رواية اتجوزت المرحوم الفصل الثاني 2 والاخير بقلم هويدا زغلول

كارما نزلت من البيت وفارس بسرعة مسك تليفونه واتصل برحمة

فارس

اسمعي كويس يا رحمه كارما نازلة من البيت دلوقتي وجاية عندك وهي حالتها النفسية وحشة قوي خلي بالك من كلامك معاها بقا اوعي تغلطي قدامها بأي حاجة انتي سامعة 

رحمه

وهي جايه لي يا فارس بقا انا أصلا والله كل ما أشوفها قدامي بحس اني عايزة اخنقها واخلص منها ومش قادرة أستحمل فكرة إنها عايشة معاك تحت سقف واحد وهي فاكرة إنها هي اللي مراتك ومتعرفش إن أنا اللي مراتك الحقيقية وإن اللي بينكم كله مجرد تمثيلية وبس

فارس

بقولك إيه اهدي كده ومتخليش غيرتك تضيع كل اللي خططنا له إحنا خلاص قربنا نوصل للي إحنا عايزينه ومش هينفع نغلط دلوقتي قدامها انتي عارفه انا لسه عايز اعمل إيه 

رحمه

أنا صبرت كتير يا فارس وكل يوم لما بشوفك وانت ماسك إيدها وبتتكلم معاها وتضحك لها وأنا واقفة أتفرج كأني ماليش أي حق فيك والله الموضوع بقى صعب عليا قوي

فارس

عارف والله ومقدر كل ده بس افتكري إحنا بنعمل ده ليه أنا مش بعمل كده عشانها ولا عمري حبيتها أنا كل اللي في دماغي إني أخد حقي وحق أبويا من أمها وجدتها بعد اللي عملوه فينا زمان واللي فاكرين إنه اتدفن مع السنين

رحمه

خلاص يا حبيبي وأنا معاك للنهاية يا فارس بس أوعى قلبك يلين ناحيتها لأنها طيبة وممكن تأثر عليك مع الوقت انا خايفه من كده 

فارس

مستحيل يحصل اللي في بالك ده أنا عمري ما هبص لغيرك انتي مراتي وحبيبتي وكل اللي بيحصل ده مجرد خطوة من الخطة اللي بنعملها وبعد ما الحقيقة كلها تظهر هرميها برا حياتي وكمان هخلي أمها وجدتها يتحاسبوا بالقانون على كل اللي عملوه

رحمه

ربنا يتممها على خير بقى ويجيب حقكم خلينا نخلص 

فارس

طيب يلا اقفلي دلوقتي لأنها أكيد وصلت عندك وخليكي طبيعية معاها 

رحمه

ماشي متقلقش

وقفلت المكالمة وفي نفس اللحظة سمعت خبط على الباب وراحت فتحت

رحمه

كارما حبيبتي يا ساتر في ايه مالك يا بنتي شكلك تعبان قوي كده ليه تعالي اتفضلي ادخلي جوه خلينا نتكلم 

كارما

والله يا رحمه أنا مش قادرة أستحمل اللي بيحصل معايا وحاسة إني هتجنن

رحمه

اقعدي بس الأول واهدي كده وبعدين احكيلي براحتك ايه اللي حصل 

كارما

أنا كل يوم أصحى على لغز جديد مرة ماما تعترض على شغلي ومرة على حياتي ولما اتجوزت فارس بدل ما يفرحولي طلبوا مني أطلق منه من غير حتى ما يقولولي السبب وأنا حاسة إنهم مخبيين عني حاجة كبيرة قوي ومعرفش ايه هي 

رحمه

طب يمكن يكون عندهم سبب وخايفين يقولوه دلوقتي يا كارما 

كارما

ولو عندهم سبب ليه ميقولوش الحقيقة وخلاص لاني أنا تعبت من كتر التفكير بقيت حاسة إن حياتي كلها كدب وإن في حاجة مستخبية عني من سنين

رحمه

حاولي تهدي ومتاخديش أي قرار بسرعة لأن ساعات الحقيقة لما بتظهر بتكون أصعب من اللي إحنا متخيلينه

كارما

أنا مش عايزة غير الحقيقة حتى لو كانت هتوجعني لأن الوجع اللي أنا فيه دلوقتي أصعب من أي حقيقة ممكن أعرفها

رحمه

خلاص اهدي انتي كده وربنا هيبينها في الوقت المناسب أهم حاجة متخليش عصبيتك تخليكي تخسري كل اللي حواليكي 

كارما

فعلا أنا والله مش قادرة حتى أبص في وش أمي لأنها كل ما أسألها تقولي اطلقي من فارس وبس وكأنها خايفة تقول كلمة تانيه 

رحمه

يبقى اصبري شوية وخلي الأيام هي اللي تكشفلك كل حاجة لأن الاستعجال عمره ما كان حل

كارما

أنا جيتلك النهارده عشان معنديش حد غيرك أتكلم معاه وأحس إنه بيسمعني من غير ما يزهق مني 

رحمه

وأنا هفضل جنبك مهما حصل ولو احتجتي تتكلمي في أي وقت هتلاقيني سامعاكي للآخر ومش هسيبك لوحدك أبدا

كارما

شكرا يا رحمه والله وجودك جنبي هو الحاجة الوحيدة اللي مخلية عندي قدرة أكمل وسط كل الغموض اللي أنا عايشه فيه دلوقتي ده 

وعند فارس قعد مع نفسه وافتكر اللي حصل زمان لما كان صغير وعنده ١١ سنه وكانت أم كارما متجوزة ابو فارس وكان تعبان وراقد في السرير 

#فلاش بااااااك 

فارس 

بابا يا بابا رد عليا هو ليه مش بيرد عليا يا طنط شادية هو تعبان اوي كده 

شادية 

اهدي يا فارس هو أن شاء الله هيبقا كويس اطمن انت بس يا حبيبي ويلا روح علي اوضتك عشان ترتاح وتنام 

فارس 

انا عايز افضل جنب بابا مش عايز اسيبه ابدا أرجوكي خليني جنبه مش عايز ابعد عنه لحد لما يفوق 

شادية 

وبعدين معاك يا فارس اسمع الكلام مش انت شاطر وبتسمع الكلام يلا روح علي اوضتك واقعد فيها 

وفعلا دخل اوضتة وام شاديه قالت لها 

الام 

احنا هنعمل ايه يا شاديه الدكتور قال ان محسن مش هيقوم منها واحتمال ان هو يروح طيب والشركه بتاعته والفيلا هيروحوا لابنه كده 

شادية 

طيب ما انا مش عارفة اعمل ايه يا ماما انا اكتشفت ان محسن كاتب كل حاجة باسم إبنه 

الأم 

يبقا لازم تتصرفي في الموضوع ده ونخلص الحوار ده خالص انا هخلي المحامي يعملنا الورق واحنا بقا نخلص 

شادية 

ازاي يعني هنعمل ايه 

الأم 

هنمضية وهو راقد كده ونبصمه علي كل حاجة وتتنقل ليكي أنتي او نعمل توكيل بتاريخ قديم وبرضو تمضيه عليه 

وفعلا عملوا كده وفارس كان شايف كل حاجة وبعدها ابوه مات وشاف شاديه وهي بتمضي ابوه وهو ميت وقال وهو بيزعق 

فارس

انتو عملتوا ايه في بابا يا مجرمه انتي وهي انا هاروح ابلغ عنكم وقول علي كل اللي شوفته 

شادية بارتباك 

اهدي يا فارس اهدي يا حبيبي هو احنا عملنا ايه يعني متعليش صوتك احنا مش علمنا حاجه خالص ابوك هو اللي اتوفي لوحده 

فارس 

انا عارف ان هو اتوفي لوحده بس انتو مضتوه وهو ميت صح انا لازم افضحكم واقول للناس كلها 

ولسه هيعلي صوته جات أم شاديه من وراه وراحت ضرباه علي دماغه وشاديه اتصدمت 

شاديه 

انتي عملتي ايه يا ماما معقوله قتلتيه ليه كده بس تعملي كده الواد مات 

الأم 

هوووش اسكتي خالص احنا هنجيب له الدكتور عشان يشوف ويكشف عليه وبعدها يقرر ان احنا ندفنه ونخلص منه هو كمان مع ابوه 

واتصلت بدكتور معرفتهم وطلع لهم تصريح بالدفن ان الولد جات له نوبه سكر وراح فيها ودفنوه فعلا وبعدها فضل فارس يعافر لحد لما التربي خرجه وشاديه وامها سافروا أميركا وقالت لامها 

شادية 

انا قلبي مش مطاوعني بعد اللي عملناه في فارس يا ماما هو كده خلاص 

الأم 

جرا ايه يا بت انتي في ايه ادينا خلصنا منه بدال ما كان فضحنا واخد كل حاجه مننا 

شادية 

علي رأيك بس الحمد لله ان انا بعت كل حاجة وجينا علي هنا 

الام 

ايوه بقا انتي شوفي حياتك وعيشي بقا يا شاديه يمكن ربنا يكرمك بابن الحلال اللي يعوضك عن كل اللي شوفتيه 

شادية 

ياريت يا ماما والله 

وبعدها عدت السنين وشاديه انجوزت واحد مصري وخلفت منه كارما وعند فارس كبر وبقا شاب وسكن في الشقه اللي كان ابوه ساكن فيها زمان قدام شقة ام شاديه ولما كبر اتعرف علي رحمه 

رحمة

يعني دي كل الحكايه طب دي سهله اوي يا حبيبي احنا نقدر نوصل للست دي عن طريق واحد قريبي شغال في أميركا وهو اللي يجيب لنا كل المعلومات عنها 

فارس 

انتي بتتكلمي بجد يا رحمة انا مش عارف اقولك ايه يا حبيبتي والله انا كنت عارف انه محدش هيقف جنبي غيرك 

رحمة 

يا حبيبي انا كلي ليك 

وبعدها عرفوا كل حاجه عن شاديه وقالت لفارس 

رحمه

شادية اتحوزت واحد مصري في امريكا وخلفت منه بنت اسمها كارما والبنت دي شابه دلوقتي وبتدور علي اي فرصة عشان تنزل مصر نفسها تنزل مصر أوي 

فارس 

حلو اوي الكلام ده يبقا انتي تكلميها وتخليها تقدم السي في بتاعها في الشركة عندنا ومن هنا بقا انا هبدا العر عليها 

رحمة 

ااه يعني تخليها تحبك بقا وتاخد عليك 

فارس 

وهتجوزها كمان يا رحمة بس طبعا انتي اللي في القلب انا كل اللي هعمله اني انتقم منهم في بنتهم 

رحمة 

وانت بقا فاكر اني هسمح لك يا فارس 

فارس 

معلش عشان خاطري ساعديني وخليكي جنبي 

وفعلا رحمة بعتت لكارما واتصاحبت عليها وخلاتها ترجع مصر وتشتغل 

#باااااااك 

وبعدها تاني يوم عند كارما راحت لجدتها المستشفى وقالت لأمها 

كارما 

ننا عامله ايه النهارده يا ماما يارب تكون بخير 

شادية 

انتي جايه بتسالي عنها ليه مش انتي السبب في اللي هي فيه ده ولا ايه جايه بتسالي عنها ليه يا كارما 

كارما 

انا السبب في ايه بس عرفيني انا السبب في ايه وايه اللي فارس عمله عشان خاطر عايزني اسيبه 

شادية 

هو انتي لسه بتسالي بعد كل اللي حصل ده وبعدين هو انتي لسه مطلقتيش منه أسمعي يا كارما انتي لازم تتطلقي من اللي اسمه فارس ده بأي شكل انتي سامعة ولا لأ

كارما 

ماشي يبقا تحكي لي بقا انتو ليه عايزني اطلق منه وليه مصممين كده ليه فهموني ما هو انا مش هطلق منه غير لما أعرف كل حاجه وايه اللي مخليكم تعملوا كده 

وفي الوقت ده جدتها صحيت من النوم وقالت لها 

الجده 

عشان فارس ده ميت يا كارما جوزك ميت وانتي لازم تطلقي منه عشان كده 

كارما بصدمة 

انتي بتقولي ايه يا ننا يعني ايه ميت فهميني تقصدي ايه بالكلام ده اللي انا اسمعه ده 

راحت مطلعه ورقة من الشنطه بتاعتها 

الجده 

با بنتي انتي مجنونه بقولك جوزك طلع ميت من 25 سنه انتي ليه مش راضيه تصدقي كلامي 

كارما 

وانا مس هسيبه يعني مش هسيبه يا ننا حتي لو قولتي اي انا بحبه ومش هقدر اعيش من غيرو وبصراحه بقي انا مش هقدر اصدق كلامك 

الجده 

عشان عارفه ان دماغك ناشفه ومش بتصدقي حد جبتلك شهاده الوفاه معايا خدي اهي معاكي اقري بنفسك 

مسكت كارما الورقة وايديها بترتعش ومجرد لما وقعت عينيها على الاسم اتصدمت 

كارما

دى فعلا شهادة وفاة باسم فارس طيب ازاي يعني يكون في شهادة وفاة فارس لا لا أكيد في حاجة غلط مستحيل مستحيل الكلام ده أمال أنا عايشة مع مين أمال اللي معايا في البيت ده يبقى مين هو أنا عايشة مع شبح ولا إيه حرام عليكم حد يفهمني

شادية 

احنا منعرفش بس كل اللي نعرفه انك لازم تطلقي منه في أسرع وقت لاني مش هسمح انك تفضلي مع الشخص اللي انتي عايشه معاه ده 

كارما

لا لا أنا مش فاهمة أي حاجة إزاي يكون ميت وأنا عايشة معاه كل يوم وبكلمه وبشوفه قدامي وبياكل ويشرب وبيشتغل زي أي بني آدم حرام عليكم أنا هتجنن خلاص انا عايزة أعرف كل حاجه 

شادية 

يا بنتي فارس مات من زمان والورقة دي طلعت وقتها بشكل رسمي وكل الناس كانت عارفة إنه مات ودي شهادة الوفاة في ايدك اهي

كارما

يمكن يكون في غلطة يمكن يكون تشابه أسماء يمكن يكون أي حاجة غير اللي بتقوليه عليها دي يا ماما 

شادية 

مفيش أي غلطة دي شهادة وفاة فارس نفسه وبكل بياناته وإحنا مش هنكدب عليكي في حاجة زي دي

الجدة

اسمعي كلام أمك يا بنتي وإوعي تكملي مع الشخص ده دقيقة واحدة كمان لأن إحنا مش هنسيبك تعيشي مع واحد زي ده كده 

كارما

طب يمكن يكون واحد منتحل شخصيته ويمكن في تفسير لكل اللي بيحصل انا لازم  أتأكد بنفسي الأول

الأم

يبقى روحي واسأليه وشوفي هيقولك إيه بس أوعي تصدقي أي كلمة بسهولة لأننا خايفين عليكي أكتر من نفسنا 

وبعدها سابتهم وخرجت من المستشفى وهي ماسكة شهادة الوفاة ولما وصلت البيت كان فارس قاعد واول لما شافها 

فارس

في ايه مالك يا كارما وماله وشك مخطوف كده ليه حصل إيه قولي لي 

كارما

إيه الورقة دي يا فارس قولي إيه حكاية الورقة دي بالظبط أنا عايزة أفهم كل دلوقتي واسمع منك واعرف كل حاجه 

فارس

ورقة إيه دي يا كارما 

كارما ادتله شهادة الوفاة وهو أخدها وبص فيها للحظات وبعدين اتنهد بهدوء

فارس

آه الورقة دي فعلا أنا عارفها كويس بس دي كا نت فين مع مامتك مش كده برضو 

كارما

يعني إيه عارفها كويس دي شهادة وفاتك يا فارس انت عارف يعني دي شهادة وفاتك 

فارس

أيوه عارف وحصل فعلا وأنا كان عندي وقتها 11 سنة والناس كلها افتكرت إني مت واتدفنت فعلا بس انا خرجت تاني لما كانت عندي كومة سكر وانا صغير 

كارما

إيه اللي إنت بتقوله ده يعني إيه اتدفنت وإنت عايش انا مش فاهمه حاجه طيب فهمني 

فارس

لا مش حكي لك ومش هقول حاجة غير ان هي دي الحقيقة اللي حصلت وأنا فعلا اتدفنت وهم كانوا فاكريني ميت لكن ربنا كتبلي عمر جديد ورجعت للحياة 

كارما

طب احكيلي كل حاجة حصلت معاك يا فارس لاني أنا كده لازم أعرف كل الحقيقة دلوقتي حالا 

فارس

معلش يا كارما مش هينفع أحكيلك دلوقتي حاجة بس كل اللي أقدر أقولهولك إن اللي قولتهولك ده هو اللي حصل فعلا

كارما

بس أنا كده مش فاهمة حاجة إزاي أصدق الكلام ده وإزاي شهادة وفاتك موجوده وانت عايش 

فارس

عشان في حاجات حصلت زمان أكبر من إن أشرحها دلوقتي انا مش هينفع اتكلم في حاجة وبعدين اهلك هما اللي حبوا يحتفظوا بشهادتة وفاتي هما حرين 

كارما

طب هما ليه عايزين يطلقوني منك وليه أول لما شافوك اتصدموا وننا ودخلت المستشفى وتعبت 

فارس

معرفش اسأليهم هما لأن الحقيقة عندهم هما لكن انا معنديش حاجة أقولها دلوقتي 

كارما

يعني إيه اسأليهم هما إنت تقول معرفش وهما يقولوا إنت ميت وأنا أفضل تايهة بينكم حرام عليكم بقا أنا تعبت ومبقتش عارفة أصدق مين فيكم ولا اتكلم مع مين

فارس

لما تقعدي مع أمك وجدتك وتسمعي منهم كل حاجة بنفسك وقتها هتعرفي الحقيقة كلها 

كارما

وأنت مش هتقولي حاجة 

فارس

لا مش دلوقتي لما تعرفي كل حاجه منهم وتيجي تساليني ساعتها هقدر اجاوبك 

وبعدها سابها فارس وخرج من الشقة وهي فضلت باصة لشهادة الوفاة ومش قادرة تستوعب اللي سمعته

وفي نفس الوقت كانت الأم والجدة خارجين من المستشفى ووصلوا العمارة وأول لما دخلوا شافوا فارس نازل على السلم 

شادية

استنى عندك إنت رايح فين وإيه اللي إنت عايزه من بنتي بعد كل اللي حصل انت لازم تطلقها 

فارس وقف لحظة وبص لشادية بنظرة طويلة وبعدها قال

فارس 

انتي ليكي عين تتكلمي يااااه زي ما انتي متغيرتيش يا مرات ابويا ياريت تبقي تعرفي بنتك كل حاجه لانكم عايزين تجننوها بسبب كلامكم 

شادية 

انا بنتي هعرفها كل حاجة متستعجلش يا فارس 

فارس 

ايوه عرفوها انكم مجرمين وعملتوا ايه في ابويا عرفوها الحقيقة كلها بس اعملي حسابك انا مش هسيب حقي بالقانون ماشي واللي انتو عملتوه فيا زمان انتو اللي هتتحاسبوا عليه 

وبعدها سابهم ومشي وشاديه قالت وهو ماشي 

شادية

إنت فاكر إني هخاف منك يا فارس طيب والله ما هسمحلك انك تدمر حياة بنتي مهما حصل ولازم تطلقها 

لكن فارس فضل ماشي من غير ما يبص لها  والجدة مسكت إيد بنتها وقالت بصوت مليان خوف

الجدة

احنا هنعمل ايه يا شاديه الوقت خلاص قرب وكل الأسرار اللي دفناها سنين طويلة هتظهر ومش عارفين ساعتها مين فينا هيقدر يستحمل الحقيقة 

في آخر الليل كان فارس واقف في بلكونة شقته وطلع موبايله واتصل برحمة 

رحمه

أخيرا اتصلت بيا والله انت وحشتني قوي يا فارس وكل يوم بيعدي وأنا بعيدة عنك بحس إنها سنة كاملة وانا مبقتش قادرة أستحمل الوضع ده أكتر من كده 

فارس

خلاص يا حبيبتي هانت اصبري شوية كمان وأنا أوعدك إن كل اللي احنا فيه ده هيخلص قريب جدا وإن شاء الله هنرجع لبعض ومحدش هيقدر يفرقنا 

رحمه

أصبر لحد إمتى يا فارس أنا كل يوم بشوفك مع كارما وأنا بمثل إني صاحبتها عادي وأنا قلبي بيتقطع من جوايا بسبب غيرتي عليك 

فارس

أنا عارف قد إيه الموضوع صعب عليكي لكن صدقيني أنا ماعملتش كل ده إلا علشان اوصل للي انا عايزة وخلاص هانت وكل حاجه قربت تنتهي وهطلق كارما ونرجع نعيش مع بعض من تاني متقلقيش 

رحمه

وأنا واثقة فيك يا حبيبي وعارفة إنك عمرك ما هتسيبني وربنا يخليك ليا وما يحرمنيش منك أبدا يا فارس 

فارس

وأنا ماليش غيرك أصلا وانتي عارفة مكانتك عندي كويس وكل اللي بطلبه منك دلوقتي إنك تكملي صبر شوية كمان وانا هرجع لك هرجع لك 

رحمه

حاضر يا حبيبي ربنا يعدي الأيام دي على خير يارب 

فارس

يلا دلوقتي اقفلي وارتاحي وإن شاء الله بكرة أكلمك تصبحي علي خير 

رحمه

ماشي يا حبيبي وانت من أهل الخير

وقفل فارس المكالمة وهو ميعرفش إن كارما كانت واقفه وراه وسمعت كل كلامة مع رحمه كله وكانت حاسه ان الدنيا بتلف بيها وقالت لنفسها 

كارما بدموع 

يعني انت كمان بتخوني مع رحمة يا فارس وبتقولها يا حبيبتي وهنرجع لبعض قريب أنا خلاص مبقتش فاهمة إيه اللي بيحصل وهو في إيه بين فارس ورحمة كمان انا حاسه اني في دوامه ولازم اعرف كل حاجة انا تعبت أوي 

كارما علي السرير وعملت نفسها نايمه ومن غير ما فارس يحس بيها وفضلت طول الليل صاحية ومش قادرة تنام وكل شوية تفتكر كلامه مع رحمه وقررت إنها تروح لحازم والصبح نزلت كارما وراحت القسم وكان حازم قاعد علي مكتبه وأول لما شافها ابتسم

حازم

أهلا وسهلا ده ايه النور ده يا مدام كارما ده القسم كله نور والله هو انتي لسه فاكراني بقا ولا إيه 

كارما

طبعا هو انت هتتنسي بسهولة يا حازم بيه وبعدين انت بتكلمني كده بتتريق يعني ولا ايه اصل حاسه كده بنبرة تريقة في كلامك 

حازم

لا ابدا وهو انا هتريق ليه بس انتي دلوقتي واحدة متجوزة وخلاص يعني هااا خير شكلك جاية في موضوع مهم صح 

كارما

لا بس استني بس وقبل أي حاجة هو في إيه انت بتكلمني بطريقة غريبة ليه كده 

حازم

وأنا بكلمك إزاي يعني ما انا بكلمك عادي وانتي قولتي اني بتريق بس انا مش بتريق 

كارما

بس انا حاساك متغير معايا في ايه يا حازم بيه 

حازم

مفيش حاجة يا كارما انا بصراحه مش هلف وادور انا كنت حاسس انه فيه إعجاب من ناحيتي وكنت ناوي أقرب منك أكتر لكن انتي اخترتي فارس وأنا احترمت قرارك وخلاص عادي 

كارما

أنا مكنتش أعرف إنك كنت بتفكر بالشكل ده وأرجوك متفهمش إني جيت النهارده عشان نتكلم في اللي فات 

حازم

ولا يهمك قوليلي بقا جاية ليه خير في معامي مشكله ولا حاجة 

كارما

أنا جاية لك بسبب فارس يا حازم في حاجة غلط وانت لازم تساعدني 

حازم 

خير يا كازما في ايه اللي حصل منه احكي لي ولو كان مزعلك انا هجيب لك حقك منه 

وبعدها كارما حكت له كل اللي حصل معاها وأن أمها وجدتها رافضين يقولوها في إيه وبعد ما خلصت كلامها فضل حازم ساكت شوية وهو بيفكر

حازم

هو بصراحة اللي حكتيه ده غريب جدا وفيه تناقضات كتير ولو فعلا سمعتي مكالمة بين فارس ورحمة بكلامهم ده يبقى كده واضح جدا إنه في أسرار كتيرة مستخبية عنك

كارما

طيب والعمل ايه يا حازم لاني أنا تعبت ومبقتش عارفة أصدق مين ولا أعمل إيه في اللي انا عايشه فيه ده 

حازم

أسمعي يا كارما انتي من الأفضل دلوقتي إنك متواجهيش حد ولا تتسرعي في أي قرار لأن أي مواجهة دلوقتي ممكن تخليهم يفضلوا مخبين الحقيقة انتي هتفضلي طبيعيه وعادي معاهم 

كارما

طب أعمل إيه أنا لازم أعرف الحقيقة واعرف في ايه بجد 

حازم

أسمعي انا عندي حل يا كارما عشان تعرفي كل حاجه بتحصل حواليكي انا هخليكي تسمعي كل كلام وكل محادثه بين رحمة وبين فارس وكمان اكيد هو هيكلم مامتك بعد ما عرف انها ورتك شهادة وفاته اللي بتقولي عليها دي 

كارما

بجد طيب ازاى يا حازم ارجوك قولي اعمل ايه وانا معاك في اي حاجة 

حازم

اسمعي انا هديكي جهاز تسنط هو جهاز صغير خالص بس خلي بالك حافظي عليه لأنه عهده الجهاز ده انت هتحطيه عندك في شقتك ومن هنا هنقدر نعرف جوزك بيكلم مين وبيقول ايه 

كارما 

خلاص انا هعمل اللي انت قولت لي عليه وهاروح احط الجهاز ده في الشقه وأعرف ايه اللي بيحصل بين رحمه وفارس وكمان موضوع شهادة الوفاة 

حازم 

وانا هاكون علي تواصل معاكي وعايزك تبقي تطمنيني عليكي يا كارما ممكن 

كارما 

حاضر يا حازم عن اذنك انا همشي بقا عشان متأخرش اكتر من كده 

ومشيت كارما ورجعت البيت وفارس قالها 

فارس

انتي كنتي فين يا كارما علي الصبح كده وليه نزلتي من غير ما تصحيني وبعدين ده النهارده الجمعه وانا قولت ان مفيش شغل اومال روحتي فين 

كارما 

ابدا اصل انا لقيت في حاجات ناقصه في البيت قولت انزل اشتريها من السوبر ماركت ثانيه واحده وهعملك الفطار 

فارس 

لا انا مش عايز افطر انا هنزل اصلي الجمعه في الجامع اللي جنب البيت تحت وبعدين لما ارجع نبقي نفطر سوا 

كارما 

طيب انا هاروح شقة ماما اطمن علي جدتي علي بال ما ترجع 

ونزل فارس وهي حطت الجهاز اللي حازم اداها لها وراحت شقة جدتها 

الجده 

اهلا يا كارما خير انتي جايه هنا ليه 

كارما 

انتي مش عايزة تشوفيني يا ننا ولا ايه انا مش عارفة انتو ليه بقيتوا بتعملوا معايا كده في ايه بالظبط 

شادية 

هو انتي كل شويه تفضلي تقولي هو في ايه بالظبط في انك انتي لازم تطلقي من اللي اسمه فارس عشان ترجعي معانا امريكا لان احنا لازم نسافر في اقرب وقت 

كارما 

بس انا مش عايزة اسافر معاكم روحوا انتو مع نفسكم 

شادية 

بقيتي متمردة ومش عايزة تجبيها لبر خالص انا مبقتش عارفه اعمل معاكي ايه ابوكي الله يرحمه لو كان عايش مكنش سمح لاي حاجه من دي تحصل وانا فعلاً كنت غلطانه لما سبتك تيجي مصر 

كارما 

ارجوكي يا ماما بطلي كلامك ده انا تعبت ياناس تعبت حرام كده كفايه 

وانهارت من العياط وخرجت من عندهم وراحت شقتها 

الجده 

انا مش عارفة اخرتها ايه في اللي بنعمله ده يا شادية الواد ده لو فتكر كل اللي حصل زمان وقالها بنتك مش هتسامحنا طول عمرنا وكمان كده هنروح في داهيه 

شادية 

نروح في داهيه بس بنتي تطلق من الواد ده انتي شوفتي وهو بيقول علينا مجرمين انا لا يمكن اسمح له يكمل معاها لاني واثقه ان هو مش بيحبها وخايفه عليها ان هو يعمل فيها حاجة 

الجده 

خلاص يبقا تستني لحد لما هي متبقاش موجودة وروحي اتكلمي معاه وشوفي اخرتها معاه إيه 

وبعدها تاني يوم كارما صحيت وراحت الشركة لشغلها وهي موصله الجهاز بتليفونها وفعلا شاديه راحت لفارس وقالها 

فارس 

عايزة مني ايه يا مرات ابويا ايه اللي جابك هنا ولا انتي عرفتي ان كارما نزلت عشان كده حايه لي تتفاوضي معايا 

شادية 

انت عايز من بنتي ايه يا فارس لو انت عايز تنتقم يبقا تنتقم مني انا وتسيب بنتي في حالها 

فارس 

ازاي الكلام ده انا لازم اوجع قلبك عليها زي كا انتي وجعتي قلبي السنين اللي فاتت دي كلها هو انتي فاكراني ناسي كل اللي عملتيه انتي وامك عشان الفلوس بصمتي ابويا وهو ميت على كل حاجة ودفنتوني بالحيا وكنتو فاكرين انكم هتفلتوا من العقاب ده انا لو كنت مت ربنا مكانش هيسيبكم 

شادية بتعيط 

انا مستعد اعمل اي حاجة في مقابل انك تطلق بنتي وتبعد عنها وتسيبها في حالها 

فارس 

ازاي وانتقامي منكم انتقمه من مين ده لا انتي ولا امك هتستحملوا انكم تقعدوا في قبر مقفول عليكم ليله كامله 

شادية 

يعني ايه الكلام ده يا فارس انت قصدك إيه 

فارس 

قصدي ان انا لازم ادوقكم من نفس الكاس اللي انا شربته وادفن بنتكم حيه عشان تعرفوا ان الله حق 

شادية

انا مستعدة أرجع لك كل حاجة يا فارس بس بنتي لأ 

فارس 

وهتعرفي ترجعي عمري اللي راح وانا بتزلل لده ولده عشان يشغلوني والمرمطه اللي عشتها لا يا مرات وفري لنفسك الكلام ده 

شادية 

يعني كده مفيش فايدة يا فارس طيب عن انا ماشيه 

وسابته ومشيت وكل الكلام كانت كارما بتسمعه هي حازم وانهارت من العياط 

كارما 

انا مش مصدقه كل اللي انا سمعته ده يا حازم بقا امي وجدتي عملوا كده في فارس طيب ليه حرام عليهم 

حازم 

اهدي يا كارما من فضلك بس عشام كده في جريمة حصلت وامك هتتحاسب عليها هي وجدتك 

كارما 

يعني ايه يا حازم دي امي وجدتي وانا لا يمكن اسيبهم يتأذو أبدا 

حازم 

خلاص يبقا الحل الوحيد ان فارس يرجع له كل حاجة هما خدوها منه وساعتها لو هو اتنازل يبقا كده الموضوع أنتهي 

كارما 

يعني انا بالجهاز ده سلمت امي وجدتي صح 

حازم 

لو كنتي خايفه مني يا كارما فانا احب اطمنك اني مش هعمل اي حاجة ولا هاخد اي إجراء قانوني من قبل ما فارس ده يجي ويعمل فيهم بلاغ غير كده انا معاكي ومش هخلي اي حد يأذيكي 

كارما 

للدرجة دي مستعد تقف جنبي يا حازم 

حازم 

ومستعد اعمل اي حاجه عشان ااا اقصد يعني بصي انا عارف انه ماينفعش اني ااتكلم كده وانا عارف انك ست متجوزة بس انا اسف غصب عني 

كارما 

خلاص يا حازم انا فاهمة موقفك انا اهم حاجه عندي اني اعرف فارس ناوي علي ايه 

حازم 

واجيه واتكلمي معاه وخلصي الحوار ده كله 

وبعدها مشيت من عنده وكلمت رحمه تجي لها البيت وبعدها رجعت البيت ورجمه جات لها 

رحمة 

ايه يا كارما في ايه قولتي لي اجي لك هو فارس اتخانق معاكي ولا ايه 

كارما 

لا لا ابدا انا بس قولت اعزمك علي الغدا هو فارس زمانه راجع دلوقتي 

وبعد شويه فارس رجع وسلم علي رحمة وكارما كانت واخده بالها منهم وبعد الأكل قالت لهم 

كارما 

ناوين ترجعوا لبعض امتي 

فارس ورحمه بصوا لبعض وكارما قالت

كارما 

متستغربوش انا عارفه كل حاجة ومستعده اخلي ماما ترجع لك كل حاجه اخدتها منك يا فارس بس بلاش السجن 

فارس 

اااه يعني انتي عرفتي هما عملوا فيا ايه زمان 

كارما 

عرفت وعرفت ان رحمة مراتك 

رحمة 

كارما انا اااا 

كارما

متقوليش حاجة انا اهم حاجه عندي ان فارس يتنازل عن انه يعمل حاجه في امي وجدتي ويطلقني واحنا هنمشي 

فارس 

وانا اضمن منين ان امك هتعمل كده 

كارما 

متقلقش انا هقنعها 

وفعلا راحت لأمها 

كارما 

فارس بلغ عنك انتي وننا يا ماما بس هو مستعد ان هو يتنازل قبى ما الحكومة تيجي تقبض عليكم 

شادية بتوتر 

ط ط طيب هو عايز ايه يعني 

كارما 

انك ترجعي له كل حاجة اخدتيها منه 

الجده 

رجعي له يا شاديه كل حاجة خليها نخلص من الموضوع ده ونرجع امريكا تاني 

شادية 

خلاص انا مستعده اعمل كده بس يطلقك اهم حاجة 

كارما 

متقلقيش هيطلقني 

وفعلا بعدها شاديه رجعت لفارس كل الفلوس اللي باعت بيها املاك ابوه لانها كانت في البنك وبتزيد وبعدها طلق كارما وعدت الايام وجهزوا نفسهم للسفر وفي المطار كانت بتعيط وراح لها حازم وقال

حازم

هو انتي عايزة تخرجي من البلد دي من تأشيرة برضو 

كارما 

انا مش محتاجه تأسيرة انا معيا الجنسية أصلا 

حازم 

انا اقصد تأشيرة مني انا هو انتي فاكرة اني هسمح لك انك تمشي بالساهل كده وتسبيني 

كارما 

تقصد ايه 

حازم 

اقصد اني طلبت ايدك من تيته ومن ماما وهما وافقوا مش كده يا تبته برضو 

الجده 

وافقي يا كارما الظابط حازم جدع وبيحبك 

كارما

وانت عايز تتجوزني بعد ما عرفت هما عملوا ايه 

حازم 

هو انا هتجوزهم هما انا هتجوزك أنتي 

كارما ابتسمت 

خلاص انا موافقه 

شادية بتعيط 

خلي بالك من نفسك يا حبيبتي وحقك عليا سامحيني 

كارما حضنتها 

مسامحاكي يا ماما وانتي كمان خلي بالك من نفسك انتي وننا 

وبعدها سلمت عليهم وسافروا وهي مشيت مع حازم وقالها 

حازم 

اظن عدتك خلصانه صح يبقا احنا كده نروح علي المأذون عدل 

كارما 

يا مجنون طيب استني بس عليا افكر 

حازم 

تفكري ايه هو في وقت للتفكير ده انتي جننتيني معاكي يلا بينا 

ومشيوا مع بعض وهي كانت فرحانه وفعلا اتجوزت حازم وعاشت معاه أجمل ايام حياته 

تمت بحمد الله