رواية اليتيمة والنقيب الفصل الثاني بقلم مجهول
رحـت اجـيب مـي الـهم الصـراحة هـاي حجـة عـلمود أشــوف ليـث ويـن راح اشـو تـأخر هـاي كـولها بـس يخـابر .
لگـيتة يـخابر بالـحديقـة فتـحت البـاب عـلى كـيف حتـى اسـمعة ويـا منـو يـحجي مـاادري شهـالفضول الإجـاني .
مـشيت عـلى اطـراف اصـابعي شفتـة عصـبي ويـحجي ويـفرك بـوجهة شـبي هـذا؟
لـيث : لـَج بـابـا افتـهمي مـاريدج بـعد لعـبت نـفسي منـج
منو هـاي إلـي مـيريدها؟ حبيبتـة اكيـد هَــسة أنــي شـعلية بـي يطبـة مـرض
لـيث : هَــسة انـتِ مـخابرتني شتـردين
لـيث : لـَج افتـهمييييي مـاريدج مـاريدج انـتِ وحـدة رخيـصة وخـاينة
لـيث : اهـاااا شــنوو لازم ملّ منـج وشـفتي مـاكو أمـل يـحبج رجـعتي عـلية
لـيث : مَــنْ انـعل ابـوج لابـو حبـج لـَج انـتِ كـلج وحـدة كـحـ.... حـالج حـال غيـرج
لـيث :اييييي جـنت واحـد مـغفل واثـول مَــنْ حبيـت وحـدة مثـلج هـذا الـحجي قـبل هَــسة انـتِ متـعنيلي شـي يَـــلآ ولـيي
سـد التـليفون ردت ارجـع ركـض
لـيث : اوكـفي بـمكانج
صخـام الصخـمني شـمدري أنــي مـوجودة درت وجـهي عـلية تـقدم عـلية
لـيث : ايييي سـت يـاقوت ليـش صـارلج شــگد واكفـة هنـا؟
يـاقـووت : ااا أنــي أنــي
لـيث : انـتِ شــنوو هـا؟
لـيث : أحــچييييي انـتِ شــنوو شـعندج واكـفة هـنااا؟
يـاقووت : عـفية واللّٰـه مـــو قصـدي اتـسمع عـلى حجيـك بـس هيــچ اجـيت فضـول
لـيث : اهـاااااااا فضـول كـلتيلي
هـزيت راسـي بـأي
لـيث : شـوفي يـحلوة الكـلام إلـي سـمعتي هَــسة تنـسي فـاهمـةةة الكـلام إلـي سـمعتي شــنوو؟
يـاقـووت : ااانـساه
لـيث : قسمـاً باللّٰـه لو عـرفت انـتِ كـايلة لاي واحــد مـوتج يصـير عـلى ايـدي فـاهمـةةةةة
يـاقووت : اي فـهمت واللّٰـه فهـمت
لـيث : امشـي ولـي يَـــلآاا
يـاقووت : صــآر
عـفتة ودخـلت للمطـبخ وأنــي ارجـف هَــسة أنــي لـيش طـلعت وراه شـعلية أنــي بـي يحجـي ويـا بنـات يـحجي ويـا ولـد كبـر الكـبرني شــگد ثـولة .
كمـلوا عـشة غـسلنا المـواعيـن أنــي وضحـى عـمو صـاحني اكيد يـريد يـاخذ رأيي صبيـت جـاي الهـم ورحـت اودي .
لگـيت ليـث هـم كـاعد يـمهم
عـمو : هـا عـمو؟
يـاقووت : هـاا؟
عـمو : شــنوو رأيـج بالمـوضوع
يـاقووت : اا عـمو الصـراحة أنــي يـعني
خـالة : بنتـي أحــچي لاتـستحين
عـمو : عـمو الـقرار قـرارج ان كـلتي أيـيــّي او لا مـحد محـد راح يـجبرج
يـاقووت : يـعني عـمو أنــي مـاريد اتـزوج هَــسة
عـمو : افـهم مَــنْ كـلامج أنــو انـتِ ممـوافقة عـلى سـامر مـــو صح ؟
هـزيـت راسـي بـأي
خـالة : هـاهيـة بنـيتي إلـي تـردي يجـرالج
يـاقووت : اللّٰـه يـحفظكم إلـي ولايـحرمني منـكم امـوت عـليكم واللّٰـه امـووواح امـوواح
لـيث : تـصرفات الـجهال بـطليهاا
ام ليـث : يـمة عـوف البـنية
كـلت الـهم يَـــلآ مَــنْ رخصتكم عـفت خـالة تـحجي ويـاه وطـلعت رحـت لضـحى
ضحـى : أحــچي شگلتـي الهـم؟ بـس ـلاا وافـقتي عـلية
يـاقووت : لاااا أيييع شــنوو هَــو هـذا
يـاسر : كـلللللللللووووش وشـايف خيـر ومستـاهلها شـايف خيـر
يـاقووت : أهـووو انـجب
ضحـى : هههههع يَـــلآ فتـحي البـلازمـا راح يبـدي المسـلسل
يـقينـا نـباوع منـا للـ 11 بـالليـل صعـدنا فـوگ أنــي وضحـى ردت اسـألها منو هـاي إلـي يحـبها ليـث .
بـس سكـتت هَــو كـال امـوتج اذا تـحجين بـس راح امـوت مَــنْ الـفضول هفف لازم اسـألها .
يـاقووت : ضحـى
ضحـى : هـمممم شتـردين؟
يـاقوت : نـمتي؟
ضحـى : شهالسـؤال يعنـي لـو نـايمة شَــلون جـاوبتـج
يـاقوت : هـاي شَــبيچ اكلتـيني وشـربتيني مـو دااسـولف ويـاج
ضحـى : يَـــلآ سـولفي يـاقوت خـانم
يـاقوت : لابـطلت
ضحـى : اهـووو دحجـي شَــبيچ
يـاقوت : اخـوج
ضحـى : منـو منـهم ؟
يـاقوت : ليـث
ضحـى : شبـي؟
يـاقووت : دنجـبي خـلي اكـل خـراا
ضحـى : سكـتت يَـــلآ كمـلي
يـاقوت : هـم قبـل يـعني اقـصد قـبل لااجـي أنــي يـمكم تـسمعي يـخابر بنـات ؟
ضحـى : مـفتهمت شــنوو هـالسـؤال ولـيش اجـة عـلى بـالج هَــسة
يـاقوت : هيــچ بـس جـاوبينـي عـفية هـم جـان يـخابر يـحجي ويـا بنـات؟
ضحـى : اشـوو بـاوعي بـعيوني ولج مـعقولة؟
يـاقوت : شــنوو
ضحـى : مـعقولة تـحبين لـيث وتـغارين عـلية؟
يـاقووت : لااااااعععع ولج
ضحـى : شَــبيچ كـمزتـي شــنوو مـاعاجبـج اخـوية ولج؟
يـاقوت : لاا ولج مـــو مـاعـاجبنـي عـاجبنـي
كـلتها وابتـسمت صخـام هـاي أنــي شـجفصت
ضحـى : هــــلآا هــــلآا عـاجبـج مــووو هنـــآ الحجـي
يـاقووت : بـس خـلي افـهمج هيــچ طـلعت مَــنْ لـساني واللّٰـه مـــو مثـل إلـي ببـالج
ضحـى : لالاتـحاوليين انكـشفتي بـعد
يـاقوت : شــنوو انكـشفتي هـاي شَــبيچ ولج
ضحـى : بـاع وجـهج شـصار بـيه لاتـخافيـن مـااحجي لاي واحــد كمـلي شَــلون وشــوڪـت حبيتـي
يـاقوت : يـااا ولج واللّٰـه مـاحـابتـة شَــبيچ
ضحـى : ثـول لـعد لـيش تـسألين هيــچ اسـئلة؟
يـاقوت : هيــچ هيــچ انـسي يَـــلآ تـصبحين عـلى خـير
ضحـى : اهـا هيــچ كتـيلي يَـــلآ بـراحتـج
يـاقوت : عـفية ضحـى مـــو تڪَــولين لليـث عـلى الحجـي إلـي كـلتة
ضحـى : لاا مـاأڪَــول
خـرب حـظي هَــسة أنــي شحجـاني اكيـد راح تـفتهمنـي غـلط يـووه خـلي انـام واللّٰـه كـريم
ثـاني يـوم كـعدت عـلى صـوت ضحـى .
ضحـى : يـاقـووت
يـاقـووت : هـممم
ضحـى : يـاقـوووت
يـاقـووت : هـاا
ضحـى : ولج يـاقوووت
يـاقـووت : هـااا هـااا شـڪــو
ضحـى : لـَج اكـعدي لـيث يـريدج
أنــي بـس گـالت اسـمة فـزيت مَــنْ مكـاني .
يـاقـووت : شــنوو يـريدني؟ عـلى شــنوو؟ ولـيش؟ مـاكلج شيـريد؟
ضحـى : لااا لااا بـس گـال گـعديهاا بسـرعة بسـرعة
يـاقـووت : عـفيةةة واللّٰـه ممـسوية شـي شـيريد منـي صخـام بـس لاكـلتيلة
ضحـى : مـاادري ولج مـاادري يَـــلآ كـومي بـسرعة لـَج لااا مـا كتـلة واللّٰـه
يـاقـووت : اييي كـمت كـمت اللّٰـه اليستـر
بـسرعـة نـزلت جـوة حتـى وجـهي مـاغسلتـة وبمـلابس النـووم
رحـت للمـطبخ لگيتـة يتـريك البـارحـة نـزل مَــنْ دوامـة وأليــوم عنـدة عـطلة وبـاجر يـداوم كـلت
يـاقـووت : صبـاح الـخيرر
الكل : صبـاح النـور
يـاقـووت : هـاااا ليـث؟
لـيث : هـاا يـاقوت؟
كـالها هَــو يستهـزء شـبي هـذاا
يـاقووت : هـااا
لـيث : شــنوو هـااا شَــبيچ
بـاوعـت عـلى ضحـى تـضحك هَــيٰ ويـاسر هـاي شبيـهم
يـاقـووت : ءااا شسـمة رايـد شـي؟
لـيث : لااا لـيش شـريد مثـلاً
يـاقـووت : مـــو شسمـة هـاي ضحـى
لـيث : شبيـهاااا
يـاقـووت : كـالت هَــو يـريدج
لـيث : مـنو؟
يـاقـووت : يعنـي انـتَ هـي كـالت يـريدني
لـيث : أحــچي عـدل مـداافهـم؟
يـاقـووت : انـتَ
لـيث : شبيـة؟
اخـذت نـفس وجـمعت الحجـي كتـلة
يـاقـووت : انـتَ تـريدنـي ضـحى كـالت انـتَ تـريـدني
رفـع راسـة مـن المـوبايل بـاوع عـلى ضحـى هـي رأسـاً بطـلت ضحـك كـالت .
ضحـى : مـــو هـي متـقبل تـگعـد واحـنة نـريد نـروح بسـرعة فـ كتـلهة انـتَ تـريدهـاا حتـى تـگعـد لأن تـخاف
لـيث : مـنين تـخاف؟
ضحـى : منـك
لـيث : منـييي؟ لـيش
بـاوع عـلية بـسرعة خـزرنـي بعـيونة هـذا شـبي؟
طـفر يمـي لـزمني مـن أذنـي
لـيث : هـااي شـلابسـةةة؟
يـاقـووت : منـو؟
لـيث : يـاسررررر ديـر وجهـككك ديـررر
جـان يطـلع يـاسـر مَــنْ الـمطبخ
لـيث : انـتِ شـلابسـةةة
بـاوعـت عـلى مـلابسـي تـيشيرت نـص ردان وبـرموداا بـلعت ريگـي راح يمـوتني واللّٰـه .
يـاقـووت : مـ مـ مـلابس
لـيث : ادرييي صـخااام مـلابس شَــلون تنـزلين بيـهن؟
يـاقـووت : مــو نـسيت واللّٰـه نـسيت
لـيث : نـسيتيييي ويـن بـالج هـااا ويـننن؟
يـاقـووت : واللّٰـه هـاي اخـر مـرة بـعد مـااسـويهاا
أجـتي خـالتي
خـالة : شبيـكم شـصاير شبيـك ويـا البنـية يمـةة
لـيث : يمـة هـاي بـت اختـج نـازلة بـذني مـلابس الگـ... مـاكـالت ولـد مـوجودين بالبيـت مـيصير الـبس هيــچ هَــو هـذا هـم لـبس؟
يـاقـووت : خـ خـااالة واللّٰـه نـسيت نـزلت بـسرعـة ونـسيت هَــسة ابـدلهن واللّٰـه
لـيث : بـعديشششش تـبدليين؟ مـــو شـافج يـاسـررر مـــو شـاف جـسمممج
خـالة : عـلى كـيفك ويـا الـبنية شبيـك مـصار شـي هَــسة تـبدل لـيش تـصيح عـليهاا
خـالة : روحـي يمـة روحـي بـدلي مـلابسـج وتـعاي تـريكي حتـى نـروح .
لـيث : ويـن تـرحـون؟
خـالة : لـبيت خالتك عـازمتـنة كـالت جـيبي البنـات ويـاج
لـيث : يـاقووت مـاتروح
يـاقووت : لاااااع حـبااب
خـالة : لـيش يمـة خـطية خـليها تـغير جـوو
لـيث : متـروح يـعني متـروح
يـاقووت : عـفية شبيـك عـليك اللّٰـه
لـيث : كـلت مـاكووو روحـة وولـي بـدلي مـلابسج
عـفتهم ورحـت فـوك ابـجي اجتـي ضـحى وراي تـعتذر منـي .
مـااجـاوبتها وزعـلت منـها لأن كـولش انـغثيت مَــنْ الصـبح بسببـها .
أنــي هيــچ طـبعي شـوية اطـنگر وارجع عـليهاا لأن مـااكدر بـدونهـاا وهـية هـم عـافتنـي بـراحتي .
بـجيت شـوية نـزلت جـوة لكـيتة ممـوجود هـمزين نـضفت البـيت ورا مـاخلصـت گـعدت اتـريك .
وخـالة بـدلت وراحت لوحـدهـا لأن ضحـى عـلمودي مـاراحت كـعدنا نبـاوع عـلى المسـلسل .
وراهـا رحـت سـبحت وبـدلت مـلابسي وشـعري مـامشطتـة لأن مـالي خـلگ اليـوم جـان تـجي ضحـى .
ضحـى : تـوتةة تـعاي اتـغدي
يـاقـووت : مـااريد شبـعانة
ضحـى : شَــبيچ على الواهـس
يـاقـووت : منو انـتِ طبـختي؟
ضحـى : لاا لـيث جـاب مَــنْ المطـعم
يـاقـووت : اذا اخـوج العكـرة جـايبة مـااريد
ضحـى : اهـووو لاتـسوين هيــچ دتـعااي
يـاقـووت : اوك قـبلت قـبلت لاتتـوسلين
ضحـى : يَـــلآ
نـزلنا أنــي وضحـى لگـيتة جـايب بيتـزا وببسـي ومـقبلات .
جـان يـلعب بـموبايلة مَــنْ دخـلنا رفـع راسـة عـلينة وگـال
لـيث : تـعاي اكـلي
يـاقـووت : مـاريـد
لـيث : كـلت تـعاااي اتـزقنـبي
يـاقوت : وأنــي كـلت مـاريد شــنوو گـوةة
لـيث : دتـعااي شَــبيچ مــوو جـبتها عـلمودج
يـاقـووت : امممم هَــو أنــي شبـعانة بـس لـخاطرك راح اكل
لـيث : ايي ألــف عـافيـة
اخـذت قطـعة بيتـزا هستـوني خـليتها بـحلگي جـان يـدخل يـاسر ويڪَــول
يـاسر : مـــو هستـوج اتـريكتي
غـصيت باللكـمة لـيث عـاط بـية
لـيث : شبيـك تـحسب وراهـا خـليها تـاكل
كـمت حتـى اشـرب مـي اجـة يمـي واخـذ مـي وشـمرة عـلى وجـهي .
يـاسر : لـَج جنـت اتـشاقة ويـاج واللّٰـه مـــو تـزعلين .
يـاقـووت : مـاا مـاا زعـلت مـاأحــچي ويـاك بـعـد
يـاسر : لاااا كـولشييي ولازعـول تـوتة كولش قـاوسي
يـاقـووت : تـقلد عـلية مـوو؟
يـاسر : مـاعـاش إلـي يقـلد عـليج لـَج غـير انـتِ العـشقق
يـاقـووت : لا تقـشمرني بـهذا حجـيك واللّٰـه مـا أحــچي ويـاك بـعد
يـاسر : ههههههههع ولج لااا وللـه مـــو قصـدي
رجـعت گـعدت يـاسر حجـة ويـا ليـث جـان يڪَــولة
لـيث : مـاا مـاا مـاا أحــچي ويـاك ويـضحك
عـود يـقلد عـلية هـمة كـاموا يضحكون .
بـاوعتلة بطـرف عـيني ومجـاوبتة .
لـيث : عـينججج لاتـباوعيـننن هيــچ
يـاقـووت : اووووف
لـيث : لاتـأفأفين شــنوو مـاعاجبـج
سكـتت منـة خـلي نـشوف تـاليتـهة ويـاه .
لـيث : مـــو أحــچي ويـاج بـاوعيـلي
يـاقـووت : يـووووهه واللّٰـه خـبلتني ابـاوع عـليك تڪَــول لاتـباوعين مـااباوع تڪَــول بـاوعيني شـسويي هَــسة
لـيث : صـوتتتج متـرفعي بـوجهييي ادب سـززز
يـاقـووت : هَــسة شبيـك تـغلط؟ فـوگ مـاتـقلد وتـضحك عـلية والصبـح رزالة وصيـاح ومـاخليتني اولي ويـا خـالة مـدري شبيـك ويـاي أروحـح انـام أحــسنلي اصـلاً أنــي أڪــبر حـمارة واجـيت گـعدت يـمكم .
عـفتهم بـقيت ادردم وصـعدت فـوگ هَــسة أنــي شنـزلني يـمهم اوووف رجـعت نمـت .
گـعدت عـلى صـوت ضحـى
ضحـى : يـاقووت لـَج صــآر المـغرب مـيصير تـناميـن
يـاقـووت : مـاااا عـوفيني
ضحـى : لـَج لاتـزعلين مَــنْ لـيث هَــو يـحب يتـداهر ويـاج مـــو قصـدة يضـوجج واللّٰـه
يـاقـووت :
ضحـى : مـــو أحــچي ويـاج
يـاقـووت : امممم طـفي الضوة وسـدي البـاب حـبابة
ضحـى : بـراحتج
عـافتني وطلـعت رجـعت نـمت گـعدت بالليـل يمڪـن بـ 9 هيــچ شـي ميتـة مَــنْ الجـووع .
شـفت عـلى المـيز بيتـزا وببـسي عـبالي دااتـخيل بس لاا واللّٰـه كـمت فتـحتها انـوب حـارة اممممم .
بـس واللّٰـه ولا أكـلهاا نـزلتها جـوة حتـى يشـوفني أنــي مـااكلتها عـلى أسـاس عنـدي كـرامة ههههه
ضـايجة ردت اطـلع بـالحديـقة لكـيتة مـوجـود هه اكيـد جـان يـحجي ويـا حبيبتـة هَــسة أنــي شـعلية بـي .
درت وجـهي حتـى ارجـع هَــو شـافني كـال
لـيث : تـعاي اريـد أحــچي ويـاج
