رواية ماسة الفريد الفصل الثاني
في الحفله كان واقف فريد سرحان في الاسم وقربت رهف
وقالت له
واقف لوحدك ليه
قال لها
ما فيش يا رهف كنت عايزه اسالك سؤال
قالت له اتفضل
قال لها
هو انتي اسمك ايه بالكامل
ردت عليه
رهف سامح العدلي
قال لها
وانتي ليك اعمام
قالت له
ايوه اسماعيل وماجد اتصدم فريد
وقال لها
طب هو فين ماجد ده ولا اسماعيل
قالت له
عمو ماجد ده الله يرحمه توفى واللي واقف هناك عمو اسماعيل
وقال لها
اتوفى ماجده ازاي
استغربت رهف وقالت له
بتسال ليه يا فريد عادي اصل حابب اتعرف على عيلتك اكثر
ردت عليه
بص انا كنت ساعتها صغيره بس اللي اعرفه ان هو توفى في حادثه هو ومراته وبنته
قال لها
هو كان مخلف
قالت له
ايوه بنت واحده اصل مراته كانت اجنبيه مش من مصر
قال لها طيب
قالت ممكن اعرفك على مامي ابتسم فريد ومسكت ايديه وراحوا عند صافي
وقالت رهف
مامي ده الدكتور فريد اللي انا قلت لك عليه
ابتسمت صافي وقالت له
ازيك يا فريد
رد عليها
كويس مدام
ردت عليه
لا ما تقولش مدام قل لي صافي
ابتسم فريد وقال لها
اول هي قالت لي ان انتي مامتها انا ما صدقتش انا قلت انتي اختها
ضحكه صافي وقالت شكلك بكاش قوي
قال
طب بذمتك يا رهف ديت تبقى مامي ازاي
كانت لسه ترد قرب سامح
وقال
ايه يا رهف الناس عماله تسال عليك
ردت عليه
بابا ده الدكتور فريد ابتسم سامح
وقال له ازيك يا دكتور
رد عليه تمام يا فندم
وقالت رهف
بعد اذنك يا فريد وراحت مع سامح وقرب رامي
وقال له
ايه الحكايه نويت تدخل ولا ايه وتريح الحاجه نوال
و قال فريد
لا طبعا ده مجرد تعارف المهم عملت ايه في الموضوع اللي قلت لك عليه
رد رامي
عرفت لك يا عم مين اللي يقدر يدخلك عند الحاله ديت
رد فريد قول بسرعه
رد عليه
في ممرضه اسمها ميرفت هي الوحيده اللي بتخش للمريضه دي ومتجوزه فرض الامن بتاع المستشفى
رد فريد
كويس قوي انا عايزك بكره تكلمها وتخليها تدخلني للمريضه دي
رد رامي
حاضر يا سيدي ما نشوف اخرتها ايه
وقربت رهف وقالت له
انتم هتفضلوا واقفين كثير يلا عشان هنطفي الشمع
وبعد وقت والحفله خلصت وفي المكتب اسماعيل في زعق مع سامح
وقال لي
كفايه قوي السنين اللي فاتت والفلوس اللي خدتها من وراها
رد سامح
يعني انت عايز ايه يا اسماعيل مش معنى دلوقتي ضميرك صحي
رد اسماعيل
ولا صحي ولا حاجه انا قررت اني اجوزها ابني وتعيش معايا هنا
ضحك سامح وقال له
قول كده بقى الحكايه ان انت عايز تاكل التورته لوحدك
رد اسماعيل
الولد بيحبها وعايزها ضحك سامح اكتر
وقال له هو شافها اساسا
اما هي بقى لها سبع سنين في المستشفى ما حدش فينا راح زارها مره
رد اسماعيل
يعني انت عايز ايه
رد سامح
اسمع بس مني انا هديك الشركه اللي انت عايزها وما لكش دعوه بالبنت
رد اسماعيل والمصنع
رد سامح ماشي وانا موافق وخرج سامح
وقال ايهاب
ازاي توافقوا يا بابا
رد عليه
اسمع مني انا بس عاوزه يفهم ان انا وافقت على كلامه بس الحقيقه اني مستني البنت تتم سنها وهخليك تتجوزها وتبقى انت الوصي عليها وناخذ كل حاجه
رد ايهاب وانا موافق جدا بس انت هتكتب لي المصنع
رد اسماعيل يا اهبل كل حاجه هتبقى باسمك هو انا خلفت غيرك
رد عليه ماشي يلا انا خارج اسهر مع اصحابي
قال له طيب
وثاني يوم في المستشفى كان واقف فريد مع رامي
اسمعني بس يا ميرفت انا عايزه اخش نص ساعه بس ومش هعمل اي مشاكل
ردت عليه
المشكله مش فيك يا دكتور المشكله ان المريضه لو شافتك ممكن تزعق او تصوت وساعتها الدكتور هيعرف وانا هترفد
رد فريد
صدقيني مش هتحصل اي مشكله وانتي بتديها العلاج اديها برشامه المهدئ وانا هخش لها بعديها بربع ساعه تكون اشتغلت
ردت ميرفت
ماشي يا دكتور وطلع فريد الفلوس واديها لها
وهي فرحت وقالت له
شكرا يا دكتور استنى مني مكالمه
رد عليها
تمام يا ميرفت ومشيت
وقال رامي
نفسي افهم انت مهتم بالحاله دي ليه
رد عليه
بعدين هبقى افهمك ممكن بقى تسيبني اروح اشوف الشغل بتاع الدكتور
رد عليه طيب يا سيدي
ولارا كانت في مكتب الدكتور بتتهزق بسبب التقرير
وقالت لارا
والله يا دكتور انا دخلت لها وهي رفضت تتعامل معايا حتى كانت بتبرق لي
رد عليها
طب روحي حاولي مره كمان ولازم التقرير يكون عندي في اقرب وقت فاهمه يا دكتوره
ردت عليه حاضر يا دكتور خرجت تجري
وفي اوضه ماسه دخلت ميرفت وبتقول لها العلاج فتحت ماسه بقها وحطيت لها العلاج وادتها الميه
وخرجت وتفت ماسه الدواء وبعد وقت
دخلت ميرفت وشافت ماسه نايمه ومفتحه عينيها التليفون واتصلت على فريد
وقالت له تعالى يا دكتور
قال لها دقيقتين وهكون عندك وقفل معاها
وبعد دقائق داخل فريد وماسه كانت ساكته وخرجت ميرفت
وقال فريد بصوت هادي
ممكن نتكلم مع بعض ما ردتش عليه
وهو وقف لف في الاوضه وشاف رسوماتها وكمان العروسه بتاعتها
وقال
انتى عارفه انا كنت زيك كده بحب الرسم جدا بس فاشل فيه بس انتي شكلك فنانه
ورفعت راسا واتفاجئ فريد بالملاك اللي قصاده والعين اللي تخطف
وقال لها بتوهان
انتى حقيقه ولا حلم فضلت ساكته وهو كمل كلامه هو في ملاك يعرف يقتل دي حاجه غريبه
بصيت له قوي وفهم انها منتبهه لكلامه
وقال لها
نفسي اسمع صوتك افهم منك انتى عملت كده ليه يمكن اقدر اساعدك بردو ما ردتش
وتليفونه رن باسم ميرفت
و رد عليها في ايه يا ميرفت انا ما لحقتش
قالت له
يلا يا دكتور اطلع بسرعه عشان الدكتوره لارا هتخش دلوقتي
قال لها طيب وقفل معاها
وبص الماسه وقال لها
هاجي لك تاني وخرج وهي ابتسمت بسخريه
ودخلت لارا وقالت لها انا عارفه ان حظ هباب اللي وقعني في واحده مجرمه زيك يلا بقى ربنا يسامح اللي كان السبب
وماسه كانت ساكته ولارا بدات تكتب في التقرير
وعدت الايام وكان فريد بيخش على طول لماسه ويقعد قصادها ويتكلم وهي بتسمعه وجاب لها ادوات الرسم وبدا يدور في الكتب على الحاله بتاعتها عشان يقدر يساعدها
وماسه اتعودت على وجود فريد وساعات بتستناه عشان تسمع منه مغامراته وكلامه عن ابوه وامه ورامي كمان
وسامح اخذ التقرير وسلمه للمحامي عشان يكمل القضيه
اما اسماعيل بيدور على حل عشان ياخذ الميراث كله من غير ما سامح يعرف
ولقى حل واحد اللي هو يخطفها واتفق مع ايهاب انهم ياجروا ناس يخطفوا ماسه من المستشفى
والنهارده عرف ان الدكتور واخد اجازه وقرر انه هيقضي اليوم كله مع ماسه عشان عيد ميلادها وجاب تورته صغيره
وقال
رامي اللي معاك ده
رد فريد
لما تكبر هبقى اقول لك ودخل جوه وطلع فلوس واداها لميرفت
وقال لها
خليني اخش لها بقى
ردت عليه
اصبر نص ساعه اديها العلاج
وبعد كده خش بس انا هقفل الباب من بره وهديك نسخه من مفتاح عشان لو حبيت تخرج
قال لها ماشي
وبعد وقت دخل فريد وشاف ماسه رفع شعرها لفوق وكانت جميله جدا وماسكه القلم وبترسم
وقال
صباح الخير يا ماسه طبعا حضرتك مشغوله بالرسم مش هتبقي فاضيه ليا بس اللي انا حابب اقوله لك ان النهارده يوم مهم وحابب احتفل بيه معاكي رفعت عينيها وبصيت له
وهو كمل وهو بيفتح العلبه وقال لها كل سنه وانتي طيبه
وفجاه ماسه افتكرت باباها ومامتها وعينيها دمعت
وقال فريد
اهدي بس يا ماسه والله ما قصدي حاجه
بصيت له وقالت له بصوت رقيق
انا عارفه يا فريد
اتصدم وقال لها
ممكن تقولي اسم تاني
ابتسمت وقالت له فريد
قال لها
تصدقي بالله انا اول مره اعرف ان اسمي جميل قوي كده
وهي ابتسمت وقال لها
ممكن بقى نطفي الشمع عشان تشوفي الهديه بتاعتك هزت راسها بالموافقه
وبعد ما طفي الشمع طلع فريد علبه فيها سلسله رقيقه ملاك بجناحين واداه لها
قال لها
ممكن البسها لك هزه راسها باه وفريد وقف والبسها لها
وقال لها
ممكن اعرف بقى انتى ما بتتكلميش مع حد ليه
ردت عليه
عشان ما حدش هيسمعني
قال لها
ليه بتقولي كده
قالت له
عشان هم عايزين كده
قال لها
علي فكرة انا شفت اعمامك والقصر بتاع اهلك
اتعصبت ماسه ورمت التورته في الارض وكل حاجه
وقالت له اطلع بره
قال لها
اهدي بس اسمعيني
قالت له
اطلع بره بدل ما اصوت وساعتها هتتمحي من على وش الارض
رد عليها
انا مش خايف بس هطلع عشان انتي تهدي وبعد كده نتكلم
ردت عليه
مستحيل وخرج فريد وهي قعدت تعيط وهو قاعد على كرسي جنب الباب و سمعها وهي بتعيط
اما عند اسماعيل قال جاهز يا ايهاب تروح تجيبها
رد عليه
كل حاجه جاهزه وهم هيجيبوها على شقه مصر الجديده المهم ان انت تكون جايب الماذون
رد عليه تمام
وخرج ايهاب واتصل على الناس وقال لهم انا هستناكم قدام المستشفى تجيبوها وتطلعوا
رد عليه تمام يا باشا
اما عند فريد قرب من الباب وفتحه ولقى ماسه نايمه وجنبيها رسومات كثيره وقعد يشوفها كانت رسومات لعيله
وكمان رسمه لي وتورته وبنت صغيره وحواليها ناس كثيره وعرف ان ممكن عيد ميلادها فكرها بحاجه حصلت لها زمان وقرب منها
وقال لها
ماسه اصحي فتحت عينيها
وقالت له عايز ايه
رد عليها
ممكن اصالحك بصيت له قوي وهو كمل كلامه نخرج نتمشى شويه في الجنينه
قالت له
بس انا عمري ما خرجت بره الاوضه
قال لها
اسمعي مني نتمشى مع بعض ونتكلم والدنيا ليل ما حدش هيعرف
ردت ماسه
لا يا فريد مش عايزه حد يعرف اني بتكلم
قال لها
ليه طب فهميني
ردت عليه
مش لازم تعرف وفجاه سمعوا ضرب نار
وفريد خاف على ماسه
وقال لها
خليكي هنا وخرج شاف ملثمين ماسكين سلاح وبيقولوا اوضه رقم 21 دي فين
رد بتاع الامن
الدور الاول على الشمال
وجري فريد على الاوضه وقال لماسه احنا لازم نخرج من هنا
ردت عليه هنروح فين
قال لها
مش مهم تعالي بس واخدها وراح ناحيه الباب اللي ورا بتاع الجنينه وخرجوا
وقال لها
استخبي هنا عقبال ما اروح اجيب العربيه بتاعتي واجي اوعي اتحركي من مكانك
قالت له حاضر
ودخلوا الملثمين الاوضه ولقوها فاضيه وقالوا هي فين
وواحد منهم مسك التليفون وقال احنا مش لاقيينها يا باشا الاوضه فاضيه
رد ايهاب ازاي
قال له
مش عارف يا باشا احنا دخلنا وما فيش حد في الاوضه
رد ايهاب
طب اخرج بسرعه قبل ما البوليس يجي خرجوا الملثمين وضربوا الحارس
وفريد جاب العربيه وراح عند ماسه
وقال لها
اركبي بسرعه ركبت
وقالت له في ايه بقى
قال لها
انا ما اعرفش سمعنا صوت ضرب النار ولما رحت هناك عرفت ان هم جايين لك الاوضه بتاعتك
ردت ماسه
انا عارفه ان هم مش هيسيبوني في حالي
رد فريد
هم مين فضلت ساكته
وقال فريد
انا لازم اجيب لك لبس مش هينفع تمشي معايا باللبس ده
قالت له طيب
وفريد اداها الجاكيت اللي معاه في العربيه لبسته وراحوا على البيت
وقالت ماسه
احنا هنعمل ايه هنا
رد عليها
ده من مكان تقعدي فيه لغايه ما اعرف الناس دي عايزه منك ايه هزه راسها بالموافقه
وطلعوا وفتح فريد الباب وقالت نوال احضرك العشا يا حبيبي
رد فريد
لا يا ماما شكرا
ونوال خرجت من المطبخ واتفاجئت بالملاك
وقالت
بسم الله ما شاء الله مين دي يا فريد
رد عليها
دي ماسه زميلتي في المستشفى بصيت له قوي
وقالت له
انت بتكذب ليه انا مريضه في المستشفى
اتصدمت نوال وقالت
خطفتها يا فريد انا عارفه ان انت بتاع بنات بس توصل انك تخطف واحده يا مصيبتي السوداء ويا ريتها واحده عاقله لا دي كمان مجنونه
ردت ماسه بحزن
شكرا يا طنط
وقالت نوال
حقك عليا يا بنتي مش قصدي حاجه بس ده ابني الوحيد
رد فريد
اهدي يا حاجه ما فيش حاجه وماسه هتقعد يومين ثلاثه لغايه ما اعرف ايه اللي هيحصل
وقالت نوال
طب وابوك هتقول له ايه
قال لها
انا هحكي له كل حاجه بس هو فين
قالت له نايم
قال لها
خلاص اول ما يصحى هتكلم معاه المهم ان انتى لبسي ماسه هدوم من عندك لغايه ما انزل اجيب لها حاجه تلبسها
ردت نوال تعالي يا حبيبتي ودخلت الاوضه بتاعه الضيوف
وقالت لها
خشي يا حبيبتي خدي دش عقبال ما اجيب لك هدوم واجي
ردت عليها حاضر يا طنط
وخرجت نوال وهي بتقول يعني الجمال ده والرقه ديت تبقى مجنونه ازاي
رد فريد
شفت عشان تعرفي انها مش مجنونه
قالت لي
اسكت خالص ده ابوك لو عرف هيقتلك
قال لها
سياده اللواء عمره ما هيعمل كده اهم حاجه عنده هي الشرف
وانا الحمد لله بساعد البنت الغلبانه ديت من اللي عايزين يؤذوها
ردد نوال ربنا يستر
وعند اسماعيل حكى ايهاب كل اللي حصل في المستشفى
وقال اسماعيل يعني البنت راحت فين
رد ايهاب
مش ممكن عمي يكون نقلها مستشفى تانيه ولا سافرت بره
رد اسماعيل
مستحيل تسافر بره عشان هي معاها الجنسيه وممكن تطلب الحمايه من السفاره ويودوها مستشفى هناك وساعتها احنا هنطلع بالمولد بلا حمص
رد ايهاب ايش عرفك مش يمكن الادويه اللي عمي بيديها لها عمل لها خلل في المخ وساعتها مش هيبقى ليها لازمه
رد اسماعيل
جايز بس المهم ما تتسرعش وخلينا نشوف البنت دي راحت فين بس انا متاكد انها في المستشفى عشان فواتير المستشفى بندفعها على طول
رد ايهاب
لو هي فعلا في المستشفى يبقى البنت دي هربت واكيد المستشفى هتتصل بينا بكره وتقول لنا
رد اسماعيل
اكيد المهم اديت الفلوس للناس ديت عشان ما يفتحوش بقهم
رد ايهاب
اكيد طبعا ما كانوش هيسكتوا غير لما ياخذوا فلوسهم
قال تمام
اما عندي نوال كانت قاعده مع ماسه في الاوضه
وقالت لها يلا بقى اشرب اللبن
