رواية بدون كلام الفصل الثاني بقلم جمانه السعيدي
عطور....بهاي الفتره بلذات جنا نمر باصعب ايام بحياتنا
فقر وعوز وماكو احد يسئل عنا
ضايعين بهاي الدنيا محد يسل عنا غير كم وحده من الجوارين تذكرنا بشي من الاكل او لبس
بينما عمي بدت تضهر على علامات الرفاهيه شويه شويه
بلبداية اشترا سياره صح مستعمله بس هو منيله فلوسها
يشتغل ويروح ويجي بس شنو نوع الشغل ما نعرف
شنو الشغل الي يغير وضع عميه بين يوم وليله
احنا مانريد منه شي
بس النا حق عنده على الاقل يذكرنا بمسواك
بمكان ما الناس الغريبه تتصدق علينا
مرت الايام صعبه وأصعب مما تتخيلون
احنا أمورنا تسوء وعمي أموره تتعدل اكثر واكثر
كل كم شهر يغير سيارته
بناته وياي بلمدرسه بس ما يحجن وياي
يستنكفن مني ومن لبسي ما يقبلن اكول ذني بنات عمي
لان هنا لبس وكشخه وامورهن تمام
واني مبينه فقيره من ملابسي وشكلي
مره بالغلط كلت على بت عمي هااي بت عمي
البنيه الي حجيت كدامها راحت سئلتها صحيح عطور بت عمج ابد ماانسا هذا اليوم
بت عمي اجت عيونها اطير شرار وسحبتني بطريقه مهينه
من ياخة الصدريه لزمتني بطرف اصابعها عبالك شي معدي
تخاف تقرب علي
اخذتني ورا المدرسه لعبت بيه لعب
سهاد....انت شنو وتكولين هاي بت عمي انتي شايفه نفسج شايفه شكلج
حتى المجديه شكلها احسن منج
عطور....كلش انهضمت من كلامها صح اني ملابسي مو على الموديل بس ولله نظيفه وملابسي نظيفات
ومرتبه كلش يعني ماعدنا شنو ابوك هذا الموجود
مو مهم الملابس اهم شي نظافة الكلب والاخلاق
جمانه السعيدي
سهاد....اياني واياج اسمعج تكولين هاي بت عمي مره ثانيه
ماعوزي غير اخت المخبل تتمسح بيه
اذا تشوفيني امشي بساحة المدرسه تبقين بلصف
ممنوع تمرين من يمي لا اني ولااختي
فهمتي لو لا مره ثانيه اسمع تكولين بت عمي
اسحلج سحل كدام البنات واخليهم يضحكن عليج
فهمتي لو لا
عطور...عافتني وراحت بقيت واكفه بمكاني
ماكدرت ارد عليها بكلمه وحده عبالك الساني انبلع
جنت خايفه منها
خايفه لا تنفذ تهديدها وتضربني بلمدرسه
وكحه كلش وكحه اني مااكدر عليها
حقها عدها ضهر يحميها اما اني اذا انضربت لو نهانت كرامتي منو راح يحميني ويدافع عني
ماكدرت احجي الامي اي شي مااريدها تنقهر بسببي
الي بيها مكفيها
شكد مرينا بعوز بس امي ابد ما تشتكي
الدشداشه الي لابستها مزرفه من كل مكان تخيطها
بايدها تصير عبالك مزرره تزرر يعني من ترجع نخيطعا القماش يلم
حتى اخوي الملابس ما أطول وياا
لان يتحرك هوااي ملابسه بسرعه تتشك
بعد ٣ سنوات رجال جوارينا دز على امي كال
ابنج المخبل يصير اله راتب من الدوله
الي هو راتب المعين المتفرغ
سبحان الله الي يحنن كلب عبيده علينا ويخليهم يذكرونا
وتهتمين بينا
اما عمي بي وما يغفل عنا ااكثر واكثر
الناس الغريبه تذكرنا وتسئل عنا وهو عبالك مسحنا من ذاكرته
فعلا هذا الرجال الطيب الله يجازي خير الجزاء
هو تكفل بكلشي يخص هاي المعامله
جان ياخذ اخوي ويتكفل بمصرفه منا لمن طلع الراتب
صار عدنا بلبيت راتبين راتب رعايه وراتب معين
بس ثنيينهن مايوصلن ٣٠٠ الف جنا نستلم ٢٩٥ الف
بس ولله نعمه نعمه وخير من رب العالمين
ووين جنا ووين صرنا
جمانه السعيدي
حتى بعد ما استعدل وضعنا شويه
ماقبلت امي تشتريلي ملابس مدرسه
لان هيه اصلا ملابس ماعدها واخوي يرادله هواي ملابس
ملابسه بسرعه تتشكك
اني عادي اتحمل نظره البنات اليه اغلبهن كانن يبتعدن عني
عبالك بيه مرض معدي ويخاف منه
رغم اني جنت كلش نظيفه ومعتنيه بشكلي وشاطره
بس الناس الها الضاهر
تحكم من المظاهر الكل مبتعد عني بلمدرسه
لذالك اني صديقي كتابي
حتى لا احس بلنقص ولا بلوحده كنت مركزه بمدرستي
اقرا واركز بمدرستي حتى اكدر اطلع اهلي من
هذا الفقر
خلال خمس سنوات بيت عمي بين عليهم الترف
تعرفون احنا بنفس الشارع بينا بيتنا وبيتهم
تقريبا سبع اوثمن بيوت
يعني نكدر نشوف التغيير الي بين عليهم فجئه
والناس الفضوليه تاخذ الكلام وترجعه
أشكال يوصلنا حجي عنهم وعن وضعهم الجديد
الناس تكول والعلم عند الله عمي يشتغل بلربا
ينطي فلوس بلفايض
وهو هذا سبب ضهور النعمه علي وعلى عائلته
الفلوس عبالك تمطر عليهم
بعد سبع سنوات من وفاة ابوي
عمي قرر يهد البيت ويبني على أحدث موديل
بس البيت احنا النا حصه بي نص النا ونص الهم
حصة ابوي بلبيت واحنا ناخذها بمكانه
بوقتها اني جنت مخلصه ثالث متوسط اجانا عمي
اندكت الباب طلعت امي لكته بلباب
امي ماعدها كلب وما تشيل حقد على احد
امي...هله هله خويه وميته هله تفضل
عمي...شلونج ام مصطفى
امي..... الحمد لله بخير تفضل
عمي...بس ادخل المسواك اني مشغول عنكم اعذروني
بس شسوي الحياة مشاغل
اطلع للشغل من الصبح وارجع بليل
هواي افكر بيكم واتمنى اجي ازوركم
بس اني ارجع متاخر بليل ااكول خطيه الدنيا ليل ليش اقلق راحتهم
بس اني اعرف اخباركم
امي...ليش كلفت نفسك
عمي...ماكو اي تكلفه
عطور...دخل عمي المسواك الصراحه متكلف هوواي
مسواك حقيقي ما ناقصه اي شي
لحم سمج دجاج مخضر وفواكه وحتى اجبان
وحلويات
دخل عمي للبيت اني ما طلعت علي بس امي واخوي كاعدين يمه
طلع من جيبه ٥٠٠ الف
عمي...هاج خويه اشتري اي شي ناقصكم
امي...لا هذا المسواك كافي كثر الله خيرك
عمي...لا اخذي اشترو شنو ناقصكم
امي.....الف رحمه على والديك عدنا خير من الله
عطور...بقا عمي يلح على امي تاخذ الفلوس
لا تتعجبون من كرم عمي عمي عنده غايه جاي يضحك علينا حتى نتنازل عن حصتنا بيت جدي
حقه ياخذ اي شي يريده
ماعدنا احد يوكف بوجها ويكوله هذا حق الايتام
الي ما تسئل عنهم وعايفهم للدنيا لاعبه بيهم لعب
عطور...عمي انطا الفلوس الامي
امي بلحظتها جانت طايره من الفرح
حست أبواب السعاده انفتحت علينا عمي اخيرا ذكرنا
وجابلنا مسواك وفلوس
خلص انحلت كل مشاكلنا بسبب هذا العم الطيب
عمي....اليوم اني جايكم بشغله مهمه
امي...كووول امرنا
عمي.. اني اريد ادفعلكم حصتكم بلبيت لان اريد افلشه
وابني من جديد
تعرفين الولد كبرو واريد ازوجهم
والبيت تعبان حيل
امي...اي خويه بكيفك
عمي....تجين تتنازلين عن حصتكم واني امشي بلمعامله
أقيم حصتكم وتاخذونها
باجر اجيب محامي واخذكم للمحكمه تسولي توكيل عام
لان مثل هيج معامله تحتاج
وقت واني اعرف انتي ماتكدرين تفترين انتي وهذا المسكين
توكيل احسن يسهل المعانله واني مراح اكل حقكم ابد
عطور.. امي فقيره كتلكم لاتشيل بكلبها ولا تحقد على احد
امي.. اي خويه تدلل
عطور...اني هنا عمري ١٥ سنه يعني ماافهم حيل بهاي السوالف
مااعرف شنو توكيل وشنو بيع وشرا
بس فرحت عمي راح ينطينا حصتنا من البيت
بلكت وضعنا يتغير شويه للاحسن
واكدر اشتري ملابس حالي حال البنات وبعد محد يضحك عليه بلمدرسه وخاصه اني السنه الجايه ادخل اعداديه
ثاني يوم عمي الصبح اجانا واخذنا كلنا للمحكمه
وهنا خله المحامي يسوي توكيل بااسمه واحنا وقعنا على التوكيل
من بعدها المحامي بدا يشتغل على هاي المعامله
منا لمن اجا للتوقيع الاخير
اجا عمي اخذ امي وياا للمحكمه
القاضي سئل امي استلمتي حصتج وحصة جهالج
عمي اشرلها كولي اي
ردت امي اي استلمتها ووقعت على الأوراق وطلعت
بدون ماتعرف حقها ضاع مجرد ما بصمت على الأوراق
وهيج الأسد ااكل حصة الخرفان
عمي فوك مااكل فصل ابوي
ااكل حصته من البيت
