقيت وحيدة لااب لاعم لااخ لاخال .
أول شي قررتة إذا رجعت حياتي طبيعية بعيدة عن كل هالتوتر ارجع اروح لامي وارجع علاقتنة حتى لو جانت متريد المهم اتواصل وياهة مومحد يعرف اخبار الثاني .
هواية اشياء قررت اغيرهة إذا عدت على خير وعادل اخ ياعادل اوعدك اعوضك عن كلشي .
...صعدت الطيارة تفاجأءت بية بس مكدرت ابقة جان اكو احساس غريب بداخلي صعب ينوصف بس خايف احساس يكول اكو شي غلط بالموضوع ظليت صافن عليهة وهية تباوع عالغيوم شكد جانت بريئة ،وطفولية .
شكد جانت مرحة ونشيطة بلحظة طيش غير كل تفصيل بيهة تحولت لمرة چبيرة بلحظات وهية بعدهة شابة صارت حزينة وخاملة كلة بسبب شخص ركض ورة نزواته ومقدر الي يملكة لازم ارجعهة مثل مجانت لازم ارجع ابتسامتهة لوجهة .
وصلنة لمطار بغداد نزلت اني قبل سمر جان اكو عناصر ينتظروني نبهتهم ينتبهون لسمر من تنزل خاف يصير شي .
نزلت سمر وراية ووراهة عادل بس عبالك غربة محد يحجي وية الثاني حتى ليتأذون فاتو للمطار من اطمئنيت طلعت من المطار وبقو همة يكملون اشيأئهم وياخذون جنطهم .
فجأءة شفت عالم تتراكض وناس تعيط وصووت طلقات نارية رگضت اشوف شكو ...
نزلت ورة سمر بس بمسافة قريبة ظليت اتابعهة رحنه نستلم الحقائب من اجة واحد وگف بصفهة ومااسمع الاصوت طلقة واخذ الجنطة مالتهة وراح ظلت الشرطة تضرب نار عليه وصارت هوسة ردت بس اشوف سمر جانت بالگاع والدم مغطيهة ركضت عليها ياربي لا ممعقولة تموت بعد مصارت هالكد قريبة مني ياربي اخذني بدالهة دموعي كامت تجري بدون وعي خليتها بحظني وظليت احجي وياهة .
سمر لتعوفيني الله يخليج ظلي وياية سمر اني مصدكت لكيتج تالي تعوفيني سمر ارجوج فتحي عينج .
ركضت للمطار لگيت عادل خال سمر بحظنة ويبجي والدم مغطيهم ركضت عليه احجي وياه ميجاوبني فقد اتصلت بالاسعاف بس مومال ابقة انتظر اسعاف شلته من ايد عادل هنا يلة انتبه عليه ...
كله بسببك كتلك خطر هالشي الله ينتقم منك إذا صار بيهة شي اموتك وراهة وميكدر يوكفني أكبر واحد ظل يحجي وآني امشي كل سرعتي أريد اوصل للسيارة حتى اخذهة للمستشفى .
خليتهة ليورة وصعد يمهة عادل كل هذا وهوة يصيح ويهدد إذا صار بيهة شي ميبقي احد سالم .
آني سكتت لان مقدر الحالة الي هوة بيهة مشيت بالسيارة وازدحامات وسمر تنزف عادل نزع سترتة وخلاهة على مكان النزف ويبوس بيهة بس هية فاقدة الوعي .
،،،ياربي إذا ماتت اموت وراهة ياربي مااتحمل كسر ثاني ياربي ارحم بحالنة هية مشافت شي من حياتهة بس القهر بعد ورانه كومه ايام حلوة نعيشهة سوة ياربي مالنه غيرك ظليت ادعي طول الطريق لحد موصلنة روحي طلعت ..
اخذوهة گبل للطوارى كمشت حارث وضربته بوكس كلة من وراك كتلك نشرد مخليتنه على مود مصالحك خلي يصير بيهة شي وحشوف عادل ثاني ،،وين الشرطة والحراس الي ينتظرونة كلهة اختفت محد شفناه .
....رديتلة الضربة وعفتة يحجي وطلعت ظل يصيح صوتة ملة المستشفى خابرت جماعتي أريد افتهم شون صار هيجي .
رحت للمركز شفنة تسجيلات المطار وگف واحد يمهة لابس كاسكيتة ممبين وجهة ظربهة واخذ الجنطة وطلع بسرعة محد گدر يعرفة .
