رواية فصلية لظالم الفصل الخامس والعشرون بقلم زينب نور
#فصليه_لظالم_وحش
زمرد : نزلت عالدرج وهيه تباوع عليه وامها بصفها ونضراتهن جانت كلها توعد اليه
رحت على ام علي كالت كملت مضل شي
روحي ارتاحي من دام محد منتبه عليج لان باعي رجليج شلون ورمن
كتلها اَي والله تحجين بيت الله كلش تعبت كالت دروحي يمة قبل لا يصير الشغل صدك دخلت للمخزن اريد ارتاح وجان تنفتح الباب وطب سهيله مثل الوحش وتركض عليه وتخنكني وهيه بكد الغوريلا جان متت بيدها طلعت روحي الا شوي الي يشوفها ويشوف شكلها يكول ناويه على موتي وجان تكول تغوريني الكح..... بت القندرة الدايحة ام الشوارع تعانديني مو لج هذا جان الي ملكي اني وجيتي انتي اخذتي وهسه جايه دتغوريني اليوم الا اطلع بروحج واني مختنكة بيدها وارافس واني بساع اختنك لان عندي ربو يعني لازم اوكسجين او بخاخ حسيت حتطلع روحي بيدها تمنيت احد يطب يشوفها صدك بهالحجي طبن عفراء وعذراء شأفنها وعاطن لان اني زركيت جوه أيدها اجتي تركض عفراء تريد تجرني من عدها متكدر عاطت بعذراء كلتلها مدشوفيها راح تموتها تعاي وياي ذاك الوكت يله أجت عذراء ويه عفراء وبالكوة فكني من عدها لهلمتوحشة هاي
كلتلها عفراء شبيج سهيله صدك جذب تخبلتي يعني مو حامل لو موتتها جان تكوللها تستاهل كالت ليش شسوتلج بالله متكوليلي ردت عذراء كالت اكيد الحيه سوتلها شي ختلت وره عفراء والهث اريد احجي ما اكدر كتلها واني أشهك واشاخط ام علاوي ورح بابا محجيت شي طبيت للمخزن وهيه هجمت عليه جان تكول سهيله جذابه مو تعانديني بفهد وتكوليلي على عنادج وتغوريني بي كتلها والله محجيت بس طبت شافتنا اني وفهد وحتى ممسوين شي اليوم البسه الساعه وذاك اليوم طبت واني جنت لابسه دشداشه قصيره واحنه مره ورجال شنسوي لعد كلتلها عفراء سهيله تره انتي مو زغيرة يعني لو موتتها هسه وهيه حامل تدرين لو درة فهد شيسوي بيج كلتلها كلها على بعضها فصليه هاي الدايحة اذا ماتت واذا بقت محد يهتم الها كلتلها شلون ميهتم مو ابنه بطنها تدرين يموتج خلت وطلعت وركعت الباب اندارت عليه كالت وانتي لج ليش لساعج زركة واني مستمرة اشهك واكح ردت على عذاراء كلتلها روحي واذا سئلتج امي عليها كوليلها هسه تجي
طلعت عذراء اختنكت كلش كمت احس نفسي انكطع جلبت بملابس عفراء
وكتلها فدوة ام علاوي دخيلج الحكيلي كالت ولج شبيج كتلها اختنكت احجي وحجي مكطع وكوة ينسمع صوتي كتلها حموت دخيلج وكعت للكاع فدنوب ما بيه بعد أتنفس طلعت تركض وردت أجت انوب وياها ام فهد تباوعلي صفح كالت شبيج ولج بس لا ناويه تخربين خطوبة بنتي اموتج والله ردت عفراء كالتلها يمه هيج وهيج السالفه وهيه رأسا اختنكت المشكله ميدرن عندي ربو دقايق وطب فهد لان عفراء صايحتله من طالعه دازه ابنها عليه
كال ها خير شكو شافني زركة واكح ومختنكة جا يركض كال شبيج زمرد انتبه أمه تباوع عليه خله وسكت كال ها هاي شبيج ليش هيج صايره اني كمت اختنك بالزايد كمت ابجي احس حموت ما بيه أتنفس كلتله عفراء متكدر تتنفس جان يكللها ليش شصار تره هيه عدها ربو كالتله ولك خويه لعد اركض راح تموت كللها امشي اركضي لبسيها وراح اجيب السياره لان صرت فدنوب حالتي صارت كلش صعبه كلتله أمة وين انشالله كللها اوديها للمستشفى مو هيه عدها ربو ومن اقل شي يصير عدها اختناق كلتله وتريد تعوف خطوبه اختك والعالم وتخلي وتطلع علمودها والله اكلب البيت على راسك كللها لعد شلون مشوفيها مو حامل شلون كلتله طبعا مرض كللها مو ابني هذا كلتله خلي ام علي تروح وياها ودزها ويه واحد من الحراس كلتلها عفراء يمة ام علي مشغوله تقدم هو شكو غيرها اذا راحت منو يقدم ويشتغل وبعدين مو راح تموت كللها يمة ادزها وَيَا الحراس وهذا حالها كالتله عفراء اوكف خويه اني حوديها اني ورجلي كللها اَي اَي صدك يله كلتله دطلع اركض كوله يجيب السياره واني حلبسها واجيبها أمها خزرتها يعني متروح وياي
تالي ركضت جابت عباتها وعبايه ام علي لان اني ما عندي كالت لفي شالج اني بيا حال بس ذبيته على راسي لبستني العبا كمت وعثرت بيها ما اعرف البسها وأمشي بيها كمت ابجي اشرتلها كتلها عود باب المطبخ البسها ما اكدر صدك خلتها على أيدها وكادتني كلتلها أمها تؤديها للجده اذا دريت موديتها للجده اسوي فناء وبساع لتتاخرين
بيج قصص عراقيه حقيقيه من واقعنا.روعه الطائي
كمت امشي وياها كوة وبطني اذتني احس الطفل مدري شبي رغم لحد الان متحرك واني صارلي ٣ اشهر وشوي بس لان اختنكت وما اكدر أتنفس عصرت أيد عفراء قوي وايدي الثانيه لازمة بطني بيها امشي وابجي
وصلت لباب المطبخ فهد واكف بالباب ومبين خايف وسهيله تباوع عليه وتبتسم كللها يله خويه ام علاوي يله بس وين العبا كلتله هيانها مو متعرف تلبسها وعثرت بيها ولا تروح توكع على بطنها كلت هنا بالباب البسها الها كللها يله لعد بساع كللها للمستشفى حتوديها هذا الحجي وَيَا ما ديصعدوني للسياره وام علي يمي هم أجت وتسوي يمة سوده عليه كلتله لا خويه للجده هاي حوديها كللها ليش مو هيه حالتها مو زينه كلتله امي مقبلت وتدري اذا خالفنه شسوي استغفر الله كللها يله دروحي واخابركم كل شوي واذا احتاجت مستشفى اطلعو بيها لا يصير بالطفل شي
طلعنه والي ودانه رجل عفراء وهيه كعدت يمي تنفخ بوجهي وتهويلي وتفرك بصدري كمت ابجي بالزايد عبالها اختنكت اكثر بس اني كلت يربي الحمدلله اليوم رافت بحالي ووحده صارت زينه دخيلك الهي كون ضَل هيج
وصلنه للجده ونزلنه كوة امشي وابجي دكت الباب ام علاوي قوي طلعت الجده كلتلها مختنكة كلش كالت بساع طببيها طبينه للعياده شافتني رأسا عدها بخاخ خلتليا شوي ارتاحيت بس ضليت احس بضيق خلتني ثلث ساعه عليه اخر شي تعبت كلش كمت اغفي الا شوي كالت لعفراء عيني يمة هاي البنيه كم مره هية اجتني ليش هيج حالتها شبيها سكتت ام علاوي شتكول شتحجي وهمة اهلها كالتلها عيني حجيه من دام اجتج فحصيها هم وشوفيها شو بطنها جبيره وهيه بعدها بالثالث ورديتي هواي تتعب وأبد مو زينه طول الوكت وتشكي ضهرها ورجليها من هسه كامت تورم وتختنك هواي
كلتلها الجده هيه اصلا بطنها نازله شو يمة خلي افحصج فحصتني كلتلها يمة هاي البنيه تعبانه حيل وكلش والطفل تره نازل وانصحكم تأخذوها تسولها سونار لان بطنها مو خاليه مو مال وحده الها ٣ اشهر وتره دذب ماي مو يمة ينزل عليج مي هزيت راسي باي
كملتني وكالت هاي لزوم تاخذ بخاخ بالبيت من دامها عدها ربو ولازم تره تنام على ضهرها ونطتني علاج وكتلها على مال تقلصات وهم نطتني كملنه وطلعنه وعفراء كايدتني واني بس ابجي ابد ما سكتت صعدنه رجل عفراء كال ها خويه شلون صرتي هزيت راسي بمعنى زينه رد كال ام علاوي فهد كم مرة دك وانتي عايفه تلفونج هنا خبلني راح ادك عليه واحجي وَيَا دك عليه وانطا لعفراء رأسا جاوب وكام يحجي وياها وسألها هيه كلتله والله خويه مرتك ابد متبشر بخير وحتى وضع الطفل مو زين تخبل من سمع الطفل هم كللها اطلعو بيها للمستشفى لعد كلتله ماكو فايده اوصل وعود اكلك كللها اني راح اتخبل هيه ليش هيج صارت كلتله بعدين الحجي هسه اكعد واسولفلك
سدتهبعد ما كملت ورجلها حجة وياها كللها اَي على كيفهم اهلج وياها قابل البنيه كفرت هسه هية شنو ذنبها كلتله هسه غير لو مشكلة هسه بسبب اهلي كللها لعد كلتله من وره صخمان سهيله كللها ليش وسولفتله اني كمت ابجي بالزايد كلتله فدوه ابو علاوي دخيلك اوكف على صفحة بس شوي اشم هوى الله شوي أتنفس دخيلكم كال ميخالف خويه تدللين كتلها ام علاوي فدوة قبلي وفدوة لتكوليلهم هزت راسها بلا طبك على صفحة ومكان مجان اكو احد بي فتحت الباب ونزلت رجليه وضليت كاعده بالسياره بس طكيت بجي انوب زدت واشهك تخبلت تالي كالت اَي دماغي يمصخمة مو موتي نفسج مو زين عالجاهل وره ما ارتاحيت وهدأت وسكتت كتلهم هايهيه
صعدت رجليه وسديت الباب شغل السياره ورجعنه للبيت لكينه فهد واكف بالباب والمعهد صايره بس عايفهم وطالع هسه لان خابر كلوله وصلنه قريبين عالبيت عاد شافني وحجر شوي واني مو يمهم اريد بس امدد كللها ام علاوي خليها تروح وتمدد واذا مخلنها لو المخزن بي غراض صعديها فوك لغرفتي هزت راسها باي كللها واذا مقبلت امي مولي للشيخة حالتها خطره ووضع الطفل مو زين كالتله ميخالف طبينه للمطبخ وتلكتنه ام علي تسال كلتلها والله خاله شو وضعها مو زين وميبشر وحجم بطنها حتى الجده حجت عليه خلينه وطبينه جوة عفراء كالت امشي صعدي فوك اذا بيج واني اكودج مو زينه عليج نومة الكاع وميخلنج جوة ترتاحين وعلمود امي لتجي عليج ووضعج حرج وعلمود تسبحين شوي يرتاح جسمج هزيت راسي باي ومجلبه بأيديها حيل خاف تتغير عليه هسه شافتنه ام فهد اجتي تركض وعيونها طك كالت ليش تأخرتن وشبيها المكوموعة كلتلها عفراء يمة البنيه ابد مو زينه كلتلها طبها مرض كالتلها والطفل هم مضرر اكثر اصلا متبشر بخير وشوي الفت عفراء من يمها علمود أمها شوي جوز واني ما مصدكة ومكيفة شعجب كالتلها اَي وين موديتها للمسعده تنزل تشتغل ضلن يحجن كومة وساعه علما قنعت أمها اصعد فوك وعلمود الطفل مو علمودي تالي صعدت وسهيله تخبلت متقبل اصعد بالأخير صعدت وكالت عفراء اسبحي كتلها بس جيبيلي علاكة ملابسي لعد كالت هسه من طلعت مالت اقفل الباب لا هاي الحقيره هم تصعد وفعلا قفلته ونزلت شوي واسمع الباب تكسر وتكول افتحي حقيره اليوم اسحلج طلعي من الغرفه هاي مالتي غرفتي لتنكسيها اليوم اطلع بروحج والله الا اموتج دايحة بت الشوارع خايفه مو اني اعلمج صعدت عفراء ولكفتها المهم تعاركت وياها وكلتلها الا اوصل هذا الحجي لفهد وعلكت بعد ما راحت سهيله فتحت الباب عفراء وطبت كالت همزين قفلته جان موتج هسه انطتني العلاليك ملاتي وكالت حنزل مفهمت شي من الخطوبة كتلها مشكوره ام علاوي اندارت عليه وسكتت ردت كالت بحزن مو لخاطرج لخاطر اخوي وابن اخوي وإلا انتي عدوتي سكتت ما اريد تكب بوجهي اكثر طلعت وكالت قفلي الباب ومن يجي فهد عود افتحي كمت صدك كوة امشي احس حتى ضهري محني قفلت الباب وكمت سبحت بدلت وطلعت عفت باب الغرفه الي عالصاله مفتوحة خاف يندك الباب وما اسمع وركضت للفراش شربت الدوة وخليت ونمت ما كعدت غير ثاني يوم وفهد يمي نمت نومة اهل الكهف صار ٣ اشهر ونص ما نايمة هاي النومة
&
...........
فهد : من نزلت من فوك طلعت للعالم لان الكعده بيتنه وشيوخ كومة اجو ولازم نقوم بالواجب ولازم احسن ضيافه نقدم
ورة ساعه اقل اجاني ابن عفراء اختي يركض أخذني على صفحة وكال خالو امي تكول الحك الفصليه مو زينه ما دريت بروحي شلون وصلت وشفتها صايره زركة عرفت صايره عدها نوبه ربو واختناق وبعد مناوشات والي جره وصار وحصل وشفتها انتهت
طلعت بيها اختي عفراء ورجلها ربعنا كلهم حسو اكوشي لان انكلب لون وجهي بس ليش هيج صار عدها هيه متصير عدها الا اذا حاله عصبيه او نفسيه او تمرضت مو مال انو كاعده وتصير عدها تالي بعدين وره ما فضت العالم وطلعو وصار الليل واني كاعد على نار اريد اعرف شصار سولفتلي عفراء الي صار جانو بيت عمتي وعمامي وعماتي الباقيات بعدهم يمنة الا ما طيحت حضها لسهيله كالو كمت تب الفصليه وفضلتها على بت عمتك دمك ولحمك وكومة حجي كتلهم ما احبها هيه عدوتي بس شايله ابني بطنها ابني دمي ولحمي بأحشائها جان كالت لخاطر ابنه وبعدين عيب تره احنه مره ورجال كل ما تجين وتصعد لغرفتي تجين طبيت علينه صح انتي هم خطيبتي بس بعدج ما صرتي مرتي هاي اذا اجيتي هنا شراح سوين مرضى عمامي الها وكال جدي بس مهما يكون لتطبك ويه الفصليه وتنطيها عين وحتى لو انعل ابوها لابو هيه كامت تبجي حبوبتي كالت والله اصعد اكسرها بعصاتي لو مو وليدنه ببطنها هالصفيره تبجي بت عمتك وخطيبتك علمود الفصليه المهم بعدها ما صدكت وأخو وخلصت طلعت اركض اريد اشوفها
فتحت الباب مقفول دكيته ما فتحت ضليت ربع ساعه ادك ما فتحت الباب اصنطت ماكو حس كلت خاف صار بيها شي نزلت اركض وأخذت النسخة الثانيه مال المفاتيح كالو شكو كتلهم شو ادك الباب ومتفتحة خاف صار بيها شي كامت عفراء وياي لان جانن خواتي بايتات يمنه صعدنه واني صعدت اركض ما عرفت شلون افتح الباب طبيت اركض ولحكتني عفراء شفتها نايمة كلت خافت متخربطه مصخنه مختنكة مغمى عليها شفتها وفحصناها اني وعفراء على كيف طلعت نايمة مبيها شي بس من التعب متحس باي شي بمعنى ذابه روحها جنازه
خلت ونزلت عفراء بعد ما اطمأنت عليها واني رحت سبحت عالسريع اليوم نايمة يمي الله ورحت مددت بصفها بس شلون اكيد بقت بدون عشه ولو هيه نايمة ومتحس بشي حضنتها ونمت على ريحتها
كعدت الصبح وكمت أبوس بيها رغم مبيتها بس ما اعترفت الها ولا احب أعاملها زين لان بنفس الوكت اكرهها
هيه حست وكعدت حتى الصباح بوجها حلو حتى يومي كان حلو لان صبحت بوجها
&
.............
زمرد : بعد ما كعدت وشفت فهد سكتت مسويت شي بس هو هم ما آذاني اليوم همزين كال لتنزلين ارتاحي يومين ورجعي اشتغلي خاف مو زين عالطفل محجيت شي هو صاحو عليه وكام غسل وبدل وكال اكول لام علي اجيبلج ريوك وطلع وره شوي صعدت ام علي جايبه الي ريوك كالت يمة والله ضَل بالي عليج ليش هيج تدرين وروح المرحوم غير من البارحة واليوم ما غمضتلي عين من وراج يربي هاي المره شكد بيها حنيه حنانها الي مثل حنان الام جابتلي الصينيه وكالت اكلي على فراشج قابل حتوصخي وسولفيلي شنو كالت الجده سولفتلها
وره متريدن صعدت عليه عفراء تشوف وضعي بس محجت وياي بس سالتني ونزلت
ضليت يومين شوي ارتاحيت من الشغل بس حتى واني نايمة ضهري يوجعني وفهد ما تقرب الي هاليومين
بعدها رجعت نزلت ونفس الفلم والوضع هايهيه تعلمت شسوي بس كمت كل يوميه بليل قبل لا انام ارسم خطه لهروبي شلون راح انهزم وكذا مرن كم يوم وبنفس الشهر بس نهايته صار عرس فهد وكلها كيفت واولهم سهليه واني بعد من سابع المستحيلات اكدر اصعد للغرفه لان صارت غرفه سهيله وراح تكعد بيها زين وين اسبح بعد والله ما ادري اني كمت اختنك كلش والمخزن كلشيت ما بي لا مروحة ولا تكييف
بيج قصص عراقيه حقيقيه من واقعنا.روعه الطائي
عاد توسلت بفهد يشوفلي حل وحدهم كال علمود ابنه لا يصير بي شي خلي تكعد بالغرفة الي جوة الي بصف مال البنات بس بدون غرفه وهاي جرباية ام النفر زايده عليها لو مو حامل جان نامت بالكاع وخلو الها مبرده لا سبلت ومكيف وللعلم البيت كلة سبالت ومكيفات بس يله هم زين ورحمة احسن من الماكو صارت هاي عندي عيد نضفناها اني وام علي وخليت بيها جربايه ام النفر مال اهل قبل وبوفيه خليت بيها ملابسي والمبردة منصوبه عالشباك عدا ذني ماكو بالغرفة صار يوم الحنة وكلها كشخت وعفراء وأميره رادن امكيجهن هم مكيجتهن وكملن وراحن كلت لعفراء تشوفهم اذا يقبلون اذب الاسود لان بس اني وام فعد والشيخة لأبسات بالكوة وبعد قرار الشيخة والشيخ قبلو
خطيه ام علي خيطت الي خياط دشاديش ٢ ومنها القماش بس شلون جمال طلعن لبست وحده بيوم الحنه وحده بيوم الزفه واني اكيد مرحت لا حنه ولا زفه فهد يطب ويطلع يباوع عليه صار ثاني يوم الزفه وجابوها مزروقه احلى شي ام الصالون رأسمه عيونها كل وحده من شكل والنبي 😂 طالعه فلم وحاطه بعينها أزرك وسمائي وبحلكها احمر 🤣 وهيه ما مصدكة ومكيفة صعدوها وره شوي للغرفه واني وام علي نشتغل واليوم جابت بناتها ٣ وياها شكد حبابات ومحبوبات ٢ كبار بكدي ووحده عمرها١١ سنه طبعا بموافقه الشيخة جابتهن علمود يشتغلن ويانه لان منلحك وهمة عازمين حتى المخافضات تكول ام علي كل واحد ولد ولده للشيخ يصير عرسه هيج يسويله صار وكت الصب واحنه بالمطبخ بس شوي وكفنه على صفحة طبو الولد وانوب بيهم هسه يله شافوني فقدو واني جنت لابسه لون الدشداشه ماروني صارخ وعيوني على كولتهم لون البحر يعني طالعه اكتل والشال ميثبت على راسي كل شوي واكع وأعدله اخاف من فهد بالنسبه الي عادي
كامو يصيحون فلان شي ويتعمدون بيهم مو الكل يصيحون الي اخر شي ابن عمة لفهد حس وغمز لولد عمة ٢ وَيَا طلعوهم بره المطبخ ووكفو بره كالو احنه ناوشكم الصواني والغراض فعد من شافني تخبل وفقد وراد اليوم والبارحه وبالذات اليوم بس ابين اله شي مبينت اله ابد لان شنو ابين اله واني اكرها كره الموت المهم بعدها صعدو وزفو وهو يباوع عليه ويضحك عود ديغورني ويضوجني تالي كمت اضحك وية البنات مهتميت اله
وره ربع ساعه اكثر نزل ونطه النيشان لامه وطلع بره واشتغل الرمي اوي يمة جبهه والله نفس اليوم الي اجيت بي حضنت ام علي من الخوف
كامن يضحكن كالن احنه متعودين المهم خلص اليوم وخلصت من فهد واح نام يم العروسه 😂 المزروقه يكولن ما مصدكة حتى وره ما مآخذها وطالع كايمه تركص...
