رواية انت البارود وانا النار الفصل التاسع والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
والـي مثـلي بهـل العـمر يشبـع دلال..
هـواي ضـام بگـلبي مـا حاجـي الصدك..
يـاهو يـدري بـداخـلي صايـر خـراب....
ويـاهو يـعرف بيـه گـل ليله احـترك...
چلـمه شلـونـچ من يگـلولي امـوت...
جنـها دخـان عـلى ريـة مـحتـرك...
انـه ما حـاضـن ابـو وشـابع حنان...
ولا اديـن ام الگـه من ابجي انشبك...
الدنـيا كـالو يـوم الـك يـوم علـيك....
هنـه شـو كلـهن علـيه طـبگن طـبك...
البنيه: هذابيت الشيخ ضرغام؟
بمجرد ماسمعت اسمه يطلع من لسان شخص غريب وبنيه كبال بيتنـا اجه الف سؤال بالي
لفتت نظري بسرعة للبنية.
عيون البنيه مليانة خوف
عقدت حواجبي وحجيت...
يمامة: إي هذا بيته منو انتِ بلازحمه؟
سكتت ماردت
وبعدين رجعت حجيت مره ثانيه
ـ ليش؟شتريدون منه
حجت البنيه وهيه تبچي..
البنية: انـا انـا
انقطع صوتها وماعرف حسيتها متلاعبه وشكلها مو راحه ولابسه بس العبايه بدون حچاب
أخذت نفس وكالت الي...
البنيه:دخيلج ودخيله ألشيخ ضرغام
يمامة:ضليت ماعرف شحجي وشلون أتصرف وشلون اباوع عليها اول مره ييصير بيه هيج موقف منو هاي شلون تعرف ضرغام؟ وشجابها لهنا شمعنه شتريد
رجع صوت البنيه وهي تبچي..
البنيه:أصير دخيلة يمكم والله ماطلع حتلو تخلوني خدامه
نزلت على ركبها كدام الباب.
حتى الشيخ انصدم ومد إيده يريد يكومها
الشيخ: بنيتي لا هسه يجي ضـرغام ع علم هستوني خابرته كومي من الكاع
بس هي هزت راسها.
وبقت تبچي وكاعده بالباب تحجي
"لا ترديني دخيلج لا تخليني أطلع من هناا خلوني يمكم
يمامة: لا إراديًا رجعت خطوة ليوره وكومتها من الباب جانت كلها ترتجف
شفايفها زرك انكسر كلبي عليها واذكرت من جنت احتمي بضرغام
البنية: والله والله إذا رجعت... راح يكتلوني
يمامة: منو يكتلچ وانتي هسه صرتي بيت الشيخ ضـرغام كومي
البنيه:أهلي اهلي
وسكتت وكضتني ورجعت حجت
"أبويه وإخواني يريدون يكتلوني والله
الشيخ: بويه والله سالفتچ تنحل مانعوفج
البنية: وين أروح عمي ما عندي مكان والله ما عندي أحد
حجيت وي الشيخ..
يمامه:شيخنا فهمني شالسالفة شبيها
رد ألشيخ
الشيخ:هاي بنيه اهلها يردون يكتلوها من غير حموله وعشيره وركضت بـشارع شارده منهم وصارت يمي وتريد أوصلها لبيت الشيخ ضرغام. گالت سمعت الناس تحچي عنه، وإنه ما يرد مظلوم وتريد صير دخيله يمه
رحت لبنيه وحجيت وياها
يمامه:شسمچ؟
باوعتلي وحجت
: سـاره أسمي
يمـامه:سمعيني ساره انـا ما أگدر أوعدچ بشي قبل لا أعرف الحقيقة، بس وإنتِ واكفة يم باب بيتي، محد راح يهينچ وانا مرت ضـرغام يعني بامان انتي
ساره:شكـرا الج عيوني
يمامه:تفضلي جـوه هسه على جيه ضرغام
ضليت بحيره وماعرف أذا ادخل الشيخ لبيت لو ضرغام يموتني بس البنيه هاي منو وليش طلبت ضرغام بالاسم
وانا بره سمعت صوت سياره ضرغام ورجع للبيت واحنه بعدنا بـره
نزل ضرغام من سيارة
هوه و دشداشته السوده وعگاله بإيده وآثار التعب باينة على ملامحه وظاهر يعرف بجيتهم
أول مانزل باوعلي وبعدين كال
ضرغام:السلام عليكم
تقدم الشيخ وسلم عليه
الشيخ:السلام عليكم شيخ ضرغام
رد ضرغام باحترام.
ضرغام:وعليكم السلام ورحمة الله
حجه الشيخ ضرغام وهمزين انا جنت لابسه شي طويل حته اضل اسمعهم
الشيخ:انـا آسف إذا أزعجناك، بس ما لگيت غير بابكم
خله ضرغام ايده على صدره وحجه
ضرغام: استغفر الله شيخ جـاسم بالخدمه احجي شنو ألسالفه اتفضل أدخل
شيخ:لا بويه أريدن اروحن بس اوصلك الامانه هاي البنية لگيتها اليوم بحالة صعبة وجانت مصرة تجي الك گالت سمعت عنك وعن موقفك ويا الناس، وإنك ما تخذل المحتاج
ظل ضرغام ساكت يسمع.
بس سـاره تباوع ضرغام واحسها تريد تاكله بعيونها
الشيخ:گلت أجيبها لهنا، وإذا تشوف إلها حل يكون خير
كمل كلامه الشيخ
حجه الشيخ ضرغام وهمزين انا جنت لابسه شي طويل حته اضل اسمعهم
الشيخ:انـا آسف إذا أزعجناك، بس ما لگيت غير بابكم
خله ضرغام ايده على صدره وحجه
ضرغام: استغفر الله شيخ جـاسم بالخدمه احجي شنو ألسالفه اتفضل أدخل
شيخ:لا بويه أريدن اروحن بس اوصلك الامانه هاي البنية لگيتها اليوم بحالة صعبة وجانت مصرة تجي الك گالت سمعت عنك وعن موقفك ويا الناس، وإنك ما تخذل المحتاج
ظل ضرغام ساكت يسمع.
بس سـاره تباوع ضرغام واحسها تريد تاكله بعيونها
الشيخ:گلت أجيبها لهنا، وإذا تشوف إلها حل يكون خير
كمل كلامه الشيخ
رفع ضرغام نظره للبنية وحجه
ضرغام:شسمچ
نزلت راسها بخجل وانا اباوع عليها
:ساره
ضـرغام:شكد عمرچ
ساره:23
ضرغام:عدچ أحد نكدر نتواصل وياه
هزت راسها بسرعة وحجت
سـاره:لالا شيخ والله لا
ضرغام:وين تروحين إذا تطلعين من هنا
سكتت وبعدين نزلت دمعة من عيونها
سـاره:ما عندي مكان شيخ
ضرغام:يمـامه شنو رايچ؟
انصدمت شلون ياخذ راي ونوب كدام ألشيخ يايمه احس متت من الخجل حجيت
يمامه:انت ابو البخـت وتوكف وي الحق وداست عتبت بابنا عيب تطلع
باوع الها وحجه
ضرغام: إنتِ بهالبيت تعتبرين ضيفة، ولحد ما تنحل مشكلتچ، محد راح يضايقچ ويكلچ ع عينج حاجب بس ها
أكو حدود بهالبيت
هزت راسها بسرعة وحجت
ساره: اي بالخدمه شيخ
ضـرغام أي شي تحتاجينه تكولين ليمامةهي صاحبة البيت وهيه تنهي وتحكم
رفعت عيوني عليه
ابتسمت إله ابتسامة خفيفة وحسيت يريد يطمني إن وجود البنية لا شيء
الشيخ الكبير تنفس براحة وحس وصل الامانه سالمه
الشيخ:الله يجزيكم الخير يابن إيهاب حلال بيك الشيخه
ضرغام:عمي لا تشيل هم
البنية الليلة تبقى عدنا، وباچر إن شاء الله نشوف شنو الحل المناسب
ابتسم الشيخ.
الشيخ:الله يحفظك وليدي
باوع ساره وكلها
الشيخ:بنيتي لا تخافين ع نفسچ، وهذوله ناس كرام
هزت سارة راسها وهي تمسح دموعها وراح الشيخ ودخلنا انا وياها ودخل ورانه ضرغام وجايب الغده ويا حتاريت وين اودي البنيه وين اخليها
حجه ضرغام
ضرغام:تفضلي خويه بديوانيه محد يزعجج انـا فوك وهسه المره تصبلج غده
فتحت ديوانيه الها ودخلت
عفتها تاخذ راحتها ورحت لمطبخ وضرغام موجود طلعت المواعين حته أحضر الاكل الي جايبه واخلي بصينيه
ضرغام:عوفي انا أشيلهن
رفعت حاجبي باستغراب
يمامه:من شوكت تساعد بالمطبـخ
ضرغام:من شفتچ راح تعبين وحدچ.
ابتسمت من غير ما خلي يحس لو يشوفني ابتسم خليني هيچ انا اصلا من هموم بيه نسيت كل احلامي وي ضرغام
يمامه:لا تتعود ع مساعده
ضرغام:لـيش
يمامه:باچر تكلي ساعدتج مرة وتعيرني
ضرغام:لا تخافين ماعيرچ
صبيت للبنيه وحدها بصينيه صغيره واخذه من ضرغام
ضرغام:انـا اشيله اودي الها
بس شوفيها ألي لابسه حجابها حته اكلها شكم كلمه
يمامه:والله لو أحد يشوفك هسه، ما يصدك إنت الشيخ ضرغام
ابتسم بطرف شفته
ضرغام:بالبيت انـا مو شيخ
سكتت وضليت اباوعله واتامل بملامحه وعيونه الخضر
يمامه:جـا شنو أنت
يمامه:رجال بيت ورجلـج
رحت لبنيه وشفتها كاعده ومتوتره
يمامه:لبسي عبايتچ ضرغام يريد يدخل
لبست عبايتها بساع وكفت دخل ضرغام شايل الغده
ضرغام: تفضلي أكلي قبل لا يبرد
ساره:لاوالله ماشتهي تعبتكم
ضرغام:إنتِ ضيفة والضيف إله حق
أنزلت عيونها بخجل
سـاره:شكراً
طلعنا من يمها ورحنه انا وضرغام نتغده هاي اول مره ناكل بدون اي شي خالين من مشاعر
حجه ضـرغام...
ضرغام:أحس بيها شي ضامته ورها سالفه هـاي
يمامه:ليش گلتِ هيچ شبيها
ضرغام:ماعرف كل ما أسألها عن أهلها تسكت، وتغيّر السالفة مارتاحيت انـا
يمامه حقها يمكن بعد ما واثقة بينا زين إنت ثقيت بيها هسه
ضرغام:لا أثق ولا أتهم الواحد ما يحكم على إنسان من أول ساعة
يمامه:اي حقك بعد أنت اعرف بهاي الأمور
كملنا الاكل وراح يغسل وطلعت ساره من الديوانيه اجت لمطبخ خلت اكلها على الطباخ
يمامه:ها شبعتي؟
ساره: الحمدالله
يمامه:اسويلچ جاي؟
ساره:لا مشكوره
صحت ضرغام....
يمامه:ضـررغام
ضرغام:هااا
يمامه:تريد جـاي؟
ضرغام:إذا تسوين إلج سويلي وياچ
سارة: خليني آنـا أغسل المواعين
يمامه:لا حبيبتي، إنتي ضيفتنا لاتعبين روحچ
سارة: بس والله أستحي أكعد وإنتِ تشتغلي وحدچ
يمامة: إذا تريدين تساعديني، خليها من باچرهسه ارتاحي
ساره:بس شويه والله مو هواي هنه
يمامه:ابد والله ماخليچ
ساره: والله عنيده ههههه
يمامه:بعد مرت الشيخ شسوي
دخل ضرغام
ضرغام:ها شبيجن
يمامه:تريد تغسل وياي اكلها مايصير
ضرغام:كعدي بويه انتي خطار مايصير
يمامة: سمعتي الشيخ يلا روحي
راحت لديوان وانا كملت جاي وانطيت ضرغام
ضرغام:راح انامن انـا يمامه ب٣كعديني
صعد نام فوك وانا هم صعدت ماردت اضل يمها جوه لان ماعرف شلون اتصرف ولا اعرف احچي أي شي
منـا لليل ضلينا بس انا وياها وهم قليل اكعد يمها التهيت اخبز واسوي العشه وهيه بديوانيه
خابرني ضرغام وكال ماجي ع العشه انـا بديوان تعشي
سويت الاكل ورحت يم ساره
ساره:چا وين ضرغام؟
يمامه:حبيبتي مايجي تعشي أنتي لان بديوان
ساره:شكد ساعه يجي
يمامه:ماعرف والله حسب مرات ل١٢ ليش
ساره: لا هيج اسئل وانتي تنامين تنتضري ؟
ضلت تسئلني وانا اجاوبها اشوفها وين توصل
يمامه:انـامن أي .
تعشت وعفتها منا ل١٠ ونص اجه ضرغام صعد فوك
وكفت بساع
يمامه:باوعت حجيت وياها لو لا؟
ضرغام:بسم الله شمالج ولج
يمامه:البنيههههه حجيت وياها ترا الوضع ماعاجبني جاي تطلع وطب وعايف موضوعها انا خايفه ماريد شخص ثالث بألبيت
ضرغام:حقچ بويه هدي هسه نازل وراح اشوفها وباچر الصبح سالفتها تنحل
يمامه: انزل ووووياك
ضرغام:اكعدي مايصير تدخلين بهيچ أمور ديري بالچ تنزلين حته يجوز تستحي تحجي وياچ
عفته ينزل بس اريد سالفه تنحل لان كعدتها بالبيت ماعاجبتني ولحد الان محد اجه من اهلها وسئلو عليها
نزلت جوا اريد اشوف واسمع شنو قصه البنيه سـاره صح العشاير دائما تصير عدهم دخيله وهاي سوالف بس ماشايفه بعينـي وأساسه اخافن على ضرغام منها وصلت يم الديوان جان الباب مفتوح على النص ماسده ضرغام وهوه كـاعد ومنزل راسه ويحجي بصيغه هوه ألشيخ وهيه الدخيله يعني مامهتم إلها بس علمود الحل
نزلت جوا اريد اشوف واسمع شنو قصه البنيه سـاره صح العشاير دائما تصير عدهم دخيله وهاي سوالف بس ماشايفه بعينـي وأساسه اخافن على ضرغام منها وصلت يم الديوان جان الباب مفتوح على النص ماسده ضرغام وهوه كـاعد ومنزل راسه ويحجي بصيغه هوه ألشيخ وهيه الدخيله يعني مامهتم إلها بس علمود الحل
ساره:يعني الناس كلها تعرفك؟ حتى الشيخ گلي إذا أحد يگدر يساعدچ فهو ضرغام وكل شيخونا تحمد بيك
رد عليها بهدوء
ضرغام:الناس تكبر السوالف
ابتسمت وهي تباوعله
سـاره:لاواضح همه يحترموك
والله لو كل الرجال مثلك جان الدنيا بخير
رفع ضرغام عيونه إلها لكن ملامحه بقت هادئة.
ضرغام:لا تبنين فكرة عن إنسان من كم ساعة تعرفيه وهسه احجيلي شنهي قضيتچ
ساره:بس فعلا انت انسان زين
ضرغام:الله يحسن الظن
سـاره:يمامة محظوظة بيك
هز راسه
ضرغام:الحمد لله
وهيه ترد عليه بكل صلافه وشعرها طالع من حچاب
سـاره:ولو ما جنت متزوج
قاطعها قبل لا تكمل.
نبرته تغيرت، وصارت جادة وعصبي
ضرغام:سااااااره
أريد أوضح شغلة من هسه
إنتِ دخلتي هالبيت ضيفة ومحترمة مثل الأخت
نزلت عيونها.
وكمل بنفس عصبيه
-وأي كلام غير هالإطار ما أرضى بيه، لا بحقچ ولا بحق بيتي
سكتت ماجاوبته
-هاي يمامة صاحبة هالبيت، وإلها كل الاحترام والتقدير
ضرغام: احچي شنو الحقيقة
سـاره:شيخ ما عندي غيرك
رد بهدوء
ضـرغام:ما سألتچ منو عندچ سألتچ شنو الحقيقة ماحب اكر كلامي
سُاره:شيـخ والله ماريد أرجع والله انـا مضلومه شتريد سوي وياي بس لاترجعني
ضرغام:هالجواب ما يكفيني إذا جنتي مظلومة حقچ ما يضيع
ساره:ولهذا السبب أريد أبقى يمك
عقد حاجبه
ضرغام:شنو تقصدين
رفعت عيونها عليه.
ساره:يعني أريدك إنت
أنصدمت من حجيهاا وعرفتهااا مو راحه تمنتيت اكضهااا واكطعهاااا تكطع بس ضرغام موجود ماكدر اعتبره ماموجود واشوه صورته وكوه ضليت واكفه واسمع حجيهم ومصبره ع روحي
ضـرغام:انتبهي على كلامچ إنتي دخلتي هالبيت دخيلة والدخيل إله حرمة وأنا قبلت ودخلتچ حتى تنحفظ كرامتچ، مو حتى ينكسر حرمة بيتي وتحجين هيچ كباليييييي
ردت عليه
سـاره:ما أريد أطلع من هالبيت خليني أبقى يمك شيخ فدوه والله انـت عجبتني وحبيتگ اصير خادمه ألگ هم اتزوجنيييي
ضـرغام:انتبهي على كلامچ إنتي دخلتي هالبيت دخيلة والدخيل إله حرمة وأنا قبلت ودخلتچ حتى تنحفظ كرامتچ، مو حتى ينكسر حرمة بيتي وتحجين هيچ كباليييييي
ردت عليه
سـاره:ما أريد أطلع من هالبيت خليني أبقى يمك شيخ فدوه والله انـت عجبتني وحبيتگ اصير خادمه ألگ هم اتزوجنيييي
كام ضرغام من يمها وكف يم ألباب وحجه
ضـرغام:احفظي حدودچ يا بنت الناس. هالبيت إله حرمة، ويمامة إلها مقامها. إذا جنتِ دخيلة فالدخيل نحفظه ونصون كرامته، مو نخلي كلامه يتجاوز حدود الأدب
وآنـا ما أخون عهد، ولا أكسر خاطر امرأة فتحت باب بيتها إلچ وحسبتچ مثل أختها
من هسه، وجودچ بهالبيت ما عاد مناسب.
فتحت عيونها بصدمه.
سـاره:شيخ لا تطردني فدوه
ضرغام:ما أطردچ للشارع، لأن هذا مو من طبعي
ساره:شيخ فدوه
قاطعها وصاحني جن عرف انـا اسمعهم ويعرف سوالفي
ضرغام:يمامممه دخلي
دخلت انـا وهيه مسحت دموعها وانا وكفت وره وخليت أيدي ع ظهره
ضرغام:راح اروح أوصلها لبيت ناس أثق بيهم أو لمكان يحفظ كرامتها وتطلع من ذمتي أما بيتي اله حرمته وما أسمح لأحد يتجاوزها
من حركت گلبي حجيت وكتلها...
يمامة: انتييي شنهي حاسبه نفسچ جاوبينيييي شهل صلافه عندچ دخلتي بيتي تبجين، وتكولين دخيلة وأنـااا انكسر كلبي عليچ وأكلتي من خير بيتي وشربتي من ماي بيتي وبالنهاية صارت عينچ على رجلييييي ياصلفه
ضرغام:كـافي يمامه هسه كتلج راح اطلعها وراح اخابر ع الشيخ جابها
يمامه:الي يفشل إنچ فكرتي أصلًا إن ضرغام ممكن يلتفت إلچ كل عقلچ؟
طلع ضرغام وخابر ألشيخ
يمامه:ضرغام إذا يگول كلمة... ما يرجع بيها فـ يله عدلي عبايتچ طلعييييي
والنصيحة الوحيدة اللي أعطيچ ياها لا تمدين عينچ على شي الله كاتبه لغيرچ لأن بالنهاية ما راح يبقى بأيدچ غير الندم.
سارة: ماجان قصدي أخرب بيتچ ولاشي صدگي
يمامة: من گلتي (اتزوجني) شنو جان تفسيرها سلام عليكم مثلاا شنو ماسمعت انـا
يمامة: أريدچ تطلعين من هالغرفة وإنتي رافعة راسچ وتحفظين آخر ذرة كرامة باقية إلچ هذا رد الجميل لازم اسوي الچ
سارة:راح أعتذر للشيخ وصدكييي لو ما انتي جا هسه هوه متزوچ احسن منچ
بس طب ضرغام سكتت وكلها يلا الشيخ بالبـاب
وراحت وانـا ضليت بالديوان من العصبيه القهر
دخل ضرغام وانا ردت اطلع من الديوان وصاحلي
ضرغام:تعالي
يمامه: نعسانه اريد انام
ضرغام:تعالي كـلت
ضليت واكفه مارحت اجه عليه تقرب هوه
ضرغام:زعلانة عليه
يمامه:انت شتكول
ضرغام:أريد أسمع منچ
أعرف إن اللي صار مو سهل
قاطعته بسرعة
يمـامه:طبعا مو سهل
ارتفعت نبرة صوتي
انـا جبتها لهنا، وگلت هاي دخيله وانكسر كلبي عليها
ضربت إيدي على صدره وحجيت
وبالنهاية تطلع حاطه عينهااا ع زوجي ولو مو إنت وكفتها عند حدهاا يمكن جان هسه الوضع غير والله يعلم شسوت وياك
ضرغام:تدرين ليش وكفتها لأن كرامتچ من كرامتي وحرمة بيتي فوق كل اعتبار
يمامه:شكرا
ضرغام:اه عليمن
يمامه:لأنك اليوم رفعت راسي
ضرغام: رأسچ مرفوع قبل اليوم وبعد ومايوم انطي بيچ
بس كون كلبچ يحن عليه
يمامه:تعرف شكد تمنيت يوم من الأيام تدخل للبيت وتكلي: شلونچ بس ضرغام انـا ماغلطت بحقك انت غلطت بحقي انا بس حجيتلك الحقيقه وانت كرهتني
تعرف شكد تمنيت ذاك اليوم تكلي آنـا مصدگچ حتى لو بعدين تعاتبني بس أول شي صدگني إنـا بقيت أدور بعينك على ضرغام اللي أعرفه وما لگيته رغم كلها كالت لاتحجين ضرغام بس انا كتلهم ماكدر اضم عليه السر وهوه يحبني وانا احبه
ضرغام:تذكرين ذاك اليوم.
من خابرتيني كتيلي تعال أريد اكلك شي
والله أتذكره دقيقة بدقيقة
نزل رأسه وكمل
أتذكر شلون جنتي خايفه
وشلون إيدچ جانت ترجف من كضيتها
وأتذكر إنـا ما خليتچ حتى تكملين حجي وعصبت عليج
أول ما سمعـت اسم أبوي
تخبلت ما سمعت صوتچ بعد
جـنت أحبچ.
ضرغام:تذكرين ذاك اليوم.
من خابرتيني كتيلي تعال أريد اكلك شي
والله أتذكره دقيقة بدقيقة
نزل رأسه وكمل
أتذكر شلون جنتي خايفه
وشلون إيدچ جانت ترجف من كضيتها
وأتذكر إنـا ما خليتچ حتى تكملين حجي وعصبت عليج
أول ما سمعـت اسم أبوي
تخبلت ما سمعت صوتچ بعد
جـنت أحبچ.
"من قبل لا تصيرين زوجتي والله ياذنبي الوحيد
أعرف يمكن هسه أي اعتذار ما يمحي اللي صار بس صدكي من كتيلي أبوچ هو اللي كتل أبوي ماضل دين براسي
يمامه هاي علاقتنـا احنه وهيج تكضي انا خسرت ابوي وامي بسبب ابوچ لهذا السبب دوم راح نضل هيچ اله اذا قرنا نسامح
منـا ثاني يـوم سوينه ثوأب لـ أم ضرغام طبخت انـا الغده وانتضرت عمات ضرغام يجـن .
ضليت بالمطبخ وهنه بالمنور واسمعهن يحجـن واصلا ولا وحده ساعدتني بالمطبخ
العمه:والله هاي البنية ما تعجبني
كلش نقهرت من حچيها وانا بس اشتغل واسوي الاكل وحدي
ردت عليها ثانيه..
العمه:وكل ما نجي نلكاها تطلع وتنزل بكيفها هاي مو تربية بنات الشيوخ وجاي تسوي ثواب فوك ما ماتت بسببها حقيـره
بهاي الحجايه سمعت صوت ضرغام وراهن وسكتن
ضرغام: كملن ليش سكتن..
التفتن إله
العمة الأولى: لا يمه نحچي سوالف نسوان موش يمك
ضرغام: لا هذا مو سوالف نسوان هذا حچي على مرتي
العمة الثانية: إحنا أكبر منك ونخاف عليك
ضرغام: وأنا رجال أعرف أخاف على نفسي
العمة الثالثة: هاي مو من مستوانا والناس كلها تحچي وهسه بعين صلفه جاي تطبخ لـ امك
ضرغام: منو الناس؟ خلي يجون يكعدون جدامي ويحجون ع مرتي
ضرغام: شفتيها تغلط عمـه
ردت بـ لا
ضرغام: شفتيها تكسر حد من حدود بيتي
- لا
ضرغام: جـا على شنو هالحچي والكره
عمه الچبيره:بس مو عاجبتني وبسبها مات اخوي إيهابببب
ضرغام: إعجابج بيها مايهمني
بس احترامها يهمني
ردت عمته صغيره
العمه:يمه إحنا نخاف على سمعة العشيرة شيكولون اخذ بت گاتل
ضرغام: سمعة العشيرة عمرها ما تهزه وحدة شريفه
تعالت الاصوات وانا وكفت وره المنور اسمعهم واشوف رده الي
العمه: البنية سحرتك، كل ما نحچي كلمة تدافع عنها فوك مامكتول ابوك ياحقير
هنا تغيرت ملامحه
ضرغام: إنتي تعرفين شنو الفرق بيني وبين غيري
سكتت
غيري يسمع الحچي ويصدك.
أشر بإيده باتجاه باب المطبخ الي وكال وأنا أعرف المرة اللي بيتي أكثر من نفسي
يمامه لو جان بيها عيب.أول واحد يعرفه انـا بس لأن ما بيها عيب دورتوا عليها حتى تصنعونه اعرف سوالفچن
ضلن يحجن وحدهن
حجه ضرغام...
ضرغام:ومن هسه اللي أسمعها بيتي تجيب طاري مـرتي بكلمة تنقصها، لا تكليلي ابن أخوج لأن اللي يمس كرامة مـرتي ، يمس كرامتي كافي اقرن فاتحه ورحن واذا تعتبرهن طرده الباب موجود
حجه هيچ ضرغام وهنه سكـتن صعد فوك ضليت انا جوه وحدي لان ايـه ع وشك ولاده ماتكدر تجي يمي
كملت وتغدن وطول الاكل هنه ماطايقت يشوفن وچـهي
خلص ألغده شاف ألهن ضرغام سياره وراحن لبيتهن اشوفهن يتحسرن ع الغراض وعلى البيت بس مايكدرن يحجن أي شي
لحد ماشاف ضرغام الهن سياره
من تعبي ضليت نايمه بغرفه سكينه حسيت ع ضرغام اچه وباسني من راسي
وغطاني وراح
ضرغام:شنو أول مرة تشوفيني لو شنو
يمامه:لا بس جاي اشوف ملابسك اذا مكويات عدل لو لا قابل شعندي اباوع ع عيونك خضر طبعا لا
ضرغام:اليوم عدنا كعده شيوخ العشاير مجتمعين.
يمامه:أي
ضحك وكلي
ضرغام:هاخلصتي التفتيش
يمامه:شنـو
ضرغام:جا ليش من خمس دقايق عيونج ما فاركتني
يمامه:لا بس طالع هيبه تخوف
ضرغام: والله يعني خايفه مني انتي هسه
يمامه:مو أخاف بس أحس كل الناس من تشوفك تسكت
تقرب خطوه وهوه يعدل بشته
ضرغام:وانتي
يمامه:حته انُا اسكت
ضرغام لا غلط لأن إنتي الوحيدة المسموح إلها تحچي حتى لو كل الشيوخ ساكتين
يمامه:الله يعين الشيوخ عليك
ضرغام:الله يعينهم لأن شيخهم اليوم مستعجل يرجع لمرته
أتصلت ع ايه ورنـا اثنيهن وسلمت ع مسره هم
وبعدين ضلينا نحجي
رنـا:هاااااااا شخبارج زوجة الشيخ
ايـه:ضرغام وينه جا
يمامة:راح للديوان
سكتن ثانيتين
وبساع رنا انفجرت ضحك
رنـا:جا روحي بدلي لبسي شي بي خير
يمامه:چا شبيها دشداشتي وكعكه شعري
ايه دخلت بالنص وهي تضحك.
إيّـه:لأن أخويه من يرجع من الديوان تعبان خلي أول شي يشوفه يونس القلب
يمامه:إنتن استحين شوي شنو هل خفه عدجن
رنـا:والله مستحيات بس نعرف ضرغام.
يمامة:شنو تعرفن يمه شكايلچ
إيه ضحكـت
إيّه:المقسوم بويـه نريد منچ طفل هيه ليله بالعمر ولج يمامه البارحه حلمت بيج ميته
يمامه:يااااا
ايـه:اي والله واخوي يبجي عليچ شوفي شلون انا احلامي تتحق ترا راح تموتين وماحاضنه اخوي بحـب
وانا احجي وياهن اتصل ضـرغام
يمامه:راح اسده ضرغام اتصل عليه
رنـاهههههههه اي اي اييي
سديت تلفون بوجهن وجاوبت ضرغام
ضرغام: السلام عليكم مرتي
يمامه:ها ضرغام بيك شي
ضرغام:ويامن تحجين جنتي
يمامه:وي بنـات بس ليش اتصلت اكو شي
ضرغام:لا والله شتاقيت اسمع صوتج
يمامة: إنت هسه بالديوان
ضرغام:أي
يمامة:وشيوخ العشاير
ضرغام: ينتظروني
ضحكت...
يمامة: يعني مخلي الشيوخ ينتظرون حتى تحچي وياي
رد بكل هدوء وثقة:
ضرغام:أي
يمامة: راح يكولون الشيخ تغيّر
ضرغام:خلي يكولون
وبنفس اللحظة
طلع واحد من الشيوخ عرفته من صوته الشيخ يوسف كلش يحب ضرغام يعتبره ابنه مو غريب
الشيخ يوسف:شيخ ضرغام الظاهر المكالمة أهم من اجتماعنا ولك
يمامة: يلا روح لا يصير الديوان كله يسمع سوالفنا
ضرغام:مو غريب هذا يوسف لاتخافين مثل أبوي
يمامه: يله محروس بعين الرحمن
ضرغام:هسه اكدر ادير الديوان بعد هاي الحچايه .
سديت الخط وضل بالي حجي البنـات
كمت بدلت ولبست شلحه وسويت العشه وكلت اليوم اريد اصـالح كلشي بيني وبين ضرغـام .
منا لليل اجه ضرغام شافني ضل بس يبتسم وانـا خجلانه من نفسي.
تعشينا سـوه وخلصنا واحنه ساكتين مايريد يخجلني
صعد فوك وصعدت وره
ولبست ملابسي مال النوم ولفيت روحي بطانيه واحاول انـام واسب البنات بداخـلي
همس بذاني
ضرغام:طـالعه حلوه ليش ضامه نفسچ عني
يمامـه:كول والله مرتين
ضرغام: والله والله حلوه وانـا عطشان الچ اليوم رجعت من الديوان وتعب اليوم كله راح أول ما شفتج هيچ
حضني وانـا هم بادلته الحـضن
واخذني بين أحضانه اول مـره
بكل حب وهذا ضرغام ألي حلمت بي ويهمس باذني ويكول
ضرغام:حابج انا بويه احبچ
ضليت ابوس بي ونسيت كل المستحه والخجل بس أريد اوكف الزمن بهاي لحظه ضليت شابكته ونايمه ع ايده
ضرغام: لحظه عندي أغنيه الچ تفيد وضعنا هسه حضني حيل وسمعنا اغنيه وهوه يغني وياها
ضرغام:حابج انا بويه احبچ
ضليت ابوس بي ونسيت كل المستحه والخجل بس أريد اوكف الزمن بهاي لحظه ضليت شابكته ونايمه ع ايده
ضرغام: لحظه عندي أغنيه الچ تفيد وضعنا هسه حضني حيل وسمعنا اغنيه وهوه يغني وياها
ياسنـه وكفـي الساعـه بـس "
"من حضنـه اريـد اخـذ نفـس "
"يـاربـي باجـر مايجـي "
"ياربـي ماتطـلع شمـس "
اول مره فرحت من كل كـلبي وحضنته حيل وضليت ابوس بخدوده
ضرغام: يبووو انترست حمـره
وبس حجينه اتصـلو علينه
ياسنـه وكفـي الساعـه بـس "
"من حضنـه اريـد اخـذ نفـس "
"يـاربـي باجـر مايجـي "
"ياربـي ماتطـلع شمـس "
فتحت تلفوني سالم جاي يتصل عليه
ياريتني مافتحت التلفون هذيج ساعه ياريتني ميته ولاعايشه راح أعيشه والي سمعته من أخوي
وخبر الي سمعته
اول مره فرحت من كل كـلبي وحضنته حيل وضليت ابوس بخدوده
ضرغام: يبووو انترست حمـره
وبس حجينه اتصـلو علينه
شنو الخبر الي اجاها من اخوها بعد مافرحت شويه ورجعت الها حياه
لازم ترجع للوجع مره ثانيه ...
