رواية انت البارود وانا النار الفصل الواحد والثلاثون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
وزايـد وچـعها وتهمـل العـيـن...؟
اسكتـلـي ساعـه وابجـي يومين...!
بعـديـن والله تغـثـنـي بعـديـن...!
كبرت وحسرتـي تريد حوشيـن..."
𖤓 ───── 𖤓
يمـامه
بعد فتره طويله بيت اهلي صار لازم ارجع لبيتي....
رجعت للبيت ولكيت عمه ضرغام وانـا مامرتاحه الها وماحبها بيتي لان اعرفها واعرف سوالفهن بسحوره وكلت خفت ع ضرغام وايـه
اول مادخلت صعدت فوك لان تعبانه مادخلت على ايه سبحت وعدلت الغرفه ونضفتها ونزلت جوه شغلت القران وسميت على البيت من أي شي مسويته عمه ضرغام
بعدين رحت لـ أيه وسلمت عليها وشفت إيهاب وعفتها لان تعبانه خطيه الطفل ماينام بـليل .
ألعصر راحت عمه ضرغام كالت مدام أم البيت اجت انا بعد مالي ضله هنا
وداها ضرغام بسيارته .
كعدت يم ايـه ومديت رجليه وخليت إيهاب بحضنـي اهز بيه
ايـه:انشالله يوم الج واشوف بحضنچ ولد
يمامه:ماظن أفرح واشوف الفرح بحياتي خيه جبت عمري حزن بحزن وهسه مسره أخذت كل حيلي والله ماجاي اكدر اتخيل شلون معلكه روحها بالبنكه
ايـه:حقج والله وصعب شي مو سهل أنا ماكدرت اوكف على رجليه من شفتها بس شسوي الله يغفر إلها
يمامه:ايـه انا اسفه بمكان مسره ع كلشي صار
أيه: والله مبريه الذمه هيه وامچ خطيه مسره بعدهي طفله وغلطت بس صوچ الاهل ألي يغطون على الغلط مايوكفونهم حته يتعلمون ولو مره وحده
شوفي هاي انـا شكبرني والله اخاف من ضرغام اخاف احجي حجايه مايرضه علية
دائما يكلي
امشي بدرب يليق بيچ سواء جنتي بت شيخ او بت انسان عادي السمعه هيه تضل وي الإنسان طول العمر كلشي يموت بس السمعه تضل طول العمر يختي
يمامه:بيت يعقوب دمر ومشه بس أنشالله أسعد يعدل كلشي وهسه عدنه ولد ثنين
إيهاب وادم يسدون عين ألشمس والله
ضليت اهز ب إيهاب وانا ابتسم اخواني صارو عدهم اطفال ادم وإيهاب احسهم واحد راح يوكف لثاني ويصيرون كلب ع كلب مدام رنا وايـه وحده تحب الثانيه
كمت اشوف شنو أسوي العشه وانطيت إيهاب لـ ايه ترضعه .
وسويت العشه على راحتي اجه ضرغام بس ماعرف شبي ومبين ضايج ولازمه ظهره كلش أخاف من اشوفه يلزم ظهره من السحر عبالي ياربي لاتفجعني بي والله صبري خلص ماكدر اتحمل أي شي بعد
طلعت من ألمطبخ حته اسلم ع ضرغام
يمامه: ها الله يساعدك
ضرغام:كواج الله. بويه
يمامه:يله العشه جاهز راح أصيح ايـه تجي اذا تريد اصعد بدل وتعال
ضرغام: ماريـد
يمامه: من الغده ماماكل شي انتَ شسالفه
ضرغام:كتلچ ماريـد زقنبوت .
يمامه:شبيك عمتك حجت شي لو رحت لديوان صار شي؟
ضرغام :مو كل مرة أرجع للبيت لازم ينفتح تحقيق وياي
يمامه: ماقصدي احقق جاي اسئلك بالي يمك
عافني وصعد وهوه ع الدرج رجعت صحت اله ماوكف ولا دار وجهه ألـي
شلون انا بضرغام ألي بساع يعصب. وشلكه يخوفني بعيونه وحواجبه الي يطبكهن من يعصب
رحت ايـه وتعشينا بس أنا وياها وضميت أكل لـ ضرغام
ضليت شويه يم أيـه لحد مانام الولد وهيه نامت ع نومته خطيه وصعدت انا فوك ضرغام ضل فوك مانزل
دخلت اول مره اشوف ضرغام يدخن جكايـر وطالعه ألدنيا من عينه خفت احاجي ويكسر الغرفه ع راسنا
ضليت ساكته طلعت ملابس الي دخلت لحمام بدلت وطلعت صرت بالجهه ثانيه مال الجربايه جاي اكعد وكلي
ضرغام:تعالي كبـالي عندي موضوع
يمه هوا كلي هيج لو أحس رجليه ماتن من الخوف منه كلت يمكن تعارك وي سالم لو أسعد لان مايقبل يدخل لو. العكس لحد ماوصلت اله ختمت ألقـران ألف مره
وصلت يمه بس ضل ساكت ماحجه
سميت بأسم الله وحجيت انـا
يمامه:حـبيبي أذا بيك شي أو ضايج كلي احجيلي انا اسمعنك
ضرغام:همّي أكبر منچ ماتحملي
يمامه:ضرغام لا تعاملني هيچ لا ترجعنا للصفر
ضرغام: وها احسلج تنسين سالفة الأطفال من هسه لا تحلمين بطفل ولا تنتظرين مني شي
يمامه:شنووو شبيك ضرغام شنو ذنبي حتى تكلي هيچ ترا بشر انا طاقتي خلصتتت دفنت ابني ودفنت اختيي ودفنت امي وابوي
إذا ما تريدني كول كافي يوميه مشاكل وتكسرني بهالكلام يوميه كل ماتعصب تبط كلبي بط بحجيك
كام وركع ألميز بوكسي ودفره برجليه كل الغراض الي عليهن طاحـن
يمامه:شبيككككككك تخبلتتتتت
ضرغام:گلتلج لا ترفعين صوتچ من احجي وياچ
يمامه:"إذا ما تريدني كول
بقى ساكت
إذا ندمت على زواجك مني كولها
ما رد وضل ساكت
إذا أكو وحدة غيري هم كولها بس لاتسكتتتتت
ضرغام:لا تتمادين بالحجي
يمامه:احجي جااااااا شعلتتتتت گلبي
ضرغام:گلت الج اسكتي
يمامه:ما راح أسكت فاتحه اختي هستوها خلصتتت مااحمل عصبيتك ومزاجك كافي لهنا تحملتك هووواي
اجه ناحيتي ولزمني من فكي وبعصبيه حجه..
ضرغام:تررردين تعرفين شبيهه السحررر رجع عليه وعلى عافيتي ورحت لسيددد وكال حسب اعتقاده أكو عمل معمول إلي من زمان ومدفون وهذا اللي مأثر على حياتي وعلى صحتي اللي كسرنيي بييي من كال إذا بقى الحال مثل ما هو، يمكن يظل موضوع الأطفال صعب ولو يموت كل طفل لو مايصير عندي أي طفلللل جاي تفهمينييي
ضليت ابجي وساكته...
ضرغام:ولچ انا يطبني طوب خايف عليچ خايف عليججج
حرت شلون اتصرف بهذيج لحظه وشنو أسوي رحت حضنته وبجيت وهوه شبكني هم رفعت راسي
مسحت دموعه الي بعيونه وبست راسه...
يمامه:ياكل حياتي ياابو بيتي انته والله ماريد أي شي بس صحتك تصير زينه
ضل مدنك رأسه
- نروح الامام علي وننخهه وروح لسيد يفتح الك السحر والله الامام علي مايقصر
ضل ساكت كعدنا انا ويا ع جربايه
وخله راسه بحضني
بسته من راسه مره ثانيه وأنا اشوف ضرغام شلون جاي يذبل كدام عيوني من السحر
1 تعليق
ضرغام:أسف
يمامه:ماريد حياتي بدونك انـت والله الله رزقنا ف نعمه الحمد لله اذا الله مارزقنا هاي هيه هم نعمه والحمدالله الله موجود ومانأيس من رحمته
انا احبنك الك مو علمود انت شيخ لو علمود اطفال لو علمود أسم لا احبك الك وماصير غيرك لاتحجي هيج
ضل نايم بحضني وانا احجي ويا وهوه كض ايدي ويبوس بيها
يمامه:هاي أول مرة أشوف دموعك
ضحك ضحكة صغيرة وحجه....
ضرغام:وأتمنى آخر مرة ابجي يمج
كام وعدل نفسه ونام وسبحني لحضنه حضنته هم انـا همس بصوت ناصي يمي
ضرغام:ادعيلي لا أريد أخسر حلمي ولا أريد أخسرچ
ضميت وجهي يمه وحضنته ونمنا بدون كلام لان صار ماله واهس بعد يحجي اجذب اذا اكول مافكرت ولا خفت
بس خليت كل املي بـ الامام علي ورب العالمين نخيته وانشالله مايردنا ولايكسر فرحه ضرغام.
كعدت لكيت ضرغام هسه طالع من الحمام وجاي يبدل .
كمت حضنته وبسته
يمامه:صباح الخير حبيبي
ضرغام: صباح النور
يمامه:يله انـا بعدين أسبح خلي نتريك
ضرغام: عندي طلعه ماريد أنا
يمامه:مو بكيفك شحدك والله ماخليك تطلع اله تاكل
ضرغام:صرتي تعانديني؟
يمامه:تعلمت منك شيخ
ضرغام:اكمل وانزل وعد
باسني من راسي ورحت نزلت جوه لكيت ايه هسه كاعده كملت ألريوك وهيه يمي وإيهاب هم كاعد
عيوني مورمات من البجي مال لبارحه وانا اكمل الريوك حضنتني ايه وجانت تعرف كلشي
ايـه: الله كريم الله اذا حب عبد ابتلاء
يمامه: الحمد لله بكيف الله خيـه مهم ضرغام يمشي وره موضوع وتنحل سالفه
نزل ضرغام باس ايـه وكعدنا نتريك
طلع ضرغام ركضت وره
يمامه:شنو راح تسوي
ضرغام:لسيد حته اطلع باجر الامام علي
ودعني وراح ضلت بالي شلون يروح ل نجف وحده منا لليل اجه ضرغام
ضرغام:الفجـر اطلع باذن الله.
يمامه: أخذ أسعد وياك
ابتسم ابتسامه خفيفه ماراضي على كلامي...
ضرغام:ما يحتاج
يمامه:ضرغاام
ضرغام:گلتلج ما يحتاج
رحت يمه وبسته من خده
يمامه:اعتبرها خاطر إلي
ضرغام:بوستج لوتيه ماريدها
ماتملين؟
يمامه:لا مامل مدام وكفت بفاتحه اختي وياهم ما امل .
ضليت الحح
فتح تلفونه واتصل على أسعد وانا ضليت اكمزززز من الفرحه ماشالتني الكاع
ضرغام: الوو أسعد
اسعد: الوو ها شيخ اسمعك
ضرغام:جهز نفسك الفجر نطلع للنجف
أسعد:تدلل خو ماصاير شي
ضرغام:نسولف بطريق .
سد تلفون وانا ضاله افتر واكمز مامصدككككه
ضرغام:هسه رضيتي
يمامه:أي اييي والله احبـنك
ضرغام:يلا أمشي ننزل
يمامه:يا وين
ضرغام:نفرش بالحديـقه يم الورد ونام الجو بره يخبل
فرحت وعجبتني فكره..
أخذت منادر ثنين وفرشت زوليه وفرشت منادر
الجو جان بارد وكلش حلو واغلب عالم جانت تنام بالسطح او بره واحنه حديقتنا جبيره وبيها مرجوحه وكراسي والورد والزرع
فرشت بالنص جوه الكمـر وفرحانه طايره من الفرح لبست تراك ماقبل ضرغام البس شي قصير ونمت انتضره يجي
اجه ومد ايده وانـا نمت عليها وتقرب ألي باسني حيل وانا هم بسته برضاتي وفرحانه .
رجعت نمت ع ايده
ضرغام:تذكرين من شفتج بخطوبه ايـه ورجفتي ماعرف شنهي سالفتج وي رجفه
ولسه أنا ابوسج وانتي بحضني ترجفين
ضليت ساكته وخجلانه ودمعت عيوني من الفرحه واتمنيت الله يسلها عليـنه
ضرغام:ها حبيبي ساكته .
يمـامه:احبنك .
ونمنا كعدت ع صوت الاذان ولازم ضرغام يروح اخذت الفراش دخلته وتوضينا وصلينه سوه كملت غراضه
وانـا ارجف من الخوف وألي راح يصير وادعي امير المؤمنين يوكف وياي
نادي عليـاً مظهر العجائب.
تجدهُ عنوناً لـك في النوائب.
كـل هم وغم سينجلي بولايتك..
ياعـلي ياعـلي ياعـلي....
دخل سـبح واتصل أسعد رديت أنا وكتله جاي يسبح شويه وتعال
طلع هوه وكمل وبكل بمكان يروح لازم يلبس العبايه مالته والعكـال وأنا اموت ع شكله من اشوفه هيج واشوف هيبته
رحت حضنته وبسته....
ضرغام:اخاف أرجع وما ألكاچ تضحكين مثل كبل
ابتسمت ورجعت حضنته وحجيت
يمامه:هاي الضحكة مربوطة بيك انته شد حيلك
ضرغام:يمامه انا بسبجج واكف ع رجليه هسه
يمامه:أسس لاتكول هيچ ابن الشيخ إيهاب اسمه مايروح وبوجودك كلشي ينحل ياحبيبي
مودع بالله محروس بعين الرحمن
نزل وطلعت ايـه وهم ودعته
ايـه:يحرسك علي انشالله خويه ويفرح كلبك
باسها من رأسها ورحت أنا ركاض للمطبخ جبت مـاي اريد اشمره وره
طلع هوه شغل سياره شافني مديت راسي نزل من ألسياره
ضرغام:ها يمامه نخرب؟؟شنهييي واكفه بالباببببب
يمامه:اريد اشمر وراك ماي يله روح هسه
خزرني ودخلت راسي وبس حرك سياره شمرت الماي طلعت بس أيدي مايقبل لان
قفلت الباب وسركيته
ورحت نمت يم ايـه
لان لا انا ولاهيه نمنا ونفكر بضرغام وبالي راح يصير
صار ألصبح وكعدنـا انا وايه نتريك وابد مامرتاحه
يمامه:لو بيدي أسوي أي شي أي شييي بس علمود اساعد ضرغام اتمنى اروح لبيت عمتج الكه او اخلي أي شي يفتح السحر والله خيه راح أموت بالقرآن
ايـه:منو يكدر يوصل لبيت عمتي هوه
يمامه:ترا هذا بيت عمتج مو گلش بعيدددد
ايه:اي رحتي شسوين؟شنو شسوين كليلي شتردين شلون دخلين بيتها وهيه تكرهج
يمامه: والله اروح كافي هسه البس عبايتي واروح احاجيها بس خلي تفك ألسحرر ماكدر اتحمل بعد خايفه ع ضرغام
ايـه:يمامه إنتِ واعية على اللي جاي تكولي
يمامه:كلش
ايـه:ضرغام إذا عرف.والله يكلب البيت ع راسنا أنا وياج
يمامه:أحس عمتچ تعرف أشياء محد يعرفها والله خلي اطكها طك بطك ايه تراا نعرفها هيه تسوي سحر وقبل شفنه سحر بعيونه ليش ساكتين ليششش
ايـه:وإذا ما حچت منو يكول انا سويت هيج ترى محد يكول انا حرامي وبكت
يمامه:أحاول أخليها تحچي
هزت آية رأسها بعدم اقتناع
ايه: يمامه... هاي مو لعبة لاتحركين روحج
يمامه:خيه جا نضل هيچ قابل شوفي انا خسرت ابني من وراها وره سحرهااا
ايـه:بس ليش بدون علمه ترحين تعرفين ضرغام مايحب الجذب واذا عرف طالعه من بيت بدون علمه لاتنسين اخر مره من طلعتي اهلج شسوه بيج
يمامه: خيه ضرغام لو يعرف مستحيل يخليني اروح لبيتها
ايـه:أكيد مايقبل
يمامه راح أروح من وراه والله وداعت أبني الي خسرته
ايه: رجلي ع رجلج والله
يمامه: لااا طبعاً إذا صار شي ما أريد أحد ينلام غيري واذا ماكتيلي انته ضرغام منين يعرف
هزت آيه رأسها بيأس
ايه
-والله ضرغام إذا عرف لله يستر من اللي راح يسوي انا بلغتج بعد
ضليت ساكته كملت الريوك واتصلت ع ضرغام اشوفه وين وشنو الوضع حته أروح
مارد عليه اتصلت ع اسعد جاوبني
يمامه:ها خويه شلونك زياره مقبوله
أسعد:هلابيج خويه قبل الله زرنا وندعينالچ
يمامه:وين ضرغام شنو الوضع فدوه طمني
أسعد: زرنـا وهسه السيد ودانه ع واحد من معارفه والله كريم أنشالله سهله لاتسوين شـي لو تسبقين حدث انتضري حته لاتتصلين لمن أنا اتصل عليچ
يمامه:بس ديري بالك ع ضرغام ترا يكضه ضهره
أسعد:بدون ماتوصين يله راح ادخل يمه
ضليت الوب الوب وققرت اروح صعدت فوك لبست عبايتي وحجابي واتصلت ع رنا حجيت كلشي الها
رنـا:يمامه حقچ بكلشي تسوي وخسرتي ابنج وهسه خسرتي اختج بس يمامه انتي طالعه بدون علم ضرغام ومانعرف عمته شسوي الچ والله ضرغام ياذيج
يمامه:لا انتي ولا ايه تحجون اله
فصلت الخط وايه ماراضيه ع طلعتي بس انـا تاذيت هواي واريد اوكف بوجهه تكرهني واطلع حكي من عينها .
ماكدرت حته اخابر سالم لان ماريد يتعاركون من وراي
بيت عمته ضرغام نفس المنطقه ٣فـرع رحت وأنا كلني ارجف ولبست نقاب ع وجهي حته محد يشوفني ويكل ضرغام شـي .
وانـا وصلت لباب رفعت النقاب
ودكيت الباب
وي فتحه الباب
اشوف عمه ضرغام وسـاره البنيه الدخيله طالعه من يم باب بيتها من شافتني أنصدمت وانـا نصدمت شجباها لبيت عمه ضرغام وشافتني بساع نزلت نقاب ودخلت وساره راحت بدون مانسلم
ضل الباب مفتوح وانا بالحديقه وطلع صوت عمه ضرغام
بـشرى:خيرچ شجابج لهنا يمرت ضرغام
يمامه:أريد أحچي وياچ وسمعيني الأخير
هذا ابن اخوج من لحمكم ودمكمم سويتي بي نعرفه لاحسبالج انا غشيمه لو ضعيفه حكي اخذه واطب بنص عينچ أبني ماتت بسبجج بس ضرغام ماسمحلچ تااااذي بعد
بشـرى:لا ترفعين صوتچ ببيتي يامرت الشيخ عشتو
يمامه:تعرفيني انـا مرت الشيخ ضرغام مو اي مره صدگي لو اعرف اخذ حكي منج ع حساب موتي وتريددده سوي بس الامام علي يوكف النه
بـشرى:اسمعيني زين لا تدخلي نفسچ بسوالف أكبر منچ وااذيچ
يمامه:إذا السالفة تخص ضرغام... فهي تخصني وانتي ماتكدرين تاذيني صدكي اندمچ
صرخت بوجهي
-لاما تخصچ
ابتسمت الها
يمامه:تخصني لأن انـا زوجته
أعرفج إنچ طول عمرچ ما تمنيتي الخير إله وتكرهي وتردين بس تأذي بس هيهات صدگي هيهااااتتت
بـشرى:انتبهي حجيج وياي
يمامه:أليوم انتي تسمعينييي وسكتينننن
بشـرى:ومنو إنتي حتى ترفعين صوتچ علي
يمامه :انـا مرت الشيخ ضرغام خليها بالج هاي حجايه
بشـرى:نعال مو شيخ
يمامه:"شيخ وأشرف من هواي ناس يدّعون الطيبة
بشـرى:اطلعي من بيتي قبل لا أندم إنـا فتحتلچ الباب
يمامه: راح اطلع بس صدكي افضحج كل الكل
طلعت من بيتها ورجعت نقاب وصلت لبيت وايه ترجف بمكانها
ايـه:ولججج ضرغام اتصل ألف مره الف مره ماجاوبت
يمامه:أي عادي نكله جنه ننضف
ايه:يمامه خاف دره بيج
يمامه:وين يدري هيه مستحيل تكله مرتك جانت يمي انا اعرف بس تعرفين شفت منو هناك
ايـه:منووو
دزلي أسعد رساله...
اسعد:احنه بطريق ألعصر نوصل
خفت ليش ضرغام مايرد ضليت الح واتصل يرفض بيه ادز رسايل مايجاوبني
يمامه:اتصلت عليه وجنت أنضف ملتهيه مساع مادري بتلفون ليش ماترد حبيبي
ضليت ادز وهوه يقره ومايرد
-والله بالي يمك لاتغلس ضرغام جنت انضف وايه تلفونها صامت عزلت الغرفه والبيت ونضفنا أنا وايـه .
وهوه مايرد عليه نزلت جوه وخايفه
وننتظرهم يجون صارت ساعه بـ٥ونص المغرب
دخل ضـرغام وسد ألباب واول مادخل صـاح
ضرغام: وينهاااا يمممماااااااااااممهه
ياترى شراح يسوي ضرغام عرف طالعه لو اكو شي ثاني خلاه يتسودن عليها شنو برئيكم
