رواية طفلة النقيب الفصل الثلاثون بقلم نبأ عادل
سما: جنت كاعده بس مابيه ارد علي بعد نعست حيل من وره عطر ركبته ،،، رحت بسابع نومه وهو هم نام
مهيمن: كعدت الصبح على دكت التلفون صديقي( علي )جانت ساعه٧صبح،،،،،، الوووو ها ،،، اي هسة توصلك الفلوس ،،، اي عود اني امرلك اخذ مفتاح البيت ماشي حبيبي مشكور ،،، الله وياك
سما: شلت راسي من ايده شكو حبيبي منو هذا
مهيمن: ماكو شي حبيبي رجعي نامي
سما: امم واخذتني الغفوه
مهيمن: وخرتهة على كيف من ايدي خليت راسهة على مخده فزت،،، رجعي نامي باباتي ،،طبطبت على جتفهة رجعت نامت ،،،رحت سبحت ولبست ،،،، نزلت جوه طلبت من الرسبشن ورقه وقلم انطوني ،،،،،،صعدت السما وكتبتلهة اني طالع شويه واجي ،،،ادري بيهة متكعد هسه تتاخر بالنومه بس كلت ميخالف خاف تكعد ومتلكاني ،،، خليت الورقه بصفهة وطلعت من الفندق جنت متوقع اكو احد مراقبنه لهذا طلعت من الباب الخلفي للفندق وجابولي سيارتي من الكراج اخذتهة ورحت سحبت الفلوس ورحت للولد (محمد)المتفق وياه انطيته الفلوس وكتله جيب المفتاح وياك والسند مال بيت حتى اوقعه ،،،راح لمحافظه.........ينطي الفلوس الصديقي( علي) ،،، رجعت البيتي ولميت الملابس ،، صارن ٤جنط كبار ٣السما وحده اليه خليتهن بالسياره ، رحت على محل اثاث واتفقت وياه يشتري الاثاث مال بيتي لان بعدهن جدد المهم كال باجر اجي اشوف الاثاث اتفقت وياه وطلعت ،،،،جبت صمون واجبان
الاء: جنت نايمه خابر واحد اسمه علي اعرفه من زمان ،، واني حاجيتله كولشي ،،، ها علي ،،، شنو اي اي خوش همزين كتلي ،،، انشاء الله ،، انشاء الله ولا يهمك ،، اي ادلل ، مع السلامه ،،،، هههههه اجتني السالفه الحد عندي ،،، خلي اخابر على الولد الواكف على باب الفندق يراقب مهيمن ،،، الووو ،،، اي ارجع عوفهم ملازميني بعد ،، اوك باي
مهيمن:رجعت جانت ساعه ١١ونص الصبح همزين بعدهة نايمه ،، سما سما حبيبتي يله كومي خلي نتريك يله بابا
سما: اممم ما
مهيمن: كومي باباتي
سما: نَنْو
مهيمن: فدوه الحبيبتي شو تعاي ضليت ادغدغهة
سما: ههههه بابا ههههه حبيبي ههههه كافي ههههه حموت
مهيمن: يله لعد كومي حبيبج جوعان ويريد اكل من هذني الادين الحلوات وبستهن
سما: ابتسمت من الخجل اي يله كايمه بس غمض
مهيمن: كومي حبيبي مو وكت لعب هسه لان صدك جوعان
سما: بس اني مجاي العب وظليت ارمش بعيوني واباوعله
مهيمن: فدوه للبزون مالتي كمشت وجهة بين اديه ،،، يله غمضت
سما: خجلت ،،، خليت الجرجف على جسمي واخذت التراك (جنت غاسلته وهسه يبس) ،،،،،وكمت بسرعه سمعته وهو يضحك ورايه
مهيمن: ترى كلشي شايف (اندل كل كطن متروك والعب بي احب اسوالف النداف )
سما: عزه هذا شديحجي مفهمت معنى الشعر الكاله بس هاي الجملة ضلت ابالي اندل كل كطن متروك والعب بي احب سوالف النداف ،،،دخلت للحمام بدلت وغسلت وجهي وطلعت للمطبخ سويت جاي واجبان ،، يله بابه تعال كملت
مهيمن: اي ،،، كعدنه خلصنه ريوك رحت على التلفزون ،،،، بابه سما حضري نفسج اليوم العصر نطلع منا
سما: نرجع للبيت مو
مهيمن: لا بعد ماكو ذاك البيت انسي
سما: بس ليش
مهيمن: بدون ليش حبيبتي انتِ مو واثقه بيه
سما: اي
مهيمن: تمام لعد لا اسئلين
سما: ماشي ،، حزت بداخلي انو هو دائما ميحجيلي شنو ديسوي كل تصرف ميبرره اليه ولا يفهمني ولا يحجي عن مشاكله حتى جرح ايده ما اعرف شنو سببه،،، احسه يعتبرني مو كد الحمل او الثقه ويحجيلي لازم ابعد هذا التفكير منه اني مو صغيره حتى هيج يعاملني اني زوجته لازم نتناقش ،، اووف هسه هو ضايج خلي اعوفه بعدين احجي وياه
مهيمن: باوعت ساعه ٢ونص الظهر يله بابه بسرعه لبسي ترى ٣لازم احنه بالسياره
سما: اي بابه شلت الغده ونضفت المكان ولبست جبه وشال وحضرت جاي شربه بسرعه وطلعنه ،،، باوعت ساعه٧بليل بابه شوكت نوصل تعبت حيل
مهيمن: هسه وصلنه ،، خابرني محمد ،، اي يله راح اوكفلك ب.........،، تمام ، اجاني واخذت مفتاح البيت والسند وقعته وتم كل شي ،، مشكور حبيبي متقصر ،،،، صعدت بالسياره شبيج حبيبي
سما: اووووف اوووف ضايجه حيل
مهيمن: كافي حبيبي هاج هذا مبايلي كلبي بي بين منوصل
سما: فدوه فدوه احبك ،، اخذته منه وضليت اكلب بالستديو اباوع على صوره يخبل طالع استمريت اكلب لمن طلعت صوري كومه حافظ صوري حتى واني نايمه طاكلي كومه ،، مردت اسئلة واحرجه بس ابتسمت وفرحت بداخلي ،، مهيمن احنه وين شو هذا المكان عبالك الهوه اختلف معبالك بغداد
مهيمن: اي احنه مو ابغداد
سما: شنو لعد وين
مهيمن: بالبصره احنهسما:بس احنه ليش عفنه بغداد
مهيمن: حنعيش هنا بعد
سما: ما، اريد ارجع البغداد
مهيمن: حبيبي كافي ترى والله تعبان ،، هو كم يوم وتتعودين
سما: درت وجهي منه وضليت اباوع من الجامه حلوه كولش خضار وزرع هواي
مهيمن: ها عجبتج
سما: اي حلوه ،، خليني انزل هنا حباب شوف الزرع يخبل
مهيمن: وتنزلين هيج مستحيل ما اقبل
سما:بس ليش شبيه اني
مهيمن: جمالج يجيب التايه، وكافي حجي حبيبي يله وصلنه ،، لا تنزلين خلي افتح الباب يله ،، فتحت الباب وسويتلهة سد ونزلتهة هو ماكو احد بالشارع بس هم ميخالف الاحتياط واجب
سما: دخلت للبيت يخبل بعد احلى من ذاك البيت هذا بي حديقه جبيره حيل
مهيمن: نزلت الجنط هاج حبيبي هاي ملابسنه ،، قبل لا اسئلين جبتهن من جنتي نايمه ومعفتج شويه ورجعت
سما: ما زاعلتك
مهيمن: شلتهة وضليت افتر بيهة
سما: بابه نزلني ههههه دخت والله حبيبي نزلني ،،، ،،،،،،،نزلني ضليت امجلبه بي شويه وخرت عاد دخلت اباوع البيت فارغ تماما بابه شو فارغ البيت وين حنام
مهيمن: هسه اجيب دوشك مؤقت وباجر اخلي اثاث ،، يله حروح اجيب عشه وفراش
سما: ما ما اخذني وياك اخاف اخاف
مهيمن: يله امشي طلعت تركض ،،،، لج سمااا وين طالعه بله احد بالشارع ،، وكفت اخذت ايدهة وضميت راسهة بضلوعي ومشينه سوه صعدتهة بالسياره قفلت باب البيت وطلعنه رحت وصيت عشه ودورت كوه لكيت محل صغير حيل يبيع فراش دخلت لكيت دوشك مال نفر اخذته واخذت جراجف ومخده ، وسما جلبت على منظفات هم اخذنه ،، نوب رجعت اخذت العشه من المطعم ورحنه للبيت دخلت السياره بالكراج مال البيت ونزلت الغراض وسما رادت اتنظف كتلهة وره العشه ،، اتعشينه
سما: بابه يله خلي انظف ترى والله مجاي اتحمل
مهيمن: اي بابه اني راح اوكف بالباب اي شي تحتاجي صيحيني
سما:اي بابه بس الله عليك لا تعوفني
مهيمن: لا ما اعوفج ،،، طلعت وهي بدت اتنظف ،،، مطلعت خارج باب البيت ظليت بالطرمه لان اخاف احد يشوفني من اهلي او كرايبي بالمنطقه لان بيتي صاير بظهر بيت اهلي بالضبط،،،، اني ما اريد هسه اطلع سما بعدني ممستعد من ناحيه اهلي لازم امهدلهم اول شي بعدين اكوللهم عن زواجي ،، ما اريد اخذهة واروحلهم كبل خاف يسمعوهة حجي ،، هسه اني امنت مكانهة وهم راح اخبر اخويه يدير باله عليهة اني عكب باجر التحق من ارجع افض اموري لان تعبت حيل ،، وهم انقلي شغلي لهنا احسن من الروحه والرجعه
سما: هلكت لان البيت جبير خلصت وصلت للطرمه لكيت مهيمن ،، حبيبي شلون انظفهة وسيارتك هنا
مهيمن: ها حبيبي عوفيهة على باجر تعبت حيل اريد انام
سما: ماشي حبيبي
مهيمن: نزلت الدوشك والمخده والجراجف ،، وين افرشهن بابه
سما: هنا حبيبي هنا،، هاي شنو حبيبي بس هذا جايب
مهيمن: اي
سما: بس
مهيمن: بدون بس هو انتِ دومج انومج بحظني فه ميحتاجلنه دوشكين اتمددت يله تعاي حبيبت ابوهة
سما: اي حبيبي هسه اجي بس ابدل ،، رحت الجنطتي الاولى فتحتهة الوجه كله سيتات نوم ،، وخرتهن على صفحه عاد لكيت شورتات وفوانيل هم وخرتهن لكيت الدشاديش الكصار اوووف ،، شلت راسي اباوع مهيمن مخلي ايده على حنجه وصافن عليه ومبتسم من خجلتي خطفت وحده من الدشاديش بسرعه وكمت للحمام ،، غسلت بالصابون جسمي ووجهي بس انتبهت على كصتي ميصير عليهة مي و شعري مابي شي لان جنت لافته بالشال مدمر ،، اباوع اوووف شلون حظ نسيت الداخليات شسوي شسوي ،،،، بردت حيل اووف خلي اطلع عاد لبست الدشداشه وطلعت اركض لان ميته برد
مهيمن: شبيج حبيبي
سما: بردانه حيل
مهيمن: تعاي بحظن حبيبج
سما: اباوع فاتحلي اديه مو مال افشله واروح ادور بلجنطه على ملابس،، رحت الحظنه بسرعه
مهيمن: فدوه ،،شكد احب لهفتج على حظني ،، بابه ليش منشفتي جسمج كله امبلل ،،،،،،،،دا اكوم انصي البنكه
سما: اتمسكت بي حيل لا لا تكوم والله بردانه
مهيمن: ما رايح بس اطفي البنكه حبيبي
سما: ما اريد بس خليك يمي ،، صعدت راسي لعند ركبته اخذت نفس ونمت
مهيمن: بست راسهة وغطيتهة زين ولفيتهة بحظني ،،،،،وشويه ونمت هلكد متعبت اليوم
سما:كعدت الصبح ،،،،، اي واخيرا اليوم ينشال الخياط من كصتي ،، غسلت وصليت وانتظرت شويه مكعد مهيمن ضجت حيل عاد كمت احوص اريده يكعد ،، رحت كعدت يمه شلت ايده بستهة من البطن ودرتهة بستهة من الجهة الثانيه الوجه جان نايم بالساعه نزعتهة اله وصاير طبع بستهة وضليت ابوس ب زنده وصلت للجرح الي اب ايده بسته على كيف وخرت الجرجف من بدايه صدره وبست جتفه وصدره
مهيمن: جنت كاعد حسيت عليهة من كامت من حظني ،،،،،،،،احلى صباح هذا يروح ابوج انتِ حظنتهة حيل وكمت غسلت ،،، حبيبي حروح اجيب ريوك واتفق ويه ابو الاثاث حتى يجينه فد شويهسما: لا تتاخر حباب والله اخاف
مهيمن: ماشي حبيبي ، لبست وطلعت رحت المحل اثاث جانت ساعه ١٠ صبح اتفقت وياه على كل شي وانطيته قياسات الغرفه يعني قدرت تقدير واشرت على غرفه كتله هاي تمام تكفي ،،، طلعت جبت صمون وقنينه غاز،،،،، وكوه لكيت واحد يبيع جاي شربت اكلاص وطلبت منه ينطيني ببطل ملكيت غير هل حل اخذت دفعت فلوس اخذت كلاصات وجيس شكر واجبان ورجعت للبيت تريكنه واخذت سما فتحولهة الخياط ورجعنه ،،،، شويه وخابرني ابو الاثاث جانت ساعه ١ظهر عاد جابو الاثاث خليت سما بالمطبخ وسديت الباب وحذرتهة تطلع خلو كلشي مكانه خلصو ساعه٣ بقه بس المطبخ كتله بس خلي يرتاحون العمال شويه لهيتهم واخذتهم بره ودزيت على طفل يجيب عصير انطيتهم ورحت السما طلعتهة من المطبخ وديتهة للغرفه وحذرتهة تطلع ،،،،، عاد هم كملو شغلهم بالمطبخ خلو كل الغراض وبقت الغساله بالحمام اني خليتهة ،،،،،،حاسبتهم وطلعو،،،،، شنو انكسر ظهري من الوكفه والتعب فتحت على سما ، ها حبيبي
سما: بابه الغرفه اتخبل واني حموت من الجوع والله
مهيمن: تدلل حبيبت ابوهة خابرت وطلبت على اكل ربع ساعه ووصل حاسبت ودخلت الاكل اتغدينه وبقه بس مسواك البيت لازم اسوك ،، بابه حنام وبليل نروح اني وياج نسوك لا تكعديني
سما: ماشي بابه ،، بديت حمله التنظيف ، هلكت من التعب خليت الملابس بالكنتور وعلى كيفي خاف يكعد مهيمن والمكياج والعطورات كلهن بمكانهن ،،،،،اوووف بقه بس الطرمه سيارة مهيمن ما اكدر امسحهة بس ذبيت مي ومعطر ارضيه اباوع ساعه٨بليل اووف هاي شكد صارلي ،،،،،،،رحت على مهيمن كعدته
مهيمن: كعدت بابه يله حضري نفسج نطلع نسوك جيبي هسه الشغلات الضروريه وباجر الظهر اني اجيب الباقي
سما: ماشي بابه ،، طلعنه جبت سيت امواعين واحد وسيت جدوره وسيت اكلاصات وسيت طاوات وهو جاب مسواك للثلاجه وجاب مي للبراد وجاب عشه واخذني على كوزمتك هم العامله بنيه
مهيمن: يله بابه بسرعه لا تتاخرين
سما: بابه عوفه بعدين
مهيمن: لا امشي بسرعه خليت بيدهة فلوس ونزلت ربع ساعه واجتي
سما: اخذت شامبو وغسول وليفه ومعطرات وحلاوه (شيره) مصرفت هواي من الفلوس،،، صعدت ورجعت الفلوس البقت المهيمن
مهيمن: بابه روحي اشتري
سما: اشتريت والله ممحتاجه حبيبي انت جايبلي كل المكياج والمعطرات
مهيمن: تمام رجعنه للبيت
سما: بابه لا ادخل السياره انتظر خلي انظف الطرمه بسرعه
مهيمن: هسه مو وكتهة حبيبي
سما: لا حباب الله ايخليك والله وصخه
مهيمن: ماشي يله انتظرج هنا لا تتاخرين،،، نزلت ،،،،خابرت عباس ،، شنو الاخبار ،، تمام اني باجر بليل جايكم ماشي ،، مع السلامه
سما: نظفتهة بسرعه ومديت راسي من الباب اشرتله وفتحت الباب دخل السياره ونزل الغراض
مهيمن: بابه طلعيلي ملابس خلي اسبح بين متحمين العشه لان برد
سما: اي بابه وديتله ملابس وخليت الاكل على النار وكفت يمه ،، طلع مهيمن ،، حضرت الجاي وخليته على عين هادئة حيل ،، رتبت العشه وصحت مهيمن اتعشينه على الميز وسوالي لفه وانطاني ،،اكلت وخلصنه صبيتله جاي ورحت سبحت وخلصت كعدت على ميز تواليت هيج يسمو هذا الي انخلي على مكياج ،،، خليت لوشن الجسمي والوجهي لوشن خاص ،،،،،،،،،،ومخمريه بجسمي وشسورت شعري ورحت نمت على جربايه بصف مهيمن خطيه جان نايم
مهيمن: من اجتي بصفي حسيت عليهة اخذتهة بحظني واشمهة حيل ونمنه
فاطمه: صار فتره اني بالفندق الي ابغداد الفلوس بدت تخلص واني يوميه اطلع على شغل وما الكه بلاخر لكيت لافته على صالون مطلوب عامله ،،،،اني ما افتهم بهيج سوالف بس خلي اجرب حظي دخلت وحجيت وياهة مقبلتني لان ما اعرف جربتني كالت شسوري لهاي اللعابه وكصي شعرهة مشفر معرفت طردتني ،، لا الله يخليج ساعديني لازم اشتغل اي شي بس ساعديني ،، سئلتني عن اهلي وهيج كتلهة ميريدوني ،، اباوعلهة سكتت شويه ونوب كالت راح اخابر صديقتي اشغلج ولو هي تركت هل شغل بس عدهة واسطه كتلهة موافقه خابرت واتفقت وكالت سبوع الجاي تعاليلي اشكرتهة وطلعت ،، اباوع فلوس ما بقت عندي لازم اطلع من الفندق واليوم لان ماعندي ادفعلهم يادوب يكفي اكل اليه ،،،رجعت للفندق اباوع يبقالي١٥٠الف عده افلوس الفندق،،،، وسبوع شلون ووين راح ابقه بهل اسبوع دورت شكد ايجار ملكيت بسعر مناسب واصلا محد ياجرلي لان وحدي يكلولي انتِ وراج قصه واحنه منريد نبتلي ،،،،وهنة عندي ١٥٠يرادلي فد ١٠٠ للاكل مال اسبوع منا لمن اشغلني هاي المره شلون حدبرهة ما ادري رجعت لام الصالون كتله انطيج ايجار بس اكعد هنا بالمحل ماعدي بيت وفلوسي خلصت الله ايخليج ساعديني مقبلت وكالت لا تخافين هاي المره الي حشغلج حتى مكان سكن اتوفرلج وفلوس زينه تجيج كل ما اشتغلتي زين بس بيته هنا ما اكدر اخليج عذريني،،، اشكرت منهة مره ثانيه وطلعت ادور كوه لكيت بيت المره جبيره كتله بس سبوع ابقه بي واشيل وما اخلي بي غراض او اثاث قبلت المره انطيتهة١٥٠على بقيتي اسبوع صح الفلوس هواي بس محد قبل يبقيني لان وحدي يخافون فه اضطريتائجر بهيج سعر ،،،،،،عاد رجعت للفندق لميت غراضي من الفندق وانطيتهم حقهم ورجعت للبيت وظليت هناك واحاول اخلي الفوس اتكفي منا لمن يخلص الاسبوع واشتغل اجتي ايام ما اكلت شي لو اكل بس صمونه طلعت ودورت على شغل خلال هل اسبوع ما لكيت بقه املي بس ام الصالون لان هنا محد يقبل يشغلني لان ما اعرف شي ،كل يوم وكل ساعه مرت عليه واني جوعانه تحلفت بيهن المهيمن وحبيبته وابويه
