رواية الجميلة والوحش ادم واحلام الجزء الثاني الفصل السادس والعشرون
عند ادم وسيف
راحو محل بدل وادم جاب ل سيف بدل كتير ب الوان مختلفه
سيف لبس بدله سوده بعد ما راح ل الحلاق وظبط دقنه وشعره وشكله بقي حلو اوي ولا اجدعها رجل أعمال ف مصر
ادم سايق وسيف جمبه ورايحين ب اتجاه القسم علشان يتفقو مع الظابط محمد
سيف/متشكر ع البدل ال حضرتك جبتها دي كلها ي ادم بيه..مكنش ليه لزوم والله كان كفايه بدله واحده تقضي الغرض
ادم وهو سايق/مفيش داعي تشكرني دي حاجه بسيطه..انا كنت عايز اجيب لك من المكان ال انا بجيب منه البدل بتاعتي بس انت موافقتش
سيف ابتسم/لاء المكان ال حضرتك بتجيب منه البدله الواحده ب الوفات الدولارات يعني دي حتي مش ب المصري..وبعدين ال بدل ال حضرتك جبتها حلوه جدا وغاليه برضو
ربنا يقدرني وارد ل حضرتك كل ال بتعمله معايا دا
ادم/انا مش عايز اسمع الكلام دا تاني..مش احنا اتفقنا انك زيي ياسين ابني؟ياسين بيصرف كل يوم فلوس قد كدا مفكرش يشكرني ف مره
سيف ضحك وادم ابتسم
سيف/لاء بس انا بتكلم بجد يعني انا ناوي ان شاءالله لما المشكله دي تتحل .. أسس النظام الخاص بيا واعمل مشروع حلال زي ما حضرتك قولتلي اقدر اصرف بيه ع نفسي وع اخواتي. ووقتها ان شاء الله انا هحاول ارد ل حضرتك كل دا ..بس يارب اطلع من الموضوع دا عايش بس وبخير
ادم/ايه ال انت بتقوله دا..انت مش هيحصلك اي حاجه والموضوع هيمشي بكل سهوله زي ما احنا اتفقنا..شيل الأفكار دي من دماغك
سيف ابتسم/حاضر
ادم وصل قدام قسم الشرطه
ونزل هو وسيف من العربيه
وهما الاتنين دخلو القسم سوا و محمد بيه راح ل ادم
محمد بابتسامه/اهلا وسهلا ي ادم بيه
ادم سلم عليه /اهلا بيك
محمد مد ايده يسلم ع سيف/ازيك ي سيف
سيف سلم عليه /الحمد لله
ادم/حكيت لك ف التليفون نبذه عن ال ناويين نعمله
محمد/اه اكيد طبعا اتفضلو هنكمل كلامنا ف المكتب
سيف ل ادم بصوت واطي/تصدق ي ادم بيه البدله دي خلت شكلي ابن ناس اغنيا و أكابر زيكم ..خلت محمد بيه يحترمني ويسلم عليا..انا اول مره ظابط يسلم عليا ب احترام عادي كدا
ادم /طب اخرس علشان متنضربش و برسيتجك ب البدله يبوظ
سيف/خلاص انا اسف
محمد دخل المكتب بتاعه
وادم دخل وسيف دخل وراه والعسكري قفل الباب
في شركه تصميم الأزياء
زين نزل من عربيته وداخل الشركه وهو بيحاول يتصل ب فريده مبتردش
زين دخل الشركه وراح ل الاسانسير لقي فريده واقفه وبتدوس ع الدور بتاع مكتبها
فريده كانت لابسه بنطلون اسود وتوب ابيض كات و عليه بليزر زيتي وهيلز سوده ولامه شعرها ديل حصان وكان شكلها حلو اوي
هي كل مره بتروح لابسه حلو وشكلها حلو بس البنات اهتموا بيها زياده عن الزوم النهارده
زين/فريده
فريده/
الاسانسير اشتغل واتحرك
زين/انا ا
فريده بلا مبالاه/صباح الخير ي استاذ زين
زين/استاذ زين!
فريده ابتسمت/امال المفروض اقول ل حضرتك ايه
زين/انا عارف انك مستغربه ال شوفتيه الصبح ف الجرايد بس صدقيني كل الكلام دا مش حقيقي وانا هعرف مين ال عمل كدا وهندمه أشد الندم
فريده ابتسمت ومثلت اللا مبالاه/صدقني حضرتك مش مضطر تبرر لي اي حاجه خالص دي حياتك الشخصيه وانت حر فيها..يعني كل واحد حر
زين/ا
الاسانسير وصل الدور ال فيه مكتب زين ومكتب فريده
فريده /عن اذنك
وطلعت من الاسانسير
وزين اتنهد وطلع وماشي هو وفريده سوا
السكرتيرة راحت ل زين بسرعه
يارا/زين بيه صباح الخير
فريده سابتهم ومشيت وراحت مكتبها
زين وهو بيبص ل فريده ال بتمشي/صباح النور
يارا/دا ملف المناقصه ال حضرتك المفروض توقع عليه
زين بغضب/سيبك من المناقصه دلوقتي وقوليلي انتي كنتي فين والصوره دي بتتصور من عند باب مكتبي ال هو جمب المكتب بتاعك
وفتح موبايله يوريها صوره الاخبار
يارا بتوتر /حضرتك عارف اني كنت مع سالم بيه امبارح اغلب الوقت
زين بغضب/طلعيلي كل المشاهد ال ف كاميرا المراقبه ال قدام باب اوضتي
يارا بتوتر من عصبيته/حضرتك عارف ان كاميرات المراقبه فاصله من اول امبارح بليل وبيحاولو يصلحوها
زين بيحاول يهدي/طب امشي من وشي دلوقتي ي يارا ..امشي
يارا مشيت من قدامه بسرعه
في مكتب ليلي تحت
ليلي قاعده ع مكتبها بتشرب قهوه
بتول راحت لها بابتسامه/ليلي حبيبتي صباح الخير
ليلي/صباح النور..خير ايه ال جابك النهارده معندناش بروفا ع الفساتين.. معقوله اكون وحشتك
بتول قعدت ع المكتب قصاد ليلي
بتول بابتسامه/طبعا وحشتيني انا بحبك جدا جدا صدقيني
ليلي/مش انتي الوحيده ال بتحبيني ف البلد دي بس ما علينا..انا حاسه اني شايفه ع وشك نوع من انواع الفرحه قوليلي بسرعه ايه السبب
بتول بابتسامه/طبعا لازم انبسط..انتي مشوفتيش الجرايد النهارده ولا ايه منزلين صوري انا وزين ف كل حتي ف الجرنال وكمان كاتبين بخط كبير قد كدا (عوده قصه الحب)
وضحكت بفرحه
ليلي/لا والله!
بتول ابتسمت /اها
ليلي بسخريه/يعني انتي مكنتيش تعرفي ال نزل ف الاخبار وكانت مفاجأه بالنسبه لك مش كدا
بتول/ايوا طبعا
ليلي/مش عارفه اجبهالك ازاي والله ي بتول ي حبيبتي بس صدقيني انتي وزين مفيش بينكم كيميا نهائي ومش لايقين ع بعض
بتول /
ليلي/حتي مبتشبهوش بعض اصلا ف ليه الفرحه ال انتي فيها دي كلها؟
بتول بصت ل ليلي بثقه/بصي ي ليلي.. ممكن يكون الخبر دا فعلا اشاعه من حد بس مع الايام ممكن يتحقق..ووقتها اقدر اتجوز زين
ليلي ضحكت بسخريه
فجأه موبايل بتول رن وكانت يارا
بتول/ايوا
يارا/انسه بتول زين بيه عايز حضرتك ف مكتبه
بتول/حاضر ي حبيبتي انا جايه حالا
وقفلت معاها
بتول ابتسمت/سمعتي ي ليلي..زين حتي مش قادر يبعد عني وطالبني ف مكتبه .معني كدا انه بيحبني بجد..عن اذنك بقي هروح له
ليلي بغيظ/مع السلامه ي روحي
ف الدور ال فيه مكتب زين
فريده قاعده ع مكتبها بتشتغل
زين طلع من مكتبه وراح ل فريده
زين/فريده احنا محتاجين نتكلم تعالي مكتبي بعد اذنك
فريده وهي بترسم تصاميم/زي ما حضرتك شايف انا مش فاضيه دلوقتي ي استاذ زين
زين/فريده
فريده بصت له /نعم؟خير
زين/انا محتاج اشرح لك ال حصل...تعالي بعد اذنك نتكلم ف مكتبي
فريده/حضرتك لو عندك حاجه تقولها ياريت تقولها هنا علشان انا مش هروح مكتب حد
زين/مكتب حد!
فريده ابتسمت/ايوا ..وبعدين اساسا حضرتك مش محتاج تبررلي ال حصل..صدقني مش مضطر..يعني احنا مجرد زمايل ف الشغل عادي..حضرتك تقدر ترتبط وتدخل بنات حياتك عادي وانا برضو اكيد اقدر ارتبط وادخل شباب حياتي عادي
زين بغيره وبغضب بيحاول اخفاءه/ايه ال انتي بتقولي دا ي فريده شباب ايه وكلام فاضي ايه..بصي ..متخليش غضبك من ال حصل يخليكي تقولي اي كلام ملوش لازمه
فريده ابتسمت/والله انا مش متعصبه ولا زعلانه انا بقول ل حضرتك تكون مرتاح عادي وانت بترتبط ب استاذه بتول. لان انا كمان ناويه ادي لنفسي فرصه وادخل ناس حياتي
زين بصلها بغيره وغضب
وبيحاول يهدي ويستحمل كلام فريده عن الشباب التانيه لانه حاسس انه عايز يهد الشركه دي كلها فوق دماغ الكل من كتر ما هو غضبان
زين مشي من قدام فريده وراح مكتبه ورزع الباب وراه وفريده اتنهدت وسابت التصاميم ال بترسمها
بتول طلعت من الاسانسير ورايحه ب اتجاه مكتب زين وشافت فريده قاعده بتشتغل
بتول راحت قعدت قصاد فريده بابتسامه
بتول/فريده صحبتي عامله ايه
فريده بصت لها بغيظ/انا بخير جدا ..انا حلوه جدا ومبسوطه جدا ..انتي عامله ايه
بتول بابتسامه/مستحيل تكوني مبسوطه اكتر مني النهارده..انتي اكيد قرأتي الاخبار
فريده بغيظ مكتوم/اه طبعا
بتول بابتسامه/حتي زين مش قادر ع بعدي وطلبني ف المكتب ..هروحله بقي علشان متاخرش عليه تمام
وقامت وراحت مكتب زين وفريده بصت ع بتول ال داخله مكتب زين ودمعت
عند زين
واقف ف المكتب عند الشباك وماسك الجرايد وسرحان
بتول دخلت المكتب
بتول بابتسامه/هاي ي زين
زين بص لها/
بتول ابتسمت/قالولي انك عايزني وجيت بسرعه..في حاجه؟
زين بغضب/انتي شوفتي الجرايد مش كدا؟
ووراها صورتهم ال ف الجرايد
بتول /احم اه شوفتهم طبعا
زين بغضب /وايه كل الفرحه ال ع وشك دي طالما شوفتيهم؟معقوله تكوني انتي ال عامله الحوار دا؟
وحط الجرايد ع المكتب. بغضب
بتول مثلت الزعل /لالا مش انا ..اكيد لاء..انا حتي حصلي مشاكل ف البيت بسبب ال صور دي وبابي عملي مشكله ف البيت وخدت مهدأ النهارده علشان اقدر انزل بس حاسه اني لسه مخنوقه..ان يحصل إشاعات ع علاقه طلعت منها من زمان حاجه صعبه عليا اوي
زين محبش يكون ظالمها لانه بيكرهه يجي ع حد او يظلم حد
زين اتنهد/اه طبعا اكيد انا متفهم دا معلش اعذريني بس انا من الصبح النهارده قاعد بقنع اهلي ان الاخبار دي اشاعه
بتول/معاك حق .وانا اهلي زي ما قولت لك كبرو الموضوع
..زين بتوعد/بس متقلقيش انا كدا كدا هعرف مين ال استجرا صورنا الصوره دي ف شركتي وف مكتبي كمان
بتول بلعت ريقها بتوتر/انا هستاذن بقي علشان ليلي كانت عيزاني..وانت لو وصلت للعمل كدا اديني خبر تمام؟
زين/تمام روحي
بتول طلعت من المكتب
عند فريده ف مكتبها
قاعده بتكلم اخواتها ف التليفون
فريده بغيظ/لاء وكمان طالبها ع المكتب من الصبح..مش قادر يبعد عنها..انا بجد بكرهه غبائي ازاي صدقته ازاي
ميرا/اهدي ي روح قلبي علشان خاطري..هو محاولش طيب يتكلم معاكي
فريده/بيحاول من اول اليوم يتكلم معايا بس انا مش مدياله فرصه.ولا هسمح له اصلا
رولا/ولا يهمك ي فريده خالص..اصبري عليا بس لو مشيتي ع الخطه ال قولتهالك والله ل نندمه..اصبري بس ٥ د وهيوصل له حاجه هتخليه يتجنن
فريده/حاجه ايه
ميرا بصت ل رولا ال قاعده جمبها/حاجه ايه؟
رولا ابتسمت
في مكتب زين
قاعد ع المكتب بيشتغل بس طبعا مش عارف يركز ف الشغل بعد زعل فريده منه والموقف ال وخداه من اول اليوم
فجأه الباب خبط وكان واقف ع الباب واحد من بريد وماسك بوكيه ورد احمر وشكله حلو اوي
رولا ال بعتاه واكدت ع للبريد يوديه ل مكتب زين مخصوص
زين ب استغراب/اتفضل محتاج مين
الشاب/عايز اسلم الورد دا ل فريده الحديدي لو سمحت
زين حط القلم ال ماسكه ع المكتب بغضب مكتوم وغيره وبيحاول يهدي
زين/طب وانا باين عليا اني فريده الحديدي ؟
الشاب/طيب حضرتك عندك فكره ممكن الاقيها فين
زين بغيره/معرفش انا مش السكرتير الخاص بيها ومش هقدر افيدك
الشاب/ااه ..طيب انا جيت المكتب الغلط تقريبا انا اسف
زين بغضب/يعني جاي مكتبي وواقف تضيع لي وقتي وبتعتذر عادي أكن محصلش حاجه؟ اطلع ودور عليها برا يلا
الشاب/انا اسف جدا
وكان هيمشي
زين بغضب/ولا اقولك تعالي
الشاب وقف
زين حاول يهدي/غيرت رأيي خلاص..انا سكرتيرها الخاص بيها
الشاب حط الورد ع مكتب زين ومشي
زين بص ع الورد بغضب
بعد شويه زين قاعد ع مكتبه بغضب بعد ما قال ل يارا تنده له فريده
فريده خبطت ع المكتب ودخلت
فريده/قالولي انك عايزني ي استاذ زين
زين/اه ي فريده تعالي
فريده راحت وقفت عند المكتب
زين بغيظ/الورد دا جايلك
فريده ابتسمت لان رولا مفهماها كل حاجه
فريده ابتسمت/من مين ي تري
زين بغيره/مش عارف..بس الورد احمر ومكتوب عليه اسمك يبقي اكيد من شاب..مش انتي لسه قايله كل واحد فينا حر وانك ممكن فجأه ترتبطي كمان
فريده ابتسمت/دي حقيقه
وشالت الورد من ع المكتب وحضنته وشمته غيظا ف زين
فريده/ريحته حلوه اوي
زين/
فريده طلعت الكرت ال مكتوب
رولا/الورد دا ل احلي واجمل ورده ف عيله ادم الحديدي كلها (من ميرا ورولا )
فريده ابتسمت وقالت بصوت واطي/مجانين
زين باصص بغيره ل فريده ال بتقرا الكارت وهي مبتسمه
فريده بصت ل زين/كلامك مظبوط ..طلع ال باعت الورد دا شاب
زين/
فريده ابتسمت/تقريبا حصل سوء تفاهم..والورد جه مكتب حضرتك بدل مكتبي بس متقلقش الغلطه دي ان شاءالله مش هتتكرر تاني..عن اذنك
وفريده خدت الورد ومشيت وزين ورمي ال قلم ال ف ايده بغضب
العصر
عند ادم وسيف
في غرفه محمد بيه
ادم و محمد قاعدين ع المكتب
وسيف واقف و حد من العسكريين بيحط له جهاز تصنت تحت هدومه
محمد بيه/الجهاز ال اتركب ع سيف دا هيسجل كل حاجه بتحصل علشان يبقي دليل ضدهم واحنا كمان هنقدر نسمع كل ال بيتقال بينهم ف مكان السهر دا علشان نشوف هنقدر نتدخل امتي
ادم/تمام..دا موبايل سيف ال كانو بيتواصلو معاه بيه وفي كل المسدجات بكل مواعيد المقابلات
محمد خد الموبايل من ادم وبدأ يبص ف الرسايل
محمد بيه/يعني كدا المفروض ال اسمه مصطفي دا وشريكك السابق هما ال هيقابلوك بس ي سيف
سيف/ايوا بس مش عارف مين تاني ممكن يكون موجود .هو اختار مكان السهر دا بالاخص علشان الصبح مبيكونش في زباين خالص ف هنقدر نتكلم براحتنا
محمد/تمام متقلقش احنا كدا كدا هناخد معانا عناصر شرطه كتير و انا وادم بيه هنراقب الوضع ف العربيه وان شاء الله يتقبض عليهم والقضيه دي تتقفل النهارده
سيف اتنهد/اتمني والله
بعد ساعه
قدام مكان السهر ال سيف هيتقابل مع مصطفي فيه
ادم ومحمد قاعدين قدام ف العربيه بس عربيه مدنيه عادي مش شرطيه علشان محدش يحس ب حاجه
ووراهم في عربيه تانيه فيها الظباط ال تبع محمد بيه
سيف وصل ب التاكسي قدام ال مكان
سيف نزل من التاكسي بعد ما حاسب السواق والسواق مشي
سيف بصوت واطي بيكلم محمد بيه وادم
سيف/انا هدخل اهو
في العربيه عند ادم و محمد
محمد بيه/يلا ادخل احنا مراقبين كل حاجه اهو..أقعد اهم حاجه جمب الشباك ال شفاف دا زي ما اتفقنا علشان نبقي شايفينك بوضوح
سيف وهو بيدخل المكان/ماشي
ادم/متخافش ي سيف ..مش هسمح لحد منهم يأذيك ابدا
سيف ابتسم/متقلقش ي ادم بيه انا مش خايف منهم.. انا قضيت طول حياتي بتعامل مع الاشاكل **** علشان مضطر
سيف دخل المكان وكان مفيش اي زباين خالص كل ال موجود الجرسونات ال شغاله ف المكان بيروقو وبيظبطو المكان
في واحد شغال ف المكان راح ل سيف
الشاب/اهلا بحضرتك
سيف/اهلا بيك..انا سيف ابراهيم و كنت جاي اقابل مصطفي الزهراني
الشاب/تمام ي فندم مصطفي بيه قايل لنا أن عندك مقابله معاه النهارده..اتفضل استريح وهو ربع ساعه ويبقي ع وصول
سيف/تمام
وراح قعد ف المكان ال اتفق عليه مع محمد بيه
وسيف بص ل ادم ومحمد ال ف العربيه بطرف عينه
سيف/ربع ساعه ويبقي هنا
محمد/تمام..احنا كدا كدا مراقبين تليفونه
وكلم ب الجاهز اللاسيلكي الظابط ال ف العربيه ال ورا
محمد/هو وصل فين دلوقتي ي عزت
عزت/ف الشارع ال قبل دا ي محمد بيه زمانه ع وصول
محمد/تمام
سيف بصوت واطي علشان محدش ف المكان يسمعه بيكلم نفسه
سيف/ادم بيه
ادم ف العربيه/نعم..حاجه حصلت؟
سيف /لا متقلقش .انا عايز اقولك حاجه بس
ادم/قول
سيف/ينفع بعد ما يتقبض عليهم ونخلص من الكابوس دا افضل معاك ..ممشيش يعني
ادم/هو الكلام دا وقته ي سيف ..انت شايف ان دا وقته دلوقتي ي ابني
سيف/معلش ي ادم بيه انا الاجابه دي هتفرق معايا جدا قدام والله ف حياتي
ادم/ع اساس كنت هتموت وتمشي وعايز امشي ي ادم بيه عايز امشي..ايه ال حصل غير رأيك
سيف افتكر رولا وابتسم
سيف/مفيش بس انا عايز ابدأ حياه جديده من الصفر معاك وهفتح كافيه كبير جمب المجمع وهكبر ف شغلي اكتر واكتر..بس حضرتك تديني الموافقه الاول ..انا مش هعمل دا غير لما حضرتك توافق
ادم/لما نخلص ال احنا فيه دا وبعدين نشوف
سيف/والله لو حضرتك موعدتنيش دلوقتي اني هفضل معاك لما مصطفي يجي هحكيله اننا مراقبينه واول حاجه هيعملها هيطلع مسدسه ويديني طلقه ف نفس دماغي واموت واخلص بقي
ادم/خلاص ي زفت وعد ..افضل واعمل ال انت عايزو طالما هتمشي مظبوط وحلال...انا اصلا مكنتش عايزك تمشي ي متخلف
سيف ابتسم بفرحه/والله حاسس اني عايز اطلع احضنك دلوقتي وارجع مكاني تاني ..ربنا يخليك لينا
محمد بيه ابتسم/باين عليه بيحبك اوي
ادم ابتسم وهز راسه بمعني مفيش فايده
فجأه مصطفي وصل ب العربيه قدام المكان
و نزل هو وأحمد واتنين بودي جارد وكلهم مسلحين
عزت كلم محمد ف اللاسلكي/الهدف وصل ي محمد بيه
محمد بيه/ايوا خدت بالي...ركز ي سيف واعمل زي ما اتفقنا بالضبط
سيف/حاضر
مصطفي دخل مع احمد والبودي جارد وراحو طربيزه سيف
مصطفي/لالا مش مصدق..سيف ؟وجاي بدري كمان متوقعتش انك توافق تقابلني بالسرعه دي بصراحه.. توقعت انك تتعبني شويه
سيف/انجز قولي عايز ايه علشان انا مش فاضي لك
مصطفي قعد و احمد والبودي جارد واقفين وراه
مصطفي/والله انت عارف كويس انا عايز ايه
سيف بغضب/لاء مش عارف ..وبالنسبه للشغل معاك انت وابوك قولت لك مليون مره انا مش موافق..مش انت خدت احمد ل صالحك خلاص وخدت مكان السهر ال كنت هتموت عليه عايز ايه تاني؟
مصطفي/انا مش عايز حاجه..ابويا للاسف ال شايف ان احنا محتاجين واحد زيك معانا.
سيف/
مصطفي بغضب/لولا كدا كان زماني قت*لتك من زمان
سيف بغضب وبسخريه/انت اجبن من انك تقتل*ني ي **** عارف ليه؟علشان انت دلدول ابوك..طالما قالك انه محتاجني لو انت فكرت تعمل فيا حاجه ابوك هيق*تلك انت..علشان انت مش فارق معاه اصلا ولا ١%
مصطفي بغضب جهوري طلع سلاحه من ضهره وصوبه ع راس سيف
احمد منع مصطفي بسرعه يتهور
مصطفي بعصبيه/انت بتقول ايه ي ****
احمد بيمنع مصطفي ال عايز يضرب نار ع سيف/مصطفي بيه..متتهورش بعد اذنك علشان الزهراني بيه لو عرف حاجه زي كدا هيعمل مشكله كبيره
عند ادم ف العربيه بيسمع الحوار ال بينهم وقلقان ع سيف ال قاعد بيستفزهم واتنهد وخايف ل يعملو فيه حاجه
محمد بيه/احنا متفقناش ع كدا ي سيف..انت بتستزفهم ليه ممكن يأذوك
ادم بقلق/سيف ..قسما بالله لو مطلعتش من عندك سليم هتنضرب مني ب طريقه انت مش متخيلها ..اهدي واعقل
عند سيف ف الكافيه
سيف بسخريه ل مصطفي/.انت مجرد كلب عنده بينفذ له اوامره وبس..ولو انت اتسجنت او اتقتلت هو مش هيهمه امرك يالا فوق بالله عليك
احمد ماسك مصطفي ومانعه يروح يضرب سيف ومعاه سلاحة
مصطفي بعصبيه/اوعي ي احمد...اوعي سبني اعرفه مقامه
احمد/بس بقي ي سيف كفايه..خلينا نتكلم ونتفق..واهدي ي مصطفي بيه بعد اذنك
مصطفي بعد احمد عنه بغضب وبدأ يهدي وحط السلاح ورا ضهره تاني
مصطفي/تمام..انا هكمل اتفاقي معاك بس وبعد كدا هخليك تتمني ال موت ع الكلام ال انت قولته دا
سيف/انا مش هتفق مع حد فيكم ع حاجه
مصطفي/مش بمزاجك ..غصب عنك هتتفق وهتعمل ال احنا عايزينه وإلا نهايتك هتبقي موتك..طالما مش هتعمل ال ابويا عايزه يبقي حياتك ملهاش اي قيمه
سيف/
احمد طلع مسدس من ورا ضهره وحطه ع الطربيزه
احمد /زهراني بيه بيقول علشان تبقي معانا وف صفنا لازم تقت*ل الاول
مصطفي ابتسم/..دا النظام علشان تدخل ديرتنا ونبقي متأكدين انك مخلص لينا
وطلع صوره واحد من أعدائهم
مصطفي شاور ع الصوره/هتقتل الراجل ال انت شايفه قدامك دا..المهندس السابق انت اكيد عارفه وعارف انه كان شغال معانا
عند محمد بيه ف العربيه
سمع كل ال هو عايزو وال يقدر يحبس بيه مصطفي ورجالته
محمد ف اللاسلكي/يلا هنتحرك دلوقتي حالا
ونزل من العربيه هو والظباط ال ف العربيه التانيه وادم نزل معاهم
ودخلو مكان السهر بسرعه وكل ظابط ف ايده سلاح
محمد بيه/كل واحد يثبت مكانه
مصطفي قام بتوتر/ايه دا ايه ال بيحصل
محمد بيه ضرب طلقه فوق ف الهوا وكل الشغالين ف مكان السهر انبطحو ع الارض بخوف
رجاله مصطفي كانت هتطلع اسلحتها
محمد بيه بعصبيه/اياك..اياك...سيبو الاسلحه دي وحطوها ع الارض بسرعه...يلا
مصطفي بلع ريقه و احمد والرجاله حطو الاسلحه ع الارض
مصطفي/في ايه ي باشا احنا عملنا حضرتك جاي تقبض علينا ليه
محمد والظباط بدأو يحطو كلبشات ف ايه مصطفي واحمد والبودي جارد
محمد/مش عارف ليه! بتهمه حيازه سلاح بدون رخصه وتحريض ع قتل و تهديد ب القتل
سيف ابتسم وقام وفتح جاكيت البدله يوري مصطفي جهاز التسنط ال تحت البدله
مصطفي بغضب جهوري/انت ال بلغت علينا ي واطي
بقيت الظباط ودو احمد ورجالته ع العربيه ال برا
مصطفي بغضب/والله العظيم ل اندمك ي سيف ****
محمد بغضب/احترم نفسك وآخرس
سيف/استأذن حضرتك اعمل حاجه بس ي محمد بيه
وضرب مصطفي بوكس ف وشه بغضب
مصطفي كان هيقع ع الارض محمد بيه سنده
سيف بصله بغضب /انت عارف البوكس دا سببه ايه كويس اوي
مصطفي ابتسم /اتضايقت علشان قولت عليها حلوه صح..ما هي فعلا حلوه
سيف بغضب كان هيروح يضربه تاني ادم منعه
ادم/بس كفايه
سيف اتنهد وحاول يهدي وعدل هدومه
محمد شد مصطفي وخدو ع العربيه ال برا
ادم بغضب/ايه ال انت بتعمله دا..بتضربه ليه قدام البوليس ايه السبب ال هو عارفه دا؟
سيف عدله هدومه/مفيش حاجه ي ادم بيه يعني هو اتكلم قدامي عن حد يخصني ب اسلوب مش احسن حاجه ف انا كنت متوعد له بس
ادم بغضب/وايه ال انت عملته دا ها؟دا ال احنا اتفقنا عليه معاك؟قاعد بتستفزهم ؟افرض كان طلع مسدسه وعمل فيك حاجه كنت هتبقي مبسوط
سيف ابتسم/حسيتك قلقت عليا ي ادم بيه ف عجبني الموضوع بصراحه
ادم بغضب/حسابك معايا بعدين بس نخلص من الموضوع دا..امشي يلا قدامي
سيف ابتسم/حاضر
وطلع برا الكافيه وادم راح وراه
محمد بعد ما حط مصطفي ف العربيه/هنستاذن حضرتك تيجي ورانا انت وسيف علشان نخلص بقيت الإجراءات ويمضي ع الورق ووقتها تقدرو تمشو
ادم/تمام ماشي مفيش مشكله
بعد ساعه
في قسم الشرطه
ادم وسيف طلعو من مكتب الظابط بعد ما سيف حكي كل حاجه ومضي ع اساس انه شاهد واتقبض ع مصطفي ورجالته خلاص
ادم ماشي وسيف ماشي جمبه
سيف /انا مش مصدق ي ادم بيه هو انا كدا خلاص؟خلصت منهم وبقيت حر
ادم /ما انت لو كنت حكتلي ال حصل من الاول ومتصرفتش من ورا ضهري كنت خلصتك منهم من زمان بس هنقول ايه ع عيندك وتهورك دا
سيف /ربنا يخليك لينا ي ادم بيه والله
وهما ماشيين شافو مصطفي متكلبش ورايح الحجز تاني بعد ما اتحقق معاه
مصطفي بغضب/والله العظيم ل اندمك ع ال عملته دا
وكان عايز يروح ل سيف الظباط ال ماسكينه منتعه
سيف ابتسم وعايز يروح ل مصطفي ادم منعه
سيف بسخريه/كنت عايزني اق*تل علشان انحبس زيك كدا بالضبط مش كدا
مصطفي بعصبيه/فاكر انك هتعيش حياتك عادي كدا واسيبك ف حالك؟والله موتك هيبقي ع ايدي
سيف للظباط بغضب /سامعين ؟الكلام دا لازم ينضاف للسجل بتاعه تهديد ب القتل ف نص القسم اهو بيهددني بالقتل عايز يقتلني
الظباط خدو مصطفي بغضب وهو مزال بيهدد ف سيف بعصبيه
سيف بغضب/وريني بقي هتقتلني ازاي وانت مرمي ف الحبس كدا ..متقلقش هبقي اجبلك عيش وحلاوه وهدوم نضيفه..مع انك متستحقش بس ماشي
ادم مسك دراع سيف ال لسه بيزعق ل مصطفي
ادم بغضب/اخرس بق اخرس ..ايه ال أنت بتعمله دا
سيف هدي
ادم بغضب/عايز تفضل تعك كدا وانا ألم وراك؟هتعقل امتي
سيف ب احترام/خلاص ي ادم بيه انا اسف والله
ادم بغضب/اسف ايه بس انت كان ناقص تتهجم عليه ف نص القسم انت شمحطي ولا ايه ال انا شايفه دا
سيف/عصبني جدا والله ومعرفش ايه ال حصلي مقدرش امسك نفسي انا اسف
ادم بغضب/طب خلاص اخرس..امشي قدامي يلا ع مكتب ايمن بيه
سيف/طب ليه مش الإجراءات خلصت و المفروض نمشي
ادم/بباك هناك هنروح نتكلم معاه قبل ما نمشي
سيف اتنهد/انا مش عايز اتكلم مع حد ي ادم بيه
ادم/مش بمزاجك..طالما عايز تبدأ صفحه جديده زي ما بتقول وعايزني اوافق يبقي هتصالح بباك وتسامحه
سيف/
ادم/يلا قدامي
سيف اتنهد وراح ناحيه المكتب و العسكري فتح لهم الباب وادم وسيف دخلو
ابراهيم قام/ادم بيه ازي حضرتك
ادم سلم عليه/الحمد لله زي الفل..انت اخبارك ايه
ابراهيم/انا الحمد لله بخير
سيف واقف وباصص ل إبراهيم
ابراهيم/خير ؟مش كنت عايزني اموت ومش هتكتب اسمي ع قبري؟
سيف اتنهد وراح باس ايد ابراهيم وإبراهيم ابتسم وحضن سيف
سيف/انا اسف ي بابا
ادم ابتسم
سيف/انا قولت الكلام دا وانا متعصب ولما فكرت فيها لقيتني مقدرش اعيش من غيرك ..انا من غيرك هبقي يتميم تماما .متزعلش مني
ابراهيم ابتسم وباس راس سيف
ابراهيم/انت مهما عملت انا مقدرش ازعل منك
سيف ابتسم
ابراهيم/محمد بيه حكالي شويه عن ال عملتوه..برافو عليك مسمحتلهمش يوقعوك
سيف ابتسم/ايوا ي بابا ودا ب فضل ادم بيه طبعا
ابراهيم ابتسم
ادم/تعالي نقعد علشان محتاج اتكلم معاكم شويه
ادم قعد وإبراهيم قعد قصاده وسيف سحب كرسي وقعد جمبهم
ادم ل سيف/دلوقتي دا اول يوم ف حياتك الجديده
سيف ابتسم
ادم/انا وعدتك..انك تفضل جنبي .انا كدا كدا كنت عايز تفضلك وكمان قولت لك لو عايز اسجلك ف الجامعه وتكمل دراستك بس انت رفضت وقتها. عايزك بقي تشرح لي قدام بباك ليه عايز تفضل جمبي ومترجعش الحاره جمب أخواتك تاني. وهتعمل ايه لو فضلت جمبي ف المجمع..ناوي ع ايه يعني
... وانا اصريت ان بباك يكون موجود علشان يبقي شاهد ع ال هتقوله ويبقي كفيلك
سيف بص ل إبراهيم/بابا..انا هبيع مكان السهر ال كنت فاتحه وهشتري مكان جديد جمب المجمع ..مكان كبير جدا وموقعه ممتاز..مش هيبقي مكان سهر بس هيبقي مفتوح ٢٤ ساعه وانا عايز افتحه واظبطه وادم بيه اصلا عارف المكان دا وأنا قولت له قبل كدا اني عايز اشتريه
ادم/ايوا
سيف ابتسم بشغف/انا هدفي اعمل كافيه ومكان الناس تحب تروحه ويبقي كبير والناس كلها تسمع عنه ويبقي ماركه عالميه
ادم/عايز تدير انت ال مكان يعني
سيف/ايوا بالضبط..هبقي رجل أعمال حر وعندي مشروعي وبشكل قانوني ومفيش اي حاجه حرام او غير قانونيه هتحصل
ابراهيم ابتسم/من وهو صغير بيحب الاداره والشركات والكلام دا ..لما كان صغير كان بيحب يجي معايا شركه حضرتك لما كنت شغال معاك..انا عارف انه لو فتح المكان ال بيقول عليه دا هينجح فيه
ادم/
سيف/ادم بيه والله علشان تكون مرتاح اني همشي صح تقدر تجيب محامي او حد من الشرطه كل يوم يبصو ع الدفاتر وع الورق وع المكان ..علشان تتطمن..وبأكد لك اني مش هعمل ايه حاجه غير قانونيه..كله قانوني..وتقدر تيجي المكان وقت ما تحب هو كدا كدا بعيد عن المجمع تلت ساعه بس العربيه..ولما حضرتك تطلع ع المعاش ممكن تيجي تشاركني عادي
ابراهيم/اهدي يالا
سيف /اه انا اسف
ادم اتنهد/طيب طالما انت عايز تفتح المكان دا اوي كداو هتمشي صح
سيف ابتسم/همشي صح جدا والله وهكبر المكان دا وهبقي بني ادم تاني خالص هقعد عند حضرتك بس ف المجمع كام يوم لحد ما اوقف المشروع ع رجله ووقتها هعتمد ع نفسي تماما وهأسس حياه كامله ليا..خليكم واثقين فيا بس
ابراهيم/انا موافق وبكفله ي ادم بيه
ادم/
سيف باصص ع ادم ونفسه يسمع منه كلمه موافق
ادم ابتسم/طيب ماشي
ابراهيم ابتسم/ربنا يوفقك ي ابني
سيف ابتسم وقام وباس ايده/امين
ادم/كدا خلاص نقدر نمشي
وقام وإبراهيم قام
ابراهيم حضن سيف وسيف ابتسم وحضنه بقوه
سيف/هستني حضرتك برة ي ادم بيه
ادم/تمام
سيف طلع من المكتب
ابراهيم/كل مره بتأكد اني كنت صح لما خليت سيف امانه عندك ي ادم بيه..اتغير وبقي بني ادم تاني خالص..عنده احلام وطموح وحضرتك خلتيه يحس ب حاجات انا مقدرتش احسسه بيها ابدا
ادم/خليته يحس ب ايه
ابراهيم/ان في عنده عيله
ادم ابتسم
ابراهيم/شايف حماسه عامل ازاي؟طول محنا قاعدين كان عمال يبص لك عايز موافقتك بس..مش عايز يعمل اي حاجه انت مش موافق عليها
المغرب
احلام ورولا كانو قاعدين ف الجنينه بيشربو قهوه
رولا بابتسامه/بجد ي مامي متأكده يعني ان بابي قالك قبضو علي الناس ال عايزه تأذي سيف..وبابي جاي هو وسيف ع هنا
احلام ابتسمت/متأكده طبعا..متبينيش بس فرحتك اوي قدام بباكي علشان هو كشفك خلاص
رولا بتوتر/كشفني ليه هو انا عملت حاجه غلط مفيش اي حاجه من ال ف دماغكم دي اصلا .حضرتك لو بتقولي كدا علشان قراتي الرساله ف ا
احلام ابتسمت /انا مقرأتهاش ..هقرأ حاجه خاصه بيكي ليه ي رولا؟ انا مش محتاجه اصلا اقرأ حاجه علشان افهم كفايه ال انا شيفاه ع وشك دا والفرحه ال ف عيونك
رولا ابتسمت
احلام/قوليلي فريده اختك كويسه
رولا/كويسه متقلقيش غيرت هدومها وقاعده ف اوضتها بترسم تصاميم
احلام اتنهدت/عايزه اتكلم معاها ع ال شوفناه ف الاخر الصبح بس مش عايزه اضغط عليها
فجأه ادم وصل الكومباوند هو وسيف
ادم وسيف نزلو من العربية
رولا بصت ع سيف بابتسامه ومش مصدقه انه رجع وكمان شكله حلو ف البدله اوي بقي شبهه ادم بالضبط
وسيف ابتسم لها
احلام ابتسمت/حمد لله ع السلامه
ادم ابتسم/الله يسلمك
وباس راسها وباس خد رولا
احلام ابتسمت/حمد لله ع السلامه ي سيف
سيف ابتسم/الله يسلم حضرتك ..انا مش هزعجكم ف الكومباوند كتير انا هقعد فتره بس وا
احلام/لاء متقولش كدا ابدا انت تقعد زي ما انت عايز ..ومبسوطه انكم قبضتو ع الناس ال مش كويسه دي وربنا خلصك منهم..مبروك
سيف ابتسم/الله يبارك ف حضرتك
رولا ابتسمت
ادم/ادخل يلا حط شنطتك ف اوضتك
سيف/حاضر
ومشي
احلام/تعالو يلا ندخل من البرد
وقامت
ادم ل رولا ال قاعده باصه ع سيف وهو بيدخل اوضته
ادم/وحضرتك هتفضلي قاعده هنا مش هتدخلي معانا
رولا انتبهت بتوتر/ها لا طبعا اكيد هدخل..حتي هدخل قبلكم دلوقتي
وقامت وخدت فنجان القهوه بتاعتها و باست خد ادم ودخلت البيت
احلام ابتسمت/اهدي شويه ي ادم ي غيور لو سمحت
ادم بغيره وغضب مكتوم/انتي مش شايفه ال انا شيفاه يعني. عنيها لمعت اول ما شافت سيف راجع معايا الكومباوند
احلام ابتسمت/طب تعالي احكيلي يلا عملتو ايه ..مفهمتش منك ع التليفون كل حاجه كويس
ادم مسك ايدها/تعالي احكيلك جوه ..هو الغدا هيخلص امتي المفروض
احلام/ربع ساعه بس ويخلصوه كدا
ادم/حطي طبق زياده ل سيف ..خلينا نتغدي سوا كلنا
احلام ابتسمت/حاضر
ادم خدها ف حضنه وباس راسها ودخلو البيت سوا
بعد شويه
رولا طلعت من البيت بابتسامه وقعدت ع الكنبه ال ف الجنينه ومبسوطه ان سيف رجع الكومباوند جمبها تاني
سيف طلع من الاوضه بتاعته وبص ل رولا وابتسم
رولا بابتسامه شاورت له يجي يقعد جمبها
سيف بهمس/بباكي هنا
رولا بعدم فهم/ايه
سيف بنفس الهمس /بباكي جوه لو شفنا هيق*تلني
رولا بنفس الهمس/هنعمل ايه
سيف شاور لها وقال بنفس الهمس/هسبقك ع برا وانتي تعالي
رولا ابتسمت/ماشي
سيف ابتسم وطلع من الكومباوند وبعد شويه عن البيت ووقف عند شجره يستني رولا
عند سيف واقف مستني رولا
ورولا راحت له بابتسامه
رولا ابتسمت/سيف
سيف ابتسم ومسك ايدها وباسها/عيون سيف
رولا ابتسمت/أخيرا خلصت منهم
سيف بصلها ف عينها و ابتسم/أيوا
رولا اتنهدت براحه/أخيرا
سيف ابتسم/كل حاجه هتتحسن وهتبقي زي الفل..انا قولت ل بباكي ع كل حاجه وع المشروع ال عايز اعمله وهو واثق فيا ومصدقني ووافق اني افضل هنا
رولا ابتسمت/يعني هتبقي رجل أعمال مش كدا
سيف ابتسم/مش انتي نفسك ف كدا برضو؟
رولا ابتسمت/ايوا طبعا...دي حاجه هتفرحني فوق ما انت متخيل..عايزه نحقق الحلم ال انت قولتلي عليه
سيف ابتسم وبصلها ف عينها/هنحققه..لان دي فرصتي الوحيده ي رولا..صدقيني هغير كل حاجه للاحسن
رولا بصتله ف عينه/تمام..بس حاول تعمل كل دا بسرعه لو سمحت..تقدر تعمل كدا ع طول صح؟
سيف ابتسم/عيزاني اعمل دا بسرعه ليه بقي
رولا قربت منه وعدلت ياقه القميص
رولا ابتسمت/لان وقتها هتبقي ناجح وهتكبر ف عين بابي وهيوافق تبقي واحد من عيلتنا وبعدين ا
سيف وهو سرحان ف عيونها/وبعدين ايه
رولا اتنهدت/وبعدها بقي الموضوع هيبقي أصعب اكتر مما تخيلنا
سيف /انا هغير كل حاجه علشانك ..كل حاجه ..علشان نحقق حلمنا سوا
رولا ابتسمت
سيف بابتسامه/هبدا من بكره افتح المكان ال قولت لك عليه وهنظبطه وهجيب في اشهر الفنانين والمكان مش هيبقي في ولا كرسي فاضي وكل يوم حفله شكل وهنعمل أرباح كتير جدا توقفني ع رجلي وادم بيه هيبقي فخور جدا بيا
رولا بصتله وابتسمت
سيف ابتسم/بتضحكي ليه..مش مصدقه
رولا ابتسمت/مصدقاك طبعا ..وكمان بحب اشوفك متحمس كدا ومبسوط وعجبني الكلام دا اوي
سيف ابتسم وقرب منها وباس راسها
ف الكومباوند
بعد المغرب
ع السفرا
ادم و احلام وسيف و رولا وميرا وفريده قاعدين بيتغدو
ادم/الكلام دا وقتها رولا كان عندها ١٠ سنين تقريبا..اول ما شافت فيلم الكراتيه دا حبيته وطلع ف دماغها فجأه عايزه تتعلم الكراتيه زيه
سيف ابتسم
ادم /انا قولت لها شوفي لك اي رياضه للبنات طيب العبيها بس هي أصرت عايزه تلعب الكراتيه ب الذات
احلام ابتسمت لانها فاهمه هدف ادم من الكلام دا كويس
ادم/ بعد ما وافقت وخدتها المكان ال بيدرب كراتيه كان كل ال ف الفصل صبيان مفيش ولا بنت واحده ..ف وقتها رولا قصت شعرها علشان تبقي زيهم
ميرا ضحكت وفريده ابتسمت
ادم/شعرها كان قصير جدا وقتها زي الصبيان ال ف الفصل وبقت تتعامل اكنها واحد منهم
احلام ضحكت وفريده
رولا بخجل/بابي ايه ال فكر حضرتك ب الحاجات ال انا مش عايزه افتكرها دي
احلام ابتسمت/لا استنو بباكم بدأ ب قصص ال ١٠ سنين لسه هنوصل لل ١٥ و ال ٢٠ دلوقتي احنا لسه مطولين
ادم/لاء هنطول ليه الكلام دا مبقالوش كتير يعني ورولا برضو لسه صغيره
ميرا /مش للدرجه دي يعني ي بابي رولا كبرت مشاء الله عليها مبقتش صغيره
رولا وسيف فهمو ادم عايز يوصل لهم ايه كويس
ان رولا لسه صغيره واعجابهم ببعض دا مش مسموح بيه ابدا
رولا /انا فهمت ي بابي حضرتك عايز تقول ايه متقلقش المقدمه كانت طويله شويه بس فهمت ف الاخر
فريده وميرا بصو ل بعض وابتسمو
سيف قام
سيف/احم انا هستأذن انا بقي
ادم/اقعد انت لسه مكملتش اكلك
سيف قعد تاني بتوتر
ادم/يعني مثلا دلوقتي انتو لما بتبصو ل سيف ..سيف باين انه راجل..يبان راجل وشهم ويعتمد عليه
فريده وميرا قاعدين كاتمين ضحكتهم ورولا بصت لهم بغيظ
سيف/
ادم/اما رولا لسه صغيره يعني لسه تامه ال ٢٠ قريب
رولا/انا داخله ع ٢٢ ي بابي يعني كل ال بينا ميكملوش ال ٨ سنين
ادم/٨ سنين كتير طبعا انتي مستقليه بيهم ولا ايه.
سيف /احم طبعا
ادم/.سيف دا المفروض يكون زي اخوكم الكبير الفرق بينكم مش قليل يعني
احلام ابتسمت وبتحاول تكتم ضحكتها
رولا/يعني حضرتك عايزني اقول ل سيف اخويا الكبير يعني مش كدا
ادم/تقدري تقولي ال انتي عيزاه انا بس بحاول اوصلكم ان سيف كبير مش قدكم خالص ..صح ي سيف
سيف/طبعا ي آدم بيه معاك حق
سيف بص ل رولا ورولا بصت له
ادم/طالما خلاص سيف بعد كدا عايش معانا يعني بقي واحد من العيله والمفروض ياخد باله من بناتي ويبقي اخوهم الكبير .يعني يبقو امانه عند سيف زي ما سيف كان امانه عندي
رولا/قول لنا من الاخر ي بابي ان حضرتك مش عايزني انا وسيف نتكلم مع بعض مش مستاهله كل المقدمه دي
ادم/لا طبعا انا مقولتش كدا..صعب تبقي جيران وساكنين ف وش بعض ومتتكلموش..يعني اتكلمو بس ب علمي وب شروط
احلام ابتسمت/ طيب لحد ما تحط شروطك انا هقوم اوضب السفرا لان زي ما انتم عارفين الخدم بيخلصو شغل بعد المغرب
وقامت ومسكت طبقين
فريده قامت/هساعدك ي مامي
احلام/لاء ي حبيبتي خليكي انا عايزه سيف يساعدني
(لأنها عايزه تتكلم معاه)
سيف قام/اكيد طبعا هساعدك
وقام ومسك طبقين وقام
احلام ابتسمت/ايوا طبعا ما انت بقيت الاخ الكبير ف البيت عندنا لازم تساعدني
ودخل المضبخ مع احلام
فريده وميرا ضحكو
ادم/بتضحكي ع ايه يبت انتي وهي
ميرا بابتسامه /بابي انت لما بتبقي غيران بتبقي حلو اوي اكتر ما انت حلو والله
وقامت باست خده وادم ابتسم وباس خدها وفريده ابتسمت
ادم/شكرا ع الكلام دا بس انا مش غيران ولا حاجه
رولا بغيظ خدت محشي من طبق ادم/اه ي بابي واضح
ادم ابتسم
ف المضبخ
احلام وسيف حطو الطباق ف الحوض
احلام ابتسمت/انت فاهم ادم بيحاول يعمل ايه مش كدا؟
سيف /اه ..كل حاجه واضحه طبعا
احلام ابتسمت وبصتله/انت غالي عنده وبيديلك قيمه كبيره..والا انا وانت عارفين كويس انه يقدر يقولك بسهوله ابعد عن بنتي..بيحاول يوصلك الفكره بطريقه حلوه من غير ما يضايقك ولا يزعلك
سيف/عارف والله ي احلام هانم انا ال مضايقني انه معزب نفسه ومضايق نفسه وبيفكر ف الموضوع كتير انا كدا كدا فهمت ال عايز يوصلهولي
احلام ابتسمت/ممكن اعرف انت ليه اصريت تفضل هنا
سيف/احم..ادم بيه ال طلب دا وطلب اقعد معاه فتره..ولما هو بيطلب مني حاجه مستحيل اقدر أرفض
احلام/لالا انت فاهم انا قصدي ايه كويس انا مبتكلمش عن كدا
سيف بتوتر/انا قولت ل حضرتك واحنا بنتغدي من شويه
احلام ابتسمت/يعني انت مش هتعرف تحقق نفس الحلم ونفس المشروع ف مكان تاني بعيد عن المجمع والكومباوند
سيف/علشان انا حبيت المنطقه ال قريبه من المجمع دي
احلام ابتسمت/حبيتها.انا فاهمه دا طبعا اكيد حبيتها
سيف بتوتر/حضرتك اكيد لما قرأتي الرساله فهمتيني غلط انا اكيد مش كدا ..يعني مش عايز حضرتك تفهميني غلط ابدا..أنا ا
احلام ربعت ايدها وابتسمت/انا مقرأتش الرساله اتطمن ..يعني ليه هعمل كدا .بس انا قادره اقرا تعابير وشك
سيف/انا فاهم ان حضرتك بتفهميني بطريقه غير مباشره ابعد عن بنتك بس صدقيني مفيش داعي للكلام دا ومفيش داعي تقلقي لاني اكيد هنفذ ال حضرتك وادم بيه عايزينه
احلام ابتسمت
سيف/..هعمل ال انتو عايزينه..تقدري تثقي فيا
احلام بصتله/ بص..انا برأيي تفكير ادم مش صح..وانا مش موفقاه علي ال بيعمله.الكلام دا بينا طبعا
سيف/
احلام /بس ف الاول وف الاخر انا ام وهو اب ..احنا بنحاول نحمي ولادنا مش اكتر
سيف بتفهم/اكيد..دا حقكم طبعا..حضرتك معاكي حق..بس انا معنديش اهل ..يعني معرفش الكلام ..عندي اخوات طبعا بس متربتش وسط عيله زي عيلتكم.. علشان كدا مش قادر اوصل لكم وجهه نظري خالص
احلام/انا فهماك ي سيف..كان عندك حياه صعبه جدا..انا حكمت عليك بطريقه وحشه وظلمتك ..دا كان غلط مني
سيف /انا مش عايز حضرتك تزعلي نفسك ولا ثانيه واحده لان حضرتك مهمه جدا ب النسبه لي وبحترمك جدا وبقدرك... فعلا ...لان ال حضرتك عملتيه معايا مستحيل انساه طول حياتي مقدرش انساه أصلا ..مستحيل ..حضرتك ساعديني ب انك فهمتيني كويس و قدرتي تشوفي ال جوايا ع عكس كل الناس ال قابلتهم ف حياتي قبل كدا..حسيتي بيا بطريقه غريبه صعب اني اقدر اشرحها
احلام ابتسمت
سيف/مفيش داعي تفكري ف اي حاجه وتشغلي بالك ب حاجه ي احلام هانم صدقيني
احلام ابتسمت/شكرا
سيف ابتسم
احلام/ادم مبيقولش اي كلام من غير معني كدا وخلاص..النهارده لما قالي حطي طبق زياده ل سيف هو مكنش بيقول كلمه عاديه كدا وخلاص هو كان بيتكلم بجد..انا عارفه جوزي كويس اوي
سيف/
احلام ابتسمت/وأنا حطيت الطبق دا النهارده وأنا مبسوطه جدا ..ومش هاخد الطبق دا لحد ما انت ال تقول كفايه انا شبعت..تمام؟
سيف ابتسم وهز راسه ب اه
احلام/اعرف انك من هنا ورايح بقي عندك عيله ف ضهرك ..وأعتقد اني عرفت اوصلك الكلام دا بطريقه مناسبه صح ؟
سيف ابتسم/انا مش عارف اقول لحضرتك ايه ي احلام هانم..فعلا ..شكرا
احلام ابتسمت/هتقول مدام احلام زي ما كنت بتقول..مفيش احلام هانم تاني
سيف ابتسم/تمام
احلام ابتسمت/بالنسبه البدله لايقه عليك وحلوه جدا..بقيت بتشبهه ادم جدا كمان
سيف ابتسم/شكرا..دا شرف ليا والله اني اشبهه ادم بيه ف حاجه
احلام ابتسمت
