رواية حماتي ضيعت شرفي الفصل الثاني 2 بقلم هويدا زغلول

الظابط 

متقدم في بلاغات كثير ان هو واخد فلوس من الناس وما سدش وكمان عليه وصلات امانه هاتوه على القسم 

الحمااا

يا لهوي يا لهوي ما كانش يومك يا حبيبي ما اتكتبش عليك الفرحه انا كنت عارفه ان العروسه وشها نحس عليك هنروح فين ولا نيجي منين دلوقتي 

والعساكر بتاخد اسامهمن على الكوشه كان عمال يبص لي وقال

اسامه

ما تسيبنيش يا كارما انت خلاص بقيتي مراتي وانا كتبت كتابي عليك روحي مع امي على البيت روحي على شقتك سامعه ولا لا كارما امانه في رقبتك ياما 

وبعديها الظابط خد اسامهوركب العربيه ومشي وحماتي فضلت تعيط وبصيت لمحروس جوزها وقالت

الحماااا

وبعدين يا محروس هتسيب ابنك كده لا لا يا اخويا انت لازم تقوم له احسن محامي اه امال ايه 

الاب 

حاضر هعمل اللي انت عايزاه بس صلي على النبي بس واهدي وتعالي نروح ونشوف المحامي هيقول لنا ايه 

وفي الوقت ده كنت انا قاعده على الكوشه ونهار وما كنتش قادره اتكلم سما قربت مني وطبطبت عليا وقالت 

سما 

اهدي يا كارما وصلي على النبي يا حبيبتي ده نصيب ومعلش ما حدش عارف ان كان هيحصل كده 

كارما 

انا حزينه يا سما معقوله مش هيتكتب عليا الفرحه ابدا طب يا ترى هيتحبس قد ايه يعني خلاص حياتي انتهت 

سما 

ما تخافيش كل حاجه وليها حل وهيقوموا محامي ان شاء الله وهيخرج منها بريء قولي يا رب 

في الوقت ده بابا قرب مني وماسك ايديا وقال 

اسماعيل 

يلا بينا يا قلب ابوكي حماكي وحماتك هيروحوا عند المحامي وهيعملوا اللازم وان شاء الله اسامهيخرج على خير تعالي البيت والى ربنا عايزه هو اللي هيكون

كارما 

حاضر يا بابا 

وفي الوقت ده كنت لسه هقوم من الكوشه واروح مع بابا حماتي مسكتني من كتفي وقالت بعصبيه 

الحمااا

هو في ايه يا حاج هو انت ما بتفهمش في الاصول ولا ايه يعني الواد دلوقتي مرمي في الحبس ومراته بدل ما تقف جنبه تاخدها عندك البيت لا ما يصحش 

اسماعيل 

امال انت عايزه ايه تروح تقعد في الشقه لوحدها يعني ما هي عندي في بيتها لحد بابنك يطلع بالسلامه هو في ايه يا حاجه 

محروس 

يا حاج ولا حاجه صلوا على النبي بس يا جماعه احنا بس بنقول ان كارما تيجي وتنور شقتها لحد ما اسامهيخرج وان شاء الله يخرج على خير 

اسماعيل 

وبعدين العيب عليكم يعني ايه يكون عليه الفلوس دي كلها والمشاكل دي واحنا ما نعرفش احنا غلطانين ان احنا اصلا ما سالناش على اصلكم 

الحمااا

لا يا حاج لحد كده وقف يا اخويا احنا اصلنا احسن اصل في الدنيا واحنا عملنا ايه يعني ابني كان بيستلف عشان يتجوز بنتك اللي وشها وش النحس علينا 

اسماعيل 

لا بقول لك ايه دي ثاني مره تغلطي فيها بنتي اول مره عديتها لك قلت يمكن حزينه على ابنك لكن دي بنتي برده وانا ما استحملش عليها انتوا اللي غلطانين وابنكم ما عرفتوش تربوه يعني ايه يستلف فلوس من غير ما يسدها 

دلال 

خلاص يا اخويا صلي على النبي كده هو انت هتخرب على البنت ولا ايه خلاص يا حاج حقك علينا احنا وان شاء الله موضوع وهيتحل

كارما 

خلاص يا بابا انا حاسه ان حماتي وحمايا كلامهم صح انا هروح شقتي وانت ابقى تعالى زورني وانا حاسه ان اسامهمش هيطول وهيخرج على طول 

دلال 

ايوه صح عين العقل ما تسيبها يا اسماعيل تعمر بيتها هو انت هتخرب بيتها من اول يوم يلا يا حبيبتي مع حماتك وربنا يهدي سرك 

وفعلا روحت مع حماتي وحمايا الشقه ودخلت شقتي وهم راحوا يكلموا المحامي 

وفي شقه بابا كانت دلال قاعده بتكلم اختها في التليفون وقالت 

دلال 

ايوه يا شكريه مش قلت لك يا بنت وشها نحسن من يومها جوزها اتاخد منها يوم فرحها وهو قاعد جنبها على الكوشه انا لو مكان حماتها كنت خليته يرمي عليها يمين الطلاق 

شكريه 

يا ساتر يا رب صحيح عندك حق في كل كلمه قلتيها يا دلال دي البت وشها نحس يا اعوذ بالله امال يا اختي بقيت حياته هيكمل معاها ازاي على الاربعين هيفلسع ويسيب الدنيا ويمشي ولا ايه هههههه

دلال بضحك

ههههه اه والله ده اللي هيحصل وقال ايه كان اسماعيل عايز يجيبها معانا البيت ثاني قلت لا روحي مع حماتك والحمد لله غيرت في داهيه هو انا ناقصه بلاوي يا اختي 

شكريه 

اه يا ناصحه يا اروبه دلوقتي بقى هتعرفي تقنعي اسماعيل ان هو يعمل لك المشروع اللي انت عايزاه مش كده 

دلال 

ايوه طبعا ده انا هعمل احلى مشروع مصنع كبير وكام مكنه خياطه على كام طب قماش وهعمل احلى عبايات والبراند هيبقى باسم كمان عبايات دلال يا سلام يا سلام 

شكريه 

طيب وطي صوتك يا اختي عشان ما يسمعكيش ولو عرف ان انت بتكرهي بنت وفرحانه فيها ممكن يقول لك ما انتيش قاعده فيها 

دلال 

طب سلام دلوقتي اروح اشوف هو عامل ايه شكله حزين على بنته ما انا عارفه ان انا من يومي عمري ما هشوف فرحه ما هي موجوده في الدنيا 

وبعديها دلال عرفت السكه مع اختها وقربت من بابا اللي كان قاعد في البلكونه وحزين وقالت

دلال

هو في ايه يا اسماعيل مش خلاص جوزت بنتك واطمنت عليها نصيبها بقى ما تحرقش في دمك كده يا اخويا 

اسماعيل 

احنا اتضحك علينا لو كنا عارفين ان الواد عليه مشاكل وفلوس كثير على الاقل كنا حلينا الموضوع قبل الجواز 

دلال 

ولا تضحك عليك ولا حاجه ده اسامهده ابن ناس محترمين وطيب يمكن بس كان مستلف فلوس وغصب عنه ما عرفش يسدها ما انت عارف الدنيا بقى

اما في شقتي كنت قاعده حزينه وبصيت للمرايه وقلت 

كارما 

يا ترى عامل ايه دلوقتي يا اسامهانا مش عارفه ايه اللي خلاك تستلف فلوس واسلام امانه وايه الليله الكبيره اللي انت مش قدها دي 

في الوقت ده الباب خبط فتحته كانت حماتي وحمايه ودخلوا وزقتني في كتفي وقالت بعصبيه 

الحمااا

ايه يا حبيبتي اسم الله عليك يا قافله باب الشقه ليه هو انت مش واخده بالك ان انت في بيت عيله ولا ايه احنا هنا باب الشقه مش هيتقفل روحي هاتي لي كوبايه ميه 

كارما 

حاضر يا حماتي 

جبت لها كوبايه ميه وقعدت جنبها وقلت 

كارما 

طمنيني اسامهاخباره ايه المحامي قال لكم ايه 

الحمااا 

المحامي قال ان لازم يدفع فلوس كثير عشان يعرف يخرج واحنا يا حسره معناش ولا مليم كل ده عشان الجوازه المنيله دفعنا فيها اللي ورانا واللي قدامنا 

محروس 

خلاص بقى يا حاجه ملهوش لازمه الكلام ده اسامهابننا وكارما بنتنا وبعدين كارما استحاله تسيب اسامهفي الازمه دي ابدا اكيد هتساعده مش كده يا بنتي 

كارما 

اكيد يا حمايا لو معايا اي حاجه صدقني انا مش هتاخر بس اساعده ازاي انا فعلا معيش اي فلوس 

محروس سكت وحماتي بصت لي من فوق لتحت وقالت 

الحماااا

اه يا اختي انت فعلا معكيش فلوس دلوقتي لكن ودنك فيها حلق ذهب وايديك فيها غوشتين ذهب حلوين وبعدين ابوك على قلبه فلوس قد كده لو فضل ياكل فيها عمرها ما هتخلص ابدا 

كارما 

قصدك ايه يا حماتي هو انت عايزاني ابيع دهبي وكمان اخذ فلوس من ابويا علشان اطلع ابنك طب وانا ذنبي ايه استلفي انت وطلعيه 

الحماااا بعصبيه 

ذنبك ايه ذنبك يا حبيبتي ان انت وش الفقر علينا خلاصه الكلام مش هتخرجي من هنا زي ما ابني قال قبل ما يمشي هتفضلي موجوده لحد ما يجي وانا هعرفك ازاي تدفعي يا حبيبتي 

وبعديها حماتي وحمايا سابوني وطلعوا على الشقه وانا كنت خايفه بس مش عايزه امشي عشان اسامهما يزعلش 

وثاني يوم راحوا يزوروا اسامهواسامهكان خايف وقال 

اسامه

طمنيني ياما كارما بعتت معاكي فلوس ادفعيها عشان اخرج مش كده 

الحمااا

لا يا اخويا ما بعتتش حاجه دي بخيله وابوها طلع راجل نص كم بهدلونا وكانوا حبه حبه هيضربونا بس على مين ده انا كلتهم بالصوت ولا حد قدر يقول لي كلمه 

اسامهبحزن 

يا نهار اسود يعني ايه ما انت عارفه ان انا متنيل متجوز كارما عشان خاطر الفلوس وتسد كل اللي عليا وبعديها اقول لها غوري في داهيه 

محروس 

يا ابني حرام عليك وعلى نواياكم ترزقون انت نيتك وحشه شفت حصل لك ايه بلاش تسمع كلام امك صدقني هتوديك في داهيه 

الحمااا

في ايه يا محروس بتقول كلمتين حلوين في حقي ايه اللي انت بتقوله ده هي مين دي اللي توديه في داهيه ده انا اللي هطلعه منها وما تخافش يا قلب امك في تفكير في بالي عمره ما هينزل الارض ابدا وهتطلع من هنا وهتحط رجل على رجل وهتبقى يا باشا كمان وبكره تقول امي قالت 

اسامهبخوف 

يا ريت ما تسيبنيش يا امي انت عارفه دلوقتي انا ما بقاش ليا غيرك واقنعي كارما باي حاجه لازم الفلوس تتدفع 

وبعديها اسامهرجع الحبس تاني وحماتي وحمايا روحوا البيت وحماتي دخلت شقتي وقالت 

الحمااا

طمنيني يا حماتي عملت ايه اتصرفتي وقدرتي تطلعي اسامه

الحمااا

لا يا حبيبتي ابني ان شاء الله كده كده هيطلع بس بيقول لك ما تتحركيش من هنا عشان ما يكسرش رجلك والكلام جد مش هزار 

وبعديها حماتي وحمايا طلعوا على الشقه اما عند رحاب اول ما عرفت الخبر راحت تزور اسامهواول ما شافته قالت 

رحاب 

ينفع اللي انت فيه دلوقتي ده ما قلت لك بلاش يا ابن الناس السكه دي قلت لي لا انا بمثل تمثيليه عشان اخذ منها الفلوس اهي الدنيا هي اللي ضحكت عليك بدل ما تضحك على البنت الغلبانه 

اسامه

هو في رحاب هو انت جت هوني عليا ولا جايه تشيليني الهم طب اعمل ايه يعني ما انا بعمل كل ده عشان بحبك انت كنت عايزه اتجوزك 

رحاب 

هو انت تضحك عليا ولا على نفسك انت خلاص اترميت في السجن ابقى وريني بقى مين اللي هيطلعك بجد يا خساره يا اسامهطلعت غبي قوي 

وبعديها رحاب مشيت واسامهكان حزين وقال في نفسه 

اسامه

يا لهوي هو انا فعلا خسرت كل حاجه ولا ايه لا لا انا عارف ان امي دماغها الماظ وهتفكر وهتعرفي تطلعني من هنا 

وعد اسبوع على الحال وحماتي كل يوم تزن عليا ان انا اجيب فلوس من ابويا عشان اطلع اسامهوانا ما كنتش موافقه 

وكنت قاعده في شقتي والخبط وفتحت ولقيت بابا ودلال ودخلوا وبابا كان معاه اكل كثير وكمان فلوس وقال 

اسماعيل 

يا حبيبه ابوكي عامله ايه طمنيني عليك يا حبيبتي واسامهعامل ايه دلوقتي كنت عايز اروح ازوره بس الضغط عالي عليا وما قدرتش 

كارما بدموع 

انا خايفه قوي يا بابا موضوع اسامههيطول وحماتي في الراحه والجايه عماله تطول لسانها عليا عشان عايزه اجيب منك فلوس واطلع ابنها 

دلال بعصبيه 

يا حلاوه ما هو ده اللي ناقص كمان يصرف عليك وعلى جوزك اللي اتحبس ده ايه الجواز المنيله دي يا حاج 

اسماعيل 

وغلاوتك عندي يا بنتي انا ممكن اروح ادفع له الفلوس واطلعه لكن علشان امه قليله الذوق هي بقى اللي تطلع ابنها وتستحمل تربيتها اللي هي ربتها له 

في الوقت ده حماتي نزل ودخلت الشقه وقالت بعصبيه 

الحماااا

هي مين دي اخويا اللي قليله الذوق طب امشي اطلعوا بره بقى يا عيله يا نص كم وما اشوفش وشكم هنا ثاني واللي هيجي هعمل لهم مصيبه انا بقى هعرفك قله الذوق عامله ازاي 

كارما بدموع 

خلاص يا حماتي بقى الله يخليكي مش عايزه مشاكل كفايه اللي انا فيها وانت ليه بتعملي معانا كده 

دلال 

هو في ايه يا حاجه عيد لما يصحش هو انت ما بتفهميش في الاصول ولا ايه بتطردينا من شقه ابننا 

الحمااا

لا يا عين امك اعدلي الكلمه شقه ابني ويلا اطلعي بره انت والراجل ده وما اشوفش وشكم هنا ثاني 

اسماعيل بعصبيه 

صدقي الناس تقول لك حاجه ان انت ست قليله الادب كمان وقليله الذوق يلا بينا يا كارما قومي لمي هدومك يا بنتي انا مش هسيبك هنا معاها ثانيه واحده 

الحمااا

طب تبقى توريني هتمشي ازاي نسيت اقول لك يا كارما اسامهحالف عليك بالطلاق لو خرجت من الشقه تبقي طالق 

كنت خفت جدا وقلت لبابا 

كارما 

خلاص يا حبيبي روح انت وابقى اطمن عليا في التليفون ما تخافش انا هكون كويسه ان شاء الله عشان لحد اخر لحظه مش عايزه اخرب بيتي 

دلال 

والله عين العقل يا بت يا كارما انا اول مره اعرف ان انت عاقله كده يلا بينا يا اسماعيل مش عايزين مشاكل اكتر من كده يا اخويا

اسماعيل بحزن 

متاكده يا بنتي انت عايزه تقعدي هنا ما تخافيش اتكلمي حتى لو هيطلقك تعالي في بيت ابوكي كل لقمه وارمي عشره وما تخافيش من حد

كارما 

انا كويسه يا بابا سيبني هنا الله يخليك وروح وابقى اطمن عليا بالتليفون وان شاء الله خير 

وبعديها اسماعيل ودلال مشيوا وحماتي بصيت لي من فوق لتحت وقالت 

الحمااا

بقول لك ايه يا حبيبتي مش عايزه كلام كثير بابك يتقفل عليك بالليل وطول اليوم الباب الشقه يكون مفتوح وتطلعي تروقي لي الشقه هو انت ما بتفهميش في الاصول ولا ايه 

كارما بخوف 

حاضر يا حماتي هعمل لك كل اللي انت عايزاه بس هو انا ينفع اروح ازور اسامهفي الحبس 

الحمااا

ايوه طبعا ينفع امال ايه بس خليها بكره عشان تعرفي ان انا بس مش قاسيه انا بحب امشي بالاصول 

وعدى اليوم وعلى اخر اليوم باب شقتي كان مفتوح ولقيت واحد واقف قدام باب شقتي اسمه مدحت كان واقف قدام باب الشقه وقال 

مدحت 

مساء الخير هو ده شقه استاذ اسامهبرده 

كارما بخوف 

هو حضرتك ازاي تقف على باب الشقه كده في حاجه اسمها جرس او حتى انده قبل ما تيجي عشان حتى البس طرحه على شعري وايوه شقه اسامهانا مراته خير في ايه 

مدحت 

بصراحه هو واخد مني فلوس وقال لي هيديهم لي النهارده كان مديني ميعاد يعني ممكن تعرفيه ان انا هنا 

كارما بخوف 

يا لهوي هي فين حماتي بس وحمايا طب حقك عليا والله هو انت ما تعرفش ان اسامهاتحبس يوم فرحنا بسبب الفلوس تعالى لحماتي يوم ثاني يمكن تقدر تساعدك 

مدحت 

لا لا انت بتهزري يعني ايه ما فيش فلوس تديهاني ده انا ابني مرمي في الحضانه وجاي عشان اتصرف اه ايه الصداع ده مش قادره اقف على رجلى

وفي الوقت ده مدحت داخ ووقع على الارض فضلت انده على حماتي وما ردتش عليا دخلت الشقه بسرعه عشان اجيب كوبايه ميه خرجت لقيت باب الشقه مقفول وهو واقف قدامي بيضحك ضحك خبيثه وقال 

مدحت 

يا نهار ابيض انت اسامهمتجوز قطه وانا ما اعرفش ايه الجمال ده كله ده انت طيبه وعلى نياتك قوي يا كارما 

كارما 

يا نهارك اسود هو انت بتمثل عليا امشي من هنا عشان ما اصرخش انا حماتي وحمايا فوق وهلم عليك الدنيا 

مدحت 

ابقي وريني بقى هتلحقي تعملي ده كله امتى 

وفي الوقت ده مدحت حط منديل على وشي وكان في مخدر ورحت في النوم وبعد كم ساعه صحيت ولقيت نفسي الذهب اللي في ودني وفي ايديا اتسرق وكمان شعري متبهدل وجسمي كله مكسر بصيت لنفسي في المرايه صرخت وقلت 

كارما 

يا لهوي ده اتهجم عليا استرها عليا يا رب انا ما اعرفش ده حصل امتى وازاي 

وفضلت ادور في كل حته في الشقه ما لقيتوش موجود طبعا ماشي فضلت منهاره ومش عارفه اروح عند بابا واسامهيطلقني ولا اعمل ايه فضلت طول الليل افكر وثاني يوم حماتي خبطت عليا وقال 

الحماااا

ايه يا حبيبتي النوم ده كله مش يلا بقى عشان تروحي تزوري اسامهولا غيرتي كلامك يوه اخص عليك هو انت قلعتي غوايش الذهب والحلق عشان ما اقولكيش هاتيهم نبيعهم لاسامهوالله انت قليله الاصل 

بصيت في الارض وكنت خايفه مش عارفه اقول لها ايه وعيطت وقلت 

كارما 

انا اسفه يا حماتي حقك عليا انا مش عارفه انا وديتهم فين يمكن قلعتهم هنا ولا هنا 

الحمااا

يا اختي بلا نيله انا ولا عايزه منك دهب ولا حاجه تعالي عشان تشوفي جوزك يمكن يصعب عليك وتبيعي اي حاجه وتسديها له يا حبيبي يا ابني 

وبعديها رحت انا وحماتي عند اسامهكان عمال يطمن عليا ويكلمني وانا ما كنتش عارفه ارد عليه ولا عارفه احط عيني في عينه وقال 

اسامه

هو في ايه يا كارما معقوله مش عارفه تقفي جنبي في الزنقه دي انا قلت انت اول واحده هتيجي تطلعيني تدفعي لي الفلوس 

كارما 

معلش حقك عليا والله ما معايا وكمان بابا الايام دي ظروفه صعبه طب هنجيب فلوس منين 

اسامه

هي بقت كده حلوه قوي الكلام كثر خيرك بس انا مش هنسالك اللي انت عملتيه انا بحسبك هتقفي جنبي يلا يلا خديها وامشي ولسه عند كلمتي ما تسيبيش البيت وتمشي سامعه ولا لا 

كارما 

حاضر يا اسامهوربنا يفك ضيقتك ان شاء الله 

الحمااا

اوعى تفتكر يا حبيبي ان انا ساكته لا ده انا كل يوم عند المحامي هو بس عايز فلوس انا بس هتصرف في الفلوس وبعديها هنطلعك 

اسامه

انا كل يوم عمال اقول بكره هتيجوا بكره هتيجوا بكره ده ما بيجيش خالص ياما انا خايف قوي 

الحمااا

لا لا ما تخافش قلب امك صدقني هتطلع وغلاوتك عندي

وبعديها انا وحماتي روحنا البيت واسامهفضل في الحبس لمده شهرين وحماتي ما كانتش طايقاني 

وفي يوم كنت في الشقه عند حماتي بروق لها البيت بصيت لي من فوق لتحت وقالت 

الحمااا

يلا يا حلوه بعد ما تخلصي الترويق انزلي السوق واعملي لنا اي لقمه ناكلها وبسرعه كده انت مالك بطيئه كده ليه 

في الوقت ده انا وقعت على الارض واغمى عليا حماتي صرخت وجابت الدكتور وبعد ما كشف عليا وقف جنب حمايا وقال 

الدكتور 

الف مبروك المدام حامل 

محروس بصدمه 

انت بتقول ايه يا دكتور هي مين دي اللي حامل ازاي يعني 

الدكتور 

هو ايه اللي ازاي بنتكم حامل الف مبروك اتفضلوا هاتيها العلاج ده ويا ريت ترتاح بعد اذنكم 

وبعديها الدكتور مشي وحماتي قربت مني وفضلت تضرب فيا وتشدني من شعري وقالت 

الحمااا

يا فضيحتي يا فضيحتي الله يخرب بيتك حامل منين يا بت يا كارما ده اسامهابني مسجون من يوم فرحكم 

كارما 

يا نهار اسود يا فضيحتي استوري عليا يا حماتي الله يستر عليك انا هفهمك بس اللي حصل بس والنبي مش عايزه حد يعرف حاجه 

محروس 

طب قولي يا بنتي في ايه ايه اللي حصل طيب احنا كنا في شقتنا قاعدين وقافلين علينا الباب وانت كنت قاعده في شقتك لوحدك فهمينا 

كارما 

انا اسفه يا حمايا انا هكلم حماتي وبحكي لها على كل حاجه انا مش عارفه ابص في عينيكم انا مكسوفه قوي من الفضايح دي حقكم عليا 

الحمااا

اطلع بره يا محروس يا كسر الضهر يا اسامهيا حبيبي يا ابني كنت سايب مراتك امانه وبتحسبها محترمه وشريفه طلعت قليله الادب وفضحتك وخليت رقبتك قد السمسمه 

حمايا خرج وبعديها حكيت لحماتي على كل حاجه واني مدحت جه وبعديها قالت 

الحمااا

مدحت مين يا حبيبتي هو انت يا بت تعرفي راجل وتحبيه وفي الاخر تجيبيها في ابني انا ابني ما عندوش اصلا صحابي اسمهم مدحت 

كارما 

والله ده اللي حصل زي ما بحكي لك كده بالظبط ضحك عليا وبعديها حط لي مخدر في المنديل واغمى عليا وبعديها حصل اللي حصل 

الحمااا

طب اقول ايه اروح اقول لابني معلش مراتك اللي انت سايبها عندنا طلعت مش محترمه وحامل فينك يا اسماعيل تيجي تشوف بنتك وتربيتها المحترمه بدر انت عمال تتخانق معايا كنت ربيت بنتك الاول 

قربت من حماتي وبوست ايديها قلت 

كارما 

الله يخليكي بلاش تقولي لبابا اي حاجه مش عايزه اي حد يعرف وانا مش عارفه احلها ازاي انا كان نفسي ابلغ البوليس بس خفت من الفضيحه 

الحماااا

يبقى خلاص بدل حطيتي راسنا في الطين يبقى تسمعي اللي هقول لك عليه الفلوس كلها تيجي من عند ابوكي او من الدهب بتاعك وتبيعيه وتطلعي ابني من الازمه اللي هو فيها

الفصل الثالث من هنا