رواية فصلية لظالم الفصل الثلاثون بقلم زينب نور
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
.........
ﺯﻣﺮﺩ : ﻃﻠﻌﺖ ﺍﺭﻛﺾ ﻟﻠﻄﺎﺑﻖ ﺍﻟﻲ ﺑﻲ ﻣﺎﻣﺎ ﻃﺒﻴﺖ ﺏ ﺍﻟﻤﺼﻌﺪ ﻭﻃﺐ ﻳﻮﺳﻒ ﻭﺍﻟﺴﺎﻳﻖ ﺍﻭ ﺣﻤﺎﻳﺘﻪ ﻭﺟﺎﻧﻮ ﺍﻛﻮ ﻧﺎﺱ ﻭﻳﺎﻧﻪ ﺑﺎﻟﻤﺼﻌﺪ
ﺍﺣﺲ ﺍﻟﻮﻛﺖ ﻣﻴﻤﺸﻲ ﻭﻳﺨﻠﺺ ﻭﻻ ﺍﻟﻤﺼﻌﺪ ﺩﻳﺘﺤﺮﻙ ﺍﻳﺪﻱ ﻛﺎﻣﺖ ﺗﺮﺟﻒ ﻛﻠﻲ ﻳﻮﺳﻒ ﻟﺘﺨﺎﻓﻴﻦ ﺍﻧﺸﺎﻟﻠﻪ ﻣﺎ ﺑﻴﻬﺎ ﺷﻲ ﺑﺎﻭﻋﺖ ﻋﻠﻴﻪ ﻭﺳﻜﺘﺖ ﻣﺠﺎﻭﺑﺖ
ﻭﺻﻠﻨﻪ ﺍﻟﻄﺎﺑﻖ ﻭﺍﻧﻔﺘﺢ ﺑﺎﺏ ﺍﻟﻤﺼﻌﺪ ﻭﻃﻠﻌﺖ ﺑﺴﺎﻉ ﻭﻃﻠﻌﺖ ﺍﺭﻛﺾ ﻟﻠﻐﺮﻓﻪ ﺍﻟﻲ ﺑﻴﻬﺎ ﻣﺎﻣﺎ
ﻭﺻﻠﺖ ﻗﺮﻳﺖ ﺭﻗﻢ ﺍﻟﻐﺮﻓﻪ ﻭﻃﺒﻴﺖ ﺍﺭﻛﺾ ﺍﻭﻳﻠﻲ ﻣﺎ ﺃﻭﺻﻒ ﺷﻨﻮ ﺟﺎﻥ ﺷﻌﻮﺭﻱ
ﻃﺒﻴﺖ ﻭﻟﻜﻴﺖ ﻣﺎﻣﺎ ﻣﺪﺩﻩ ﻋﺎﻟﺴﺮﻳﺮ ﻣﺎﻝ ﺍﻟﻤﺴﺘﺸﻔﻰ ﻭﺍﻷﺟﻬﺰﺓ ﺩﺍﻳﺮ ﻣﺪﺍﻳﺮﻫﺎ ﻭﻣﺸﻜﻠﻪ ﺑﺠﺴﻤﻬﺎ ﺣﺘﻰ ﺑﺎﺻﺎﺑﻴﻌﻬﺎ ﻭﻫﻴﻪ ﻓﺎﻗﺪﻩ ﻭﻧﺎﻳﻤﺔ ﺩﺍﺧﻠﺔ ﻏﻴﺒﻮﺑﻪ
ﺍﻧﻲ ﺷﻔﺘﻬﺎ ﻫﻴﺞ ﻭﻋﻄﺖ ﺑﻌﻠﻮ ﺻﻮﺗﻲ ﻣﺎﻣﺎﺍﺍﺍﺍ ﺧﺎﻟﻪ ﻣﻦ ﺷﺎﻓﺘﻨﻲ ﻓﻘﺪﺕ ﻋﺒﺎﻟﻬﺎ ﺍﻧﻲ ﻣﻮ ﺣﻘﻴﻘﻴﻪ ﻭﺟﺬﺏ ﻣﻮ ﻛﺪﺍﻣﻬﺎ
ﺍﻧﻲ ﺭﻛﻀﺖ ﻋﻠﻰ ﻣﺎﻣﺎ ﻭﻧﻤﺖ ﻓﻮﻛﺎﻫﺎ ﺍﺑﺠﻲ ﻭﺍﺻﺮﺥ ﻣﺎﻣﺎ ﻭﺝ ﻣﺎﻣﺎ ﻋﻴﻨﻲ ﻓﺪﻭﺓ ﻛﻌﺪﻱ ﻟﻴﺶ ﻫﻴﺞ ﺻﺎﻳﺮ ﺑﻴﺞ ﻫﺎﻱ ﺍﻧﻲ ﺯﻣﺮﺩ ﺑﻨﺘﺞ ﺍﺟﻴﺘﺞ
ﻓﺪﻭﺓ ﻣﺎﻣﺎ ﻛﻮﻣﻲ ﻫﺎﻱ ﻟﻴﺶ ﻫﻴﺞ ﺻﺎﻳﺮﻩ ﻭﺍﻫﺰ ﺑﻴﻬﺎ ﻭﺧﺎﻟﻪ ﺍﺟﺘﻲ ﻋﻠﻴﻪ ﻭﻻﺯﻣﺘﻨﻲ ﻭﺍﻧﻲ ﻣﻮ ﻣﺼﺪﻛﺔ ﺷﻔﺖ ﻣﺎﻣﺎ ﺑﻌﺪ ﻏﻴﺎﺏ ﻃﻮﻳﻞ ﻭﺑﻌﺪ ﻫﺎﻱ ﺍﻟﻤﺪﻩ ﻛﻠﻬﺎ ﻭﺑﻌﺪ ﻣﺎ ﻛﻄﻌﺖ ﺍﻻﻣﻞ
ﻭﻳﻮﺳﻒ ﻭﺍﻛﻒ ﺑﺎﻟﺒﺎﺏ ﻭﻳﺒﺎﻭﻉ ﻋﻠﻴﻪ ﻛﻮﺓ ﺧﺎﻟﻪ ﻭﺧﺮﺗﻨﻲ ﻣﻦ ﻣﺎﻣﺎ ﻭﺣﻀﻨﺘﻨﻲ ﻭﺗﺒﺠﻲ ﻭﺗﻜﻮﻝ ﻭﺝ ﺯﻣﺮﺩ ﺧﺎﻟﻪ ﻫﺎﻱ ﺍﻧﺘﻲ ﺍﺟﻴﺘﻲ ﺷﺼﺎﻳﺮ ﺑﻴﺞ ﻭﺗﺤﻀﻦ ﺑﻴﻪ ﻭﺗﺒﻮﺱ
ﻭﺍﻧﻲ ﻓﺎﻗﺪﻩ ﺑﺲ ﺣﻀﻨﺘﻬﺎ ﻭﺍﺑﺠﻲ ﻓﻘﺪﺕ ﻛﻌﺪﺗﻨﻲ ﻋﺎﻟﺘﺨﻢ ﻭﺗﺴﺎﻝ ﻭﺍﻧﻲ ﺑﺲ ﺻﺎﻓﻨﻪ ﻋﻠﻰ ﺍﻣﻲ ﻭﺍﺑﺠﻲ
ﺿﻠﻴﺖ ﻫﻴﺞ ٣ ﺳﺎﻋﺎﺕ ﻳﻮﺳﻒ ﺳﻠﻢ ﻋﻠﻰ ﺧﺎﻟﺘﻲ ﻭﻓﻬﻤﻬﺎ ﻭﺣﺠﻰ ﺍﻟﻬﺎ ﺷﺼﺎﺭ ﺑﻴﻪ ﻭﺗﻔﺎﻫﻤﻮ ﺿَﻞ ﻧﺺ ﺳﺎﻋﻪ ﻭﺑﻌﺪﻫﺎ ﺍﺳﺘﺄﺫﻥ ﻭﺭﺍﺡ
ﺑﻌﺪﻫﺎ ﺷﻮﻱ ﺳﻜﺘﺖ ﻭﻛﺪﺭﺕ ﺍﺳﺘﻮﻋﺐ ﺍﻟﻲ ﺑﻤﺎﻣﺎ ﻭﺍﻟﻲ ﺩﻳﺼﻴﺮ
ﻋﺎﺩ ﺣﺠﻴﺖ ﻭﻳﻪ ﺧﺎﻟﻪ ﻭﺳﻮﻟﻔﻨﺔ ﻭﺍﻧﻔﺘﺢ ﺍﻟﻤﻮﺿﻮﻉ ﺳﺄﻟﺘﻨﻲ ﺷﻨﻮ ﺍﻟﻲ ﺻﺎﺭ ﺑﻴﻪ ﻭﻟﻴﺶ ﻻﻥ ﻣﺎﻣﺎ ﻫﻴﻪ ﺿﺎﻟﻪ ﻓﺎﻗﺪﻩ ﻭﻣﻔﺘﻬﻤﻴﻦ ﺍﻟﺤﺠﻲ ﻣﻦ ﺑﻴﺖ ﺍﻫﻞ ﺑﺎﺑﺎ
ﻭﻛﺎﻳﻠﻴﻠﻬﻢ ﺍﻧﻮ ﻫﻴﻪ ﺑﺘﻨﺎ ﻭﺑﻜﻴﻔﻨﻪ ﻧﺼﺮﻑ ﺑﻴﻬﺎ ﻭﻛﺬﺍ ﻭﻫﻴﻪ ﻣﺒﻴﻬﺎ ﺷﻲ ﻣﺠﺮﺩ ﺳﻨﻪ ﻭﺗﺮﺟﻊ ﻭﻛﻠﺸﻴﺖ ﻣﻴﺼﻴﺮ ﺑﻴﻬﺎ
ﻭﻻ ﺗﺘﻌﺮﺽ ﻟﻠﻀﺮﺏ ﺍﻭ ﺍﻻﻫﺎﻧﻪ ﻭﺑﻴﺖ ﻭﺣﺪﻫﺎ ﻭﻣﺤﺪ ﻳﻮﺻﻠﻬﺎ ﻭﻣﺎﻛﻮ ﺍَﻱ ﻋﻼﻗﻪ ﺯﻭﺟﻴﻪ ﺑﻴﻨﻬﺎ ﻭﺑﻴﻦ ﺭﺟﻠﻬﺎ
ﻭﺍﺣﻨﻪ ﻫﻴﺞ ﺳﻮﻳﻨﻪ ﺑﺲ ﻋﻠﻤﻮﺩ ﺗﻮﻛﻒ ﺍﻟﺪﻡ ﻭﻟﻮ ﻳﻤﺴﻬﺎ ﺿﺮﺭ ﻣﻨﺒﻘﻴﻬﺎ ﺩﻗﻴﻘﻪ ﻭﺍﺻﻼ ﺍﺣﻨﻪ ﻛﻞ ﻓﺘﺮﻩ ﻧﺮﻭﺡ ﻧﺸﻮﻓﻬﺎ ﻭﻋﺎﻳﺸﻪ ﺍﺣﺴﻦ ﻋﻴﺸﻪ ﻭﻣﺮﺗﺎﺣﺔ ﻭﺣﺘﻰ ﻣﺘﺎﻗﻠﻤﻪ ﻭﻳﺎﻫﻢ ﻭﺗﺤﺐ ﺭﺟﻠﻬﺎ
ﻭﺍﻧﻮﺏ ﺭﺣﻨﻪ ﺍﻧﻲ ﻭﺧﻮﺍﻟﺞ ﺛﻨﻴﻨﻬﻢ ﻭﻣﺼﻄﻔﻰ ﻭﺑﻴﺒﻴﺘﺞ ﺑﻘﻮ ﻳﻢ ﺍﻣﺞ ﻛﻨﺎﻟﻬﻢ ﻧﺮﻳﺪ ﻧﺮﻭﺡ ﻧﺸﻮﻓﻬﺎ ﻭﺍﺫﺍ ﺻﺪﻙ ﻫﺬﺍ ﺍﻟﺤﺠﻲ ﻭﻧﺸﻮﻑ ﻭﺿﻌﻬﺎ ﻭﻧﺴﺘﻤﻊ ﻣﻨﻬﺎ
ﻭﻛﺎﻟﻮ ﺍﻧﻮ ﺍﻧﺘﻲ ﻣﺴﺎﻓﺮﻩ ﺍﻧﺘﻲ ﻭﺭﺟﻠﺞ ﻭﻃﻮﻟﻮﻥ ﻓﺘﺮﻩ ﺷﻬﺮ ﻫﻴﺞ ﺳﻔﺮﻩ ﺳﻴﺎﺣﻴﺔ ﻭﺭﺩﻧﻪ ﺭﻗﻤﺞ
ﻭﻣﻘﺒﻠﻮ ﻳﻨﻄﻮ ﻛﺎﻟﻮ ﻻﻥ ﻣﻴﻘﺒﻠﻮﻥ ﻧﺎﺧﺬ ﺍﻟﺮﻗﻢ ﺍﺣﻨﻪ ﻣﺎ ﺃﺧﺬﻧﺎ ﺑﺲ ﺍﻧﺸﺎﻟﻠﻪ ﻋﻦ ﻗﺮﻳﺐ ﺗﺸﻮﻓﻮﻫﺎ ﻭﺧﻠﻴﻨﻪ ﻭﺭﺟﻌﻨﺎ
بيج قصص عراقيه حقيقيه من واقعنا.روعه الطائي
ﻟﻜﻴﻨﻪ ﺍﻣﺞ ﺣﺎﻟﺘﻬﺎ ﻣﺪﻫﻮﺭﻩ ﻛﻠﺶ ﻭﺍﺣﺘﺎﺭﻳﻨﻪ ﺑﻴﻬﺎ ﻭﺑﻌﺪ ﻣﻜﺪﺭﻧﺎ ﻧﻮﺻﻞ ﺍﻟﺞ ﻣﺎ ﺍﻛﻠﺞ ﻧﺴﻴﻨﺎﺝ ﻻ ﺍﺻﻼ ﻳﻮﻣﻴﺔ ﻧﺸﺒﻊ ﺑﺠﻲ ﻋﻠﻴﺞ ﺍﻧﻲ ﻭﺑﻴﺒﻴﺘﺞ
ﻭﺣﺘﻰ ﻗﺪﻣﻨﺎ ﺷﻜﻮﺓ ﻋﻠﻴﻬﻢ ﺑﺲ ﻣﻦ ﺭﺍﺣﻮ ﺍﻟﻬﻢ ﻗﺎﻧﻌﻴﻬﻢ ﺑﺎﻟﺤﺠﻲ ﻭﻣﺪﺳﺘﺮﻳﻦ ﺍﻟﺴﺎﻟﻔﻪ ﻭﺣﺘﻰ ﺍﻫﻞ ﺯﻭﺟﺞ ﻭﺯﻭﺟﺞ ﺟﺎﻧﻮ ﺣﺎﺿﺮﻳﻦ
ﻭﻣﺨﺎﺑﺮﻳﻨﺞ ﻛﺪﺍﻣﻬﻢ ﻭﺣﺎﺟﻲ ﻭﻳﺎﺝ ﺍﻟﻀﺎﺑﻂ ﺍﻟﻲ ﺭﺍﺡ ﻭﺍﻧﺘﻲ ﻛﺎﻳﻠﺘﻠﻪ ﺍﻧﻮ ﺍﻧﺘﻲ ﻣﺮﺗﺎﺣﺔ ﻭﻣﺒﻴﺞ ﺷﻲ ﻭﺣﺘﻰ ﺍﻧﻮ ﻧﺎﻭﻳﻪ ﺗﻜﻤﻠﻴﻦ ﺣﻴﺎﺗﺞ ﻭَﻳَﺎ ﺭﺟﻠﺞ ﻭﺳﺎﺋﻠﺞ ﺍﻟﻀﺎﺑﻂ ﻟﻴﺶ ﻣﺘﺠﻴﻦ ﺗﺸﻮﻓﻴﻦ ﺍﻣﺞ ﻟﻌﺪ ﻛﺎﻳﻠﺘﻠﻪ ﺍﻧﺸﺎﻟﻠﻪ ﻋﻦ ﻗﺮﻳﺐ
ﻭﺑﻌﺪ ﺳﻮﺍﻟﻒ ﻛﺘﻠﻬﺎ ﺧﺎﻟﻪ ﻫﺬﺍ ﻣﻮ ﺣﺠﻲ ﻛﻠﺸﻴﺖ ﺟﺎﻥ ﺳﻮﻳﺘﻮ ﺗﺪﺭﻳﻦ ﺍﻧﻲ ﺣﻤﻠﺖ ﻭﺑﺘﻮﻡ ﻭﻓﻘﺪﺗﻬﻢ ﺛﻨﻴﻨﻬﻢ ﻭﻣﺎﺗﻮ ﻛﻤﺖ ﺍﺑﺠﻲ
ﻛﺘﻠﻬﺎ ﺗﺪﺭﻳﻦ ﺍﻧﻲ ﻭﻛﻒ ﻛﻠﺒﻲ ﻭﻣﺘﺖ ﻭﺭﺟﻌﺖ ﺣﻴﻴﺖ ﺗﺪﺭﻳﻦ ﺷﺼﺎﺭ ﺑﻴﻪ ﺍﻧﻲ ﻣﺘﺖ ﻋﺎﻟﺒﻄﻲﺀ
ﺻﺎﺭ ٩ﺍﺷﻬﺮ ﺧﺎﻟﻪ ﺷﻨﻮ ﺍﺣﺠﻴﻠﺞ ﺍﻧﻲ ﺷﻔﺖ ﺷﻲ ﺣﺘﻰ ﺩﺍﻋﺶ ﻣﻴﺴﻮﻱ ﻛﺘﻠﻬﺎ ﻭﺍﻟﻐﺮﻳﺐ ﻛﻞ ﻣﺮﻩ ﺍﻭﺻﻞ ﻟﻠﻤﻮﺕ ﻭﺍﺭﺟﻊ ﺃﻋﻴﺶ ﻣﺎ ﺍﻋﺮﻑ ﺭﺑﻲ ﻟﻴﺶ ﻳﺮﺟﻊ ﻳﺤﻴﻨﻲ ﻣﺨﻠﻴﻨﻲ ﻟﻠﻌﺬﺍﺏ
ﻛﺎﻟﺖ ﺧﺎﻟﻪ ﻭﺍﻟﻠﻪ ﻣﺎ ﻋﻔﻨﺎﺝ ﺑﺲ ﺍﻧﺘﻲ ﺍﺩﺭﻯ ﺧﻮﺍﻟﺞ ﻳﻤﺸﻮﻥ ﻭﺭﻩ ﻧﺴﻮﺍﻧﻬﻢ ﻭﺍﻧﻲ ﺭﺟﻠﻲ ﺭﺟﺎﻝ ﻏﺮﻳﺐ ﻭﺗﺪﺭﻳﻦ ﺑﻲ ﻣﻴﺪﺧﻞ ﺑﻬﻴﺞ ﺳﻮﺍﻟﻒ ﻭﺍﺻﻼ ﻣﻮ ﻣﻦ ﺣﻘﺔ ﻳﺪﺧﻞ ﻻﻥ ﻫﻮ ﺍﻭﻻ ﻏﺮﻳﺐ
ﻭﺛﺎﻧﻴﺎ ﺑﻴﺖ ﺍﻫﻞ ﺍﺑﻮﺝ ﻣﻮ ﻣﻦ ﺑﻐﺪﺍﺩ ﻭﻋﺸﺎﺋﺮ ﺫﻭﻟﺔ ﻭﻣﻴﺘﻔﺎﻫﻤﻮﻥ ﻭﺟﺪﺝ ﺷﻔﺘﻲ ﺣﺎﻟﻪ ﻣﻮ ﻫﺰﻳﺖ ﺭﺍﺳﻲ ﺍَﻱ
ﻛﺎﻟﺖ ﻭﺍﻧﻲ ﻭﺑﻴﺒﻴﺘﺞ ﺣﺎﻳﺮﻳﻦ ﺑﺎﻣﺞ ﺳﻜﺘﺖ ﺍﺻﻼ ﻟﻮ ﺃﺿﻞ ﺍﺣﺠﻲ ﻣﻨﺎ ﻟﺒﺎﺟﺮ ﻭﺍﻋﺎﺗﺐ ﻫﻮ ﺑﻌﺪ ﺍﻟﻲ ﺻﺎﺭ ﺻﺎﺭ
ﺑﺲ ﺍﻟﺤﻤﺪﻟﻠﻪ ﺧﻠﺼﺖ ﻣﻨﻬﻢ ﺑﺲ ﺑﻌﺪ ﺗﻮﻧﻲ ﺍﻟﺒﺪﺍﻳﻪ ﻭﺑﻌﺪﻧﻲ ﻋﻠﻰ ﺫﻣﺔ ﻓﻬﺪ
ﺭﺩﻳﺖ ﺳﺎﻟﺖ ﻛﺘﻠﻬﺎ ﻟﻴﺶ ﻣﻄﻠﻌﺘﻮﻫﺎ ﻟﻠﺨﺎﺭﺝ ﻛﺎﻟﺖ ﻫﻮ ﻣﻦ ﻟﻜﻴﻨﻪ ﺣﺎﻟﺘﻬﺎ ﻣﺪﻫﻮﺭﻩ ﺳﺎﻟﻨﻪ ﺍﻟﺪﻛﺘﻮﺭ ﻭﻛﻨﺎﻟﻪ ﻧﺮﻳﺪ ﻧﺴﻔﺮﻫﺎ ﻟﻠﺨﺎﺭﺝ ﻭﻣﻘﺒﻞ ﻛﺎﻝ ﺍﺻﻼ ﻣﻨﻜﺪﺭ ﻧﺸﻴﻞ ﺍﻷﺟﻬﺰﺓ ﻣﻦ ﻋﻠﻴﻬﺎ ﻣﻮ ﺯﻳﻦ ﻭﻫﻴﻪ ﻧﻔﺲ ﺣﺎﻟﺘﻬﺎ ﺣﺘﻰ ﻟﻮ ﺳﺎﻓﺮﺗﻮ
ﻭﻫﺎﻱ ﺍﻟﻤﺴﺘﺸﻔﻰ ﻛﻞ ﺍﺟﻬﺰﺗﻬﺎ ﻣﻦ ﺍﻟﺨﺎﺭﺝ ﻋﺎﺩ ﺑﻌﺪﻫﺎ ﻛﺎﻝ ﺍﻛﻮ ﺑﺮﻭﻓﻴﺴﻮﺭ ﻳﺠﻲ ﻷﺭﺑﻴﻞ ﻛﻞ ﻓﺘﺮﻩ ﻟﻠﻤﺴﺘﺸﻔﻰ ﻣﺎﻟﺘﻬﺎ
ﻭﺍﺗﺼﻞ ﺑﻲ ﻭﺍﺗﻮﺍﺻﻠﻨﻪ ﻭَﻳَﺎ ﻭﺟﺒﻨﺎ ﻟﻬﻨﺎ ﻋﻠﻰ ﺣﺴﺎﺑﻨﺎ ﻭﺩﻓﻌﻨﺎ ﺍﻟﻪ ﻛﻮﻣﺔ ﺍﻛﺜﺮ ﻣﻦ ﺃﺟﻮﺭﻩ ﺃﺿﻌﺎﻑ ﻋﻠﻤﻮﺩ ﻳﺸﻮﻑ ﺍﻣﺞ
ﻭﻓﻌﻼ ﺷﺎﻓﻬﺎ ﻭﻛﺘﺒﻠﻬﺎ ﻋﻠﻰ ﻋﻼﺝ ﻭﺻﺎﺭﺕ ﺍﺣﺴﻦ ﻭﻭﺿﻌﻬﺎ ﺍﺳﺘﻘﺮ ﻭﺗﺮﻙ ﺭﻗﻤﺔ ﺍﻟﺸﺨﺼﻲ ﻋﻨﺪ ﺍﻟﺪﻛﺘﻮﺭ ﻭﻫﻮ ﻭﺑﻤﻜﺎﻧﻪ ﻳﺘﺎﺑﻊ ﺣﺎﻟﺘﻬﺎ ﺍﻭﻝ ﺑﺄﻭﻝ
ﻻﻥ ﺍﺣﻨﻪ ﻣﺎ ﻗﺼﺮﻧﺎ ﻭَﻳَﺎ ﺑﺎﻟﺪﻓﻊ ﻭﻛﻞ ﺍﺳﺒﻮﻉ ﺗﻘﺎﺭﻳﺮ ﻛﺎﻣﻠﻪ ﻳﺴﻮﻳﻬﺎ ﺍﻟﺪﻛﺘﻮﺭ ﻭﻳﺪﺯﻫﺎ ﺍﻟﻪ ﻳﺸﻮﻓﻬﺎ
ﺭﺩﺕ ﺳﺎﻟﺘﻨﻲ ﻟﻌﺪ ﻫﺴﻪ ﻫﺬﺍ ﺍﻟﻲ ﻣﻴﺘﺴﻤﺔ ﺭﺟﻠﺞ ﺑﺎﻟﺴﺠﻦ
ﻫﺰﻳﺖ ﺭﺍﺳﻲ ﺑﺎﻱ ﻛﺘﻠﻬﺎ ﺍﺷﺘﻜﻴﺖ ﻋﻠﻴﻬﻢ ﻛﻠﻬﻢ ﻭﺣﺘﻰ ﻋﻠﻰ ﺍﻫﻞ ﺑﺎﺏ ﻛﺎﻟﺖ ﺯﻳﻦ ﻣﺎ ﺳﻮﻳﺘﻲ ﻭﻫﺴﻪ ﺍﻧﻲ ﺍﻭﻛﻒ ﻭﻳﺎﺝ ﺑﻌﺪ ﺍﻟﻲ ﻋﺮﻓﺘﻪ ﺻﺎﺭ ﺑﻴﺞ ﻭﺷﻨﻮ ﺗﺮﻳﺪﻳﻦ ﺗﺴﻮﻳﻦ ﺍﻧﻲ ﻭﻳﺎﺝ
ﺿﻠﻴﺖ ﻳﻢ ﻣﺎﻣﺎ ﻭﻻ ﺍﻛﻠﺖ ﻭﻻ ﺷﺮﺑﺖ ﺑﺲ ﺧﺎﻟﺘﻲ ﺣﺠﺖ ﻋﻠﻴﻪ ﻭﺭﺍﺳﻲ ﻭﺟﻌﻨﻲ ﺷﺮﺑﺖ ﻣﻲ
ﻟﻠﻴﻞ ﺍﺟﻮ ﺧﻮﺍﻟﻲ ﻭﺧﺎﻟﻲ ﺍﻟﺜﺎﻧﻲ ﻣﻦ ﺷﺎﻓﻨﻲ ﺭﺣﺐ ﺑﻴﻪ ﻭﺍﻧﺼﺪﻡ ﺑﺸﻜﻠﻲ ﻭﺷﺼﺎﻳﺮﺑﻴﻪ
ﺭﺩ ﺍﺟﺔ ﺍﻧﻮﺏ ﻣﺼﻄﻔﻰ ﻭﺗﺨﺒﻞ ﻣﻦ ﺷﺎﻓﻨﻲ ﻭﺷﺎﻑ ﺷﻜﻠﻲ ﻭﺣﻀﻨﻲ ﻭﻳﺴﺎﻝ ﺑﻴﻪ ﻭﺍﻧﻲ ﻣﺎ ﺑﻴﻪ ﺣﺘﻰ ﺍﺣﺠﻲ ﻭﻳﻜﻠﻲ ﺗﻌﺒﺖ ﻭﺭﺍﺝ ﻟﻴﺶ ﻋﻔﺘﻴﻨﻲ ﻭﺭﺣﺘﻲ ﺿﻠﻴﺖ ﺻﺎﻓﻨﻪ ﻋﻠﻴﻪ ﻫﺬﺍ ﺷﺤﺠﻲ ﻭَﻳَﺎ ﻭﺷﻜﻠﺔ ﻭﻳﻜﻮﻝ ﺍﻟﻜﻠﻴﻪ ﻛﻠﻬﺎ ﺗﺴﺎﻝ ﻋﻠﻴﺞ ﻭﻛﻠﻬﺎ ﺍﻧﺼﺪﻣﺖ ﻣﻦ ﺩﺭﻭ ﺑﻴﺞ ﺭﺣﺘﻲ ﻓﺼﻠﻴﻪ
بيج قصص عراقيه حقيقيه من واقعنا.روعه الطائي
ﻭﺻﺪﻳﻘﺎﺗﺞ ﻳﺒﺠﻦ ﻋﻠﻴﺞ ﻭﺭﺍﺩﻥ ﺭﻗﻤﺞ ﻭﺑﻌﺪ ﻛﻮﻣﺔ ﺣﺠﻲ ﺣﺠﻮ ﻫﻮ ﻭﺧﻮﺍﻟﻲ ﻭﺳﺎﻟﻮ ﻋﻠﻰ ﻭﺿﻌﻲ ﻭﺧﺎﻟﻪ ﺳﻮﻟﻔﺘﻠﻬﻢ ﻻﻥ ﻣﺎ ﺑﻴﻪ ﺣﺘﻰ ﺍﺣﺠﻲ
ﻭﺍﺫﻛﺮﺕ ﻳﺎ ﺧﺎﻝ ﻣﻨﻬﻢ ﺧﺎﺑﺮﺗﻪ ﺧﺎﻟﻪ ﺍﻡ ﻋﻠﻲ ﻭﺑﻮﻛﺘﻬﺎ ﺣﺠﻰ ﻭﻳﺎﻫﺎ ﺍﻟﻲ ﻛﺎﻟﺘﻪ ﺍﻟﻲ ﺑﺲ ﻣﻜﺘﻠﻬﻢ ﻻﻥ ﻣﻴﻔﻴﺪ ﺣﺘﻰ ﻟﻮ ﻛﻠﺖ ﺑﺲ ﻛﺮﻫﺖ ﻛﻠﺸﻲ ﻋﺮﻓﺖ ﻣﻨﻮ ﻧﺎﺳﻲ ﻣﻦ ﻭﻛﻌﺖ ﺑﺸﺪﻩ
ﻛﻤﻞ ﺍﻟﻴﻮﻡ ﻭﻣﺎﻣﺎ ﻧﻔﺲ ﻭﺿﻌﻬﺎ ﻭﺍﻧﻲ ﺷﺒﻌﺖ ﺑﺠﻲ ﻋﻠﻴﻬﺎ
ﺛﺎﻧﻲ ﻳﻮﻡ ﺍﻟﻌﺼﺮ ﺧﺎﻟﺘﻲ ﻛﺎﻣﺖ ﺗﺤﺠﻲ ﻋﻠﻴﺔ ﻛﺎﻟﺖ ﺷﻮﻓﻲ ﻋﻴﻮﻧﺞ ﺷﻠﻮﻥ ﺻﺎﺭﻥ ﺭﻭﺣﻲ ﺍﺳﺒﺤﻲ ﻭﺍﺭﺗﺎﺣﻲ ﻭﻧﺎﻣﻲ ﺷﻮﻱ ﻭﺁﻛﻠﻲ ﻭﻋﻮﺩ ﺗﻌﺎﻱ ﻣﻘﺒﻠﺖ ﺑﺲ ﺣﻠﻔﺘﻨﻲ ﺑﺪﺍﻋﻪ ﻣﺎﻣﺎ
ﻭﻓﻌﻼ ﺍﻧﻲ ﺍﺣﺘﺎﺟﻴﺖ ﺍﻃﻠﻊ ﺍﺷﻮﻑ ﺗﻠﻔﻮﻧﻲ ﻭﻳﻦ ﺭﺟﻌﻮ ﻟﻮ ﺑﻘﻰ ﻋﺪﻫﻢ ﻻﻥ ﺣﺘﻰ ﻏﺮﺍﺿﻲ ﻣﺎ ﺳﺎﻟﺖ ﻋﻠﻴﻬﺎ ﻭﺍﺻﻼ ﻣﻮ ﺑﺎﻟﻲ ﻭﻻ ﻭﻛﺖ ﺍﺳﺎﻝ ﻋﻠﻴﻬﻦ ﻻﻥ ﺍﻟﻲ ﺑﻴﻪ ﻣﻜﻔﻴﻨﻲ ﻭﺍﺫﺍ ﻣﺎ ﺭﺟﻌﻮﻫﻦ ﺍﺷﺘﺮﻱ ﻣﻮﺑﺎﻳﻞ
ﺑﻮﺳﺖ ﻣﺎﻣﺎ ﻫﻴﻪ ﻭﻧﺎﻳﻤﺔ ﻭﻛﺎﻟﺖ ﺍﺟﻴﺐ ﺑﻴﺒﻲ ﻭﻳﺎﻱ ﺍﻟﻴﻮﻡ ﻫﻴﻪ ﺗﺮﺟﻊ ﻭﺗﺠﻲ ﺑﻴﺒﻲ
ﻋﺎﺩ ﻃﻠﻌﺖ ﻭﺭﻛﺒﺖ ﺍﻟﺴﻴﺎﺭﻩ ﻣﺎﻝ ﺟﺪﻭ ﻻﻥ ﺳﻴﺎﺭﺗﻲ ﺍﻛﻴﺪ ﻣﺎ ﺭﺟﻌﻮﻫﺎ ﻭﻫﻴﻪ ﺍﺻﻼ ﺩﻋﻤﺘﻬﺎ ﺑﺴﻴﺎﺭﻩ ﺍﻫﻞ ﻓﻬﺪ ﻭﻣﺎ ﺍﺭﻳﺪﻫﺎ ﺑﻌﺪ ﻣﻦ ﺩﺍﻡ ﻃﺨﺖ ﺷﻲ ﻳﻘﺮﺏ ﻟﻔﻬﺪ ﻭﻫﻴﻪ ﻫﻢ ﻣﺎﻛﻮ ﺟﺎﻧﺖ ﺳﻴﺎﺭﻩ ﺟﺪﻭ ( ﻻﺭﻳﺪﻭ - ﺍﻭ Jeep ) ﻣﻮﺩﻳﻞ ﺣﺪﻳﺚ ﺍﻧﻲ ﺳﻴﺎﺭﺗﻲ ﺟﺎﻧﺖ ﺗﺸﺒﻪ ( ﺍﻟﺠﺎﺭﺟﺮ ) ﺭﻳﺎﺿﻴﻪ
ﻋﺎﺩ ﺷﻐﻠﺖ ﻭﻃﻠﻌﺖ ﻟﻠﺒﻴﺖ ﺍﻧﻲ ﻭﺃﻣﺸﻲ ﺍﺑﺎﻭﻉ ﻋﻠﻰ ﺷﻮﺍﺭﻉ ﺑﻐﺪﺍﺩ ﻣﺸﺘﺎﻗﺘﻠﻬﺎ ﻭﺍﻟﻌﺎﻟﻢ ﺍﻟﻲ ﺗﻤﺸﻲ ﺑﻴﻬﺎ ﻭﺭﻳﺤﺔ ﺑﻐﺪﺍﺩ ﺗﺮﺩ ﺭﻭﺣﻲ ﺍﻭﻑ ﻳﻤﺔ ﻳﺒﻐﺪﺍﺩ ﺍﻟﻌﺸﻖ ﻣﺎﻟﺘﻲ
ﻭﺻﻠﺖ ﻟﻠﺒﻴﺖ ﻭﻧﺰﻟﺖ ﺯﻳﻦ ﻣﺴﻮﻳﺖ ﺣﺎﺩﺙ ﻛﺪ ﻣﺎ ﺗﻌﺒﺎﻧﻪ ﻭﻋﻴﻮﻧﻲ ﻣﻄﻔﻴﻪ ﻣﻦ ﺍﻟﻨﻌﺎﺱ ﻭﺍﻟﺘﻌﺐ ﺷﻜﺪ ﻗﺒﻞ ﻻ ﺍﻧﻬﺰﻡ ﺍﻧﻲ ﻣﻨﻤﺖ ﻳﻮﻡ ﻛﺎﻣﻞ ﻭﻫﺎﻱ ﺻﺎﺭ ﺷﻜﺪ ﻭﺍﻧﻲ ﻣﻨﺎ ﺗﻌﺒﺎﻧﻪ ﻭﺑﻌﺪﻫﺎ ﺟﺮﻭﺣﻲ ﺗﻮﺟﻌﻨﻲ
ﺳﻠﻤﺖ ﻋﻠﻰ ﺑﻴﺒﻲ ﻭﺭﺣﺖ ﺷﻔﺖ ﺟﺪﻭ ﻭﻛﻌﺪﺕ ﻳﻤﺔ ﻭﺳﻮﻟﻔﺘﻠﻪ ﺷﻠﻮﻥ ﻣﺼﺪﻭﻣﺔ ﺑﻮﺿﻊ ﻣﺎﻣﺎ ﻭﺑﺠﻴﺖ
ﻛﺎﻟﺖ ﺑﻴﺒﻲ ﻛﺎﻓﻲ ﻳﺎ ﻳﻤﺔ ﻣﻮ ﺣﺘﻰ ﻋﻴﻮﻧﺞ ﺭﺍﺣﺖ ﻣﻦ ﺍﻟﺒﺠﻲ
ﻛﺘﻠﻬﺎ ﺑﻴﺒﻲ ﺍﻧﻲ ﻫﻨﺎﻙ ﻳﻮﻣﻴﺔ ﺍﺑﺠﻲ ﺻﺎﺭ ﺍﻟﺒﺠﻲ ﻋﻨﺪﻱ ﺍﻛﺜﺮ ﻣﻦ ﻭﺟﺒﻪ ﺍﻻﻛﻞ ﻛﻤﺖ ﻣﺎ ﺍﻋﺮﻑ ﺍﻧﺎﻡ ﺍﺫﺍ ﻣﺎ ﺍﺑﺠﻲ ﻛﺘﻠﻬﺎ ﺍﻟﺒﺠﻲ ﻫﻨﺎﻙ ﺻﺎﺭ ﻭﻧﻴﺴﻲ
ﻛﺎﻣﺖ ﺗﻠﻄﻢ ﻋﻠﻰ ﺭﺟﻠﻴﻬﺎ ﻭﺗﺒﺠﻲ ﺑﺤﺮﻛﺔ ﺭﺣﺖ ﻋﻠﻴﻬﺎ ﻭﺣﻀﻨﺘﻬﺎ ﻭﻛﺘﻠﻬﺎ ﻻ ﺑﻴﺒﻲ ﻓﺪﻭﺓ ﻣﺤﺘﺎﺟﺘﺞ ﺍﻧﻲ ﺍﻧﺘﻲ ﺍﻋﺰ ﻣﻦ ﺭﻭﺣﻲ ﻣﺤﺘﺎﺟﺘﻜﻢ ﺍﻧﺘﻲ ﻭﺟﺪﻭ ﻫﺎﻱ ﺍﻟﻔﺘﺮﺓ
ﻛﺘﻠﻬﺎ ﺑﻴﺒﻲ ﺍﻧﻲ ﻋﺸﺖ ﺷﻲ ﺍﻛﺒﺮ ﻣﻦ ﻃﺎﻗﺘﻲ ﺻﺒﺮﻱ ﺧﻠﺺ ﻣﺎ ﻋﺎﺩ ﺃﺗﺤﻤﻞ
ﺣﻀﻨﺘﻨﻲ ﻭﺑﺠﺖ ﻛﺎﻟﺖ ﺍﻟﻠﻪ ﻳﺴﺎﻋﺪﺝ ﺑﻴﺒﻲ ﻭﺍﻟﻠﻪ ﻭﻋﻠﻲ ﺍﺑﻮ ﺍﻟﺤﺴﻦ ﻛﻠﺒﻲ ﻣﺘﻜﻄﻊ ﻋﻠﻴﺞ ﻋﺒﺎﻟﺞ ﺍﻧﻲ ﺯﻳﻨﻪ ﺍﻧﻲ
ﻣﻦ ﻳﻮﻡ ﺍﻟﻲ ﺭﺣﺘﻲ ﻟﻠﻴﻮﻡ ﻣﺎ ﺑﻄﻠﺖ ﺩﻭﺓ ﺍﻟﻀﻐﻂ ﻭﺍﻟﻠﻪ ﺗﻮﺻﻞ ﺑﻴﻪ ﺍﻧﻮﺍﺏ ﻟﻠﺠﻠﻄﻪ ﺑﺴﺘﻬﺎ ﻛﺘﻠﻬﺎ ﺍﺳﻢ ﻋﻠﻴﺞ ﺑﻴﺒﻲ
ﺿﻠﻴﺖ ﺷﻮﻱ ﻛﺎﻋﺪﻩ ﻳﻤﻬﻢ ﻭﺭﺍﻫﺎ ﻛﻤﺖ ﺳﺒﺤﺖ ﻭﻏﺴﻠﺖ ﻏﺴﻠﻪ ﻣﺎﻝ ٩ﺍﺷﻬﺮ
ﻃﻠﻌﺖ ﺣﻴﻔﻲ ﭼﺮﻓﺖ ﻧﻔﺴﻲ ﺑﺎﻟﻠﻴﻔﻪ ﻟﺤﺪ ﻣﺎ ﻃﻠﻊ ﺍﻟﺪﻡ
ﻫﻨﺎﻙ ﻣﻦ ﻛﻤﺖ ﺍﺳﺒﺢ ﺑﺎﻟﺤﻤﺎﻡ ﺍﻟﺠﻮﻩ ﺣﺘﻰ ﻋﺪﺩ ﻗﻄﺮﺍﺕ ﺍﻟﻤﻲ ﻣﺤﺴﻮﺑﻪ ﻋﻠﻴﻪ
ﻭﺍﻟﻲ ﻋﺸﺮ ﺩﻗﺎﻳﻖ ﻻﺯﻡ ﺍﺧﻠﺺ ﻭﺍﻃﻠﻊ ﺑﻴﻮﻡ ﺍﻟﻲ ﺃﺗﺄﺧﺮ ﺍﺷﺒﻊ ﺭﺯﺍﻳﻞ ﻭﺍﻧﻮﺍﺏ ﻛﻔﺨﺎﺕ
ﻛﻤﻠﺖ ﻭﻃﻠﻌﺖ ﻣﺪﺩﺕ ﺭﺩﺕ ﺑﺲ ﺍﻛﺪﺭ ﺃﻛﻮﻡ ﻭﺍﺭﺟﻊ ﻟﻠﻤﺴﺘﺸﻔﻰ ﻣﺎ ﻛﺪﺭﺕ ﺍﻟﺘﻌﺐ ﻭﺍﻟﻨﻌﺎﺱ ﻏﻠﺒﻨﻲ ﻭﻣﻨﺎ ﻫﺎﺝ ﺍﻟﻮﺟﻊ ﻋﻠﻴﻪ
ﻭﺟﺮﻭﺣﻲ ﺑﻌﺪﻫﺎ ﺗﺎﺫﻳﻨﻲ ﺗﺎﻟﻲ ﺍﺳﺘﺴﻠﻤﺖ ﻟﻠﻨﻮﻡ ﻣﺠﺒﻮﺭﻩ
ﺑﺲ ﺻﺤﺖ ﻋﻠﻰ ﺑﻴﺒﻲ ﻧﺺ ﺳﺎﻋﻪ ﻭﺗﻜﻌﺪﻧﻲ ﺑﺲ ﺍﻛﺴﺮ ﻧﻮﻣﺘﻲ ﻛﺎﻟﺖ ﻣﺎﺷﻲ ﻋﻴﻨﻲ
ﺭﺟﻌﺖ ﻣﺪﺩﺕ ﻭﻣﺎ ﻟﺤﻜﺖ ﺍﺣﺴﺐ ﻝ٣ ﻭﻏﻔﻴﺖ ﻫﻮ ﻣﻨﺎ ﺍﺻﻼ ﻣﻔﻌﻮﻝ ﺍﻟﺒﻨﺞ ﺑﻌﺪﻩ ﺑﻴﻪ
ﻭﻣﻦ ﺍﻟﺘﻌﺐ ﻋﺒﺎﻟﻚ ﻧﻄﻮﻧﻲ ﺟﺮﻋﻪ ﺑﻨﺞ
ﺣﺴﻴﺖ ﻋﻠﻰ ﺑﻴﺒﻲ ﺗﻜﻌﺪ ﺑﻴﻪ ﻛﺎﻟﺖ ﻛﻮﻣﻲ ﺣﺒﻴﺒﺘﻲ ﺧﺎﻟﺘﺞ ﺧﺎﺑﺮﺕ ﺗﻜﻮﻝ ﻣﺎ ﺍﻛﺪﺭ ﺍﻃﻮﻝ ﺭﺟﻠﻬﺎ ﻣﺨﺎﺑﺮ ﻋﻠﻴﻬﺎ
ﻛﺘﻠﻬﺎ ﻟﻴﺶ ﺧﻮﻣﻮ ﺑﻴﻬﺎ ﺷﻲ ﻣﺎﻣﺎ ﻛﺎﻟﺖ ﻻ ﻛﺘﻠﻬﺎ ﻟﻴﺶ ﺻﺎﺭ ﺷﻜﺪ ﻧﺎﻳﻤﺔ ﻛﺎﻟﺖ ﺳﺎﻋﻪ ﻭﺷﻮﻱ ﻛﺘﻠﻬﺎ ﻟﻴﺶ ﻫﻠﻜﺪ ﺧﻠﻴﺘﻴﻨﻲ ﺍﻧﺎﻡ
بيج قصص عراقيه حقيقيه من واقعنا.روعه الطائي
ﻛﺎﻟﺖ ﻳﻤﺔ ﻫﻮ ﺍﻧﺘﻲ ﻧﻤﺘﻲ ﺟﻨﺎﺯﻩ ﻭﺍﺻﻼ ﻟﻮ ﻣﻮ ﺧﺎﻟﺘﺞ ﺗﺨﺎﺑﺮ ﻓﻼ ﺍﻛﻌﺪﺝ
ﻛﺘﻠﻬﺎ ﻻ ﻣﺎ ﺍﻛﺪﺭ ﻻﺯﻡ ﺍﺭﻭﺡ
ﻛﺎﻟﺖ ﻛﻮﻣﻲ ﻳﻤﺔ ﺣﺘﻰ ﻟﻮ ﺗﻨﺎﻣﻴﻦ ﺑﺎﻟﻤﺴﺘﺸﻔﻰ ﻫﺰﻳﺖ ﺭﺍﺳﻲ ﺑﺎﻱ
ﻛﺘﻠﻬﺎ ﺑﻴﺒﻲ ﻣﻮﺑﺎﻳﻠﻲ ﻭﻏﺮﺍﺿﻲ ﻣﺎ ﺟﺎﺑﻮﻫﻦ ﺍﻫﻞ ﺑﺎﺑﺎ
ﻛﺎﻟﺖ ﻳﻤﺔ ﻛﻔﻴﻠﺞ ﺍﻟﻠﻪ ﻏﺮﺍﺽ ﺍﻣﺞ ﻭﺣﺘﻰ ﺗﻠﻔﻮﻧﻬﺎ ﻣﺎﻛﻮ ﻭﺍﺣﻨﻪ ﻣﻮ ﺑﺤﺎﻝ ﻧﺴﺎﻝ ﻋﻠﻴﻬﻦ ﻋﻔﻨﺎﻫﻦ
ﻛﺘﻠﻬﺎ ﻛﺒﺮ ﺍَﻱ ﻭﺍﻟﻠﻪ ﻛﺒﺮ ﻣﻮ ﺍﻧﻲ ﺍﻋﺮﻑ ﺑﻴﻬﻦ ﻣﺼﺪﻛﻦ ﻳﺎﺧﺬﻫﻦ ﻣﻮﺕ ﺍﻟﻜﺮﻓﻬﻦ
ﻛﺘﻠﻬﺎ ﺯﻳﻦ ﺍﻟﻔﻠﻮﺱ ﻣﺎﻻﺗﻲ ﻭﻣﺎﻝ ﻣﺎﻣﺎ ﺑﻘﻰ ﻣﻨﻬﺎ ﻟﻮ ﻻ
ﻛﺎﻟﺖ ﻳﻤﺔ ﺧﻴﺮ ﻣﻦ ﺍﻟﻠﻪ ﻛﻮﻣﺔ ﺍﻛﻮ
ﻛﺘﻠﻬﺎ ﻣﻮ ﺧﺎﻟﻪ ﻛﺎﻟﺖ ﺍﻧﻮ ﻫﻮﺍﻱ ﺩﺍﻓﻌﻴﻦ ﻟﻠﺪﻛﺘﻮﺭ ﺍﻟﺒﺮﻭﻓﻴﺴﻮﺭ ﻣﻦ ﺟﺎﻱ
ﻭﻫﻴﻪ ﺍﺻﻼ ﻧﺎﻳﻤﺔ ﻣﺴﺘﺸﻔﻰ ﺍﻫﻠﻲ ﻭﻋﻼﺟﻬﺎ ﻭﻏﻴﺮﻩ ﻫﺬﺍ ﻛﻠﺔ ﺧﺎﻑ ﺧﻠﺼﻦ
ﻛﺎﻟﺖ ﻻ ﺣﺒﻴﺒﻪ ﻣﻮ ﺍﻟﺸﻐﻞ ﻣﺎﻟﺘﺠﻦ ﻣﺴﺘﻤﺮ ﻭﻣﻮﺍﻛﻒ ﻻ ﺍﻟﺼﻴﺮﻓﺔ
ﻭﻻ ﻣﺤﻞ ﺍﻟﺬﻫﺐ ﻭﻻ ﻣﺤﻼﺕ ﺍﻟﻤﻮﻝ ﻭﻛﻞ ﻓﺘﺮﻩ ﻣﺼﻄﻔﻰ ﺍﻭ ﺧﻮﺍﻟﺞ ﻳﺮﻭﺣﻮﻥ ﻋﻠﻴﻬﻦ ﻭﻳﺤﺎﺳﺒﻮﻥ ﺍﻟﻌﻤﺎﻝ ﻭﻳﺸﻮﻓﻮﻥ ﺍﻟﻮﺿﻊ ﻭﻳﺴﺘﻠﻤﻮﻥ ﺍﻟﻔﻠﻮﺱ ﻭﻳﺠﻴﺒﻮﻫﻦ
ﻛﺘﻠﻬﺎ ﻟﻌﺪ ﻃﻠﻌﻴﻠﻲ ﻣﺒﻠﻎ ﺍﺭﻳﺪ ﺍﺷﺘﺮﻱ ﻣﻮﺑﺎﻳﻞ ﻭﻣﺼﺮﻑ ﺧﺎﻑ ﺍﺭﻳﺪ ﺷﻲ ﻭﻣﻴﺼﻴﺮ ﺍﺑﻘﻰ ﻫﻴﺞ ﺑﺪﻭﻥ ﻓﻠﻮﺱ
ﻛﺎﻟﺖ ﺍﻛﻴﺪ ﻣﺎﻣﺎﺗﻲ ﺣﺒﻴﺒﺘﻲ ﺑﺪﻭﻥ ﻣﺘﻜﻮﻟﻴﻦ ﺍﻧﻲ ﺣﻀﺮﺕ ﺍﻟﺞ ﻛﻠﺖ ﻣﻦ ﺗﻨﺰﻟﻴﻦ ﺍﻧﻄﻴﻬﻦ ﺍﻟﺞ
ﻛﺘﻠﻬﺎ ﺗﺴﻠﻤﻴﻦ ﺑﻴﺒﻲ ﺣﺒﻴﺒﺘﻲ
ﻛﺎﻟﺖ ﻳﻠﻪ ﺣﺒﻴﺒﻪ ﻫﻤﻲ ﻧﻔﺴﺞ ﻭﻛﻮﻣﻲ
ﻛﺘﻠﻬﺎ ﺩﻗﺎﻳﻖ ﺑﺲ ﺍﺑﺪﻝ ﻭﻧﺰﻝ ﻭﺭﺍﺝ
ﻛﺎﻟﺖ ﻣﺎﺷﻲ ﺣﺒﻴﺒﺘﻲ
ﺭﺍﺣﺖ ﻭﻛﻤﺖ ﺑﺴﺎﻉ ﺑﺪﻟﺖ ﺍﺻﻼ ﺣﺴﻴﺖ ﺑﺎﻟﺬﻧﺐ ﻻﻥ ﻫﻠﻜﺪ ﻧﻤﺖ ﻭﻃﻮﻟﺖ ﻭﻣﺎﻣﺎ ﺑﺎﻟﻤﺴﺘﺸﻔﻰ
ﻛﻤﻠﺖ ﻭﻣﺎ ﺧﻠﻴﺖ ﻗﻄﺮﻩ ﻣﻜﻴﺎﺝ ﺑﻮﺟﻬﻲ ﻣﻮ ﺑﺤﺎﻟﻪ ﺍﺻﻼ
ﻭﻧﺰﻟﺖ ﻧﻄﺘﻨﻲ ﺍﻟﻔﻠﻮﺱ ﺑﻴﺒﻲ ﻭﻃﻠﻌﻨﻪ ﻭﺩﻳﻨﻪ ﺟﺪﻭ ﻟﺒﻴﺖ ﺧﺎﻟﻪ ﻋﻠﻤﻮﺩ ﻣﻦ ﺗﺮﺟﻊ ﺧﺎﻟﻪ ﻳﺒﻘﻰ ﻳﻤﻬﺎ ﻭﺩﺍﺭﻱ
ﻭﺑﻴﻦ ﻣﺘﺠﻲ ﺧﺎﻟﻪ ﺑﺘﻬﺎ ﺑﻜﺪﻱ ﻫﻴﻪ ﺗﺒﻘﻰ ﻳﻤﺔ ﻭﺗﺪﺍﺭﻱ
ﻭﺍﻧﻮﺍﺏ ﻳﺒﻘﻰ ﺑﺎﻟﺒﻴﺖ ﻭﻳﺮﻭﺣﻮﻥ ﻣﺼﻄﻔﻰ ﻭﺻﺒﺎ ﺍﺧﺘﻪ ( ﺑﺖ ﺧﺎﻟﺘﻲ ) ﻟﺒﻴﺖ ﺟﺪﻭ ﻳﺒﺎﺗﻮﻥ ﻳﻤﺔ ﻋﻠﻤﺎ ﺗﺮﺟﻊ ﺑﻴﺒﻲ
ﺑﺲ ﺍﻟﻴﻮﻡ ﻛﺎﻝ ﺿﺎﻳﺞ ﻭﻣﺤﺘﺼﺮ ﺍﺭﻳﺪ ﺍﺷﻢ ﻫﻮﻯ
ﻋﺎﺩ ﻃﻠﻌﻨﺎ ﻭﺻﻌﺪﻧﺎ ﺍﻧﻲ ﻭﺑﻴﺒﻲ ﺑﺎﻟﺴﻴﺎﺭﻩ ﺯﻳﻦ ﻣﺘﻌﺒﻨﺎ ﻻﻥ ﺷﻮﻱ ﻳﺎﺩﻭﺏ ﻳﺤﺮﻙ ﻧﻔﺴﻪ ﺯﻳﻦ
ﺭﻛﺒﺖ ﺑﺎﻟﺴﻴﺎﺭﻩ ﻭﻃﻠﻌﺖ ﻟﺒﻴﺖ ﺧﺎﻟﺘﻲ ﺟﺎﻥ ﻭﺭﻩ ﺑﻴﺘﻨﻪ ﺍﻭ ﺑﻴﺖ ﺟﺪﻭ ﺑﻔﺮﻉ
ﺑﺎﻟﺴﻴﺎﺭﻩ ﻛﺎﻝ ﺟﺪﻭ ﺑﺎﺟﺮ ﻳﺮﻳﺪ ﺍﺧﺬﻩ ﻟﻠﻤﺴﺘﺸﻔﻰ ﻳﺸﻮﻑ ﻣﺎﻣﺎ ﻳﺤﺠﻲ ﻣﻜﺴﺮ ﻛﻮﺓ ﺍﻓﻬﻢ
ﻛﺘﻠﻪ ﻣﻮ ﺗﺪﻟﻞ ﻣﻦ ﻋﻴﻮﻧﻲ ﻭﺻﻠﺖ ﺑﻴﺖ ﺧﺎﻟﻪ ﻭﻧﺰﻟﺖ
ﺑﻴﺒﻲ ﻓﺘﺤﺖ ﺍﻟﺒﺎﺏ ﻣﺎﻝ ﺑﻴﺘﻬﻢ ﻭﺍﻧﻲ ﻓﺘﺤﺖ ﺑﺎﺏ ﺍﻟﺴﻴﺎﺭﻩ ﻭﺍﺟﺖ ﺑﻴﺒﻲ ﻭﻧﺰﻟﻨﺎ ﺟﺪﻭ
ﻃﺒﺒﻨﺎ ﻟﻠﺒﻴﺖ ﻭﺑﻴﺒﻲ ﺩﻛﺖ ﺑﺎﺏ ﺍﻟﻤﻄﺒﺦ
ﻓﺘﺢ ﺍﻟﺒﺎﺏ ﺭﺟﻞ ﺧﺎﻟﺘﻲ ﺳﻠﻤﻨﻪ ﻋﻠﻴﻪ ﻭﺍﺧﺬ ﺟﺪﻭ ﻭﻃﺒﺒﺔ ﺟﻮﻩ ﻣﺴﻮﻳﻠﻪ ﺍﻟﻐﺮﻓﻪ ﺍﻟﺠﻮﺓ ﻭﻣﺮﺗﺒﻬﺎ ﺍﻟﻪ
بيج قصص عراقيه حقيقيه من واقعنا.روعه الطائي
ﻋﻠﻤﻮﺩ ﻣﻦ ﻳﺮﻭﺡ ﻳﻤﻬﻢ ﻳﺒﻘﻰ ﺑﻴﻬﺎ ﻳﻌﻨﻲ ﻏﺮﻓﺘﻪ ﺻﺎﻳﺮﻩ
ﺳﻠﻢ ﻋﻠﻴﻪ ﻭﺣﺠﺔ ﻭﻳﺎﻱ ﻭﺭﺣﺐ ﺑﻴﻪ ﻭﺻﺒﺮ ﻋﻠﻴﻪ ﻭﻛﺎﻝ ﺍﻟﻠﻪ ﻻ ﻳﻮﻓﻖ ﺍﻟﻲ ﺟﺎﻥ ﺍﻟﺴﺒﺐ
ﻭﻫﺴﻪ ﻣﻦ ﺑﻌﺪ ﻣﺎ ﺩﺭﻳﻨﻪ ﻗﺼﺘﺞ ﺷﻨﻮ ﻭﺍﻱ ﺷﻲ ﺗﺮﻳﺪﻳﻦ ﺗﺴﻮﻱ ﺗﺮﻭﺣﻴﻦ ﻣﺤﻜﻤﺔ ﻭﻛﺬﺍ ﺍﻧﻲ ﺍﻭﺩﻳﺞ
ﻗﺒﻞ ﻣﺎ ﺩﺧﻠﺖ ﻻﻥ ﻣﻴﺤﻘﻠﻲ ﺑﺲ ﻫﺴﻪ ﺍﻧﺘﻲ ﻣﻮﺟﻮﺩﻩ ﺍَﻱ ﺷﻲ ﺗﺤﺘﺎﺟﻲ ﺍﻧﻲ ﻣﻮﺟﻮﺩ
ﻛﺘﻠﻪ ﺗﺴﻠﻢ ﻭﺭﺑﻲ ﻣﺘﻘﺼﺮ ﺍﻧﺘﻪ ﻣﺜﻞ ﺍﺑﻮﻳﻪ ﻛﺎﻝ ﻭﺍﻧﻲ ﺣﺎﺳﺒﺞ ﺑﻨﻴﺘﻲ
ﺳﻠﻤﺖ ﻋﻠﻴﻪ ﺑﺖ ﺧﺎﻟﺘﻲ ﻭﺭﻩ ﺍﺑﻮﻫﺎ ﻭﻛﺎﻟﺖ ﻭﺍﻟﻠﻪ ﺍﻟﺞ ﺧﻠﻮﻩ ﻭﺍﺷﺘﺎﻗﻴﻨﺎﻟﺞ ﻭﻣﻔﺘﻘﺪﻳﺞ
ﻭﺍﻟﻠﻪ ﻭﺭﺍﺝ ﺍﺳﺒﻮﻉ ﻛﺎﻣﻞ ﺍﻧﻲ ﺑﺲ ﺍﺑﺠﻲ ﺑﻮﺳﺘﻬﺎ ﻭﻛﺘﻠﻬﺎ ﺭﺟﻌﺖ ﻭﺍﻧﺸﺎﻟﻠﻪ ﻣﺘﻨﻌﺎﺩ ﺫﻳﺞ ﺍﻷﻳﺎﻡ ﺍﻟﺴﻮﺩﺓ
ﺍﺳﺘﻐﺮﺑﺖ ﺭﺟﻞ ﺧﺎﻟﺘﻲ ﻳﺸﻴﻞ ﺑﺠﺪﻭ ﻭﻳﻌﺪﻝ ﺑﻜﻌﺪﺗﻪ ﻭﻃﺒﺒﻪ ﻟﻠﻐﺮﻓﻪ ﻭﻧﻮﻣﺔ ﻭﻋﺪﻝ ﻓﺮﺍﺷﻪ
ﻫﻮ ﺻﺢ ﺧﻮﺵ ﺭﺟﺎﻝ ﻭﺣﻨﻴﻦ ﻭﻣﻮ ﻧﺤﺲ ﻭﺍﺟﺘﻤﺎﻋﻲ ﻭﻣﺎ ﻏﺜﻨﻪ ﺑﻴﻮﻡ ﻣﻦ ﻭﻋﻴﺖ ﻟﺤﺪ ﺍﻻﻥ
ﺑﺲ ﻣﺎ ﺗﻮﻗﻌﺖ ﻫﻴﺞ ﻳﺴﻮﻱ ﻋﺒﺎﻟﻲ ﻫﺴﻪ ﻳﻀﻮﺝ
ﻻﻥ ﺧﺎﻟﺘﻲ ﺑﺎﻟﻤﺴﺘﺸﻔﻰ ﻭﺟﺪﻭ ﻧﻮﺩﻱ ﻳﻤﻬﻢ
ﻛﻠﺖ ﻳﺠﻮﺯ ﺿﺎﺝ ﻭﻛﺎﻟﺐ ﺧﻠﻘﺘﻪ ﺣﺘﻰ ﺍﺳﺘﻐﺮﺑﺖ ﺟﺪﻭ ﻣﻴﻘﺒﻞ ﻳﺮﻭﺡ ﻳﻢ ﺧﻮﺍﻟﻲ ﻳﻜﻮﻝ ﻭﺩﻭﻧﻲ ﻟﺒﻴﺖ ﺃﺷﻮﺍﻕ ( ﺧﺎﻟﺘﻲ )
ﺗﺎﻟﻲ ﻃﻠﻊ ﻫﻴﺞ ﻫﺬﺍ ﺍﻟﺴﺒﺐ ﺣﺘﻰ ﻣﻦ ﺳﺎﻟﺖ ﺟﺪﻭ ﻳﻜﻮﻝ ﺍﺭﺗﺎﺡ ﻳﻢ ﺑﻴﺖ ﺃﺷﻮﺍﻕ
ﻋﺎﺩ ﺳﻠﻤﻨﻪ ﻭﻃﻠﻌﻨﻪ ﺑﺎﻟﺴﻴﺎﺭﻩ ﺳﺎﻟﺖ ﺑﻴﺒﻲ ﻋﻠﻰ ﺭﺟﻞ ﺧﺎﻟﺘﻲ
ﺗﻜﻮﻝ ﻣﺪﺍﺭﻱ ﻣﺜﻞ ﺍﻟﻤﺎﻱ ﺑﺎﻟﺼﻴﻨﻴﺔ ﻣﻦ ﺍﻭﺩﻱ ﻫﻮ ﻳﻄﺒﺒﻪ ﻟﻠﺤﻤﺎﻡ ﻭﻳﺴﺒﺤﺔ ﺧﻮﺍﻟﺞ ﻣﺎ ﺳﻮﻟﻪ ﻫﻴﺞ
ﻭﺩﻭﺍﻩ ﻫﻮ ﻳﺸﺮﺑﻠﻬﻴﺎﻩ ﻭﺣﺘﻰ ﺍﻟﻔﺠﺮ ﺍﻧﻮﺍﺏ ﻳﺤﺲ ﻋﻠﻴﻪ ﺍﺫﺍ ﺧﺎﻟﺘﺞ ﻣﺘﻜﻌﺪ ﻳﺸﻮﻓﻪ ﺧﺎﻑ ﻳﺮﻳﺪ ﺷﻲ ﻭﻳﻮﺩﻱ ﻳﺘﻮﺿﻰ ﻭﻳﻘﻀﻲ ﺣﺎﺟﺘﻪ ﻭﻳﺼﻠﻲ
ﻛﺘﻠﻬﺎ ﺗﺪﺭﻳﻦ ﺗﻌﺠﺒﺖ ﻣﺎ ﺑﺎﻟﻲ ﻫﻴﺞ
ﻛﺎﻟﺖ ﻫﺎﻱ ﺷﺎﻳﻔﻪ ﺍﻧﺘﻲ ﻫﻮ ﺣﺘﻰ ﺍﻟﻌﻼﺝ ﺍﻟﻔﻴﺰﻳﺎﺋﻲ ﻣﺎﻝ ﺟﺪﺝ ﻫﻮ ﻳﻮﺩﻱ ﻭﻫﻮ ﺍﺧﺮ ﺷﻲ ﺣﺠﻴﺖ ﻋﻠﻰ ﺧﻮﺍﻟﺞ ﻭﻛﺎﻣﻮ ﻫﻤﺔ ﻫﻢ ﻳﺆﺩﻭﻩ
ﻳﻜﻮﻝ ﺍﺷﻮﻑ ﺍﺑﻮﻳﻪ ﺑﻲ ﺍﻧﻮﺍﺏ ﻳﻮﺩﻱ ﻟﻠﺤﻼﻕ ﻳﺰﻳﻨﻪ ﻭﺍﻧﻮﺍﺏ ﻫﻮ ﻳﺤﻠﻘﻠﻪ
ﻛﺘﻠﻬﺎ ﺍﻟﻠﻪ ﻳﺤﻔﻀﺔ ﻭﻳﺠﺎﺯﻱ ﺑﺎﻟﺨﻴﺮ ﺍﻧﺸﺎﻟﻠﻪ ﻭﻳﻦ ﺍﻛﻮ ﺑﻬﻴﺞ ﻭﻛﺖ ﻣﺜﻠﻪ ﻛﺎﻟﺖ ﺍَﻱ ﻭﺍﻟﻠﻪ
ﻛﺘﻠﻬﺎ ﺑﻴﺒﻲ ﺗﺮﻭﺣﻴﻦ ﻟﻠﻤﺴﺘﺸﻔﻰ ﻫﻴﻪ ﻟﻮ ﺗﻨﺘﻀﺮﻳﻦ ﻋﻠﻤﺎ ﺍﺷﺘﺮﻱ ﺗﻠﻔﻮﻥ ﻭﺍﺳﻮﻱ ﻭﺍﺧﺬ ﺳﻴﻢ ﻛﺎﺭﺕ ﻭﺃﻓﻌﻠﻪ
ﻛﺎﻟﺖ ﻻ ﻳﻠﻪ ﺑﺪﺭﺑﻨﻪ ﺍﺷﺘﺮﻱ
ﺭﺣﺖ ﺻﺪﻙ ﻭﻃﺒﻜﺖ ﻳﻢ ﺍﺑﻮ ﺍﻟﻤﻮﺑﺎﻳﻼﺕ ﺍﻟﻲ ﺍﺷﺘﺮﻱ ﻣﻨﺔ ﺟﺎﻥ ﻋﻠﻰ ﻃﺮﻳﻘﻲ
ﺍﺧﺬﺕ ﺍﻳﻔﻮﻥ ﻻﻥ ﺍﻧﻲ ﻧﻬﺎﺋﻴﺎً ﻣﺎ ﺍﺳﺘﺨﺪﻡ ﻏﻴﺮ ﺍﻻﻳﻔﻮﻥ ﻭﺩﺍﻓﻌﻞ ﺳﻴﻢ ﻛﺎﺭﺕ ﻭﺍﻧﻲ ﻣﺴﺘﻤﺴﻜﺎﺗﻲ ﻛﻠﻬﺎ ﻣﻮ ﻳﻤﻲ
ﺟﺎﻧﻦ ﺑﺎﻟﺠﻨﻄﻪ ﺍﻟﻲ ﺍﺧﺬﺗﻬﺎ ﻭﻳﺎﻱ ﻟﺒﻴﺖ ﺍﻫﻞ ﺑﺎﺑﺎ
ﺗﺎﻟﻲ ﺍﺷﺘﺮﻳﺖ ﻭﺍﺣﺪ ﺑﺎﺳﻢ ﺑﻴﺒﻲ ﻋﻠﻰ ﻣﺴﺘﻤﺴﻜﺎﺗﻬﺎ
ﻛﻤﻠﺖ ﻭﻃﻠﻌﺖ ﻃﻠﻌﺖ ﺍﻟﺸﺎﺣﻨﺔ ﻭﺷﺤﻨﺘﻪ ﺑﺎﻟﺴﻴﺎﺭﻩ ﻭﺗﻮﺟﻬﺖ ﻟﻠﻤﺴﺘﺸﻔﻰ
ﻧﺰﻟﻨﻪ ﺍﻧﻲ ﻭﺑﻴﺒﻲ ﻭﺩﺧﻠﻨﻪ ﻟﻠﻤﺴﺘﺸﻔﻰ ﻭﺭﺣﻨﻪ ﻟﻠﻐﺮﻓﻪ ﺍﻟﻲ ﺑﻴﻪ ﻣﺎﻣﺎ ﺳﻠﻤﻨﻪ ﻋﻠﻰ ﺧﺎﻟﻪ
بيج قصص عراقيه حقيقيه من واقعنا.روعه الطائي
ﻭﻛﻌﺪﻧﻪ ﻛﺎﻟﺖ ﺍﺗﺎﺧﺮﺗﻮ ﻛﺘﻠﻬﺎ ﻣﻮ ﻣﺮﻳﺖ ﺍﺷﺘﺮﻳﺖ ﺗﻠﻔﻮﻥ ﻭﻋﻠﻤﺎ ﻭﺩﻳﺖ ﺟﺪﻭ ﻫﻢ
ﻟﻴﺶ ﺧﻮﻣﻮ ﺿﺠﺘﻲ ﻛﺎﻟﺖ ﻻ ﻭﺍﻟﻠﻪ ﺑﺎﻟﻌﻜﺲ ﺑﺲ ﺿَﻞ ﺑﺎﻟﻲ ﺧﻔﺖ ﻋﻠﻴﺞ
ﻛﺘﻠﻬﺎ ﻻ ﻣﺎﻛﻮ ﺷﻲ ﻟﻴﻀﻞ ﺑﺎﻟﺞ
ﻛﺎﻟﺖ ﻋﻮﺩ ﻫﺬﺍ ﺍﻟﻀﺎﺑﻂ ﺍﺟﺔ
ﻛﺘﻠﻬﺎ ﻣﻨﻮ ﺍﻟﻀﺎﺑﻂ ﻳﻮﺳﻒ ﻛﺎﻟﺖ ﺍَﻱ
ﻛﺘﻠﻬﺎ ﺧﻴﺮ ﺷﻴﺮﻳﺪ
ﻛﺎﻟﺖ ﻣﺎ ﺭﺍﺩ ﺷﻲ ﺑﺲ ﺷﺎﻑ ﺍﻣﺞ ﻭﺳﻠﻢ ﻭﺳﺎﻝ ﻋﻠﻴﺞ ﻭﺑﻘﻰ ﺷﻮﻱ ﻭﺭﺍﺡ
ﻛﺘﻠﻬﺎ ﺍﻭﻱ ﻣﻮ ﺑﺤﺎﻟﻪ ﺍﻧﻲ ﺍﺫﺍ ﻣﺠﺮﺩ ﺑﺴﺆﺍﻝ ﺃﺗﺸﺮﻑ ﻋﻠﻰ ﺭﺍﺳﻲ ﻭَﻳَﺎ ﻫﻼ ﻏﻴﺮ ﺷﻲ ﻣﺎ ﺍﻟﻲ ﺧﻠﻚ ﺛﻮﺏ ﺍﻟﻲ ﻋﻠﻴﻪ ﺍﻧﻲ
ﻛﺎﻟﺖ ﻭﺍﻟﻠﻪ ﺑﻌﺪ ﻣﺎ ﺍﺩﺭﻱ ﺣﺘﻰ ﺗﺮﻙ ﺭﻗﻤﺔ ﻛﺎﻝ ﺧﺎﻑ ﺗﺤﺘﺎﺟﻮﻥ ﺷﻲ ﺑﺲ ﺧﺎﺑﺮﻭﻧﻲ
ﻫﺰﻳﺖ ﺍﻳﺪﻱ ﻛﺎﻟﺖ ﻣﺎﻛﻮ ﺧﺒﺮ ﻋﻠﻰ ﺭﺟﻠﺞ ﻛﺘﻠﻬﺎ ﺍﺗﺮﺟﺎﺝ ﺧﺎﻟﻪ ﻟﺘﻜﻮﻟﻴﻦ ﻫﺎﻱ ﺍﻟﻜﻠﻤﺔ ﺍﻧﻮﺏ
ﻭﺷﺪﺭﺍﻧﻲ ﺑﻲ ﻋﺴﻰ ﺑﺠﻬﻨﻢ ﺍﻟﺤﻤﺮﺓ ﻛﻮﻥ ﺍﺻﻼ ﺍﻧﻲ ﺟﻨﺖ ﺍﺻﻴﺤﻠﺔ ﺣﻴﻮﺍﻥ ﻻﻥ ﻳﺸﺒﻬﺎ
ﻛﺎﻣﻦ ﻳﻀﺤﻜﻦ ﺑﻴﺒﻲ ﻭﻫﻴﻪ
ﻛﺎﻟﺖ ﻳﻠﻪ ﻋﻴﻨﻲ ﺍﻧﻲ ﺍﺭﻭﺡ ﺍﺭﻳﺪ ﺍﺳﺒﺢ ﻭﺃﻧﺎﻡ ﺗﻌﺒﺖ ﻛﺘﻠﻬﺎ ﺗﺴﻠﻤﻴﻦ ﺧﺎﻟﻪ ﺍﻧﻲ ﻫﻮﺍﻱ ﺍﺷﻜﺮﺝ ﻋﻠﻰ ﻭﻛﻔﺘﺞ ﻭﻳﺔ ﻣﺎﻣﺎ
ﻛﺎﻟﺖ ﻣﻮ ﻋﻴﺐ ﻫﻴﺞ ﺗﺤﺠﻴﻦ ﻭﺗﻜﻮﻟﻴﻦ ﻗﺎﺑﻞ ﻫﻴﻪ ﻏﺮﻳﺒﻪ ﻫﻴﻪ ﻣﻮ ﺍﺧﺘﻲ
ﺍﺻﻼ ﻣﻦ ﻳﻮﻡ ﺍﻟﻲ ﺻﺎﺭ ﻟﻠﻴﻮﻡ ﻛﻠﺒﻲ ﻣﻔﺮﻛﺲ ﻋﻠﻴﻬﺎ
ﻭﺃﻧﺎﻡ ﻭﺍﻛﻌﺪ ﺍﻛﻮﻟﻠﻬﺎ ﺑﻴﻪ ﻭﻻ ﺑﻴﺞ ﻛﻮﻥ
ﻛﺘﻠﻬﺎ ﻻ ﺍﺳﻢ ﺍﻟﻠﻪ ﻋﻠﻴﺞ ﺧﺎﻟﻪ
ﻛﺘﻠﻬﺎ ﻟﻌﺪ ﻣﻨﻮ ﺣﻴﻮﺩﻳﺞ ﻛﺎﻟﺖ ﺳﻴﺎﺭﺗﻲ ﻣﻮﺟﻮﺩﻩ ﺍﺭﻭﺡ ﺑﻴﻬﺎ ﻛﺘﻠﻬﺎ ﻣﻮ ﺩﻛﻮﻝ
ﻋﺎﺩ ﺳﻠﻤﺖ ﻭﻃﻠﻌﺖ ﺑﻘﻴﺖ ﻳﻢ ﻣﺎﻣﺎ ﻭﻛﻠﺖ ﻟﺒﻴﺒﻲ ﺑﺎﺟﺮ ﻣﻦ ﺍﻟﺼﺒﺢ ﺗﺮﺟﻌﻴﻦ ﻭﺑﻌﺪ ﻣﺘﺠﻴﻦ ﺑﺲ ﺗﺰﻭﺭﻳﻬﺎ ﻻﻥ ﺍﻧﺘﻲ ﺗﻌﺒﺎﻧﻪ ﺍﻧﻲ ﺍﺟﻴﺖ ﻭﺍﻧﻲ ﺍﺩﺍﺭﻳﻬﺎ ﻭﺍﺑﻘﻰ ﻳﻤﻬﺎ ﺑﻌﺪ
ﻣﻘﺒﻠﺖ ﻛﺎﻟﺖ ﻭﺣﺪﺝ ﺷﻨﻮ ﺳﻮﻳﻦ ﻛﺘﻠﻬﺎ ﺍﻧﺒﻠﻪ ﻛﺎﻓﻲ ﻫﺎﻱ ﺍﻟﻔﺘﺮﺓ ﻛﻠﻬﺎ ﺣﺘﻰ ﺟﺪﻭ ﻣﺘﻬﺠﻮﻝ ﻣﻦ ﻣﻜﺎﻥ ﻟﻤﻜﺎﻥ ﺍﻧﻲ ﺍﺟﻴﺖ ﻭﺍﻧﺘﻲ ﺍﺻﻼ ﺗﻌﺒﺎﻧﻪ
ﻭﺣﺘﻰ ﺧﺎﻟﻪ ﺧﺎﻑ ﺣﺎﻟﻪ ﻃﺎﺭﺋﻪ ﺗﺼﻴﺮ ﻋﻨﺪﻱ ﺍﺧﻠﻴﻬﺎ ﺗﺠﻲ ﻳﻢ ﻣﺎﻣﺎ ﻋﻴﺐ ﺣﺘﻰ ﻣﻦ ﺭﺟﻠﻬﺎ ﻭﺍﻧﻲ ﺍﺟﻴﺖ ﺑﻌﺪ ﻣﻴﺼﻴﺮ
ﻭﺃﺑﻮ ﺍﻟﻤﺜﻞ ﻳﻜﻮﻝ ( ﺍﺫﺍ ﺻﺎﺣﺒﻚ ﺣﻠﻮ ﻟﺘﺎﻛﻠﺔ ﻛﻠﺔ )
ﻓﻤﻴﺼﻴﺮ ﺑﻌﺪ ﻋﻴﺐ ﺃﻧﻲ ﺑﺘﻬﺎ ﻭﺍﻧﻲ ﺍﺩﺍﺭﻳﻬﺎ ﻭﺍﻧﺸﺎﻟﻠﻪ ﺗﺘﺤﺴﻦ ﻋﻦ ﻗﺮﻳﺐ
ﻛﺎﻟﺖ ﺍﻣﻴﻦ ﻳﻤﺔ ﺍﻣﻴﻦ
ﻳﺘﺒﻊ ............
ﻃﺒﻌﺎ ﺍﻟﺒﺎﺭﺣﺔ ﻛﺘﻠﻜﻢ ﺍﺳﺄﻟﻮ ﺷﻨﻮ ﺗﺮﻳﺪﻭﻥ
ﻭﺍﺳﺎﺋﻠﺘﻜﻢ ﻛﻠﻬﺎ ﺑﻌﺪﻫﺎ ﻭﻳﺔ ﻓﻬﺪ
ﺍﺳﻔﻪ ﻭﺍﻋﺘﺬﺭ ﻟﻜﻦ ﻫﺬﺍ ﺍﻟﺴﺆﺍﻝ
ﻣﺎ ﺍﻛﺪﺭ ﺍﺭﺩ ﻋﻠﻴﻪ ﻻﻥ
ﺍﺫﺍ ﺟﺎﻭﺑﺖ ﺭﺍﺡ ﺗﻌﺮﻓﻮﻥ ﺍﻟﻨﻬﺎﻳﻪ ﺷﻨﻮ ﻣﻴﺼﻴﺮ
ﻓﺎﻧﺸﺎﻟﻠﻪ ﺑﺎﻟﻨﻬﺎﻳﺔ ﺗﻌﺮﻓﻮﻥ
ﻭﺍﻟﺒﻌﺾ ﺍﻵﺧﺮ ﻭﺃﻛﺜﺮﻫﺎ ﺗﻜﻮﻝ
ﺍﺭﺟﻌﻲ ﻟﻔﻬﺪ ﻳﺤﺒﺞ ﺣﺘﻰ ﺯﻣﺮﺩ ﻣﻦ ﺷﺎﻓﺖ ﺍﻟﺘﻌﻠﻴﻘﺎﺕ ﺍﻧﻘﻬﺮﺕ
ﺗﻜﻮﻝ ﻣﻌﻘﻮﻟﺔ ﻳﻌﻨﻲ ﻫﻴﺞ ﺗﻜﻮﻟﻮﻥ ﺭﻏﻢ ﺍﻟﻲ ﺳﻮﺍﻩ ﺑﻴﻪ
ﻭﺭﻏﻢ ﺍﻷﺫﻳﻪ ﻭﺍﻟﻤﻌﺎﻧﺎﻩ ﻭﺍﻧﺘﻮ ﺍﻋﺮﻑ ﺑﺎﻟﻲ ﺻﺎﺭ ﺑﻴﻬﺎ ﻭﺳﻮﻭ ﺍﺭﺟﻊ ﺍﻟﻪ ﺗﻜﻮﻟﻮﻥ
ﻭﻓﻮﻛﺎﻫﺎ ﻣﺰﻭﺝ ﺣﺘﻰ ﺍﻧﻲ ﻣﺮﺿﻴﺖ ﻋﻠﻰ ﻫﺬﺍ ﺣﺠﻴﻜﻢ
ﻭﻣﺎ ﺍﺩﺭﻱ ﺷﻨﻮ ﺟﺎﻥ ﺑﻌﻘﻠﻜﻢ ﻣﻦ ﻛﻠﺘﻮ ﻫﻴﺞ
ﻭﺷﻲ ﺍﺧﺮ ﻛﻠﻬﺎ ﺗﻜﻮﻝ ﺯﺣﻔﺖ ﻋﺎﻟﻀﺎﺑﻂ
ﺗﺮﺓ ﻫﻴﻪ ﻭﺯﺣﻔﺖ ﺍﺻﻼ ﻫﻮ ﺣﺎﻭﻝ ﻳﻄﺮﺡ ﻣﻴﺎﻧﻪ ﻭﻫﻴﻪ ﺗﺠﻨﺒﺖ ﻫﺬﺍ ﺍﻟﺸﻲ
ﻭﺑﻌﺪﻳﻦ ﻫﻴﺔ ﺑﺲ ﻭﺻﻔﺘﻪ ﻭﻣﻦ ﻭﺻﻔﺘﻪ ﺍﻧﻲ ﺷﻮﻱ
ﺣﺒﻴﺖ ﺃﻏﻴﺮ ﺟﻮ ﺍﻟﻘﺼﻪ ﻻﻥ ﻛﻠﺔ ﻛﺌﻴﺐ ﻭﻛﺘﺒﺖ ﻫﻴﺞ
ﻭﺍﻧﺘﻮ ﺭﺃﺳﺎ ﻫﺠﻤﺘﻮ ﻭﻛﻠﺘﻮ ﺯﺣﻔﺖ
ﺍﺻﻼ ﻫﻴﻪ ﺯﻣﺮﺩ ﻣﻮ ﻣﻦ ﺍﻟﻨﻮﻉ ﺍﻟﻲ ﺗﻨﻄﻲ ﻭﺟﻪ ﺑﺴﺎﻉ
ﺷﻮﻳﻪ ﻣﻦ ﺗﻌﻠﻘﻮﻥ ﺍﻧﺘﺒﻬﻮ ﺷﻨﻮ ﺗﻜﺘﺒﻮﻥ
ﻭﺷﻔﺖ ﺗﻌﻠﻴﻖ ﻭﺣﺪﻩ ﻛﺎﺗﺒﻪ ﻟﻴﺶ ﺗﻜﻮﻟﻴﻦ ﻛﻠﺸﻴﺖ ﻣﻮ ﻛﻠﺸﻲ
ﻛﺎﻳﻠﻪ ﺍﺣﻨﻪ ﻋﺪﻧﻪ ﻧﻜﻮﻝ ﻛﻠﺸﻲ
ﺟﻮﺍﺑﻲ ﺣﺒﻲ ﺍﻧﻲ ﺍﻟﻜﺎﺗﺒﻪ
ﻣﻦ ﻣﺤﺎﻓﻀﻪ ﺩﻳﺎﻟﻰ 🍊
ﻭﺍﻫﻞ ﺩﻳﺎﻟﻰ ﺍﻏﻠﺒﻬﻢ ﻭﻋﺎﻻﻛﺜﺮ ﻭﺍﻟﻜﻞ ﻳﻮﻛﻮﻟﻮﻥ ﻛﻠﺸﻴﺖ
ﻟﺬﻟﻚ ﺍﻧﻲ ﺍﻛﺘﺐ ﻭﺍﻛﻮﻝ ﻛﻠﺸﻴﺖ ﻣﻮ ﻛﻠﺸﻲ
🌺
