رواية طفلة النقيب الفصل الخامس والعشرون بقلم نبأ عادل
سما:محسيت الا ادين وبيهن قماش على حلكي وخشمي متحملت شويه وبعد محسيت بشي ولا ادري شصارر
الاء:يلة شيلوهة للسياره بسرعه لا احد يشوفنه،،،، واحد منكم يطب للبيت يدورلي اكو مبايل اكيد اكو ويسد الباب ويلحكنه احنه حنروح قبله ،،،، ،،، نفذو الاوامر وطبعا اني مدبره اموري جبت سياره بدون ارقام وجنه كلنه ملثمين حتى النقيب ميعرف اي معلومه توصلة السما ،،،، وصلنه المنطقة قروية حيل وشبة معزولة عن الدنيا وحتى ناس قليلة بيهة المهم جان المكان عباره عن معمل مهجور وماكو بصفه لا بيت ولا معمل ولا اي شي عباره عن ساحه فارغه داير مدايره ،،،،، يلة نزلهة للغرفه وغطي عيونهة واربط اديهة ورجليهة ما اريدهة تنهزم،،،،،،،، وترى مخليه كامره بغرفتهة فه احذر وحذر صديقك ،،، سوه مثل مردت ،،، خابر ذاك الثاني وين صار اتاخر هو كتله بس جيبلي موبايل من البيت.
احد افراد العصابه :خابرته جاي على الطريق
الاء:اجه واحد من الافراد الي شغلتهم وياي وجايبلي تلفون خليته بلجنطه ،،،،وطلعت بعد ما حذرتهم،،،،،،ما اريد احد يتقرب منهة هاي التحذير الثاني الكم وديرو بالكم اتشوفوهة وجه احد بيكم او تحجي ويه احد بيكم اني باجر راجعتلكم وكولشي لتنطوهة لا اكل ولا شرب وعيوني ترى عليكم اي خطأ اسوو واتخالفون اوامري الموت يلحككم،،،، رجعت البيتي وخليت ولد يراقب بيت سما اريد اشوف مهيمن شنو يسوي من يعرف
سما:فتحت عيوني بس اكو شي مغطي عيوني شلت اديه جانن مربوطات قربتهن على عيوني ونزلت الوصله الي على عيوني باوعت غرفه وصخه حيل وخرت الوصلة من حلكي ضليت مصطكه وخايفه باوعت ردت مكان انهزم منه ماكو جنت احاول افتح رجليه وانفتح الباب
الاء:رحتلهم ثاني يوم ،،،ها شنو مكعدت
العصابة:لا
الاء:لك زمال وشمنتظر خاف ماتت امشيييي افتحلي الباب بسرعة،،،، فتحو الباب دخلت لكيت الخانم تباوعلي وفاتحه عيونهة وحلكهة
سما:طب اكثر شخص اكرهة بهل دنيا الاء ،،،، ليش جبتيني لهنا شتريدين مني ودموعي تتسابق
الاء:لا يا كح...نسيتي مربيتج بسرعه وكمتي اصيحيلهة ب اسمهة
سما:عوفيني الله يخليج رجعيني ،،، جنت ارجف وابجي متت خوف منهة
الاء:لاه لاه خايفه مو هههههههاي
سما:عوفيني والله هسة يرجع وميلكاني حبابه رجعيني
الاء: منو اليرجع ها قصدج مهيمن النقيب لا يا كح... هم بكتيني وهم لفتي علي وساعدج بلهروب
سما:بوكتيش والله مبكت شي ولا هربت ،،، الله يوفقج طلعيني خايفه حيل
الاء:لج كح...... وييييييين فلوسي لا احسب الله ما خلقج،، خايفه ليش هو انتِ بعدج شفتي شي من الخوف حتى تخافين
سما:يا فلوس والله ما ادري والله ما اعرف ،،، طلعووووني
الاء:تقربت وضربتهة راجدي وجريتهة من الحجاب،،،،، لججججج لتجذبين ويييييين افلوسي
سما:مو يمي والله مو يمي ،،، الحجاب انعوج وطلع خصل من شعري
الاء:اتجذبين يعني تعالووووو ،،،، اجوي ،،،، باوع رووووح جيبلي كيبل بسرررررعه
سما:لا لا شسوين بي والله بس تاذيني يموتج والله ،،، عوفيني مهيمن ميقبل
الاء:لج ساق...منو هذا الي يجرء يطخني
سما: زوجي مهيمن ،،،،والله لياخذ روحج بس اتاذيني،،، جنت ابجي بحركه ،،،، هو راح ينقذني منج مراح يعوفني
الاء:شنو شنو زوجج اها بده اللعب الحلو طلعت من الغرفه واشرتلهم يقفلون الباب عليهة ،،،، يعني زوجهة ههههههاي شورطك مهيمن شورطك بس الفلوس مبينه مو هي ماخذتهن اني ربيتهة واعرف بيهة متبوك بس هذا اكيد النقيب لكككك اي شلون فاتتني هو جان مقابل من انطاني الفوس واكيد رجع اخذهن بس بسيطة انت ورطت نفسك ويه الاكبر منك اذا ما اخسرك شغلك واهلك وسما،،، بس سهلة بما انو انت مزوجهة السما وجايبهة بهل بيت وبدون اهلك معناهة اهلك ميعرفون ومعناهة انت تحبهة حيل اول شي خلي العب على بارد وارجع فلوسي بعدين احطمك ،،،،،لازم ادبر رقم مهيمن
سما: طلعو وقفلو الباب بعد ما الاء سدت حلكي وشدت اديه بعامود موجود ب الغرفه بجيت ،،،وجنت احجي بكلبي حبيبي مهيمن تعالي اني خايفهة حيل بابه لتعوفني تعالي حموت والله ،،،سمعت صوت خفيف عطت حيل بس مطلع صوتي لان رجعو سدو حلكي ما ادري شنو مصدر الصوت بس اتوقع حيوان ،،،،،مهيييمن حبيببي تعالي ،،،منو كال يجيج يجوز ينساج،،،،، لا لاحبييبي مينساني لا اني ادري بي يحبني ،،،، زين شلون اذا سوت بيج شي الاء،،،،،، لا لا مسويلي اني اني اتوسللهة حتى تعوفني وثانيا مهيمن ميخلي احد يطخني هو كلي احميج من كل شي يلمسج ،،،،،واذا كتلتج ،،،،، لا لا متموتني والله كلشي تريد اسوي الهة بس لا تموتني،،،،،، زين شلون اذا خلت عصابتهة يتقرب......،،،، لاااااااااا ما اخليهم ما اخليهم اني المهيمن وبس ما اخلي غيره يلمسني سمعتي سمعتييييييييي (خربطه بداخلي واصوات هواي )خليت كل الاحتمالات الي حصيرلي بس شي واحد جنت متاكده منه انو مهيمن مراح يعوفني مهيمن ميتركني ابد
احد افراد العصابه(حسين):اكلك حمزه شو هاي حلوه حيل
حمزه(الفرد الثاني من العصابة): لك اي اشكك
حسين: وشبيك ذبيت حسره شكبرهة
حمزه: لك متت عليهة لازم اتقربلهة
حسين:دكعد وهاي الاء حتى تكتلنه خلاص
حمزه:لك غبي هي شمدريهة هي تعوفهة بليل وترجعلهة الصبح
حسين:لك انت الغبي ترى هي ممخليتنه بس اني وياك مخليه اشخاص بس مخفيين وكامرات هم ووحده من الكامرات بغرفة هاي الحلوه حتى خاف تحاول تنهزم تكشفهة الاء
حمزه:لك هاي شكد شريفه الاء ههههههه مدبره امورهة بس لابد فد يوم اتصيرلي فرصة اتقرب من الحلوه
سما:ضليت ابجي جابولي غده ما اكلت شي وبعد مجابولي شي،،، ضليت ابجي وابجي ودعيت هواي وصحت مهيمن هواي معرف بس اني جنت اسمع بالتلفزون انو تكدرون تحجون شي وتخلون الشخص المقابل يحس بيكم معرف يمكن اسمه قانون الجذب او هيج شي فه جنت هواي اكول مهيمن اني خايفه وهواي حجيت وياه الا ان نمت واني مدري شلون وشوكت
مهيمن:يوم الاربعاء خابرت على سما خلصت الدكه ومجاوبت قلقت حيل واحس كلبي مقبوظ
الاء: الاربعاء دك موبايل بس معرف من وين ديصدر صوت الموبايل اتبعت الصوت لكيته بجنطة الي لبستهة ورحت خطفت سما بيهة عاد اذكرت هذا اكيد تلفونهة اني شلون هيج نسيته اي منو دك اجيت والله جابك باوعت مكتوب حبيبي مهيمن ،،،، هههههههههااااااي اني جنت رايده رقم وهسه اجيتني برجليك ،،،، هسه اول شي اروح افتح الرمز رحت المختص موبايلات وفتح الرمز واخذت رقم مهيمن منه وخابرته
مهيمن:ادك ادك وماكو بلاخر خفت حيل عليهة دزيت صديقي
صديق مهيمن:اكولك ابو الشباب ترى الباب بس دكيتهة انفتحت اطب لو شنو
مهيمن:شنو صيح اكو احد وين راحت قابل (فقدت اعصابي وميت فكره انزرعت براسي)
صديق مهيمن:محد جاوبني حفوت ،،،، فتت دورت البيت مكلوب كلاب ومحد بي
مهيمن: شنووووووو ماكو وييييين راحت جاي اني جاييي ،،،،،، اخذت زمنيه وانطلقت للبيت صديقي ما عافني ،،، دورت البيت ماكو اثر الهة اي اي الكامرات رحت على جوارينه فتحولي الكامرات وشفت شنو يعني انخطفت لزمت كلبي حيل ،،،،،،،، زين منو هاي المره راحححح اموت ويننننن اخذوج بابه ،،،، خبرت الدوريات بعد ما صديقي شجعني وكالي مو وكت ضعفك لازم ادورهة ضعفك مراح يسوي حل كون قوي واتحمل حتى تلكاهة ،،،،،وهو ساعدني هواي بس ما اكو اي دليل ولحد هسه محد خابرني من الخاطفين لججججج وينج بابه لتخافين راح انقذج منهم بس صيري قويه
صديق مهيمن(عباس): مهيمن اهدء وين ياخذوهة اكيد يريدون فلوس
مهيمن:لك عرضيييي يم ذولي الانكاس والله لكلب الدنيا عليهم شلون يلمسوهة شللللوووووووووون لكككك اخخخخخ اذا ما اكطع اديهم ،،،،،،، دورت ودورت وتابعت بس ماكو اي دليل يوصلني الهة حفظت الفديو من خطفوهة بتلفوني وكلساع اباوع علي على امل الكه دليل عليهم لكن عبس وهذا اكثر شي مخبلني ،،،،لكم مرتي مرتي خاطفيهة ،،،، بابه اتحملي علمود مهيمنج مراح اعوفج راح انقذج منهم والله ليل كله منمت جنت ادور بالشوارع واحقق ،،
الاء:ها يعني رجع للبيت وملكاهة وضل ايصيح وشاف الكامرات عفيه خوش اخبار وهسه خلص شغلك تعالي انطيك اجرك وبعد اختفي من كدامي ،،،، اجه انطيته اجرته وراح ،،،، خليك تحترك بعد،،،،،،، واني مراح اخابرك اليوم خليك اليوم تخاف عليهة وتحسب ميت احساب وادور على الخطفهة وباجر اخابرك
عباس: مهيمن ليش ما تنشر صوره مرتك بالجرايد وتنطون مكافئه للي يلكاهة واكيد هيج الخاطفهة راح ايخابرنه حتى يرجعهة
مهيمن: لككككككك عباس عرضي هاي شلون اخلي العالم ايشوفهة هي بس اليه وبس ،،،،اني الكاهة اني ،،،، ابتعدت عنهة وصارت ساعه ٣بليل واني مستمر ادور ،،،،اليوم خميس كعدت بالسياره اعاتب نفسي ،،،، بابه بسببي اني اني عايفج وحدج اني اخخخخ مني اني ما حميتج انيييي وجنت اضرب على الاستيرن بجيت احس كلبي انترس مرتي وعرضي مختفيه ما اعرف ديضربوهة اخخخخ لو يتقرب......لا والله اخذ ارواحهم بيدي محد يتقرب منهة لكككك اخخخخخخ،،، ضربت كلبي حيل ب ايدي ،،،، اصبر اصبر راح الكاهة راااااااح الكاهة ،،، معرف شلون غفيت فزيت ب ٥صبح شمس بعيوني متاخرت نومتي نمت ساعه وحده بس ،،،،رحت للبيت بدلت وطلعت ادور وادور بكل منطقه ادور بكل سيطره بكل مستشفى مبقيت مكان مبحثت بي تعبت حيل ساعة تقريبا ب ٣الظهر يوم خميس دك تلفوني رقم غريب فتحت خط بسرعهالاء:المهم تجي على الموعد ،،،ومحاجه اكلك اقل غلطه طلقه بنص راسهة المرتك
مهيمن:لااااا راح اجي وحدي وعلى الوقت بس ما اريد احد ياذيهة
الاء:اتفقنه وسديته وكسرت السيمكارت
مهيمن:جنت بالمركز واندلو المكان رحنه وهم ملكينه احد ايست واستسلمت جانت ساعه٩بليل
عباس صديق مهيمن: هسه شراح اسوي معقوله تروح وحدك
مهيمن:اي حروح وحدي ما اريد اغلط غلط واخذ الجنود ويسوون شي بسما ما اكدر اخسرهة ،، واني اكفي وراح اطلع مرتي
عباس:اجي وياك شلون اخليك وحدك
مهيمن:لا ميحتاج ،، وبعد اصرار منه وافقت بس وكف بعيد ،،، اني مو خوفا منهم مجبت جنودي بس اني اكفي لان عرفت همه مو هواي بس ٢ ولد ومره فه اكدرلهم
عباس:رحنه ساعه١٠ ونص وكفت السياره بعيد ونزل هو للمكان
مهيمن:اخذت الفلوس وووكفت وحدي بالمكان المطلوب ربع ساعه ودك تلفوني
الاء: راح يجيك ولد انطي الجنطه
مهيمن: وين سما ما انطي قبل ما اشوفهة كدامي
الاء: وشنو اليثبت انت مجايب جماعتك وتكمشونه ،، ولتخاف سما اني خليتهة بمكان من استلم الفوس ادليك على المكان
مهيمن: باعي لج ترى كدامج مو جاهل سما يله الفوس
الاء:ماشي انتظر،،،،،،خابرت على حمزه الدزيته ايروح يستلم الفلوس من مهيمن وجبت حسين كتله انتظره على الشارع العام حتى تاخذه واني رحت بمكانهم يم سما خاف تنهزم ،،، باوع حمزه اريدك تضربه طلقه بجتفه وتحاول تاخذ الجنطه وتنهزم
حمزه: جنت متوجه اله بس مسافه جبيره بينه باوع عليه شلت مسدسي وضربته طلقه صارت بزنده واجتي شخط ما اتاذه هواي مكدرت اتقرب لان شال سلاحه وشفت سياره جايه بتجاهنة انهزمت بس ظربني طلقه هم اجتني خطف ،،، كل من وره الكح... الاء دازتني وحده عبالك باتمان اني وين اكدرله لهذا الشحنتي النقيب شضخمه خرب يومه اخخخ يمه ايدي خرب بيك حسين خرب بيكم كلكم طلعت على شارع العام واجتني سياره بيهة حسين اصعد صعدت كبل ولحكونه بس بلكوه ضيعناهم
مهيمن:صعدت ويه صديقي بالسياره ولحكناه صعد بسياره ولمحت السايق لان طلع راسه من السياره وباوع ليوره فتره ومدري وين اختفو والسياره مالتهم ما بيهة ارقام،،، لاااااا لك لا لا لا جنت اضرب بالسياره انهزموا انهزمو عباسسسسس ،،، احتلني الياس وراسي كام يوجعني وتخربطت اوضاعي لا اكل ولا نوم زين وكلبي نار مشتعله بي وهسه انضربت ب زندي
عباس:مهيمن شبيك حاجيني مهيييمن
مهيمن:كوه احجي والاشياء ادور بعيوني ،، عباس الحكهم الحكهم
عباس:انطلقت بي للمستشفى جان فاقد ،، علكوله مغذي وضمدو جرحه ومنوم خلوله ظليت يمه ودزيت الجنود بلمكان الجنه بي يدورون بلكي يلكون شي
الاء:لككككك حمار انت احمااااااار وين الجنطه وينهة وليش وجهك مكشوف ضربته راجدي وانت حسين بس لا شافك
حسين:ها لا لا مشافني
الاء:عفيه عليك ابقه هنا اني وهذا الحمار حنطلع نحجي بره
حسين: اوك بقيت يم البنيه وهم طلعو بره المكان المحتجزين بي البنيه
حمزه:اكلج ترى اني مكدرت شبيج وين اكدرله اني ،،،،،هو ويننننن واني ويني
الاء: من همداك يلمخنث
حمزه:هاي شبيج
الاء: انجب وولي من كدامي يللله ،،،،انت كلب حقير متطلع من المكان الي حابسه بي سما ما اريد احد يشوفك احذرك
حمزه:اي بس بشرط
الاء:لك كلب شنو تشرط
حمزه:ابقه واضم نفسي بس تخليني ليله ويه هاي الحلوه
الاء:انجب ودير بالك اتجرب او اتحاول امحيك من الكره الارضيه يله ولي من كدامي اني بس الي اشرط وانتو اتنفذووووون فاهم
حمزه:افتهمنه يله جيبيلي واحد يضمد جرحي مو متقبلين اروح مستشفى
الاء:لك انت تبقه كواد ،،، باوع زين كمشت راسه ب ايدي ونزلته ،،، خليته يباوع على ايده ،،، هاااا شفت كولشي ما بيهة ايدك خليلهة سبيرتو وادزلك واحد يخيطهة وانجب ،،، راح ودزيتله واحد يخيط جرحه ،،،، وكعدت افكر شلون هسه بعد ميثق بينه النقيب فه لازم اضم نفسي ما اخابره فد ٤ايام يله ارجع اخابره
مهيمن: طلعت من المستشفى الصبح وجان هذا اليوم الرابع وسما بعيده عني استنفذت كل طاقتي ومجهودي ورجعت اباوع على الفديو مال خطف سما وارجع اسمع الصوت واحاول واحاول الا ان صفنت وجنت اراجع كلشي بعقلي بليل كعدت بلسياره وافكر واراجع الاحداث ابالي غمضت عيوني يارب دليني على مخرج الكه بي سما تعبت ،، غمضت وكانما جنت بين الواقع وبين الخيال صارت بوجهي شلون خطفت سما من الاء ،،،،،،،ورجعت بلذاكره اكثر صوتهة والفلوس الي طلبتهن علمود اتصير سما اليه هم جانن ٥٠مليون اي اي هي هاي فتحت عيوني والغضب ماليهن لججج اذا ما احسب الله ما خلقج ويه منو تلعبين انتِ ،، لازم الكاهة والكه هذا الضربني طلقة هو وصاحبه الاخذه بلسياره كتبت كل المعلومات بورقه وصعدت سيارتي ورحت للمركز رجعت على الاماكن الي خابرتني منهن الاء المكانين مختلفات بس جانن المكانين قريبين عن بعض ،،،صار الصبح اليوم الخامس دزيت الجنود دورنه المناطق المحيطة بهل منطقتين والسيطرات انطيتهم خبر اي شخص يطب ويطلع ويشوفو مشبو يحققون وياه واني انطيتهم مواصفات هذا الي ضربني طلقه هو،،،،،الووو
الاء: الووو انت ادور على سما مو
مهيمن:اي منو. وينهة احجي منو انتِ شكد تريدين سما شلونهة
الاء:اهدء شبيك هاي هلكد تحبهة الزوجتك
مهيمن:لجججججج احجي سما وينننننن
الاء:مو قبل ما تدفع ٥٠مليون
مهيمن:........................:
