رواية السكن الفصل الثلاثون بقلم غدير الحيدري
"يالهويتي بلا وچاد، النوب من تهوّين وچدي
خلّي كدامج كلام الناس وبمشيچ تهدي
نحّي عني محبتچ ولچ مالچ تريدي يشيل دردي
وآنه موش أول زند يزرع شلب ويحصد بردي
ولا آنه بس اتغربت والمعتنيله يصير ضدي!"
(فؤاد سالم)
.....
لطالما كان واقفا على شرفة الدار
واضعا احدى يديه في جيبه
والاخرى يرتشف منها السيكارة
يقف بكل ثبات
وفي قلبه طبول الحب تقرع
ما ان يتذكر عينيها
كان يستمع لألحانٍ عذبة
وكلمات راقية نقية
كان حبهم اشبه بحقبة الثمانينات
حين يحبُ الرجل امرأة
لا يستطيعُ اغداقها بالغزل
كان يكتفي بأن يُسمعها فؤاد سالم
في اسطورته الشهيرة
حين غنى
موبدينه
مو بدينه نودع عيون الحبايب مو بدينه
انتم احبابي وهواكم دوم يكبر(دوم يكبر)
وانتم الدنيه الوسيعه وعشق اخضر(عشك اخضر)
وانتم احبابي وهواكم دوم يكبر(دوم يكبر)
وانتم الدنيه الوسيعه وعشق اخضر(عشك اخضر)
و يلي طعم المستحه على عيونكم
ويلي ويلي
ويلي شوكي يذوب بين ارموشكم
ويلي ويلي
و يلي طعم المستحه على عيونكم
ويلي ويلي
ويلي شوكي يذوب بين ارموشكم
ويلي ويلي
وليلكم كمره وهوانا مسهرينه.
كان خالد خالداً في حبهُ لها
وهي كانت زهرة ربيعه الوحيدة
كانت النبتة الحية وسط ارضه الميتة
كانت الشعور الذي ايقظ ذلك الاحساس الحنين
كان يجمعهم وقتاً واحدا واغنية
قد سمعها وخالت له عيناها السوداويتان
قلبه لا يخفق لسواها
وعينيه تمركزت على نجوم السماء
باحثة عن نجمة ليهديها ضواها
ولكن
كفة الميزان لم تكن عادلة
فـ في الوقت ذاته
كانت زهراء تعاني الذبول
ومات الحب في داخلها منذ الساعة الاولى..
كانت تستمع لأحاديث اخيها
وتطغى على افكارها كلمات الاغنية
ولكن
كفة الميزان لم تكن عادلة
فـ في الوقت ذاته
كانت زهراء تعاني الذبول
نظرت الى يديها
حينما ادركت
مو بدينا من نودهم مو بدينا
ومو بدينا ضاعت ايام الحبايب
وما سهرنا كل ليالينا
ومو بدينا
لو جفيناهم ورحنا
سمعنا بيهم صافحوا غير ايادينا
..
صعدت ع الدرج
دموعي توكع
واحس وجع بكلبي
كان صوت الاغنية عالي
ما يغادر بالي
كلشي كان بأيدي
لكن بلحظة خافتة
صرت عايشة بأغنية
موبدينه
مو بدينه نودع عيون الحبايب موبدينه
روحي طير اشتاك عشه لداركم
وكلبي نجمة تضوي يم شباجكم
روحي طير اشتاك عشه لداركم
وكلبي نجمة تضوي يم شباجكم
الحبايب شلون ننسه عيونكم
ويالحبايب شلون ننسه عيونكم
وياللي طعم المستحه اعلى عيونكم
ويلي ويلي
ويلي شوقي يذوب بين رموشكم
ويلي ويلي
وياللي طعم المستحه اعلى عيونكم
ويلي ويلي
ويلي شوقي يذوب بين رموشكم
ويلي ويلي
و ليلكم كمره وهوانا مسهرينه
دخلت للشقة
سديت الباب
خليت ايدي ع المسجل وطفيتة
وانطفى وياه احساسي..
كالت حبيبة بأستغراب
حبيبة: وين كنتي؟
كلت ببرود
زهراء: طلعت وي حسين، اشترالي اشياء موجودة بالصالة، روحوا اكلوا غيروا جو
دخلت للمغاسل
غسلت وجهي
وباوعت ع روحي بالمراية
ضربت الماي ع وجهي بقوة
انضربت عيني ووجعتني
ميخالف
1 تع
حتى مرة ثانية ما تفكرين بغباء
وما تجين يم الحرام
توضيت
ودخلت للغرفة فرشت السجادة
كالت حبيبة
حبيبة: متجين تاكلين ويانة؟
كلت ببرود
زهراء: احتاج اصلي
طلعت حبيبة
سديت الباب وراها
وبلشت اصلي
بعدها قريت قرأن
تمددت ع السجادة
مثل الجنين من ينام بحضن امة
لطالما كنت اضيع
وبهذا المكان الكة نفسي
لطالما توهتني الشياطين
وبالله لكيت دربي
غمضت عيوني
وتذكرت كلامي وي حسين
...
كان يباوعلي بشك
كال
حسين: وين صافنة؟ اكو شي؟!
رمشت بسرعة
بلعت ريك وخليت ايدي ع حلكي
زهراء: اظن انا ناسية قوري الجاي ع النار
عقد حاجبة
حسين: مو جاي نحجي، يا قوري جاي؟
زهراء: اسفة اسفة شردت بس تعرف فجأة اجة ع بالي وين كنا نحجي؟!
حسين: كتلج خالد خطب وعازمني لخطوبتة
1 تع
ضحكت وكلت
زهراء: صدك؟؟ روح شكو بيها ان شاء الله يوم الالك
حسين: شبيج شو تحمستي؟
زهراء: كلش حلو ان الشاب يخطب ويتزوج، ان شاء الله نفرح بيك انت هم
تنهد
حسيتة مو مقتنع
كال
حسين: يلا اصعدي تأخر الوقت
زهراء: اي اي صح، دروح اتاكد من القوري هسة يمكن احترك
ودعتة وصعدت
...
فتحت عيوني
ع صوت عطاء وهي تكول
عطاء: زهراء انتي بخير؟!
كمت من مكاني
كلت
زهراء: بخير بخير بس غفيت ع السجادة
عطاء: ليش مااجيتي اكلتي ويانة؟
زهراء: حسين اشترالي وانا اساسا مالي نفس بس ما حبيت ازعلة
عطاء: شراد منج حسين؟
زهراء: عادي كلام وسؤال عن حالي ونطاني فلوس واجيت
لزمت وجهي وكالت
عطاء: عيونج ليش حمرة
حكيت جبيني
كلت
زهراء: مااعرف من كنت اغسل انضربت بأيدي دون قصد
كالتلي بشك
عطاء: دون قصد؟
كلت وانا احاول اغير الموضوع
زهراء: صدك عطاء هالايام عندي امتحانات مهمة وانا صار فترة مجاي اقرة زين، راح اقرة بالصالة واخاف يأذن الفجر وتلكيني نايمة كعديني
لميت السجادة
كعدت ع السرير
وصرت ارتب ملازمي
دخلت حبيبة للغرفة
وكالت
حبيبة: مدري منين اجتهم فكرة السوك، هااا باجر يردون يطلعون للمنصور يتسوكون
باوعتلها وكلت
زهراء: منو؟
كالت بأنزعاج
حبيبة: منو يعني؟ حازم وجماعتة المسربتين
1 تع
نزلت راسي
عدهم خطوبة
اكيد يشترون ملابس جديدة
شعلية
شلت الملازم وطلعت للصالة
رفعت شعري ولبست النظارة
كعدت بالكاع وبلشت ادرس
مرت الساعات
وانا ع كعدة وحدة
لحد ما غفيت
وفزيت ع روناك وهي تكعد بية
روناك: زهراء ليش نايمة هنا؟
عدلت كعدتي
كلت
زهراء: كنت ادرس، بيش الساعة
كالت وهي تبتسم
روناك: نداء الصلاة هسة
ابتسمت
زهراء: اذان الفجر هذا، بس حلو حبيت سالفة نداء الصلاة
دخلت للمغاسل
توضيت
وبعدها طلعت صليت
وهي كانت كاعدة ع الكرسي
وتشرب كبتشينو
كملت صلاة
كلت
زهراء: شعجب مو نايمة؟
كالت بخنكة
روناك: حسيت نفسي مخنوكة شوي وكلت ابقى كاعدة
كعدت كدامها
كلت
زهراء: تحسين نفسج محتاجة تبجين؟
دمعت عيونها
كالت
روناك: اكو بروحي كلمة ليش، وكأن كلشي يصير بحياتي ترافقة كلمة ليش
تنهدت
زهراء: كل يوم اكول لعطاء الله ليش يخليني بهيج اختبارات ولليوم مو عارفة الجواب
كالت بخنكة
كانت تفتح عيونها وترمش بسرعة
حتى ماتوكع دموعها
روناك: من طلعت انا وحبيبة حتى ادور ع شغل، صاحب الشركة اول ما شافني دون ما يسألني كبل وافق تدرين ليش وافق؟
ميلت راسي
زهراء: ليش؟
روناك: سألتة، ليش وافقت دون ما تسأل عن شهادتي ثقافتي او منو اني ومنو اكون تعرفين شجاوب؟
زهراء: شجاوب؟
وكعت دموعها
روناك: يكلي مو مهمة الشهادة، جمالج يكفي حتى ينجحلي الشغل
1 تع
غمضت عيوني بقوة
زهراء: لا اله الا الله
ذبت الكوب ع الطاولة
خلت ايدها ع وجهها
وصارت تبجي
كمت من مكاني
خليت ايدي ع ظهرها
وكلت
زهراء: لا تبجين روناك، خلي يولي احنا وياج ونساعدج
مسحت دموعها
كالت
روناك: شلون اكو اب بكل هاي الدنيا يذب بنتة هيج وما يسأل عن مصيرها، لج حتى هذا عبدالله خدعني، لو تشوفي شلون قتل نفسة علية
صفنت
بعدها كلت
زهراء: الحب كذبة لابد منها
كمت وكعدت ع التخم
مددت رجلي وكلت
زهراء: صار فترة طويلة ملتهين بالقهر، خلينا نصفن ع نفسنا شوي ونركز بالهدف اللي اجينا علمودة، العندة هدف ما يضيع
طلعت حبيبة من الغرفة
فركت عينها
كالت
حبيبة: خير؟ شبيهم الردادة والنواحة؟ لاااا النهار مبين من صباحة
كلت بأنزعاج
زهراء: حبيبة بدون كلام زايد
حبيبة: هسة صار كلامي زايد؟
اجت وسندت نفسها ع الكرسي
حكت شعرها وكالت
حبيبة: بربج شنو الجديد بحياتنا؟ نبجي ونلطم وننام، نكعد الصبح نكشخ ع اخر حبة ونروح ٦ او ٥ ساعات يكركر الدكتور براسنا دك محاضرات ونرجع ناكل ونتعارك ونبجي ونرجع ننام وهكذا
تنهدت
زهراء: تزوجي حتى يتغير روتيننا
حبيبة: حازم وراية ويطول خطاية؟
زهراء: كل هذا وما طايلة خطاج؟ انتي تكولين هالكلام حبيبة؟
صفكت ايد بأيد قصص ماي
هوبس وكالت
حبيبة: كفيلج العباس ابو فاضل هيج مغسلة ايدي من حازم
روناك: شمبقيج وياه
حبيبة: الحب وعذاب الحب
زهراء: بعدج مصدكة اكو حب؟
حبيبة: تحجي بيأس وهي عدها واحد مكطع نفسة علمودها، اخاف افتح الباب اخاف الكة خالد شامر كلبة ببابنا
شلت الملازم وكمت للغرفة
حبيبة: طبعا تكومين، من تجي سيرة خالد تتوتر الاجواء يا مسكين يا خويلد
ابتسمت بأستهزاء
والله محد مسكين غيري
....
خالد: لا والله ما اتفق
حازم: ليش حتى متتفق؟؟
خالد: لان هذا الكلام مو معقول
حازم: وشلون تسوي معقول عيني؟
كلت بأستغراب
خالد: يعني تريد تقنعني تروح تشتري ملابس من المنصور ب٥٠ الف؟ كل قطعة بذاك السعر
حازم: ليش قابل مشتري من باريس
خالد: وك يابة المنصور منطقة راقية وغالية وين اكو هيج حجي
كال حسين
حسين: خير لازم جاي تحضر لخطوبتك خالد
عقدت حاجبي
خالد: خطوبتيش؟
حسين: شتسوون بالملابس؟
خالد: حازم يريد نروح نتسوك ملابس مناك عود ع اساس حتى نبين كشخة
حسين: يعني اكيد لخطوبتك
ضيقت عيوني
خالد: شبيك من الصباحيات مجلبلي ع الخطوبة، يابة مااخطب هسة
حازم: يمعودين عوفوا الخطوبة انا اريد اكشخ
حسيت بالانزعاج
حسين هواي لح بموضوع الخطوبة
كال حسين
حسين: اصلا ثنينكم انت وخالد ما مقصرين بالكشخة
خالد: شدانلبس، قميص وبنطرون ومرات بدي قابل كل يوم رايح بقاط رئاسي
حازم: دسمعوا كلامي واليوم للمنصور
طلع سراج من الغرفة
كال
سراج: خير، جاي اسمع المنصور هيج ترتبون لطلعة وما تكولولي!؟
حسين: اهووو انا مااطلع اذا سراج يطلع، وخالد هم ميطلع لان ميطيقك، وحازم إحتمال يجاملك روح انت وحازم
غمزلي سراج وكال
سراج: خالد صدك متطلع وياية؟
احس الدم صعد لراسي
باوعلي حسين
كال بأستغراب
حسين: ليش سكتت خالد صاير شي؟!
كال حازم بانزعاج
حازم: اهوووو الغوا الروحة من الاساس انتو مو وجه منصور
دخلت للغرفة
اجة حسين وراية
شلت الملازم حتى اطلع
لزمني حسين وكال
حسين: ليش سكتت؟ لا يكون سراج لازم عليك لزمة؟!
فتحت عيوني مصدوم
كلت
خالد: لاا منين جبت هيج حجي؟
حسين: مهما صار ديربالك تسلم ركبتك لواحد مثلة
بلعت ريك
كلت
خالد: انا اساسا تعبان بسبب مشاكلي وي اهلي وبس
ربت ع كتفي
وطلعت
لحكني حازم وصار يمشي يمي
كال
حازم: خايف من سراج لا يفضح الامة
كلت بتعب
خالد: راح اتحاشاه هالكم يوم بين ما ارتب شغلي واروح اخطبها كبل واسكتو واسكت اهلو
حازم: لا تخلي موضوع سراج يشتتك، فكر بهدوء وادرس الموضوع عدل وبرأيي لا تبقى ملاحكها هي صارت تعرف بحبك الها افضل شي تسوي تتجاهلها هالايام حتى هي تفكر صح
تنهدت
خالد: انا هم حاس نفسي ضغطت عليها ولازم اعوفها ترتاح وتفكر صح
دخلت للجامعة
ذبيت ملازمي برا
اخذت بس الاقلام ودخلت للقاعة
زهراء كاعدة
عبرتها وكعدت اخر ستول
امتحنا ومن كملنا طلعت
كانت هي دتاخذ ملازمها
سحبت ملازمي وطلعت
بقيت واكف بعيد عنها
لا هي باوعت ولا انا باوعت
كملنا باقي المحاضرات
وانا بعيد
انتهى الدوام وهي كانت تمشي
مريت من يمها
احس كلبي يريد يطير ويروح عليها
بس مريت كأني غريب
الفترة الفاتت كلش ضغطت عليها
صارت تعرف شعوري وحبي الها
وصار لازم اتركها تفكر
ويمكن هذا اهدأ وافضل قرار اخذة بحياتي
......
حبيبة: سامعة بعبارة اغبى قرار؟ هو هذا اللي ينطبق ع هالكلام
روناك: هاي شبيج حبيبة
حبيبة: يعني انتي عايفة دوامج وساحلة عطاء وجايبتها لقسمي ومطلعتني من محاضرتي علمود هالتفكير الغبي؟
كالت عطاء بتعب
عطاء: دتكلج مدير الشركة جاي يضايقها بنظراتة وتريد تبطل ترا حقها
حبيبة: وج بوية هي نظرااات نظرااات لا تخليني اسبج واسب عقليتج، وين تلكين شركة تشغلج شفت مسائي بهيج راتب؟
كالت روناك بأستهزاء
روناك: هسة هي من حورها، كلها ع بعضها شركة ديكورات
حبيبة: طبعاً طبعاً شوفي انا برأيي تبطلين وبوجهج تروحين ع زوجج عبدالله صاحب شركات السياحة والسفر
كلبت وجهها
عطاء رفعت حاجبها بمعنى اسكتي
حبيبة: اييي والله مجاي تنبلع عندي، يعني اذا خسرت شغلها هنا منين نجيبلها شغل بعد؟ اشغلج وي حازم بمحل الحدادة؟
عطاء: انا برأيي تنتظرين، هو ميكدر يسوي شي لان وياج كومة موظفين بس اي تصرف حقير يبدر منة كبل بطلي
كلت
حبيبة: واتفلي بوجهة هم حتى تطلعين بدون رجعة
بهالاثناء اجة حازم
سلم ع البنات
اباوع ع عطاء انسحبت
واخذت روناك وياها
وراحوا
كال حازم بأنزعاج
حازم: شبيهن صديقاتج؟
حبيبة: ضايجين من ساتر الأعراض الاعلامي حازم
حازم: عبالك مو عاجبج؟
حبيبة: عاجبني عاجبني بس الظاهر احنا المو عاجبيك
حازم: استغفرالله ربي
حبيبة: شطلعك من المحاضرة؟
تنهد
حازم: حسيت بملل وكلت اطلع اسولف وياج صار هواي مو مسولفين سوة
حبيبة: وعن شنو نسولف؟
حازم: جاي اجمع، ونكدر نكول المبلغ صار كلش حلو وان شاء الله اتقدملج
حسيت كلبي خفق
بس ما بينت فرحتي
كلت
حبيبة: خلص معناها الله يقدم اللي بي الخير
حازم: شو جوابج بارد؟
حبيبة: المهم جوابي لو اللي احسة؟!
حازم: وشنو اللي تحسي
حبيبة: مو مهم، المهم طلع الدكتور خلي ندخل للمحاضرة الثانية
مشيت وعفتة
انا احب حازم
لكن احس هالحب تعبني هواي
واخذ من طاقتي اضعاف مضاعفة
كملت محاضرتي
وطلعت وعفتة
لحكني وهو يكول
حازم: عبالك صايرة ما تطيقيني؟
باوعتلة وكلت ببرود
حبيبة: ويمكن احب اشوف لهفتك علية وصدق مشاعرك تجاهي
كال بقهر
حازم: شسويلج وتقتنعين بعد؟ دخيل ربج والله روحي طلعت ومجاي ترضين
عافني وراح
دمعت عيوني
سمعت شخص يكول
تميم: هذا راح يكسر كلبج
التفتت بخوف
لكيت تميم مستند ع سيارتة
مخلي جكارة بحلكة وجاي يورثها
مسحت دموعي وكلت
حبيبة: شجابك هنا
خلة ايد بجيبة
والايد الثانية شايل بيها الجكارة
كال
تميم: شكلج نسيتي شكال ابوج او عذرا عذرا خالي
ضيقت عيوني
كال
تميم: انا دكتور جامعي، ابوج نقلني هنا بس مو بقسمج حرامات
عقدت حاجبي
طريقة كلامة مستفزة
كلت بأنزعاج
حبيبة: وليش ملاحكني؟!
ابتسم وكال بأستهزاء
تميم: ملاحكج؟! ههههه
غمضت عيوني بقوة
تمشى ووكف كدامي
كال
تميم: تعرفين شنو مشكلة الانسان؟ يظن انه محور كون وان كل شيء ع هذه الارض مسخر لأرضاءه هو فقط وكأن الله لم يخلق غيرة مخلوقات
كلت بأنزعاج
حبيبة: تفاهة المثقفين هاي تكدر تضحك بيها ع بنات مراهقات، اما انا فـ لا
ابتسم
تميم: شيسوي دكتور جامعي مثلي بمجرد بنية مثلج؟ مخلية كف حنة ع راسها وصابغة وجهها بألوان زرق ورق وفوك كل هذا تظن نفسها ان هي جميلة
حبيبة: الانسان من يتكلم بغير اختصاصة راح يكون دائما خاسر، كف الحنة التحجي عنة هو صبغة ولونها برغندي، اما الزرق ورق فهو ادوات تجميل تساعدنا حتى نتقبل قباحة الاخرين
رفع حاجبة
تميم: يا ترى تكدر تضم قباحتكم؟
ضيقت عيوني
ركزت بعيونة
حسيت كلامة الة ابعاد
كلت
حبيبة: قباحة منو بالضبط؟
حس ع نفسة
ارتبك وما رد
تقربت الة وكلت يشك
حبيبة: مو عبالك انت حاقد على اهلي؟ بس ليش؟
ابتعد وكال بتوتر
تميم: احقد؟ عليمن احقد؟ هذا مو ثوبي ولا اسلوبي
حبيبة: انت شخص مو مريح
تميم: وانتي انسانة لعوبية، واظن وقعتي بشر اعمالج
حبيبة: جاي تحجي كلام اكبر منك ومن ابوك
بانت ملامح الانتقام ع عيونة
ابتسمت
حبيبة: تقصدت اذكر والدك الله يرحمة بس حتى اتأكد من احساسي، عيونك فضحت كلشي لان يكولون العيون هي مرأة القلوب وحقدك واضح
رمى الجكارة بالكاع
وداس عليها وكال
تميم: هيج ارمي الكلام الفارغ مثل كلامج طبعا، وهيج ادوس علية
ابتسمت
حبيبة: اذا دازك ابوية حتى تنقلة اخباري انا وحازم كلة بخير وحازم راح يرجع يطلبني منة
خلة ايدة بجيوبة
تميم: هممم شوكت؟
حسيتة يستفزني
كلت
حبيبة: الجمعة التجي، وراح تشوف بعينك
خلة اصبعة ع لحيتة
وصار يحرك بيها
تميم: بس انا ما جاي لهذا الغرض، غرضي اكبر
تقربت الة
حبيبة: ممكن اعرف الغرض الجاي علمودة؟ اللي مخليك تعوف ايران وكل البنيتة هناك وتجي لهنا؟
تميم: اكون دكتور ناجح بجامعة راقية مثل جامعة بغداد
ضحكت
حبيبة: جامعة بغداد راقية اتفق وياك، تصير دكتور ناجح هم ممكن ليش لا، بس انك جاي لهنا بس لهالسببين؟ مراح اصدك ولا اقتنع لاني مو غبية
مشيت وعفتة
التفتت وكلت
حبيبة: معزوم ع خطوبتي مقدما
ابتسم وكال
تميم: اول واهم الحاضرين
1 تعليق
مشيت بسرعة
احس السم صعد لراسي
وصلت للسكن
دخلت للغرفة
فتحت فوني واتصلت ع حازم
اول ما فتح الخط كلت بعصبية
حبيبة: حازم احسب حسابك الجمعة الجاية انت رايح للمحل ع ابوية وطالبني منة تمام؟
كال بأستغراب
حازم: ع كيفج حبيبة، ممكن افهم الصاير؟
حبيبة: مو ضروري تفهم، وانا مراح ابقى كاعدة مكتفة الايدين وهذا اخر كلام عندي ومن بعدها لا تلومني ع اللي يصير
سديت الخط
احس اختنكت
كمت ادور ع علاجي ماكو
طشرت الاغراض بالكاع
دخلت زهراء للغرفة
باوعتلي ببرود وكالت
زهراء: تعبت وانا ارتب الغرفة ليش خربتيها؟
ما جاوبتها
فرشت سجادتها بالكاع
كالت بنبرة حزينة
زهراء: البناء يحتاج وقت كلش هواي، بس الهدم يحصل بلحظة
كعدت ع السرير
كلت بتعب
حبيبة: اسفة بس تعبانة وصارت وياية مواقف حقيرة
ما ردتلي
بلشت تصلي
زهراء عموما هادئة
لكن اول مرة اشوفها بهالبرود
بقيت اباوعلها وهي تصلي
كملت صلاة وكلت
حبيبة: مو عبالك جاي تصلين هواي؟
كالت بأستغراب
زهراء: ليش انا شوكت ما صليت؟
حبيبة: مااعرف اشوفج جاي تطولين
تنهدت وكالت
زهراء: انا مستمرة ع الفرائض والنوافل لكن مرات تلهيني الدنيا واسرع بيها، من صغري عودت نفسي الاذى هو اللي يخليني اراجع نفسي وارجع اصلي بكل هدوء وسكينة
لمت سجادتها
صفنت وصرت افكر
زهراء شبيها؟!
كلت
حبيبة: يعني انتي هسة متأذية؟
زهراء: لا
حبيبة: كلتي الاذى..
قاطعتني وكالت
زهراء: ينمحي بأول ركعة يركها المؤمن بصدق لله
حبيبة: يعني هسة انا اذا اصلي يختفي شكو اذى بحياتي؟
زهراء: لا، بس تصير الرحلة اسهل
كلت بتعب
حبيبة: انا تعبانة، هذا الزفت تميم مدري منين طلعلي
زهراء: تميم؟!
حبيبة: ابن عمتي انسان مريض وعينة تلمع بالانتقام
زهراء: شنو اللي يريدة منج؟
حبيبة: مااعرف بس مو مرتاحة الة
تنهدت وكالت
زهراء: كلهم مو مريحين
خليت ايدي ع راسي
حبيبة: النوب انا الغبية استفزني وكتلة حازم يخطبني الجمعة
كالت بأستغراب
زهراء: وانتي واثقة من حازم يخطبج؟!
حبيبة: جا ليش؟
تمددت وغطت نفسها
وهي تكول
زهراء: كلهم ما يتأمنون، اشرف واحد بيهم تطلع منة الناقصة، انا راح انام مااريد غدة
......
وانا طالعة دون غدة
امشي بكل تعب
بشوارع بغداد
بعد العز والخير
صارت الشمس الحارة تحرك راسي
واصبحت جوعانة
مو نقصاً للفلوس
لكن نقصا وفقدانا للاهل
امي ماتت
ومات كلشي حلو وياها
وبابا شمسة غابت
وحان وقت الانتقام
طلعت الكرت من جيبي
تنهدت
انت وابوك مو اشرف منا
بس احنا وثقنا بيكم
وطلعتوا ثعالب
وانا راح ادفعك ثمن هالثقة غالي
حيل غالي..
سجلت رقمة
واتصلت علية
فتحلي كبل
كلت
قاضية: الو سراج، انا قاضية
سراج: منو قاضية؟ اااا تذكرتج ام الماستر
كبل تغير صوتة
وصار يحجي بحب واسلوب متلون
سراج: يا هلا وين هالغيبة، مجاي اشوفج
كلت بتعب
قاضية: حالة امي تعبانة وانا حايرة بروحي، احس ماكو مكان يلمني
سراج: انتي وين؟
قاضية: مااعرف احس ضعت بشوارع بغداد، بس انا هسة طالعة من مستشفى مدينة الطب
سراج: ابقي واكفة بمكانج، جاييج
سديت الخط
وكعت دموعي
مسحتها وابتسمت
والله لأبجيك بدالها عشرة
كعدت ع الرصيف
وصرت اتأمل الناس بالشارع
شكد اكو مساكين
كنا ما نشوفهم
ما يحس بالانسان غير الانسان المثلة
او اللي عايش ظروفة
بعد مرور وقت
صفت سيارة سراج يمي
نزل منها يركض
كعد كدامي وقدملي بطل ماي
كلت بتعب
قاضية: شلون لكيتني؟!
سراج: ما مبعدة هواي عن المستشفى
شربت ماي
ساعدني حتى اكوم
وصعدني بالسيارة
سراج: احجيلي شبيج، وشجابج لهنا؟
خليت ايدي ع وجهي
وصرت ابجي
قاضية: امي مريضة وجبتها لهنا، ضاكت بية الدنيا
سراج: وشلون عايفتها وحدها؟ امشي نروحلها
مديت ايدي ع مقود السيارة
وكلت بخوف
قاضية: لالا هنااك خوالي، اذا شافوك يقتلوك
كال بأستغراب
سراج: ليش؟!
قاضية: خوالي من الجنوب وامي اخذت ابوية غصب عنهم وهمة يكرهوني، اذا شافوك راح يفكرون بية غلط
ابتسم وكال
سراج: خلي يفكرون، المهم شنو انتي
كلت بتعب
قاضية: احس نفسي تعبانة
سراج: هممم وين تريدينا نروح؟
غمضت عيوني
وخليت راسي ع الجامة
وكلت
قاضية: ماادري
سكت!
وصار يسوق وهو ساكت
وانا امثل النوم
وافتح عيوني شوي واباوع
حتى احفظ الطريق
وقف سيارتة بشارع هادئ
بقيت مغمضة
نزل مااعرف وين راح
بعدين رجع الي
فتح باب السيارة وشالني
بقيت امثل ان انا نايمة
دخلني لشقة
هاي شقتة!
خلاني ع السرير
وسد الباب
كلبي صار يخفق بقوة
صار يفتر بالشقة
بعدها اخذ مفاتيحة وطلع!
هاي فرصتج قاضية
إشهار
كمت مثل المخبلة
وصرت ادور بالمكان
نبشت كلشي
كنت ابحث عن دليل
كانت عيوني تدور ادانة!
احس نفسي راح ينقطع
كنت مااشوف بعيني غير امي الميتة
وابوية المسجون
اخيرا فتحت مجر المكتب
ولكيت ملف!
فتحت عيوني بقوة
معقولة هذا الملف يخصهم!؟
اجيت افتحة
سمعت صوت المفتاح بالباب
غمضت عيوني بتعب
سديت المجر
وكمت بسرعة
تمددت ع السرير
ومثلت ان انا نايمة!
فتح الباب حتى يتطمن علية
وبعدها صار يطكطك بالاغراض برا
كعدت وطلعت امشي بتعب
وامثل الصحوة من النوم
لكيتة بالصالة
جايب اكل ودايرتبة
وفوكاها مسوي اجواء!
كلت
قاضية: انا وين؟
سراج: هاا صحيتي؟ لتخافين انتي بشقتي
قاضية: وليش اخاف؟ انا اثق بيك
رفع حاجبة بتعجب
سراج: هااا حلوو عجبتيني بصراحة
كعدت وهو كعد كدامي
صار يقدملي اكل ويكول
سراج: اكيد جوعانة
قاضية: هاي شمدريك؟
سراج: احس
ابتسمت
قاضية: شقتك حلوة، ناقصها مرة
سراج: انتي موجودة هههه
قاضية: مو كتلك انا مو وجه هاي السوالف، انت بس اختار وانا ازوجك بيدي
صار ياكل وهو يكول
سراج: انا ابو بنات مو ابو بيت
قاضية: يعني هاي الشقة تجيب بيها بنات؟
سراج: اذا كتلج اي راح تخافين؟
قاضية: لا
سراج: شعجب؟ اول مرة شفتج كنتي خايفة
قاضية: انت متكدر تأذيني
سراج: ليش؟
قاضية: لان انا مو هينة، واذيك
صار يضحك بقوة
سراج: احلى شي بيج ثقتج بنفسج، لالا والاحلى من هذا تعرفين شنو؟
قاضية: شنو؟
سراج: ان انتي تعرفين تروضين الوحش اللي بداخلي
رفعت حاجبي
قاضية: اوو صار بيها وحش
سراج: انتي اول بنية اصارحها بحقيقتي ورغبتي واكون وياها جدي
قاضية: عادتا البنات يجون لهنا ويكونون طعم الك صح؟
هز راسة بمعنى اي
قاضية: وشنو كانت نهايتهم؟
سراج: مااعرف، بس وحدة بيهم ماتت
قاضية: ما يأنبك ضميرك؟
سراج: وهي ليش ضعيفة؟
قاضية: انت تنجذب للضعيفات بس ما تحبهم قصص ماي هوبس
بلشت اكل وهو يباوعلي
مديت ايدي ولمست حاجبة
وكلت
قاضية: منو جارحك منا؟
صار يباوع ع ايدي
انصدم من حركتي
ضحكت وكلت
قاضية: شبيك خفت مني؟
سراج: حبيت جرئتج، عيديها
قاضية: عوف السوالف التعبانة واحجيلي
كال بلامبالاة
سراج: يمعودة هذا واحد تعبان ويانة بالسكن، حب علوية وهو سني ومن ذكرتة بحقيقتة ضربني عود هو زلمة بس لو تشوفيني شلون سحلتة سحل
سراج: انا عايفهم ناس تذبح ناس حسب توقعي اخو البنية بس يدري راح يرتكب بي جريمة لان اخوها طالب ويانا بالسكن
قاضية: معناها نهايتهم مأساوية، زين ونهايتك
اعتبر سؤالي مجرد سؤال غبي
وكال وهو يضحك
سراج: شلون ما تحبين تكون خلي تكون
تنهدت
بسيطة ليش لا
ما طلبت غير حقك
كمت وكلت
قاضية: سراج رجعني لان تأخرت اكيد هسة خوالي عافوا امي بوحدها
كام حتى يوصلني
وكف كدامي وكال
سراج: اي شي تحتاجي اتصلي علية، مااقصر وياج
ابتسمت وشكرتة
ووصلني للمستشفى
راد ينزل وياية ما خليتة
تحججت بخوالي
راح وانا طلعت موبايلي
واتصلت بحور
قاضية: انا يم المستشفى، تعالي اخذيني
.......
ممكن تكون الحياة سهلة
لو عندي بشر واحد أمن
اكدر اتصل علية
وينتشلني من اللي اعيشة
لكن ماكو
دخلت للشركة
رتبت مكتبي
وبقيت بهوسة الناس
فجأة دخل عبدالله للشركة
كلبي بلش يخفق بقوة
شجابة؟!
عبرني ودخل لغرفة المدير
شفتة يسلم علية ويضحك
ذول معارف!!
طلع من المكتب
باوعتلة بصدمة
اقترب الي وكال
عبدالله: كدامي للسيارة دون اي كلام
كلت بغضب
روناك: مااطلعع وياك
كال بصوت ناصي
عبدالله: كلمة وحدة واكلب عاليها سافلها والله
روناك: مااطلعع وياك
خزرني
طلعت ورحت للسيارة
الدمعة بعيوني وايدي ترجف
صعد يمي
بلش يسوق وهو يكول
عبدالله: اجرت شقة بمكان حلو وراقي، باجر تلمين اغراضج وتجين وكافي دياحة وعناد
صحت
روناك: اناااااا مو غرض من اغراضككك
عبدالله: لا ترفعين صوتج
روناك: راجعة لأهلي حتى اكللهم بكلشي صار واترك الدراسة واترك كلشي
كال ببرود
عبدالله: داعش دايتعرض لكركوك واهلج سافروا للبنان
جمدت الدمعة بعيوني
كلت بخنكة
روناك: بس، مخابروني!
تنهد وكال
عبدالله: حياتج يمي مو يمهم
روناك: انت ليش بعدتهم عني؟! شسويتلهم وهيج صار!؟
باوعلي
عبدالله: هددتهم وراح يبقون تحت التهديد، اخذ كلشي منكم اذا ما صرتي الي وانتييي بالذات اذا ما جريتي عدل وياي اشوفج نجوم الظهر
دموعي تنزل
كلت بقهر
روناك: انت انسان مريض
عبدالله: انا انسان سويت كلشي وما كدرت احصل الاريدة، انا انسان مرفوض من الكل ومراح ابقى مرفوض، انتييي مرتي وراح اخذج لبيتنا وتكونين مرتي فاهمة؟!!!
احس النار شعلت بية
فتحت الجنطة وطلعت سكين
جرحت كف ايدي وخليتها ع وريدي
صرخت
روناك: وطهارة مريم العذراء اذا ما رجعتني للسكن اذبح روووحي هسةةةة
وقف السيارة
وكال بخوف
عبدالله: اهدي روناك اهدي
صرخت
روناك: انااااا ما اريييدك افهم، انا ما احبك
صاح بية
عبدالله: لييييش تسوين بية كل هذااا علمود ناس باعوج
كلت بكره
روناك: طز بيك وبأهلي، لجهنم الحمرة ثنينكم
صرخت
روناك: عووووفنييي بحاليييييي
فتحت باب السيارة
ونزلت اركض
اباوع الة خلة راسة ع المقود
بعد ما حس باليأس
اجرت تكسي
ورجعت للسكن
دخلت للشقة والدم غطى ملابسي
اول ما شافتني عطاء بقت فاتحة عيونها
وما تتحرك
صرخت حبيبة
حبيبة: وج روووناك شبييييج
دخلت للغرفة
شمرت نفسي ع السرير وصرت ابجي
حاولت انام وما كدرت..
البنات يباوعون ع حالتي ومقهورين
ما حجينا لكن بقينا خايفين
ثاني يوم الصبح
راحوا للدوام
وانا رفضت اروح لان تعبانة
بعد ما طلعوا ب٥ دقايق اندكت الباب
كمت من سريري بتعب
اكيد وحدة بيهم ناسية شي
فتحت الباب
صار بوجهي عبدالله
فتحت عيوني مصدومة
كان وجهة تعبان
عيونة حمرة ومبين سكران
شايل بأيدة مسدس كاتم!
كال بغضب
عبدالله: كدامي للسيارة
كلبي صار يخفق بقوة
كلت بخوف
روناك: عبدالله انت مو صاحي، عفية عوفني
اجيت اسد الباب
جر ايدي بقوة
باوع لعيوني
عيونة مليانة غضب ودموع!
كال بقهر
عبدالله: انا تسوين بية هيج؟!
رمشت ببطئ
شسويت!
اخذني من ايدي
صعدني بالسيارة
صار يمشي بسرعة جنونية
اخيرا وكفنا يم عيادة
سحب بطل ماي وغسل وجهة بالشارع
جرني من ايدي ودخلنا جوة
اخذني لمختبر
وكال للبنية
عبدالله: اريدج تسحبين لزوجتي دم
: طالبين تحليل لشنو؟
باوعلي بكره وكال
عبدالله: حمل
عبدالله: اريدج تسحبين لزوجتي دم
: طالبين تحليل لشنو؟
فتحت عيوني مصدومة
حمل!؟
