رواية بريئة في حضن الشياطين الفصل الثاني 2 بقلم اميرة خالد

وصل حسن بالعربيه تحت العماره اللي ساكنه فيها اصاله وقال له ماجد استناني هنا 

و رد حسن تمام يا فندم وطلع ماجد العماره وحسن مسك التليفون وطلب رقم 

وقال نفذ وقفل وفضل واقف بالعربيه في مكانه واطلع علبه السرير وبدا يشرب 

اما ماجد وصل شقه وفتح بالمفتاح ودخل اوضه النوم ولقى اصاله نايمه على السرير وقالع جاكيت البدله واقرب منها وهو بيعدل شعرها وبيقول لها اصحي يا حبيبتي فتحت عينيها 

ولقيت ماجد فرحت وحضنته وقالت له وحشتني قوي 

رد ماجد وانتي كمان يا قلبي يلا قومي بقى وانتي شكلك زي القمر كده 

ضحكه اصاله ولفت ايديها على رقبته وقالت له انا زي القمر عشان شفتك انت ما تعرفش انا كنت مشتاقه لك قد ايه 

ضحك ماجد وقال لها هنشوف دلوقتي واقرب منها وبدا يبوسها ويغوص معها في عشقه ليها 

اما عند الرحمه كانت قاعده في الاجتماع في المطعم وجالها تليفون وقالت ثواني يا جماعه وقام الترد 

وسمعت شخص بيقول لها اني ماجد عند اصاله في البيت قفلت رحمه من غير ما تقول اي كلمه ورجعت تاني للترابيزه 

وقالت تمام يا جماعه احنا كده اتفقنا على كل حاجه قولي ليليان هتجهز الورق وان شاء الله هنمضيه عندي في الشركه 

وبصت ليليان وقالت انا بعد اذنكم انا همشي دلوقتي وليليان هتفضل معاكوا 

رد اسماعيل الجارحي ماشي يا رحمه هانم هنستنى التوقيع 

وخرجت رحمه وهي بتشيل المجوهرات من عليها بعصبيه وركبت مع السواق 

وقالت له اطلع العنوان ده يا عم شفيق قال لها حاضر 

اما في شقه اصاله كان ماجد نايم في السرير عريان بينهج بعد المعركه اللي حصلت بينه وبين اصاله 

وقال لها انتي ما تعرفيش انا ببقى مبسوط قد ايه وانا معاكي 

ردت اصاله بدلع انا عارفه يا قلبي بس اللي نفسي افهمه انت متجوزه ليه 

رد ماجد حكم القوى الضعيف اصلها ماسكه كل حاجه وجدي كمان معتمد عليها في كل حاجه 

ردت اصاله طب ما تطلقها ونتجوز 

ضحك ماجد وقال لها ما ينفعش انا لو طلقتها اكني بعلن الحرب عليا ومشيره هانم هترفض 

ردت اصاله بقول لك ايه ما اسيبك من الكلام ده وتعالى اقول لك على كلمه سر 

ضحك ماجد وقال لها المفروض انا اللي اقول لك الكلمه السر مش انتي 

وقامت اصاله وطلعت قعدت على صدره وهي بتقول له ما خلاص الدور اتغير المره دي انا اللي هقول لك فضل يضحك وهي بتبوس رقبته 

اما عند رحمه فوصلت العنوان وحسن شافها من مرايه العربيه وابتسم ورحمه نزلت وطلعت العماره وصلت للدور اللي في الشقه بتاعه اصاله 

ولقت الباب مفتوح ودخلت وسمعت صوت اهات ومشيت تبع الصوت لغايه ما وصلت اوضه النوم وفتحت الباب بالراحه وشافت جوزها مع اصاله وراحت دورت الكرسي بتاع التسريحه وقعدت عليه وهي بتتفرج عليهم وبعد دقايق خلص ماجد 

وهي سقفت ولف وشه واتفاجئ بيها وقالت له لا بجد برافو عليك ما كنتش اعرف انك شاطر قوي كده وهو مصدوم واصاله كانت مستغربه من قوتها انها تقعد وتشوف جوزها بيعمل علاقه وتتفرج عليه ما هي كانت شايفاها من الاول 

وماجد قال اسمعيني يا حبيبتي ما فيش حاجه حصلت 

ردت رحمه اكيد طبعا ما فيش حاجه حصلت وانا متاكده من كده دي واحده من الزباله اللي انت تعرفهم 

ردت اصاله زباله ايه اللي انتي بتقولي عليها انا مراته ما تقولي يا ماجد ماجد سكت 

وضحكه رحمه بسخريه وقالت لها متاكده ان انتي مراته وبصت لماجد وقالت له مراتك 

رد عليها بسرعه عرفي وكنت هطلقها على طول 

ردت رحمه قوم غير هدومك وحصلني على تحت وقبل ما تخرج من الاوضه 

قالت لاصاله ما هو الرخيص هيفضل طول عمره رخيص وخرجت من الشقه ونزلت تحت ولقت حسن واقف جنب العربيه بتاعه ماجد 

وقالت له امشي ماجد هيركب معايا انا 

رد حسن حاضر يا فندم 

وماجد نزل وهو بيقفل القميص وما لقاش عربيته ولاقيها بتشاور له وراكب في العربيه بتاعتها وقالت اطلع يا عم شفيق على القصر وطول الطريق وهو بيتاسف وهي ساكته ما بتتكلمش 

اما حسن طلع وراهم بالعربيه وبعد وقت وصلوا القصر ودخلت رحمه وراها ماجد ولقت جدها قاعد 

وقالت له انا زهقت من حفيدك وقرفت منه مش عارفه اشتغل ولا افضل الم وراه القرف اللي هو بيعمله 

و ردت مشيره وهي نازله على السلم قصدك ايه يا رحمه بالكلام ده 

ضحكه بسخريه رحمه وقالت لها اسالي ابنك انا جايباه منين دلوقتي 

رد نور الدين انت كنت فين يا ماجد سكت 

ردت رحمه مش هيقدر يقول لك ان انا جايباه من سرير واحده كان بيعمل معاها علاقه ويا ريت علاقه بس ده كمان متجوزه عرفي 

اتعصبت مشيره من ابنها المتخلف وخبط نور الدين العصايه في الارض وقال الكلام اللي رحمه بتقوله ده حصل 

رد ماجد ايوه حصل 

قالت رحمه بصي يا جدي انا بعمل كل حاجه انت بتقول عليها وبحافظ على املاكك بس يجي واحد مستهتر زيه ويلو دراعي يبقى بيحلم وانت هتطلقني يا ماجد دلوقتي حالا 

ردت مشيره بسرعه الكلام ده اللي بتقوليه ده يا رحمه ما ينفعش انه يطلقك انتي في الاخر مراته 

ردت عليها بعصبيه بقول لك ايه انا ولا مرات ولا زفت واللي انتي ما تعرفوش ان ابنك اصلا مطلقني بقى شهرين الكل اتصدم 

وماجد قال ازاي 

ضحكت رحمه وقالت له عايز تعرف ازاي انا هقول لك حضرتك مضيت على ورقه طلاق وانت بتمضي على اوراق تخص الشغل وانا بقول لك يا جدي انا مش هرجع له خالص 

اتعصبت مشيره وقالت اللي انتى عملتيه ده غلط 

ردت رحمه الغلط في حد ذاته اني افضل على ذمه ابنك وهو فاشل مضيع الشغل وكمان مضيع صورته قدام المجتمع وصورتي انا كمان وده اخر كلام عندي 

اتعصب نور الدين وقال ازاي يا رحمه تعملي حاجه زي ديت 

ردت عليه انا ما عملتش حاجه غير ان انا برد كرامتي ان حفيدك عملوا فيا 

قرب منها نور الدين وقال لها شكل كده دلعتك عشان تعملي حاجه من غير ما تاخدي رايي فيها 

ردت رحمه وانا محتاجه رايك لما ببص على حياتي اللي هي اصلا مش موجوده زوج فاشل وعلى طول مع النسوان الزباله اللي هو يعرفها وعلى طول سكران ما بيعملش حاجه مفيده في حياته 

رد ماجد انا مش فاشل انتي اللي زوجه فاشله ما عرفتيش تخليني احبك ولا خليتيني ليا قيمه في الشغل ودايما محسساني اني فاشل 

ضحكه بسخريه وهي بتقول له طب ما دي الحقيقه انك فاشل وانا ما كذبتش ده انا سبت لك المحطه الفضائيه شهر رجعت لقيت خرب قد كده ولو مش مصدقني اتصلوا عزت واعرفوا منه ايه اللي حصل النهارده في الاجتماع 

رد نور الدين طيب يا رحمه انتى هترجعي لابن عمك 

ردت عليه ما بقاش ينفع ارجع له دي الطلقه الثالثه 

رد نور الدين ازاي يعني 

قالت له اسال حفيدك وسابته وخرج بره القصر وركبه العربيه وطلعت بيها 

وحسن كان شايفها وقال في نفسه راجل متخلف حد يسيب القمرايه ديت ويجري ورا الزباله اللي هو يعرفهم 

اما جوه القصر ردت مشيره شفت انت وصلت لايه يا ماجد 

رد نور الدين انا عايز افهم يعني ايه دي الطلقه الثالثه 

توترت مشيره واقرب نور الدين من ماجد وضربه بالقلم وقال له رد عليا 

رد ماجد ايوه يا جدي انا طلقت رحمه مرتين قبل كده وكنت برجع لها بعد ما امي بتتكلم معاها 

اتعصب نور الدين وقعد على الكرسي وهو بيقول غوره من وشي دلوقتي 

وطلع ماجد ومشيره على فوق ودخله الجناح بتاع مشيره وقربت منه وقالت له ازاي ده حصل اتعصب ماجد 

وقال لها انا ما اعرفش ايه عندك كده ليه 

ردت مشيره انا ما بتكلمش على الطلاق هي ازاي جابتك من عند الزباله اللي كنت عندها 

رد ماجد مش عارف 

قالت مشيره يبقى اكيد بتراقبك 

رد عليها طب احنا هنعمل ايه دلوقتي بعد ما حصل الطلاق نهائي 

ردت مشيره انا مش عارفه بس اكيد في حل 

رد ماجد طيب انا اروح بقى اخذ دش وانام شويه عشان تعبان 

قالت مشيره بعصبيه يبرودك يا اخي عامل مصيبه وضيعت مننا الميراث وكل حاجه مكتوبه باسمها 

رد ماجد اتصرفي وخليها ترجع لذمتي زي كل مره وخرج وساب مشيره هتتجنن مين اللي عملته رحمه 

اما في عربيه رحمه فوصلت في مكانها وهو مقابر العائله وقعدت تعيط جنب قبر ابوها وامها وتقول لهم انا تعبت وقرفت سبتوني لوحدي ليه 

وكان في شخص بيراقبها ومسك التليفون واتصل وقال وصلت مقابر العائله 

و رد عليه خلي عينك عليها 

رد الشخص حاضر يا فندم واقفل معي

اما في شقه اصاله كانت بتتكلم في التليفون وبتقول بس دي جبروت قوي انها تخش وتقعد وتستنى لما ماجد يخلص وتقول له يلا وتنزل هي وهو زي الصاروخ ينزل وراها والله حصل يا ناني 

ردت عليها يا بنتي دي مش اي حد ديت رحمه غانم اللي ماسكه املاك نور الدين غانم انتي فاهمه يعني ايه ان ماسكه مليارات تحت ايديها 

ردت اصاله ما انا عارفه يا حبيبتي عشان كده انا اخذت جوزها منها ضحكه ناني 

وقالت لها تفتكري 

ردت اصاله اه افتكر ويلا اقفلي عشان عندي حفله بالليل وقفلت معاها وقامت تجهز عشان خاطر الحفله 

اما في المقابر تليفون رحمه رن باسم ليليان 

و ردت ايه ليليان في حاجه 

قالت لها انتي فين يا هانم فاضل على الحفله ساعتين ونص ولازم تكوني موجوده 

ردت رحمه تمام يا ليليان اقفلي وقامت رحمه وقالت سلام يا بابا انت وماما وابقوا سلموا لي على حبايبي وخرجت ركبت العربيه ومشيت 

اما في القصر قالت مشيره وهي داخله اوضه ابنها قوم يا ماجد عشان تروح الحفله مراتك هتكون هناك 

رد عليها مراتي ايه ما هي خلاص خلعت مني ومرتاحه كده 

ردت عليه اسمع مني رحمه لازم ما تبعدش عن ايدينا انت فاهم ولا لا 

رد ماجد حاضر يا ماما وقام دخل الحمام عشان يجهز 

وخرجت مشيره وراحت اوضتها وشافت سليمان قاعد على اللاب توب 

وقالت له عاجبك اللي بنت اخوك عملته 

رد سليمان وهي عملت ايه دي رايحه تجيب ابنك وهو معاه واحده زباله زيه 

ردت مشيره هو انت معاها ولا معانا 

رد سليمان انا معاه الحق وبنت اخويا اتظلمت مع ابنك ست سنين 

ردت مشيره طيب يا سليمان وسابته ودخلت الحمام وهو كمل شغله على اللاب 

اما رحمه وصلت شقه كانت مجهزاها للاوقات ما تكون مخنوقه من القصر وطلعت فتحت الباب ودخلت الاوضه وراحت ناحيه الدريسنج روم وطلعت الفستان اللي هتلبسه والمجوهرات 

ودخلت الحمام اخذت شاور وبعد دقائق خرجت ولبست الفستان بعد ما عطرت جسمها ولبست المجوهرات وعملت شعرها والميك اب 







وبعد وقت خلصت ومسكت التليفون واتصلت على شفيق وقالت له يجي لها على العنوان ده 

وخرجت للمطبخ واعمل لنفسها فنجان قهوه ساده وشربته عشان تكون فايقه 

اما في القصر سليمان كان جاهز هو وماجد ومشيره وجات من بره شيري وهي بتقول لهم رايحين فين يا جماعه 

ردت مشيره ما انتي عارفه النهارده في حفله 

ردت شيري ده انا نسيت 

ردت مشيره مش مشكله يا روحي البسي وابقي تعالي مع السواق 

ردت شيري تمام يا مامي وخرج نور الدين من اوضته وقال له سليمان جاهز يا بابا 

رد عليه حد فيكم اتصل على رحمه يطمن عليها ويشوفها فين الكل سكت 

و رد سليمان انا اتصلت بيها يا بابا وما ردتش عليا 

رد نور الدين اتصل على ليليان وشوفها هي فين 

رد سليمان حاضر يا بابا وفعلا مسك التليفون واتصل على ليليان اللي 

ردت عليه وقالت له انها كويسه وهتوصل على الحفله كمان نص ساعه 

قال لها طيب يا بنتي واقفل معاها وقال لابوه اللي سامعه من ليليان وقال له طب يلا بينا 

ردت مشيره وهي الحفله دي مهمه قوي كده 

رد نور الدين طبعا مهمه دولت ناس لو دخلنا معاهم في شغل الشركه بتاعتنا هتتنقل في حته تانيه 

ردت مشيره ما انا مستغربه ان الشركه دي عدت ازمتها بسرعه كده وفي خلال اربع سنين بقت التوب 

رد نور الدين لازم تبقى التوب مش صاحبها هو اللي ماسك الشغل وماسكها بايد من الحديد 

رد سليمان يلا يا بابا خلينا نطلع نركب العربيه ونروح الحفله وماجد خرج ولقى حسن قاعد في العربيه وقال لهم طب انا هركب عربيتي 

ردت مشيره استنى انا هركب معاك وراحت ركبت مع ابنها 

وسليمان ونور الدين ركبوا عربيه لوحدهم وقال ماجد اطلع على الفندق رد حسن تمام يا فندم 

وقالت مشيره انا عايزاك تكون لازق لرحمه طول الحفله ما تسيبهاش فاهم ولا لا 

رد ماجد حاضر يا ماما هعمل لك كل اللي انتي عايزاه يا ريت بقى تسكتي وتسيبيني 

ردت مشيره ماشي يا ماجد واشوف اخرتها معاك ايه 

اما في شقه اصاله فكانت عامله ميك اب جريء ولابسه فستان جريء جدا ومسكت مفاتيحها موبايلها وخرجت من شقتها وركبت عربيتها وراحت على الحفله 



اما في شقه شريفه كانت قاعده هي واماني وعز بيتغدوا وقالت اماني هو ابيه  مش جاي يتغدى معانا يا ماما 

قالت لها لا يا حبيبتي عنده شغل 

قالت لها طيب يا ماما انا هقوم بقى عشان ورايا مذاكره كتير 

ردت شريفه طب كملي اكلك وبعد كده قومي 

ردت اماني انا الحمد لله شبعت وقامت دخلت الاوضه 

وعز قال لها انا كمان هقوم اخش اذاكر ردت شريفه قوم يا حبيبي وانا شويه وهروح لخالتك ام شروق اقعد معاها 

رد عز طيب يا ماما 

اما في مكان الحفله فوصلت عيله غانم ونزله من العربيات وقال ماجد اركن في الجراج يا حسن واول ما ارن عليك الاقيك قصادي 

رد حسن حاضر يا فندم وراح عشان يركن اتفاجئ بعربيه رحمه اللي نزلت من عربيتها وهي شبه الملايكه بجمالها الهادي 

وقال في سره عليا النعمه بطل وابتسم وهو بيبص عليها ورحمه دخلت الحفله 

والكل بص لها حتى ماجد اللي كان سرحان في جمالها واقرب نور الدين منها 

و قال لها كنت فين يا رحمه قلقتيني 

ردت عليه معلش يا جدو اصلي كنت تعبانه شويه ودلوقتي بقت احسن 

رد سليمان انا اسف يا بنتي على اللي حصل 

ردت رحمه ما تقولش كده يا عمي انت ما لكش ذنب وقرب ماجد ومشيره منهم 

و قالت رحمه بعد اذنكم اروح اشوف ليليان ومشيت 

وقالت مشيره عاجبك كده يا سليمان بنت اخوك اللي عملته ساكت سليمان ومسك ايد ابوه ومشي 

واتكلمت مشيره شكلك كده يا رحمه عايزه قرصه ودن زي زمان 

وماجد شاف اصاله داخله الحفله بشكلها الجريء وريقه جري عليها وساب مشيره 

وراح ناحيه اصاله وقال لها ايه القمر ده 

ابتسمت اصاله وقالت له بقى مره ايه وانت سايبني لوحدي بعد ما مراتك خدتك من عندي 

ضحك ماجد وقال لها مراتي ايه بقى قولي طليقتي 

فرحت اصاله وقالت له يعني انت طلقتها 

رد عليها لا طبعا انا اتفاجئت بس ان احنا مطلقين وبقى لنا شهر 

ردت اصاله انا مش فاهمه حاجه ابتسم ماجد واقرب منها ولف ايديها على وسطها 

وقال لها مش وقتي فهم  تعالي بس خلينا نتكلم في حاجه تانيه 

اما عند ليليان ورحمه كانوا بيتكلموا في الشغل 

وقالت ليليان انتي اختفيتي فين وايه اللي حصل خلاك سبت الاجتماع ومشيتي حكت رحمه كل اللي حصل 

و ردت ليليان بس انتي جريئه قوي عشان تخشي وتقعدي وتتفرجي عليه كمان 

ردت رحمه وكنت عايزاني اعمل له ايه وهو اصلا مش في بالي وانتي عارفه بكده 

ردت ليليان ما انا عارفه وبقول لك انسي خلاص هو قابل وجه كريم 

ردت عليها صدقيني ساعات بحس انه حواليا في كل مكان ما اقدرش انساه وهو كان كل حياتي 

ردت ليليان الله يرحمه خلينا نهتم بقى في الشغل وبلاش السيره اللي بتخليك تعبانه كده 

ردت رحمه حاضر يا ليليان